Erzeni: Vjen Gjyla, dëmtohet Kuçi
Trajneri i ri i Erzenit, Ilir Gjyla, po vazhdon intensivisht
stërvitjen me ekipin, me objektivin për ta çuar atë drejt A1-shit. Trajneri lushnjar, i cili do të ketë ndihmës kolegun Gjika, po punon jo vetëm në drejtim të përgatitjes fizike dhe tekniko-taktike, por edhe për futjen e një mentaliteti të ri në ekip. Ndërkohë, ndërsa stafi i Erzenit ka futur gjithçka në rrugë të mbarë ende në ekip nuk janë afruar futbollistë cilësorë. Mësohet se kjo gjë do të realizohet shumë shpejt. Në këtë moment të rëndësishëm për ekipin, kur kërkohen rezultate pozitive, gjatë seancës stërvitore të ditës së mërkurë është dëmtuar kapiteni i ekipit, Fatos Kuçi. Ai ka pësuar një ndrydhje në kyç, e cila mund ta mbajë jashtë fushave për më shumë se një muaj. Këtë gjë e pohon me keqardhje edhe vetë futbollisti Kuçi. Mungesa e "shtyllës" së mbrojtjes do të jetë një minus për Erzenin, i cili pritet që me ardhjen e Gjylës të fitojë një tjetër forcë dhe karakter për të arritur objektivat. Erzenin këtë të shtunë e pret një ndeshje tjetër e vështirë, me ekipin e Tomorit, ku shijakasit do të luftojnë në maksimum për marrjen e pikës. Në këtë ndeshje, Erzenin pritet ta shoqërojnë një numër i madh sportdashësish shijaks, të cilët do ta mbështesin ekipin në një moment të vështirë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Veleçiku, "endacaku" që kërkon fushë
Koplikasit do të vazhdojnë kampionatin e Grupit A2, ku ata marrin pjesë, ndoshta jo duke i zhvilluar ndeshjet në stadiumin "Loro Boriçi" të Shkodrës. Një vendim i tillë është marrë nisur nga dëshira e mirë për të mos braktisur kaq shpejt atë ëndërr të kahershme të tyre, pjesëmarrjen në kategorinë e parë. Gjatë ditës së djeshme kanë filluar kontaktet me drejtues të stadiumeve të tjera, për të parë mundësinë se ku mund të luajë Veleçiku këtë javë ndaj Naftëtarit. Bëhet e ditur se kryetari i Bashkisë së Koplikut, Bahri Shabani, dje ka pasur në mend të bëjë së bashku me drejtues të tjerë të sportit edhe një kontakt me homologun e tij të qytetit të Shkodrës, Ormir Rusin. Por, nga ana tjetër, duket i sigurt që të paktën Lezha do ta mirëpresë Veleçikun për të luajtur aty të dielën, ngaqë të shtunën do të luajë Laçi. Pavarësisht nga kjo, gjendja te skuadra koplikase është mjaft e nderë. Asnjë mbështetje financiare për të dhe, për rrjedhojë, të mërkurën, në vend që të kërkonin kualifikimin për kupë me Dajtin, Veleçiku është "vetëdorëzuar". Ka aktivizuar kryesisht elementin e ri, sepse po të kualifikoheshin për turin tjetër me Tiranën, vetëm për gjyqtarët duheshin paguar 400 mijë lekë!!! Dëshira për të rregulluar punët, mësohet se i mban ende me shpresa koplikasit. Ata, madje, i kanë mbushur mendjen trajnerit Besnik Duli për të hequr dorë nga largimi i tij nga stoli i kësaj skuadre. Për rrjedhojë, të mërkurën, ai e ka drejtuar sërish Veleçikun, por ky rikthim i tij e ka një kusht. Nëse gjërat nuk zgjidhen deri më 12 tetor, ai do të ikë përfundimisht. Data e mësipërme ka të bëjë me zgjedhjet lokale dhe, çfarë është më e bukura, kandidatët kryesorë për postin e kryetarit të bashkisë kanë premtuar të gjithë se, pas zgjedhjeve, Veleçikun do ta mbajë bashkia. Kjo mbetet tashmë shpresa e vetme, ndërkohë që të tjerat janë shuar përfundimisht. Veleçiku është kthyer kësisoj në një "endacak", që troket sa në derën e Shkodrës, sa të Lezhës për ta lënë të luajë, ose për t'i dhënë pak "lëmoshë" që të vazhdojë të luajë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Futbollisti beratas tregon se Tomori kërkon të ndryshojë imazhin në takimin me Erzenin
