Pse ora është e ndarë në 60 min dhe pse minutat janë të ndarë në 60 sek?
Të parët që e organizuan kohën në këtë mënyrë që është dhe sot kanë qenë babilonasit. Falë tyre viti ishte ndarë në 12 muaj sipas 12 fazave hënore dhe ishte logjike që dita dhe nata të ndaheshin secila në 12 orë duke korresponduar me të 12 fazat e vitit. Presupozohet se kanë qenë po babilonasit ata që e kanë ndarë orën në 60 minuta dhe minutat në 60 sekonda sepse 60 ishte numri më i madh të cilit babilonasit i kishin dhënë një emër.(sistemi gjashtëdhjetor)

Ora dhjetore. Në 1793 u bë një tentativë për të përdorur sistemin dhjetor dhe për orën dhe minutat. Këshilli i Republikës francese vendosi që ditnata të ndahej në 20 orë me nga dhjetë orë secila. Çdo orë të ndahej në 100 minuta dhe çdo minutë në 100 sekonda. Ky sistem filloi në përvjetorin e themelimit të republikës. Viti ishte i përbërë nga 12 muaj me nga 30 ditë dhe 5 ditë shtesë që nuk bënin pjesë tek asnjë muaj në veçanti. Reforma ndikoi dhe në organizimin e javës po në favor të dekadës, tre dekada (tre javë me nga dhjetë ditë secila) bënin një muaj. U prodhuan dhe ora me ndarje dhjetore por pas 13 vjetësh në 31dhjetor 1805 Napoleoni e hodhi poshtë reformën duke e kthyer gjithçka në normalitet. Ora dhjetore u propozua përsëri në 1998 nga Swatch që e quajti Beat për të matur kohën në internet. Dhe ky eksperiment nuk ka funksionuar.

Sa gjuhë fliten në botë?
Aktualisht rreth 6700 më të folurat janë: kinezçja mandarinë, anglishtja, hindishtja/urdu, spanjishtja, rusishtja, arabishtja, portugalishtja, indonezishtja, japonishtja. Përqëndrimi më i madh i gjuhëve të folura gjendet në zonën e Planetit ku ka ka larmi më të madhe kafshësh, bimësh dhe ambientesh. Në pyjet tropikale që zënë rreth 7 për qind të sipërfaqes së tokës ka 36 për qind të grupeve etnolinguistike të botës. Duke parë gjendjen e dhjetvjeçarëve të fundit, brenda shekullit 21 mund të shuhen 90 për qind e gjuhëve të folura.

Është e vërtetë që demi tërbohet kur shikon mantelin e kuq?
Demi nuk është i aftë që të dallojë ngjyrat sepse syve të tij i mungojnë qelizat nervore të retinës të afta për të dalluar ngjyrat nga njëra tjetra. Vrapon i tërbuar drejt mantelit të kuq të toreadorit i nxitur nga instikti dhe nga lëvizjet e kundërshtarit të tij. Por egziston dhe një rracë demash e quajtur Brava e cila gjendet vetëm në Spanjë dhe ushtrohet për të manifestuar forcë dhe agresivitet. Zotësia e toreadorit që paguhet 25 mijë euro për garë qëndron në shpërqëndrimin e kafshës që peshon 500 kg duke e rrotulluar mantelin me lëvizje specifike.

A provojnë kafshët kënaqësi seksuale?
Ashtu si tek qëniet njerëzore dhe tek kafshët akti seksual provokon kënaqësi. Të paktën tek vertebrorët meshkuj dhe femra. Kënaqësia është një strategji e natyrës për t’u siguruar që do të ndodhë riprodhimi. Në të vërtetë çiftëzimi kërkon një investim të madh energjik (kërkimin e një femre, ardhjen rrotull saj dhe si përfundim kryerjen e aktit seksual). Sigurisht që tek kafshët nuk ka një kënaqësi koshiente po vetëm një kënaqësi instiktive të pulsionit seksual. Të dy sekset në çiftëzimin e tyre investojnë në mënyra të ndryshme nga pikpamjet, mundësitë dhe nga përfitimet e tyre. Mashkulli që ka më shumë spermatozoide është më i ndjeshëm ndaj stimulimeve dhe nuk e ka të fortë kriterin e përzgjedhjes, ndërsa femra që ka më pak ovula i investon ato në mënyrë më të matur duke hedhur gjithçka në pak çiftëzime, por me meshkuj të një vlere të sigurtë.

Përse qarkullimi hekurudhor është në anën e majtë?
Sepse hekurudha e parë lindi në Angli ku për analogji u adaptua dhe për trenat qarkullimi në anën e majtë që përdorej për trafikun rrugor. Hekurudha e parë e njohur i përket vitit 1801 ndërsa lokomotiva e parë e shpikur nga George Stephenson kaloi mbi binarë mes Stokolmit dhe Darlingtonit në 1825. Gjermanët kundërshtuan. Shumë vende evropianë mes tyre dhe Italia dhe Franca adaptuan për hekurudhat e tyre qarkullimin në të majtë dhe pse karrot dhe karrocat në rrugë ecin në anën e djathtë. Në fillim të erës së rrotullimit, e gjithë teknologjia hekurudhore angleze u adaptua dhe në Evropë deri tek distanca e ndërmjet shinave të trenit prej 1435 milimetrash. Vetëm disa shtete si Gjermania dhe Austia vendosën që t’i lënë trenat të lëvizin në anën e djathtë.

