Sateliti Aqua ne Mision

Sateliti Aqua, sistemi me i ri i Nasas per vrojtimin e Tokes, po dergon me sukses te dhena dhe imazhe mbi gjendjen e planetit tone. Sateliti Aqua, i pajisur me 6 instrumente te fuqishme, u leshua ne orbit para dy muajsh, dhe nese gjithshka shkon sipas planit te dhenat e derguara mund te cojne ne permiresimin e parashikimit te motit dhe ne nje kuptim me te mire te sistemit klimatik, vecanerisht rolit te ujit ne te.


Nderkohe, astronomet per here te pare kane pergatitur nje film dokumentar me fotografite e marra nga teleskopi Hubble. Kur mjegulla ne forme gaforreje u shfaq papritur ne qiell afro nje mije vjet me pare, astronomet kineze mbajten shenime e shkruan rreth saj, ndersa indianet e Amerikes e gdhenden ne gur.

Tani astronomet duke perdorur teleskopet me te fuqishem te kohes, kane bere nje film dokumentar rreth Mjegulles se Gaforres. Shkencetaret thone se nga pamjet kane mesuar se kjo mjegullje eshte nje yll mjaft kompakt qe rotullohet me shpejtesi rreth vetes duke cliruar vrullshem energji.

Filmi u prodhua duke perdorur pamje televizive dhe duke i kombinuar ato me nje seri fotografish te marra nga teleskopi Hubble dhe nga Observatori Chandra X.

*******************************************
Vizion i ri per ekplorimin e hapesires

Ne shtator te vitit 1962 presidenti John Kennedy shkoi ne Universitetin Rice ne Houston te shtetit Teksas dhe i beri thirrje komunitetit shkencor te vendit, per te derguar nje njeri ne Hene nga fundi i atij dhjetevjecari.

"Ne duam te shkojme ne Hene, po, ne duam te shkojme ne Hene, ne duam te shkojme ne Hene ne kete dhjetevjecar dhe te bejme edhe gjera te tjera, jo sepse jane te lehta, por sepse jane te veshtira".

Sot, 40 vjet me vone, ne Houston eshte ngritur Qendra e Hapesires, Johnson dhe vendi e ka mberthyer veshtrimin pertej Henes, ne Mars. Politikane, shkencetare dhe astronaute u mblodhen kete muaj ne Universitetin Rice, me rastin e pervjetorit te atij fjalimi historik dhe per te diskutuar mbi te ardhmen e programit te hapesires. Takimi u organizua nga kongresmeni i Teksasit, Nick Lampson.


"Ne se na duhet nje gare ne hapesire, tha kongresmeni Lampson, e kemi nje. Kina ka thene se do te dergoje nje njeri ne Hene brenda 5 vjetesh. Ata nuk duhet te shkojne atje, pa qene ne qe t’u urojme".


Ish-astronauti, kapiteni Gene Cernan, njeriu i fundit qe shkeli ne truallin e Henes, tha se Amerika duhet ta zgjeroje ekipin e njerezve qe shkojne ne hapesire.


"Une dua qe femijet tane te kene mundesi jo vetem te takohen me nje astronaut, apo te enderrojne per te shkuar ne hapesire kur te jene 30 ose 40 vjec, por te kene mundesi te shkojne ne hapesire, ne intervalin e kohes pasi kane mbaruar shkollen e mesme dhe para se te fillojne kolegjin. Ne se mund te dergojme ne hapesire nje 77-vjecar, pse te mos dergojme edhe nje 17-vjecar"?


77-vjecari per te cilin e kishte fjalen ish-astronauti eshte senatori i Shteteve te Bashkuara, John Glenn, i pari astronaut amerikan qe doli ne orbite rreth Tokes ne vitin 1962. Ai u kthye ne hapesire ne bordin e nje anijeje per vajtje-ardhje ne hapesire me 1998.