Lako: Fitore, ose të dorëzojmë fanellat
Pasi kanë kaluar "ngërçin" që i kishte mbërthyer para takimit të dytë të kupës me ekipin e Çlirimit, futbollistët beratas po mendojnë seriozisht për takimin e radhës me Erzenin. Trajneri Arbri është i bindur në fitoren, kur thotë: "Nuk ka asnjë arsye që të mos e fitojmë këtë takim, që për ne përbën momentin e kthesës dhe na siguron një tripikësh të rëndësishëm. Fitorja nuk është vetëm dëshirë e futbollistëve, por edhe një detyrim për sportdashësit tanë." Në të njëjtën linjë me trajnerin është edhe futbollisti Lako, i cili shprehet: "Me Erzenin nuk ka asnjë rrugë, përveç asaj të fitores. Nëse nuk fitojmë, do të jetë më e udhës të dorëzojmë fanellat." Tomori i ka të gjitha mundësitë që këtë takim jo vetëm ta fitojë, por të tregojë edhe vlerat e vërteta të futbollit beratas. Impenjimi maksimal i lojtarëve dhe dëshira e madhe e tifozerisë përcaktohen si dy faktorët që do të mundësojnë fitoren. Në treguesit e parë, Tomori ka 1 fitore, 1 barazim dhe 1 humbje, bilanc ky jo fort i kënaqshëm për këtë skuadër, së cilës nuk i mungojnë resurset. "Kemi një mbrojtje të fortë dhe një dyshe sulmuese shumë të mirë,- thotë Arbri.- Nëse nuk po shënojmë, kjo ndodh jo për mungesë aftësie sesa për mungesë përqendrimi para portës. Pikërisht këtë kërkojmë të korrigjojmë në takimin me Erzenin." Arbri dhe Mile e dinë shumë mirë se ç'duhet të bëjnë. Me idenë e fitores, trajneri Arbri ka ndërtuar edhe formacionin që do të hedhë në fushë ndaj Erzenit, ku nuk do të ketë asnjë mungesë titullarësh. "E rëndësishme është të shënojmë të parët dhe fitorja do të jetë jona,"- përfundon trajneri Theodhori Arbri.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Të dielën, starti i kategorisë së dytë
Ja kalendari i ndeshjeve dhe gjyqtarë
Grupi B1
Kukësi-Iliria
P.Ujka (Shkodër)
Sopoti-Pogradeci
S.Çekaj (Laç)
Cërriku-Cakrani
P.Lapi (Shkodër)
Kastrioti-Çlirimi
T.Taullai (Tiranë)
Burreli-Ada
A.Nase (Tiranë)
Grupi B2
Memaliaj-Skënderbeu
B.Pashaj (Tiranë)
Delvina-Përmeti
R.Shoshaj (Gjirokastër)
Gramozi-Albpetrol
T.Latifi (Gjirokastër)
Devolli-Tepelena
Y.Cufe (Korçë)
Nacional-Dajti
K.Meta (Tiranë)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Mbrojtësi i Partizanit, para derbit, thekson se bardheblutë do të shijojnë humbjen e parë
Behari: Tirana vlen më shumë se 3 pikë
Në kampin e kuq pothuajse të gjithë lojtarët janë përfshirë nga emocionet e derbit të madh. Kur ka mbetur një ditë nga sfida më interesante e kampionatit, Partizani-Tirana, të kuqtë, për t'iu shmangur zhurmës së kryeqytetit, janë nisur për në qytetin bregdetar të Durrësit. Një ndër mbrojtësit kryesorë të Partizanit, Ardi Behari, shpjegon se ndeshja ndaj Tiranës nuk ka thjesht rëndësinë e një derbi, por më shumë se kaq. "Unë mendoj se është kryefjala e kampionatit në tërësi. Si Partizani, ashtu dhe Tirana, këtë sezon janë thuajse në pozita të barabarta, prandaj dhe lufta do të jetë më e fortë se kurrë," - thekson në një intervistë për "Sportin shqiptar" Ardi Behari. Sipas tij, Partizani do ta fitojë medoemos ndeshjen, sepse këtë kusht e kërkon pozicioni në tabelën e klasifikimit:
- Jemi një ditë para sfidës me Tiranën. Cili është mendimi juaj për derbin më të madh të kampionatit tonë?
