Në Islam martesa konsiderohet si një institucion i shenjtë. I Derguari i Allahut - Muhamedi as. - ka thënë: "Martesa është Sunet (veprim i rekomanduar nga Profeti) dhe ai qe nuk e ndjek Sunetin tim nuk është pasues i vërtetë i imi."

Allahu i Madheruar ne Kuran i urdheron Muslimanet te martohen: "Dhe martoni të pamartuarat (të pamartuarit)…." (Kur'an, 24:32)


Që martesa te jetë e vlefshme duhet te plotesohen këto kushte:
Duhet te bëhet propozimi i qartë.
Duhet te bëhet pranimi i qartë.
Duhet te jenë te paktën dy deshmimtare. Dhe rekomandohet qe martesa te bëhet e njohur ne publik (d.m.th. të mos mbahet e fshehte).
Duhet t'i jepet një dhurate, sado e vogël, nuses nga burri (Mehri).


Dhurata e marteses nga ana e burrit për nusen e tij është një shprehje simbolike e pranimit nga ana e burrit e pergjegjesive te tij ekonomike ne martese, dhe e gatishmerise se tij për te marrë përsipër këto përgjegjësi. Ndaj nuk duhet te kuptohet si një çmim për nusen apo familjen e nuses.

Është e DREJTA E VAJZES te marrë vendimin për martesen e saj dhe babai ose kujdestari i saj nuk kanë asnjë te drejtë te injorojne apo mos marrin parasysh dëshirën e saj.

Vendimi për partnerin tënd në martesë është një nga vendimet më të rëndësishme që njeriu bën në jetën e vet. Ndaj nuk duhet të merret lehtë kjo çështje, e as t'i lihet vetëm shanseve, momenteve apo hormoneve. Ky është një vendim që duhet të merret me shumë seriozitet duke bërë vazhdimisht Dua (lutje Allahut), hetim të kujdeshëm të të gjithë faktorëve dhe rrethanave, si dhe me mbështetjen dhe përfshirjen e familjes.

Atëherë pyetja është: Si ia bëjnë të rinjtë Muslimanë? Së pari, në Islam të rinjtë rriten duke ndërtuar lidhje të forta shoqërie me shokë të të njëjtës gjini. 'Motërzimi' ose 'Vllazërimi' që zhvillohet tek të rinjtë zgjat gjithë jetën.

Kështu në përgjithësi kur një i ri ose e re vendos të martohet, zakonisht ai/ajo ndjek këto hapa:

I riu/e reja bën Dua që Allahu ta ndihmojë të gjejë njeriun e duhur.

Familja/shoqëria interesohet, diskuton dhe sugjeron disa kandidatë. Pastaj konsultohen me njëri-tjetrin duke reduktuar numrin e kandidatëve. Zakonisht familjet sugjerojnë njëri-tjetrit që palët të takohen.

Çifti dakordohet të takohet në një ambient me njerëz.

Familja vazhdon të pyesë edhe më për kandidatin - duke folur me shokë, familje, kolege, etj me qëllim që të mësojë për karakterin e tij.

Çifti fal Namazin e Istihares duke kërkuar ndihmën e Allahut në marrjen e vendimit.

Në fund, palët vendosin nëse do vazhdojnë me martesë ose jo. Islami i ka dhënë liri njeriut në zgjedhjen e partnerit - ata nuk mund të martohen me forcë nëse nuk kanë dëshirë.
Kjo lloj proçedure ndihmon që të sigurohet një martesë e fortë, duke marrë parasysh zgjuarsinë dhe udhëzimin e më të rriturve në familje sidomos kur është fjala për një vendim kaq të rëndësishëm në jetë. Përfshirja e familjes në zgjedhjen e partnerit në martesë bën të mundur që zgjidhja të mos bazohet vetëm në nocione romantike, por në vlerësimin objektiv dhe të kujdësshëm me qëllim që çifti të jetë sa më i përshtatshëm për njëri-tjetrin.

__________________
Nobody is perfect ...

istiharja



Ka thënë i Derguari i Allahut - Muhamedi a.s.:

"Lumturia e birit te Ademit varet nga te qenurit i lumtur me çka Allahu i ka dhënë atij,

mërzia e birit te Ademit vjen nga mosfalja e Isti'hares,

dhe pakenaqesia e birit te Ademit rezulton nga qenia jo i kënaqur me çfare Allahu i ka dhënë atij."

