Korçarët, stërvitje intensive në prag të ndeshjes së kupës, ndaj Shkumbinit
Skënderbeu: Në Peqin, prova para kampionatit
Ka ditë që Skënderbeu është grumbulluar në hotelin "Kristal", ku korçarët do të qëndrojnë deri më 4 tetor, 1 ditë para startit të edicionit të ri 2003 2004. Çdo gjë po shkon sipas planeve të trajnerëve Kushe dhe Çingo, të cilët kanë ngelur të kënaqur nga ky grumbullim 2-javor. Stërvitja vazhdon 3 herë në ditë dhe me të ardhurit e fundit, Koleci dhe Lako, po mbulohen dalëngadalë të gjitha mangësitë në reparte të ndryshme. Ditën e mërkurë, në orët e para të mëngjesit, Skënderbeut i duhet të udhëtojë drejt Peqinit, për të luajtur ndeshjen e kthimit të turit të kupës. Menjëherë pas këtij takimi, korçarët do të vazhdojnë grumbullimin deri një ditë para ndeshjes së parë të kampionatit. Tashmë Skënderbeu është duke menduar për ndeshjen e radhës ndaj Shkumbinit, ndërsa takimi i parë përfundoi me shifrat e barabarta 1 1. Kualifikimi duket tepër i vështirë për korçarët, por kjo ndeshje do të jetë më shumë një test për ndeshjen e parë në Memaliaj. Të pyetur për gjendjen e deritanishme të ekipit, trajnerët Kushe dhe Çingo, për "Sportin shqiptar", do të pohonin: "Gjithçka po shkon sipas planeve tona. Po realizojmë një fazë përgatitore, që do të na shërbejë shumë për kampionatin e ri. Futbollistët po i përballojnë mirë seancat stërvitore dhe ngarkesa do të ulet, sepse po afron ndeshja e parë e kampionatit. Nuk kemi dëmtime dhe lojtarët po përpiqen të realizojnë maksimalisht të gjitha seancat stërvitore." Për sa i përket ndeshjes të së mërkurës, ndaj Shkumbinit, trajnerët korçarë do të vazhdonin: "Dihet që është një ndeshje e vështirë për ne, pasi kemi përballë një ekip të kategorisë së parë. Në këtë ndeshje do të pëpiqemi të bëjmë një lojë sa më të mirë. Nëse kjo arrihet, pak rëndësi ka rezultati. Vetëm pas pak ditëve do të kemi ndeshjen e parë të sezonit dhe po mendojmë më shumë për atë. Barazimi 1 1 ndaj Shkumbinit në ndeshjen e parë ishte një barazim i drejtë dhe shpresojmë të zhvillojmë të njëjtën lojë edhe në ndeshjen e dytë në Peqin. Formacioni pothuajse do të jetë i njëjti, si në ndeshjen e parë, me ndonjë ndryshim të vogël. U bëjmë thirrje futbollistëve të japin më të mirën e tyre qysh në këtë ndeshje, sepse është testi më i mirë për kampionatin e ri. Për këtë sezon kemi vetëm një objektiv: ngjitjen në Grupin A2," thekson trajneri Kushe.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kukës, ekipi gjen qetësinë financiare
Kohët e fundit, situata financiare në klubin e futbollit "Kukësi" ka qenë shumë e vështirë, ngaqë arka e tij ka qenë e boshatisur thuajse në nivelin zero. Në këtë situatë të pakëndshme, kryetari i bashkisë të qytetit, Ylber Zeneli, organizoi një takim me të gjithë futbollistët dhe stafin drejtues të ekipit. Sekretari i klubit, Milaim Duraku, informoi mbi disa probleme, veçanërisht për ato ekonomike, duke nënvizuar se pa siguruar fondin e nevojshëm nuk mund të luhet në kampionat. Pati mjaft debate, u dhanë mendime të ndryshme, por u nënvizua se është turp për të gjithë që Kukësi të mos konkurrojë e marrë pjesë në ligën e dytë. Gjatë takimit u kontaktua me deputetin Shyqyri Durakun dhe ai shprehu gatishmërinë që tani për tani do të japë 2 milionë lekë të