Përse gjarpërinjtë ndërrojnë lëkurë?
Substanca nga e cila është bërë shtresa e sipërme e epidermës së lëkurës së gjarpërinjëve nuk është elastike dhe nuk rigjenerohet me kalimin e kohës; kur gjarpërinjtë rriten, lëkura e tyre bëhet si një veshje e ngushtë për ta. Gjarpërinjtë bëjnë një ndërrim të plotë të lëkurës në periudha të cilat variojnë nga 6 muaj në një vit sipas llojit të tyre. Disa ditë para se të ndërrojnë lëkurë këto kafshë humbin oreksin, bëhen gjaknxehtë dhe përpiqen të qëndrojnë pranë ujit sepse duke ndërruar lëkurë preferojnë dhe një larje. Nën lëkurën e vjetër formohet dhe një shtresë tjetër që është lëkura e re dhe në momentin e duhur gjarpërinjtë e çajnë lëkurën e tyre tek koka dhe fillojnë ta shtyjnë pas duke u zvarritur pas tokës. Lëkura e butë rrëshket dhe duke mos patur këmbët si pengesë, arrin të largohet e plotë nga trupi i gjarpërit. Një gjarpër Indigo duke dalë nga lëkura e tij. Është një nga gjarpërinjtë më të gjatë të kontinentit amerikan dhe mund ta kalojë gjatësinë prej 2 metrash e gjysmë.

Flokët dhe thonjtë rriten më shumë gjatë periudhave të caktuara?
Ritmet e rritjes së flokëve janë shumë të ndryshueshme në periudha të caktuara, ndërsa me thonjtë nuk ndodh e njejta gjë. Në ndryshim me sa ndodh tek kafshët, që humbasin shtresa të lëkurës gjatë stinës së ngrohtë duke mos qenë të detyruar që të mbrohen nga i ftohti, tek njerëzit është vënë re një rritje më e shpejtë e flokëve në periudhën e ngrohtë dhe në veçanti në periudhën e korrikut. Ky fenomen në përgjithësi është më i dukshëm tek femrat se sa tek meshkujt dhe akoma nuk ka arritur të zbulohet se pse ndodh dhe pse dihet që një rol të rëndësishëm luan dhe temperatura. Ritmet e rritjes së flokëve nga ana tjetër janë të influencuar nga shumë faktorë si: hormonet, mosha, gjendja e organizmit. Në kushte normale rreth 120 mijë fijet e flokut që ka mesatarisht një njeri në kokë rriten rreth 1.2 cm në muaj. Ndërsa rritja e thonjëve varet nga ushqimi dhe aspak nga stinët. Thonjtë zgjaten mesatarisht 3 milimetra në muaj.

Për sa kohë mund të jetohet pa fjetur?
Studimi shkencor i gjumit vitet e fundit ka qenë shumë intensiv dhe pse rezultatet e disa studimeve kanë qenë të kundërta. Është e qartë tashmë që një person mund të vetëvritet duke refuzuar të hajë dhe të pijë por dhe personi më stoik nuk është në gjëndje që të rrijë pa fjetur pafundësisht. Nevoja për gjumë shpejt a vonë do të vijë me gjithë sforcot e individit për të rezistuar. Mungesa e gjumit sipas disa studimeve provokon rrjedhoja psikologjike. Sipas studimeve të bëra, një numër i madh individësh që kanë qenë të detyruar të qëndrojnë pa fjetur kanë patur shqetësime të mëdha të personalitetit të tyre.
Zgjuar për 264 orë. Disa studime gjithnjë me bazë empirike në të kundërt mbështesin se simptomat psikologjike që vërehen tek personat e pagjumë janë rezultat i stresit dhe jo i mngesës së ndonjë funksioni thelbësor të zhvilluar nga gjumi. Një provë është që në 1966 17 vjeçari Randy Gardner qëndroi zgjuar për 264 orë duke mos treguar asnjë simptomë psikotike. Pas kësaj ai fjeti për 15 orë dhe kur u ngrit ndjehej mirë.

Përse ndonjëherë kur jemi në gjumë na duket se do të biem?
Ndjenja e rënies mund të interpretohet në mënyra të ndryshme sipas fazave të gjumit gjatë të cilave përjetohet kjo ndjenjë. Në qoftë se përjetohet në fazën e përgjumjes është një eksperiencë e shkaktuar nga hedhja në momentin e kalimit nga faza kur jemi zgjuar në atë të gjumit, kur organizmi kryen një proces gradual të ndërprerjes së sinjaleve të ndjeshmërisë dhe të funksionimit të muskujve. Në momentin që percepton boshatisjen personi përjeton një eksperiencë të kaluar më parë kur ka qenë zgjuar si rënia nga një shkallë, nga një karrige apo nga një lartësi më e madhe. Veç ndjenjës së rënies kjo mund të shoqërohet dhe me imazhe apo aluçinacione. Lodhja e vazhdueshme apo ankthi mund t’i favorizojnë këto ndjenja.
Ndjenja e rënies mund të provohet dhe gjatë fazës REM kur personi është tërësisht në një gjumë të thellë, kur trupi është tërësisht i palëvizëshëm dhe i paraziluar dhe ëndrrat janë më “të gjalla”. Në këtë rast domethënia nuk është fiziologjike dhe për ta interpretuar duhet të studiohet profili i plotë psikologjik i personit që e përjeton këtë ndjenjë.

