Trajneri i Partizanit thekson se dy javë para fundit të fazës së parë ekipi ka ende mangësi

Spahiu: Kreu nuk na bën përshtypje

Partizani, në tetë javët e para, ka arritur 5 fitore, 2 barazime dhe asnjë humbje, 17 pikë të grumbulluara, 14 gola të shënuar dhe 4 të pësuar. Këto janë statistikat e të kuqve, të ekipit që kryeson deri tani renditjen e përgjithshme të Kampionatit e 65-të Kombëtar të Futbollit. Kur kanë mbetur edhe dy javë deri në fund, të kuqtë duket se janë më shumë të favorizuar nga kalendari, pasi këtë javë duhet të luajnë ndaj Besës në Tiranë dhe më pas do të ndeshen me Shkumbinin në Peqin. Por është trajneri i Partizanit, Ilir Spahiu, ai që nuk duket edhe aq entuziast, kur thekson se skuadra në asnjë mënyrë nuk mund të cilësohet e favorizuar, apo pretendente kryesore për titull: "Kanë mbetur edhe 29 javë deri në fund, ndaj nuk mund ta quaj që tani Partizanin kampion, sepse është shumë herët për ta thënë një gjë të tillë. Ndonëse jam debutues si trajner në kampionatin e kategorisë së parë, kam aq përvojë sa të kuptoj që titullin nuk e merr ekipi që luan vetëm disa ndeshje mirë, por ai që ka ecurinë më të mirë deri në javën e fundit," - sqaron trajneri Spahiu në një intervistë për "Sportin shqiptar", i cili, ndër të tjera, iu përgjigjet disa pyetjeve.
- Mendoni se më e vështirë ishte që arritët kreun apo tani që duhet ta mbani?
- Mendoj se është e dyta. Kur nuk ishim në krye, mendjen e kishim gjithmonë për ta arritur një gjë të tillë. Pra, të gjithë lojtarët e kishin të qartë se ekipi nuk duhet të gabonte qoftë edhe në një ndeshje, sepse kreu mund të bëhej më pas tabu për Partizanin. Por, tani që e arritëm, i druhem më shumë ekipit se mos lëshon në lojën e vet, pasi ka lojtarë që i gëzohen para kohe titullit dhe më pas mund të gabojnë në fushë. Aq më tepër që skuadra, deri tani, nuk ka qenë perfekte, pasi ka shfaqur anë të dobëta në fushë. Vlen të përmendet pjesa e parë në Vlorë, ndaj Flamurtarit. Gjithashtu, nuk është ndonjë gjë e madhe të jesh në krye të kampionatit në një moment të caktuar. Ne jemi me pikë të barabarta me Teutën dhe vetëm një ndeshje na ndan nga dy rivalet e tjera, Tirana dhe Dinamo. Kështu që në të ardhmen besoj se do të jetë shumë më e vështirë, por jo e pamundur që ta mbajmë kreun.
- Në dy javët e fundit, Partizani ka fituar bindshëm. A është ky një tregues pozitiv për të ardhmen?
- Një gjë të tillë do ta vërtetojë koha. Për ne, pozitive ishte që ndalëm Tiranën para dy javësh, e cila, nga ana e saj, nuk njihte asnjë humbje, dhe një javë më pas fituam ndeshjen e parë në trasfertë. Ne po punojmë që të kemi ecuri pozitive, por duhen vlerësuar nga ana tjetër edhe kundërshtarët, që janë tepër të fortë dhe, për më tepër, shumë pranë nesh.
- Atëherë, cili është çelësi i suksesit të deritanishëm?
- Shumë punë, pak zhurmë. Nëse ecim deri në fund të kampionatit me këtë filozofi, besoj se do t'i kemi më të lehta gjërat në të ardhmen.
- Në Vlorë janë aktivizuar disa minuta Brashini dhe Bylykbashi. Cila është gjendja e tyre?
- Po, në Vlorë i kam provuar të dy këta lojtarë. Bylykbashi nuk mund ta përballonte deri në fund ndeshjen, sepse ka ende probleme nga dëmtimi i pak javëve më parë. Ndërsa braziliani ka pasur probleme fizike dhe prova e shkurtër në Vlorë ishte një sinjal për të në javët e tjera.
- Cili është ndryshimi i Partizanit të fillimit të kampionatit me ekipin e tanishëm?
- Ne nuk kemi më probleme me repartet e lojës apo me ndërlidhjen e tyre. Në fillim, shumë lojtarë të formacionit bazë luanin për herë të parë bashkë dhe nuk e njihnin mirë lojën e njëri-tjetrit, gjë që tani nuk ndodh. Në këtë kontekst, edhe loja ka pasur ngritje në javët e fundit.
- Deri në fund të fazës së parë kanë mbetur dy ndeshje, me Besën dhe Shkumbinin. A premtoni gjashtë pikë për të qenë Partizani në krye të fazës së parë?
- Të gjitha ndeshjet duhen fituar, por për të qenë të sinqertë, nuk ka kundërshtarë të lehtë. Ne synojmë që të jemi në krye deri në fund të fazës së katërt dhe, për këtë arsye, do të bëjmë të gjitha përpjekjet që t'ia arrijmë vetëm me punë.

