Enciklopedi

rreze dielli · #1 20-06-2007, 10:07

21 Qershor 1527 - Vdiq shkrimtari i njohur, diplomati dhe politikani italian, Nikolo' Makiaveli. Në librin e tij të famshëm "Princi" përshkruhen makinacionet e politikës të asaj kohe.
21 Qershor 1652 - Vdiq shkrimtari, arkitekti dhe projektuesi anglez, Inigo Xhons. Ai ishte themeluesi i arkitekturës klasike angleze.
21 Qershor 1791 - Në orët e para të kësaj dite, mbreti Luigji XVI dhe mbretëresha Maria Antuanet u përpoqën të arratisen nga Parisi. Ata arritën deri në vendin e quajtur Varene ku u zbuluan dhe u arrestuan.
21 Qershor 1813 - Vëllai i Napolenit, Zhozeti, mbreti i Spanjës la Madridin dhe më pas u mund nga Velington në betejën e Vitorias. Në këtë mënyrë përfundon prania e Francës në Spanjë.
21 Qershor 1868 - U shfaq në Mynih premiera e operës së famshme të Vagnerit, "Këngëtari i madh nga Nyrembergu".
21 Qershor 1905 - Lindi romancieri, filozofi ekzistencialist francez, Zhan Pol Sartre. Ai shkroi veprën e famshme "Të qenurit dhe të mosqenurit", ndërsa së bashku me Simon de Bovuar botoi të përmuajshmen "Kohët moderne".
21 Qershor 1908 - Vdiq kompozitori rus Nikolai Rimskikorsakov. Veprat më të njohura të tij janë pjesa orkestrale "Sheherezade" dhe opera "The golden Cockerel".
21 Qershor 1921 - Lindi Xhejn Rasell, aktore amerikane filmi. Më të njohura janë rolet e saj në filmat "I jashtëligjshmi" dhe "Zotërinjtë preferojnë bjonde".
21 Qershor 1942 - Gjatë Luftës së Dytë Botërore, qyteti i Tobrukut pushtohet nga ushtria gjermane nën komandën e Romelit. Gjatë luftës ushtria gjermane zuri 25 mijë robër.
21 Qershor 1948 - Shoqëria amerikane e prodhimit të disqeve "Columbia records" nxorri në qarkullim disqet e para të suksesshëm "Long Playing", prodhuar nga një plastike e quajtur 'vinylite'.
21 Qershor 1953 - Lindi Benazin Buto, ish-kryeministre dhe e bija karizmatike e udhëheqësit të parë popullor të Pakistanit, Zulfikar Ali Bhutto.
21 Qershor 1960 - Britania, Franca, Hollanda dhe Shtetet e Bashkuara të Amerikës ranë dakord për krijimin e organizatës për bashkëpunim ekonomik të Karaibeve.
21 Qershor 1970 - Vdiq ish-Presidenti i Indonezisë, Sukarno. Ai ishte themelues i Republikës së Indonezisë dhe president për 22 vjet.
21 Qershor 1970 - Brazili mund Italinë 4-1 në 'Meksiko Siti' dhe bëhet kampion bote në futboll duke fituar kupën 'Zhyl Rime', kupë të cilën e kishte fituar edhe dy herë të tjera.
21 Qershor 1990 - Hungaria rihap zyrtarisht pas 22 vjetësh, bursën e saj të mbyllur nga partia komuniste. Bursa e Budapestit ishte e para bursë e tipit perëndimor e hapur në një nga ish-vendet e paktit të Varshavës.
21 Qershor 1996 - Udhëheqësit e Bashkimit Europian arritën një vendim të përbashkët për mbylljen e krizës së 'lopës së çmendur'.
21 Qershor 1998 - Kabineti i Izraelit aprovoi një plan për zgjerimin e kufijve të Jeruzalemit duke marrë kritika nga Uashingtoni dhe Palestinezët.
21 Qershor 1998 - Vdiq Fransua Lehide, anëtari i fundit i mbetur gjallë nga qeveria franceze e Vishi-së.
21 Qershor 2002 - Shkrimtari kanadez Timothy Findler, një nga romancierët më të pëlqyer dhe më të famshëm të vendit, vdiq në moshën 71 vjeçare në Francë. Findley e filloi karrierën si aktor, ndërsa u bë i famshëm me romanet e tij, ku përfshihen "Last of the crazy people" (I fundit i të çmendurve), "Not wanted on the voyage" (I padëshiruar në udhëtim), "Headhunter" (Gjahtari i kokave) dhe "The piano man's daughter" (Vajza e pianistit), "The wars" (Luftërat), etj.

Pergatiti permbledhjen:Adela Bademi

rreze dielli · #2 31-07-2007, 11:30

Enciklopedia per daten 21 qeshot eshte marre nga atsh-ja.
http://www.ata-al.net

Alternativa Teme
Tregoni Versionin e Pritueshem Dergojeni kete faqe me Email
Vleresojeni kete Teme
Vleresojeni kete Teme:

Tema te ngjashme
Tema	Filluesi i temes	Forumi	Pergjigje	Postimi i Fundit
Maqedonia, enciklopedi që provokon shqiptarët	informuesi	Politika shqiptare	0	06-04-2008 01:27
Apollo 14 dhe flamuri Shqiptar në Hënë	Qershija	Historia	1	30-04-2006 23:32