“Femra pa flatra”, filmi që po prezanton shqiptarët në Botë

Filmat për Shqipërinë, nga shqiptarët apo të huajt, janë të destinuar të mbajnë në vetvete një dramë e cila e ka krijuar shtëpinë në seicilin prej nesh e s’do të ikë (ne edhe gëzojmë ndonjëherë apo jo?).Por ndryshe nga shumë popuj të tjerë, kjo dhimbje në zemrat tona ka një tjetër ngjyrë, tjetër histori, tjetër zgjidhje."Femrat pa flatra" është një film që e vërteton këtë gjë. Edhe pse filmin e kam parë pjesërisht, për faktin që premierat e tij kanë qënë të pakta dhe larg vendit ku unë jetoj, personazhet e kësaj historie unë i kam jetuar në fëmijëri në të njëjtat skena ku filmi është xhiruar maleve të veriut. Historia është ajo e një femre, Marijes (Katya Gardner) e cila viziton Shqipërinë, për të marrë pjesë në një varrim familjar,por gjen veten në mënyën e të jetuarit që vendasit kane krijuar. Një pjesë e së shkuarës,harruar në të ardhme. Ajo dashurohet me mënyrën e jetës në këtë vend, dhe vendos të bëhet një "virgjëreshë e vetshpallur", që do të thotë të mos martohet e të mos ketë fëmijë kurrë. Duke zgjedhur veten midis dy dashurive që kish lënë pas në Kanada. Për të virgjëra të tilla, rrallë dëgjohet në Shqipëri, e akoma më rrallë, ndoshta asnjëherë në pjesën më të madhe të botës.Personalisht, gjithmonë kam menduar se Shqipëria është një vend sa strikt po aq edhe tolerant e ndoshta kjo e bën gjithmonë e më interesante njohjen me të. Nuk ke si ndryshe ta shpjegosh egzistencën e një personazhi të tillë si Zefi (Micheline Lanctot), që duke u nisur nga emri jeton një jetë prej mashkulli por në të vërtetë është po aq femër sa çdo femër tjetër...në film. Gjithsesi, duhet përmendur fakti qe ky film trajton një temë kaq interesante e kaq të veçantë edhe për vetë ne shqiptarët, që në importin masiv të së "huajës" po lëmë në harresë atë çka është më e rëndësishme...tonën. Besa Imani, Alfred Trebicka, Ermal Rama, Gjovalin Gjoni, janë disa prej aktorëve shqiptarë që interpretojnë në këtë film, ndërkohë që në një bisedë me regjizorin e "Femrat pa flatra" Zotin Nicholas Kinsey u përpoqa ti jap përgjigjie disa pyetjeve që po ashtu si edhe juve, më kishin lindur në mendje kur mësova për një projekt të tillë.

Elbino Llalla:Kush është Nicholas Kinsey?

Nicholas Kinsey:Unë jam një shkrimtar, regjizor, producent filmi.Kam lindur në Kanada por studimet i kam ndjekur në Angli dhe aktivitetin në industrinë e filmit e kam nisur në vitin 1970.
Si u njohët me Shqipërinë e për më tepër me "të virgjërat" shqipëtare?
Unë gjithmonë kam qënë shumë i interesuar në etnicitet, sepse kjo është mënyra me të cilën kulturat prezantojnë, përcaktojnë vetveten. Në rastin e Shqipërisë, më tërhoqën historitë që po "shfaqeshin" në perëndim, rreth shoqërisë shqiptare si edhe lexova librin "High Albania" të Edith Durham, ku flitet për udhëtime në Shqipëri në fillimin e shekullit të shkuar. Fenomeni i të virgjërave shqiptare më la shumë mbresa që prej fillimit. Këto virgjëresha janë pjesë e të shkuarës shqiptare dhe janë trashëguar nga burrat e mençëm që drejtuan malet veriore të vendit tuaj në shekullin e 15. Ato u bënë pjesë e kulturës suaj, kur Leka shkruajti Kanunin. Ndaj, është shumë suprizuese të shikosh një lloj "mekanizmi" të tillë që e lehtëson "arratisjen" e femrave e më të veçantë e ben fakti që një gjë të tillë nuk e gjen në besimin Mysliman.
Keni pasur ndonjë lidhje personale me Shqipërinë përpara xhirimit të filmit?
Nuk kam pasuar asnjë lloj lidhjeje personale me Shqipërinë përpara realizimit të këtij filmi.