tjera për të përballuar detyrimet ndaj FSHF-së. Gjithashtu, Ylber Zeneli, si drejtues kryesor i bashkisë, tha se nuk do të kursejë asgjë për të ndihmuar futbollin, por tani, në kuadrin e zgjedhjeve, në bazë të ligjit, institucioni i tij ka mbyllur çdo veprimtari financiare. U vendos që ekipi, nën drejtimin e Agim Belës, të vazhdojë stërvitjen dhe më datë 5 tetor 2003, në ditën e parë të kampionatit, përballë Ilirisë së Fushë-Krujës, të arrijë një fitore bindëse dhe të merituar. Të gjitha problemet e tjera të ekipit do të zgjidhen pas 12 tetorit.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Turi i dytë i Kupës së Shqipërisë
Ja ndeshjet dhe gjyqtarët:
Sot:
Dinamo-Pogradeci (1-1) (në "Selman Stërmasi")
A. Beqiri (Tiranë)
Lushnja-Memaliaj (3-0) (në Berat)
Sh. Balliu (Tiranë)

Nesër:
Tirana-Cërriku (3-0)
E. Dobi (Durrës)
Partizani-Fushë-Mbreti (8-2)
B. Breshanaj (Tiranë)
Vllaznia-Ada (2-0)
Gj. Selala (Laç)
Teuta-Egnatia (1-0)
E. Peza (Tiranë)
Shkumbini-Skënderbeu (1-1)
I. Ziraj (Kuçovë)
Flamurtari-Albpetrol (2-0)
E. Sina (Fier)
Elbasani-Devolli (1-1)
A. Gjeloshi (Lushnje)
Besa-Naftëtari (2-2)
Y. Cufe (Korçë)
Apolonia-Delvina (0-5)
E. Meçe (Vlorë)
Çlirimi-Tomori (0-1)
G. Duraj (Memaliaj)
Bylis-Luftëtari (0-2)
M. Sopjani (Lushnje)
Besëlidhja-Kastrioti (1-2)
A. Taullai (Tiranë)
Laçi-FC Nacional (0-2)
Q. Koçi (Durrës)
Veleçiku-Dajti (0-2)
M. Metohia (Lezhë)
(Në kllapa rezultati i ndeshjeve të para)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Trajneri shkodran pranon të nxjerrë nga prapambetja ekipin e Erzenit
Dedja, gati valixhen për në Shijak
Trajneri shkodran, Hysen Dedja, i cili prej disa muajve ka mbetur pa ekip, ka pranuar të drejtojë Erzenin e Shijakut, që ka rënë në A2. Sipas zëvendëspresidentit të Erzenit, Astrit Hoxha, alternativa e Dedjas ka kohë që është studiuar në kampin shijakas. Po nga ky burim, mësohet se Dedja pritet të mbërrijë sot në qytetin e Shijakut. Kërkesa trajnerit shkodran i ka ardhur që para zhvillimit të asamblesë të klubit të futbollit "Erzeni". Shijakasit i kishin bërë thirrje Dedjes që ta pranonte pozicionin e drejtorit teknik të Erzenit, gjë që ai e kishte pranuar. Pas zgjedhjes së presidentit të ri, Roni Hoxha, gjithçka duket se do të bëhet realitet.
Erzeni i ka bërë një start jo të mirë kampionatit të Grupit A2, me dy humbje dhe një barazim në fushë asnjanëse. Tani pritet që të nisë edhe kthesa e shumëkërkuar, me fuqizime të tjera që mund të bëhen në këtë ekip. Sipas zëvendëspresidentit Astrit Hoxha, këto ditë do të afrohen disa futbollistë cilësorë, ndoshta nga ekipet e Grupit A1, të cilët do të bashkohen me Kuçin, Karapicin, Nushin, Rexhepin, Domin, Lalën etj.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Ish-futbollisti i Tepelenës shënon dhe i hap rrugën fitores së rrogozhinasve

Gaba, goli i parë me Egnatian

Roland Gaba, 29-vjeçari tepelenas, duket se tek Egnatia ka gjetur ekipin që i përshtatet më mirë ambicies së tij. Të shtunën, ai shënoi golin e parë ndaj Tomorit në fitoren e parë të kampionatit dhe ishte lojtari më i mirë në fushë për të dy ekipet. "Zidane" i Egnatias, siç e thërrasin fansët për shkak të ngjashmërisë fizike dhe mënyrës së lojës, shpreh për herë të parë në intervistën për "Sportin shqiptar" sesi ndihet në ekipin e ri.
