Lojtarët marrin këstet e radhës

Futbollistët e Tiranës, gjatë gjithë kësaj jave, janë parë që të qarkullojnë në zyrat e presidentit El Sajed. Arsyeja ka qenë se në muajin shtator të gjithëve u takojnë të marrin këstet e radhës të kontratave që kanë nënshkruar në fillim të sezonit. Egjiptiani i ka shlyer të gjitha detyrimet e radhës me të besuarit e tij. Ai është i kënaqur me ecurinë e deritanishme të skuadrës dhe nuk resht së paguari mijëra dollarë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Tirana përvijon anti-Vllazninë

Prej tri ditësh, 20 herë kampionët janë duke u stërvitur maksimalisht për sfidën e së shtunës në "Qemal Stafa" me Vllazninë. I gjithë stafi drejtues dhe lojtarët në përgjithësi po i kushtojnë vëmendje të madhe lojës kolektive dhe asaj me topin. Trajneri Mema është gjithashtu duke provuar skema të reja në mbrojtje për të zëvendësuar Deden dhe Pinarin. Pjesa tjetër e futbollistëve është e plotë dhe nuk ka probleme. Dje, bardheblutë kanë zhvilluar seancën e radhës në orën 16:00, në fushën "Skënder Halili". Ja dhe formacioni i mundshëm anti-Vllaznia: Hidi, Dabulla, Hajdari, Lici, Agolli, Patushi, S.Bulku, Sina, Muka, Fortuzi dhe Halili.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

SHKUMBINI :


Mesfushori peqinas shpreson te forca dhe vlerat e ekipit të tij

Nexha: Shkumbinit s'i takon fundi i tabelës

Humbja e fundit përballë Tiranës, në fushën e vet, të shtunën e kaluar, e rëndoi edhe më shumë gjendjen e Shkumbinit. Tashmë ai është "betonuar" në fund të tabelës së renditjes, pa asnjë pikë në këto 4 javë kampionat, si asnjëherë tjetër. Madje, skuadra peqinase ka pësuar një numër të madh golash në këtë fillimkampionati, plot 11 të tillë. Gjithsesi, në kampin peqinas, të gjithë janë optimistë se kjo gjendje do të kalojë shumë shpejt. Për mesfushorin Astrit Nexha, rezultatet jo të mira të Shkumbinit në këto 4 javë kampionat nuk pasqyrojnë vlerat reale të ekipit. "Më është krijuar një bindje e tillë, sidomos pas ndeshjes me Tiranën, të shtunën e kaluar, ku ne luajtëm si të barabartë me kampionët në fuqi. Shkumbinit nuk i takon fundi i tabelës së klasifikimit, prandaj, shumë shpejt, skuadra jonë do t'i largohet atij. Vetë loja që zhvilloi ekipi të shtunën, përballë Tiranës, e vërteton më së miri këtë, pavarësisht se humbëm falë golave që ua dhuruam vetë kryeqytetasve,"- pohon për "Sportin shqiptar" Nexha. Numri 10 i Shkumbinit, Astrit Nexha, në takimin me Tiranën, ka bërë prezantimin e parë në këtë kampionat përpara sportdashësve peqinas. Trajneri Deliu e aktivizoi në mesfushë, në rolin e organizatorit të lojës së Shkumbinit. Ai diti ta administronte shumë mirë lojën e ekipit të vet, prandaj vendësit u shfaqën si të barabartë me bardheblutë.
Ndërkohë, pozicionimin e ekipit të tij në fund të tabelës së klasifikimit, pas 4 javësh kampionat, Nexha ia atribuon mungesës së besimit të disa futbollistëve te rezultati pozitiv. Sipas tij, kjo ka ndikuar shumë tek ta, për të mos dhënë maksimumin në ndeshjet zyrtare. "Në qoftë se Shkumbini do të kishte luajtur siç luajti përballë Tiranës edhe në 3 javët e para të kampionatit, rezultatet do të kishin qenë ndryshe. Madje, nuk do të ishim të fundosur në fund të tabelës, por në mesin e saj, atje ku na takon," - argumenton mesfushori peqinas. Futbollisti në fjalë është pikë referuese për bardhekaltrit. Gjithsesi, në pjesën e dytë të takimit me Tiranën, trajneri Deliu e zëvendësoi atë me të riun Saja, zëvendësim që nuk u prit mirë nga tifozët peqinas. I pyetur për këtë fakt, Nexha e anashkaloi përgjigjen, teksa u shpreh: "Ai ishte një vendim i trajnerit dhe unë duhet t'i bindem atij. Neve, si futbollistë, na takon t'i zbatojmë me përpikëri udhëzimet që na jep trajneri, sepse për këtë mbajmë përgjegjësi," - e përfundon deklarimin e tij mesfushori Nexha, organizatori i ekipit të Shkumbinit.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