Hadith - al-Tirmidhi # 2151. [I cilësuar si Sahih dhe Hasen]



Duaja e Istihares është transmetuar nga Xhabir Ibn 'Abdullah i cili ka thënë se: "Profeti, alejhi selam (paqja qoftë mbi te), na mesonte te bëjmë Istiharen për gjithë çeshtjet/punët tona, ashtu siç na mesonte suret e Kuranit. Ai (profeti) na thoshte: 'Nëse ndonjëri prej jush mendon te beje diçka, le të fale dy rekate namaz (jo prej namazit farz) dhe te thoje (pas namazit) duanë e Istihares..."


Pra, Namazi i Istihares është ai namaz ne te cilën ne myslimanet pyesim Allahun e gjitheditur dhe qe i ka shkruar tashmë çështjet tona, se cilën rrugë duhet te marrim. Për te falur namazin e Istihares, njeriu duhet te fale dy rekate namaz (jo-farz), d.m.th. ato mund te jenë dy rekate sunet ose nafile dhe mund te falet ne çdo kohe te ditës apo nates. Si i tillë mund te sherbeje edhe një namaz sunnet i ndonjë vakti, por duke i vënë si nijet përveç namazit te synetit edhe nijetin e Istihares.
Për shembull, le ta zëmë se do të falesh namazin e sabahut (synetin), atëherë ver ne zemren tënde si nijet " Unë po fal synetin e sabahut dhe njekohesisht edhe namazin e istihares". Ne këtë namaz, pasi ke falur dy rekate te zakonshem me Fatihane, një sure dhe të gjitha te tjerat sipas rregullit, ulu ne uljen e fundit tek "Etehijatu..." ,thuaj ato qe thua zakonisht dhe pasi te japësh selam dhe te besh pak dhikr pas selamit si p.sh.. estagfirullah, estagfirullah, estagfirullah, Subhanallahi uel hamdulilahi ue la ilahe ilallah uallahu ekber, etj. thuaj këtë dua , qe quhet "Duaja e istihares" (ne qoftë se nuk e dimë përmendësh, por desherojme te falim këtë namaz, atëherë mund ta mbajmë copen e letres me duanë te shkruar afër vetes dhe pastaj, pas selamit, ta marrim letren ne gjunje dhe ta lexojmë duanë.


Duaja e ISTIHARES (arabisht)

"Allahumme in-ni estekhiruke bi ilmike. Ue estakdiruke bi kudretike, ue es'eluke min fadlikel-adhim.
Fe inneke takdiru ue la akdiru, ue ta'lemu ue la a'ëlemu, ue ente 'allamul - gujub.
Allahumme, in kunte ta'ëlamu enne hadheI emru (emerton këtu nevojen tënde) hairun li fi dini ue ma'ashi ue akibeti emri ue 'axhilihi ue axhilihi fakdirhu li ue jes-sirhu li thumme barik li fihi.
Ue in kunte ta'ëlemu en-ne hadhel emru sherrun li fi dini ue me'ashi ue akibeti amri ue 'axhilihi ue axhilihi fasrifhu anni uesrifni anhu uakdir li al-hajre haithu kana thum-ma ardini bihi"


DUAJA E ISTIHARES (Shqip)

" O Zot, me diturine Tende kerkoj hajrin! Kërkojë ndihmë prej fuqise Sate, kerkoj prej te mirave te Tua te shumta, sepse Ti je
i gjithefuqishem, e unë jam i dobët, Ti di çdo gjë e unë nuk di, Ti je Ai qe i di te fshehtat.
O Zot, nëse kjo pune e imja (emeron këtu dëshirën, hallin, etj) është hajr për fenë dhe jetën time, për kohën e tashmë dhe të ardhmën, bëj te mundshme qe te realizohet, lehteso dhe beko.
E nëse kjo pune është e dëmshme për fenë dhe jetën time , për te tashmen dhe të ardhmën dhe për ne ahiret, largoje prej meje dhe me largo mua nga ajo, me percakto hajrin kudo qoftë, pastaj me bëj te kënaqur me te."


