Këngëtari i njohur i muzikës popullore Bujar Çiçi tregon për fillimet e karrierës së tij. Megjithëse është shkeputur për një kohë të gjatë nga publiku shqiptar këngëtari ka qenë prezen në Diasporë dhe rikthimi i tij ka qenë më i bujshëm. Bujar Çiçi ka sjellë në tregun muzikor albumin e tij të fundit me këngë origjinale të Shqipërisë së Mesme. Ai pohon se është trashëgimtari i muzikës autentike popullore dhe se do të përpiqet të ruaj vlerat origjinale të saj. Bujar Çiçi shprehet lidhur me këtë fakt se, “Ne jemi ata të cilët duam që të vazhdojmë traditën e këngës popullore pa e devijuar atë dhe pa ndryshuar asgjë nga muzika popullore pavarësisht që brenda këtyre ne bëjmë edhe diçka komerciale.Këto janë shtysat që na bëjnë distributorët për efekte tregu”.

-Bujar Çiçi ka vite që interpreton muzikën popullore të të gjitha trevave. Ndërkohë që jeni shkëputur pak nga skena, pse?
Po. Në vitin 1995 kam marrë pjesë në spektaklin “12 në Holli[ud”. Ishte një spektakël që pati vërtetë shumë kërkesa dhe shumë këngëtarë që kërkonin të ishin pjesëmarrës në të. Unë pata fatin të hapja natën e parë të këtij spektakli së bashku me Valbona Memën, Drita Makashin, Lindita Zyberin dhe një këngëtar nga Maqedonia. Ishte një ndërthurje shumë e bukur dhe vërtetë jam paraqitur me një këngë shkodrane dhe dy këngë tipike kosovare. Në atë periudhë vija nga turnetë që kisha bërë në Maqedoni dhe Kosovë dhe u paraqita në këtë spektakël si një këngëtar tipik kosovar. Menjëherë pas spektaklit pata njëofertë tjetër për të kënduar për shqiptarët në Diasporë. Këtu fillon shkëputja e viteve të zjarrta në Perëndim dhe më pas u ktheva në Tiranën tonë të dashur.

-Ju i këndoni mjaft bukur këngët tiranase…
Ju thoni që unë i këndoj bukur por unë nuk mendoj kështu sepse ka ende këngëtarë të cilët e këndojnë më bukur se unë. Janë këngëtarë të mëdhenj, janë emra të pavdekshëm që janë ende gjallë megjithëse ka emra të cilët janë ndarë nga ne. Ne jemi ata të cilët duam që të vazhdojmë traditën e këngës popullore pa e devijuar atë dhe pa ndryshuar asgjë nga muzika popullore pavarësisht që brenda këtyre ne bëjmë edhe diçka komerciale. Këto janë shtysat që na bëjnë distributorët për efekte tregu.
-Albumi juaj i fundit ka këngë komerciale?
Po, ka këngë të tilla edhe në albumin tim të fundit. Normalisht që këto këngë janë të bazuara në tekste të pastra dhe tekste të bukura, asnjë tekst banal, asnjë muzikë e vjedhur por është gjithçka e krijuar. Natyrisht që brenda albumi ka edhe këngët tipike. Për sa i përketë komercit duhet t’i shikosh të dyja anët sepse duhet të bësh edhe muzikë edhe komerc.

-Ju jeni një interpretues i shkëlqyer i muzikës së Shqipërisë së Mesme, ndërkohë që ju jeni nga trevat e veriut. Si e shpjegoni këtë fakt?
Është evërtetë që origjina ime është nga veriu por që kam lindur edhe rritur në Tiranë. Jam krenar që jam nga veriu. Origjina ime nuk ka ndikuar fare në këngë sepse diksioni im nuk ka lëvizur fare edhe në këngë të veriut, jam shumë i saktë edhe në këngë të Shqipërisë së Mesme jam po aq i saktë.
-Si ndodhi, erdhi Bujar Çiçi tek kënga apo erdhi kënga tek ju?
Kjo është një pyetje shumë e vështirë sepse unë nuk e di as vetë nëse ka ardhur kënga tek unë apo kam ardhur unë tek kënga. Por unë do i vija të dyja nëpeshore sepse edhe kënga ka ardhur tek unë edhe unë e kam kërkuar këngën.