Keni parë filma shqiptarë?

Po, kam parë filma shqiptarë.
Ndryshe nga librat që kemi lexuar apo filmat që kemi parë, ku virgjëreshat zakonisht kanë imazhin e Shën Mërisë apo të murgeshave...një imazh shumë femëror....në "Femrat pa flatra", virgjëreshat kanë një pamje tepër burrërore ashtu si edhe mënyra e tyre e jetesës...
Këto virgjëresha nuk kanë të përbashkëta me të virgjërat që ne jemi mësuar të shohim më parë. Në këtë sens ato janë thjesht femra të pamartuara.

Mendoni se imazhi burrëror që mbartin këto femra duke filluar që nga emri (Zef) do të lënë përshtypjen se historia e filmit flet për një farë shpëtimi që femrat lezbike kanë gjetur në shoqërinë shqiptare...që jeton në kohën e tashme,por duke respektuar ligjet e të shkuarës?

Askush deri tani nuk e ka bërë këtë pyetje. Ndoshta do të ndryshoni mendje kur të shikoni filmin e plotë. Publiku në Gjermani dhe Kanada reagoi pozitivisht, askush nuk do të nënkuptojë me "të virgjërat shqiptare" një lezbike. Njerëzit arrijnë të kuptojnë madhështinë e shqiptarëve në ndërtimin e një mekanizmi të tillë për femrat që dëshirojnë t’i shpëtojnë një martese të padëshiruar.
Historia e këtij filmi është e çuditshme edhe për vetë shqiptarët,sepse puthuajse askush nuk e ka trajtuar këtë temë qoftë në dokumentar, emision kulturor televiziv apo film. Mund të më thoni se cila ishte shkëndija që ju shtyu të realizonit filmin mbi këtë histori?
Shkëndija për mua lindi në idenë e dy femrave që konfrontonin jetën në dy pika krejt të kundërta. Marija nga Kanadaja me mënyrën perëndimore të jetesës, takohet me një grua më të vjetër, Zef, nga Shqipëria, që bën jetën e një burri. Marija mrekullohet nga eksperienca e jetesës së Zefit. Ajo s’ka vlera, është një pank, një fëmijë i brezit X, dhe është gati të lërë jetën perëndimore, për të jetuar në male rrethuar nga njerëz që e duan atë. Janë këto rrënjë të forta familjare, që i japin një kuptim tjetër jetës së saj.Një gjë e tillë ndodh shpesh me kanadezët. Ne kemi misionarët, biles edhe një doktoreshë e cila shkoi në Afrikë të punojë si infermiere në një varfëri ekstreme. Marija është në një fare mënyre si këta njerëz....në kërkim të kuptimit të jetës së saj.

Sa të ndryshme e gjetët jetën në veriun e Shqipërisë. Ishte ashtu siç e mendonit dhe çfarë ju ka bërë përshtypje më tepër?

Ishte pothuajse primitive jetesa për dy muaj në malet veriore të Shqipërisë, periudhë e xhirimeve për filmin. Sidoqoftë, ishte jo më shumë primitive se në shumë pjesë të tjera të botës. Shqiptarët janë njerëz të mrekullueshëm ndaj ishte gjithmonë kënaqësi të bisedoje me njerzit. Provuam ushqime të mrekullueshme dhe festuam bukur me malsorët, shoqëruar me këngë dhe dolli pafund, një pas një. Eksperiencë e mrekullueshme.

Fjala e parë shqip që mësuat....