Ekziston një lidhje e drejtëpërdrejtë mes stresit dhe toksikodipendencës.
Këto janë rezultatet e një studimi në USA të realizuar nga një neurofiziolog italian: ka arritur të zbulojë mekanizin neurologjik që shtyn ata që ndihen nën stres të kërkojnë lehtësim tek alkooli dhe droga.

MILANO – Stresi mund të çojë në toksikodipendencë, madje sipas një studimi, egziston një lidhje e drejtëpërdrejtë midis tyre. Antonello Bonci, neurofiziolog dhe docent në University of California të San Francisco, ka arritur të vërtetojë në sajë të studimeve këtë hipotezë. Dhe jo vetëm kjo por dhe mekanizmat të cilët janë përgjegjës për pamundësinë e largimit dhe ndërprerjes së drogës apo alkoolit janë po të ndikuara nga stresi. Stresi përdor një lloj kalimi të preferuar për të stimuluar një zonë të veçantë të trurit, aktiviteti i së cilës është i lidhur me sjellje të varura. Karakteristikat e kësaj zone specifike ishin të dituar por vetëm tani është bërë i qartë aktivizimi i saj. Studimet, sipas Boncit, tregojnë që Crf (i pranishëm në sasi të mëdha në të gjithë sistemin nervor qëndror, por me nivele të ndryshueshme tek ata që vuajnë nga depresioni dhe sëmundje si sikicofrenia apo sëmundja e Alzheimerit. Deri tani është menduar që është Crf që kishte një rol kryesor në përgjigjen kimike celebrale të lidhur me stresin) është një proteinë që formon një kompleksitet i cili stimulon receptorë të caktuar të qelizave nervore në zonën e caktuar me të cilën lidhet ky aktivitet i varësisë nga alkooli, droga, bulimia dhe sëmundje apo varësi të tjera. Pas disa vjetësh mund të mendohet për një grup të ri medikamentesh të cilat nuk do të shërbejnë vetëm për të luftuar toksikodipendencën.

19 gusht 1839 Të pikturosh me dritën
“Që sot piktura ka vdekur” deklaroi një artist dhe ishin të shumtë ata që e menduan kur shkenctari dhe piktori frances Louis Jacques Mandé Daguerre prezantoi në institutin e Francës teknikën e tij për të riprodhuar imazhin. Quhet dagherrotipia dhe është metoda e parë praktike e përdorur për të realizuar një fotografi. (fotografia e parë është realizuar nga Joseph-Nicéphore Niepce në 1926-1927,por ishte e një cilësie shumë të dobët dhe kërkonte rreth 8 orë ekspozimi). Zbulimi i Daguerre u bë në mënyrë të rastësishme. Shkenctari e kishte përftuar imashin me një ekspozim të shkurtër në dritë, por duhet të gjente mënyrën për ta fiksuar tek lastrat me kripra argjendi. Një mbrëmje i lodhur nga eksperimentet e tij shkoi të flinte duke e vendosur lastrën me imazhe akoma të pafiksuara në një dollap ku mbante shishe të vogla me substanca kimike të ndryshme. Mëngjesin tjetër mori lastrën nga dollapi me bindjen se imazhi ishte zhdukur ndërsa në të vërtetë i çuditur zbuloji se imazhi ishte fiksuar në lastër. Gjatë ditëve të ardhëshme e përsëriti eksperimentin duke përdorur në lastër të gjitha kimikatet që kishte pasur në dollap. Vetëm kështu arriti të zbulojë se kishin qenë avujt e mërkurit ato që kishin fiksuar imazhin mbi lastër.

Planeti më antik
I zbuluar nga teleskopi spacial Hubble, planeti ka një seri karakteristikash absolutisht të jashtëzakonshme. Para së gjithash është planeti më antik i zbuluar deri më sot. Duhet të ketë të paktën 13 miliardë vjet dhe ka egzistuar shumë më përpara se sa kanë menduar astronomët. Kjo sepse drita që vjen nga ky planet ka arritur pas 13 miliardë vjetësh. Hipoteza që duhet të ribëhen. Si planeti ashtu dhe yjet janë në brendësi të një grupi globular të quajtur M4; ashtu si dhe grupet e tjera ky është i varfër me elemente, për këtë astronomët mendonin se nuk ishin të mundura formacionet e planeteve. Planeti i sapozbuluar e përgënjeshtron këtë hipotezë, ashtu si dhe atë që ishte e pamundur lindja e planeteve të rinj në në miliardvjeçarët e parë të universit. Planeti ka një masë 2 herë e gjysmë më të madhe se ajo e Jupiterit dhe është demostrimi që lindja e trupave qiellorë rreth yjeve nuk është një proçes aq i rrallë sa mendohej apo proces që duhet të ndodhë patjetër në zona të pasura me elementë të rëndë. Kështu rriten mundësitë për të qënë më i madh numri i planeteve në të gjithë universin nga ç’kanë parashikuar deri tani astronomët. Megjithatë numri i planeteve në të cilët është e mundur lindja e jetës është gjithmonë i pakët.

