E mendon prej kohësh suksesin me Vllazninë dhe duket se ka ardhur momenti që t'i gëzohet atij. Braziliani 27-vjeçar Leandro da Silva e ka ëndërruar ngritjen e një trofeu në karrierën e tij dhe tashmë shanset për këtë janë më të mëdha se kurrë. Skuadra me të cilën ai luan ka dalë në finale të Kupës së Shqipërisë dhe vetëm 90 minuta lojë e çojnë atë te trofeu, çka do të thoshte edhe një pjesëmarrje e Vllaznisë në Kupën UEFA, duke realizuar kështu një nga ëndrrat më të mëdha të karrierës sportive të mesfushorit që vjen nga Brazili i largët. Leandron nuk e tremb fakti që përballë tyre në stadiumin e Lushnjës sot do të jetë Tirana, prandaj deklaron: "Tirana ka një skuadër shumë të mirë, që na ka mundur në kampionat disa herë, por në finale të kupës gjërat do të jenë shumë më ndryshe. Janë vetëm 90 minuta lojë dhe shanset janë të barabarta për secilën skuadër. Shpresoj shumë që Vllaznia të jetë skuadra që do ta ngrejë lart këtë trofe." Lojtari shumë virtuoz në përdorimin e topit ndërkohë e ka gati edhe dedikimin e këtij trofeu, teksa do t'ia kushtojë atë një nga njerëzve më të dashur të tij, pikërisht babait, që në këtë fundjavë ka ditëlindjen. Leandro, për këtë arsye, ka marrë leje nga drejtuesit e klubit shkodran për të mos qenë prezent në ndeshjen e fundit të kampionatit që do luhet në Korçë dhe që nuk ka shumë rëndësi për shkodranët dhe do të udhëtojë drejt vendit të tij. "Kam biseduar me drejtuesit e Vllaznisë dhe ata më kanë dhënë leje të udhëtoj të premten, ose të shtunën, drejt Brazilit. Kam 8 muaj që jam larg familjes sime dhe kuptohet që më ka marrë malli shumë për të. Por arsyeja kryesore përse unë po nxitohem për të shkuar në vendin tim është se të dielën babai ka ditëlindjen dhe dua të jem prezent në festën e tij. Por përveç dëshirës për të qenë prezent në këtë përvjetor, kam shumë dëshirë t'i bëja dhuratë edhe kupën që mendoj të fitoj me Vllazninë," ka thënë ai. Në Brazil lojtari do të qëndrojë për një muaj, për t'u rikthyer sërish në Shkodër, duke e pasur mendjen gjithnjë te Kupa UEFA. Kjo ngaqë ai ka shumë besim se skuadra, pjesë e së cilës ai është, do të jetë në gjendje ta mundë Tiranën.

Besimi për këtë ekziston dhe madje Leandro jep edhe shembujt se si duhet të luajë skuadra e tij për të shkuar te suksesi, ku në fund do të shtonte: "Nëse luajmë edhe sot siç kemi luajtur në pjesën e parë të ndeshjes së fazës së tretë me këtë skuadër, apo të luajmë siç luajtëm të shtunën me Partizanin, jam shumë i sigurt se kemi për ta mundur këtë skuadër. Vetëm në një ndeshje finale nuk ka pretendentë. Duke qenë kështu, ne do të bëjmë më të mirën për ta mbyllur me sukses këtë sezon. Njëkohësisht me fitimin e kupës do t'u bënim një dhuratë të bukur edhe tifozëve tanë të shumtë, që besoj se do t'i kemi me vete edhe në këtë ndeshje."

Kuqeblutë përgatiten edhe për 11 metërshat
Ajo që ka rënë në sy në dy ditët e fundit të stërvitjes së kuqebluve ka qenë edhe aplikimi i gjuajtjes së 11 metërshave. Kjo ngaqë stafi drejtues i Vllaznisë ka shumë besim se në rast të mosfitores së ndeshjes brenda kohës së rregullt, apo shtesave, të mendojë për suksesin edhe nga pika e bardhë. Trajneri Dedja i ka provuar të gjithë futbollistët, por nga sa është parë, pesëshja që mund të përzgjidhet për gjuajtjen e tyre, gjithnjë nëse do të jetë nevoja, do të jetë e përbërë nga Sinani, Leandro, Hasani, Belisha dhe Lika. Fakti që shkodranët po mendojnë edhe për gjuajtjen e tyre, tregon se ata kanë besim te suksesi, pavarësisht se do arrihet nga fusha e lojës, apo nga pika e bardhë e penalltive.

Presidenca, 30 milionë lekë shpërblimi për kupën
Ndonëse ishte menduar dhe mbase edhe deklaruar për një shumë tepër të majme për ekipin e Vllaznisë në rast të fitores së Kupës të Shqipërisë, realiteti duket krejt ndryshe. Zëvendëspresidenti Valter Fushaj ka deklaruar se nuk do të ketë superpremio, por në rast suksesi ai u ka premtuar ftubollistëve një shumë prej 30 milionë lekësh të vjetra për të gjithë ekipin. Kësisoj duket qartë se presidenca shkodrane kërkon të mos jetë shumë dorëlëshuar në këtë drejtim, edhe sepse në rast të një triumfi në këtë kompeticion, atyre u duhet të mendojnë menjëherë për kupat e Europës dhe sezonin e ri, shpenzimet për të cilin do të jenë edhe më të mëdha.

