Gruaja më e përfolur në botë. Sepse ishte e bukur, inteligjente, tepër e hijshme dhe njerëzore, shumë e adhuruar dhe e respektuar nga bashkëkohësit e saj.
Xhakonda, me gjithë thjeshtësinë dhe psikologjinë e dukshme, që shpreh gjithë pasurinë e madhe të botës së saj të brendshme, të ndjenjës së saj shpirtërore të jep të kuptosh se është një grua e hijshme aristokrate. Megjithatë është gruaja më e përfolur e shekullit XX, nga sharlatanët e këtij shekulli të quajtur shekulli “Modern”.

Por më në fund duket se është sqaruar gjithcka. Profesori Fiorentinas Xhuzeppe Pallanti, pas 25 vjetesh studime dhe eksplorime në kohë në arkivat e Firences, shpjegon se kush është Xhakonda apo Monaliza, e thënë ndryshe “Prima Dona”.
Profesor Xhuzeppe Pallani sqaron se, Xhakonda është vajza me emrin Liza Gherardini, ky është mbiemri i vajzarisë Ajo ka lindur në Firence me 15 Qershor tëvitit 1479.

Liza Gherardini
Liza ishte vajza e një pronari tokash që banonte në zonën e Chiantit ndërmjet Firences dhe Sienës. I ati i Lizës megjithëse zotëronte shumë toka, prapë nuk ishte shumë i pasur. Vajzës së tij të dashur, mendonte t’i jepte një burrë shumë të pasur, pasi ai kishte një vajzë të zgjuar, të mençur dhe të hijëshme. Megjithëse Liza ishte vetëm 16 vjeçe, babai mendoi për një martesë të vlefeshme me Francesko Del Xhakondo që atëherë ishte imperatori më i pasur dhe më me emër në të gjithë Firencen. Franceskos në atë kohë, në vitin 1495 sapo i kishte vdekur gruaja e tij që quhej Kamilla, dhe kishte lënë një fëmijë të vogël.

Liza, ishte një vajzë shumë e ëmbël, e thjeshtë dhe me një shpirt shumë të madh, ndaj arriti një harmoni të përsosur me bashkëshortin e saj Francesko, me gjithëse ishte 14 vjet më e vogël se ai.Fëmijën që gjeti nga martesa e parë e bashkëshortit të saj me Kamillën, ajo e deshi shumë dhe i shërbeu tamam sikur të ishte nëna e tij. Nga martesa e saj me Francesko Xhakondën ajo lindi tre fëmijë, dy djem dhe një vajzë. Vajzës së saj ajo i vë emrin Kamilla, në shenje respekti për të ndjerën, gruan e parë të bashkëshortit të saj. Francesko Xhakondo, e deshi aq shumë dhe e respektoi me mirënjohje, mirësinë dhe edukatën e gruas se tij Liza, sa edhe në testamentin e tij që i la pas vdekjes ai shprehet me një dashuri të paparë ku thote: “Ja lë këtë pasuri gruas sime të sinqertë me një shpirt hyjnor”.

Takimi me Davinçin
Por si e njohu i famshmi Leonardo Davinçi Xhakondën (Liza Xhakondon)?
Në vitin 1500 Leonardo Davinçi shpërngulet nga Milano dhe shkon për të punuar në Firence. Firence në atë kohë ishte një nga qytetet më të rëndësishme të Evropës, me një kulturë të madhe artistike dhe me aristokratët më të pasur të Italisë, një ndër ta ishte dhe Francesko Del Xhakondo, i cili njihej shumë mirë me artistin e madh që në atë kohë vuante shumë ekonomikisht. Një ditë vendosi t’i propozonte Leonardos që t’i bënte një portret gruas së tij të dashur Liza Xhakondës.

Thonë se Leonardo punoi rreth 4 vjet mbi të dhe kurrë nuk u kenaq, dhe e mori me vete këtë kuadër kur u shpërngul në Romë e më vone në Francë ku u vendos përfundimisht. Të vetmen gjë që kishte me vete ishte portreti i Xhakondës. Gjithashtu thonë në kronikat e kohës se Liza ishte shtatzënë me një nga fëmijët e saj, prandaj dhe duart e fytyrën i ka pak të enjtura.

Gjatë gjithë kohës ai nguli këmbë duke sajuar njëmijë arsye për të mos e dorzuar kurrë këtë portret që e dashuroi dhe e idealizoi me duart e tij që s’pushuan kurrë duke punuar mbi këtë portret gruaje, e duke na lënë një kryevepër botërore.

Buzëqeshja e përjetshme
Sharlatanët e botës moderne e përshkruajnë Leonardon si gej, dhe portretin si analogjia e tij. Por faktet tregojnë, se gjeniu Leonardo Davinçi u dashurua marrëzisht pas kësaj gruaje, dhe ishte e pamundur të zhvillonte lidhje të tjera të rëndësishme me të, për shumë shkaqe. Një shkak ishte miqësia me të shoqin,por ishin dhe shume arsye të fisnikërisë, të besnikërisë së saj ndaj të shoqit dhe arsye te tjera prë kohën.

Dashuria e tij do te mbetej vetëm tek shprehja dhe adhurimi për tërë jetën në portretin e gruas që e adhuroi aq shumë dhe e mbajti pranë tërë jetën e tij, pa e ndarë asnjë moment, derisa vdiq. Sot mbas Xhakondës është e dashuruar e gjithë bota.

Në muzeun e Luvrit, ku është vendosur portreti i saj, çdo ditë ka rradhë të pafundme njerëzish, ku të gjithë duan ta shikojnë. Të gjithë kanë nevojë për buzëqeshjen e saj, që shpreh shpirtin e madh përtej figurës dhe bukurisë trupore. Sapo dikush nga vizitorët shkëputet nga portreti dhe buzeqeshja e saj, mendon për kohën kur do të kthehet e ta shohë përsëri e përsëri…… buzëqeshjen e Xhakondës.

__________________
Be aware of what u do in the past, because of the future consequences!