- Shënuat në prezantimin tuaj të parë para sportdashësve në Rrogozhinë. Cili është komenti?
- Edhe pse kam shënuar shumë gola me Tepelenën, të them të drejtën ky gol më emocionoi shumë. Emocionet m'u shtuan kur kujtoja premtimin që u kemi dhënë sportdashësve, të cilët goli im çliroi qysh në fillim. E ndieja se publiku mezi priste që të shënonim. Goli shërbeu edhe për fitoren e krejt takimit, prandaj gëzimi është i dyfishtë. Kujdesi i sponsorit dhe përkrahja e publikut e meritonin një shpërblim të tillë.
- Ç'do të thotë për Egnatian kjo fitore?
- Që para takimit ne besonim te kjo fitore. Sinjalet e saj u dhanë qysh në lojën që bëmë në fushën e vështirë të Laçit. Gjatë gjithë javës punuam për këtë, por një faktor tejet stimulues ishte edhe kurajoja dhe besimi që na dha sportdashësi ynë i mrekullueshëm, jo vetëm gjatë 90-minutëshit, por gjatë gjithë javës në seancat stërvitore. Kjo fitore erdhi atëherë kur na duhej dhe riktheu besimin te ne se vetëm fitoret duhet të jenë objektivi ynë.
- Edhe pse fituat, kundërshtari pretendon se barazimi do të ishte rezultati më i drejtë. Ç'mund të shtoni rreth kësaj?
- Duhet të keni parasysh që Tomori është ekip me përvojë, pasi ka luajtur edhe në A1. Me këtë dua të them se fitorja jonë merr më shumë vlera. Ne e filluam me gol dhe, përveç kësaj, dominuam me raste dhe lojë pothuajse gjatë gjithë pjesës së parë. Normalisht, edhe Tomori reagoi dhe kjo pritej, duke ia shtuar bukurinë lojës. Ne e merituam fitoren, por, nëse do të ishim treguar më të qetë para portës, do të shënonim edhe gola të tjerë. Po ashtu, edhe miqtë patën rastet e tyre. Por ky është futbolli: kush gabon më pak, fiton. Sa për 11-metërshin, është detyrë dhe përgjegjësi e gjyqtarit. Unë mendoj se Çeka është ndër gjyqtarët tanë më të mirë.
- Kjo fitore ju ngjit në vendin e tretë. Do ta ruani apo do të synoni më lart?
- Ky kampionat, siç e dini, ka shumë ekipe të mira, si Bylisi, Laçi, Tomori, Luftëtari, Naftëtari etj. Të gjithë kanë realizuar blerje cilësore dhe kanë synimet e tyre. Me përbërjen që kemi, vendi i tretë është detyrimi ynë, njëkohësisht jemi të bindur se duhet të synojmë më lart, në dy vendet e para. Futja në A1 e kushtëzon këtë objektiv. Kampionati është i gjatë dhe i vështirë, por, pavarësisht nga ndonjë hap fals, synim të vetëm deri në fund ne do të kemi futjen në A1.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Trajneri i Tomorit kërkon më shumë vëmendje nga FSHF për ecurinë në Grupin A2
Arbri: Gjyqtari na ndëshkoi përsëri
Ndërsa pritej që skuadra beratase të rikuperonte pikët e humbura në Berat, në javën e dytë ndodhi e kundërta. Tomori u mposht 2-0 nga Egnatia. Një humbje që është pritur e përjetuar keq nga opinioni sportdashës dhe stafi drejtues beratas. Ditën e hënë, edhe pse moti ishte i keq, skuadra e drejtuar nga Arbri dhe Paja zhvilloi analizën e javës së tretë dhe më pas stërvitjen e programuar. Shqetësimi është i njëjtë si për drejtuesit ashtu edhe për futbollistët: skuadra po luan me shumë oshilacione dhe nuk po e gjen dot veten. "Kemi luajtur mirë, por nuk po dalim dot te goli, - shprehet trajneri Arbri. Në Rrogozhinë luajtëm më mirë dhe më me shpirt sesa me Veleçikun, por u ndëshkuam. Një ndëshkim që ka ardhur nga bilbili i të njëjtit gjyqtar, i laçianit Sokol Çeka. Ai është përgjegjës për humbjen në Rrogozhinë dhe për barazimin në Berat, - deklaron Arbri. Më tej, trajneri beratas, për "Sportin shqiptar", thotë: "Nuk e kuptoj përse FSHF dhe sektori i garave shkel rregulloren, sepse një gjyqtar nuk duhet të gjykojë më shumë se dy herë të njëjtën skuadër gjatë një faze. Nuk e di përse Sokol Çekaj ka gjykuar dy takime radhazi dhe ka gjykuar në mënyrë skandaloze..."