Bokatola, i vetmi shqetësim për Dedjen
Kur kanë mbetur edhe pak orë deri në nisjen e ndeshjes finale të Kupës së 54 t të Shqipërisë, formacioni i Vllaznisë për këtë takim thuajse është qartësuar. I vetmi dyshim duket se është aktivizimi apo jo i kongolezit Bokatola. Ai në dy seancat e fundit ka ndier shqetësime në kaviljen e tij të djathtë dhe si rrjedhojë nuk është shumë e qartë nëse do të luajë apo jo nga minuta e parë. Kjo është e vetmja dilemë për trajnerin Hysen Dedja, i cili ka bërë të ditur dje edhe faktin se të tjerët i ka të gatshëm. Pa përmendur këtu portierin Ndoja, që për arsye dëmtimi i ka dhënë fund sezonit. Megjithatë, në portë do të jetë Grima, ndërkohë që Lici nuk do ta nisë ndeshjen si titullar. Të tjerët do të jenë po ato që kanë luajtur në ndeshjet e fundit.

__________________
Try not to become a man of success but rather to become a man of value - Einstein Albert.

Sot luhet finalja e edicionit të 54 t të Kupës së Shqipërisë. Do të vihen përballë Tirana dhe Vllaznia. Do të jetë ky ballafaqimi i katërt në finale mes tyre.
- Finalja e parë: Shkodër, më 22.1.1939, Tirana Vllaznia 2 1
Tirana: Hobdari, Maluçi, Janku, Llambi, Karapici, Plluska, Balla, Lisi, Lushta, Jakova, Kashariqi.
Vllaznia: Jubani, Hila, Kazazi, Smajli, Koxhja, Barbullushi, Hoxha, gjinali, Vasija, Halepjani, H.Osmani.
Shënues: Lushta 24', 26', Jakova 75' (aut.)
Gjyqtar: Enver Kulla (Tiranë)
- Finalja e dytë: Tiranë, më 1.6.1986, Tirana Vllaznia 3 1
Tirana: Mersini, Baçi, Hodja, Bimo, Omuri, Liti, Muça, Josa (Mema 75'), Harasani (Lekbello 75'), Minga, Kola. Trajner: E.Shehu.
Vllaznia: A.Maliqati, H.Zmijani, Semaj (Kepa 46'), Pashaj, Jera, Dedja, Vukatana (Thana 76'), Briza, F.Rragami, Luçi, Fakja. Trajner: A.Hafizi.
Shënues: Kola 21' e 54', Muça 77'/ Jera 65'
Gjyqtar: Dhori Prifti (Korçë)
- Finalja e tretë: Tiranë, më 22.5.1999 Tirana Vllaznia 0 0 (120') me 11 metërsha 3 0.
Tirana: Nallbani, Dede, Alimehmeti, Dabulla, Sina, Tafaj, Malko (K.Duro 74'), Prenga (Zeqo 74'), Mema, Merkoçi (Bulku 98'), Muka. Trajner: S.Mema.
Vllaznia: Gjeloshi, L.Zmijani, Premçi, Lici, Noga, Kotrri, Ymeri (Jahja 82'), Xhahysa, Sinani, Cungu (Osmani 105'), Miloti. Trajner: A.Bushati.
Gjyqtar: S.Velçani (Patos)
Shënues me 11 metërsha: Alimehmeti, Muka, Tafaj
- Bardheblutë luajnë për të 19 tën herë në finale dhe kanë dalë 12 herë fitues.
- Kuqeblutë luajnë për të 11 tën herë në finale dhe kanë dalë 5 herë fitues.
- Midis këtyre skuadrave deri tani janë zhvilluar 27 ndeshje. Tiranasit kanë fituar 15 prej tyre, shkodranët 9, ndërsa në barazim kanë përfunduar 3 takime. Golaverazhi është 33 26 për bardheblutë.
- Duke përjashtuar sezonin 1993 1994 (bënin pjesë në një grup), Tirana dhe Vllaznia janë ndeshur në 17 edicione. Raporti i kualifikimeve është 10 7 për Tiranën.
- Krahas 3 ndeshjeve finale (në të tre rastet kanë fituar bardheblutë), këto dy ekipe janë ndeshur në 4 raste në gjysmëfinale; më 1952 do të fitonin tiranasit 4 1; më 1968 sërish ata 1 0; më 1971 bardheblutë fituan 3 2, ndërsa më 2005 u zhvilluan 2 ndeshje që nxorën fitues sërish bardheblutë, që fituan 1 0 në Tiranë dhe 3 1 në Shkodër. Në çerekfinale kemi pasur 6 ballafaqime Tirana Vllaznia. Kështu, në vitin 1951 shkodranët patën fituar 2 0; më 1963 tiranasit fituan të dyja ndeshjet me të njëjtin rezultat, 1 0; më 1964, pas 120 minutash, Vllaznia fitoi 2 1. Pas 20 vjetësh, më 1984 u luajtën dy takime dhe në të dy fituan bardheblutë, 1 0 në Shkodër dhe 2 1 në Tiranë. Në vitin 1987 (kur kuqeblutë kanë fituar kupën e tyre të fundit) u zhvilluan 2 ndeshje: 2 0 fituan kuqeblutë në Shkodër dhe 1 0 bardheblutë në Tiranë. Pas 3 vjetësh, Vllaznia u kualifikua përsëri: bardheblutë fituan 1 0 në Tiranë, ndërsa shkodranët 2 0 në qytetin e tyre.
Rruga e ekipeve deri në finalen e sotme:
Tirana:
Tirana-Iliria 3 0 4 2 (turi i dytë)
Tirana-Apolonia 1 0 5 2 (turi i tretë)
Tirana-Partizani 3 2 1 1 (turi i katërt)
Tirana-Dinamo 4 2 0 1 (turi i pestë)
Bilanci: 8 ndeshje (+6 =1 1. Gol: 21 10)
Vllaznia:
Vllaznia-Veleçiku 4 1 7 0 (turi i dytë)
Vllaznia-Besa 1 1 2 1 (turi i tretë)
Vllaznia-Shkumbini 2 0 1 0 (turi i katërt)
Vllaznia-Elbasani 2 0 1 2 (turi i pestë)
Bilanci: 8 ndeshje (+6 =1 1. Gol: 20 5)

