Lajmet e fundit nga Kinematografia Shqiptare dhe e huaj.

AlbShkodra · #1 21-12-2003, 03:28

Filmat pretendentë për Globin e Arte !

Ne edicionin e 61 te cmimeve Globi i Arte, i cili do te transmetohet ne 25 janar ne Shtetet e bashkuara te Amerikes, konkurojne rreth 20 kategori, mes te cileve cmimi aktori dhe aktorja me me i mire ne rolin kryesor, filmi me i mire dramatik dhe komedia muzikore, nderkohe qe shume cmime te tjera do te ndahen edhe per kolonen me te mire muzikore si dhe kompozimin orgjinal. Ne garen nderkombetare te filmit, duket se cmime do te marrin edhe filmat e huaj, pra ata qe vijne jo me nga kontinenti amerikan, “Good bye Lenin”, qe vjen nga Gjermania dhe ‘Osama”, nga Afganistani, konsiderohen dy nga filmat me te mire, te kategorise filmat e huaj.

Kategoria I
Filmi Dramatik
Cold Mountain
Producent : Albert Berger, William Horberg, Sydney Pollack, Ron Yerxa
The Lord Of the Rings: The Return Of the King
Producent : Peter Jackson, Barrie M. Osborne, Frances Walsh
Master and Commander: The Far Side Of the World
Producent : Samuel Goldwyn, Jr., Duncan Henderson, Peter Weir
Mystic River
Producent : Clint Eastwood, Judie Hoyt, Robert Lorenz
Seabiscuit
Producent : Kathleen Kennedy, Frank Marshall, Gary Ross, Jane Sindell
Kategoria II
Komedi Muzikore

Bend It Like Beckham
Producent : Gurinder Chadha, Deepak Nayar
Big Fish
Producent : Bruce Cohen, Dan Jinks, Richard D. Zanuck
Finding Nemo
Producent : Graham Walters
Lost In Translation
Producent : Sofia Coppola, Ross Katz
Love Actually
Producent : Tim Bevan, Eric Fellner, Duncan Kenworthy
Kategoria III
Aktori me i mire ne rolin kryesor ne filmin – Dramatik
Russell Crowe në filmin Master and Commander
Tom Cruise në filmin The Last Samurai
Ben Kingsley në filmin House Of Sand and Fog
Jude Law në filmin Cold Mountain
Sean Penn in Mystic River
Kategoria IV
Aktori më i mire ne rolin kryesor – Komedi muzikore

Jack Black në filmin The School Of Rock
Johnny Depp në filmin Pirates Of the Caribbean
Bill Murray në filmin Lost In Translation
Jack Nicholson në filmin Something's Gotta Give
Billy Bob Thornton në filmin Bad Santa
Kategoria V
Aktorja me e mire ne rolin kryesor – Dramatik
Cate Blanchett në filmin Veronica Guerin
Scarlett Johansson në filmin Girl With a Pearl Earring
Nicole Kidman në filmin Cold Mountain
Charlize Theron në filmin Monster
Uma Thurman në filmin Kill Bill (Vol. 1)
Evan Rachel Wood në filmin Thirteen
Kategoria VI
Aktori më i mire ne rolin kryesor – Komedi Muzikore