- Në fakt, ndeshjet derbi, në të gjithë botën, flasin vetëm në fushë, sepse nuk bëhet luftë e fortë vetë midis lojtarëve, por edhe në stadium, midis tifozëve. Besoj se do të jetë një ndeshje interesante midis dy skuadrave më të forta të sezoneve të fundit. Partizani është forcuar shumë këtë kampionat, ndaj besoj se lufta do të jetë më e fortë se ajo e dy sezoneve të mëparshme. Tirana vërtet nuk njeh humbje, por kjo nuk na shqetëson shumë, sepse shumë shpejt do ta shijojë edhe ajo.
- Tirana, përveç fitoreve, ka shënuar shumë gola në pesë javët e para. A mendoni se nesër do të jetë e vështirë të ndalet sulmi i tyre?
- Ne do të dalim në fushë për ta mposhtur dhe fituar ndeshjen kundër Tiranës. Kjo do të thotë se do të luajmë që të mbrohemi mirë dhe sulmi të funksionojë si duhet për të arritur qëllimin final. Momentalisht, grupi i lojtarëve gëzon harmoni të plotë dhe, për këtë arsye, besoj se do të luajmë shkëlqyeshëm.
- Partizani kërkon të fitojë. Po nëse ndodh e kundërta?
- Kampionati është i gjatë dhe titulli nuk mund të vendoset në derbin e së shtunës. Vetëm ndaj Tiranës do të luajmë edhe tri ndeshje të tjera, që do të thonë 12 pikë. Kur kanë mbetur edhe 30 javë deri në fund, nuk besoj se kjo do të jetë ndeshja që do të përcaktojë titullin.
- Suksesi, përveç pikëve, çfarë vlerash të tjera ka për Partizanin?
- Nëse fitojmë ndaj Tiranës, në ndeshjet e tjera do të na mbështesin më shumë tifozët që kërkojnë nga ekipi rikthimin e titullit. Jo vetëm kaq, por tripikëshi, përveçse do të na afrojë më shumë me kreun, do të ndikojë edhe moralisht për javët në vijim.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Të kuqtë, stërvitje në palestër
Dje paradite, ekipi i Partizanit nuk ka dalë në kompleksin sortiv, por është stërvitur në palestrën e klubit shumësportësh. Trajneri Spahiu i ka ndarë veçmas lojtarët e formacionit të parë, që pritet të luajnë ndaj Tiranës, ndërkohë që me pjesën tjetër të futbollistëve është marrë ndihmësi i tij, Gjebrea. Për më shumë se një orë, lojtarët kryesorë janë ndarë në dy grupe dhe kanë zhvilluar një ndeshje midis tyre. Trajneri Spahiu thekson se çdo gjë bëhet në funksion të derbit me Tiranën, ndaj edhe seancat stërvitore ndryshojnë disi me të tjerat.
