Në vitin 2004 është shpallur shoqëruesja e parë e “Miss Albania 2004”. Më pas ka marrë pjesë në “Miss Toka” të zhvilluar në Filipine dhe në “Miss Bota” të organizuar në Kinë. Gjithashtu ka prezantuar edhe “Miss dhe Mister Fieri 2005”, por para spektakleve dhe sfilatave ka preferuar gazetarinë. Aktualisht është studente në vitin e tretë për gazetari, por punon edhe si gazetare tek TV “Klan”.
Keni marrë pjesë në “Miss Toka” të organizuar në Filipine dhe në “Miss Bota” të organizuar në Kinë. Gjatë konkurrimit në Kinë keni provuar të hani oriz me shkopinj, siç hanë kinezët?
E kam provuar dhe ishte shumë vështirë për mua, por më vonë u mësova.
Po gjarpërinj të gatuar ju kanë ofruar?
Kam ngrënë gjëra të tmerrshme, gjarpërinj, minj, bretkosa, mish gomari, kali dhe mish qeni, por në momnetin që i kemi ngrënë nuk e dinim, i mësuam më pas.
Gjatë ngrënies nuk ju lininin ndonjë shije të veçantë?
Jo, nuk kam ndjerë asgjë, madje jam ndjerë shumë e kënaqur.
Po në Filipine si ishte ushqimi?
Ishte i ngjashëm me ushqimin tonë, bënin byrek si ne, supëra të ndryshme, më kanë pëlqyer shumë supërat.
Thonë që kinezët nuk janë të dhënë shumë pas femrave, si ju kanë pritur meshkujt kinezë gjatë konkurrimit, të kanë ngacmuar…?
Jemi pritur shumë mirë, sepse kemi qenë Misse dhe vajza të përzgjedhura. Ishim 60 misse nga e gjithë bota dhe gjatë gjithë kohës ishim të shoqëruar me badigardë dhe policë. Meshkujt kinezë na kërkonin autografe dhe na përshëndesnin.
Po në Filipine a ishin shumë të dhënë pas femrave të bukura?
Në këtë shtet ishin nën vëzhgimin e autoriteteve më të larta të shtetit filipinas. Madje gjatë një turneu në qytete të ndryshme të Filipineve, na pritnin dhe na jepnin dhurata kryetarët e bashkive. Kështu na kanë pritur edhe në Kinë.
Po oferta martese nga politikanët e këtyre vendeve keni marrë?
(Qesh). Oh, jo, jo. Por, një pytje të tillë ma kanë bërë në Kinë. Kur unë fitova çmimin e komunikimit, më pyetën nëse unë mund të martohesha me një mashkull nga Kina. Unë ua ktheva që nuk mund të martohem me një kinez, pasi preferoj një shqiptar.
Ky mendim ekziston edhe tani, kur Kina është fuqia ekonomike e ardhshme?
Nuk mund ta refuzoj martesën me një shqiptar. Jo një kinez, por as edhe ndonjë djalë të ndonjë shteti tjetër të madh. Nuk do të zgjidhja për bashkëshort para një shqiptari
Në fakt e ke përcaktuar moshën e martesës?
Jo. Martesa është diçka që nuk dihet kur ndodh, është diçka natyrale. Mendoj që për momentin, edhe sikur të kisha një ofertë për martesë nuk do ta pranoja…
Përse, nëse ajo mund të jetë e mirë për ju?
Aktualisht kam shumë gjëra për të bërë, kam një shkollë për të mbaruar dhe ndoshta edhe një shkollë tjetër. Mendoj se tani nuk është momenti i duhur, por nuk i dihet.
Si shkon jeta juaj sentimentale?
Jeta ime sentimentale në momentin që është private dua të mbetet e tillë.
Të pëlqen martesa apo bashkëjetesa?
U përkas vajzave që u pëlqen martesa, kjo mbase edhe pse jam puro tiranse.
Cilat janë evenimentet më të rëndësishme në jetën tuaj?
Është “Miss Albania 2004”, ku në u futa thjesht për të provuar shijen dhe eksperiencën e një spektakli, por fakti që u vlerësova si femra numër dy për vitin 2004 më lançoi në një farë mënyre dhe më hapi dyer të tjera në konkurset e bukurisë që zhvillova në Kinë dhe në Filipine. Për këtë falenderoj shumë Vera Grabockën dhe Ardit Gjebrenë që më më bënë pjesë të këtij spektakli, në të cilin jam ndier shumë mirë.
Sa romantike dhe materialiet jeni?
Çdo njeri në veten e tij është pak materialist, por mua nuk më pëlqen të jem materialiste, por komode, pra, të kem aq para sa të përballoj jetësën time. Nuk vuaj për gjërat që kanë para. Kjo falë familjes sime dhe punës që bëj. Bashkëshortin e do nga fusha e artit? Jo, nuk më pëlqen.
