Aleksandri i Madh i Maqedonisë erdhi në Egjipt në vitin 331 para Krishtit pasi pushtoi Greqinë dhe zgjodhi një fshat të vogël peshkatarësh në brigjet e Mesdheut për të themeluar kryeqytetin e tij, Alekandrinë. Aleksandria kishte në fillimet e tij si qytet një librari të madhe me më shumë se 500 000 volume, duke u bërë qendra e shkencës filozofisë dhe mendimit intelektual dhe diturisë. Muzeu Greco-Romak përmban relike që datojnë në shekullin e 3-të një skulpturë të magjishme të Apis-it, demi i shenjtë që adhurohej nga egjiptianët si dhe një sërë mumjesh, sarkofagësh, si dhe historiku i Farit të Aleksandrisë një nga shtatë mrekullitë e botës.

Të tjera vende me interes janë amfiteatri romak i rizbuluar në 1964, Shtyllat e Pompejt, monumenti gjigant prej graniti, 25 m i lartë, Katakombet e Kom ash-Shuqqafa, varrezat më të mëdha romake në Egjipt, ku gjenden më shumë se 300 kufoma. Ekpertët shpresojnë të zbulojnë Pallatin e Kleopatrës në Aleksandrinë e fundosur në det. Kolonat e tij u gjendën në vitin 1998, dhe së fundi arkeologët nxorrën një statujë të bukur të Isisit nga thellësitë. Pak pas mbërritjes këtu, kur sapo ke zbritur në qendër dhe ke pësuar një zhgënjim për pamjen e qytetit, nëse del nga plazhi atëherë e kupton të vërtetën. Syri të kap aq shumë shtëpi, ngado shtëpi të mëdha që zbresin deri në det. Atëherë e kupton se ky qytet i vogël ka aq njerëz sa çmund të mbajë një vend si Norvegjia.

Por edhe kjo nuk e ndryshon impresionin, Aleksandria nuk është asgjë krahasuar me Kajron, oazet, shkretëtira dhe vendet historike mbi Nil. Ka shumë gjëra për të parë, vende historike muzeume por pritjet tuaja nuk duhet të jenë shumë të mëdha. Ajo çka e bëri Aleksandrinë qytetin më të rëndësishëm në Mesdhe për shekuj me radhë, tani është thjesht histori dhe sot Aleksandria ka më shumë arkitekturë Europiane sesa shumë nga vendet e këtij kontinenti. Një tjetër destinacion interesant në bregdetin mesdhetar është Port Said, një qytet me të vërtetë i ri për standardet egjiptiane.

Qyteti u themelua në vitin 1859 nga Said Pasha pikërisht kur filluan gërmimet për Kanalin e Suezit. Në ndryshim nga të tjera qytete mesdhetare të Egjiptit, Port Said nuk është i preferuar nga turistët vendas që janë në kërkim të rërës dhe diellit dhe është një destinacion i pazakontë për standardet egjiptiane me arkitekturën koloniale të viteve 1900 dhe muzeumet e mira dhe kopshtet.

Imazhe te Ngjitura

Aleksandria.jpg (15.0 KB, 0 vezhgime)

__________________
The heaven's sound is composed inside your heart, listen to its beat to syncronize your life onto the angel's steps.