Pergjigja e lutjes se këtij namazi mund të vijë ne mënyra të ndryshme, si p.sh.. dikush (mysliman) te keshillon me një këshillë te çmuar në lidhje me çeshtjen tënde, ne ëndërr ndoshta, apo ne zemër ndihesh e frymezuar dhe e qete ne vendimin tënd dhe se kjo është rruga e drejtë dhe qe do Allahu.

Pejgamberi a.s. ua mesonte as'habeve duanë e istihares siç ua mesonte suret e Kuranit dhe i porosiste qe ta bëjnë praktike për çdo pune te rëndësishme. Thoshte : "Kur ndokush prej jush deshiron te vendose për ndonjë pune te rëndësishme, le t'i fale dy rekate namaz e pastaj te thotë: ....dhe u thoshte duanë e istihares.

Rastet për te cilat përdoret duaja e Istihares janë ta panumerta, si p.sh. para se te niseni ne ndonjë udhëtim, para se te vendosni për martese, për fushën e studimeve qe duhet te ndjeke, etj, d.m.th. ne çdo situate qe ke te besh me pasiguri dhe duhet te marrësh vendim.

Dhe së fundi theksojme se është e rëndësishme të kesh besim dhe të mbeshtetesh tek Allahu:

"... e kur të vendosësh, atëherë mbështetu në Allahun, se Allahu i do ata që i mbështeten (Atij)."

(Sure Ali Imran, 3:159)

Disa Pyetje që Mund t'ia Bëni një Kandidati për Martesë


Pyetjet që vijojnë kanë për qëllim t'ju ndihmojnë juve të mendoni për disa çështje të rëndësishmë në lidhje më martesën. Eshtë në dëshirën tuaj t'i merrni ato në konsideratë kur të bisedoni me dikë me qëllim lidhje në martesë. Disa nga këto pyetje mund t'i bëhen edhe një ndërmjetësuesi, i cili është në gjendje t''ju përgjigjet nga një perspektivë e paanshme.
Pyetje të Përgjithsme:
Pse jeni i interesuar të martoheni pikërisht në këtë kohë?

Si do ta përshkruanit veten?

Cila është një nga arritjet e tua më të mëdha?

A mund të më tregosh diçka nga eksperienca jote nga e cila ke përfituar apo ke mësuar?

Cila ka qenë një nga vështirësitë më të rënda me të cilat je ballafaquar deri tani në jetë? Si ka ndikuar ajo tek ty?

A ka ndonjë gjë që do dëshiroje ta ndryshoje tek vetja dhe cila është ajo?

Cilat janë qëllimet e tua në këtë jetë? Çfarë ke dëshirë të realizosh para se të vdesësh?

Për çfarë je duke kërkuar tek partneri/partnerja jote e ardhshme?

Pyetje për Fenë:
Çfarë bën që të ndjehesh sa më afër me Allahun (subhanehu ue teala shkurt sut)?

Si mendon se martesa do të të afrojë edhe më tepër me Allahun (sut)?

Çfarë do kishit dëshirë të përmirësonit tek vetja nga perspektiva Islame?

A i falni të gjitha kohët e namazit? Po kur jeni në punë si ia bëni? A shkoni për namazin e Xhumasë?

Sa sure nga Kur'ani keni mësuar përmendësh?

Sa shumë je i ingranuar me komunitetin?

A e agjëroni Ramazanin?

Sa shumë jepni për Sadaka? Si e shpërndani Zekatin?

A keni qenë për Haxh ose për Umra? Kur keni dëshirë të shkoni?

A ke lidhje me ndonjë xhami të veçantë?

Sa të rëndësishme e konsideroni Hixhabin për gruan?

Pyetje për Familjen:
Sipas mendimit tuaj, çfarë roli duhet të kenë prindërit dhe familja më gjerë në marrjen e vendimeve të rëndësishme si p.sh.. për martesën, rritjen e fëmijëve, ku do të jetojmë, etj?

Çfarë do bëni në rast konflikti midis bashkëshortes/bashkëshortit tuaj dhe familjes tuaj?

A do jeni dakort të jetojmë me familjen më gjerë (p.sh. prindërit) sidomos kur ata të plaken?

A mund të përshkruash karakterin e anëtareve të familjes tënde?

Për Profesionin:
Çfarë karriere keni planifikuar/zgjedhur për të ardhmen?

A do punojnë të dy burri dhe gruaja?