Sipermarresi i sektorit te investimeve, Dennis Tito, u be i pari njeri qe pagoi per te bere nje fluturim ne Stacionin Nderkombetar te Hapesires. Ai parashikon nje te ardhme te madhe per turizmin e hapesires. Astronauti Scott Horowitz thote se entuziazmi per programin e hapesires te gllaberon ne ngjarje te tilla si leshimi i anijeve te hapesires:


"Ajo qe u them njerezve, theksoi astronauti Horowitz, eshte se ne kemi nje mjet te mrekullueshem, anijen per vajtje-ardhje ne hapesire. Dhe njerezit i kane pare pamjet e saj ne televizor. Por ne se nuk keni pasur rastin te shihni personalisht leshimin e nje anijeje te hapesires, mos harroni se kjo eshte dicka qe duhet ta beni, sepse sikur te perfshin nje ndjenje fetare kur sheh me syte e tu leshimin e anijes, nje ndjenje me e fuqishme sesa e atyre qe jane brenda saj".


Pjesemarresit ne takim thane se Nasa duhet te filloje te mendoje pertej vitit te ardhshem dhe pikerisht per 40 vjetet e ardhshem te hapesires.

Sipas zyrtarëve të Nasas, ka shumë të ngjarë që në planetin Mars mund të ketë ujë. Ata thonë se ky lloj zbulimi do të përbënte një hap më pranë gjetjes së elementëve të domosdoshëm për jetën. Përvoja e deritanishme ka treguar se eksplorimi i marsit është një sipërmarrje tepër e rrezikëshme. Dy nga 3 misionet në Mars kanë përfunduar në dështim. Por shkencëtarët besojnë se makinat robotë që pritet të nisen së shpejti për në Mars janë më të aftat që janë dërguar në planetin e kuq më sot.

Për uljen e robotëve në kordinatat e caktuara në Mars do të përdoren parashuta të posaçme. Makinat robote janë pajisur me kamera me reze infra të kuqe për të bërë kërkime e shqyrtime të ndryshme gjeologjike për të përcaktuar nëse në planetin e kuq ka jetë. Makinat gjithashtu janë pajisur me panele diellore dhe ato do të funksionojnë me enerigjënë e grumbulluar nga këto panele.


Ndryshimet klimatike duhen përballuar me mjetet e nevojshme
5 shtator 2003 (17:30 UTC)


Komisioni ndërqeveritar mbi ndryshimet e klimës thotë se 1990-ta ka qënë dekada më e nxehtë në njëmijë vitet e fundit. Kryetari i Komisionit Ndërkombëtar, R.K. Paçuri, paralajmëron se temperaturat vazhdojnë të rriten dhe se intensiteti dhe mundësia e përsëritjes së faktorëve të motit ekstrem, siç janë vala e të nxehtit dhe thatësira, mund të rriten. Zoti Paçuri foli për gazetarët gjatë një vizite në New Delhi.
Kur preket sistemi klimatik, kjo ndikon në nivelet e rreshjeve, në lëvizjen e rrymave oqeanike, sepse këto janë të balancuara në mënyrë mjaft delikate, dhe këto ndryshojnë gradualisht në qindra mijëra vjet.- thotë ai.

Zoti Paçuri thotë se shkencëtarët po vëzhgojnë provat për të parë nëse ngrohja globale ka shkaktuar ngritjen e temperaturave në Evropë, si dhe verën e nxehtë, jo të zakontë në disa pjesë të tjera të botës.

Disa studiues të klimës e vlerësojnë ngrohjen globale si fenomen të shkaktuar nga dora e njeriut...kryesisht djegia e gazeve dhe gazet e çliruara nga serat,-thotë zoti Paçuri.

Ai thotë se efektet e ngrohjes së Tokës, do të qëndrojnë për disa dekada edhe nëse vendet e ndryshme do të pakësojnë çlirimin e gazrave në natyrë. Kjo për arsye se dyoksidi i karbonit qëndron në atmosferë për një kohë të gjatë. Për këtë arsye, zoti Paçuri thotë se, të gjitha vendet, të varfëra dhe të pasura duhet të përgatiten për faktorë ekstremë klimatikë si përshembull valë të nxehti, pëmbytje, thatësira, dhe ndryshime të brigjeve detare.