__________________
Try not to become a man of success but rather to become a man of value - Einstein Albert.

Tirana Vllaznia 1 0
Shënues: K. Duro 65'
Tirana: Nallbani, Sina, Dabulla, Pisha, Bulku, Muka (Xhafa 71'), Salihi (Merkoçi 86'), Bakalli, Duro, Penja, Patushi (Sefa 90'). Trajner: M.Josa
Vllaznia: Grima, Ndreka, Radusinoviç, Teli, Leandro, Belisha, Sinani, Hoti (Beka 69'), Ahi, Doçi (Lici 67'), Lika (Cani 86'). Trajner H.Dedja
Gjyqtarë: S.Farina, M. Ambrozino, Xh. Kujoto (Itali)
Kartonë të verdhë: Hoti, Dabulla, Penja


"Minutat e lojës...
9' Muka pason saktë në zonë për Bakallin, i cili godet, por jashtë.
11' Shumë afër portës së Vllaznisë, godet me kokë Salihi, topi përfundon ngjitur me traun e portës.
14' Salihi tenton me një rafishatë, por nuk ka shënjestruar mirë portën e Grimës.
17' Salihi godet bukur me kokë, por topi i gditur prej tij përsëri nuk gjen kuadratin e portës.
26' Leandro në distancë të afërt ballore rreth 10-m humbet një rast të pastër shënimi, teksa godet jashtë.
30' Doçi në pozicion të favorshëm shëimi 3- m me portën e Nallbanit nuk i gjen kohën topit.
33' Salihi me topin në zotërim vallëzon brenda zonës dhe godet duke e detyruar Grimën të shfaqë reflekset e tij me një pritje mjeshtërore.
37' Bakalli harkon bukur për Salihin, ndërsaky i fundit godet në zhytje e sipër, por sërish i pafat.
45' Doçi i ka të gjitha mundësitë të shënojë përballë Nallbanit, por godet pasaktësisht rreth 5-m larg portës.
51' Duro zbulohet bukur brenda zonës, por godet jashtë.
52' Doçi përpiqet të kopjojë Duron, por sigurisht me një goditje në portën tjetër, që përfundon jashtë.
54' Muka shpërthen si rrufeja nga e majta dhe në fundore shërben për Salihin i cili nuk arrin t'i ndryshojë drejtimin topit vetëm 2-m larg portës.
58' Penja shërben për Patushin, i cili ka një rast ideal, por gjuan keq.
60' Salihi tregon edhe njëherë ditën e tij të errët, teksa topi kalon portierin Grima, por nuk gjen kuadratin.
62' Belisha lëshon një predhë nga 10- m, por largon me mjaft mjeshtëri Nallbani.
65' Inkursion i jashtëzakonshëm i Mukës, që mund të ndalej vetëm nga një ndërhyrje e parregullt në hyrje të zonës dhe goditje dënimi që ekzekutohet në mënyrë perfekte nga K. Duro. Përballë klasit të lartë të K. Duros duhet vlerësuar edhe përpjeka e Grimës. 1-0 për Tiranën.
78' Sina shërben për Xhafën i cili del bukur përballë Grimës por gjuajtja e tij është larg pretendimit për gol.
87' Xhafa pretendon për 11-m por Merkoçi vazhdon lojën duke rëshkitur topin ngjitur me shyllën pingule jashtë.
88' Sinani godet bukur nga 25-m por gjen në gadishmëri absolute "Tatën" i cili grushton.
90+ 1' Xhafa i ka të gjitha mundësitë për të dyfishuar rezultatin, por toleron me një gjuajtje të pasaktë me portën e boshatisur.