Në të njëjtën linjë arsyetimi me trajnerin Arbri janë edhe futbollistët, të cilët ndihen të zhgënjyer nga gjykimi dhe kërkojnë më shumë vëmendje nga FSHF-ja tani sa nuk është vonë. Në fakt, gjyqtari Çeka është kontestuar nga publiku dhe stafi beratas që në javën e dytë, në ndeshjen Tomori-Besëlidhja, takim që përfundoi në barazim. "Nëse në takimin e Beratit Sokol Çeka bëri gabime, në takimin me Egnatian bëri skandale si gjatë lojës, ashtu edhe në dhënien e 11-metërshit,"- thotë portieri Duro. Ndërkohë, futbollistët futbollistët beratas kërkojnë ta harrojnë humbjen e të mendojnë për takimin e radhës.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Gjyla ndahet me Naftëtarin
Trajneri Ilir Gjyla, i ardhur disa javë përpara fillimit të sezonit të ri, e ka drejtuar skuadrën e Naftëtarit vetëm në 3 javët e para. Fillimisht e ka nisur me një fitore të bujshme 4-1 ndaj Erzenit, pastaj me një barazim në Tiranë me Apoloninë dhe më pas ka humbur papritur brenda me Luftëtarin 1-2. Pas përfundimit të këtij takimi, Gjyla pati deklaruar se ka qenë i pakënaqur me futbollistët e tij dhe nuk ka ngurruar të theksojë se ata luajnë si amatorë. Ndërkohë, dje ka ndodhur edhe e papritura, ku në seancën e parë stërvitore të javës Gjyla nuk është parë për të stërvitur ekipin. Ende nuk dihen shkaqet, por një gjë është e sigurt: Gjyla, së bashku me ndihmësin e tij, Llazi Gjika, nuk do të jetë më në drejtimin e Naftëtarit. Tashmë, në drejtimin e kësaj skuadre, nga presidenti Gega është emëruar Sofokli Vasili, ish-trajner i kësaj skuadre në periudha të ndryshme në këtë 10-vjeçar të fundit. Aktualisht, deri përpara dy ditësh, Vasili drejtonte ekipin e të rinjve të këtij klubi. Pas përfundimit të seancës stërvitore, Vasili, për "Sportin shqiptar", është shprehur: "Po, jam ngarkuar të stërvit ekipin tani për tani, por jemi akoma në bisedime me presidentin Artan Gega. Dëshira ime është e madhe për të drejtuar Naftëtarin, por kjo do të varet nga rezultati i bisedimeve."

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Situata në kampin blu nuk ka qenë aspak optmiste

Megjithëse çdo gjë duket se rrjedh normalisht, duke mos i llogaritur pikët e lëna rrugës, situata nuk duket shumë optmiste në kampin blu. Një fakt të tillë e përforcon edhe kjo bisedë që tekniku Andrea Marko ka zhvilluar nëpërmjet telefonit në sy të futbollistëve të tij me shefin e garave Hito Hitaj, për të rezervuar fushën e Selman Stërmasit për ndeshjen e kthimit të Kupës me Pogradecarët. Ndoshta është pak e çuditshme, por gjithçka ka rënë në shpatullat e tekniku Marko, që është bërë përgjegjësi për gjithçka ndodh në selinë blu. Marko përgjegjës për stërvitjen, Marko përgjegjës për bazën materiale, Marko përgjegjës për mirëmbajtejen e fushës, e normalisht edhe Marko përgjegjës për rezultatet e skuadrës.