Sa kohë harxhoni në punë?

A do më mbështesje nëse unë vendos të shkoj përsëri në shkollë për të marrë një diplomë më të avancuar?

Interesa personale/Hobe:
Si ju pëlqen ta kaloni kohën e lirë?

Sa kohë harxhoni dukë parë televizor?

Çfarë do kishit dëshirë të bëjmë bashkë?

Sa kohë kaloni me shoqërinë?

Fëmijët:
Sa fëmijë do dëshironit të kishit?

Kur mendon se do jesh gati për të patur fëmijën e parë?

Çfarë mendon për përgjegjësitë gjatë viteve të para të fëmijës?

Çfarë mendon se është e rëndësishme t'jua mësojmë fëmijëve?

Si do të bëni të mundur që fëmijët të marrin një edukim të mirë Islam?

Çfarë do të bëni nëse dikush nga ne nuk mund të lindë fëmijë?

Çfarë mendoni për adoptimin e fëmijëve?

Mosmarrëveshjet:
Si duhet t'i zgjidhim mosmarrëveshjet?

Çfarë bëni ju kur jeni i mërzitur?

Si do ta bëje bashkëshorten/bahskëshortin tënd të ndjehej më mirë kur ajo/ai është i mërzitur?

__________________
Nobody is perfect ...

Duaja për të martuarit:

"Baraka Allahu Lekë, ue baraka alejke, ue xhemea bejnekuma fi hajrin."

Shqip: Allahu të dhëntë bereqet ty dhe pasardhësve të tu, dhe ju të dy ju bashkoftë në të mirë.

AMIN!


... Ajo e kupton nga fytyra e tij se ai ka nevojë për një fjale inkurajuese. Ai e di se asaj i pëlqen heshtja ne mëngjes. Shpesh ata e perfundojne fjalinë me shprehjen "Ti e di se çfarë dua te them?!". Gjatë viteve ata janë rritur bashke, kanë kaluar momente te vështira dhe tani kur i sheh bashke duket se ndjehen shumë rehat me njëri-tjetrin.

Ne Kur'an Allahu thotë: "Dhe nga faktet (e madhërisë së) e Tij është që për të mirën tuaj, Ai krijoi nga vetë lloji juaj palën (gratë), ashtu që të gjeni prehje te ato dhe në mes jush krijoi dashuri dhe mëshirë. Në këtë ka argumenta për njerëzit që mendojnë." (30:21)

Kur një grua dhe një burrë martohen, arritja e këtij portreti dashurie, shoqerie dhe qetesie bëhet qëllimi i tyre.
Por arritja e këtij qëllimi nuk është diçka e lehtë dhe e thjeshtë. Me pune dhe vendosshmëri nga ana e te dy partnereve, martesa mund te zgjase dhe te jetë e sukseshme.

__________________
Nobody is perfect ...

Martesa dhe pastërtia

Zinaja është dy llojesh: Tradhëtia bashkëshortore dhe marrëdhëniet seksuale para martese dmth. kryerja e marrdhënieve seksuale me një partner të pamartuar ende.

Tradhëtia bashkëshortore nënkupton kryerjen e marrdhënieve seksuale me një person i cili nuk është në lidhje bashkëshortore me partnerin e tij. Njohim dy tipe tradhëtish:

1. Personi i (e) martuar kryen marrdhënie me një person të pamartuar,

2. Personi i (e) martuar kryen marrdhënie me një person tjetër të martuar

Do t’ju pëlqente vallë tradhëtia e nënës, bashkëshortes, motrës apo vajzës suaj? Nëse jo, përse atëherë këmbëngulni për një vepër të tillë apo më keq akoma e kryeni atë? Egzistojnë disa vargje në Kuran, si dhe shumë hadithe autentike të Pejgamberit (paqja dhe bekimi qofshin me të), të cilat ofrojnë udhëzime të qarta në lidhje me përzgjedhjet të cilat shpesh, na duhet t’i bëjmë në jetë.