Komenti...
Bardheblutë janë ata që kanë ngritur për 3 vite me radhë trofeun e titullit, ndërsa këtë vit kanë mundur të kompensojnë në mënyrë të shkëlqyer vendin e dytë në rënditje. Tirana ka shijuar sërish një trofe. Të besuarit e Josës kanë "hipotekuar" një trofe tjetër, Kupën e Shqipërisë, falë fitores minimale që arritën në "Roza Hazhiu". Klodian Duro në mesin e pjesës së dytë i dha përshëndetjet më të mira Vlaznisë me një goditje drithëruese përsa i përket nivelit të futbollit shqiptar, duke vulosur fatet e këtij takimi final. Në një ambjent të shkëlqyer sportiv, shoqëruar me një dekor pranveror është luajtur në stadiumin finalja e kupës së Shqipërisë ndërmjet Tiranës dhe Vllaznisë. Afro 6000 shikues kishin udhëtuar nga Tirana e nga Shkodra drej Lushnjës në përkrahje të ekipeve të tyre për këtë takim final. Por në stadium binin në sy edhe tifozë nga Elbasani që nuk pushuan së bëri tifo për Vllazninë në këmbim të "urrejtjes" së freskët të importuar nga rivaliteti i këtyre dy viteve e sidoemos nga problemet që u hasën gjatë ndeshjes së fundit nërmjet tyre në kampionat. Ndërkohë, Tirana ishte më e freskët dhe më e rrezikshme në lojë. Gjatë pjesës së parë djemtë nga kryeqyteti kanë kanë treguar "dhëmbët", se janë në finale për të fituar dhe jo thjesht sa për të qenë finalistë. Salihi gjatë gjithë pjesës së parë ka shpërdoruaer një mori rastesh për shënim në portën e Vllaznisë. Bomberi shkodran e kishte të lehtë të rezikonte Vllazninë, sepse mbështetej vazhdimisht në sulm nga një mesfushë potente me Duron e Patushin dhe nga fantazisti Muka e punëtori Bakalli. Duhet thënë se shkodranët në 45 minutat e para të kësaj finaleje nuk i janë kundërpërgjigjur furisë kryeqytetase, teksa kanë menduar shumë pak për sulmin. Kjo ngaqë mesfusha e Tiranës u bë zot në mesfushë, falë kualiteve, që s'kishin të krahasuar me elementë të rinj e pa përvojë të kampit tjetër. Edhe në ato pak kundërsulme të projektuara prej tyre shkodranët e patën të vështirë përballë mbrojtjes së mirë organizuar të Tiranës si dhe përballë një portieri me përvojë si Nallbani, që dukej njëlloj si në vitet e tij të arta kur grumbullohej me përfaqësimin tonë kuqezi. Pjesa e dytë ka nisur në barazpeshë të plotë. Në gjysmën e këtij 45 minutëshi shkodranët krijuan një epërsi të lehtë përsa i përket qarkullimit të topit. Tirana nga ana e saj vazhdon të shfaqet e rrezikshme në aksionet sulmuese por duke mos arritur të konkludojë saktë. Por gjithça merr fund në minutën e 65-të, me një goditje dënimi nga 25 metra, ku ishte Klodian Duro që me një perlë, pra një goditje e paparë në "Roza Haxhiu", arkivoi një gol të mrekullueshëm. Ishte ky goli i artë i ndeshjes finale, që i dha Kupën e Shqipërisë Tiranës. Goli i Duros nuk u jem më shanse kuqebluve, që mbetën krejtësisht në hije gjatë minutave të fundit.uar rezultatin. Kështu Tirana arrin të bëj të sajin këtë trofe të kupës së Shqipërisë duke mposhtur me meritë Vllazninë me një lojë më bindëse e superiore. Trofeun ekipit fitues ia dorëzoi presidenti i FSHF A.Duka së bashku me zv/presidentin Lufti Nuri.

Mirel Josa, trajner i Tiranës:
"Ne arritëm dhe e zotëruam lojën. Pati momente më të mira ku e kontrolluam plotësisht mesfushën. Mendoj se e merituam këtë trofe dhe tani duhet të bëjmë planet për të ardhmen. Tirana është ekip që nuk mund ta imagjinojë sezonin pa fituar një trofe, prandaj jemi të kënaqur që ia dolëm mbanë në kupë. Gjatë vazhdimit të sezonit dhe sidomos në periudhën e marsit e të prillit, Tirana dha disa shenja se nuk mund t'i përballojë të dy kompeticionet. Gjatë rrugës kemi kaluar ekipe të forta si Partizani, Dinamo të cilat i kemi eleminuar dhe kjo tregon se e kemi merituar plotësisht këtë trofe. Finalelt fitohet në të shu8mtën me rezultat miniam, ndaj mbetëm në fund të kënaqur."

Hysen Dedja, trajner i Vllaznisë:
"Luajtëm gjatë ndeshjes me një formacioni ku mbizotëronin elementë të rinj pa eksperiencën e duhur për të përballuar finale të tilla. Ndoshta lojtarët me eksperiencë si Sinani, Lici e Grima nuk ishin në formën e tyre më të mirë gjatë ditës së sotme. Ndeshjen e vendosën kualitetet dhe goli klas i Duros i dha kupën Tiranës. Ne kishim pretendimet tona dhe mendoj se bëmë sa mundëm gjatë ndeshjes."