Lentet e kontaktit kurative për të shëruar miopinë.
Duke u vendosur gjatë natës janë në gjendje të modifikojnë sipërfaqen e korneas duke korrigjuar difektet e të parit. Këto lente janë eksperimentuar me sukses në Shtetet e Bashkuara të Amerikës dhe shumë shpejt pritet që të vijnë dhe në Itali.
MILANO – Lajme të mira për miopët. Janë në arrdhje lentet e kontaktit kurative. Duke u vendosur gjatë natës kur sytë janë të mbyllur dhe flihet janë në gjendje që të korrigjojnë difektet e të parit duke modifikuar sipërfaqen e korneas. Kufizimi i vetëm që egziston për përdorimin e këtyre lenteve është se mund të vendosen vetëm nga ata që vuajnë nga një miopi e lehtë. Kjo arritje është konsideruar nga specialistët okulistë si një revolucion i vërtetë për miliona persona që vuajnë nga ky shqetësim dhe që janë të detyruar që të mbajnë syze përgjatë gjithë jetës, lente kontakti apo t’u nënshtrohen dhe rrezeve lazer . Teknika në të cilën janë bazuar lentet e reja, e quajtur ortokeratologji është aprovuar tashmë në Shtetet e Bashkuara nga Food and Drug Administration dhe është përdorur në mënyrë sporadike në disa vende evropiane si në Hollandë dhe në Britaninë e Madhe. Specialistet thonë se sistemi i ri duhet parë me besim pasi funksionon në të njejtën mënyrë si aparatet e dhëmbëve. Lentet janë të rrumbullakta si lentet normale por që vendosen në sy me një kënd të veçantë duke qenë se në qendër janë të sheshta. Me kalimin e kohës, ashtu siç ndodh dhe me aparatet që drejtojnë dhëmbët dhe sipërfaqja e korneas do të modifikohet. Ndërkohe lentet e kontaktit normale vetëm në Itali përdoren nga 2 milionë persona që janë pjesa më e madhe të rinj. Më të përdorurat janë ato me përdorim të përditshëm ( rreth 90 për qind e konsumatorëve) më pas vijnë lentet e përdorura për presbiopinë lentet bifokale dhe ato që janë tërësisht për qëllime estetike si për të ndryshuar ngjyrën e syve. Por specialistët këshillojnë për një kujdes shumë të madh në përdorimin e lenteve normale të kontaktit pasi sipas statistikave një përdorues i lenteve të kontaktit ka riskun që të paktën një herë gjatë përdorimit të tyre të këtë një infeksion apo një traumë të syrit në momentin e vënies.

Microsoft mbyll komunikimin me chat
Duke filluar që nga 14 tetori Msn do të mbyllë të gjitha dhomat e bashkëbisedimit në Evropë. Specialistët deklarojnë se janë bërë terren për shpërndarjen e spamming".
MILANO – Siti është Msn.it, në linjën internet të Microsoft dhe lajmërimi i vendosur në të padyshim që do të sjellë diskutime të mëdha: “Duke nisur nga 14 tetori do të mbyllim të gjitha dhomat e chatit” Një goditje e vërtetë për ata që e kanë pasion bisedën nëpërmjet kompiuterit. Specialistët e Microsoftit janë shprehur se: “Tashmë është vendosur që mbyllja e këtij komunikimi do të jetë totale dhe definitive për Evropën ndërsa në Shtetet e Bashkuara, në Japoni dhe në Kanada këtë lloj bisedimi me të gjithë botën mund ta përdorin vetëm ata që janë të abonuar me kartë krediti”. Ky vendim i Microsoft, është marrë për motive sigurie dhe vigjilence mbi privacy e përdoruesve. Specialistët shprehen se janë të vetëdijëshëm për reagimet që do të pasojnë vendimin e tyre por sipas tyre : “Ishte e vetmja rrugdalje duke marrë në konsideratë që dhe bilanci mbi këtë shërbim ishte negativ. Kryesisht kjo masë është marrë për të garantuar sigurinë e përdoruesve. Linjat chat janë trasformuar në një terren të përshtatëshëm “gjuetarësh” të siteve të ndryshme për të zënë sa më shumë klientë, për të mos folur më pas për manikaët seksualë të të gjitha llojeve që e përdorin seksin për përfitime matëriale. Nuk mund të vazhdohej kështu pasi u bë e pamundur që linjat chat të monitoroheshin 24 orë: tashmë ato janë shndrruar në një terren të minuar”.

Pilula për meshkujt, pas një viti do të jetë në farmaci.

Tashmë dhe meshkujt do të kenë pilulën e tyre të “shtatzanisë”. Kontraceptivi mashkullor është në fazën e tij të fundit të eksperimentimit. Më shumë se 300 burra në të gjithë botën do ta provojnë para se t’i jepet rrugë e lirë. Studiuesit thonë se pilula funksionon dhe nuk ka efekte anësore.