Për shembull, -thotë zoti Paçuri,- në dekadat që vijnë, ndryshimet klimatike do të rrezikojnë prodhimet bujqësore në Azi, ku një popullsi e madhe e bazon jetën tek bujqësia. Bangladeshi mund të humbasë rreth 7 përqind të territorit si pasojë e ngritjes së nivelit të detit. Ne ndoshta duhet të përqendrojmë studimet në bimet që i rezistojnë thatësirës dhe nxehtësisë, dhe në disa raste ndoshta duhet ndryshuar përbërja gjenetike e bimëve......Në disa raste ndoshta do të duhet ndryshimi inxhinierik i strukturave për të mbrojtur instalimet bregdetare. Kështu që ka disa lloje të ndryshme masash që duhen patur parasysh.

Ai thotë se vendet në zhvillim mund të përballen më së shumti me ndryshimet klimatike, sepse nuk i kanë teknologjinë dhe mjetet e duhura për t’iu përshtatur ndryshimeve.


Një sondë e re për në planetin Mars

Agjencia amerikane e hapësirës, NASA lëshoi dje në mbrëmje pas disa shtyrjesh një sondë për në Mars, me një robot që do të eksplorojë këtë planet. Sonda u nis nga Kepi Kanaveral i Floridës. Zyrtarët e Nasës e e anuluan lëshimin të dielën për shkak të problemeve me një bateri, ndërsa më parë nisja ishte shtyrë për shkak të motit të keq dhe problemeve teknike. Roboti i quajtur “Opportunity”, së bashku me robotin tjetër “Spirit” që ndodhet tashmë në Mars, do të kontrollojnë nëse ka shenja uji në Planetin e Kuq, gjë që do të provonte që jeta është e mundshme në Mars.


Teleskop i Fuqishëm për Përdorim Publik

Zyrtarët e qendrës Kabot për shkencë dhe hapësirë në Oakland të Kalifornisë shpresojnë se teleksopi i ri, fjala e fundit e teknikës, do të tërheqë më shumë vizitorë. Ky shikohet si teleskopi më i madh që është vënë për përdorim publik në Amerikën e Veriut. Nëpërmjet tij, tani çdo kush mund të vrojtojë yjet dhe objekte të tjera në hapësirë. Qëndra shkencore Kabot tërheq çdo vit rreth 150 mijë vizitorë. Por me vënin në përdorim të teleskopit të ri, zyrtarët e turizmit shpresojnë që numri i vizitorëve të rritet në 250 mijë. Për projektimin dhe ndërtimin e teleskopit të ri u shpenzuan rreth 1 milionë e 500 mijë dollarë. Kjo shumë u siguruar vetëm nga fonde private. Zyrtarët parashikojnë një rritje të numrit të vizitorëve veçançërisht gjatë muajit gusht, kur planeti Mars i afrohet tokës në distancën më të afërt gjatë 15 mijë vjetëve të fundit. Deri nga fundi i vitit, imazhet e marra nga teleskopi i ri mund të shihen edhe npërmjet kompjuterit. Gjithashtu studentët ose astronomët amatorë nëpërmjet kumpjuterit do të jenë në gjendje me telekomandë nga shtëpia ose klasa ta drejtojnë teleskopin drejt çdo ylli ose objekti në hapësirë që ata dëshirojnë të vrojtojnë.

Zbulohet vëzhguesi më i vjetër astronomik në Evropë

Arkeologët kanë zbuluar vëzhguesin më të vjetër astronomik në Evropë afër qytetit Gosek të shtetit Saksoni-Anhalt në Gjermaninë Lindore. Diamteri i tij është 75 m. Ky vend arkeologjik ndodhet 25 km larg pyllit të fshatit Nebra ku u zbulua tre vjet më parë një disk i periudhës së Bronzit të Hershëm i zbukuruar në ar. Arkeologët mundën të përcaktojnë datën e vëzhguesit astronomik nëpërmjet metodës së karbonit të zbatuar tek dy maja shigjetash dhe kockash të kafshëve të gjetura brenda unazave të sipërpërmëndura.