"Libri i Artë"
Fituesit e 54 "Kupave të Shqipërisë"
1938 Tirana
1948 Partizani
1949 Partizani
1950 Dinamo
1951 Dinamo
1952 Dinamo
1953 Dinamo
1954 Dinamo
1957 Partizani
1958 Partizani
1960 Dinamo
1961 Partizani
1963 17 Nëntori
1964 Partizani
1965 Vllaznia
1966 Partizani
1968 Partizani
1970 Partizani
1971 Dinamo
1972 Vllaznia
1973 Partizani
1974 Dinamo
1975 Labinoti
1976 17 Nëntori
1977 17 Nëntori
1978 Dinamo
1979 Vllaznia
1980 Partizani
1981 Vllaznia
1982 Dinamo
1983 17 Nëntori
1984 17 Nëntori
1985 Flamurtari
1986 17 Nëntori
1987 Vllaznia
1988 Flamurtari
1989 Dinamo
1990 Dinamo
1991 Partizani
1992 Elbasani
1993 Partizani
1994 Tirana
1995 Teuta
1996 Tirana
1997 Partizani
1998 Apolonia
1999 Tirana
2000 Teuta
2001 Tirana
2002 Tirana
2003 Dinamo
2004 Partizani
2005 Teuta
2006 Tirana

__________________
Try not to become a man of success but rather to become a man of value - Einstein Albert.

Klodian Duro, një mjeshtër i goditjeve standarde, atëherë kur duhet shpalos klasin e tij, duke shënuar golin e vetëm të ndeshjes, që i dha Tiranës fitoren më të rëndësishme gjatë këtij edicioni. Mesfushori i Tiranës e kishte rezervuar prej shumë kohë këtë gol. Dhe në mesin e pjesës së dytë të ndeshjes finale, Grima, me gjithë përpjekjet e tij, nuk bën dot asgjë nga goditja e saktë e mesfushorit të Tiranës. Kështu, me golin e Duros, Tirana fitoi finalen përballë Vllaznisë, duke e mbyllur deri diku mirë edicionin e sivjetshëm. Pra, në fund është fituar Kupa e Shqipërisë, një nga dy objektivat e fillimit të kampionatit. "Po, po, më pëlqen të shënoj vërtet kur bëhet fjalë për ndeshje të rëndësishme, sidomos në ndeshje finale si kjo e sotmja. Ishte takimi i fundit dhe, duke parë pozitat në kampionat, duhej fituar patjetër nga ana e Tiranës. Duke qenë se ishte shansi i vetëm për të siguruar trofe, pati shumë rëndësi në fund ky sukses i arritur nga skuadra jonë. Këtë gol të rëndësishëm ia dedikoj së pari familjes sime, që ma ka qëndruar pranë gjatë gjithë kohës.

Gjithashtu, ky gol i dedikohet edhe klubit e tifozëve të Tiranës, që janë mësuar dhe presin gjithnjë të shohin trofe," - thekson Duro. Klodian Duro, përveç fitores së arritur me Vllazninë në finale të kupës dhe trofeut "të hipotekuar" tashmë nga ana e Tiranës, veçon ndeshjen dhe lojën fair-play, që i dha dyfish bukuri suksesit të djeshëm. "Ishte një ndeshje e bukur dhe kjo na gëzoi dyfish më shumë. Edhe tifozët besoj se e panë bukurinë e këtij takimi. Pra, kur në fushë mbizotëron rregulli dhe disiplina, Tirana di të tregojë vlerat e saj më të mira, edhe në ndeshje finale. Ishte gjykimi korrekt i italianëve që ndikoi gjatë ndeshjes, duke sjellë rregull, çka u reflektua në lojë. Pas një edicioni të gjatë e të lodhshëm, ekipi ynë, megjithëse nuk mundi dot të dilte kampion, gjeti forca dhe shpalosi anët më të mira të lojës së futbollit. Meritë ka sigurisht edhe kundërshtari i finales, Vllaznia, që duhet përgëzuar për korrektësinë që tregoi në fushë."

Në fund, mesfushori Kodian Duro nuk lë pa përmendur ndeshjen e fundit të kampionatit. Përballë Partizanit lojtari në fjalë nuk do të jetë në fushë, por thotë se të tjerët do të dinë ta mbyllin sa më mirë edicionin. "Na duhet të fitojmë me Partizanin dhe të dalim të dytët në kampionat. Mendoj se me këtë trofe të siguruar në kupë, skuadra do të dijë të shpalosë të njëjtat vlera edhe të shtunën, në ndeshjen derbi, për ta mbyllur sa më mirë," - përfundon autori i golit në finale të kupës, Duro.

__________________
Try not to become a man of success but rather to become a man of value - Einstein Albert.

Devi Muka, kapiteni i Tiranës, ka qenë i papërmbajtshëm në ndeshjen finale të Kupës së Shqipërisë. Ai ka shkëlqyer për aq kohë sa ishte në fushë, përballë Vllaznisë, duke fituar madje goditjen e dënimit në afërsi të zonës, kur më pas u shënua goli i vetëm i finales.

