Rruga e lumturise - NAMAZI

Pejgamberi s.a.v.s. ka thene:
"Eshte namazi ai qe mundeson njeriun te jete me afer All-llahut".
Namazi eshte sherues i shpirterave te trazuar.
Namazi eshte qetesues i te semureve.
Ushqimi i shpiriti, sherimi i zemres eshte namazi.
"Namazi eshte gezimi i zemres sime, bebeza e syrit tim", aludon kete deshire.

Linku i meposhtem eshte nje video ku flitet per namazin, detyrimin paresor per nje musliman. Ju keshilloj ta shihni, pasi eshte nje punim mjaft i bukur.

Rruga e lumturise - Namazi

__________________
Sikur të ishte deti ngjyrë për t'i shkruar fjalët e Zotit tim, deti (uji i tij) do të shterrej para se të përfundojnë fjalët e Zotit tim.

paramendo po mos kishe nje sy dhe shkoje te mjeku me vullnetin e zotit mjeku e sheronte...a do ta falenderoshe mjekun sigurisht qe po...po zoti qe tka fal syt veshet kembet trupin natyren qiellin kafshet te gjitha i ka be qe ti shfrytzohe njeriu a se meriton ai ti behet ibadet ti perkulesh zotit..ta falenderojsh..sigurisht qe po dhe ne te njejten koh edhe ti kerkojsh ajo qe te mungon qe eshte e mir sigurisht...se vetem ai mundet ti realizoe kerkesat ai qe te krijoj dhe te ai eshte kthimi.......namazi eshte shtylla e besimit...ju falenderoj....

Ejani në shpëtim!



Falenderojm All-llahun Fuqiplotë për të gjitha të mirat që na ka dhënë. E falenderojmë që na ka bërë pasues së fesë së vetme të pranuar tek Ai dhe të pejgamberit të tij të fundit Muhammedit, sal-lall-llahu alejhi ve sel-lem. Prej dhuntive më të mëdhaja të All-llahut, subhanehu ve teala, është se ai na ka obliguar me namaz, me anë të së cilit na i fal mëkatet, na largon nga veprat e liga, na i shton shpërblimet dhe na ngritë gradat në xhennet.

Ebu Bekr Ibën Abdullah el Muzani ka thënë: "Kush është si ti, o bir i Ademit? Kurdo që dëshiron, e përdor ujin për të marë abdes, shkon te vendi për adhurim, fillon namazin pa përkthyes në mes teje dhe Zotit tënd!" (El Bidaje ven-Nihaje 9/256).


Vlera jashtëzakonisht e madhe e namazit


Padyshim se namazi ka vlerë shumë të madhe, ai është shenjë e besimtarëve, rrugë e pejgamberëve dhe besimtarët në ditën e gjykimit do të dallohen nga ajo se pjesët ku kanë marrë abdes do t’u ndriçojnë. All-llahu, subhanehu ve teala, në shumë ajete na urdhëron në mënyrë të prerë që ta falim namazin.

Ai, subhanehu ve teala, thotë:

"Faleni namazin dhe jepni zeqatin, dhe faluni me ata që falen." [Bekare: 43].

"Kërkoni ndihmë (në të gjitha çështjet) me durim dhe me namaz, vërtet, ajo është e madhe (vështirë), por jo edhe për ata që kanë frikë (Zotin)." [Bekare: 45].

"Kryeni faljen (namazin) dhe jepeni zeqatin, e çfarëdo të mirë që e përgatitni për veten tuaj, atë e gjeni tek All-llahu. S'ka dyshim se All-llahu përcjell çdo veprim tuajin." [Bekare: 110].

"Vazhdoni rregullisht namazet, e edhe atë namazin e mesëm, dhe ndaj All-llahut të jeni respektues." [Bekare: 238]

"Robërve të Mi, të cilët besuan thuaju: "Ta falin rregullisht namazin dhe me atë që i furnizuam ata, të japin fshehtas e haptas, para se të vijë një ditë që në te nuk ka as kompensim as miqësi". [Ibrahim: 31].

"Ata janë njerëz që nuk i pengon as tregtia e largët e as shitblerja në vend për ta përmendur All-llahun, për ta falur namazin dhe për ta dhënë zeqatin, ata i frikësohen një dite kur do të tronditen zemrat dhe shikimet." [Nur: 37]

"Ti lexo atë që po të shpallet nga libri (Kur'ani), fal namazin, vërtet namazi largon nga të shëmtuarat dhe të irituarat, e përmendja e All-llahut është më e madhja (e adhurimeve); All-llahu e di ç'punoni ju." [Ankebut: 45].


Nuk ka arsyetim për lënien e namazit përveçse nëse çmendesh ose nëse të ka zënë gjumi (themi nëse të ka zënë gjumi, e jo nëse ke ra me flet) dhe të ka kaluar një namaz, në këtë rast posa të ngritesh prej gjumi duhet ta falish namazin që të ka kaluar.

Sipas Ligjit Islamik (sheriatit) të sëmurit duhet thënë: "Pastrohu si dhe sa të mundesh. Ulu qysh të mundesh, por mos e lësho namazin. Pastrohu me ujë, e nëse nuk ke ujë merr tejemmum, me dhè të pastër. Falu në këmbë, nëse kështu nuk mundesh, falu ulur, nëse nuk mundesh as kështu, falu i mbështetur në anën e djathtë apo i shtrirë në shpinë, e nëse as kështu nuk mundesh, atëherë lëvize kokën ose vetëm sytë, në kuptim të fjalëve të All-llahut: "Andaj, sa te keni mundësi ruajuni prej dënimit të All-llahut!" [Tegabun 16].

