Një koncert i nxehtë para mijëra fansave shqiptarë. Grupi legjendë i rock-ut, Deep Purple, ka shënuar mbrëmë në Pallatin e Kongreseve nisjen e një turneu të gjatë. Pas mbërritjes së tyre të shtunën me një avion të “Albania Airlines”, ndërsa u vendosën në një nga hotelet më luksozë të Tiranës, orët e ditës së diel deri në mbrëmje ishin si një hapësirë njohje me vendin për të cilin nuk dinin thuajse asgjë më parë.

“Na vjen mirë që turi ynë pranveror nis me Shqipërinë”, është shprehur për shtypin vokalisti i grupit, Ian Gillan, që ka cilësuar se shpresonin të shihnin entuziazmin e fansave, të cilët ua kishin përshkruar si shumë ‘të zjarrtë’ dhe ‘besnikë’
Ka pasur një shitje rekord biletash, u deklarua nga kompania “Living Room Show”, kompani që bëri të mundur ardhjen e grupit të njohur në Tiranë duke shtuar se shumë fansave iu është dashur ta ndjekin edhe në këmbë koncertin e legjendës së rock-ut.

Grupi legjendë i viteve ’70-’80, i njohur për publikun shqiptar me këngët “Soldier Of Fortune”, apo “Smoke on the Water”, deklaruan para koncertit se iu pëlqen shumë ky start i turneut të tyre nga Tirana. “Është si një aventurë. Vendet e panjohura, zbulimi i tyre gjithmonë ka diçka ngacmuese në këtë mes. Na pëlqen shumë që ky turne nis prej këtu”, tha të dielën para koncertit vokalisti i grupit Ian Gillan. “Deep Purple” erdhën në Tiranë nga kompania “Living Room Show”, me producent Blendi Bombaj, e njëjta kompani që solli në Tiranë pak kohë më parë grupin “Europe”. Tirana shënon njëkohësisht fillimin e tur- të tyre pranveror që do të vazhdojë në disa nga shtetet kryesore të Evropës, si Itali, Angli, Zvicër, Holandë, Norvegji, Danimarkë, etj.

“Deep Purple” kanë qenë një prej bandave më të famshme të hard rokut në vitet ‘70. kënga e tyre “Smoke on the Water” ka hyrë në historinë e legjendave të rrokut për shkak të interpretimit me kitarë. “Deep Purple” është krijuar në Londër në vitin 1968. Së bashku me Led Zeppelin dhe Black Sabbath, janë konsideruar si pionierët e heavy metal dhe hard rock. Grupi ka kaluar plot ndryshime gjatë karrierës së tij, mes të tjerash dhe ndarja e grupit për 8 vjet dhe dy ribashkime. Pas kryesimit të toplistave të hitparadave botërore, në vitin 1976 vjen ndarja, për tu bashkuar sërish pas 8 vjetësh në vitin 1984. Emra këngëtarësh kanë hyrë e kanë dalë nga grupi, por momentalisht banda përbëhet nga Ian Gillan, vokalist, Steve Morse në kitarë, Don Airey në tastierë, Roger Glover në kitarë bass dhe Ian Paice në bateri. Disa nga albumet e tyre janë “Machine head”, “Deepest purple”, “Burn”, “Fireball” apo “Perfect strangers”.

__________________
The heaven's sound is composed inside your heart, listen to its beat to syncronize your life onto the angel's steps.