Fakti që Tirana arriti dhe ia doli mbanë suksesshën edhe këtë vit, duke gëzuar tifozerinë siç ndodhi herën e fundit në Lushnjë, është shumë domethënës për kapitenin bardheblu, Devi Muka. Ai thotë se meritë në këtë mes ka fanella e Tiranës: "Tifozët e Tiranës duhet të jenë krenarë për këtë ekip që numëron shumë e shumë trofe dhe Tirana vazhdon të fitojë vazhdimisht pa u ndalur asnjëherë. Gjithashtu, lojtarët duhet të jenë po aq krenarë për këtë fanellë që mbanin sot veshur mbi supe dhe fituan një trofe. Megjithëse ishte një vit i vështirë, ne shënuam një sukses, do të thoja, duke u dhënë një leksion të mirë të gjithëve, se është Tirana është ajo që e ka bërë dhe do ta bëjë gjithnjë ligjin në futbollin shqiptar," - thekson pas finales së fituar kapiteni Muka.

Duke pasur peshën kryesore në skuadër, vlonjati Muka, pas fitimit të kupës thotë se i vjen mirë që lojtarët dhe tifozët e Tiranës gëzuan edhe këtë vit njërin nga dy trofetë. Muka, pak kohë pas finales, tha se e kishte përmendur më parë çfarë kuptimi kishte fundi, nëse nuk do të fitohej asnjë trofe. Me fitimin e kupës, është shpaguar deri diku njëri objektiv, titulli, që u la të ikte në Elbasan pasi qëndroi 3 vite radhazi te kjo skuadër. "Mos harroni se kjo Tiranë ishte kampione e Shqipërisë për 3 vite me radhë. Ndoshta për një ecuri jo aq të mirë gjatë fazave të para lëshoi këtë vit titullin, duke mos dalë kampione vendi, por prapë them se nuk kemi humbur aq shumë. E pata thënë pak kohë më parë se do të ishte katastrofë e madhe po të mos fitonim njërin trofe. Por ja që ne jemi sërish fitues, kemi fituar Kupën e Shqipërisë dhe të tjerët duhet të dinë se futbolli nuk përfundon me kaq. Tirana do të jetë prapë fituese titujsh e kupash, në edicionet që vijnë dhe kjo do ta vërtetohet, ashtu siç ka ndodhur," - thotë Muka.

Ndeshja e fundit është dominuar nga ana e lojtarëve bardheblu dhe një javë para fundit të edicionit Tirana është e qetë, sepse ka siguruar një trofe dhe gjithashtu pjesëmarrjen në Europë. "Ne luajtëm mirë dhe e fituam këtë trofe. Meritë kanë të gjithë, veçanërisht Duro, që shënoi një gol të mrekullueshëm. Tani para ndeshjes së fundit të kampionatit jemi më të qetë dhe besoj se do ta administrojmë ndeshjen, për ta mbyllur mirë edicionin," - përfundon kapiteni i Tiranës, Muka.

__________________
Try not to become a man of success but rather to become a man of value - Einstein Albert.

Përfundimi i finales së djeshme të kupës ka rezervuar një debat të ashpër dhe mjaft të ngarkuar emocionalisht mes presidentit të Vllaznisë, Agron Çela dhe presidentit të FSHF-së, Armand Duka. Madje, mes tyre nuk kanë munguar edhe të sharat, ndërkohë që kanë ndërhyrë persona të tjerë për t'i qetësuar gjakrat. Sipas numrit një të klubit shkodran, Agron Çela, Federata Shqiptare e Futbollit e ka paragjykuar tërësisht këtë finale të kupës, duke bërë çmos që ta fitonte Tirana. "Ne kemi konstatuar që në caktimin e fushës së Lushnjës, si vendin e zhvillimit të ndeshjes, se po favorizohej Tirana. Madje, u kemi kërkuar drejtuesve të federatës që të na merrnin edhe ne mendimin për fushën ku do të luhej finalja e kupës, gjë që nuk e bënë. Për këtë ngarkoj me përgjegjësi presidentin Duka, i cili ka marrë urdhër nga zëvendësi i tij, njëherazi donator i Tiranës, Lutfi Nuri, që ndeshja të luhej në Lushnjë. Gjithçka u maskua me një vendim të komitetit ekzekutiv. Që këtu e kuptuam se federata ishte e prirur që kupën ta fitonte Tirana. Kjo u pa qartë edhe në caktimin e gjyqtarëve italianë, të cilët u instruktuan mirë e mirë natën para ndeshjes në hotel "Tirana International", ku janë aksionerë drejtues të lartë të federatës dhe donatorë të Tiranës, madje u janë afruar edhe shuma të konsiderueshme financiare për t'i përkrahuar në gjykim bardheblutë.

Gjithçka ka ndodhur në mbrëmjen e së martës në hotelin ku ishte sistemuar treshja e gjyqtarëve italianë e kemi parë me sytë tona dhe për këtë kemi vënë në dijeni edhe Dukën. Dua të sqaroj se ndërmjetësimin e gjyqtarëve italianë me donatorët e Tiranës e ka bërë Uvil Zajmi. Pra, sikurse shihet, ne i kemi denoncuar të gjitha prapaskenat që po bëheshin në favor të Tiranës, që në caktimin e fushës ku do luhej ndeshja, pa na pyetur neve, por presidenti Duka nuk e vuri ujin në zjarr.