Analizat dëftyen që mosha e vëzhguesit astronomik është diku midis viteve 5000 p.e.s. and 4800 p.e.s., gjë që e bën atë vëzhguesin astronomik më të vjetër në Evropë. Pra, ky vëzhgues astronomik është 7000 vjeçar dhe me këtë moshë para daton vendin arkeologjik në Britani të njohur me emrin Rrethi i Gurëve (Stonehedge, 2000 p.e.s.).

Arkeologëve iu tërhoq vëmendja për herë të parë më 1992 kur fotografitë nga ajri tregonin rregullsira gjeometrike të kodrinave në atë zonë. Megjithatë, gërmimët filluan vetëm vitin e kaluar. Vendi arkeologjik në Gosek dallon qartë nga 180 vendet e tjera të ngjashme parahistorike të shpërndara nëpër Evropë.

Zakonisht, katër porta të çojnë në ambjente rrethorë tek vendet e tjera, porse në Gosek ndodhen vetëm tre porta të atilla. Astrofizikanti Shloser i Universitetit të Ryhrit në Bohum pranon se vendi arkeologjik i zbuluar ka qenë ndërtuar për të vezhguar ndodhitë astronomike të tilla si lëvizjet ë Diellit, Hënës, yjeve dhe për të ndjekur kohën. Portat jugore shënojnë lindjen dhe perëndimin e Diellit në ditët më të gjata verore dhe më të shkurtra dimrore, duke i mundësuar kështu Evropianët e hershëm të përcaktojnë me saktësi drejtimin e Diellit ndërkohë që ai zhvendoset në qiell.

Vendodhja, drejtimi i saj, shënimi i ditëve më të gjata verore dhe më të shkurtra dimrore tregojnë ngjashmëri me diskun e famshëm në botë Nebra i krijuar 2400 vjet më vonë. Disku Nebra e ka diametrin 32 cm dhe u gjet në pyjet e rajonit Nebra, 25 km larg Gesekut, dhe gjykohet si përfaqësimi material më i vjetër i kozmosit. Shkencëtari Shloser beson se formacionet mbi disk kanë qenë mbështetur në vëzhgimet e mëparshme astronomike të bëra në Gosek.

Ambjenti me mure i Gosekut përbëhet gjithashtu nga një formacion i pazakontë unazash njëqëndrore të gardheve drunore me lartësinë e njeriut. Për shkak se unazat dhe portat në rrathët e brendshëm bëhen më të ngushta sa me shume i afrohesh qendrës, arkeologët mendojnë që vetëm pak njerëz lejoheshin të futeshin në unazën më të vogël. Arkeologët kanë gjetur mjaft dëshmi që provojnë që Goseku ishte një vend ku nderoheshin kultet parahistorike. Rregullimi i kockave njerëzore, për shembull, nuk i përket një vendvarrimi dhe shenjat e prerjeve mbi kocka tregojnë që kurbane njerëzore kanë qenë zbatuar tek ai vend. Ky vend arkeologjik gjykohet të jetë vendi më i vjetër i shenjtë i zbuluar në Evropën qëndrore.

18 Nov 2003, 14:08 UTC

Energjia diellore, kaq e efektëshme dhe e dobishme, një ditë mund të bëhet e rrezikëshme për planetin tonë. Dielli në vetvete është një furrë gjigande bërthamore nga e cila çdo vit çlirohen masa të zjarrta të cilat pengohen të hyjnë në atmosferën e tokës nga një shtresë e padukëshme mbrojtëse, shtresë për të cilën shkencëtarët thonë se po vjen duke u dobësuar. Ritmet e dobësimit të kësaj shtrese mbrojtëse janë tepër të larta, dhe shkencëtarët ende nuk janë në gjendje të thonë përse ndodh kjo.

Flakët diellore janë gazra të ngarkuara me elekricitet që dalin nga dielli në formë shpërthimesh të fuqishme mijëra herë në vit. Flakët diellore të kohëve të fundit ishin më të fuqishmet të regjistruara ndonjëherë nga astronomët.