Bolonja – Do të ketë formën e një ngjitësi të vogël dhe të butë i vendosur në krah nën lëkurë. Kjo është pilula kontraceptive mashkullore që do të jetë në farmaci pas një viti, koha e duhur për eksperimentimin përfundimtar në të cilën pilula ka arritur me sukses pas fazave të mëparshme. Për të siguruar se kontraceptivi do të ketë vetëm efektet e shpresuara dhe jo efekte anësore, do të provohet tek 330 meshkuj në të gjithë botën. Meshkujt vullnetarë kanë një moshë nga 20 deri në 50 vjeç me një shëndet të mirë dhe me një aftësi normale riprodhuese.

Medikamenti do të eksperimentohet njëkohësisht në 14 qendra shëndetësore në Evropë dhe në Shtetet e Bashkuara. Specialistët shpjegojnë se pasi kjo fazë e fundit të rezultojë e suksesshme duhet të pritet për miratimin e kësaj pilule nga çdo vend që dëshiron ta hedhë atë në përdorim në farmaci.
Por si do të funksionojë pilula mashkullore? Pilula do të vendoset në krahun e çdo përdoruesi të saj nën lëkurë. Substancat që çlirohen në mënyrë progresive do të absorbohen nga trupi për një periudhë kohore prej një viti. Për të kompletuar terapinë janë të nevojshme dhe inxheksione periodike testeroni që përsëriten çdo tre muaj. Dhe gjithçka është në rregull. Megjithatë mjekët thonë se gjatë 90 ditëve të para egziston rreziku që disa spermatozoidë të mbeten në qarkullim prandaj meshkujt duhet të tregohen të kujdesshëm gjatë kësaj periudhe.

Mjafton vetëm pak ujë dhe roboti-mjek shkon poshtë
Në Piza është vendosur në funksionim mikrobisturia e parë në gjendje që të lehtësojë ndërhyrjet kirurgjikale në zorrën e trashë. Pacienti e gëlltit me një gotë ujë duke lehtësuar ndërhyrjen kirurgjikale.

NAPOLI – Mjafton një gotë ujë dhe roboti-mjek rrëshket poshtë. Në të vërtetë mikrobisturia dhe mikrokamera janë të vendosura në një kapsulë të vogël e cila është realizuar nga studiuesit e universitetit të Pizës. Ideja ka qenë e një profesor ialian Paolo Dario, që pas një viti do të zhvillojë eksperimentin e parë tek një njeri. Ky është cilësuar një zbulim revolucionar që në të gjitha efektet e tij çon në lindjen e nanokirurgjisë. Roboti ka vetëm një objektiv: Të lehtësojë ndërhyrjet në zorrën e trashë.

Kremërat solarë nuk mbrojnë nga tumoret e lëkurës.
Sipas një studimi të publikuar tek Journal of Investigative Dermatology, kremërat me efekt nxirës mbrojnë nga të djegurit por jo nga dëmtimet e tjera të shkaktuara nga rrezet Uva, ndërmjet tyre dhe tumoret e lëkurës.

Romë – Bie kulti i krijuar. Rrezet diellore mund ta venë një një rrezik serioz lëkurën dhe kur përdorim kremin solar. Dyshimi se egziston mundësia në rritje për kancerin e lëkurës dhe kur kemi përdorur kremin solar është objekt i një studimi në Mbretërinë e Bashkuar i cili qysh tani i ka dhënë rezultatet e tij të para. E njejta revistë ka publikuar rezultatet e disa studimeve të cilat kanë arritur në përfundimin se kremërat solarë që janë në qarkullim nuk garantojnë një mbrojtje të vërtetë nga rrezet Uva. Kështu sudiuesit thonë se vetëm përdorimi i preparateve që mbrojnë lekurën nga djegjet diellore nuk është efikas për të mbrojtur shtresat e tjera të lëkurës në të cilën rrezet depërtojnë.
Rezultati i arritur është që produktet me efekt nxirës garantojnë një mbrojtje nga djegjet por që i lejojnë rrezet të filtrojnë në lëkurë. Kështu ata kanë arritur në përfundimin se përdorimi ose jo i kremërave solarë nuk ndikon në mbrojtjen nga rreziku i kancereve të lëkurës. Këshilla e studiuesve është që të veprojmë sipas mënyrave tradicionale duke e evituar diellin gjatë orëve më të nxehta të tij dhe duke u mbrojtur me bluza dhe me kapele. Reziqet e sëmundjeve të lëkurës në të vertetë rriten sepse rrezet Uva arrijnë që të depërtojnë në lëkurë duke përshpejtuar plakjen e saj. Dhe kjo ndikon në mënyrë të drejtëërdrejtë në Dna me dëmtime që në rastet më të rënda mund të shkaktojnë dhe tumore të lëkurës. Kështu duhet të tregohet kujdesi më i madh në plazh pasi të përdorësh vetëm kremin nuk është një mbrojtje efikase. Sipas studiuesve kjo përbën një problem pasi kur njerëzit i përdorin këto produkte me idenë se janë plotësisht të mbrojtur dhe ekspozohen në diell atëherë ata rrezikojnë më shumë.

Të meditosh është e leverdisëshme si nga ana fizike ashtu dhe nga ajo psikike.

Sipas një studimi të zhvilluar tek 41 vullnetarë meditimi ka efekte të shëndetëshme në organizëm. Efekte psikologjike (shkatërron stresin) dhe biokimike (rrit mbrojtjen imunitare). Pas tetë javësh trajnimi në meditim pjesmarrësve u është matur aktiviteti elektrik në zonën ballore të trurit. Duke patur më pak stres ajo ka rezultuar më aktive tek ata që janë trajnuar dhe kanë medituar për tetë javë se sa tek specilistët që kontrrollonin eksperimentin. Po kështu është vërtetuar se dhe prania e antitrupave ishte më e madhe tek personat që ishin ushtruar në meditim.