"Faleminderit". Nuk pata shumë kohë të mësoj më tepër shqip, sepse puna me filmat është tepër e vështirë dhe kërkon dedikim total.
Përveç regjisë, ju gjithashtu edhe shkruat skenarin e filmit. Ishte e vështirë për ju, ti qëndronit i "vërtetë" mënyrës shqiptare të jetuarit, të folurit, të vepruarit...Unë vetë jam shqiptar e sidoqoftë në disa zona të Shqipërisë, mënyra e jetesës dhe zakonet e njerëzve në këto zona janë të vështira për tu kuptuar edhe për mua....
Pa librin e Edith Durham mbi zakonet shqiptare, mendoj se nuk do kishim ditur se si ta realizonim këtë film. Ndërkohë edhe ndihma e aktorëve dhe pjestarëve të grupit të xhirimit një pjesë e mirë e të cilëve ishin shqiptarë. Njerzit i dinë zakonet.

Si të këndosh në një funeral? Çfarë duhet thënë në një moment të caktuar?

Malësorët sidomos kanë opinionet e tyre, ndaj edhe ne gjithmonë i pyesnim njerzit për gjëra të tilla.

Ky film është shfaqur në shumë festivale filmi, apo kinema nëpër botë.Si ka qene reagimi i publikut në përgjithësi?

Reagimi i publikut ka qënë i mirë në përgjithësi. Në botë egziston një kuriozitet shumë i madh për "të panjohurën". Shqipëria është e panjohur për shumicën e njerëzve në perëndim.

Së fundi shumë filma shqiptarë kanë premierat në Tiranë, po këtë film kur do ta shohim në Shqipëri?

Shpresoj të kem premierën e filmit në Tiranë dhe Prishtinë këtë dimër.
Kjo është agjenda, por kemi patur shumë ndryshime.Kini parasysh që ky është një film shqiptaro/kanadez i cili i adresohet qytetërimit perëndimor. Ne nuk kemi ide sesi publiku shqiptar do te reagoje.

Intervistoi:
Elbino Llalla (Sh.B.A) ''Spekter''

Imazhe te Ngjitura

filmi-(marije)1.jpg (12.6 KB, 328 vezhgime)

Nje tjeter film per Tedi Papavramin

Ai rol i violinistit ne filmin Lidhje te rrezikshme, ndonese i rastesishem do te ishte nje fat i mbare. Sepse menjehere pas tij violinistit shqiptar, te famshem ne France, i ka mberritur nje tjeter oferte, kesaj radhe nga Tirana. Thuhet se Tedi Papavrami ka thene serish po, ndonese kesaj radhe nuk do te kete violinen me vete. Filmi i ri me skenar i Ylljet Alickes dhe regji te Artan Minarollit e parashikon Papavramin ne rolin e nje piktori.

Tom: Penelope eshte hija e Nicole

Ne premieren e Samurajit te fundit ne Los Angeles, Tom Cruise, 41 vjec, eshte dukur teper i dashuruar me aktoren Penelope Cruz, 29 vjecaren qe eshte shfaqur gjysme e mbuluar me tantella te zeza. Por edhe njehere tjeter ka folur me nostalgji per ish gruan, Nicole Kidman, duke konfirmuar edhe lajmin se ajo eshte vertet e lidhur me muzikantin Lenny Kravitz.

Meg Dhe Kylie, divet njihen nga goja

Meg Ryan, 42 vjec eshte duke kaluar nje faze te re ne jeten profesionale: pas njezete viteve te interpretimit te heroinave me sy te embel, ka realizuar nje rol ne nje film dramatik In the cut, gjate te cilit zhvishet edhe krejt nudo. Ka qene ndoshta kjo arsyeja [se bashku me ndarjen nga i shoqi Denis Quaid dhe flirtin me Russel Crowe] qe e a bere te krijoje me ane te bisturive nje goje te re. Sic ka bere dhe ylli i popit Kylie Minogue, vetem se ajo e ka ekzagjeruar ca me teper.

Liv Tyler, nje rivale e denje e J.Lo

Liv Tyler, rrezellitese si asnjehere, ne krah re Orlando Bloom pershendet fansat e saj nju-zelandeze para premieres se flmit Kthimi i mbretit, seria e trete e sages Zoteria i unazave. Nje periudhe e arte kjo per vajzen e Stivenit, kengetari i grupit Aerosmith: do ta shohim edhe ne krah te Ben Aflleck ne Jersey Girl. Me ta eshte madje edhe teper xhelozja J.Lo. por ajo vdes menjehere.