Shkencëtari Andrew Coates pranë laboratorit të hapësirës Mullard në Angli, thotë se dielli në vetvete është një furrë termo bërthamore që çliron sasi të shumta materialesh të rrezikëshme në formë shpërthimesh të fuqishme. Në disa raste kjo masë gazesh që vërshon drejt tokës është në madhësinë e malit Everest.

Planeti ynë mbrohet, nga këto stuhi të hapësirës, nga një shtresë e padukëshme magnetike, por që po vjen duke u dobësuar. Gjeologu John Shaw pranë universitetit të Liverpulit në Angli thotë se ndryshimet që i janë shkaktuar kësaj shtrese gjatë 300 vjetëve të fundit janë më të madhe sesa ndryshimet e ndodhura gjatë 5 mijë vjetëve të fundit.

Shkencëtarët mendojnë se fusha magnetike po dobësohet dhe mund të arrijë në një pikë kur fusha magnetike mund të ndryshojë drejtimin, dhe kur kjo të ndodhë, shigjeta e busullës do të tregojë jugun në vend të veriut, ndërsa kafshëve, që orientohen nga një busull e brendëshme natyrale, do t’u duhet kohë t’i përshtaten një ndryshimi të tillë. Ndërkohë që kjo fushë magnetike ndodhet në periudhën kalimtare, ajo do të vazhdojë të dobësohet ndoshta deri në 90 përqind.

Në këtë mënyrë, thotë shkencëtari Coates, mburoja e planetit do të prishet dhe rrezatimi diellor dhe galaktik mund të godasë drejt përdrejt atmosferën tonë dhe rrezatimi në tokë do të rritet. Kjo do të çonte në një shtim të rasteve të kancerit si dhe do të sillte ndërprerje të vazhdueshme të komunikimeve satelitore.

Por dobësimi i kësaj mburoje magnetike ka edhe një anë pozitive. Aurorat, shfaqja natyrale me drita, mund të fillojnë të ndodhin çdo mbrëmje, madje edhe në vende ku nuk janë parë ndonjëherë më parë. Shkencëtarët thonë se këto janë vetëm parashikime dhe njerëzimi ka ende qindra vjet kohë për t’u përgatitur për to.


Misioni në Mars
6 janar 2004


Shkencëtarët e agjencisë amerikane të hapësirës, Nasa po i gëzohen suksesit të rrallë të misionit në Planetin Mars. Pas një udhëtimi prej 500 milionë kilometrash, sonda amerikane Spirit u ul të shtunën e kaluar në planetin e kuq dhe thuajse menjëherë filloi të dërgojë në tokë fotografi të planetit. Fillimisht sonda dërgoi fotografi bardh e zi që tregonin sipërfaqen e sheshtë të planetit Mars dhe më pas filluan të mbrinin fotografitë me ngjyra që tregonin vendin e uljes së sondës. Sonda Spirit u ul në sipërfaqen e Marsit të shtunën, pak para mesnatës, e mbështjellë me jastëkë ajri, për të mbrojtur pajisjet e saj delikate nga dëmtimet e mudëshme. Spirit është sonda e parë robot nga dy të tilla që do të eksplorojnë sipërfaqen e Marsit për 90 ditë, duke mbledhur dhe analizuar mostra të gurëve të planetit si dhe do të kërkojnë të dhëna për gjurmë uji, element kyç ky për jetën. Shkencëtarët e NASA-s mendojnë se nga analizimi me imtësi i gurëve të Marsit mund të dalë se shumë kohë më parë, ky planet ka qënë i ngrohtë dhe me lagështi, kushte të përshtaëshme për ekzstencën e jetës. Sonda e dytë, e quajtur Opportunity do të ulet në anën tjetër të Marsit pas tri javësh. Ulja me e sondës amerikane në Mars cilësohet nga shkencëtarët si një suskes i rrallë. Ajo vjen pas dështimit të një misioni të ngjashëm nga ana e Agjencisë evropiane të hapësirës në prag të vitit të ri.
Ndërkohë, një anije orbitale ka hyrë tashmë në atmosferën plot pluhur e gaz të një komete, ku Nasa shpreson se do të mbledhë e sjellë në tokë grimca atmosferike të mbetura që nga periudha e krijimit të sistemit tonë diellor afro 4 presje 6 miliardë vjet më parë. Shkencëtarët gjithashtu mendojnë se pluri yjor përmban molekula organike të nevojshme për jetë, molekula të cilat kometat kanë lëshuar në planetin tonë miliarda vjet më parë. Agjencia amerikane e hapësirës ka planifikuar që anija e hapësirës të sjellë në tokë edhe 72 fotografi të brendësisë së kometës me sipërfaqe prej 5 kilometrash katrorë.