Zhurma e krijuar pas barazimit me Teutën, krijoi një zhrmë të madhe, që duket të kenë vënë në përgjegjësi të gjithë protagonistët. Dhe në të vërtetë që pas takimit të së premtes e gjithë vëmendja, ka qenë e përqendruar për të ndryshuar kursin.

Marko i kushtëzuar edhe nga kushtet, pra zhvillimi i dy ndeshje në këtë javë, ka hartuar një program mjaft të ngjeshur që nga dita e djelë, me dy seanca në ditë. Prova e parë është Pogradeci dhe kalimi i turit të kupës është një objektiv i rëndësishëm. Për këtë arsye tekniku blu është përgatitur t’ja besojë ndeshjen titullarëve të skuadrës, ose të patën këtë ka deklaruar në stërvitjen e së hënës.

Dhe udhëtimi është menduar të vazhdojë në të njëjtat shina, ndërsa sot priten edhe korrigjimet më të mundshme që të premten përballë Lushnjës, të zbresë në fushë një skuadër bindëse.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Derbi


Imazhe, emocione dhe një festë të tillë pritet të sjellë edhe një herë tjetër derbi i madh i futbollit tonë Partizani-Tirana. Skuadrat që kanë shkruar pjesën më të ndritshmetë futbollit tonë do të zgjojnë tek mijërat e mbështetësve respeketive nostalgjinë e një historie që zgjat prej dekadash. Edhe stadiumi i vetëm kombëtar në vendin tonë ngjan i vogël për interesimin e madh, që ajo ka ngjallur.

Për të pasqyruar tërë entuziasmin që do të jetë mbledhur në këtë impiant do të mendojë telesport, i cili do të trasmetojë drejtpërdrejt këtë takim. Ekrani i vetëm sportiv do t’i paraprijë kësaj supersfide me gjithçka ndodh në të dyja kampet, të gjithë protagonistët do të bëjnë parashikimet e tyre, do të japin premtimet e tyre, të cilat minimalsiht do të jenë të mjaftueshme për të siguruar një 90-të minutësh spektakolar.
Yjet e këtyre skuadrave, që përbëjnë edhe pjesën kryesore të gjithë kampionatit tonë do të demostrojnë në fushën e lojës se meritojnë të gjitha epitetet, por për më tepër që meritojnë shumë më tepër suport nga ata që deri në këtë moment janë të dyzuar nëse duhet të kthehen edhe një herë tjetër tek pasioni i tyre i parë. Bardheblutë e drejtuar nga Sulejman Mema do të kërkojnë fitoren e gjashtë rradhazi, ndaj një skuadre që në këtë sezon nuk e ka provuar ende shijen e humbjes.
Pasditja e së shtunës do të ketë një tjetër ritëm në kryeqytet. Në impiantin kryesor të tij do të luhet derbi më i rëndësishëm i futbollit tonë, që minimalisht premton spektakël dhe në një festë të tillë nuk mund të mungojë telesport, i cili do ta shpërndajë festën në çdo familje dhe në çdo ambient, ku futbolli do të rikthejë gëzim, emocione, spektakël

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Stoperi bardheblu do të jetë i skualifikuar sot në ndeshjen e dytë të kupës dhe i gatshëm të shtunën ndaj Partizanit
Dabulla: Derbi, fitore dhe spektakël
Për takimin e kthimit sot ndaj Cërrikut për Kupën e Shqipërisë, mungesa e vetme për teknikun Mema do të jetë ajo e mbrojtësit Rezart Dabulla. Kartoni i verdhë i marrë në momentin e shkaktimit të penalltisë në ndeshjen me Vllazninë në kampionat, ishte i treti për të në pesë javë. Automatikisht, ai është i skualifikuar për ballafaqimin e radhës, i cili do të jetë me modestët cërrikas. Në njëfarë mënyrë, ekipi i Cërrikut është "kamardarja" shpëtimtare për Dabullën për derbin e së shtunës ndaj Partizanit. Një fakt të tillë ai e pranon edhe vetë