Mesa duket çdo gjë ishte vendosur, që kupën ta fitonte Tirana, sikurse edhe ndodhi. Gjyqtari italian i ndeshjes e tregoi anësinë e tij nga Tirana, teksa akordoi një faull të paqenë në dëm të Vllaznisë, të cilin e ktheu në gol Klodian Duro. Për mua i gjithë ky skenar i FSHF-së ndaj Vllaznisë ka marrë jetë mbrëmjen e së martës në "Tirana International", ku donatorët e Tiranës, me ndërmjetësimin e Uvil Zajmit, kanë arritur ta bëjnë për vete gjyqtarin Farina, ndërkohë që Lutfi Nuri më parë kishte vendosur sipas dëshirës së tij, duke u maskuar pas komitetit ekzekutiv, vendin e zhvillimit të ndeshjes, pa na pyetur ne fare. Kjo tregon qartë paragjykimin e FSHF-së ndaj Vllaznisë dhe ndikimin e saj për të fituar Tirana,"- nënvizon Agron Çela, presidenti i skuadrës shkodrane.

__________________
Try not to become a man of success but rather to become a man of value - Einstein Albert.

Elbasanasit pësojnë humbjen e parë në shtëpi pas një viti.
Vllaznia ngjitet në vendin e tretë.

Nga shiu në breshër: ndërkohë pritej të largohej makthi që u shkaktoi një javë më parë Kastrioti, dhe kampionët kanë gabuar rëndë në shtëpinë e tyre. Elbasani është nënshtruar në tempullin e tij plot pas një viti. Dhe si për ironi të fatit, ndëshkuesi (ashtu si edhe një vit më parë, Bylykbashi) është një elbasanas. Klevis Dalipi ka shënuar golin e vetëm të takimit, ndërkohë Elvis Kotorri ka humbur shansin më të mirë për të barazuar takimin me një penallti në minutën 92.

Ka qenë një ndeshje pa shumë emocione ajo e zhvilluar në "Ruzhdi Bizhuta", me një Elbasan të reduktuar në emra për shkak të kualifikimeve dhe Vllaznia që zbriste në këtë transfertë më e karikuar se kurrë. Batutat e para të takimit janë dashamirëse dhe pa nxitur frikë në kuadratet respektive. Është Albert Kaçi që ofron një aksion të bukur në minutën e 8, por Asinet nuk arrin të shtyjë topin me kokë. Pak minuta më vonë është Stojku në një veprim akrobati, por gardiani shkodran paralajmëron se është në një ditë të shkëlqyer. Për të regjistruar të parin rast të miqve duhet të pritet minuta e 15, kur Suad Lici ekzekuton një goditje dënimi, gardiani verdheblu Kotorri neutralizon në dy kohë. Për shumë minuta takimi bie në monotoni dhe skuadrat e kanë shumë të vështirë të kapërcejnë topin në zonat respektive. Gjithsesi janë vendasit që kanë më shumë iniciativë dhe mundësinë për të regjistruar raste në kronologjinë e takimit. Kaçi në minutën e 41-të kroson në zonë, Kacollja kërcen mbi të gjithë, por Grima e ndal topin në ekstrem. Portieri shkodran është vigjilent edhe dy minuta më vonë, pas një gjuajtje të Kaçit brenda zonës. Pjesa e parë mbyllet në barazimin 0-0.

Fillimi i së dytës është më i mirë për vendasit, kur në minutën e 55-të goli mund të ishte finalizuar, nëse Aniset nuk do të kishte penguar gjuajtjen e Stojkut vetëm pak metra nga vija fatale. Për shumë minuta miqtë janë më kërkues dhe tentojnë të gjejnë avantazhin. Në minutën e 60-të është Akamba që nuk ka saktësinë e duhur, edhe pse ka qenë i vetëm përballë gardianit shkodran. Vllaznia ndryshon modulin taktik dhe ia beson lojën Bejzades, i cili do të bëhet protagonist thuajse në të gjitha aksionet e kuqebluve. Në minutën e 64-t fantazisti provon me një goditje potente nga 30 metra, por Kotorri në lartësinë e duhur arrin të mbrojë kuadratin e tij. 10 minuta më vonë Bejzade i vidhet mbrojtjes, por nuk ka saktësi në gjuajtje.

Loja është e miqve dhe Elbasanit duket sikur i kanë shterur forcat. Teli ndez sirenën e alarmit në të 75-ën me një gjuajtje me kokë, por topi kalon mbi shtyllë. 1 minutë më vonë një gjuajtje e Sukajt është e vështirë për t‘u neutralizuar nga Kotorri dhe Dalipi afër portës nuk e ka të vështirë të ndëshkojë. 1-0 dhe për sulmuesin e Vllaznisë është "e ndaluar" të gëzojë në shtëpinë e tij. Elbasani reagon shpejt, por Aniset nuk arrin të mposhtë Grimën. Dhe gardiani veteran meriton një "Oscar" pas kësaj ndeshjeje, teksa në minutën e 92-të bën mrekullinë e fundit. Stojku fiton një 11-metërsh, ekzekutimi i takon portierit Kotorri: gjuajtja e kapiteni nuk është ndër më të mirat dhe topi mbetet në duart e Grimës, që përqafon edhe trepikëshin më të vështirë të këtij sezoni. Pas kësaj humbjeje për Elbasanin është mbyllur epoka e lavdishme dhe gjithçka duhet të nisë nga merkato, ndërkohë Vllaznia duket se kish pasur nevojë për një strateg si Mirel Josa.