Jamie Lee Curtis në filmin Freaky Friday
Scarlett Johansson në filmin Lost In Translation
Diane Keaton në filmin Something's Gotta Give
Diane Lane në filmin Under the Tuscan Sun
Helen Mirren në filmin Calendar Girls
Kategoria VII
Aktori me i mire ne rolin mbeshtetes
Alec Baldwin në filmin The Cooler
Albert Finney në filmin Big Fish
William H. Macy në filmin Seabiscuit
Tim Robbins në filmin Mystic River
Peter Sarsgaard në filmin Shattered Glass
Ken Watanabe në filmin The Last Samurai
Kategoria VIII
Aktorja me e mire ne rolin mbeshtetes
Maria Bello në filmin The Cooler
Patricia Clarkson në filmin Pieces Of April
Hope Davis në filmin American Splendor
Holly Hunter në filmin Thirteen
Renée Zellweger në filmin Cold Mountain
Kategoria IX
Regjisori me i mire
Sofia Coppola ne filmin Lost In Translation
Clint Eastwood ne filmin Mystic River
Peter Jackson ne filmin The Lord Of the Rings
Anthony Minghella ne filmin Cold Mountain
Peter Weir ne filmin Master and Commander
Kategoria X
Ekranizimi me i mire
Cold Mountain shkruar nga Anthony Minghella
In America shkruar nga Jim Sheridan, Kirsten Sheridan, Naomi Sheridan
Lost In Translation shkruar nga Sofia Coppola
Love Actually shkruar nga Richard Curtis
Mystic River shkruar nga Brian Helgeland
Kategoria XI
Konola me e mire zanore
Big Fish kompozuar nga Danny Elfman
Cold Mountain kompozuar nga Gabriel Yared
Girl With a Pearl Earring kompozuar nga Alexandre Desplat
The Last Samurai kompozuar nga Hans Zimmer
The Lord Of the Rings kompozuar nga Howard Shore
Kategoria XII
Kenga orgjinale
"The Heart Of Every Girl", nga Mona Lisa Smile
muzika Elton John, teksti Bernie Taupin
"Into the West" nga The Lord Of the Rings
teksti dhe muzika Annie Lennox, Howard Shore, Frances Walsh
"Man Of the Hour" nga Big Fish, teksti dhe muzika Eddie Vedder
"Time Enough For Tears" nga In America
teksti dhe muzika Bono, Gavin Friday, Maurice Seezer
"You Will Be My Ain True Love" nga Cold Mountain
teksti dhe muzika Sting
Kategoria XIII
Filmi me i mire u huaj
The Barbarian Invasions nga Kanadaja
Good Bye, Lenin! nga Gjermania
Monsieur Ibrahim nga Franca
Osama nga Afghanistan
The Return nga Russia

AlbShkodra · #2 24-12-2003, 05:26

AFI, shpall 10 filmat më të mirë të vitit

Instituti Amerikan i Filmit (AFI) ka bërë publike 10 filmat më të mirë të vitit, të cilët janë vlerësuar edhe më çmimet përkatëse. “The last Samurai” dhe “The Lord of the Rings”, janë konsideruar nga juria, si filmat më të mirë bazuar në fabula të njohura, ndërkohë që si reflektim i realitetit të jetës “American Splendor” dhe “In America”, kanë marrë çmimet, që lidhen me kombin amerikan. Ndërkohë që juria ka përzgjedhur në listën e dhjetë filmave më të mirë “American Splendor”, “Finding Memo”, “The Human Stain”, “The lord of the Rings”, “The return of the King”, “Lost in Translation”, “Master and Comander”, “Monster” dhe “Mystic River”. Instituti Amerikan i Filmave, shpall çdo fundviti 10 filma më të mirë, bazuar edhe nga ndjekjet e tyre në kinematë amerikane si dhe televizione. Përzgjedhja bëhet nga një juri prej 13 personash, kritikë dhe artistë, ndërkohë që dy juri të tjera, në Los Angeles dhe Californi, votojnë gjithashtu edhe për shkallën e ndjekjes së këtyre filmave në kinema dhe televizione. Drejtori i AFI-it, Jean Picker Firstenberg, i ka dorëzuar statuetat disa regjisorëve, ndërkohë që ka theksuar se është mjaft pozitiv fakti i rikthimit të subjeketeve të disa filmave nga e kaluara, sidomos nga librat bestseller, siç janë “The Lord of the Rings” apo “ The Retunr of the King”.