Poashtu edhe Pejgamberi, sal-lall-llahu alejhi ve sel-lem, në shumë hadithe të tija na ka treguar vlerën e madhe që e ka namazi dhe dobitë e shumta që i fiton ai që e fal namazin.

Nga Ibën Umeri, radijAll-llahu anhuma, transmetohet se i Dërguari i All-llahut ka thënë: "Islami është ngritur mbi pesë (shtylla): dëshminë se nuk ka hyjni tjetër përveç All-llahut dhe se Muhammedi është i dërguar i All-llahut, kryerjen e namazit, dhënien e zekatit, vizitën Ka'bes dhe agjërimin e Ramazanit". (Buhariu dhe Muslimi)

Transmetohet nga Abdull-llah ibn Mes'ud, radijAll-llahu anhu, se ka thënë: "E kam pyetur Pejgamberin, sal-lall-llahu alejhi ve sel-lem: "Cila punë është më e dashur tek All-llahu i Madhëruar?" Tha: "Namazi në kohën e vet". I thashë: "Pastaj cila?" Tha: "Bamirësia ndaj prindërve". I thashë: "Pastaj cila?" Tha: "Xhihadi (lufta) në rrugë të All-llahut". (Buhariu dhe Muslimi)

Ebu Hurejre, radijAll-llahu anhu, thotë se e ka dëgjuar të Dërguarin e All-llahut duke thënë: "Çka mendoni, sikur të ishte një lumë para derës së njërit prej jush, në të cilin do të lahej për çdo ditë nga pesë herë, a do të mbetej në të ndytësi?" Të pranishmit thanë: "Nuk do të mbetej kurrfarë ndytësie". Pejgamberi, sal-lall-llahu alejhi ve sel-lem, atëherë tha: "Ky është shembulli i pesë kohëve të namazit. All-llahu me faljen e namazeve i shlyen mëkatet". (Buhariu)

Poashtu Pejgamberi, sal-lall-llahu alejhi ve sel-lem, na ka mësuar që ti urdhërojmë fëmijët tanë që ta falin namazin.

Transmetohet nga Amr ibn Shuajb, ky nga babai i tij, e ai nga babai i vet, radijAll-llahu anhu, se i Dërguari i All-llahut, sal-lall-llahu alejhi ve sel-lem, ka thënë: "Urdhëroni fëmijët tuaj për (të falë) namaz kur t'i kenë shtatë vjet, kurse detyroni me forcë kur t'i bëjnë dhjetë vjet…". (Hadith hasen, transmeton Ebu Davudi).

Andaj çdo prind duhet së pari ta fal namazin vet rregullisht, e pastaj ti mëson edhe fëmijët e vet që ta falin namazin dhe ta ndëgjojnë Krijuesin e tyre, sepse All-llahu, subhanehu ve teala, thotë: "O ju që besuat, ruajeni veten dhe familjen tuaj prej një zjarri, lëndë djegëse e të cilit janë njerëzit dhe gurët…" [Tahrim: 6].

Muadh Ibën Xhebeli e këshilloi djalin e tij: "Djali im! Fale namazin sikur të jetë i fundit dhe paramendo se nuk do të mund të falesh edhe njëherë. Dije se besimtari vdes në mes dy veprave të mira, njërën të cilën e ka bërë dhe atë që ka pasur për qëllim ta bënë më vonë." (Sifetus-Safveh 1/496).

Kërcënimi ndaj atij që e lenë namazin

Vëlla i dashur musliman, pasi që e kuptove vlerën dhe rëndësinë e madhe që ka namazi për ne si musliman, atëherë dije se All-llahu, subhanehu ve teala, poashtu është kërcënuar me dënim të ashpër për atë që e lenë namazin.

Ibën Umeri, radijAll-llahu anhuma, thotë se Pejgamberi, sal-lall-llahu alejhi ve sel-lem, ka thënë: "Mua më është urdhëruar që t'i luftoj njerëzit, derisa të dëshmojnë se nuk ka hyjni tjetër përveç All-llahut dhe se Muhammedi është i Dërguari i Tij, dhe derisa të falin namazin dhe të japin zekatin. E kur e bëjnë këtë, atëherë e kanë të mbrojtur prej meje gjakun dhe pasurinë e tyre, pos nëse i kanë hyrë në hak Islamit, e llogaria e tyre është te All-llahu". (Buhariu, Muslimi)

All-llahu [subhanehu ve teala] na tregon se synimi i shejtanit është që ta largon njeriun nga namazi. Ai thotë: "Shejtani nuk dëshiron tjetër, përveç se nëpërmjet verës dhe bixhozit të hedhë armiqësi mes jush, t'ju pengojë nga të përmendurit Zotin dhe t'ju largojë nga namazi…" [Maide: 91].

All-llahu [subhanehu ve teala] na tregon se hipokritët (munafikët) e falin namazin me pritesë, veni re: "e falin namazin", pra, cilësi e munafikëve është se e falin namazin me përtaci, e a thua çka mund të themi për atë që e lenë namazin tërësisht, e as nuk i kujtohet të falet?

All-llahu [subhanehu ve teala] na tregon se në ditën e gjykimit banorët e xhennetit do ti pyesin banorët e xhehnemit se pse kanë hyrë në xhehnem, e ata do të përgjigjën: "Ne nuk e falnim namazin..".