GRUPI 'A2'

TOMORI :

Kapiteni i Tomorit kërkon të harrojë barazimin me Besëlidhjen dhe është optimist për më tej

Gjata: Dua të shënoj ndaj Egnatias

Edmond Gjata, një nga pikat më të forta në skuadrën beratase, kapiten dhe golashënues, shpirti dhe truri i ekipit, ka bërë "autokritikë" dhe e ka konsideruar të pafalshëm barazimin me Besëlidhjen. Duke dashur ta harrojë sa më parë atë takim, autori i dy golave në dy takimet e para, tashmë mendon për takimin e së shtunës, ku Tomori në javën e tretë do të ndeshet me Egnatian e Rrogozhinës. Në intervistën për "Sportin shqiptar", midis të tjerash, Gjata deklaron se të shtunën do të shënojë dhe Tomori do të fitojë.
- Në javën e dytë, Tomori humbi dy pikë në Berat, përballë Besëlidhjes. Si u ndietë pas takimit?
- Si mos më keq, njësoj si të kishim humbur. U përpoqëm shumë për të kaluar në epërsi, por rastet e paraqitura u shpërdoruan. Unë tashmë e kam harruar atë takim, edhe pse shënova golin e parë. Në Grupin A2 nuk është e lehtë të shënosh, pasi skuadra si Bylisi, Besëlidhja, Luftëtari, Naftëtari apo Egnatia shquhen për mbrojtje të fortë.
- Të shtunën do të takoheni me Egnatian. I trembeni kësaj skuadre, që ka hyrë me plot ambicie në A2?
- Me Egnatian u ndeshëm vitin e kaluar në "Selman Stërmasi" për play-off-in, ndeshje të cilën e humbëm. Eshtë një skuadër që e njohim mirë, në gjirin e saj ka lojtarë mjaft cilësorë. Megjithatë, nuk e ndiejmë veten inferiorë, ndaj do të shkojmë në Peqin për fitore. Ekipi është në formë të mirë dhe me Egnatian do të japim maksimumin.
- Ju jeni kapiten i ekipit dhe njëkohësisht golashënues i shquar. Si janë marrëdhëniet me shokët e tjerë të skuadrës?
- Fatmirësisht, jemi të gjithë djem beratas, që kemi luajtur me njëri-tjetrin qysh fëmijë dhe më vonë në skuadrën e të rinjve. Mirëkuptohemi me njëri-tjetrin, kemi harmoni dhe sinqeritet dhe kjo është arma që na bën më të fortë në momente të vështira. Edhe me trajnerët mirëkuptohemi, sidomos kur ata kërkojnë më shumë prej nesh. Kemi marrë 4 pikë në dy ndeshje, por jo maksimumin. Kjo na shqetëson të gjithëve. Kemi toleruar në një ndeshje, por kjo nuk do të përsëritet. Si kapiten, them se ky është edhe mendimi i shokëve.
- Në dy takime keni shënuar 2 gola. Mendoni se nga Rrogozhina do të ktheheni me golin e tretë?
- Unë edhe më parë kam qenë golashënues. Goli është detyra dhe kënaqësia ime. Ndaj Egnatias dua të shënoj. Edhe gjatë kampionatit do të shënoj, sepse synimi im është që të jem golashënuesi më i mirë i Grupit A2. Do të më shihni në takimet e tjera, do të jem ai Gjata që ka ëndërruar Kovaçin. Kam shumë besim te vetja dhe shokët e mi, Fani, Dino, Aliaj, Duro, Mile etj.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

