Prodhimtaria kinematografike vitet e fundit në Shqipëri duket se ka qenë e konsiderueshme, ndërkohë që publiku në mbarë vendin thuajse nuk arrin ta shohë atë. Mjaft njerëz shprehen se, tashmë janë mësuar t'i shohin filmat shqiptarë mbas shumë kohë nga data e prodhimit vetëm në televizor. Të tjerë thonë se, edhe pse ka një numër filmash që prodhohen edhe me kompani kinematografike të huaja, kjo për publikun mbetet e largët dhe gati e panjohur. Në fakt që prej vitit 1990, numri i filmave shqiptarë ka ardhur gjithnjë në rritje, pavarësisht se në ato pak kinema që funksionojnë sot në të gjithë vendin, sundon filmi hollivudian. Për këtë, punonjës të kinemave më të mëdha në kryeqytet si "Millenium 1" dhe "Millenium 2" shprehen se interesi dhe 'etja' e publikut kryeqytetas për filmin artistik shqiptar, është evidentuar gjatë shfaqjes së filmave "Sllogans" të Gjergj Xhuvanit dhe "Tirana Viti zero" i Fatmir Koçit. Lidhur me këtë fakt burime nga Qëndra Kombëtare Kinematografike në Tiranë shprehen se, ky mosfunksionim i shfaqjes së filmit artistik për publikun është difekt i distribucionit, i mungesës së kinemave dhe sallave të cilat në disa qytete të vendit aktualisht nuk funksionojnë. Deri sa në Shqipëri nuk do të funksionojnë kinematë në të gjitha qytetet e vendit duket se të rinjtë do të vazhdojnë të ndjekin vetëm filmin hollivudian ndërsa moshat e rritura do të vazhdojnë të ndjekin me nostalgji vetëm filma të kohës së shkuar në televizor.

Nese ne disa kinema eshte e mundur shfaqja e filmit hollivudian , si ka mundesi qe eshte e pamundur per filmat tane !!
Mendoj se eshte ''tragjedi me koke shendoshe'' qe nga ky difekt i distribucionit , artistet tane te mos korrin frutet maksimale qe mbollen me aq pasion.
Mungesa e filmit ne kinema per publikun art dashes Shqiptar eshte nje njolle e zeze per ata qe jane pergjegjes te kesaj ''avarie''