''Shekulli''

AlbShkodra · #3 24-12-2003, 05:28

Një dokumentar kushtuar Nënë Terezës

"Nënë Tereza", një film dokumentar, bashkëpunim i Radio-Televizionit Shqiptar dhe Qendrës Kombëtare të Kinematografisë do të shfaqet premierë të martën në mbrëmje në ekranin e kinema "Millenium 2" në Tiranë. Me regjisor Kujtim Gjonaj dhe skenar të Petrit Rukës, filmi i kushtohet Nënë Terezës, e cila u Lumturua në 19 tetor në Selinë e Shenjtë të Vatikanit nga Ati i shenjtë Papa Gjon Pali II. Prodhim i "Deafilm" dokumentari "Nënë Tereza" shënon dhe mbylljen e aktiviteteve të shumta që janë zhvilluar në kuadër të Lumturimit të saj, gjatë vitit 2003, që është cilësuar ndryshe viti i Nënë Terezës. Anjeza Gonxhe Bojaxhiu, që më vonë e ndryshoi emrin në Nënë Tereza, lindi me 1910 nga prindër shqiptarë. Ajo i mori mësimet e para në një shkollë në qytetin e Shkupit dhe në moshën 18 vjeçare u dorëzua murgeshe. Pasi u specializua në Irlandë u vendos në Indi ku në vitin 1950 themeloi urdhrin e saj të murgeshave të quajtur Misionarët e Bamirësisë. Që nga ky moment Nenë Tereza do të bëhej nënë e të gjithëve dhe jetën e saj do t'ia dedikonte tërësisht të varfërve.
Urdhri i Nënë Terezes numëron mbi 4000 misionare dhe është shtrirë në mbi 100 vende të botës, kur nuk duhet harruar se ajo e filloi aktivitetin vetëm me dy pasuese.
Nënë Tereza nuk e pranoi asnjëherë famën. Ajo ka thënë se gjithçka e bënte për hir të dashurisë së Zotit. Kur Papa Pavli VI kryente një vizitë në Indi në 1964 i dhuroi asaj limuzinën e tij. Ajo e shiti atë për të siguruar fonde për koloninë e lebrozëve të cilët i ndihmonte. Fama e saj u përhap kur gazetari i njohur britanik, Nugerigj shkroi një libër dhe xhiroi një film për jetën e saj të titulluar "Diçka e bukur për zotin". Ish-ateist ai tha se ajo kishte influencuar jashtëzakonisht shumë në konvertimin e tij katolik.

AlbShkodra · #4 05-01-2004, 06:50

Aktori feston përvjetorin e lindjes sot në mbrëmje në skenën e Teatrit Kombëtar. Retrospektiva e karrierës së Kadri Roshit, i cili kulmin e vet e pati në kinematografi në mesin e viteve ‘80

