Kuriozitete, kuriozitete

timetraveler · #1 28-04-2008, 19:14

Portugalia është shteti që prodhon më së shumti tapa në botë. Ato janë zbuluar dikund në vitin 1600 nga Don Perignon.
Në turneun e Wimbeldon-it mesatarisht përdoren rreth 42 mijë topa dhe luhen rreth 650 lojë.
Flamuri i Lojërave Olimpike është krijuar në vitin 1914 nga vet themeluesi i këtyre lojërave Pierre de Coubertin. Për herë të parë ky flamur përdoret në vitin 1920 në Antwerp (Belgjikë).
Hoteli më i shtrenjtë në botë është “The Plaza” në New York. Një natë në suitën presidenciale të këtij hoteli kushton 15.000 dollarë amerikanë.
Sipas disa të dhënave, paratë në formë të kartëmonedhave për herë të parë janë përdorur nga dinastia Song (960-1279) në Kinë.
Lakuriqët lindin vetëm nga një foshnje në vit.
Milingonat nuk flejnë kurrë.
Ushunjëza kur kapet në trupin e një gjitari mund të furnizohet me gjak sa tri herë trupi i saj. Me këtë gjak ajo mund të mbijtojë rreth një muaj.
Merkuri është i vetmi metal që është në gjendje të lëngshme në temperaturë të dhomës.
Mollat janë më të suksesshme për të larguar gjumin në mëngjes se sa kofeina që gjendet në kafe.
Shkrimtarja më e lexuar në botë është Agata Kristi e cila 74 romanet e saj i shiti në dy miliardë kopje dhe të cilat u përkthyen në 44 gjuhë të ndryshme të botës.
Fotografia e parë me ngjyra është bërë në vitin 1861 nga James Maxwell, ku mund të shihet një kordele ngjyrë vjollcë.
Mjeti më i gjatë i udhëtimit i prodhuar deri më tani në mbarë botën është treni “Arktik”. Ai është i gjatë 174 metra dhe ka 54 rrotë.

timetraveler · #2 25-05-2008, 20:30

Frutat e kivit mund t’ju ndihmojnë të shihni më mirë. Kjo pemë me push është burim jashtëzakonisht i mirë i luteinës, një anti-oksidues i cili i mbron sytë tuaj.
Duhet të hani akullore për të pasur flokë të shkëlqyer. Disa lugë të akullores mund të bëjnë çudi për dukjen e bukur të flokëve falë nivelit të lartë të vitaminës B2 në akullore.
Panda e porsalindur është më e vogël se sa një mi dhe peshon vetëm 113 gramë.
Luanesha zë më shumë se 90% të gjahut, kurse luani thjesht parapëlqen të pushojë.
Pinguinët kanë një organ të posaçëm, i cili e transformon ujin e njelmët në ujë të pijshëm. Sipas të gjitha gjasave, pinguinët kanë një gjëndër afër sqepit të tyre, i cili e filtron ujin e njelmët dhe kur të mbushet kjo gjëndër, pinguini do ta përplasë sqepin e tij në një shkëmb në mënyrë që ta pastrojë këtë gjëndër nga kripa.
Një qerpik jeton rreth 5 muaj.
Biskotat e fatit në të vërtetë janë zbuluar në Amerikë në vitin 1918 dhe ato i ka zbuluar Charles Jung!
Për të prodhuar një kavanoz të gjalpit të kikirikëve prej rreth 340 gramëve, nevojiten 548 kikirikë.
Topi i hokejit peshon rreth 170 gramë.
Në një Olimpiadë ndahen rreth 1800 medalje.
Materialet “denim” dhe “jeans” u prodhuan në Evropë në fund të shekullit të 16-të.
Brusha e dhëmbëve u zbulua në vitin 1498.
Avokadot mund t’ju disponojnë. Këto pemë të gjelbra mund t’ju gjallërojnë duke e ngritur nivelin e hormonit serotonin, i cili mund t’ju ndihmojë për ta mposhtur depresionin.
Për të fituar një disk të artë, një album duhet të shitet në 100,000 kopje në Britani dhe 500,000 kopje në SHBA.
Irlanda është vendi i cili ka fituar shtatë herë në Garën për Këngën e Evrovizionit.
Fjala enciklopedi rrjedh nga dy fjalë greke të cilët përkthehen si “një rreth i dijes”.

timetraveler · #3 13-06-2008, 17:42

Femra më e gjatë në botë është Sandy Allen. Ajo është e gjatë 2.35 m.
Gottlieb Daimler e ka shpikur taksin e parë në botë në vitin 1897. Ky taksi quhej Daimler Victoria dhe kishte taksimetër.
Biçikleta e parë, e cila është konstruktuar në vitin 1817 nga Baron Von Drais nuk ka pasur pedale. Njerëzit thjesht e drejtonin këtë biçikletë duke ecur. Më pas, në vitin 1865, pedalet iu shtuan kësaj biçiklete dhe kështu njerëzit filluan ta ngisnin biçikletën. Biçikletat bëheshin nga druri.
Enciklopedia më e vjetër e cila ekziston sot është shkruar në shekullin e parë nga një dijetar romak, i quajtur Plini i Vjetër. Kjo enciklopedi quhej Historia natyrore dhe përbëhej nga 37 vëllime.
CD-ja është shpikur nga Philips dhe Sony në vitin 1980.
Makina e shkrimit është shpikur nga hungarezi Qwert Yuiop, i cili e la “nënshkrimin” e tij në tastierë.
Nëse i ndani flokët në anën e djathtë, atëherë keni lindur si mishngrënës. Nëse i ndani flokët në anën e majtë, atëherë konstrukti i juaj fizik dhe psikologjik anon kah vegjetarianët.
Peshkaqenët nuk kanë fshikëza të ajrit, prandaj duhet të notojnë vazhdimisht përndryshe do të fundoseshin.
Topi i futbollit i ka 32 panele.
Fasulja e kuqe ju ndihmon të dukeni më të ri. Ministria e Bujqësisë së Shteteve të Bashkuara të Amerikës e ka radhitur fasulen e kuqe në vendin e tretë si artikull ushqimor, të pasur me antioksidues.
Konet e akullores janë shërbyer për herë të parë në vitin 1904 në panairin e qytetit St. Louis, MO. Numri i patentës në SHBA ishte 3,477,070.
Shimpanzetë mund të mësojnë ta njohin vetveten në pasqyrë, kurse llojet e tjera të majmunëve nuk mund ta bëjnë një gjë të tillë.
Kanguri i porsalindur është aq i vogël sa mund të vendoset në një lugë të çajit.
Produkti i parë i cili ka pasur barkod ka qenë çamçakëzi i firmës Wrigley’s.
Qumështi i lepurit është qumështi me më shumë kalori në mesin e të gjithë gjitarëve.
Për dallim prej njerëzve, kanarinat mund t’i rigjenerojnë qelizat e tyre të trurit.

Alternativa Teme
Tregoni Versionin e Pritueshem Dergojeni kete faqe me Email
Vleresojeni kete Teme
Vleresojeni kete Teme: