Intervistë me prezantuesen e emisionit “Te Blloku”, Orjana Kollaku: Veshja është pjesë e vlerësimit të vetes, ndaj i kushtoj shumë rëndësi.

Pas diplomimit në shkollën e “Dancit Modern” në Itali, për vite me radhë është shfaqur interesante para publikut, duke paraqitur vlera dhe pasione, që e kanë bërë balerinën Orjana Kollaku një personazh të dashur për të gjithë. Ajo di të aktrojë me shumë finesë në Telenovelën “Deti i trazuar”, duke u prezentuar me interpretim interesant para admiruesve. Së fundi performon me hijeshi në ekran, si një prezantuese e denjë në emisionin “Tek Blloku”(TV Klan). Orjana ka shumë besim te vetja dhe mendon se në të ardhmen do të vazhdojë të surprizojë gjithmonë me risi në botën magjike të ekranit.

Keni kohë që paraqiteni ndryshe në ekran, ç’përbën për ju të qënit prezantuese?
Të prezantoj, ka qënë një pjesë e kompletimit tim, për të mos qënë vetëm balerinë. Pra, ka qënë vazhda e qëllimeve të mia.
Si u bë e mundur përzgjedhja e juaj si prezantuese e emisionit “ Tek Blloku”, sepse deri atëherë, ju kemi parë të performoni si balerinë?
Thjesht më erdhi si ofertë nga Tosi dhe Berti. Mua “Blloku” më pëlqen si emision, sepse ka përmbajtje serioze. Mund të them që unë e gjej veten në këtë emision, kështu që e pranova ofertën.
Ndoshta ju ndihmoi suksesi te Taksi e Rezervuar, ku interpretove për herë të parë si aktore në një telenovelë?
Edhe Telenovela ka qenë pjesë e asaj që më ka pëlqyer. Pas realizimit të saj, besoj se ka qenë një performancë e suksesshme e imja, që më solli oferta të tjera.
Cili është qëllimi i emisionit “Te Blloku”?
“Tek Blloku” është një emision serioz dhe prek shumë tematika të realitetit të sotëm. Ne shkojmë te shikuesit, duke luajtur, duke i ofruar dhurata, gjithashtu dhe duke u ardhur në ndihmë njerëzve, për probleme individuale ose familjare me psikologët e ftuar në studio. Sepse në emision ka art, galeri, histori personale etj.
Shpesh fjala “Blloku” sot ka një tringëllimë jo të mirë te njerëzit, madje ka thashethemnaja që ka dhe degjenerim skutave të tij. Ju si mendoni?
“ Blloku” ynë është shumë edukativ dhe përmban të gjitha ato gjëra të mira, për të gjithë teleshikuesit, që sjellin vetëm vlera pozitive. Për “Bllokun” tjetër nuk mund të flas, sepse nuk kam qenë asnjëherë dhe nuk jam pjesë e tij, nuk e frekuentoj!
Ju ka joshur prezantimi, sepse ka kohë që s’të kemi parë të kërceni, në krah të Albi Nakos?
Prezantimi më pëlqen, por arsyeja që unë nuk jam më pjesë e trupës së baletit të TV Klanit, është çështje kohe. Sepse vazhdoj të jem tek Qëndra Kulturore e Ushtrisë, vazhdoj të ndjek studimet e psikologjisë me përkushtim dhe së fundi kam një aktivitet timin, Qendër Fitnesi, bashkë me mikeshën time, Mimoza Mevlani.
Keni rreth një vit larguar nga baleti, mos keni shtuar ca kile?
Jo. Sepse jap mësim në palestër dhe duke qenë e imja, i përkushtohem trupit plus.
Keni kërcyer, keni prezantuar dhe keni aktruar, çfarë komponenti tjetër të plotëson, për të qënë një Show Girl?
Përsa i përket televizionit, mendoj se jam e kompletuar, sepse të gjitha këto që ti përmende më lart, i kam realizuar, sepse kanë qënë dëshirat e mia. Nuk ka qenë qëllim, për të qenë një Show Girl.
Mendon se jeni me fat dhe se a mendon që keni prekur “Qiellin e shtatë”?
Me fat, them se jam. Për të arritur qiellin e shtatë, mendoj se ka shumë për të bërë. Madje, atëherë kur mund t’i kesh arritur këto shumë, mendoj se do të dalin gjëra të tjera, po aq të rëndësishme dhe të dëshiruara në jetë. Kështu që qielli i shtatë, është në kërkim…
Nisur nga linjat e shkëlqyera që keni, a keni menduar ndonjëherë të pozoni e zhveshur?
Nuk kam menduar dhe nuk do ta bëja asnjëherë! S’është absolutisht në natyrën time.
Falë hijeshisë që shfaq, ke torturuar shpesh zemra djemsh?
(Qesh). Jam natyrë shumë e stabilizuar dhe nuk më pëlqen të luaj.
Në pamje dukeni pak serioze, keni qëlluar me pëllëmbë ndonjë djalë, nëse është sjellë keq me ty?
Më ka ndodhur kur jam nervozuar, pra kur nuk mban më.
Cili është djali që ua ka rrëmbyer zemrën?
Janë gjëra shumë personale. Kështu që mua nuk më pëlqen të flas për to. Gjërat e zemrës janë intime.
Ç’përbën dashuria për Orjanën, si pjesë e pandashme e njeriut në jetë?
Dashuria është një fjalë shumë e madhe dhe mendoj se jeta pa dashurinë nuk ka sens.
Do të preferoje karrierën, apo të krijosh familjen tënde një ditë?
Mendoj, të dyja sëbashku.
Sot njerëzit lidhen natyrshëm, apo janë interesat që i bashkojnë?
Jetojmë në një aktualitet, ku çdo njeri ka zgjedhjet dhe pikësynimet e veta në jetë.
Ka mjaft divorce, çfarë mendimi keni për këtë fenomen?
Mendoj që njerëzit janë të lirë të zgjedhin atë që është më e drejtë, apo më e mirë për jetën e tyre.
Përse vajzat e sotme, aq më tepër personazhet VIP, preferojnë të lëvizin me makina luksoze, ashtu si edhe ju?
Në botën e jashtme një artist ka shumë më shumë se një makinë luksoze! Pra vlerësimi për ta është maksimal. Për mua makina është një domosdoshmëri, për të mbaruar punët gjatë gjithë ditës.
Jeni e veshur shik, shpenzon shumë për look-un?
Veshja është pjesa e vlerësimit të vetes dhe unë i kushtoj shumë rëndësi asaj. Madje dhe në detaje shumë të vogla.
A sheh ëndrra shpesh dhe cila ta prish gjumin?
(Qesh). Ëndrrat janë pjesë e gjumit. Ndonjëherë edhe ta prishin atë.

Pasaporta
Vendlindja: Tiranë
Sytë: Jeshile (laroshe)
Flokët: Bionde
Gjatësia: 1,70 m
Pesha: 56 kg
Numri i këmbës: 38
Shenja zodiakale: Dashi
Ngjyrat e preferuara: Rozë, bojëqielli
Studimet: Psikologji, viti i dytë

__________________
The heaven's sound is composed inside your heart, listen to its beat to syncronize your life onto the angel's steps.