Shumë bark?

…Jetë shumë e shkurtër
Një grup kërkuesish nga Hollanda kanë publikuar rezultatet e një studimi të tyre të cilat dëshmojnë mjaft qartë se rritja e mbipeshës shkurton vitet e jetës deri në dhjetë vjet (numër që rritet deri në 20 vjet për meshkujt me ngjyrë). Sipas studiuesve mbipesha është veçanërisht e rrezikshme për meshkujt ndërmjet 20 dhe 40 vjetëve: mbipesha në këtë moshë në të vërtetë mund të shkurtojë deri në 13 vite jetë.

…Dhe shpenzon më shumë
Të qenit mbipeshë është një problem jo vetëm për shëndetin por dhe për portofolin. Në një studim tjetër të kryer në lidhje me shpenzimet e njerëzve që janë mbipeshë në Miçigan rezulton se ata shpenzojnë 1500 dollarë më shumë se sa njerëzit që kanë një peshë normale dhe të gjitha këto shpenzime ekstra i detyrohen shpenzimeve sanitare duke përfshirë këtu dhe shpenzimet mjeksore.

Shkencëtarët po përpiqen të gjejnë një mënyrë për klonimin e gjësë së gjallë më të vjetër në tokë. Është fjalë për një pemë që vazhdon të jetojë prej disa mijëra vjetësh dhe mund të vazhdojë të jetojë për disa mijëra vjet të tjera. Për mijëra vjet pisha e quajtur Methusela vazhdon qëndrojë kohës përballë erërave të ftohta malore diku rreth 250 kilometra nga La Vegasit. Në vitet 50 shkencëtarët zbuluan se kjo lloj peme është organizmi i gjallë më i vjetër që ekziston në botë, afro 4 mijë e 500 vjeçare. Shkencëtari Edmund Schuman arriti në këtë përfundim pasi analizoi mostra të lëvozhgës së pishës dhe pasi numëroi rathët e trungut të saj. Sipas përllogaritejve, thotë profesor Tom Harlan i universitetit të Arizonës, filizi i kësaj peme u shfaq rreth 8,700 më parë dhe që nga ajo kohë nuk ka pushuar së rrituri në lartësi e diametër. Leroy Johnson i shërbimeve pyjore thotë se Methusela duket se është e përjetëshme dhe gjithmonë rritet. Asnjë e dhënë nuk tregon të kundërtën. Pema rritet, me ngadalë por rritet. Duket se rritja e ngadaltë po e vazhdueshme mund të jetë një nga të fshehtat e jetëgjatësisë së saj, thotë Leroy Johnson. Vendndodhja e saktë e kësaj peme është sekret dhe dihet vetëm nga zyrtarët e shërbimeve pyjore dhe shkencëtarët. Një përpjekje e kohëve të fundit për klonimin e saj nuk pati sukses, por shkencëtarët të cilët shpresojnë se një ditë do t’a zbulojnë sekretin e jetëgjatësisë së kësaj pishe, do të përpiqen përsëri për ta klonuar atë.

“Babai” i Cd-ve
Nga shpikjet e mëdha dihet gjithçka. Por, ideatorët e teknologjive që përdorim përditë ngelën nganjëherë në hije. Që sot në mëngjes mund ta keni përdorur shumë herë për të dëgjuar muzikë, për të parë ndoshta një film në DVD ose më thjesht fare për të hedhur të dhëna mbi të! Bëhet fjalë për Cd-të dhe ideatorin e tyre, James T.Rrussell. Ishte 1 tetor 1982 kur ai regjistroi dhe mori patentën e këtij produkti. Po si është e formuar një Cd?

I gjithë sekreti qëndron në ''gropëzat'' dhe në ''gungat'' e tij... Një Cd është i formuar nga një disk në policarbonat (material plastik ky i ideuar nga kimiku gjerman Herman Schnell në vitin 1953) i inçizuar në “gropëza” mikroskopike të quajtura “pit” që janë të dimensioneve 0,5 mikron (1/1000 e milimetrit) dhe formojnë një rrugë, nëse mund të quhet e tillë .....në formë spiraleje! E gjithë kjo, mbas inçizimit mbulohet nga një shtresë e hollë dhe reflektuese alumini për të lehtësuar leximin nga ana e lazerit. E gjitha kjo në fund mbrohet nga një riveshje që i bëhet në material akrilik....Për të regjistruar muzikë në të, tingulli më parë digitalizohet, d.m.th trasformohet në sekuenca zero e njësh, e memorizuar nën formën e “spitit”. Rrezja lazer lexon “pitin” (në realitet lexon “gungat” përkatëse në krahun e kundërt të diskut), sipas këtij kodi: tranzitimi midis sipërfaqes së sheshtë e “gungës” korrispondon me një njësh, ndërsa sipërfaqja e sheshtë (qoftë në bazën e diskut, qoftë në “gungë”), korrispondon me një zero!! Për të çmuar këtë variacion, rrezja lazer duhet të ketë një gjatësi vale përafërsisht 780 nanometër (një e miliarda pjesë e metrit), me një sistem mekanik drejtimi jashtëzakonisht kompleks. Rrezja lazer duhet në fakt të ndjekë spiralen që shkon nga qendra drejt anëve të Cd-së, d.m.th duhet të ketë preçizionin e një mikroni. Dhe jo vetëm kaq. Dorë mbas dore që spiralja largohet, rrezja e shpejtësisë lineare shtohet, motori i lexuesit duhet të kompensojë atë që reduktohet në mënyrë progresive dhe që është numri i xhirove që kryen, në fillim me rreth 500 të tilla, për të kaluar më vonë në rreth 200 giro...E gjithë kjo, për të na dhënë cilësinë e duhur, cilësinë e zërit, të dhënat etj, etj.