******************************************


Shkencëtarët e këtij observatori përpiqen të kapin ndonjë sinjal nga Sonda e parë evropiane që pritej të ulej në Mars që më 25 dhjetor. Ata qëndrojnë pranë aparateve ditë e natë, por deri tani pa sukses Edhe një përpjekje nga ana e sondës amerikane Odisei e cila ndodhet në orbitë, nuk pati sukses për të kapur ndonjë sinjal të sondës evropiane Beagle 2.

Gjatë historisë së misioneve të shumta për uljen e sondave në planetin Mars, vetëm tre kanë qënë të suksesshme, që të treja të dërguara nga Agjencia amerikane e hapësirës.

Sonda Beagle 2 ishte parashikuar që të hynte në atmosferën e Marsit të enjten e kaluar në orën 3 e 45 minuta sipas grinuiçit dhe të ulej në sipërfaqen e planetit të kuq 7 minuta më vonë. Shkencëtarët shpresonin se sonda do të ulej me pak vonesë, por kur sonda amerikane Odisei nuk mundi të kapte ndonjë sinjal, shpresat sikur u pakësuan.

Zyrtarët thonë se sonda Beagle, e rëndë 67 kilogram dhe me përmasat e një automobili mund të jetë ulur në sipërfaqen e Marsit por me antena të shtrira në drejtim të kundërt me sondën Odisei. Ata gjithashtu thonë në mos marrjen e sinjaleve të sondës Beagle mund të ketë ndikuar edhe klima tepër e ftohtë e planetit Marsit duke bllokuar përhapjen e frequencave të transmetimit nga ana e sondës.

Plane të reja për misionet amerikane në hapësirë

Presidenti Bush paraqiti plane për një seri të re misionesh amerikane në hapësirë, të cilat më në fund mund të përfshijnë edhe fluturime në Mars. Presidenti Bush tha se agjencia amerikane e hapësirës NASA ka një përqendrim të ri dhe objetiva të qarta për të vazhduar eksplorimin e sistemit diellor me një brez të ri anijesh të hapësirës.

“Ne zgjedhim të eksplorojmë hapësirën, sepse duke bërë një gjë të tillë ne përmirësojmë jetën dhe shpirtin tonë kombëtar, prandaj le të vazhdojmë udhëtimin,” tha presidenti.

Së pari në rendin e ditës së presidentit për eksplorimin e hapësirës është përfundimi i Stacionit Ndërkombëtar të Hapësirës deri në vitin 2010. Zoti Bush tha se synon të përmbushë angazhimin e Shteteve të Bashkuara ndaj 15 vendeve partnere dhe të ripërqendrohet në fushën e kërkimeve drejt kapërcimit të ndikimeve të fluturimeve me njerëz në hapësirë.

“Mjedisi i hapësirës është i dëmshëm për qeniet njerëzore. Rrezatimi dhe mungesa e forcës së rëndesës përbëjnë rreziqe për shëndetin e njeriut dhe ne kemi shumë për të mësuar rreth ndikimeve të tyre afatgjatë para se ekuipazhe me njerëz të mund të rrezikojnë nëpër boshllëqet e hapësirës për muaj të tërë para se të kthehen përsëri në tokë,” tha presidenti.

Përfundimi i Stacionit Ndërkombëtar të Hapësirës do të kërkojë që NASA të dërgojë përsëri në hapësirë disa prej anijeve të hapësirës, të cilat kanë mbetur në tokë që prej katastrofës së vitit të kaluar të anijes Columbia dhe vdekjes së ekuipazhit të saj prej 7 astronautësh.