Ndërkohë, pasdite, ekipi ka zhvilluar seancën e pasdites në kompleksin sportiv. Në minutat e fundit të stërvitjes, formacioni që pritet të dalë nesër në "Qemal Stafa" është përballur me pjesën tjetër në një ndeshje kontrolli. Sipas skemës së lojës që trajneri Spahiu ka hartuar në ditët e stërvitjes, Partizani pritet ta fillojë lojën me skemën 4-4-2. Para Nalbanit, në mbrojtje pritet të luajnë Behari, Imeraj, Grizha dhe Ndreka. Ndërkohë, në mesfushë, do të jetë Klodian Duro së bashku me Beqirin, kurse brazilianët Abilio dhe Rosha ose Muzaka do të luajnë për një vënd. Në sulm, ashtu si në takimet e fundit, Bejzade do të jetë përkrah Kariokës.
Sot, ekipi i Partizanit do të udhëtojë në drejtim të Durrësit, ku do të sistemohet në hotelin "Horizont", për t'u kthyer nesër në prag të derbit.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

"Gardiani" i kampionëve është i bindur se nesër, në derbi, asnjë prej të kuqve nuk do të shënojë
Egbo: Me Partizanin, porta me "çelës"
Ka afërsisht tre vjet që luan në radhët e Tiranës dhe ka treguar se është i vetmi lojtar cilësor i huaj që u ka rezistuar ndryshimeve të klubit bardheblu vitet e fundit. Ndoshta fakti që presidenti El Sajed e ka një ndër lojtarët e tij të preferuar (e ka sjellë nga klubi i tij në Egjipt, El Masri) dhe ambientimi i shpejtë me klimën shqiptare, e ka bërë nigerianin Emanuel Egbo një ndër pikat më të forta të kampionëve. Ndihet i lumtur në kryeqytet dhe duket se do të jetë shumë e vështirë të ndahet nga Tirana. Duke u futur në emocionet e ndeshjes derbi me Partizanin, 30-vjeçari shpreh bindjen e tij se porta nuk do të preket gjatë gjithë 90-minutëshit. Në një deklarim për "Sportin shqiptar", "gardiani" i katërkëndorit bardheblu thotë: "Për derbin e së shtunës me Partizanin kam një besim në vetvete se nuk do të pësojmë gol. Edhe nëse do të jem unë titullar apo dhe Hidi, të dy i kemi të gjitha mundësitë për ta ruajtur të paprekur kuadratin. Këtu duke përfshirë edhe ndihmën e madhe të tre mbrojtësve që kemi përpara, sepse i kemi të gjitha mundësitë që të mendojmë vetëm për sulmin,"- citon Egbo.
Në pesë javët e para të kampionatit, Tirana ka pësuar 4 gola (2 me Vllazninë, 1 me Besën dhe 1 me Shkumbinin) dhe ka shënuar 22 të tillë. Me këtë golaverazh, kampionët po tregojnë më së miri forcën e tyre në futbollin shqiptar. I këtij mendimi është edhe Emanueli, kur shprehet se Tiranës i duhen gjetur kundërshtarë. "Me këtë ecuri të deritanishme, po i tregojmë më së miri vlerat e skuadrës më të mirë të kampionatit shqiptar, si dhe kampiones në fuqi. Të arrish të marrësh pikët e plota në pesë javë dhe të shkëputesh 4 pikë nga rivalët direktë, do të thotë që deri tani Tiranës po i mungojnë kundërshtarët. Gjithsesi, kampionati është më i gjatë se herët e tjera në këtë sezon të ri dhe ne duhet të mbajmë këtë ritëm edhe në vazhdim." A është kjo Tirana më e mirë që ju njihni? "Pa dyshim që po. Unë kam tre vjet në Shqipëri dhe kam vënë re se kjo skuadër e sivjetme është më e fortë nga ajo që u shpall