Kurse Pejgamberi, sal-lall-llahu alejhi ve sel-lem, ka thënë: "Kush rregullisht e kryen namazin do t’i jetë dritë, shpëtim dhe dëshmi në ditën e Gjykimit, e kush nuk e kryen rregullisht atë, nuk do të ketë dritë, shpëtim e as dëshmi dhe në ditën e Gjykimit do të jetë me shoqërinë e Karunit, faraonit, Hamanit dhe Ubejj b. Halefit." [Imam Ahmedi].

Ibën Kajjimi, rahimehull-llah, duke e komentuar këtë hadith thotë: "Atë që nga falja e largon dëshira për pushtet, do të jetë i ringjallur pranë Faraonit; ai që e ka lënë namazin nga dëshira për pasuri do të ringjallet pranë Karunit; atë që kryelartësia dhe pozita e kanë penguar nga falja do të ringjallet në shoqëri të Hamanit, ndërsa nëse është në pyetje tregtia, atëherë do të ringjallet pranë Ubej b. Halefit."

Poashtu All-llahu, subhanehu ve teala, dhe Pejgamberi, sal-lall-llahu alejhi ve sel-lem, na tërhjekin vërejtjen se lënia e namazit është vepër e kufrit.

All-llahu, subhanehu ve teala, thotë: "(përqëndrohuni në atë fé) Të kthyer sinqerish tek Ai, kini frikë prej Atij dhe faleni namazin e mos u bëni nga idhujtarët." [Rum: 31].

Xhabiri, radijAll-llahu anhu, thotë: "E kam dëgjuar të Dërguarin e All-llahut duke thënë: "Në mes njeriut, shirkut dhe kufrit është lënia e namazit". (Muslimi)

Burejde, radijAll-llahu anhu, thotë se Pejgamberi, sal-lall-llahu alejhi ve sel-lem, ka thënë: "Zotimi i cili na ndan neve dhe ata është namazi, andaj ai që e lë atë ka bërë kufr". (Tirmidhiu thotë: hadith hasen).

Shekik Ibn Abdull-llah, i cili ishte prej tabiinëve dhe ishte i njohur për devotshmëri, thotë: "Shokët e Muhammedit, sal-lall-llahu alejhi ve sel-lem, nuk e konsideronin lënien e asnjë pune për kufr, përveç lënies së namazit." [sahih, transmeton Tirmidhiu].

Njëri nga selefët ka thënë: "O bir i Ademit! Ti ke nevojë për pjesën tënde në këtë botë, mirpo ti ke nevojë edhe më shumë për pjesën tënde në ahiret. Nëse kujdesesh për pjesën tënde në këtë jetë, atëherë ti do ta humbësh pjesën tënde në botën tjetër dhe së shpejti do ta humbësh pjesën tënde në këtë jetë gjithashtu. Nëse kujdesesh për pjesën tënde në ahiret, ti gjithashtu do ta fitosh pjesën tënde në këtë jetë me lehtësi." (Fedailudh-Dhikr f.19).

Vëlla i dashur! A nuk janë të mjaftueshme këto fakte që i paraqitëm që të vendosësh një herë e përgjithmonë se nuk do të lësh asnjë namaz pa falur, a nuk është kjo e mjaftueshme që të pendohesh te All-llahu për gabimet që i ke bërë dhe të kthehesh me të gjitha forcat kah Ai? Nxito dhe pendohu para se të jetë vonë, kthehu te Zoti yt me pendim të sinqertë...


Omer Islami,

Mjerë për lënësin e namazit, në ditën e gjykimit!



All-llahu, subhanehu ve teala, në librin e tij fisnik thotë: “O ju njerëz, ruajuni dënimit nga Zoti juaj, sepse dridhja pranë katastrofës së kijametit është një llahtari e madhe. Atë ditë, kur ta përjetoni atë, secila gjidhënëse braktis atë që ka për gjiri dhe secila shtatëzënë e hedh para kohe barrën e vet, ndërsa njerëzit duken të dehur, po ata nuk janë të dehur, por dënimi i All-llahut është i ashpër.” [Haxh: 1-2].

Kjo pra është dita e gjykimit, dita e dhënies së llogarisë, dita kur krijesat do të dalin para Zotit të tyre dhe do të paraqiten veprat e tyre. Në këtë ditë besimtarët e devotshëm do të kenë dritë dhe do të jenë nën hije, do të freskohen dhe do të gëzohen, kurse mëkatarët do të jenë të trishtuar, do t’i kafshojnë duart e veta nga mjerimi, do të jenë të zhytur në djersët e veta, do të shpresojnë të kthehen në këtë dunja për ta përmirësuar gabimin, mirëpo do të jetë vonë.

Ata e dinin se All-llahu ka zbritur libër dhe ka dërguar Pejgamber, mirëpo nuk i kushtonin rëndësi aspak këtij fakti, bile ia kthenin shpinën fjalëve të Zotit, e as që u interesuan për to. Tërë jetën e kaluan në mirësi të panumërta që u dha All-llahu, mirëpo All-llahun nuk e falenderuan, e injoruan dhe e haruan, këshillat e Tija nuk i dëgjuan, robërit e Tij të devotshëm i luftuan dhe nga rruga e drejtë u munduan t’i ndalin. Këta janë kriminelët e vërtetë, andaj në këtë ditë për ta nuk ka kthim dhe nuk ka arsyetim. Zoti është i hidhëruar me ta, nuk i shikon ata, e as që i pastron nga mëkatet. Për ta ka dënim të rreptë.

