Me grushtat e shtrënguar godet malin që s'bëzan. Dhe mali hesht. Nuk duket se zbret nga historia. Është kaq i gjallë dhe kaq i vërtetë saqë duket se një copëz bulevardi, apo periferie është shkëputur dhe ngjitur në skenë. Është tragjedia moderne e ditëve të sotshme. Një lypës, një punëtor që kërkon punë, një i ardhur nga veriu, (le ta quajme malësor), një prostitutë…Shkëmbehemi çdo ditë me ta, herë-herë edhe indiferentë karshi tyre. Prej disa ditësh në skenën e Teatrit Kombëtar të Operës dhe Baletit, po shfaqet spektakli "Migjeniana". I konceptuar në formën e një spektakli, ku fjala gërshetohet me muzikën dhe lëvizjen. Ideja ishte të përkujtonin Migjenin e madh në 95 vjetorin e lindjes së tij, duke ngjitur në skenë personazhet e tij të famshëm. Por të përkujtohej edhe kompozitori Gjon Simoni, i frymëzuar nga vepra e Migjenit për të krijuar muzikë simfonike. Nën drejtimin e dirigjentit Ermir Krantja, orkestra simfonike e TKOB-it interpretoi muzikën e Simonit, ku shfaqet mes notash Shkodra e viteve '30, por edhe vetë poeti me një shpirt kryengritës, ndaj shoqërisë, fatit, zotit… për herë të parë në skenën e TKOB u interpretua kjo vepër muzikore, e përfunduar në vitin 1978 me titullin "Bijtë e shekullit të ri". Ndërsa koreografi Agron Aliaj i frymëzuar nga muzika dhe bota migjeniane krijoi koreografinë.

Është një balet kontemporan, ku çdo lëvizje dhe gjymtyrë trupore flet. Përkthehet në mendim, përkthehet në fjalë. Gerd Vaso nën petkun e Migjenit transmeton revoltë, por edhe melankoli, keqardhje. Enada Hoxha është një muzë e bardhë që frymëzon poetin, por edhe një shpirt që përpëlitet në agoni. Ezdalin Gorani është malësori i zbritur në qytet me një thes bosh në krahë për të blerë një grusht misër. Dion Gjinika vetë vdekja që sillet mbi kokat e të gjithëve dhe vetë poetit që do iki ngakjo botë në një moshë fare të re. Sokol Zhugri është punëtori i "verbuar" nga shkëlqimi i reklamave, Manjola Hasani është "njëra nga ato". E bukur por e mjerë, që në ditët e perëndimit të saj këndon një baladë qytetase "dy hapa para, dy hapa mbrapa….". Një galeri e tërë personazhesh, pa harruar Lulin e vocërr me tollumat e shqyera, Luken…., që ndërtojnë botën e poetit, krijojnë portretin e tij, duke u ndalur fare pak në aspektin personal. Vetëm gjatë poezisë "Dy buzë" është vetë poeti protagonist i dhimbjes, jetës dhe dashurisë. Vepra ishte ndërtuarnë mënyrë të tillë, që krahas pjesëve të muzikuara, tëinterpretoheshin me lëvizje edhe poezitë, apo proza e recituar nga aktori Sokol Angjeli. Dhe shijonin aq shumë ato pjesët pa muzikë, kur ndiheshin hapat e balerinëve të përplaseshin në skenë…