dhe në një deklarim për "Sportin shqiptar", kur shprehet: "Takimi i kthimit me cërrikasit sot, për turin e dytë të kupës, më ndihon shumë që dënimin për një ndeshje ta vuaj në kupë dhe jo në kampionat. Normalisht, më takon që në derbin e së shtunës me rivalët e Partizanit të jem në dispozicion të trajnerit,"- thotë mbrojtësi luftarak. Sipas tij, ndeshja me Cërrikun është një formalitet që duhet të kryhet nga Tirana, pasi rezultati 3-0 i takimit të parë e jep këtë favor. "Për skuadrën tonë, ndeshja me Cërrikun është formalitet. Ne kemi fituar 3-0 dy javë më parë dhe na takon që të gjithë vëmendjen ta përqendrojmë për sfidën me të kuqtë. Kjo nuk do të thotë që duhet të lëmë pas dore edhe këtë aktivitet, pasi, ashtu si çdo sezon, Tirana kërkon t'i fitojë të dy trofetë kombëtare. Ndryshe nga dy sezonet e fundit, ku i kemi fituar respektivisht nga një herë të dy trofetë, këtë herë jemi të sigurt që do të bëjmë "bis","- komenton i bindur numri 3 i bardhebluve, Rezart Dabulla. Duke iu kthyer të shtunës së kaluar, kur Tirana fitoi me vështirësi 3-2 me Vllazninë, stoperi bën të ditur se rasti i penalltisë qe i dyshimtë dhe me shumë mundësi nuk duhej të jepej. "Jam i ndërgjegjshëm kur them se ajo penallti që na u akordua kundër me Vllazninë nuk ekzistonte. Ndërhyrjen ndaj sulmuesit shkodran e kam bërë jashtë kufijve të zonës së rreptësisë, pavarësisht se Salihi u rrëzua brenda. Gjyqtari u tregua pak i nxituar në veprimin e tij, por, gjithsesi, ne ditëm të kalonim në epërsi edhe pas atij momenti negativ, kur na barazuan. Mendoj se mbrojtja jonë nuk ka probleme, por ne gjithmonë jemi të prirur që të sulmojmë me shumë forca në sulm, duke neglizhuar prapavijën. Në ndeshjen me Vllazninë, forcat në mbrojtje u zvogëluan, duke qenë se trajneri hodhi në fushë katër sulmues, me qëllim fitmin e ndeshjes me çdo kusht,"- deklaron 24-vjeçari. Në fund të komentit të tij, Rezarti shprehet i kënaqur me ecurinë e Tiranës në pesë javët e para. Ndërkohë, për ndeshjen derbi me Partizanin (bardheblutë cilësohen udhëtues), ai kërkon fitoren, si alternativa e vetme drejt shpalljes kampion për të 21-tën herë. "Kjo ecuri e deritanishme na kënaq, por nuk sjell eufori në kampin tonë. Jemi një ndër ekipet kryesore profesioniste në Shqipëri dhe e dimë mirë sesa e gjatë është rruga e kampionatit. Duhet të vazhdojmë të tregojmë të njëjtën sedër sportive edhe në vazhdim, ku na presin beteja të rëndësishme. Pas asaj me Vllazninë, vjen Partizani, rivali ynë i drejtpërdrejtë. Edhe pse cilësohemi udhëtues në këtë takim, nuk heqim dorë nga objektivi për të marrë tri pikët e radhës. Jam i bindur se edhe këtë herë do t'u dhurojmë tifozëve tanë spektakël,"- përfundon mbrojtësi i palodhur, Rezart Dabulla.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kupa, Mema lë pushim titullarët
Për ndeshjen e sotme të kthimit në turin e dytë të kupës ndaj Cërrikut, Tirana do të luajë pa një pjesë të titullarëve të saj. Trajneri bardheblu, Sulejman Mema, ka vendosur që për takimin e sotëm t'u jap mundësi aktivizimi atyre që kanë luajtur pak në kampionat. Një veprim të njëjtë Mema e kreu edhe para dy javësh në qytetin e Cërrikut. Lojtarët që mendohet të lihen pushim sot janë Muka, Fortuzi, Halili, Egbo dhe Patushi, ndërkohë që mundësi aktivizimi ka Merkoçi, Xhafa, Tafaj, Prenga, E.Bulku. Rikthim në formacion do të ketë për Pinarin, i skualifikuar ndaj Vllaznisë, ndërkohë që do të mungojë Dabulla, po i skualifikuar. Dje pasdite, në fushën "Skënder Halili", kampionët kanë zhvilluar seancën e radhës. Sot, në orën 15:00, në stadiumin "Selman Stërmasi", bardheblutë do të luajnë aktin e dytë të kupës me miqtë cërrikas, të cilët në takimin e parë kanë humbur 3-0.