Kadri Roshi, në vitin e tetëdhjetë

Pas anoreksisë dhe lodhjes trupore, në skenën e Teatrit Kombëtar. Kadri Roshi nuk vjen për të rimarrë historinë e roleve që e ndërpreu me Ezopin në mesin e viteve ‘90-të, aty tek “Dhelpra dhe rrushtë”, por për të festuar tetëdhjetëvjetorin e lindjes.
Sot në mbrëmje aktori shoqërohet me retrospektivën kinematografike që do të shfaqet në ekranin e Teatrit. Drejtori i TK-së, Kiço Londo, ka bërë të ditur se ky takim me Kadri Roshin është menduar si një bashkëbisedim i lirë me të pranishmit artistë rreth krijimtarisë së tij në kinema dhe teatër. “Eshtë në gjendje të mirë shëndetësore dhe kjo na gëzon. Do ta kemi mes nesh për të festuar 80-vjetorin e lindjes”,- thotë Londo. Aktori i njohur ka kaluar një gjëndje të rënduar shëndetësore këtë vjeshtë dhe nga shtrati i pavionit në spitalin ushtarak do të deklaronte se nuk shpresonte të ngjitej më në skenë. Kur gjendja e tij nuk jepte asnjë shenjë përmirësimi, Ministria e Shëndetësisë mori përsipër kurimin e aktorit në një nga klinikat e Ankarasë, në Turqi. “Syri magjik”, filmi i fundit regjisorit Kujtim Çashku e ktheu sërish në sheshxhirim Roshin, por për këtë fakt nuk do të jepej asnjë koment.
Karriera e tij pati një ndërpreje të njëkohshme si në teatër dhe në kinema, edhe pse deri vonë ka qenë një artist i kërkuar nga kineastët. Krijimtaria e tij dallohet për natyrshmërinë që iu ka dhënë roleve dramatikë, një dimension që shpesh është teatralizuar, skematizuar dhe artificializuar nga artistët shqiptarë, qoftë në kinema, qoftë në teatër. I lindur në Ballsh në vitin 1924, nga prindër gjirokastritë, formimi i Roshit nuk vjen nga ndonjë akademi aktrimi, apo manteli i mjeshtërisë së aktrimit rus të Stanislavkit, nëpër të cilin kanë kaluar breza aktorësh. Skena e Teatrit Popullor, ku për herë të parë në vitin 1945 dhe sheshxhirimet ishin e vetmja shkollë e tij.
Dhe sot në moshën 80- vjeçare, bëhet më shumë se gjysmëshekulli nga dalja në skenë. Në historinë e kinemasë janë 30 role që mbajnë firmën e tij, ndërsa në teatër rreth 100, nga cilët mjafton të kujtojmë interpretimet tek “Halili dhe Hajria”, “Revizori”, “Familja e peshkatarit”, “Arturo Ui”, “Kohë e çmendur”, “Dhelpra dhe rrushtë” ku roli i paharruar i Ezopit përkrah aktores Luiza Xhuvani, është nga të fundmit në skenën e teatrit. Nuk mund të mohosh faktin se portretin e tij e fiksoi në kujtesën e publikut më tepër se teatri, kinemaja, nga arkivi i së cilës do të shfaqen disa fragmente të zgjedhur, role ku Roshi duket se interpreton me lëkurën e vet më shumë se sa me atë të personazhit. Kujtojmë filmat “Lulëkuqe mbi mure”. Për interpretimin në rolin e kujdestarit ai vlerësohet në Festivalin e Dytë të Filmit Shqiptar në vitin 1977, me çmimin special të aktorit më të mirë, bashkë me Timo Fllokon e Agim Qirjaqin. Këtë çmim e merr sërish më 1981 për rolin e mësuesit patriot në filmin “Liri a vdekje”, dhe dy vjet më pas, për interpretimin tek “Era e ngrohtë e thellësive”. Me protagonizmin tek “Gjeneral gramafoni”, “Këshilltarët”, “Njeriu me top”, mund të thuhet se mesi i viteve ‘80-të prek zenitin e karrierës së aktorit.
Në një nga ato ditët e shëndetit të përkeqësuar ai do deklaronte se nga intepretimi tek filmi i regjisorit Viktor Gjika, “Njeriu me top” ai realizoi rolin e karrierës: “Plaku Mere, është kurora e roleve të mi. Atë e kam ndërtuar vetë nga e para, si kam ditur.”
Në një kohë kur gjithë kinematë ishin shkatërruar dhe frynte era e euforisë së mirëqënies jetëshkurtër nga firmat piramidale, Kadri Roshi merr Kupën e Karrierës në Festivalin e Dhjetë të Filmit Shqiptar, në vitin 1995. Kishte interpretuar në një nga rolet e fundit të karrierës kinematografike tek “Kolonel Bunker”.
Roshi është “Nder i Kombit” prej vitit 1998, një titull dhënë nga Presidenti i Republikës.