Divorci tjeter i Bajkos

Ajo qe peshperitej prej kohesh tashme eshte bere fakt: Agim Bajko eshte ndare perfundimisht nga Agron Llakaj. Ndryshe nga cishte folur, ne spektaklin e ri te Top Channel, Llakaj do te jete i vetem, kurse ish partneri i tij pritet tu kthehet komedive te mirefillta, me te cilat ishte marre gjate karrieres se tij si aktor profesionist.

Demi: e gjitha familja hip hop

Te fejuarin njezetepese- vjecar Ashton Kutcher, Demi Moore [41 vjec] nuk e ndan asnjehere nga vetja, edhe kur del me vajzat. Ka thene madje qe me te do te martohet shume shpejt. Nderkaq, qe nga momenti kur ka rene ne dashuri me te, por edhe me pamjen e tij [te cilen e imitojne edhe vajzat e saj], Demi ka hequr krejtesisht dore nga takat e larta dhe veshjet elegante. Divja e kinemase tani shihet vetem me sheshka dhe pantallona te gjera, teper praktike por qe fshehin format sensuale.

Programohen gjashtë premiera për sezonin janar-qershor 2004

Kthehen në skenë Edi Luarasi dhe Kadri Roshi

Do të shfaqen 6 premiera deri në muajin qershor në Teatrin Kombëtar. Në skenë do të ngjiten aktorë që kishte kohë që nuk interpretonin në këtë Teatër.

Edi Luarasi, Kadri Roshi, Reshat Arbana, Drita Pelingu, Violeta Manushi, etj., do të interpretojnë në dy prej premierave të këtij sezoni. Sipas drejtorit të Teatrit Kombëtar, Kiço Londo, do të jenë tre vepra kombëtare dhe tre vepra të tjera nga dramturgjia botërore.

Teatër shqiptar
Një nga pjesët kombëtare është variacioni komik i Spiro Dunit "S´paska të ngopur", që është shkruar nga vetë Duni dhe është mbështetur mbi tre-katër vepra të mëdha të letërsisë botërore, si "Njeriu që pa vdekjen me sy", "Arturo Ui", "Nga Ti-a tek Fi-a", dhe "I pangopuri". Është ky një variacion komik mbështetur në këto vepra, duke u nisur në realitetin tonë social dhe politik, ku do të interpretojnë Roland Trebicka, Agim Qirjaqi, Bujar Asqeriu, Olta Dako, etj. Kjo shfaqje do të ngjitet në skenë në mes të muajit shkurt. Po ashtu, këtë sezon do të ngjitet në skenë edhe premiera e dramës së Teodor Laços, "Vrasësit i lamë pas", me regji të Albert Mingës dhe do të jetë një bashkëpunim mes Teatrit Kombëtar dhe teatrit të Durrësit. Projekti i tretë kombëtar do të jetë drama e Rruzhdi Pulahës "Të harruarit", një dramë që do të vihet në skenë nga Mihallaq Luarasi dhe do të ketë aktorë Kadri Roshin, Violeta Manushin, Drita Pelingun, Tinka Kurtin, Reshat Arbanën, Robert Ndrenikën, Anastas Kristoforin, Marika Kallamatën etj.

Kthimi i Edit
"Cilindri" i Eduardo de Filipo-s do të sjellë në skenë pas kaq vitesh Edi Luarasin. Me regji të Kastriot Çipit, kjo shfaqje do të ngjitet në skenë më 30 janar, ku do të luajnë edhe aktorët Robert Ndrenika, Luiza Xhuvani, Guljelm Radoja etj. Projekti i pestë do të ngjisë në skenë një komedi lirike amerikane "Neil Sajmon", me regji të Met Xhelilit dhe aktorë Ndriçim Xhepa, Luiza Xhuvani dhe Olta Dako. Ndërsa projekti i gjashtë është "Kopraci" i Molierit, që do të vendoset në skenë nga Hervin Çuli dhe do të interpretohet nga Robert Ndrenika, Yllka Mujo, Roland Trebicka dhe Suela Konjari.

