Shkencetaret po shqyrtojne te dhenat e derguara nga nje rakete e leshuar vjet nga NASA dhe qe tani po rrotullohet rreth Marsit.

Ata thone se pikerisht nen siperfaqen e planetit te kuq ka shtresa akulli, i cili mund te sherbeje per uje te pijshem dhe karburant raketash per eksploruesit. Akulli perforcon mundesine qe dikur ne Mars te kete patur jete.

Zbulimet bazohen ne te dhenat e perpiluara nga anija hapesinore Odissey e NASA-s e cila po sillet rreth Marsit ne kuader te nje misioni per te kerkuar shenja uji dhe lendesh te tjera kimike. Ne nje studim te Universitetit te Arizones, studiuesit njoftuan se nje spektrometer me rreze gama ne bordin e anijes kishte zbuluar perqendrim te larte hidrogjeni ne polet e planetit.

Ekspertet besonin prej kohesh se Marsi dikur ka patur liqene dhe lumenj dhe i ngjasonte me shume Tokes. Uji eshte zhdukur ne fazat e para te historise se planetit dhe shkencetaret kane shtruar pyetjen se ku ka shkuar ai. Studimet e reja i hapin rruge idese se uji ka filtruar nen siperfaqe dhe eshte ngrire.

Instrumentet e anijes zbulojne prova te pranise se ujit duke matur reaksionin e rrezeve kozmike kur ato hasin ne siperfaqen e Marsit. Provat e reja e mbeshtesin idene e nje sasie shume te madhe uji ne Mars dhe shkencetaret thone se kjo do ta lehtesonte eksplorimin e planetit te kuq.

Prania e sasive te medha te ujit perforcon gjithashtu mundesine se jeta, ndoshta ne nivel mikrobesh, ka ekzistuar dikur ne Mars dhe mund te jete ende e pranishme atje, ne depozitat e ujit nen siperfaqe.