Ja si është i ndërtuar një Cd-Rewritable (që rishkruhet)

Nëse në një Cd normal të dhënat janë të fiksuara në “pit”, inçizimet mikroskopike që mbulojnë sipërfaqen e reflektueshme të tij, në një disk të rishkrueshëm (Cd-R), sipërfaqja nuk është e inçizuar, por e veshur nga një shtresë e veçantë. Në një Cd, sipërfaqja është me ngjyrë të qartë dhe kur masterizohet, lazeri ngroh disa pika duke i bërë pak të qarta. Lazeri i leximit në Cd “njeh” diferencën midis dritës së reflektuar, kështu mund të lexojë të dhënat. Në një Cd-R shtrati është vetëm në policarbonat, material ky që mund të ndërrojë zotësi në varësi të temperaturës ushtruar në të. Në një farë temperature mbas ftohjes ai shndërrohet në trasparent, në një temperaturë tjetër e zbehur. Duke ndryshuar këto temperatura e duke modifikuar fuqinë e lazerit të të “shkruajturit” ,Cd-R herë pas here merr shkëlqime të ndryshme në sipërfaqen e tij e kështu mund të jetë sërish i masterizuar.

Ç’thotë ngjyra e syve të tu për ty

Sytë e gështenjtë:
Sytë e gështenjtë dëshmojnë se individi është zot i fjalës dhe se meriton t’i zihet besë. Ndërsa, sa më e mbyllët është ngjyra aq më shumë rrezatojnë nga ta afshi dhe sensualiteti. Të vetmen të metë e kanë atë se flasin edhe për pak egoizëm.

Sytë e kaltër:
Sytë e kaltër kanë kthjelltësinë e cila nënkupton romantikën dhe feminitetin sikundër edhe integritetin, sinqeritetin dhe gjithë pikëpamjen ndaj botës. Ndoshta mu për këtë shkak heronjtë dhe heroinat e imagjinuara në film shpesh i paraqesin si njerëz sykaltër.

Sytë ngjyrëlajthie:
Kombinimi i ngjyrës së gështenjtë, të blertë dhe të përhinjur jep ngjyrën e lajthisë. Nën ndriçimin e dritave të ndryshme sytë ngjyrëlajthie mund t’i ndërrojnë nyansat mu për shkak të asaj përzierjeje të ngjyrave. Sytë ekspresivë ngjyrë lajthie dëshmojnë për aftësinë mbimesatare. Tekefundit, legjenda thotë se në njerëzit syblertë fshihet diçka enigmatike. Përpos faktit se janë shumë tërheqës, sytë e blertë janë ekzotikë dhe shprehin vetëbesim.


Ekzibicion
Parashutistët kërcejnë nga kullat binjake Petronas në Kuala Lumpur, më 5 janar 2004. Parashutistët nga Azia, Evropa dhe SHBA kanë kërcyer nga kati i 73-të i kullave binjake dhe kanë bërë ekzibicione rreth 5 sekonda para se ta hapin parashutën dhe të arrijnë në cakun e duhur.

__________________
The heaven's sound is composed inside your heart, listen to its beat to syncronize your life onto the angel's steps.

Këmbë robotike

Kjo paisje e re është projektuar për t’i dhënë njerit fuqi bionike. Teknikisht, paisja njihet me akronimin Bleeks, Berkly Kouer Ektremitis Eksoskeleton. Por në gjuhen e thjeshtë ato mund të quhen këmbë bionike. Ato janë shpikje e punonjësve të laboratorit të inxhinjerisë robotike dhe njerëzore në universitetin e Kalifornisë në Berkley. Këmbët robotike mund t’u vijnë në ndihmë ushtararëve, zjarrfikësve por të transportuar pesha të rënda në distanca të mëdha. Ato përbëhen nga një palë pllakash mekanike të pajisura me bateri. Ato vendosen në çizme ose këpucë ushtarake dhe kanë lidhje me këmbët e përdoruesit. Mbi 40 ndjesorë dhe mekanizma hidraulikë që funskionojnë si një sistem nervor, llogarisisn në mënyrë konstante peshën e mbajtur dhe krijon një ngarkesë minimale për njeriun që e mban. Shkencëtarët vazhdojnë ende provat në laborator. Ata mendojnë se një ditë kjo shpikje do të gjejë zbatim në praktikë duke u ardhur në ndihmë ekipeve të shpëtimit gjatë operacioneve zjarrfikëse apo ushtarëve në marshime ose në fushë betejë.