Deri në fund të këtij dhjetëvjeçari presidenti Bush tha se e gjithë flota e anijeve për vajtje -ardhje në hapësirë do të ndalojë fluturimet pas një shërbimi prej gati 30 vjetësh. Vendin e saj do ta zërë një brez i ri anijesh hapësinore, i quajtur Automjeti i Ekuipazhit të Eksplorimit, i cili, tha presidenti, duhet të jetë gati për t’u lëshuar deri në vitin 2014.

Presidenti tha se astronautët do t’i përdorin këto automjete për të udhëtuar në stacionin e hapësirës dhe për t’u kthyer në hënë ndoshta që në vitin 2015. Pas një sërë vëzhgimesh me robot në hënë, zoti Bush tha se astronautët më në fund do të krijojnë një farë baze për kërkime shkencore dhe një vend lëshimesh për eksplorime të mëtejshme, përfshirë edhe një udhëtim në Mars.

“Nisja e anijeve të rënda dhe karburantit nga graviteti i tokës është një ndërmarrje e kushtueshme. Anijet e hapësirës të montuara dhe të furnizuara në hënë mund të përdorin shumë më pak energji, duke ulur në këtë mënyrë koston,” tha presidenti.

Ndryshe nga gara e hapësirës gjatë viteve të luftës së ftohtë, presidenti Bush tha se hapësira tani është më shumë se një udhëtim, të cilin Shtetet e Bashkuara synojnë ta bëjnë me vende të tjera në frymën e bashkëpunimit e të miqësisë.

Një gjë e tillë mund të eliminojë një pjesë të konsiderueshme të shpenzimeve të programit, i cili vetëm gjatë 5 vjetëve të ardhshëm do të kushtojë 12 miliardë dollarë. Shtëpia e Bardhë thotë se pjesa më e madhe e këtij fondi do të vijë nga riorganizimi i 11 miliardë dollarëve të buxhetit të tanishëm të NASA-s prej 86 miliardë dollarësh.

Rusia ka lënë gjithashtu të kuptohet se planifikon të rifillojë programet për eksplorimin e hënës dhe të Marsit.
Japonia dhe India kanë gjithashtu plane për eksplorimin e hapësirës.

Imazhe te Ngjitura

5179.jpg (39.0 KB, 39 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Projektim me ekran në Fakultetin e Shkencave
Afërdita, shfaqja e rrallë që pritet të mbërrijë

Më datën 8 qershor do të ketë një ngjarje tjetër të rëndësishme: kalimi i Afërditës në vijën mes Diellit dhe Tokës. Kjo do të bëjë që për rreth 5 orë në sipërfaqen e Diellit të duket hija e Afërditës, në formën e një njolle të errët. Kjo është ngjarje relativisht e rrallë, ka ndodhur për herë të fundit në vitin 1882. Por duhet bërë shumë kujdes: Dielli nuk vrojtohet asnjë herë direkt, sepse shkakton verbim. Drejtimi i dylbive është jashtëzakonisht i rrezikshëm, shkakton verbim të menjëhershëm. Në Fakultetin e Shkencave të Natyrës kjo ngjarje do të projektohet në një ekran, me dritën që vjen direkt nga dielli.

Informacione

Kjo kometë që po vrojtohet këto ditë është kapur për herë të parë nga observatorët në vitin 2001

Kometë, nga greqishtja e vjetër do të thotë flokë. Pjesa më spektakolare e saj është bishti i shndritshëm

Kometa Halley është një nga kometat më të famshme të kohës sonë, e cila mund të shihet nga toka afërsisht një herë në 160 vjet

Bishti i kometës është avulli i krijuar nga shkrirja e një pjese të kometës, i shtyrë nga presioni i rrezatimit diellor

Meteorët që bien mund të jenë edhe copëza kometash, të cilat janë gjithnjë burim informacioni për përbërjen e sistemit tonë diellor

Kometa që mund të vëzhgohet këto ditë në konstelacionin e Gaforres ndodhet 50 milionë kilometra larg tokës