Pavarësisht se mes spektatorëve kishte edhe të huaj dhe poezitë nuk përktheheshin në gjuhë të huaj përmes ndonjë monitori, lëvizjet e balerinëve e përkthenin më së miri pjesën e recituar. Dukej si një përkthim fjalë për fjalë, që edhe pa recitimin në sfond do të ishte lehtë e lexueshme koregrafia. Nuk ishte e vështirë të dalloje lypësin, Lulin, malësorin, apo prostitutën. Dhe kjo jo thjesht për shkak të kostumeve. Koreografia ishte ndërtuar në mënyrëtë tillë që gjithçka të ishte e qartë për të gjithë. Interesante paraqitej skenografia. Skenografi Genc Shkodrani sillte në skenë një Shkodër të vogël me çatitë karakteristike një mbi një, diku shquhet xhamia dhe nga thellësitë e këtij qyteti gri ngrihet klithma e revoltës. Gjithçka është konceptuar thjeshtë, pa butafori, ku simboli flet më shumë se objekti. Ndriçimi përbën gjithashtu një element të ri. Ndryshe nga të gjitha veprat e tjera të ngjituranë këtë skenë ndriçimi i përdorur në "Migjenianen" i ngjan atij të koncerteve të organizuara nëpër sheshe. Me prozhektorë të vendosur mbi skenë, që krijonin efekte të ndryshme në varësi të subjektit. Në harmoni me këta elementë është edhe kostumografia, për realizimin e së cilës, Genc Shkodrani ka huazuar elementë tradicionalë per t'i nderthurur me ato modernë, duke i dhënë veprës vlera më universale. Vepra u prit mirë nga publiku kryeqytetas, I cili duartrokiti gjatë një shfaqje ndryshe.

Projekti

Të rinjtë, një mundësi më shumë
Pas pritjeve të gjata dhepërpjekjeve për të filluar punë diku, më në fund për të rinjtë artistë po hapet një dritë jeshile. Ministria e Turizmit, Kulturës, Rinisë dhe Sporteve ka miratuar dy projekte, që mbështet artistët e rinj me projekte dhe vende pune madje. Kështu me një fond 1 vjetor prej 3 milionë lekësh parashikohest punësimi i 10 artistëve të rinj pranë Teatrit Kombëtar të Operës dhe Baletit. Individët të cilët do të përftojnë këtë shumë do të përfshihen brenda trupave artististikë të T.K.O.B dhe do të marrin pjesë rregullisht në të gjitha aktivitetet vjetore të institucionit. Gjithashtu ata kanë detyrim të realizojnë si solistë role të dyta apo impenjime të tjera që do t'iu ngarkohen. Për secilin do të ketë program të veçantë pune të miratuar nga Drejtoria e produksionit muzikor të T.K.O.B. Dhënia e këtij fondi do të lëvrohet nga MTKRS në TKOB në fillim të vitit financiar, e ndarë në tremujorët janar – mars, prill - qershor, tetor – dhjetor.

Fondi publik për artistët e rinj, do të zhvillohet në afat të pacaktuar mbi bazën e projektit njëvjeçar të përshtatshëm përshtatshëm për sa kohë do të gjykohet i vlefshëm për impaktin e tij në shërbim të politikave kulturore për përkrahjen e të rinjve të talentuar. Njëkohësisht MTKRS ka miratuar edhe projektin për të rinjtë në teatër. Pas një viti heshtjeje rikthehet festivali i regjisorëve të rinj. Projekti kap një shifër prej 5 milionë lekësh dhe synon të aktivizojë regjisorë dhe aktorë të rinj. Do të shpallen 5-6 projekte fituese dhe fondi që përfiton çdo projekt shkon rreth 700 mijë lekë. Parashikohet gjithashtu zhvillimi i turneu të projekteve fituese në skenat e teatrove të rretheve. Pas shfaqjeve do të organizohet edhe "Java e teatrit për të rinj", ku do shpallen edhe fituesit. Koha e realizimit të këtij projekti është mes muajve mars-tetor.

__________________
The heaven's sound is composed inside your heart, listen to its beat to syncronize your life onto the angel's steps.

pata fatin te shoh emisionin me xhimi lazrin dhe degjova krijuesit dhe disa balerin po ti quajm keshtu
skenografia me kujtoi pak skenografin e baletit romeo e juliet qe me duket e ka bere i njeti skenograf(si duket kopjon vetveten)
pashe disa sekuenca nga baleti ,,,kercimtaret mu duken shume diletant dhe sidomos vajzat me ca kile te teprta
se di kur do e marrin seriozisht se nje trupe baleti ne te vetmin teater ne shqiperi smund te vazhdoj keshtu
nga aq sa pashe ishte nje nivel shume i dobet