Një dëshmitar i aksidentit me makinë që shkaktoi vdekjen e princeshës Diana në Paris në vitin 1997 përjashtoi tezën e komplotit, duke u shprehur për të përditshmen "Daily Mail" se nuk kishte asnjë makinë tjetër në çastin e aksidentit.

Sipas këtij gazetari, dëshmia vjen nga shoferi i një makine që ndodhej përpara "Mercedesit" të princeshës kur ajo u përplas me një shtyllë në një tunel nën urën Alma, në kryeqytetin francez. Dëshmia e Mohamed Mexhahdi mund t'i jetë dërguar nga policia franceze hetuesve britanikë që po shqyrtojnë përsëri ngjarjet përpara vdekjes së princeshës, të mikut të saj Dodi Fayed dhe të shoferit Henri Paul, thekson "Daily Mail". Mexhahdi, shoqja e të cilit ndodhej gjithashtu në makinë, i tregoi gazetës se Mercedesi i Dianës "rrëshqiti duke humbur kontrollin" dhe duke ardhur me rrëmbim drejt tij. Ai e kishte shtuar shpejtësinë për t'i shpëtuar kësaj përpara se ajo të përplasej me muret e tunelit. "Kjo shkaktoi një zhurmë të tmerrshme, si një bombë që shpërtheu, e amplifikuar dhe që jehoi në tunelin e nëndheshëm", tregoi dëshmitari. "Edhe sot e kësaj dite, pasi kanë kaluar gjashtë vjetë, nuk mund ta shkul nga kujtesa atë pamje dhe atë tingull që më zhurmon në kokë. Mund të dëgjoj akoma gërvishtjet e frenave", tregoi ai. Dëshmitari këmbënguli në faktin se nuk kishte makina të tjera ose fotografë kur ndodhi aksidenti. "Jam plotësisht i bindur, i qartë dhe i sigurt se ishte një tragjedi, por ishte edhe një aksident", shtoi ai.

__________________
Nobody is perfect ...