Prej atyre që do të pendohen në këtë ditë dhe do të mjerohen janë ata që e lanë namazin në këtë botë dhe nuk e falën, janë ata që nuk ranë në sexhde për All-llahun e Madhërishëm, janë ata që kur thirrte namazi e kalonin kohën në gjëra të kota dhe i jepnin më shumë rëndësi kësaj bote sesa Zotit të tyre.

Janë ata që edhe pse e thithnin ajrin që All-llahu e krijoi, e pinin ujin që All-llahu prej së larti e lëshoi dhe i hanin ushqimet që All-llahu i krijoi, ata këto të mira të All-llahut i kthyen me mëkate, ia kthyen shpinën Zotit dhe nuk e falën namazin, bile u vinte rëndë të ngrihen në namazin e sabahut. Ata urdhërat e Zotit nuk i dëgjuan, nga ndalesat e Tij nuk u larguan, librin e Tij nuk e lexuan dhe Pejgamberin e Tij nuk e pasuan.

All-llahu i Madhërishëm këtyre u thotë: “A nuk e dinë të tillët se kanë për t'u ringjallur? Në një ditë të madhe, Në ditën kur njerëzit ngrihen (prej varrezave) për të dalë para Zotit të botëve.” [Mutaffifin: 4-6].

Ta shohim pra se si do të jetë gjendja e atyre që e lanë namazin, ta shohim çka do të përjetojnë ata në ditën e gjykimit, ta shohim se çka na ka treguar All-llahu dhe i Dërguari i Tij, sal-lallahu alejhi ve sel-lem, për këtë gjë:

1- All-llahu, subhanehu ve teala, thotë: “Atë ditë është mjerim për ata që mohuan të mirat e Zotit. Dhe kur atyre u thuhej: “Përkuluni!”, (bini në ruku sh.r.) ata nuk përkuleshin. Atë ditë është mjerim për ata që përgënjeshtruan.” [Murselat: 47-49].

Pra mjerim do të jetë atë ditë për përgënjeshtruesit, për ata që ia kthyen shpinën Zotit të tyre, për ata që nuk e falënderuan All-llahun për të mirat e tyre, për ata që e tradhëtuan besën që ia dhanë All-llahut dhe Pejgamberit, për ata që u bën miq të shejtanit, edhepse ai ishte armik i tyre i hapët, për ata që e pasuan epshin e tyre dhe iu dukën të rënda udhëzimet e All-llahut, edhepse ato ishin në dobi të tyre.

Pra, mjer për ata, sepse kur u thuhej atyre përkuluni, bëni ruku, faleni namazin dhe keni frikë nga Zoti, mos ia ktheni shpinën atij, faleni namazin, ata nuk u përgjigjën, po u kthyen në anën tjetër.

2- Pejgamberi, sal-lallahu alejhi ve sel-lem, ka thënë: “Për të parën gjë që do të pyetet robi do të jetë namazi. Nëse ai është në rregull, të gjitha punët e tij të tjera do të jenë në rregull, e nëse nuk është në rregull, atëherë të gjitha punët e tij nuk do të jenë në rregull”

Për të parën gjë që do të pyetet robi i All-llahut është namazi. Nëse namazin e ka kryer si duhet, me përkushtim dhe sinqeritet, të gjitha punët tjera do të jenë në rregullë, sepse namazi i falur si duhet të largon nga veprat e këqija dhe të shëmtuara, siç thotë All-llahu, subhanehu ve teala: “...fal namazin, vërtet namazi largon nga të shëmtuarat dhe të irituarat...”. Pra, namazi i falur si duhet, të largon nga veprat e këqija dhe të afron drejt veprave të mira.

Njeriu i tillë do t’i ketë punët tjera në rregullë, sepse në librin e tij do të jenë të shkruara veprat e mira dhe ai do të jetë prej banorëve të xhennetit.

Ndërsa, ai që nuk e ka namazin në rregullë, ai i cili nuk është falur, apo është falur një herë në vjet, apo një herë në javë dhe nuk i ka kushtuar rëndësi namazit, nuk e ka falur rregullisht, punët e këtij personi nuk do të jenë në rregull.

3- Pejgamberi, sal-lallahu alejhi ve sel-lem, ka thënë: “Kush rregullisht e kryen namazin do t’i jetë dritë, shpëtim dhe dëshmi në ditën e Gjykimit, e kush nuk e kryen rregullisht atë, nuk do të ketë dritë, shpëtim e as dëshmi dhe në ditën e Gjykimit do të jetë me shoqërinë e Karunit, faraonit, Hamanit dhe Ubejj b. Halefit.” [Imam Ahmedi].

Pra, kush rregullisht e fal namazin, namazi i tij do të jetë dritë në ditën e gjykimit, dritë të cilën e ka përmend All-llahu, subhanehu ve teala, kur ka thënë: “O ju që keni besuar, pendohuni tek All-llahu me një pendim të sinqertë në mënyrë që Zoti juaj t'i largojë prej jush të këqijat, t'ju shpie në xhennete nën të cilët rrjedhin lumenj ditën kur All-llahu nuk e turpëron Pejgamberin, e së bashku me të as ata që kanë besuar. Drita e tyre ndriçon para tyre dhe në të djathtë të tyre, e ata thonë: “Zoti ynë, vazhdona dritën tonë, falna neve. Vërtet, Ti je i plotfuqishëm për çdo send”.” [Tahrim: 8].

Përveç kësaj, namazi do të jetë shpëtim për të, shpëtim nga zjarri i xhehennemit, shpëtim nga dënimi i dhembshëm, si dhe do të jetë dëshmi për besimin e tij, do të jetë dëshmi për sinqeritetin e tij, do të jetë dëshmi për përkushtimin e tij.