-Si kanë qenë fillimet e karrierës suaj?
Fillimi im si këngëtar ka qenë një rastësi sepse si të gjithë të tjetër në familjen time kënga është një traditë. Duke filluar nga gjyshi im, më pas tek gjyshja, mamaja ime dhe motra gjithashtu këndojnë. Vetëm unë nga familja ime u lançova në muzikë. Rastësisht në një gëzim familjar tek fqinji im i kërkova dikujt nga orkestra që të këndoja një këngë. Dhe kështu të shtunën kam qenë këngëtari i asaj dasme të dielën këndova tek dhëndrri e me radhë deri më sot. Kam qenë pjesë e aktiviteteve të ndryshme dhe pas viteve ’90 kam qenë pjesë e aktiviteteve në Diasporë. Më pas në spektaklin “12 në Hollivud”, në Radio Televizion e të tjerë.

-Po fëmijët tuaj e ndjekin rrugën e muzikës?
Fëmijët e mi kanë të drejtën e zgjedhjes por mendoj dhe besoj se e kanë të trashëguar në gjak këngën. Në fillim kisha besim tek vajza por djali është më i zoti në këngë.
-Përveç kënaqësisë artistike ju jep kënga edhe kënaqësi financiare?
Absolutisht që po. Veçanërisht në këtë kohë ana financiare është shumë e rëndësishme. Tashmë jemi në kapitalizëm dhe pa para nuk mund të jetosh. Por paraja nuk është gjithçka. Këtë e kam treguar rregullisht, me distributorët, në raport me punën, në gëzimet familjare. Duke besur tek grupi im muzikor dhe tek kolegët e mi nuk e kemi vënë shumë në plan të parë anën financiare.

-Në tregun muzikor është një dundje këngëtarësh të rinj. Sa e ndien konkurencën Bujar Çiçi? Jo në treg porn ë dasma dhe në punë çdo këngëtarë është i barabartë, mjafton që të marri mikrofonin dhe të këndojë. Kur flasim për tregun këtu fillon ndryshimi. Shtëpitë Diskografike tani kërkojnë këngëtarë që shiten vetëm një muaj dhe jo ata që shiten dhjetë vjet me radhë. Mendoj se gjithkush ka fatin e vet por mendoj se do të jetë koha ajo që do t’i rregulloj të gjitha, disa do t’i ngrejë dhe të tjerë do të rrëzohen. Është mirë që muzika popullore të mos bastardohet nga të gjithë. Ne jemi ajo pjesë e cila kërkon që të ruhet muzika popullore autentike.

-Bujar Çiçi është një këngëtar i cili këndon këngë nga të gjitha trevat. Ku e ndjeni veten më mirë?
Mendoj se ndihem më mirë në këngë të Shqipërisë së Mesme. Shqipëria e mesme është ajo që më ka dhënë këtë emër. Kjo muzikë të jep një kënaqësi tjetër dhe të jep një emocion tjetër. Absolutisht që edhe kënga e veriut është shumë e bukur, ka tekste shumë të bukura, por unë jam partizan i këngës së Shqipërisë së Mesme dhe nuk do heq dorë asnjëherë nga kjo muzikë. Nuk do e tradhëtoj më asnjë sekond.

-Keni bashkëpunime gjatë karrierës suaj, dhe në albumin tuaj të fundit keni ndonjë bashkëpunim me këngëtërë të tjerë?
Bashkëpunimet duhet të jenë patjetër sepse kështu del në pah ndarja e karaktereve të këngëtarëve. Bashkëpunimi më i afërt është me kolegun tim Reshitin dhe një bashkëpunim tjetër me kolegen time Greta Zanin, me Babeta Shahinin, një këngëtar nga Shkupi, dhe më në fund me Suadën. U krijua ky duet i cili gjendet në albumin tim të fundit. Për Suadën ishte një fat i madh që këndoj në krahun tim dhe për mua gjithashtu ishte një kënaqësi që këndova me një këngëtare të re.
-Sa këngë nga albumi juaj i fundit keni realizuar në videoklipe?
Janë vetëm dy këngë që janë realizuar videoklipe. Është realizuar videoklip kënga e parë “Kur për ju këndon Bujari” dhe kënga e dytë është dueti im me Suadën.

__________________
The heaven's sound is composed inside your heart, listen to its beat to syncronize your life onto the angel's steps.