''Shekulli''

AlbShkodra · #5 06-01-2004, 17:46

Rikthehet në maj, festivali i filmit shqiptar

Do të zhvillohet në maj edicioni i 12-të i Festivalit Kombëtar të Filmit Shqiptar. Mendohet të marrin pjesë 30-40 filma dokumentarë, multiplikativë dhe artistikë. Mendohet edhe pjesëmarrja e emrave të njohur të kinematografisë botërore, si Bertoluçi, Belushi, Dragoti, gjë që mbetet për t’u konfirmuar

Muaji maj do të jetë sezoni i paradës së filmit shqiptar. Pasi kanë kaluar tre vjet nga festivali i fundit kombëtar i filmit, i zhvilluar në prill të vitit 2000, Qendra Kombëtare e Kinematografike, ka vendosur që në muajin maj të zhvillohet edicioni i 12-të i këtij aktiviteti. Veprat më të reja kinematografike shqiptare, të brenda dhe jashtë kufijve shtetërorë, do të shfaqen gjatë ditëve të festivalit për publikun artist dhe para jurisë, e cila do të vendosë se cilat vepra, krijues dhe interpretues, do të meritojnë trofetë e e krijimtarisë më të mirë kinematografike gjatë tre viteve të fundit. Ndonëse ende gjithçka është në kuadrin e një projekti, i cili pritet të marrë formë shumë shpejt, organizatorët e tij janë optimistë dhe mendojnë se ky aktivitet do të sjellë vlera, emra të njohur kineastësh, por edhe shumë të ftuar nga bota e madhe e kinematografisë botërore. Sipas drejtorit të Qendrës Kombëtare Kinematografike, Petrit Ruka, mendohet që në këtë aktivitet, do të marrin pjesë 30-40 vepra të autorëve shqiptarë, që i përkasin zhanreve të dokumentarit, të filmit multiplikativ, të filmit artistik me metrazh të shkurtër dhe të gjatë. Sipas Rukës, të gjitha veprat konkurruese duhet të jenë realizuar gjatë viteve të fundit. “Festivali Kombëtar i Filmit, është një aktivitet që zhvillohet një herë në katër vjet dhe filmat që do të marrin pjesë në këtë edicion nuk duhet të kenë qenë pjesëmarrës në festivalin paraardhës, pra atë të vitit 2000. Këto vepra duhet të jenë krijuar gjatë 4 viteve të fundit, pra gjatë periudhës mes dy edicionesh”, - thotë ai. Kjo do të thotë se shumica prej tyre tashmë janë të njohur për publikun shqiptar, i cili ka pasur mundësi t’i ndjekë, jo vetëm në ekranin e madh të kinemave, por edhe nëpërmjet stacioneve të ndryshme televizive shqiptare. Dhe në një farë mënyre, jo vetëm artistët, por edhe vetë publiku e ka dhënë vlerësimin e tij për disa prej filmave, qofshin këta artistikë, apo dokumentarë, që do të marrin pjesë në edicionin e 12-të të Festivalit Kombëtar të Filmit.
Sipas Rukës, e vetmja gjë që dihet me siguri është koha e zhvillimit të festivalit, pasi ende nuk është vendosur përfundimisht mënyra se si do të zhvillohet ky aktivitet. “Këto ditë do të mblidhemi për të vendosur mbi strukturën e plotë të këtij aktiviteti, kohëzgjatjen, mënyrën e organizimit, ngritjen e komisioneve dhe shumë elementeve të tjerë, që do t’i japin një pamje të plotë festivalit”, - thotë kryetari i QKK-së Ruka, i cili shprehet se është menduar që festivali të shpalosë edhe surprizat e veta, përsa i përket miqve, të cilët janë ftuar të marrin pjesë në këtë aktivitet.