kampione. Jemi pothuajse i njëjti grup lojtarësh, me përjashtime të vogla, çka do të thotë se ia njohim mirë lojën njëri-tjetrit. Ndërmjet nesh ekziston një klimë e ngrohtë dhe miqësore, sepse edhe trajneri Mema ka ditur t'i gjejë ekuilibrat e duhura,"- vazhdonë në idenë e tij nigeriani Emanuel Egbo. I pyetur në lidhje me rotacionin që trajneri po aplikon këtë edicion, njëshi i portës kampione thotë: "Të përdorësh metodën e rotacionit edhe në portë, do të thotë që të kesh në dispozicion dy portierë të zot. Tirana e ka këtë mundësi, sepse së bashku me Hidin përbëjmë një garanci më shumë për objektivat e skuadrës. Për mua nuk është problem nëse luaj apo jo në çdo ndeshje. Rëndësi ka që kur të jem titullar të jap më të mirën time,"- bën të ditur 30-vjeçari. Në fund të deklarimit, duke u rikthyer të derbi me Partizanin, për Emanuelin nuk është hera e para që do të provojë shijen e një 90-minutëshi të zjarrtë. Ai është i bindur se Tirana do të dijë të dhurojë spektakël në këtë takim dhe në fund do të marrë frytet. "Loja spektakolare me rivalët e kuq do të jetë e garantuar. Besoj se do të jetë një ndeshje emocionuese, ku tifozëve tanë do t'u dhurojmë kënaqësi dhe në fund do t'i gëzojmë me tri pikët,"- përfundon me shqipen e tij të përmirësuar portieri nigerian, Emanuel Egbo.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Nigeriani: Edhe unë, gol të kuqve
Duket e çuditshme, por është e vërtetë që një portier në kampionatin tonë dëshiron të shënojë gol. Emanuel Egbo, nigeriani i portës së Tiranës, edhe pse në ethet e ndeshjes derbi me Partizanin, gjen kohë të bëjë shaka. Sipas tij, nëse trajneri do t'i besojë rolin e sulmuesit në skuadër për derbin e së shtunës, do të përpiqej në maksimum për të shënuar të paktën një gol. "Pse të mos shënoj edhe unë një gol ndaj Partizanit? Për disa vjet unë kam luajtur sulmues dhe më pas jam natyralizuar portier, kështu që e kam në gjak lojën e bukur dhe golin, ashtu si bashkëkombasit e mi,"- thotë nigeriani Egbo. Takimin e kupës përpara dy javëve në Cërrik, trajneri Mema e ka aktivizuar Emanuelin në rolin e një mesfushori. Ai jo vetëm që ka qenë promotori i skuadrës në atë fitore 3-0, por ka dhuruar emocion dhe spektakël me driblimet e tij dehëse. Një fakt të tillë e konfirmojnë vetë shokët e ekipit, të cilët dje, me shaka, i thanë Egbos: "Vërtet kërkon të luash në sulm ndaj Partizanit? Harroje dhe mos të të shkoj ndër mend, se në të kundërt do t'u zësh vendin në formacion Fortuzit ose Halilit." Një shaka e tillë ndërmjet shokësh të lë të nënkuptosh se fryma në kampin bardheblu është entuziaste në pragderbi dhe se çdo futbollist bardheblu është "i injektuar" me erën e golit. Sidomos në sfida rivalësh historikë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Tirana: Ja si do t'i mposhtim "demat e kuq"