GRUPI 'A2'

LACI :

Goleadori i njohur Rexha do të mungojë, pasi ka operuar apendisitin Laçi ndien mungesën e sulmuesit
I është kthyer sërish stërvitjes ekipi laçian, pas atij barazimi që vetë futbollistët e kanë quajtur humbje me ekipin e Egnatias. Me përjashtim të Rexhës, të gjithë futbollistët kanë qenë në dispozicion të teknikut Astrit Maçi, i cili e ka vazhduar normalisht stërvitjen gjatë pasdites. Edhe në analizën e tij, ai është shprehur: "Ekipi kreu volum loje, por në njëfarë mase edhe fati nuk na ndihmoi, me gjithë rastet e krijuara." Ndërkohë, trajneri ka kërkuar nga ekipi impenjim maksimal për ndeshjen e radhës. Objektivi i vetëm në Shijak, sipas Maçit, do të jetë fitorja për ekipin laçian, që mendohet të ketë ndryshim edhe në formacionin bazë. Aktualisht, stërvitja po zhvillohet në fushën sportive të qytetit të Laçit. Sipas mjekut të ekipit, Sandër Pëllumi, gjendja shëndetësore e futbollistëve aktualisht është e kënaqshme, çka do të thotë se pritet maksimumi prej tyre. Ndërkohë, Rexha tashmë është operuar nga apendiciti dhe do t'i duhet kohë për rikthimin në fushë. Përveç ndihmës së dhënë nga presidentët, pritet që edhe bashkia të kontribuojë për ekipin në të ardhmen, pasi aktualisht, me sa duket, prioritet i saj mbetet fushata aktuale. Mendohet që për herë të parë të futet në lojë edhe Tanushi në sulm, i cili do të përfaqësojë ekipin laçian. Vëmendja është përqendruar edhe në kërkim të një sulmuesi tjetër, i cili mund t'i duhet Laçit në të ardhmen pas skualifikimit të papritur të Rexhës.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

GRUPI 'A2'

BYLIS :

Trajneri i Bylisit do të ketë në formacion edhe Devollin me Novin

Mile: Nuk do të gabojmë në Lezhë

Skuadra e Bylisit, me dy fitoret e arritura në kampionatin e Grupit A2, ndodhet në kuotën e 6 pikëve dhe e udhëheq e vetme tabelën e klasifikimit. Bylisi është skuadra që nga tifozët e vet mendohet si një "superfuqi" në Grupin A2. Futbollistët ballshiotë, shumë shpejt e filluan shkëputjen nga rivalët e tyre. "Dëshirojmë të jemi të kujdesshëm,- shprehet trajneri i Bylisit, Kristaq Mile.- Në skuadrën tonë nuk do të ketë vend për eufori, aq më shumë që përbërja e Bylisit është me futbollistë cilësorë dhe me eksperiencë të gjatë në futboll. Për skuadrën tonë, çdo ndeshje do të vlerësohet maksimalisht. Konkretisht, këtë javë, ne do të kemi një ndeshje sa të rëndësishme, aq edhe të vështirë me skuadrën e Besëlidhjes. Jemi duke punuar për të korrigjuar disa mangësi në lojën tonë. Jam optimist që këtë ndeshje do ta kalojmë me sukses,"- thekson Mile. Ndërsa sulmuesi Bubeqi, i cili kryeson tabelën e golashënuesve, me 4 gola, shprehet për ndeshjen me Besëlidhjen: "E vlerësoj skuadrën lezhjane, sepse luan futboll të bukur, por duke parë formën e mirë që ka skuadra jonë, kam mendimin që kjo ndeshje do të fitohet nga ana jonë." Ndërsa kur e pyet Bubeqin nëse do ta vazhdojë serinë e golave, ai përgjigjet: "Tani unë jam "i dashuruar" pas golit dhe nuk e vë në dyshim se edhe në këtë ndeshje do të shënoj gol." Këtë javë, Bylisi do të ketë gati edhe dy futbollistët kryesorë të formacionit, Devollin dhe Novin, të cilët nuk u aktivizuan javën e parë, i pari për arsye kartoni të kuq, ndërsa i dyti për dëmtim.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Nesër ndeshja Dinamo-Teuta

