Tokio, qyteti më i shtrenjtë në botë!

AlbShkodra · #1 26-10-2004, 21:48

Shkak për lëvizjen e nivelit të jetesës janë bërë luhatjet e mëdha të dollarit amerikan dhe euros

Vëzhgimi i përvitshëm e ka nxjerrë Bukureshtin si qytetin me nivelin më të lirë të jetesës në Europë

Edhe për këtë vit kryeqyteti i Japonisë, Tokio është renditur si qyteti me koston më të shtrenjtë të jetesës. Vëzhgimi i bërë nga Mercer Human Resource Consulting që ka pasur si qëllim identifikimn e qyteteve me nivel jetese më të lartë në botë ka nxjerrë përfundimin se Londra është zhvendosur pesë vende në renditje, duke u pozicionuar në vendin e dytë, e ndjekur nga Moska, e cila për vitin 2004 është zhvendosur një vend më poshtë. “Kanë ndodhur disa lëvizje dramatike këtë vit në renditjen botërore, të cilat janë shkak i luhatjeve të mëdha të monedhave, veçanërisht të dollarit amerikan dhe euros”, shprehet Marie-Laurence Sepede, drejtuese e kërkimeve pranë Mercer Human Resource Consulting. Me Nju Jorkun, marrë si qyteti bazë, me 100 pikë, Tokio ka mbledhur 130.7 pikë dhe jetesa aty është rreth tri herë më e kushtueshme se në Asuncion (Paraguaj), që ka një indeks prej 42.7 pikësh. Diferenca mes qyteteve më të shtrenjtë dhe atyre më të lirë është ngushtuar vetëm në përqindje këtë vit, me më pak se dy pikë krahasuar katër pikëve të vitit të kaluar dhe 15 pikëve në vitin 2002.

Vëzhgimi
Vëzhgimi përfshin 144 qytete dhe mat kostot krahasuese të mbi 200 artikujve në çdo lokalitet. Këtu përfshihen banimi, ushqimi, veshmbathja, mallrat shtëpiake si dhe transporti dhe zbavitja.
Për shembull, qiraja e një aparamenti luksoz me dy dhoma gjumi, i pakompletuar, në Londër kushton 1 950 paund në muaj, 840 paund (1 250 euro) më Dublin, 1 311 në Paris dhe 908 paund në Romë.*
Një vakt në fast-food në Dublin kushton 6.5 euro, që renditet i treti për nga shtrenjtësia në 144 qytetet e marra në vëzhgim. Kostoja në Nju Jork është 4.63 euro, Sidnei, 3.65 euro dhe në Pekin 1.93 euro.
Një kafe e shërbyer në tavolinë kushton 2.75 euro në Dublin dhe Nju Jork, 6.60 euro në Tokjo dhe 1.32 euro në Buenos Aires.

Europa
Londra është qyteti më i shtrenjtë europian, me 119 pikë. Niveli i lartë i akomodimit dhe kostot e transportit së bashku me vlerësimin e paundit kundrejt dollarit amerikan kanë shtyrë qytetin lart në renditje. Gjithsesi, Sepede shprehet se ”pikët janë bazuar në koston e jetesës për emigrantët, të cilët janë të lokalizuar në Londrën Qendrore, ku akomodimi është më i shtrenjtë”. Gllasgou dhe Birmingami renditen më poshtë në renditjen britanike, përkatësisht në vendin e 41 dhe 51 me nga 84.1 dhe 82.8 pikë. Pas Londrës, Gjeneva është qyteti i dytë më i shtrenjtë europian, e pozicionuar në vendin e gjashtë në renditjen botërore me 106.2 pikë, ndjekur nga Kopenhagen në vendin e tetë me 102.2 pikë. Të tjerë qytete në toplistë janë:Zyrihu në vendin e nëntë me 101.6 pikë, Milano në vendin e 13-të me 98.7 pikë, Dublini në të 14-in me 96.9 pikë, Oslo e 15-ta me 96.2 dhe Parisi në vendin e 17-të me 94.8 pikë. Sepeded komenton se “që nga hedhja në qarkullim e monedhës së përbashkët, euro, shumë qytete europiane kanë pësuar ngritje në renditjen botërore”.

Ekstremi
Në ekstremin tjetër, tre nga pesë qytetet më të lira europiane u përkasin vendeve që u anëtarësuan në BE majin e shkuar. Bukureshti është qyteti më i lirë europian, i renditur në vendin e 129-të me 60.1 pikë, dhe Limasoli i Qipros, që ndodhet në vendin e 95-të me 70.3 pikë. Sipas Sepede, në të ardhmen pritet që këto qytete të ngrihen në renditje, për shkak të rritjes së investimeve në sektorin e tregtisë dhe rritjes së standardeve të jetesës”.