„Thuaj: "Zoti im i ndaloi vetëm të këqijat e turpshme, le të jenë të hapta ose të fshehta;...“ (Kur’ani fisnik7:33)

„Dhe mos iu afroni imoralitetit (zinasë), sepse vërtet ai është vepër e shëmtuar dhe është një rrugë shumë e keqe .“ (Kur’ani fisnik 17:32)

1. Martesa është një lidhje e e bekuar mes bashkëshortëve. Nëse njëri prej partnerëve kryen marrëdhënie jashtë martese, kjo ndodh në përgjithësi pa dijeninë e partnerit tjetër; Në këtë mënyrë thyhet edhe mirëbesimi mes bashkëshortëve.

2. Fajtori mund të infektohet me ndonjë sëmundje seksuale, të cilën më vonë, mund ta transmetojë tek bashkëshorti / bashkëshortja i (e) pafajshëm (e).

3. Në përgjithësi, viktima e tradhëtisë bashkëshortore është femra. Ajo, për rrjedhojë gjendet para dy mundësive: Ose të durojë poshtërimin që i bën babai i fëmijëve të saj, ose të kërkojë ndarjen. Po në rast se femra nuk ka burime të ardhurash për të mbijetuar, e as nuk mund të kthehet tek prindërit e saj, e as nuk mund të ushqejë dot fëmijët e vet, si i bëhet?

4. Fëmijët janë gjithashtu viktimat e pafajshme të ndarjeve. U duhet të përballen me peshën emocionale të zënkave mes prindërve, gjë që lë pasoja tek psiqika e tyre, tek fiziku dhe shpirti i tyre i brishtë.

Marrëdhëniet seksuale para martese dmth. kryerja e marrdhënieve seksuale me një partner të pamartuar ende. Edhe në këtë rast, njohim 2 tipe marrëdhëniesh:

1. Personi i (e) pamartuar kryen marrëdhënie me një person tjetër të pamartuar,

2. Personi i (e) pamartuar kryen marrëdhënie me një person tjetër të martuar; në këtë rast marrëdhënie seksuale para martese kryen partneri i pamartuar, ndërsa ai i martuar kryen tradhëti bashkëshortore.

Mëkati (gjynahu) i zinasë (akti seksual i cili është jo legal), konsiderohet aq serioz, saqë rradhitet ndër mëkatet e mëdha: „Edhe ata që pos All-llahut, nuk lusin zot tjetër dhe nuk mbysin njeriun që ka ndaluar All-llahu, por vetëm kur e meriton në bazë të drejtësisë, dhe që nuk bëjnë kurvëri, ndërsa kush i punon këto, ai gjen ndëshkimin. Atij i dyfishohet dënimi ditën e kijametit dhe aty mbetet i përbuzur përgjithmonë. “ (Kur’ani fisnik 25:68-69)

Pejgamberi, paqja dhe bekimi qoftë me të, ka thënë: „ Nëse dikush kryen zina (aktin jo legal seksual), pushon së qëni besimtar në momentin e kryerjes së këtij akti të turpshëm; ndërsa hajduti pushon së qëni besimtar në momentin e vjedhjes; kurse pijaneci pushon së qëni besimtar në momentin kur pi alkool. Por dyert e pendimit qëndrojnë të hapura....“ (Sahih el-Buhari)

Martesa është deklarata publike e cila legalizon të drejtën fizike dhe morale të individit për të hyrë në marrëdhënie me partnerin.

„E ata që nuk kanë mundësi martese, le të përmbahen derisa All-llahu t'i begatojë me të mirat e veta...“ (Kur’ani fisnik 24:33)

„Nuk ka dyshim se për myslimanët e muslimanet, besimtarët e besimtaret, adhuruesit e adhurueset, të sinqertit e të sinqertat, durimtarët e durimtaret, të përvuajturit e të përvuajturat, sadakadhënësit e sadakadhënëset, agjëruesit e agjërueset, ruajtësit e nderit e ruajtëset e nderit, shumë përmendësit e All-llahut e shumë përmendëset e All-llahut, All-llahu ka përgatitur falje (mëkatesh) dhe shpërblim të madh.“ (Kur’ani fisnik 33:35)

Burrat dhe gratë myslimane e kanë detyrim martesën. Egzistojnë udhëzime të ndryshme në lidhje me përzgjedhjen e partnerit të duhur. Kjo përzgjedhje nuk mund t’i lihet rastësisë. Edhe nëse dikush nuk ka pasuri të mjaftueshme për tu martuar, kjo situatë e vështirë nuk e justifikon atë të kryejë marrdhënie seksuale para martese, përkundrazi, ai duhet të ruajë moralin e vet, duhet të presë me durim dhe të kërkojë strehim tek Allahu i Madhërueshëm. Ruajtja e moralit është provim para Allahut të Madhërueshëm dhe kjo kërkon disiplinë të jashtëzakonshme, vullnet të fortë dhe besim të patundur. Në fakt, ata të cilët i shmangen zina-së „për ata Allahu i Madhërueshëm ka pregatitur shpërblim të vyer“.