__________________
Try not to become a man of success but rather to become a man of value - Einstein Albert.

14 gola në 19 javë kampionat. Vioresin Sinani tashmë është lideri i golashënuesve të kampionatit shqiptar, pasi është shkëputur edhe nga ish-shoku i skuadrës, Hamdi Salihi. Ashtu si dhe në fazën e parë, kur me golin e tij ndaj Luftëtarit i dha fitoren Tiranës, edhe këtë të shtunë Sinani i ndëshkoi rëndë gjirokastritët, të cilët po bënin të gjitha përpjekjet për të barazuar. Pas këtij suksesi të radhës, bardheblutë e shohin veten në krye të renditjes të shkëputur me 10 pikë nga ndjekësi më i afërt, Partizani. Duke folur për "Sportin shqiptar", sulmuesi 29-vjeçar pranon se tani Tirana është pranë titullit kampion. "Nuk ka dyshim se kur kanë mbetur edhe 14 javë kampionat, jemi pranë titullit kampion. Diferenca prej 10 pikësh nga Partizani është më se e mjaftueshme për ne që të luajmë të qetë, madje, të na falet edhe nëse mund të bëjmë ndonjë gabim gjatë rrugës. Me këtë gjendje fizike që kemi treguar në dy përballjet e para për vitin 2007, me Teutën dhe Luftëtarin, duke shtuar këtu edhe përforcimet nga merkatoja e dimrit, skuadra është kompletuar në të gjitha aspektet. Për mua do të ishte një sadisfaksion fitimi i titullit kampion me Tiranën, pasi dy herë të tjera e kam provuar shijen e tij me fanellën e Vllaznisë,"- bën të ditur "gjuetari" i golave në kampionatin shqiptar, Vioresin Sinani.

Në lidhje me vështirësinë e hasur në përballjen me gjirokastritët, shkodrani i vetëm i kryeqytetasve deklaron se terreni e pengoi Tiranën për të shfaqur vlerat e saj më të mira. "Edhe nga pamjet filmike u pa qartë se luajtëm në një fushë mjaft të rënduar, e cila nuk të lejonte që gjithsecili prej nesh të shprehte aftësitë e veta. Goli i shënuar në minutat e para na i thjeshtësoi disi gjërat, edhe pse në disa momente Luftëtari na rrezikoi ndjeshëm. Në minutat e fundit, falë pasimit të saktë të Bakallit, e gjeta edhe unë golin, çka më gëzoi pa masë. Në përgjithësi, sa herë që jam përballur me këtë kundërshtar, kam shënuar, ashtu siç bëra edhe në fazën e parë. Për sa i takon mungesës së Salihit, ajo sigurisht është e ndjeshme për ne, megjithatë, si Pema ashtu edhe Abazaj po luftojnë me shpirt për të ndihmuar Tiranën në objektivat e saj,"- vazhdon më tej numri 9 i bardhebluve.

Nesër kampionët e dimrit do të zbresin sërish në fushë, këtë herë për sfidën e parë çerekfinale ndaj Teutës. Ndeshja e parë do të luhet në stadiumin "Niko Dovana" të qytetit të Durrësit, çka u jep shansin e madh kryeqytetasve që të pretendojnë kalimin e turit. Si fitues në fuqi të kupës, Vioresin Sinani pranon se nuk do të jetë e lehtë përballë durrsakëve, edhe pse disa ditë më parë fituan 5-0 për kampionat. "Duhet të derdhim shumë djersë për të kaluar turin e kupës, sepse Teuta është një skuadër që do t'i ketë marrë masat për të mos pësuar të njëjtën humbje si në kampionat. Pavarësisht se ne fituam me atë rezultat aq të thellë, nuk do të thotë kurrsesi se e njëjta gjë do të ndodhë edhe nesër. Do ta vlerësojmë në maksimum këtë 90-minutësh, ku sigurisht synim do të kemi që të realizojmë gol, në mënyrë që të jemi më të qetë për takimin e kthimit. E rëndësishme është të kalojmë një herë Teutën, më pas të shohim nëse do të jetë Vllaznia ekipi që do të përballemi në gjysmëfinale. Normalisht, do të më pëlqente të luaja ndaj ish-ekipit tim, por deri atëhere ka ende kohë dhe çdo gjë mund të ndodhë,"- përfundon Vioresin Sinani.

__________________
Try not to become a man of success but rather to become a man of value - Einstein Albert.

Ja verdiktet e sezonit 2006/2007 te SuperLiges shqiptare:
1.Tirana - Kampione e Shqiperise 2006/2007 per here te 23-te ne historine e saj - Kualifikohet per ne Turin e Pare Paraeliminator te Champions League 2007/2008
2.Teuta - Nen/Kampione -> Kualifikohet per ne Turin e Pare Eliminator te Kupes UEFA 2007/2008
3.Vllaznia - Ne Kupen Intertoto 2007

Besa -> Fituese e Kupes se Shqiperise 2006/2007 -> Kualifikohet per ne Turin e Pare Eliminator te Kupes UEFA 2007/2008

11.Luftetari - Bie ne Kategorine inferiore per sezonin 2007/2008
12.Apolonia - Bie ne Kategorine inferiore per sezonin 2007/2008

__________________
I LOVE INTER