__________________
The heaven's sound is composed inside your heart, listen to its beat to syncronize your life onto the angel's steps.

Plazma 3D
Aparati është përdorur për të prodhuar një mizëri fluturash virtuale, falë një lazeri japonez që krijon imazhe të ndezura në ajër. Teknologjia mund të përdoret për reklama, sinjale për probleme urgjence apo edhe shenja të përkohshme rrugore.

Krijuesi i yjeve
Një lazer i ri gjigand, që godet deri në 90 km larg në atmosferë është prodhuar për të krijuar “yje artificialë” dhe është testuar për herë të parë nga teleskopi shumë i madh në Kili. Lazeri do përmirësojë mjegullën për imazhet e mara nga teleskopi.

Gladiatorët
Një analizë në varrezave të gladiatorëve në Ephesus në Turqi, tregon se gladiatorët e vërtetë kanë pasur rregulla strikte luftimi dhe nuk drejtoheshin nga dhuna e egër dhe gjykimi tipik i fushave të betejës së kohës.

Boja bombë
Një bojë printeri shumë e pazakontë është një miksim i një alumini shumë cilësor, copëza oksidi bakri, llak dhe alkool. Boja është e lëngshme dhe printohet në letër të zakonshme, por ajo shkakton shpërthim “fitilash” sapo të thahet.

Seksi virtual
Në më shumë se 2 500 studentë universitetesh dhe kolegjesh në Kanada, 87 për qind e tyre kryejnë seks me msn, kamerat e webit apo telefonin, sipas rezultateve të një sondazhi kombëtar. Ky quhet për ta seks i shëndetshëm dhe pa rrezik.

La Nina
Temperaturat e ftohta në Paqësorin qendror dhe lindor të bëjnë të mendosh për fenomenin “La Nina”, thuhet në Organizatën Botërore Meteorologjike. “La Nina” është një fenomen që çrregullon kohën normale dhe provokon shira dhe thatësira.

Peshkaqeni i ri
Biologët në Meksikë kanë zbuluar një specie të re peshkaqeni në ujërat e thella të detit Kortez në Meksikë, i pari i gjetur në botën e egër pas 34 vjetësh. Peshkaqenët kishin lëkurë të errët, njolla të bardha dhe gjatësi 1.5 m.

Uiski 184 vjeç
Pas recetës së shekullit XVII, një nga tetë prodhuesit artizanalë të uiskit në Skoci do të prodhojë pak fuçi të një uiski 184-vjeçar, që përmban 92 për qind alkool. Nëse një njeri pi më shumë se dy lugë, rrezikon jetën e tij.

__________________
The heaven's sound is composed inside your heart, listen to its beat to syncronize your life onto the angel's steps.

Kirurgjia robotike
Kohët e fundit, mjekët në Nju Jork kanë filluar të ofrojnë një mënyrë të re operimi për këtë lloj sëmundjeje. Operimi kryhet nëpërmjet një roboti pa çarjen e barkut dhe ekspertët përsëri debatojnë nëse kjo metodë robotike është më e mirë sesa mënyra tradicionale kur operacioni kryhet nga kirurgu.

Mjekesia alternative
Një studim thotë se 62 për qind e amerikanëve përdorin terapi jo të zakonshme, përfshi lutje e meditim, për të parandaluar sëmundjen ose për t’iu shmangur vizitës te mjeku. Por a është e efektshme një terapi e tillë? Disa ekspertë thonë se deri tani nuk kanë parë ndonjë të dhënë, që të tregojë se meditimi ka në përgjithësi vlera shëruese.

Pomada antidepresuese
Pomada e parë për lëkurën, e cila mund të trajtojë shqetësimet e mëdha depresive është aprovuar nga Administrata e Ushqimit dhe Ilaçeve në SHBA. Pomada, që aplikohet një herë në ditë ka avantazhin e lirimit të pacientëve nga kufizimet e ushqimit, nëse përdorin disa nga ilaçet e mëparshme dhe pilulat antidepresion.

Humori
Yndyrat acide të shëndetshme për zemrën, omega-3, si ato që gjenden te peshku, mund të ndikojnë pozitivisht në sjelljen, humorin dhe personalitetin, sipas një studimi të ri. Shkencëtarët në Universitetin e Pitsburgut kanë zbuluar se vullnetarët me nivel të ulët në gjak të omega-3, ishin më të prirur për të qenë impulsivë.

Femrat evropiane
Gratë evropiane janë më të arsimuara se burrat, por nuk kanë rroga më të larta ose pozitë. Të domosdoshme janë masat për korrigjim të disbalancimit gjinor në shoqëri, deklaruan përfaqësuesit e Bashkimit Evropian. Studimet tregojnë se papunësia e grave është më e madhe se te burrat. 9,6 për qind me 7,6 për qind.

Krater ne Sahara
Shkencëtarët e universitetit Boston kanë zbuluar mbetjet e kraterit më të madh në Sahara. Krateri mund të jetë krijuar nga përplasja e një meteoriti dhjetëra miliona vjet më parë, tha dr. Farouk El-Baz. El-Baz, i cili bëri zbulimin. Krateri me dy unaza është mesatarisht 19 milje në diametër.

__________________
The heaven's sound is composed inside your heart, listen to its beat to syncronize your life onto the angel's steps.