Egzistojnë vargje Kuranore të cilat përmbajnë udhëzime të qarta për ata që kryejnë zina dhe më pas vendosin të martohen: „Laviri nuk do të duhej të martohej me tjetërkë, pos me ndonjë lavire ose idhujtare, e lavirja me të nuk do të duhej të martohet kush, pos ndonjë lavir o idhujtarë. Ajo (kurvëria ose martesa me të) është e ndaluar për besimtarët.“ (Kur’ani fisnik 24:3)

„... (u janë lejuar) gratë e ndershme besimtare, dhe (gra) të ndershme nga ata të cilëve u është dhënë libri para jush, kur atyre u jepni pjesën e caktuar të kurorës, por duke pasur për qëllim martesën, jo imoralitetin dhe jo si dashnore ilegale...“ (Kur’ani fisnik 5:5)

Këto vargje theksojnë nevojën e ngulmimit në pastërtinë seksuale para dhe gjatë martesës, si dhe japin udhëzime në përzgjedhjen e partnerit. Seksologët dhe psikologët aktualisht e mbështesin kuptimin e këtyre vargjeve Kuranore. Personi i cili kryen marrdhënie me disa partnerë, gjithmonë krahason përvojat (seksuale) me secilin prej tyre. Nëse një individ “me përvojë” martohet me një të virgjër, mund të zhgënjehet nga naiviteti i saj dhe mund të presi gjëra të cilat ajo as mund t’i imagjinojë. Kjo krijon premisat për një marrdhënie të brishtë, e cila mund të përfundojë në dështim. Për fat të keq, disa meshkuj kanë kritere të ndryshme për të njëjtin problem. Ndërsa i gëzohen lirisë për të pasur disa partnere seksuale,kur vjen puna tek martesa, ngulmojnë që bashkëshortja të jetë e virgjër.

Feja Islame i jep një theks të veçantë higjienës dhe pastërtisë. Ky detyrim fetar, në kombinim edhe me pastërtinë morale seksuale para martese dhe gjatë saj, zvogëlon në minimum rrezikun e sëmundjeve ngjitëse seksuale. Detyrimi dhe ngulmimi tek ky detyrim shpjegohen si mëposhtë: „O ju që besuat! Kur doni të ngriteni për të falur namazin, lani fytyrat tuaja deri në bërryla; fërkoni kokat tuaja, e këmbët lani deri në dy zogjt. Nëse jeni xhunubë, atëherë pastrohuni (lahuni)! ...“ (Kur’ani fisnik 5:6)

Ebu Hurejre, radijallahu anhu, ka thënë se Pejgamberi, paqja dhe bekimi qoftë mbi të, është shprehur: „Kur burri .... penetron (futja e organit mashkullor në ate femror), larja trupore bëhet detyrim i të dyve.“ (Sahih Muslim)

MUDr. Ahmed Adam

©IslamOnweb.net

__________________
Sikur të ishte deti ngjyrë për t'i shkruar fjalët e Zotit tim, deti (uji i tij) do të shterrej para se të përfundojnë fjalët e Zotit tim.

Eselamu alejkum ue rahmetullah ue berekatuhu.

Nuk ka dyshim qe kjo fe e paster, ofron zgjidhje per s'do situate.
Kur ne Angli p.sh situata tani eshte me 50% e femijve te lindur jane jashte kurores martesore eshte per te ardhur keq se ku keto "civilizime" te bujshme po e cojne njeriun. Elhamdulilah Allahu i Lartesuar na ka sqaruar te ligen nga e mbara me detaje dhe shembuj nga me te ndryshem. Perseri elhamdulilah qe jemi ndjekesit e fese se Ibrahimit alejhi selam, qe jemi Musliman.

Zoti ju nderofte dhe agjerimin ju a pranofte. Amin