Po ata që nuk e falën namazin? Ata do të jenë në terr, nuk do të kenë dëshmi për ta, ata nuk do t’i njohë Pejgamberi, sal-lallahu alejhi ve sel-lem, sepse ai i njeh besimtarët nga pjesët e trupit, të cilat i kanë larë gjatë marrjes së abdesit. Këta njerëz do të ringjallën me njerëzit më të poshtër, më të këqij, siç është Faraoni dhe të tjerët.

Ibën Kajjimi, rahimehull-llah, duke e komentuar këtë hadith thotë: “Atë që nga falja e largon dëshira për pushtet, do të jetë i ringjallur pranë Faraonit; ai që e ka lënë namazin nga dëshira për pasuri do të ringjallet pranë Karunit; atë që kryelartësia dhe pozita e kanë penguar nga falja do të ringjallet në shoqëri të Hamanit, ndërsa nëse është në pyetje tregtia, atëherë do të ringjallet pranë Ubej b. Halefit.”

4- All-llahu, subhanehu ve teala, thotë: “(Përkujto) Ditën kur ashpërsohet çështja deri në kulm (në kijamet), e ata do të ftohen për të bërë sexhde, po nuk munden. Shikimet e tyre janë të përulura dhe ata i kaplon poshtërimi, kur dihet se ata kanë qenë të ftuar të bëjnë sexhde sa ishin të shëndoshë (të gjallë në dunja).” [Kalem: 42-43].

Pra, në Ditën e gjykimit njerëzit do të tubohen në Mahsher, dhe do t’i urdhërojë All-llahu që të bëjnë sexhde. Besimtarët e devotshëm do të bëjnë sexhde për All-llahun e Madhërishëm, të gëzuar dhe të lumtur, sepse kjo është nderë për ta, kjo është krenari për ta.

Kurse, ata që nuk kanë bërë sexhde në këtë botë, do t’u shtanget kurrizi dhe nuk do të mund t’i bëjnë sexhde All-llahut, do t’i kaplojë nënçmimi dhe frika, do të poshtërsohen dhe do të trishtohen. Ata nuk do ta kenë atë nderë që t’i bëjnë sexhde Krijuesit të tyre, sepse nuk bënin sexhde kur ishin në këtë botë, po e kthenin shpinën dhe largoheshin nga udhëzimi i Zotit.

Adhurimi i All-llahut është nderë dhe krenari, e këta nuk e fitojnë këtë nderë, sepse ishin të larguar nga Zoti i tyre. Prandaj ata nuk do ta shijojnë kënaqësinë e adhurimit ndaj All-llahut, nuk do ta shijojnë kënaqësinë e sexhdes për All-llahun, e as që do ta shohën All-llahun, subhanehu ve teala.

E lusim All-llahun që të na mundësoj të pendohemi dhe të kthehemi në rrugën e Zotit, ta falim namazin dhe të jemi prej atyre që do t’i bëjnë sexhde Atij në Ditën e Gjykimit.


5- All-llahu, subhanehu ve teala, duke e përshkruar ditën e gjykimit thotë: “Secili njeri është peng i veprës së vet. Përveç atyre të djathtëve. Që janë në xhennete e i bëjnë pyetje njëri-tjetrit, Përkitazi me kriminelët (e u thonë): “Çka u solli juve në Sekar?” Ata thonë: “Nuk kemi qenë prej atyre që faleshin (që bënin namaz); Nuk kemi qenë që ushqyenim të varfërit; Dhe kemi qenë që përziheshim me të tjerët në punë të kota. Dhe kemi qenë që nuk e besonim ditën e gjykimit. Derisa na erdhi e vërteta (vdekja)!” [Muddeththir: 38-47].

Pra pasi të kenë hyrë banorët e xhennetit në xhennet dhe pasi të kenë hyrë banorët e xhehennemit në xhehennem, banorët e xhennetit do t’i pyesin banorët e xhehennemit: “Pse keni hyrë në Xhehennem?” Ata do të përgjigjën “Sepse nuk e falnim namazin.”

Pra, mosfalja e namazit është një ndër shkaqet kryesore për të hyrë në xhehennem, All-llahu na ruajt prej tij.


Omer Islami,

__________________
Sikur të ishte deti ngjyrë për t'i shkruar fjalët e Zotit tim, deti (uji i tij) do të shterrej para se të përfundojnë fjalët e Zotit tim.

Selam Alejkum Ve Rahmatullah Ve Bereketuhu.ju Rujt All-llahu Inshallah Ju Mundeson Xhennetin.te Gjithe Ju Besimtareve Kudo Qe Ndodheni.dhe Ju Qe Nuk E Falni Namazin.keni Mjaft Shpjegim Per Ta Kuptuar Se Sa I Dobishem E Sa I Rendesishem Eshte.e Them Kete Nga Eksperienca Ime Jetesore.jam Vetem 18 Vjeqe Dhe Ndodhem Ne Kurbet Shum Larg Nga Shkodra Vendlindja Ime Familja Ime Dhe Njerzit E Mi Te Perzemert Ketu Me Mbeshtetjen E All-llahut Te Madheruar E Kam Mbledhur Mendjen Dhe Kam Ecur Perpara.veq I Madhi Zot Eshte Ai Me Te Cilin Flas .hapem Duke E Fal Namazin E Duke Ia Shpreh Shqetesimet E Mia Se Veq Ai Eshte Ai Qe Te Lehteson Dhimbjet E Te Udhezon.kini Besim E Faleni Namazin Kerkoni Te Mesoni Te Dini Mbi Fene E Ligjet E All-llahut Se Jeta Duke E Cur Ne Rrugen E Tij Eshte Shum E Bukur E Kurr Skeni Per Te Vuajtur.un Jam Shum Elumtur Qe E Fal Namazin.dhe Ndjehem E Lehtesuar Jasht Mase.ai Me I Madhi .meshirploti Me Gjindet Prane Kudo..selam Alejkum Ve Rahmetull-llah Ve Bereketuhu.