Bota në Tiranë?
Si çdo aktivitet tjetër, edhe Festivali Kombëtar i Filmit ruan anën e vet spektakolare, e cila në shumicën e rasteve krijohet edhe nga prezenca e të ftuarve të ndryshëm. Ndonëse gjithçka mbetet në kuadrin e ideve, organizatorët e edicionit të 12-të i kanë piketuar disa emra regjisorësh, apo aktorësh me famë botërore, për të cilët po luftojnë t’i sjellin në Shqipëri. “Mendohet që në këtë edicion të jenë të pranishëm rreth 10 emra artistësh të shquar nga bota e kinematografisë botërore, si Xhejms Belushi, Eliza Dushku, Sten Dragoti dhe emra të tjerë të mëdhenj të kinematografisë italiane”, - thotë Ruka. Ndër të ftuarit mendohet të jetë dhe regjisori i madh italian, autor i sa e sa filmave, Bernardo Bertoluçi. “Gjithsesi, është ende herët për të thënë fjalën përfundimtare, pasi më parë duhet të marrim konfirmimin e ardhjes nga ana e tyre”, - shton Ruka. Sipas tij, një ndër të ftuarit do të jetë aktori me origjinë shqiptare Xhejms Belushi, i cili është një nga emrat më të njohur të kinematografisë amerikane. Për Belushin, kjo nuk do të jetë hera e parë që viziton Shqipërinë. Vite më parë ai ka ardhur në Shqipëri dhe ka vizituar fshatin e lindjes së babait të tij, në Korçë. Eliza Dushku është një tjetër artiste me origjinë shqiptare, e cila ka mundur të çajë në botën e filmit amerikan. Ashtu si edhe dy artistët e tjerë, edhe regjisori Sten Dragoti është me origjinë korçare dhe ka mundur të depërtojë në kinematografinë amerikane me krijimet e tij. Edhe për Dragotin, kjo nuk do të jetë hera e parë që viziton Shqipërinë.

Historia e 11 festivaleve
Historia e festivalit të filmit shqiptar, ka nisur në vitin 1976 dhe deri më sot ai njeh 11 edicione të tij. Deri në vitin 1991, festivali i filmit artistik dhe ai dokumentar ishin institucione më vete dhe zhvilloheshin një herë në dy vjet, ndërsa pas këtij viti, këta dy festivale jo vetëm që u njësuan, por edhe filluan të organizoheshin një herë në 4 vjet. Kjo si rezultat i tranzicionit që si çdo fushë tjetër e jetës, po kalonte dhe industria e filmit, e cila çdo vit e më tepër prodhonte më pak filma. I pari festival i filmit është zhvilluar në vitin 1976 dhe duke qenë i tillë, si fëmija i parë, ai është konsideruar si festivali i gëzimit, por në të njëjtën kohë dhe i detyrës, pasi me këtë akt, krijues dhe aktorët kryenin detyrën ndaj shtetit dhe atdheut. Ndër filmat konkurrues ishin “Në fillim të verës” dhe “Beni ecën vetë”. Pasi kishte kaluar prova e parë, festivali që do të pasonte do të ecte më i sigurt dhe do të konsiderohej si festivali i seriozitetit. Në qendër të filmave konkurrues vendosej heroizmi masiv, qëndresa, ngritja kundër shtypjes dhe shfrytëzimit, etj. Kujtojmë filmat “Lulëkuqe mbi mure”, “Përballimi”, “Tinguj lufte”, “Zonja nga qyteti”, etj. Festivali i vitit 1979, do të quhej “i identitetit filmik”. Kineastët filluan ta zgjeronin diapazonin e tyre, drejt një kohe tjetër, asaj historike, kohës së të parëve, kohës së identitetit kombëtar. Sandër Prosi dhe Bujar Lako, me filmin “Udha e shkronjave” do të ishin aktorët më të spikatur të këtij edicioni. Ndër filmat konkurrues përmendim “Njeriu me top” dhe “Gjeneral Gramafoni”. Në festivalin e vitit 1981 do të spikasnin individualitetet regjisoriale. Regjisorët filluan të sjellin një frymë të re në filmin shqiptar. Ndër regjisorët më të spikatur do të ishin Dhimitër Anagnosti, Viktor Gjika, Kujtim Çashku e Pirro Milkani. Ndër filmat konkurrues ishin “Plumba perandorit”, “Ballë për ballë”, “Në çdo stinë”, etj. Festivali pasardhës do të quhej i “të papriturave”. Dhe jo më kot. Edhe pse në shumicën e filmave konkurrues trajtoheshin tema të mëdha kombëtare dhe ideologjike, festivalin e fiton një film i cili kthehet në botën e brendshme të njeriut “Njeriu i mirë”. Ndër filmat konkurrues ishin “Nëntori i dytë”, “Shokët”, “Kur xhirohej një film”, etj. Festivali i vitit 1985, i cili për shkak të vdekjes së Enver Hoxhës u zhvillua në vjeshtë, është quajtur “i publikut”, pasi filmi fitues “Dora e ngrohtë” kishte shënuar një rekord shikuesish në kinematë e vendit. Aktiviteti i vitit 1987 do të quhej festivali i shenjave kolektive. Nuk ishin vetëm fituesit e çmimeve, por qindra punonjës prapa kuintave që krijuan historinë e filmit shqiptar. Ndër filmat konkurrues “Kur hapen dyert e jetës”, “Fillim i vështirë”, “Rrethimi i vogël”, etj. festivali i vitit 1989 do të spikaste për bukurinë femërore. Krahas emrave të njohur si Tinka Kurti dhe Margarita Xhepa, do të lindte një brez tjetër aktoresh, si Rajmonda Bulku, Anisa Markajan, Elvira Diamanti, Eva Alikaj, Luiza Xhuvani, Matilda Makoçi, etj. Filmat konkurrues: “Flutura në kabinën time”, “Treni niset në 7 pa pesë”, “Përrallë nga e kaluara”, etj.
Ankthi që po kalonte shoqëria shqiptare, nuk mund të mos shprehej dhe në festivalin e filmit të vitit 1991. Ndryshe nga paraardhësi, festivali që do të zhvillohej 4 vjet më vonë do të ishte më euforik. Ndër filmat konkurrues janë “Vdekja e kalit”, “Përdhunuesit”, “Zemra e nënës”, etj. Festivali i fundit është zhvilluar në vitin 2000 dhe është konsideruar si një “bisedë me vehten”. Të lodhur prej tranzicionit dhe politikës, njerëzit kanë nevojë më tepër të flasin me vehten, gjë që pasqyrohet edhe në filmat konkurrues si “Dasma e Sakos”, “Bolero”, “Kolonel bunker”, etj.