Gjashtë premierat
1."Cilindri" nga Eduardo de Filipo, me regji Kastriot Çipit dhe lojë të Robert Ndrenikës, Luiza Xhuvanit, Edi Luarasit, Guljelm Radosë
2.Komedi lirike amerikane "Neil Sajmon", me regji të Met Xhelilit dhe aktorë Ndriçim Xhepa, Luiza Xhuvani dhe Olta Dako
3."Kopraci" i Molierit, me regji të Hervin Çulit dhe lojë të Robert Ndrenikës, Yllka Mujos, Roland Trebickës dhe Suela Konjarit
4."S´paska të ngopur" e shkruar e vënë në skenë nga Spiro Duni dhe lojë të Roland Trebickës, Agim Qirjaqit, Bujar Asqeriut, Olta Dakos
5.Drama e Teodor Laços, "Vrasësit i lamë pas", me regji të Albert Mingës, një bashkëpunim mes Teatrit Kombëtar dhe teatrit të Durrësit
6.Drama e Rruzhdi Pulahës "Të harruarit", me regji të Mihallaq Luarasit dh e aktorë Kadri Roshin, Violeta Manushin, Drita Pelingun, Tinka Kurtin, Reshat Arbanën, Robert Ndrenikën, Anastas Kristoforin, Marika Kallamatën etj.

10 premiera në një vit
"Do të shënojmë dyfishin e rekordit që ka pasur teatri brenda një viti, diku në vitet gjashtëdhjetë, kur u shënuan pesë premiera në një vit". Kështu u shpreh drejtori Londo, ndërsa theksoi se kanë synim të ngjisin në skenë për vitin 2004 dhjetë premiera. Kësisoj, Londo thotë se do të përmbushë të gjithë premtimet e tij. "Drama e Pulahës do të kthejë aktorët e brezit të tretë, Kadri Roshin, Drita Pelingun, Violeta Manushin, Reshat Arbanën, Marika Kallamatën etj.", thotë ai. Ndërsa mendon se problemet financiare për të përballuar këtë fluks premierash do të zgjidhen. "Mendoj se ministri i Kulturës, ashtu siç tha dje në fjalën e tij, do të jetë i hapur dhe mbështetës ndaj Teatrit Kombëtar, që është një nga skenat jo vetëm kryesore, por e vetme që po jep shfaqje në kryeqytet. Këtu tashmë japin shfaqje jo vetëm aktorët e Teatrit Kombëtar, por edhe kompani private", tha Londo.

''Panorama''

Nisin xhirimet e serive të reja të serialit “Seksi dhe Qyteti” (Sex and the city)

Këto dy javët e fundit Sarah Jessica Parker, Kristin Davis, Kim Cattrall dhe Cynthia Nixon kanë nisur xhirimet e serive të reja dhe të fundit të pjesës së gjashtë të telefilmit mjaft të njohur “Seksi dhe qyteri”. “Asnjëherë nuk e kam pasur të vështirë të luajë rolin e Carrie Bradshaw. Ky rol mbi të gjitha ka ndryshuar jetën time dhe e di se do të jem shumë e pikëlluar kur e gjitha të përfundojë", ka thënë Sarah Jessica Parker. Telefilmi më i njohur sot në botë konsiderohet si një nga më të ndjekurit të televizionit amerikan HBO, ndërkohë që të ardhurat që fitohen çdo vit nga shitjet e së drejtës së autorit arrijnë në miliona dollarë. Edhe pse shumë i komentuar në botë, filmi fitoi që në vitin e parë të transmetimit, çmimin "Emmy Award", si komedia më e mirë e vitit. “Nëse mendoj se së shpejti gjithçka përfundon, nuk do të kem fuqi të punojë më. Nuk guxoj as të mëndoj në këtë dhe ndryshimet dramtike që do ti kem pas përfundimit të serialit”, vijon ajo. Është komedia e përdishme e jetës amerikane me incidentet më të zakonshme që kalojnë padashur në monotoni. Seksi është në epiqendër të diskutimeve të ditës, mes shoqeve dhe miqve.