"te Kerkuarit Falje Dhe Pendimi"ebu Hujrejra Radiall-llahu Anhu Thote."e Kam Degjuar Te Derguarin E All-llahut Duke Thene:"pasha Allahun,un Kerkoj Falje Prej Allahut Dhe Pendohem Tek Ai 100 Her Ne Dite"dhe Ka Thene " O Ju Njerez Pendohuni Tek All-llahu Njeqind Here Ne Dite Dhe Ka Thene Pejgamberi" Kush Thote.estagfirullahel-adhim El-ledhi La Ilahe Il-la Huve,el-hajjul-kajjumu Ve Etubu Ilejhi.(kerkoj Faljen E All-llahut Te Madherishem,perveq Te Cilit Nuk Ka Te Adhuruar Tjeter ,qe Eshte I Gjalle Pergjithmon Dhe Mbikqyres I Perhershem Dhe Tek Ai Pendohem),all-llahu Do Tia Fale Atij Edhe Nqs Ka Ikur Nga Beteja".dhe Ka Thene I Derguari I All-llahut 22allahu I Afrohet Me Shume Robit Te Vet Ne Pjesen E Fundit Te Nates .nqs Ke Mundesi Te Jesh Prej Atyre Qe E Permendin All-llahun Ne Ate Moment,behu!"dhe Ka Thene 2robi Eshte Me Afer Zotit Kur Ai Eshte Ne Segjde,prandaj Shpeshtoni Lutjet)!"dhe Ka Thene Me Te Vertete Zemren Time E Kaplon Gafreti(pakujdesija ),a Daj Kerkoj Falje 100 Here Ne Dite

ME EMRIN E ALL-LLAHUT MESHIREPLOTIT,MESHIREBERESIT PO E SHKRUAJ KETE IASHALLA E PERFUNDOJ DHE NE DOBI TE NJEREZVE INSHALLAH PER TU UDHEZUAR NE RRUGE TE VERTETE PER TE SHPETUAR E PER TU LARGUAR NGA KENAQESITE E KSAJ JETE TE PERKOHESHME."Ebu Hujrejra Radiall-llahu Anhu Thote."e Kam Degjuar Te Derguarin E All-llahut Duke Thene:"pasha Allahun,un Kerkoj Falje Prej Allahut Dhe Pendohem Tek Ai 100 Her Ne Dite"dhe Ka Thene " O Ju Njerez Pendohuni Tek All-llahu Njeqind Here Ne Dite Dhe Ka Thene Pejgamberi" Kush Thote.estagfirullahel-adhim El-ledhi La Ilahe Il-la Huve,el-hajjul-kajjumu Ve Etubu Ilejhi.(kerkoj Faljen E All-llahut Te Madherishem,perveq Te Cilit Nuk Ka Te Adhuruar Tjeter ,qe Eshte I Gjalle Pergjithmon Dhe Mbikqyres I Perhershem Dhe Tek Ai Pendohem),all-llahu Do Tia Fale Atij Edhe Nqs Ka Ikur Nga Beteja".dhe Ka Thene I Derguari I All-llahut 22allahu I Afrohet Me Shume Robit Te Vet Ne Pjesen E Fundit Te Nates .nqs Ke Mundesi Te Jesh Prej Atyre Qe E Permendin All-llahun Ne Ate Moment,behu!"dhe Ka Thene 2robi Eshte Me Afer Zotit Kur Ai Eshte Ne Segjde,prandaj Shpeshtoni Lutjet)!"dhe Ka Thene Me Te Vertete Zemren Time E Kaplon Gafreti(pakujdesija ),a Daj Kerkoj Falje 100 Here Ne Dite

Falja e sabahut tregon sa e dona All-llahun


Gëzimi i atij djali ishte i pamasë kur një ndërmarrje e njohur e pranoi atë të punoi për ta. Ai fluturonte mbi hënë dhe ai ishte kandidati i vetëm i pranuar. Ai nënshkroi kontratë që përmban në vete se ai duhet të pranojë respektimin e orarit të ndërmarrjes, dërgimin e raporteve javore rreth aktiviteteve të tij, dhe pranimin se do të ndëshkohej nëse shkelte rregullat...

Më vonë, djaloshi takoi menaxherin e tij dhe i tha, “Prej nesër e tutje, unë nuk do të vijë në kohë, dhe gjithashtu nuk do t’i dërgoi raportet javore në kohë në vend që të vonohen vetëm pak. Gjithashtu unë nuk do të të lejojë që të më dënosh mua, dhe nuk ke të drejtë që të më përjashtosh nga puna.”

Në qoftë se imagjinojmë një situatë të tillë, ne do qeshnim me sjelljen e atij djaloshi. Askush nuk do ta shoh ndryshe pos si një person të çmendur. Si mund dikush të marrë të drejtë, duke marrë parasysh se ai nuk i plotëson obligimet e tij?!