Filmat fitues
1976 “Në fillim të verës”
1977 “Lulëkuqet mbi mure”
1979 “Gjeneral gramafoni”
1981“Ballë për ballë”
1983 “Njeriu i mirë”
1985 “Dora e ngrohtë”
1987 “Rrethimi i vogël”
1989 “Pranvera s’erdhi vetëm”
1991 “Ballada e Kurbinit”
1995 “Zemra e nënës”
2000 “Kolonel bunker”

AlbShkodra · #6 09-01-2004, 04:18

Penelope Cruz tullace?

Penelope Cruz duhet të privohet nga flokët e saj të zinj dhe të lëmuar për filmin e saj të ardhshëm. Aktorja spanjolle prej kohësh e adoptuar nga Hollywoodi, kthehet në kinemanë e atdheut të saj në një film me regji të Pedro Almodovar. Të dy së bashku, që kishin punuar tashmë në filmin “Gjthshka për nënën time” janë në bisedim për të realizuar filmin e ardhshëm kandidat për çmimin Oscar. “Jam e gatshme të bëj gjithshka për të punuar me Pedron” ka thënë e fejuara e Tom Cruise, tashmë protagoniste në Cannes ku me filmin e saj “Fanfan Tulipan” hapi festivalin e Kanës. Mbase do të më duhet të pres flokët deri në tullace, nuk më bëhet vonë do të rriten” Për sa I përket filmit të ardhshëm, drama dhe subjekti mbeten sekret.