Si ka nisur karriera juaj?
Kam qenë një fëmijë i shkathët. Që kur isha në kopësht recitoja majë tavolinës. Kur studjoja në gjimnazin “Ismail Qemali”, më tërhiqinin Shkencat Politike, gazetaria dhe gjuhë-letërsia. Veç pjesëmarrjes në “Miss Albania”, “Miss Bota” dhe “Miss Toka”, kam prezantuar edhe “Miss dhe Mister Fieri 2005”. Për pak kohë kam punuar edhe si spikere e lajmeve të mëngjezit tek TV “Arbëria”, më pas punova si reportere e emisionit “Opinion” dhe tani si gazetare e kulturës në TV “Klan”.
Do ta ndërroje TV “Klan” për një ofertë më të mirë?
Ndihem shumë mirë në TV “Klan”, ndaj nuk mendoj ta braktis. Ambienti është shumë i mirë dhe stafi i shkëlqyer ndaj i falënderoj të gjithë.
Si gazetare e bukur që jeni, kur kërkon një intervistë nga artistët meshkuj, ata dorëzohen menjëherë para bukurisë suaj?
Mendoj se nuk është bukuria ime ajo që i detyron të më japin intervistë, por mënyra se si afrohem, si sillem dhe si unë bëj pyetje.
Jeni kurioze të zbuloni jetën e tyre private?
Jam, por gjithmonë duke i respektuar.
Si vajzë me linja të përsosura, tregon që mbani dietë, e vërtetë kjo që them?
Mundohem të jem e kujdesshme, por jo se mba ndonjë dietë të veçantë. Bëj dhe ushtrime, si dhe shkoj në palestër.
Çfarë të pëlqejnë më shumë?
Çokollatat.
Jeni e kënaqur me linjat dhe bukurinë tuaj fizike, apo dëshiron të ndryshosh diçka nga pjesët e trupit tënd?
Përsa i përket linjave jam e kënaqur, asnjëherë nuk them, sikur të kisha edhe këtë, apo edhe atë gjë. Më pëlqen vetja kështu siç jam, ndaj nuk dua të ndryshoj asgjë…
Emri juaj Vilma simbolizon diçka?
Ma kanë zgjedhur prindërit, në kujtim të një shkrimtareje gjermane. Vilma në gjermanisht, do të thotë diçka e fortë, e hekurt. Ky emër ka ndikuar ndoshta dhe në personalitetin tim.
Duke parë se emri yt vjen nga Gjermania, ku gjermanët në përgjithësi janë shpirtra të ftohtë, ju çfarë natyre jeni?
Unë nuk jam natyrë e ftohtë, por di të ruaj distancat me njerëzit.
Ndryshon shumë Vilma fëmijë nga Vilma aktuale?
Jo. Fëmijë më pëlqente shumë të kërceja, domethënë dëshira ime e parë ishte të bëhesha balerinë, më pas mësuese, ndërsa më vonë gazetare.
E frekuentoni shumë jetën e natës?
I frekuentoj Pab-et dhe lokalet e Tiranës, por jo rregullisht.
Sa fëmijë dëshiron të kesh?
Dëshiroj dy djem.
Duke qenë se në përgjithësi ekrani është i mbuluar nga femrat, është shfaqur ndonjë zhelozi nga koleget e tua, ose anasjelltas?
Jo. Por as nga ana ime, pasi nuk jam natyrë xheloze, madje kënaqem kur një një kolege e imja del bukur në ekran.
Si të duket profesioni dhe televizioni që keni zgjedhur?
Është një profesion shumë i bukur, me përgjegjësi, por që më jep kënaqësi dhe sadisfaksion. Edhe TV “Klan” ku unë punoj është një televizion që më bën të ndihem shumë mirë, pasi më ka krijuar mundësitë dhe hapësirat për ta ushtruar sa më mirë profesionin që kam zgjedhur.
Si shoqëruesja e parë e “Miss Albania 2004”, sa të ndimon bukuria në profesion?
Bukuria ime është një plus, por jo gjithçka. Mendoj se është këmbëngulja, intelegjenca, vërtetësia dhe mënyra se si e zgjedh lajmin për të qenë një gazetare e kompletuar.
Kur shefi ju kritikon, e nxjerr inatin në çast, apo e ruan përbrenda?
Nuk mbaj inate të tilla. Mendoj se shefat e mi janë profesionistë dhe kanë të drejtë kur bëjnë vërejtje. Përpiqem ta përmirësoj, por nuk nevrikosem.

Gazeta Sot

__________________
Nobody is perfect ...