Ndaj, pse shumica prej nesh bëjnë vepra të tilla madje edhe më të këqija? (Sikur që ne

bëjmë mëkate më të mëdha kundër Ligjit të All-llahut të Madhëruar). Si mund që njeriu shpirtërisht i shëndoshë ti lejoi vehtes të gëzoj mirësitë e All-llahut: siç janë ushqimet, pijet, veshjet dhe kënaqësitë jetësore; ndërsa nuk i kryen obligimet me të cilat Ai e ngarkon, siç është p.sh. Namazi?! Dhe madje edhe nëse falet, ai atë nuk e kryen në kohë të vete ose e kryen shpejt e shpejt sikur gjeli (me shpejtësi dhe pa kujdes). Ai gjithashtu nuk përputhet me të falurit e vet e as që e kupton atë që thotë.

Duke u bazuar në një anketim të bërë nga web-faqja Islamway.com që përfshiu mbi 4000 persona, rezultatet janë si vijon:

- 14% prej tyre asnjëherë nuk e kryen namazin në kohë;

- 16% prej tyre rallë herë e falin në kohë;

- 33% shpesh e falin në kohë;

- 35% preh tyre gjithmonë e falin në kohë.

Subhanall-llah! Ne nuk flasim rreth jurisprudencës rreth të cilës dijetarët nuk qenë në ujdi ose rreth një suneti të cilin kush dëshiron e kryen e kush dëshiron jo. Ne flasim rreth ABC-së së Islamit. Ne flasim rreth faljes të cilën All-llahu e bëri obligim për të gjithë muslimanët – cilat do qofshin kushtet e tyre.

Atëherë kur All-llahu i Madhëruar i urdhëron muslimanët të falin, Ai ua tërheq vërejtjen rreth vonesës së tij, duke thënë: " Mjer për ata që falen, - të cilët ndaj namazit të tyre janë të pakujdesshëm. (El Maun 107: 4-5)

Komentatorët thonë se kuptimi i këtij verseti është vonimi i faljes pas kohës së caktuar. Ata gjithashtu thonë: “Vejl (Mjer)” është një luginë qartë e zezë në Xhehennem. A nuk i besojmë Fjalët e Allahut?

Shumica e muslimanëve e neglizhojnë kohën e sabahut sikur të mos ishte aty. Prandaj ata e falin atë shumë më vonë. Në vazhdim, disa prej tyre e falin mu para namazit të drekës. Disa nuk do ta falin kurrë ose do ta falin më pastaj. Ndaj pse gjithë ky dembelllëk yni, a e meriton All-llahu i Gjithëfuqishëm këtë? A nuk proklamojmë ne se e dona më shumë se gjithçka tjetër? Kur dikush prej neve e dashuron dikend me dashuri të sinqertë, ai dëshiron ta takojë atë. Ai do të mendojë shumë për të. Kur të ketë takim me të, ai nuk mund të flejë deri sa ta takojë atë që e do. Ndaj, të tillë janë ato faltorë të cilët nuk e falin namazin e sabahut në të vërtetë për dashuri ndaj All-llahut. A i respektojnë në të vërtetë ata urdhërat e Tiij? A dëshirojnë ta takojnë Atë?

Të paramendojmë se një multimilioner i ofron njërit nga punëtorët e tij për çdo ditë nga 1000$, vetëm me një kusht, që punëtori për çdo ditë doemos ta thirrë punëdhënësin e tij në mëngjez që ta zgjojë dhe të ik. Kjo gjë e thjesht, punëtorit nuk do t’i kushtojë më tepër se disa minuta në ditë. Kjo ofertë e shkëlqyeshme dhe shpirtëgjërë do të zgjatë derisa punëtori të vazhdojë rregullisht ta zgjojë punëdhënësin e tij. Përndryshe, oferta e tij do të ndërpritej menjëherë, dhe nga punëtori do të kërkohet që t’i kthejë të gjitha të hollat që i ka pranuar, në qoftë se neglizhon vetëm një herë ta zgjojë punëdhënësin pa arsye. Ndaj, nëse ti, vëllau im musliman, do të ishe ai punëtor, a do ta neglizhoje ta thirrje shtëpinë e punëdhënësit? A nuk do të kujdeseshe të fitoje për çdo ditë nga një mijë dollarë? Me siguri që jo – dhe nëse ndodh që një mëngjez të dështosh – mundohu që të arsyetohesh se në të vërtetë nuk qenë në gjendje ta zgjosh?

Për All-llahun është shembulli më i lartë, ndaj çfarë me ty vëllau im i dashur drejt Zotit, All-llahut të Gjithëfuqishëm? Ai është i Një i Vetëm, që të jep ty mënyrën e jetesës dhe që të dhuroi ty me çdo gjë, këto mirësi janë krejtësisht shumë më tepër se një milionë dollarë në ditë. Është Ai i Gjithëfuqishëm i Cili thotë: “Dhe Ai ju dha gjithatë që e kërkuat (që kërkoi nevoja juaj) dhe, edhe në qoftë se përpiqeni t’i numëroni të mirat (në numër). Vërtet, njeriu është i padrejtë dhe shumë për përbuzës.” [Ibrahim: 14 : 34]

A nuk meriton ky Zot i Gjithëmëshirshëm, Dhuruesi më i madh, që të zgjohesh për Të çdo mëngjez rreth orës 5 (gjatë verës kurse gjatë dimrit edhe më vonë) dhe ti falënderosh Atij vetëm pesë deri në dhjetë minuta për dhuntitë e mëdha të Tij?