AlbShkodra · #7 09-01-2004, 04:21

Depresioni i Nicole Kidman

Nicole Kidman ishte e sëmurë me depresion. Sëmundja e fshehtë që kishte prekur aktoren pas divorcit me Tom Cruise dhe për të cilin i kishte thënë fillimisht jo filmit “The hours – orët”, por që më pas pranoi me pamjen e saj të lodhur, të cfilitur në rolin e shkrimtares angleze Virginia Wolf dhe për të cilën morri fillimisht një Golden Globe dhe më pas Oscar aktorja e sëmurë me depresion thotë: Nuk doja të punoja në atë periudhë, tani jam e kënaqur që e kam bërë atë rol, të hyje në rolin e një gruaje depresive siç isha unë në atë kohë, ishte kuruese. Të mirëinformuarit tregojnë se Nicole është e dashuruar pas Tomit dhe shpreson që të kthehet një ditë sërish me të. Normale xhelozia për Penelope Cruz, Nicole bëhet përherë dhe më e vogël sa herë që dëgjon të flitet për një martesë të mundëshme midis Tomit dhe Penelopës, ka thënë një mike e ngushtë e saj.

AlbShkodra · #8 09-01-2004, 04:23

Eshtë Johny Depp aktori më seksi

Për ka dyshuar për këtë, ja pohimi: Johny Depp është burri më seksi në botë. E thotë këtë klasifikimi i bërë nga People Magazine, një nga revistat javore më të shitura në Amerikë. Pirati i Karaibeve është në zemrën e miliona fansave të botës dhe është konsideruar aktori më seksi ende i gjallë dhe ka kaluar në këtë klasifikim edhe Ben Affleck që e kishte fituar këtë titull vitin e kaluar. Depp është i shoqëruar si duhet. Ndër Vipat më seksi janë aktorët, këngëtarët dhe sportistët më të njohur si Nelly, LL Cool, Justin Timberlake, Brad Pitt, Colin Farell, Russel Crowe, George Clooney, Nick Lachey dhe tenisti jashtë klase Andy Roddick.

Së fundi, People Magazine ka bërë klasifikimin e më të bu****e të Hollywoodit dhe në vend të parë është çifti Ashton-Kutcher dhe Halle Berry.

AlbShkodra · #9 09-01-2004, 04:25

Kthehet agjenti Matt Damon, gjithnjë e më shumë joshës

Do të rifillojnë xhirimet e telefilmit The bourne Identity – Identiteti Bourne, filmi që e shënoi Matt Damon si sex simbol.

Universal Pictures ka lajmëruar xhirimin e një filmi të ri për Matt Damon që do të tiutllohet The Bourne Supremacy – supremacia Bourne, film që do të xhirohet midis Gjermanisë, Rusisë dhe Indisë dhe do të jetë me më shumë veprim se i mëparshmi. Më shumë ndjekje, më shumë efekte speciale, më shumë komplote dhe agjentë me role të dyfishta… Për të mos folur për kujtesën e Matt Damon – Jason Bournem që do të jetë edhe më konfuze dhe plot makthe se sa në episodin e parë.
Për të drejtuar aventurën, spiun nuk do të jetë më Dopug Limasn, që kalon në rolin e produktorit ekzekutiv, por Paul Greengrass, i njohur për publikun për filmin Bloody Sunday – E djela e përgjakur – 2002. Ndërsa përkrah Matt-it të bukur do të jetë një kast heterogjene, një përzjerje personazhesh të rinj dhe të vjetër. Nga seriali i parë mbeten Franka Potente, Julia Stiles dhe Pat Crowley, ndërsa ndër të rinjtë do të jetë Karl Urban (Zoti i unazave) dhe personazhi metaforë i Brian Cox.
(Spekter)

AlbShkodra · #10 09-01-2004, 04:27

Raoul Bova, protagonist i një filmi aksion kolosal në Hollywood

S’është mbushur ende muaji që kur Raoul Bova debutoi në SHBA me Under the Toscan Sun – nën diellin toskan, krah për krah Diane Lane, kur filluan kërkesat nga Hollywood dhe faktikisht aktori do të bëjë pjesë në një kast aktorësh në një film të Alien Vs. Predator – Jashtëtokësorët kundër grabitqarëve.
Bëhet fjalë për ekranizimin e një videoloje të famshme. Kryevepër e llojit fanta-horror: Alieni i Ridley Scott në luftë me Sigourney Weaver – një grabitqar i luajtur nga Arnold Schwarzeneger.