Imazhe te Ngjitura

sj2c2.jpg (27.6 KB, 274 vezhgime)

"Golden Globe" shpall fituesit, "Lord of the Rings", merr 3 çmime

Ceremonia e organizuar nga Hollywood Foreign Press Association e çmimeve "Golden Globe" ka dekretuar suksesin e “Lord of the Rings”. Peter Jackson fiton çmimin regjisori me i mire ne filmin dramatik po keshtu ky film eshte vleresuar edhe per kengen me te mire si dhe kolonen me te mire zanore. Edhe nje here "The Lord of the Rings: The Return of the King", mer piket maksimale dhe kjo fale ndihmes qe i ka dhene trilogjia e librave të J.R.R. Tolkien, ku bazohet edhe fibula e ketij filmi. Regjisori Sofia Coppola, ka fituar çmimin regjisori me i mire per nje film komik dhe “Lost in Translation” ka marre çmimin per skenografine me te mire. Në këtë mbrëmje është nderuar me çmimin Golden Globe dhe aktori Sean Penn si aktori më i mirë në thrillerin dramatik "Mystic River", ku u ai luante rolin e një bandi të lagjes i cili kërkon ndëshkimin për vrasjen e vajzës së tij. Ndërsa, Charlize Theron fitoi çmimin Golden Globe si aktorja më mirë në filmin dramatik "Monster" ku luan rolin e një prostitute dhe të një serial killeri. Suprize ka qene çmimi edhe per aktorët Bill Murray dhe Diane Keaton fitojnë çmimin Golden Globe, perkatesisht ne filmat "Lost in Translation" dhe “Something's Gotta Give”, si aktore jo protagoniste. Çmimet Golden Globe, shpërndahen nga 90 anëtarë të Shoqatës Hollivudiane të Shtypit të Huaj, konsiderohet një nga spektaklet e dhënies së çmimeve më argëtues, ku fituesit kane te drejte te vazhdojnë garën e çmimeve Oskar. Nicole Kidman, protagoniste e “Cold Mountain”, ka ngelur me gisht ne goje, pasi nuk ka arritur te marre asnje vleresim per filmin ku ajo luan. Ndersa çmimi per filmin me te mire te huaj e ka marre “Osama” nga Afganistani i regjisorit afgan Sedigh Barmak. Ky film ishte nderuar në 2003 me medaljen e argjentit "Fellini" nga UNESCO, si dhe me disa çmime në Festivalin e Kanës. "Osama" ofron një udhëtim të çuditshëm në Afganistanin e talebanëve përmes historisë së një vajze të vogël, e cila ishte detyruar të vishej si burrë për t'i shpëtuar mënyrës së jetesës së grave të këtij vendi. Ne seksionin e e filmave telefizive miniseria “Angels in America” eshte vleresuar me nje çmim ne kategorine filmit dramatic. Kater çmime te tjera kane shkuar kesaj here edhe per emra te njohur si Al Pacino e Meryl Streep, ndersa Michael Douglas ka marre çmimin e karrieres.

Fituesit e edicionit të 61-të të "Golden Globe"


Filmi më i mirë dramatik - "The lord of the rings - the return of the king"
Aktori më i mirë dramatik - Sean Penn "Mystic River"
Aktorja më e mirë dramatike - Charlize Therpon "Monster"
Filmi më i mirë komedi - "Lost in translation"
Aktorja më e mirë komike - Diane Keaton "Something's gotta give"
Aktori më i mirë komik - Bill Murray "Lost in translation"
Aktorja më e mirë dytësore - Renee Zellweger "Cold mountain"
Aktori më i mirë dytësor - Tim Robbins "Mystic River"
Regjizori më i mire - Peter Jackson "The lord of the rings”
Skenari më i mire - Soffia Coppola "Lost in translation"
Kolona më e mirë zanore "Into the west", "The lord of the rings”
Filmi më i mirë i huaj – “Osama” Afganistan