Dje në ambientet e FSHF-së është hedhur shorti i gjyqtarëve për ndeshjet e javës së pestë të kampionatit kombëtar. Përveç gjyqtarëve janë përcaktuar edhe fushat, ku do të luajnë skuadrat që nuk kanë stadiume. Ndeshja Dinamo-Teuta do të luhet nesër (ora 16:00) në stadiumin "Selman Stermasi", pasi Tirana do të luajë të shtunën në "Qemal Stafa" kundër Vllaznisë. Takimi Lushnja-Besa do të luhet në stadiumin e Beratit.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Sektori i garave "fal" brazilianin e kuq. Mbërrijnë kërkesat e para për federime futbollistësh

Garat: Brashini, i gatshëm për kupë

Sektori i garave ka ndryshuar mendje, duke e lejuar futbollistin Brashini të luajë që në ndeshjen e kupës, Partizani-Fushë Mbreti. Ka qenë vetë shefi i sektorit të garave në Federatë, Hito Hitaj, që e ka pohuar një fakt të tillë. Hitaj është shprehur se ekipi i Partizanit i ka kërkuar FSHF-së me anë të një shkrese që të saktësojë sesa ndeshje futbollisti brazilian ka për të shlyer pas dënimit nga komisioni i disiplinës. "Pasi është parë me kujdes i gjithë dokumentacioni, sektori i garave ka vendosur që futbollisti në fjalë të luajë me ekipin e Partizanit në ndeshjen e Kupës së Shqipërisë, që do të zhvillohet pas kësaj jave. Në këtë vendim janë marrë për bazë të gjitha ndeshjet e kalendarit të Federatës," - është shprehur Hitaj. Sipas tij, Brashini pothuajse i ka shlyer detyrimet që ka në FSHF nga dënimi dhe, nëse nuk luan edhe këtë javë, do të ketë mundësi të aktivizohet rregullisht në të ardhmen. Kështu, Partizani ka arritur "të fitojë" një futbollist, i cili në fillim të javës, po sipas sektorit të garave, kishte shlyer vetëm 4 javë nga dënimi. Në fakt, të hënën e kaluar, vetë drejtuesit e sektorit të garave ishin shprehur se Brashini nuk do të luante derisa të shlyente dënimin e dhënë që nga fundi i sezonit të kaluar. Po sipas sektorit të garave, futbollisti në fjalë duhet ta fillonte shlyerjen e dënimit që në momentin kur është federuar në FSHF. Kështu, nga vetë shefi i sektorit të garave Hito Hitaj, Brashini është federuar më 19 shtator, një ditë para javës së 4-t të kampionatit të 65-të të futbollit, dhe me disa llogari, ai kishte edhe disa javë pezullim. Por me kalimin e ditëve, gjërat u rrokullisën ndryshe. Numërimi dhe përllogaritja e dënimit prej 10 javësh të Brakinit, për shkaqe që i dinë vetëm në sektorin e garave, filloi mbrapsht. Mesa duket futbollistit iu "llogaritën" edhe ditët e qëndrimit në Brazil, ku ndoshta ka qenë në ndonjë qendër riedukimi dhe tani ka ardhur me "look" të ri përsëri te Partizani dhe në futbollin shqiptar. Një gjë është e vërtetë: pas kësaj të shtune, Brakini është i gatshëm për të luajtur.
Për sa u përket federimeve shtesë, të cilat sot, me të gjitha gjasat, do të zyrtarizohen nga komiteti ekzekutiv, shefi i garave Hitaj ka konfirmuar se, deri tani, disa ekipe kanë sjellë kërkesat për federime. "Në këtë moment që flasim, kërkesa për federime kanë sjellë Partizani për Duron dhe Fakajn, Dinamo për Rizvanollin, Vllaznia për tre futbollistë vendas dhe Tomori për Marinin. Nëse komiteti do të lejojë federime, ne do t'i përmbushim kërkesat e ekipeve. Për futbollistët që vijnë nga jashtë, u kemi kërkuar federatave kartonët e tyre, të cilët më parë kanë luajtur jashtë Shqipërisë," - ka përfunduar shefi i sektorit të garave, Hito Hitaj.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Komiteti, sot vendimi për rihapjen e merkatos