Gjykimi ndaj atyre që neglizhojnë faljen e sabahut në kohë:

All-llahu i Madhëruar thotë: “Kur të kryeni namazin (e frikës) përmendeni All-llahun, kur jeni në këmbë, ulur, të mbështetur. E kur të qetësoheni (nga lufta), atëherë faleni namazin në mënyrë të rregullt, pse namazi është obligim (për kohë) i caktuar për besimtarët.” [En Nisa, 4: 103]

Islami është një rrugë e logjikshme jetese... Është sikur një marrëveshje në mes Zotit të Madhëruar dhe robit të Tij të përulur. Duke u bazuar në këtë marrëveshje, robi kryen detyrime të caktuara para All-llahut. Me respekt ndaj këtyre obligimeve, All-llahu do t’i dhuroj robit të drejtat dhe privilegjitë. Është e pandjeshme që ju të pajtoheni me kontratën, dhe, menjëherë pastaj, ju të bëni çfarë të doni dhe të neglizhoni çfarë nuk ju pëlqen. All-llahu i Madhëruar në Kur’an thotë: “O ju që besuat, hyni në islamin e tërësishëm (Përqafoni fenë islame në tërësi), e mos ndiqni rrugën e djallit, sepse ai është armik i juaji i hapët.” [El-bakare, 2 : 208]

Komentuesit e Kur’anit thonë: Kjo nënkupton të pranosh Islamin me të gjithë legjislaturën dhe rregullat. All-llahu u hidhërua me Benu Israilët kur ata kryen atë që donin nga Feja e Tij dhe neglizhuan të tjerat. Mu për këtë, Ai iu drejtua atyre duke u thënë: “Pastaj qe, ju jeni ata që mbytni njëri-tjetrin, i dëboni disa prej jush nga vendi i tyre duke bashkëpunuar kundër tyre si është mëkatë e padrejtë, e nëse ata bien te ju në robëri, ju jepni konpensim për (t’i liruar) ata, e dëbimi i tyre nga vendi është i ndaluar për ju. A e besoni një pjesë të librit, e tjetrën e mohoni? Ç’mund të jetë ndëshkimi ndaj atij që punon ashtu prej jush, pos poshtërim në jetën e kësaj bote, e në ditën e gjykimit ata hidhen në dënimin më të ashpër. All-llahu nuk është i pakujdesshëm ndaj asaj që veproni ju.” [El-Bekare: 2 : 85]

Pejgamberi, paqja e All-llahut qoftë mbi të, ata që nuk e kryejnë namazin e Sabahut dhe jacisë me xhemat i konsideron munafikë. Ndaj çfarë mendoni për ata të cilët nuk e falin fare, as me xhemat e as të vetmuar në shtëpi?

● Pejgamberi (paqja e All-llahut qoftë mbi të): “Nuk ka falje (namaz) më të rëndë për hipokritët (dyftyrshët) se sa namazi i sabahut dhe i jacisë. Dhe sikur ta dinin ata çfarë ka në to (çfarë shpërblimi, thevabi), ata do të kujdeseshin për të ashtu që do të vinin madje duke u zvarritur.” (Transmeton Buhari)

● All-llahu i Madhëruar përmend se heq dorë nga ata që neglizhojnë obligimin e namazit. Përveç kësaj, Pejgamberi, paqja e All-llahut qoftë mbi të, thotë: “Mos e leni kryerjen e namazit qëllimisht ngase kushdo që vepron ashtu, nga ai do të heq dorë All-llahu dhe Pejgamberi i Tij.” (Transmeton Imam Ahmedi)

Ashtu dëshiron, vëllau dhe motra ime muslimane, që më të afërmit të heqin dorë nga ty? Ndaj si e neglizhon namazin dhe ashtu shkakton që All-llahu të heq dorë nda ty?

Mirë... çfarë duhet të bëjë unë?

● Çdokush prej neve duhet ta rregulljo alarmin e orës që të ngrihet ta falë namazin e sabahut.

● Ne duhet që namazit t’ia japim statusin e tij në jetët tona, dhe ne duhet ti disiplinojmë punët tona në koordinim me kohët e rregullta të namazit. (për fat të keq, ne thjesht veprojmë të kundërtën).

● Ne duhet të flejmë më herët dhe të zgjohemi për sabahun dhe mandej të shkojmë në punë. Manjëherë pas sabahut, All-llahu ndanë rizkun e njerëzve.

● Çdokush prej neve duhet të kërkojë shoqëri e cila do ta zgjojë atë për faljen e sabahut. Përveç kësaj, ata duhet ta ndihmojnë njëri-tjetrin në kryerjen e veprave të mira.

● Ne duhet gjithnjë të bëjmë duanë e natës (para fjetjes, në të cilën kërkojmë nga Allahu që të na ndihmojë në namazin tonë.

● Të ndjehemi fajtorë në qoftë se na ik dhe një namaz i vetëm. Madje, ne duhet të premtojmë që kurrë nuk do të përsëritet një mëkat i tillë.

Le të na bëjë All-llahu prej atyre që në të vërtetë e duan Atë. Le të na jep sinqeritet në fjalë dhe në vepra. (Amin) Përfundimisht, çfarëdo që në këtë artikull është e drejtë, është vetëm se dhuratë nga All-llahu. Dhe çdo gabim apo mangësi është prej meje apo shejtanit.


Solli në shqip: Ebu Jasin

__________________
Sikur të ishte deti ngjyrë për t'i shkruar fjalët e Zotit tim, deti (uji i tij) do të shterrej para se të përfundojnë fjalët e Zotit tim.

Faliminderit shum...