Prodhimet televizive

Filmi dramatik - "24"
Aktori më i mire - Anthony LaPaglia "Without e trace"
Aktorja më e mire - Frances Conroy "Six feet under"
Komedia më e mire -"The office"
Aktori më i mirë komik - Ricky Gervais "The office"
Aktorja më e mire komike - Sarah Jessica Parker "Sex and the city"

Filmat më të mirë televizivë
"Angels in America"
Aktori më i mirë i serialeve - Al Pacino "Angels in America"
Aktorja më e mirë e serialeve - Meryl Streep "Angels in America"
Aktori më i mirë dytësor - Jeffery Wright "Angels in America"
Aktorja më e mirë dytësore - Mary Louise Parker "Angels in America"

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

“Të harruarit”, kthehen në skenë yjet e teatrit

Ata që ishin harruar do të kthehen në skenë. Disa prej aktorëve më të moshuar dhe më të njohur të Teatrit Kombëtar do të interpretojnë së bashku në dramën shqiptare “Të harruarit”, e shkruar posaçërisht për ta, nga Ruzhdi Pulaha.

Dramaturgu Pulaha thotë së është në përgatitjet e fundit të bashkëpunimit me regjisorin Mihal Luarasi dhe skenografin Shaban Hysa dhe së shpejti do të fillojnë provat me synimin, që kjo vepër të vihet në skenën e Teatrit Kombëtar në Tiranë në fillim të pranverës. Aktorët, që do të interpretojnë tek “Të harruarit”, janë përfaqësuesit e brezit të vjetër, njëkohësisht figurat më të njohura të teatrit shqiptar si, Kadri Roshi, Tinka Kurti, Drita Pelingu, Margarita Xhepa, Lazër Filipi, Violeta Manushi, Marika Kallamata, Robert Ndrenika, Edi Luarasi, Esma Agolli, Reshat Arbana, etj. Pulaha u shpreh, se e kishte shkruar këtë dramë i nisur nga dëshira “për të ngjitur në skenë të gjithë këta aktorë të mëdhenj me mesazhin që të mos harrohen”. Rolet do t’i përshtaten secilit prej aktorëve, ndërsa do të trajtojnë drama të ndryshme brenda tyre, jo vetëm për problemet me të cilat ndeshen vetë si artistë, por edhe për probleme të tjera. Ambjenti ku do të zhvillohen ngjarjet do të jetë një azil pleqsh. “Unë jam përpjekur që mesazhi më i rëndësishëm i kësaj vepre të jetë: jetoje jetën deri në fund me dinjitet”,- thotë autori i dramës “Të harruarit”. Aktualisht, asnjëri prej aktorëve, të cilët do të interpretojnë në këtë dramë, nuk është njohur me skenarin e saj. Aktorja Violeta Manushi thotë, se është “vërtet e lumtur për pjesëmarrjen”, por edhe kurioze për t’u njohur me përmbajtjen e saj. “Di vetëm që ngjarjet zhvillohen në një azil pleqsh”, -thotë ajo, duke shtuar se nuk di detaje të tjera rreth dramës.

Kalendari i premierave
“Të harruarit” do të jetë njëra nga dhjetë premierat që Teatri Kombëtar ka vënë në kalendarin e shfaqjeve të sezonit artistik 2003-2004. Ky teatër e çeli sezonin me një projekt të mbartur, me komedinë “Nesër më mirë se pasnesër”. Shfaqja pasuese ishte premiera e komedisë së Çehovit “Pulëbardhat” dhe, më tej, projekti i të rinjve “Togerin e Inishmorit”. Si premierë është ngjitur në skenë edhe shfaqja “Karnavalet”. Ndërsa, aktualisht po shfaqet komedia “Cilindri” i Eduardo de Filipos. Në vijim të këtij kalendari janë renditur premierat “Nuk ka të ngopur” e shkruar nga Spiro Duni, “Vrasësit lamë pas” dramë e Teodor Laços, dhe nga dramaturgjia e huaj, “Akti i dytë”, “Kopraci” dhe “Kamila e ëngjëjve”.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Artan Minarolli rrëfen detaje nga premiera botërore e filmit

"Nata pa hënë" vlerësimet që mori në Roterdam

"Nata pa hënë" u kthye nga Roterdami. Filmi shqiptar, që shfaqi premierën botërore, në një sallë gjigande me rreth 1 mijë spektatorë, ngacmoi kureshtjen e gjithë atyre njerëzve që nuk dinin asgjë për vendin e quajtur Shqipëri.