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

__________________
* Lost In Translation *

Misioni i tij i vëzhgimit do të zgjasë dy vjet me qëllim për të gjetur vende zbarkimi për udhëtime të ardhshme dhe kërkimin e më shumë provave, se uji dikur ka qenë i pranishëm në sipërfaqen e Marsit. Sonda iu dërgoi një sinjal kontrolluesve të laboratorit të “National Aeronautics and Space Administration” në Pasadena, Kaliforni, dje në orën 5:16 pasdite (me orën lokale). Kjo ishte shenja, që sonda fiku motorët dhe u ul në orbitën e planetit, ku ishte nën ndikimin e gravitetit të tij. Për rreth 30 ditë, sonda do të fillojë një proces 6-mujor të njohur si “aerobraking” për të ndryshuar orbitën e tij në një formë më rrethore. Ky sistemim do të maksimizojë përdorimin e gjashtë instrumenteve shkencore gjatë misionit që ka kushtuar 720 milionë dollarë. “Jam shumë i lehtësuar”, tha menaxheri i projektit, Jim Graf, në një intervistë televizive nga NASA. “Ishte perfekte. Nuk do të mund ta përshkruanim më mirë”. Astrobiologët kanë dërguar sonda në sistemin diellor që në vitin 1970 për të kërkuar trupat (planetët) për ujë të lëngshëm për të ndihmuar shkencëtarët të dalin në përfundimin se si është formuar jeta në Tokë.

Ka shumë kohë, që shkencëtarët kanë hedhur teorinë se kjo ka ekzistuar në gjashtë trupa: Toka, Marsi, hëna e Jupiterit, Europa dhe hëna e Saturnit, Enceladeus, ku sonda Cassini e NASA-s ka gjetur prova të ekzistencës së një oqeani të nëndheshëm. Agjencia për eksplorimin e Marsit, Rovers, e cila e ka vëzhguar planetin prej më shumë se dy vjetësh, ka gjetur prova të mineraleve të lëna pas nga uji, që dikur ka qenë në sipërfaqen e Marsit dhe në polet e planetit janë fotografuar njolla akulli. Sonda 2 177 kg, Mars Reconnaissance, është lançuar më 12 gusht dha ka përshkruar rreth 310 milionë milje. Ai do të bashkohet me dy sonda të tjera që po qarkullojnë rreth Marsit dhe do të orbitojë në polet e planetit në rreth 200 milje. Sonda do të përshkruajë planetin në detajet më të hollësishme, sidomos me kamerën që kushton 31 milionë dollarë, e ndërtuar nga “Ball Corp”, dhe Universiteti i Arizonës që do të jetë e aftë të fotografojë edhe objekte sa një filxhan kafeje.

__________________
The heaven's sound is composed inside your heart, listen to its beat to syncronize your life onto the angel's steps.

Disa studime te reja te sapo publikuara kane nxjerre teorine se ne brigjet e Meridiani Planum ne Mars ka ekzistuar nje det i me uje te kripur. Kerkimi per uje ne fqinjin e planetit fqinj me Token eshte ne qender te debatit mbi mundesine e jetes qe mund te kete ekzistuar ne planetin e kuq.

Ne mars te vitit 2004, Skuadra e NASA per Zbulimet ne Mars, e drejtuar nga Steve Squyres, mbajti nje konference per shtyp per te njoftuar se skuadra Opportunity Rover, e cila ne ate kohe kishte kater muaj qe po studionte formimet shkembore ne Meridiani, kishte zbuluar prova gjeologjike se kjo zone me pare kishte qene e mbuluar me uje.

Skuadra theksoi pranine e nje lloj guri ranor qe ata mendonin se ishte formuar ne te shkuaren e larget kur shkembinjte vullkanike ishin shkeputur ne uje acid dhe me kripe qe me vone avulloi. Njoftimi ngjalli shume diskutime ne ate kohe duke menduar se ky det mund te kishte qene shtepia e organizmave te gjalle, ndoshta te ngjashem me baktere ose me mikrobe te tjera ne Toke.

__________________
The heaven's sound is composed inside your heart, listen to its beat to syncronize your life onto the angel's steps.