I gjithë stafi i Tiranës, duke përfshirë këtu edhe lojtarët, është i bindur plotësisht në idenë e vet, se derbi me Partizanin do të ketë një "gjuhë", atë bardheblu. Nga stërvitjet e fundit të kampionëve sheh një frymë optimizmi të madhe, që edhe kjo ndeshje e radhës do të kalohet me sukses, ashtu si pesë të parat. Edhe pse bardheblutë në këtë takim derbi konsiderohen udhëtues, kjo nuk ndryshon asgjë në objektivat e ekipit. Synimi është i njëjtë: fitore, duke dhuruar spektakël. Trajneri Sulejman Mema e ka në dispozicion të gjithë "bandën" e tij të lojtarëve (me përjashtim të Dedes së dëmtuar), pasi do të rikthehen Dabulla dhe Pinari nga skualifikimet. Deri tani, asnjë prej lojtarëve nuk ka shfaqur probleme fizike, apo dëmtimesh, ndaj dhe tekniku po mundohet t'u marrë maksimumin. Formacioni që Mema pritet të hedhë në "Qemal Stafa" të shtunën nuk do të ketë ndryshime nga i ndeshjeve të fundit. "Balotazhi" i vetëm është ndërmjet tre mesfushorëve të qendrës për një vend titullari. Kështu, Agolli, Sokol dhe Ervin Bulku pritet të jenë mëdyshjet e trajnerit deri përpara ndeshjes. Ndërkohë, pjesa tjetër e skuadrës do të jetë: Egbo, Dabulla, Pinari, Hajdari, Lici, Patushi, Sina, Muka, Fortuzi dhe Halili. Mënyrë e lojës që do të aplikohet pritet të ketë variacione të reja, ku shumë po aplikohet loja në zonë dhe me një pasim. Goditjet standarde dhe gjuajtjet jashtë zone janë një armë më shumë për Tiranën që të godasë "demat e kuq". Sot, skuadra ka stërvitjen e saj të fundit në fushën "Skënder Halili", ndërkohë që pas saj do të grumbullohet në hotelin "Chateau Linza".

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Trajneri pranon përgjegjësinë për skualifikimin në kupë, por nuk harron të nxitë ekipin për kampionat
Bozhani: Të mendojmë për Vllazninë
Surpriza e javës në futbollin shqiptar ishte skualifikimi i Flamurtarit nga Kupa e Shqipërisë. Edhe sikur patosarakët ta kishin porositur, nuk kishin për të gjetur ndonjëherë një Flamurtar kaq të shpartalluar si në mesjavë. Dështimi ndaj Albpetrolit në kupë, dashje pa dashje, u "gatua" nga vetë drejtuesit e skuadrës vlonjate, të cilët luajtën me futbollistë të rinj. Megjithatë, 24 orë pas ndeshjes me Albpetrolin, trajneri Ardi Bozhani, i zhytur në vetminë e tij, pa komunikuar me askënd, pranon të komentojë gjithçka për "Sportin shqiptar". Ai flet për shkaqet e dështimit ndaj Albpetrolit dhe për sfidën e vështirë ndaj Vllaznisë, të shtunën, në "Loro Boriçi".
- A mendoni se skualifikimi nga kupa do të ketë ndikim negativ te skuadra edhe për ndeshjen e radhës në kampionat?
- Edhe mund të ketë, por askush nuk duhet të jetojë me keqardhjen e eliminimit nga kupa. Kampionatin e kemi përpara dhe duhet të mendojmë për çdo ndeshje të tij. Konkretisht, skuadra duhet të jetë e përqendruar vetëm te ndeshja e nesërme me Vllazninë. Jam përpjekur ta harroj atë "shëmbëlltyrë" 90-minutëshe me ata lojtarë të rinj, te të cilët besova shumë. Megjithatë, rëndësi ka fakti se sot (dje) pasdite, para seancës stërvitore, konstatova qetësinë e duhur te lojtarët e formacionit bazë. Prandaj jam optimist për sfidën e fundjavës, me Vllazninë.
- A mendoni se lëvizjet e shpeshta në formacion do t'ju sjellin paqëndrueshmëri në lojë dhe në rezultate?