Sot, në orën 11.00, mblidhet komiteti ekzekutiv. Shkak për këtë mbledhje është bërë kërkesa e disa klubeve të Grupit A1, që kërkojnë të federojnë futbollistë jashtë afatit të tyre. Nga ajo që është marrë vesh dje në FSHF, merkatoja është pika e vetme që do të diskutohet nga komiteti, por nuk përjashtohen diskutime edhe për pika të tjera, si projekti "Hart Trick", e ndonjë tjetër. Për sa i përket rihapjes së merkatos, mësohet se, me të gjitha gjasat, komitetasit do të votojnë "pro" dhe futbollistë si Duro dhe disa të tjerë mund të luajnë pa problem në ndeshjet e javës së 5-të të kampionatit.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

PARTIZANI :

Trajneri i të kuqve shprehet se Partizani synon maksimumin, ndonëse kundërshtari është ekip i fortë

Spahiu: Fitoren në Elbasan e kërkon derbi

Partizani, sot pasdite, u jep fund përgatitjeve për sfidën e radhës kundër Elbasanit, që do të luhet nesër në stadiumin "Ruzhdi Bizhuta". Stërvitja e të kuqve ka vijuar rregullisht dhe gjendja e skuadrës, sipas trajnerit Spahiu, është e kënaqshme, me përjashtim të dy lojtarëve të dëmtuar, Bylykbashi dhe Rosha, që nuk do të jenë nesër në formacionin bazë. Ndërkohë, vëmendja e të kuqve është përqendruar te federimi i futbollistit të kombëtares, Klodian Duro, që, sipas të gjitha gjasave, sot do të bëhet zyrtarisht i kuq. Sidoqoftë, po sipas trajnerit të të kuqve, nëse sot vendoset përfundimisht që Klodian Duro të federohet me Partizanin, ekipi mund ta përballojë më me lehtësi ndeshjen e dytë të tij në transfertë, kësaj here përballë portokallinjve.
I pyetur për formacionin bazë në Elbasan, apo ndonjë ndryshim tjetër në lojën e ekipit, trajneri i të kuqve shprehet optimist se atje Partizani do të bëjë gjithçka për të arritur synimet e vëna në fillim të kampionatit. "Shpresojmë që në Elbasan do të luajë edhe futbollisti, Klodian Duro, pasi nuk besoj se federata është e interesuar që lojtarët e kombëtares të qëndrojnë jashtë fushave të lojës. Nëse luan, Duro do të jetë lojtar i lirë në mesfushë. Sidoqoftë, ne i kemi përfunduar thuajse të gjitha planet për sfidën që do të luhet nesër në Elbasan. Do të dal në fushë me formacionin më të mirë të mundshëm, por edhe që t'i përshtatet plotësisht kundërshtarit," - thekson Spahiu.
Të kuqtë kanë fituar deri tani tri ndeshje brenda në Tiranë, ndërkohë që takimin e vetëm jashtë, ndaj Teutës së Durrësit, e kanë mbyllur në barazim. Elbasani është ndeshja e dytë jashtë Tiranës, por për trajnerin e të kuqve nuk ka shumë rëndësi fusha për një skuadër që pretendon titullin. "Për të qenë realist, nuk mund të mendoj për derbin e radhës kundër Tiranës, pa kaluar me sukses Elbasanin. Elbasani është një skuadër e mirë dhe me ambicie në kampionat, ndërkohë që Partizani, nga ana tjetër, pas përgatitjeve dhe synimeve që ka në këtë kampionat, do të luajë për të kontrolluar lojën që në fillim dhe për ta fituar ndeshjen. Fitorja, natyrisht, është synimi i vetëm në Elbasan edhe për një fakt tjetër të rëndësishëm. Nëse Partizani nuk fiton ndaj elbasanasve, kjo nuk mund ta pengojë për ta fituar titullin, por mund të ndikojë negativisht në derbin e së shtunës tjetër. Jam më se i sigurt që një fitore e Partizanit në Elbasan do ta ngrinte moralin në radhët e skuadrës sonë, si dhe do të rritej interesi i tifozëve jo vetëm në kampin e Partizanit, por edhe atë të Tiranës. Shkurt, parashikoj një përplasje të madhe midis dy ekipeve më të forta të momentit në kampionatit tonë. Spektaklit do t'i shtohet edhe interesi i tifozëve, që u kanë munguar stadiumeve tona. Sidoqoftë, përpara kemi Elbasanin dhe ekipi do të mendojë për derbin me Tiranën pasi të ketë mbaruar ndeshja në "Ruzhdi Bizhuta" ndaj Elbasanit, " - e përfundon fjalën e tij trajneri Spahiu, i ardhur në krye të Partizanit në fillim të fazës përgatitore.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Drejtori i klubit të kuq përgatitet për federimet e reja