SHBA dhe Kanadaja
Nju Jorku mbetet qyteti më i shtrenjtë në Amerikën e Veriut, duke u pozicionuar në vendin e 12-të, me 100 pikë. Në qytetet e shtrenjta përfshihen Los Anxhelos, i 27-ti me 86.6 pikë. Çikago renditet në vendin e 35-të me 84.5 pikë dhe San Francisko i 38-ti me 84.3 pikë. Pitsburgu është qyteti më i lirë nga qytetet e Amerikës së Veriut, i renditur në vendin e 112-të me 66.5 pikë. Të gjitha qytetet e SHBA-së kanë pësuar rënie në renditjen botërore, si shkak i zhvlerësimit të dollarit kundrejt monedhave.
“Diferencat në koston e jetesës brenda qyteteve amerikane krahasuar me metropolet e tjera në botë mund të jenë më të mëdha, kjo për shkak të variacioneve në kostot e akomodimit”, shprehet Sepede.
Gjithashtu kostoja e jetesës në qytetet kanadeze ka pësuar një rritje, duke bërë kështu që ato të pësojnë një ngritje në renditjen botërore, si shkak i forcimit të dollarit vendës. Toronto është pozicionuar në vendin e 89-të me 71.8 pikë, duke u bërë kështu më e shtrenjtë se shumë metropole të Shteteve të Bashkuara. Otava është qyteti më pak i shtrenjtë kanadez, duke u renditur në vendin e 124 me 62.6 pikë.

Amerika Latine dhe Qendrore
Që nga zhvlerësimi i monedhës argjentinase në 2002-in dhe krizave të vazhdueshme financiare, qytetet në Amerikën Latine janë bërë ndër më të lirat e vëzhgimit. Asunsion zë vendin e fundit në renditjen globale, i 144-ti me 42.7 pikë. Qytete të tjera të lira janë Montevideo, Buenos Aires dhe Bogota përkatësisht në vendin e 143 (47.2 pikë), 141 (47.7 pikë) dhe 139 (48.6 pikë). Në ekstremin tjetër është kryeqyteti i Perusë, Lima, që konsiderohet si qytet më i shtrenjtë në Amerikën Latine e pozicionuar në vendin e 118 me 63.6 pikë.
San Huan në Porto Riko është qyteti më i shtrenjtë në Amerikën Qendrore dhe Karaibe, i renditur në vendin e 65-të me 77.9 pikë. Santo Domingo në Republikën Domenikane është më i liri, në vendin e 142-të me 47.3 pikë, kjo si shkak i zhvlerësimit të monedhës vendase, inflacionit të lartë dhe krizave bankare që goditën këtë vend vitin e shkuar.

Azia
Katër ndër qytet më të shtrenjta të botës ndodhen në Azi, me Tokion, e cila renditet për disa vite radhazi në toplistë, si qyteti më i shtrenjtë në botë. Osaka qëndron në vendin e katërt me 116.1 pikë e ndjekur nga Hong Kongu në të pestin me 109.5 pikë dhe Seuli në vendin e shtatë me 104.1 pikë. Qytetet kineze megjithë shpenzimet e vazhdueshme, kanë rënë nga klasifikimi aziatik, pas mbivlerësimit të monedhës vendëse kundrejt dollarit amerikan; Pekini pozicionohet në vendin e 11-të me 101.1 pikë dhe Shangai në të 16-in me 95.3 pikë.

Australia dhe Zelanda e Re
Siç edhe shihet nga tabela qytete australiane kanë pësur një ngritje në renditjen botërore, si shkak i forcimit gjatë këtij viti të monedhës vendëse ndaj dollarit amerikan. Sidnei është qyteti më i shtrenjtë në Australi dhe rajon, duke “kërcyer” nga vendi i 67—të në 2003-in, në të 20-in këtë vit me 92.8 pikë. Të tjerë qytete me pikë të larta janë edhe Melburni dhe Brisbein, përkatësisht në vendin e 67-të (77.5 pikë) dhe 87-të (72.7 pikë). Aukland është qyteti më i shtrenjtë i Zelandës së Rë, i renditur në vendin e 80-të me 74.2 pikë. Megjithëse kanë pësuar ngritje në renditjen globale si qytete të shtrenjtë, ato pozicionohen ndër qytetet me cilësinë më të lartë të jetës.

-Tokio dhe Londra janë dy qytetet më të shtrenjtë në botë, ndërsa Asunsion i Paraguajt është më i liri.
-Tre nga pesë qytetet më të lira europiane u përkasin vendeve të cilat hynë në maj në familjen e përbashkët europiane.
-Dublini renditet i katërti, si qyteti më i shtrenjtë në 25 vendet e BE-së.
-Qytetet australiane dhe neozelandeze u ngritën shumë në renditje, pas vlerësimit të monedhave vendase kundrejt dollarit amerikan

Alternativa Teme
Tregoni Versionin e Pritueshem Dergojeni kete faqe me Email
Vleresojeni kete Teme
Vleresojeni kete Teme:

Tema te ngjashme
Tema	Filluesi i temes	Forumi	Pergjigje	Postimi i Fundit
Do T'ju Bie Ndërmend çka Po U Them	Muslimani	Kurani dhe Jeta	5	05-06-2008 22:06
Qëllimi dhe kuptimi i fesë - besimit	Sabahi	Teologjia	0	05-01-2008 11:26
Peja nje nga qytete me te vjetra ne Kosove!	informuesi	Guida dhe udhetime Turistike	1	30-01-2007 08:43
Berati, qyteti i vetëm ku Gjergj Kastrioti u thye nga turqit	Poseidoni	Historia	0	12-02-2006 03:53
Historia e Shqiperise - ILIRET	AlbShkodra	Historia	29	25-10-2003 00:05