- Në pamjen e jashtme të krijohet përshtypja se skuadra nuk ka më probleme që e shqetësojnë, por nuk është kështu. Te Flamurtari ka raste të thyerjes së disiplinës, sikurse ka 2-3 futbollistë mendjemëdhenj. Nëse unë kam mbajtur qëndrim të rreptë kritik ndaj tyre, këtë gjë nuk e kanë bërë drejtuesit e mi. Problem tjetër te Flamurtari është ana financiare. Futbollistët s'kanë përse të shkarkohen tek unë për kontratat, sepse ajo është një çështje që i takon presidentit ta zgjidhë. Ai duhet të veprojë sa më shpejt, në mënyrë që të gjithë ta ulin kokën në stërvitje dhe ta "qepin" gojën. Ç'të bëj unë, kur Sakaj ka disa ditë që është larguar, ndoshta për t'u provuar në ndonjë skuadër jashtë vendit, pasi ndihet i pakënaqur te Flamurtari? Pra, të gjitha këto probleme më nxjerrin pengesa të mëdha për kristalizimin e një formacioni të qëndrueshëm. Sidoqoftë, jam i detyruar të ndërtoj një formacion brenda një grupi prej 16 lojtarësh, të cilët nuk kanë diferenca të mëdha mes njëri-tjetrit.
- Vllaznia do të jetë kundërshtari juaj i radhës. Si e konsideroni këtë ndeshje, që do të luhet në "Loro Boriçi"?
- Vllaznia është Vllazni dhe nuk ka nevojë për shumë komente rreth saj. Ndeshjet jashtë fushe në kampionatin shqiptar janë të gjitha të vështira. Avantazhi ynë në këtë ndeshje është tapeti i mrekullueshëm i "Loro Boriçit", të cilin do të kërkojmë ta shfrytëzojmë. Në këtë moment të kampionatit, pozicionet në renditje dhe përbërja e të dyja skuadrave, pak a shumë janë të njëjta. Nisur nga këta faktorë, them se barazimi do të ishte rezultati më i drejtë i ndeshjes.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Futbollisti me ngjyrë i Teutës, i vendosur për të përsëritur suksesin e ndeshjes me Dinamon
Khumalo: Do t'i shënoj edhe Elbasanit
Khumalo, një nga pikat kyçe të mesfushës së Teutës, e konsideron ndeshjen e nesërme me Elbasanin një sfidë të vërtetë dhe të hapur. Sipas tij, Teuta është "e dënuar" të fitojë dhe të marrë me çdo kusht 3-pikëshin maksimal, për të ruajtur pozitat kryesuese në tabelën e klasifikimit. Në një intervistë për "Sportin shqiptar", mesfushori afrikan i Teutës komentoi:
- Si e pret Khumalo sfidën e radhës në kampionat, me Elbasanin?
- Tepër i mobilizuar dhe me besim se do të jap më të mirën për Teutën. Parashikoj një ndeshje të vështirë dhe me luftë të fortë, sepse të dyja skuadrat janë të denja për njëra-tjetrën. Megjithatë, kam besim se Teuta do ta kalojë me sukses këtë ndeshje, pasi i ka forcat dhe mundësitë për të fituar. Nuk kemi humbur asnjë ndeshje në këtë fillimkampionati, prandaj shpresojmë ta ruajmë këtë ritëm. Elbasani, këtë sezon, ka skuadër të fortë, çka na bën të mendohemi mirë për këtë ndeshje.
- Keni shënuar një gol vendimtar me Dinamon, javën e kaluar. A mendoni të bëni të njëjtën gjë edhe ndaj Elbasanit?
- Shpresoj. Natyrisht, kam shumë dëshirë të shënoj ndaj Elbasanit, siç bëra edhe në ndeshjen me Dinamon. Gjithsesi, kjo është vetëm një dëshirë personale, sepse do të jetë fusha e lojës ajo që do të tregojë gjithçka.
- Sipas jush, çfarë forme po kalon mesfusha e skuadrës suaj?