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Dje janë ndërprerë përfundimisht bisedimet midis mbrojtësit vlonjat dhe ekipit të Partizanit
Çështja "Fakaj", tullumbace merkatoje
Zhurma që është bërë gjatë ditëve të fundit për ish-mbrojtësin e kombëtares Ervin Fakaj duket se dje ka marrë fund, për vetë faktin se telefonatat me mbrojtësin vlonjat janë ndërprerë. Këtë e kanë konfirmuar drejtuesit e klubit të kuq, të cilët theksuan se ende nuk ka asgjë konkrete, madje nuk po bëhen më bisedime më tej me lojtarin, që është stërvitur dha ka pasur një ofertë edhe sezonin e kaluar nga skuadra e Partizanit. Më konkretisht, drejtori i Partizanit, Gjergji Thaka, theksoi për mbrojtësin Fakaj: "Nga të dhënat që kam deri tani nuk është vendosur ndonjë gjë për mbrojtësin vlonjat. Di që lojtari gjatë ditëve të fundit ka pasur kontakte me presidentin për të arritur një marëveshje për sezonin në vijim, por nuk jam në dijeni, nëse është arritur ndonjë konkrete. Ndonëse kërkesa për federim është dërguar në zyrat e FSHF-së, deri tani nuk është bërë asgjë me të," - thekson drejtori i të kuqve.
Burime të tjera të sigurta nga klubi "Partizani" shprehen se dje janë shuar përfundimisht shpresat për të sjellë në radhët e Partizanit mbrojtësin shtatlartë që ka provuar të luajë edhe për ngjyrat e kombëtares sonë. Kështu, mësohet se nga burime të sigurta se presidenti Xhani i ka afruar shumën 35.000 dollarë për tërë sezonin në vijim, ndërkohë që, nga ana tjetër, futbollisti që ka luajtur sezonin e fundit me Duisburgun në Gjermani ka kërkuar 50.000 dollarë. Të dyja palët kanë diskutuar gjatë ditëve të fundit për të rënë dakord në lidhje me kontratën, por dje bisedimet janë ndërprerë përfundimisht. Kësisoj, ndonëse u fol se Fakaj mund të vijë brenda kësaj jave, deri tani jo vetëm që nuk bëhet fjalë për rikthimin e tij, por duket se ëndrra e tifozëve të Partizanit për të parë në radhët e ekipit të tyre edhe ish-mbrojtësin e kombëtares, Ervin Fakaj, është shuar përfundimisht. Pas blerjes së bujshme të Klodian Duros, presidenti Xhani vuri në shënjestër vlonjatin, i cili, duke qenë se është futbollist i lirë dhe momentalisht ndodhet në Belgjikë, mund ta kishte pranuar ofertën e Partizanit. Menjëherë pasi filluan negociatat midis lojtarit në fjalë dhe presidentit Xhani, drejtuesit e kuq dërguan kërkesën për ta federuar mbrojtësin shtatlartë bashkë me Duron. Ky i fundit, pas federimit, bëri debutimin, ndërsa çështja "Fakaj", që u fry shumë gjatë javës së fundit, ku thuhej se ai do të vijë para derbit me Tiranën është çarë si "tullumbace" në prag të sfidës më interesante të kampionatit tonë. Ndërkohë, nga ana tjetër, mësohet se presidenti i të kuqve nuk ka qenë dakord që t'i afrojë më shumë mbrojtësit shtatlartë, sepse gjatë muajve të fundit nuk ka luajtur me asnjë skuadër, qoftë brenda ashtu edhe jashtë kufijve, kështu që do t'i duhej më shumë kohë për t'iu përshtatur ekipit.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.