Thaka: Duro dhe Fakaj, gati dokumentat

Sot pritet që të federohet me ekipin e Partizanit mesfushori i kombëtares sonë, Klodian Duro, i cili do të luajë këtë sezon me të kuqtë e kryeqytetit. Ndërkohë, dje, nga drejtori i të kuqve, Gjergji Thaka, mësohet se, përveç Duros, ekipi i Partizanit ka planifikuar që të federojë edhe vlonjatin Ervin Fakaj, që momentalisht ndodhet jashtë, por është gati t'i dërgojë me faks dokumentet për federimin e tij. Kësisoj, nëse sot bëhet federimi i të dy lojtarëve të njohur të futbollit tonë, nesër pritet që njëri prej tyre, pikërisht mesfushori Klodian Duro, të zbresë në fushën e vendlindjes për të bërë debutimin me të kuqtë. Ndërkohë, ish-lojtari tjetër i kombëtares sonë, Fakaj, ka luajtur sezonin e fundit me Duisburgun në kategorinë e dytë gjermane, por momentalisht ndodhet pa ekip. Një sinjal për vlonjatin, presidenti Xhani e lëshoi pak ditë më parë në kontratën që bëri me Duron, por për të mësuar përfundimisht të ardhmen e mbrojtësit shtatlartë, duhet të presim kthimin e tij në një nga ditët e ardhshme, që deri tani asnjë prej drejtuesve të kuq nuk e saktëson dot.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Elbasani

Presidenti portokalli kërkon të tendosë futbollistët në prag të kësaj sfide të vështirë

Kumuria: Elbasani, vetëm fitore me Partizanin

Në kampin elbasanas duket një mobilizim i jashtëzakonshëm për ta kaluar me sukses provën e vështirë me Partizanin. Presidenti Kumuria u shpreh dje për "Sportin shqiptar" se ekipit që financohet prej tij dhe nga grupi i ortakëve i janë krijuar të gjitha kushtet për ta realizuar këtë objektiv në këtë ndeshje. "Ne e kemi vlerësuar situatën mjaft të favorshme për Elbasanin, - u shpreh presidenti Kumuria. - Futbollistëve u kemi shpërndarë shpërblimet e prapambetura dhe rrogat, madje u kemi premtuar një shpërblim special në rast të ndonjë fitoreje të mundshme me Partizanin. Elbasanit i duhet patjetër fitorja me të kuqtë këtë javë, për të ruajtur vendin kryesues në renditjen e përgjithshme."
Edhe trajnerët Sejdini e Poloska, duke e vlerësuar seriozisht gjendjen e ekipit, janë shprehur se fitorja do të jetë e padiskutueshme. Ndërkohë, presidenti Kumuria shton se faktor shumë i rëndësishëm për të arritur objektivin do të jetë mosnënvlerësimi i kundërshtarit. Sipas tij, vetë futbollistët premtojnë se do të japin maksimumin këtë të shtunë në "Ruzhdi Bizhuta". Çdo futbollist ka marrë përsipër përgjegjësi të plota, për të luajtur pa rezerva në këtë ndeshje mjaft të rëndësishme për ta. "Ne,- tha për gazetën presidenti Kumuria,- po i marrim të gjitha masat që ky takim të zhvillohet korrekt dhe me rivalitet të plotë. Kam besim se futbollistët e Elbasanit do të tregojnë se e meritojnë të pretendojnë në këtë kampionat."

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Sejdini, bast me Kumurinë për fitore

Trajneri i Elbasanit, Astrit