- Mendoj se mesfusha është reparti më i konsoliduar i Teutës. Sidoqoftë, kjo nuk do të thotë që repartet e tjera, veçanërisht mbrojtja, nuk janë në lartësinë e duhur.
- Ndaj Egnatias keni zhvilluar një ndeshje të dobët. A mund të ndikojë kjo në sfidën me Elbasanin?
- Jo, aspak. Me Egnatian zhvilluam një ndeshje pa sforcimin e duhur, sepse e kishim të siguruar kualifikimin. Për rrjedhojë, skuadra nuk dha maksimumin, duke i rezervuar forcat për Elbasanin.
- Si e ndien veten Khumalo te Teuta?
- Jashtëzakonisht mirë. Teuta është një skuadër me pretendime në kampionat dhe kjo ka shumë rëndësi për mua. Shpresoj që me këtë skuadër të fitoj ndonjë trofe.
- Cili është miku më i mirë juaji te Teuta?
- Sigurisht, Renatoja. Mirëpo edhe të tjerët janë shokë të mirë dhe të gjithë i kam miq.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Futbollisti afrikan i portokallinjve ndihet i rehatuar te skuadra e Astrit Sejdinit
Ablade: Do të jap gjithçka për Elbasanin
Gjatë këtij kampionati, në radhët e skuadrës së Elbasanit po luajnë edhe dy futbollistët afrikanë, Seth Ablade dhe Michael Lasisi. Deri tani, vetëm njëri prej tyre e ka fituar një vend titullari në radhët e portokallinjve. Fjala është për 20-vjeçarin Ablade. Ky futbollist luan sulmues, por trajneri Sejdini, duke vlerësuar aftësitë e shkëlqyera teknike të tij, e ka rreshtuar në mesfushë, me qëllim që ta fuqizojë këtë repart. Ablade, me nivelin e shkëlqyer teknik që ka shfaqur në ndeshjet që ka luajtur me Elbasanin, ka treguar se është futbollist profesionist.
- Ablade, në pak javë jeni bërë mjaft i njohur në Elbasan. A e keni gjetur veten plotësisht te portokallinjtë?
- Për mua, është kënaqësi e madhe që luaj tek Elbasani. Kam vetëm disa javë që po luaj këtu dhe dalëngadalë po e gjej veten midis më të mirëve. Kjo skuadër, me gjendjen e mirë që ka, më ka ndihmuar shumë që të bëhem i njohur në qarqet futbollistike shqiptare. Të qënit titullar në radhët e kësaj skuadre më ka dhënë mundësinë të jap gjithçka nga vlerat e mia më të mira si futbollist.
- A e keni gjetur mbështetjen e duhur te kolegët e skuadrës?
- Natyrisht. Nuk mund të bëhet fjalë tek Elbasani për mungesë mbështetjeje nga shokët e skuadrës. Të gjithë zhvillojnë një lojë kolektive, çka më ka dhënë mundësinë edhe mua që të ingranohem shpejt te kjo skuadër. Madje, besoj se kolektiviteti është "arma" më e fortë e Elbasanit.
- Çfarë vlerësoni më shumë tek Elbasani?
- Vlerësoj pretendimet që ka, veçanërisht në kampionat. E kemi nisur mbarë dhe besoj se, edhe në të ardhmen, loja e Elbasanit do të rritet më tej. Në këtë skuadër ka emra të shquar të futbollit shqiptar, si Stojku, Memelli, Mustafa, Bakiu etj. Duke luajtur me ta, do të përfitoj shumë nga eksperienca e tyre.
- Përpara ju pret një ndeshje të vështirë me Teutën. Cili është objektivi i ekipit tuaj në këtë sfidë?
- Ne do të udhëtojmë drejt Durrësit me synimin e vetëm për të marrë një rezultat pozitiv. Kundërshtari i radhës është mjaft i fortë, por arritja e një rezultati pozitiv për ne nuk duket i pamundur.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.