Pse ikin njerëzit nga Shqipëria? Në ç´fazë është historia e kinematografisë shqiptare, sa e vështirë është të bësh një film në Shqipëri, po ç´janë ato pamje aq magjepsëse që shfaqen në film…?

Dhe kur kanë marrë përgjigje për të gjithë këto pyetje, ata kanë grisur biletën në cepin ku kanë menduar (në biletë shënohen pikët që një spektator mund t´i japë një filmi) dhe e kanë pozicionuar filmin shqiptar në vendin e tretë. I sapokthyer nga Roterdami, regjisori i këtij filmi, Artan Minarolli, rrëfen gjithë reagimet, pritjen dhe rrugët që janë i janë hapur filmit për më tej.

"Nga filmi, unë pashë vetëm tre shfaqje, premierën dhe dy shfaqjet pasuese. Premiera u shfaq me datën 27 janar, në orën 20:00, në kinemanë më të madhe të Roterdamit "Pathe 5". Filmin e prezantoi drejtoresha e Përgjithshme e Festivalit, e cila foli fillimisht për filmin dhe më pas më ftoi mua për të folur para publikut". Kështu rrëfen Minarolli detaje nga kjo premierë, duke theksuar se gjithçka ka thënë në këtë prezantim kishte të bënte me një histori të shkurtër për kinematografinë shqiptare, diçka rreth filmit "Nata pa hënë" dhe produksionit të tij, për vështirësitë e realizimit të këtij filmi, për Qendrën Kombëtare Kinematografike dhe si lindi skenari i këtij filmi… Të pranishëm në këtë premierë ishin edhe operatori francez, producentët e filmit, si dhe përfaqësuesit e ambasadës shqiptare në Holandë.

Si u prit filmi?
"Filmi u prit shumë mirë. Këtë e kuptova kur m´u desh të qëndroj një orë në këmbë për të pritur urimet e spektatorëve, sepse m´u desh të qëndroja 1 orë në këmbë, teksa vinin dhe më uronin spektatorët e shumtë që e kishin pëlqyer filmin". Kështu thotë regjisori, ndërsa rrëfen se, pas shfaqjes së kësaj premiere, ai ka zhvilluar një bisedë me spektatorët e kësaj salle gjigande, një traaditë kjo e festivalit, për shfaqjet premierë. "Aty m´u drejtuan shumë pyetje për Shqipërinë, më pyetën pse ikin njerëzit nga Shqipëria? Dhe unë u mundova që t´ju shpjegoj aq sa mund të shpjegohet në këto raste, por për të mos e bërë Shqipërinë një "dele të zezë". Thashë se kjo është një histori universale. Kanë ndodhur gjithmonë lëvizjet nga periferitë drejt qendrës, por problemi është që këto lëvizje të jenë sa më normale, të mos shoqërohen prej tragjedish". Siç rrëfen Minarolli, pas kësaj premiere, filmi ka pasur në dy ditët në vazhdim edhe dy shfaqje të tjera, të cilat janë prezantuar gjithashtu nga ai vetë, dhe megjithëse në ore jo shumë të përshtatshme, ato janë ndjekur nga një audiencë e gjerë. "Por, për filmin tonë, ka munguar reklamimi", thotë regjisori. Sipas tij, për një pjesë të madhe të filmave ishin shpërndarë reklama në të gjithë Roterdamin, ndërsa për "Natën pa hënë" asnjë e tillë, thotë Minarolli, duke shtuar se, sidoqoftë, në klasifikimin e përgjithshëm sipas pikëve të publikut, filmi "Nata pa hënë" është renditur në vendin e tretë. Në vendin e parë ishte një film italian, që z