Aranit MURAÇI 'Sporti Shqiptar'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Një faqe interneti për tifozët e kuq

Rezultatet e mira që Partizani ka arritur në këtë fillim kampionati, e ka rritur shumë interesin e tifozëve të kuq anembanë botës. Për këtë arsye tifozët, të cilët ndodhen jashtë Shqipërisë, dhe që, natyrisht, e kanë më të vështirë të informohen për ekipin e tyre, pas suksesve që Partizani ka arritur në kampionatin e fundit kombëtar, kërkojnë vazhdimisht informacion për ekipin e tyre të zemrës. Kështu, ditët e fundit, për t'u ardhur në ndihmë të interesuarve, është hapur sajti www.partizani.20m.com, ku jepen rezultatet e fundit të Partizanit në kampionatin kombëtar, si dhe në Kupën e Shqipërisë. Gjithashtu, në faqen sportive, tifozëve të ekipit të Partizanit, përveç këtyre, u jepen edhe të dhëna të tjera për të gjithë lojtarët, si dhe lajme të ndryshme nga kampionati ynë kombëtar i futbollit. Ndër lajmet e para bie në sy blerja e bujshme e Klodian Duros, si dhe loja e shkëlqyer e tij në derbin ndaj Tiranës. Ndërkohë nuk mungojnë edhe të dhëna të hollësishme për historikun e Partizanit, si dhe futbollistët që luajnë në këtë sezon futbollistik. Kësisoj, me anë të këtij sajti, tifozët e të kuqve anembanë botës do të jenë më të informuar për skuadrën e tyre, që të paktën deri tani premton t'u kthejë titullin e munguar prej një dekade të tërë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Partizani, pas votimeve i kthehet stërvitjes

Ndonëse e kishin planifikuar që të vazhdonin edhe sot stërvitjen të kuqtë e kanë bërë pushim, sepse lojtarët janë lënë të lirë të shkojnë për votime. Shumë nga lojtarët e Partizanit janë nga rrethet, kështu që trajneri Spahiu u ka komonikuar të shtunën të gjithë futbollistëve që e diela do të jetë pushim, ndërkohë që stërvitja do të vijojë të hënën sipas programit të zakonshëm. Sot pasdite ekipi i Spahiut pas teorisë së drekës pritet të dalë në stërvitje për ndeshjen e radhës kundër Besës. Sot, ekipi pritet të dalë i plotë në stërvitje, pasi do të kthehet edhe Klodian Duro, pas misionit me kombëtaren, si dhe Bejzade pas dëmtimit.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Mesfushori i ri durrsak është i lumtur që përfaqëson ngjyrat e ekipit të zemrës

Hasho: Jam me fat që luaj me Teutën

Hasho, njëri prej "zbulimeve" të Teutës në këtë sezon
futbollistik, me lojën e tij i ka fituar zemrat e
tifozerisë durrsake. Njëkohësisht, ai ka përligjur edhe besimin e trajnerit Lika. Hasho, sidomos në ndeshjet e fundit, është bërë faktor kyç dhe mjaft i rëndësishëm në ekipin durrsak. I aktivizuar në ndeshjet e para të kampionatit, kryesisht në pjesët e dyta, si zëvendësues, Hasho bëri një përfaqësim dinjtoz në ndeshjen me Tiranën. Kësisoj, futbollisti në fjalë mund të konsiderohet një nga talentet e futbollit durrsak. Në një intervistë për "Sportin shqiptar", mesfushori durrsak do të komentonte:
- Si e ndien veten Hasho te Teuta?
- Teuta është ekipi im i zemrës. E quaj veten me fat dhe e kam për nder të luaj dhe të përfaqësoj ngjyrat e saj, të një futbolli me tradita, siç është ai durrsak. Te Teuta ndihem mjaft mirë. Shpresoj shumë që me lojën time të kontribuoj sadopak në ecurinë pozitive të ekipit.
- Si e vlerësoni fitoren e fundit në kampionat, ndaj Tiranës në "Qemal Stafa"?
- Ishte vërtet një fitore e bukur. Kemi luajtur me shpirt dhe me disiplinë të fortë taktike, gjë që u konkretizua me një fitore të rëndësishme. Me atë që morëm në këtë ndeshje, fituam kryesimin në renditje, njëkohësisht kapërcyem një pengese të vështirë, siç është Tirana. Them se e merituam fitoren. Madje, në pjesën e dytë, po të ishim treguar më të kujdesshëm, mund ta thellonim avantazhin.
- Pas kësaj fitoreje të rëndësishme dhe me vlera, a mendoni se Teuta do të jetë pretendente kryesore për titull?
- Sigurisht, këtë e vërtetuam edhe në ndeshjen e fundit. Do ta kërkojmë titullin më shumë se kurrë. Kemi një grup futbollistësh që luajnë prej kohësh me njeri-tjetrin dhe mbartin vlera të mjaftueshme për të fituar trofe. Një avantazh tjetër i këtij sezoni për ne është fakti që kemi një stol rezervash, që fare pak ndryshon nga formacioni i parë.
- A ndiheni keq kur e nisni ndeshjen nga stoli?
- Jo, aspak. Sigurisht, për mua, e rëndësishme është të luaj. Me punë po synoj të arrij formën më të mirë, që ta meritoj një vend në formacionin e parë të Teutës. Trajneri Lika gjithmonë u ka krijuar hapësira futbollistëve që e meritojnë të luajnë, duke u nisur nga vlerat e tyre.
- Po ndeshjen e radhës, me Flamurtarin, si e pret Hasho?
- Me optimizëm. Duhet ta vlerësojmë në maksimum ekipin vlonjat, i cili, ndonëse ndodhet në pozicion të vështirë në klasifikim, ka vlera. Duhet të japim gjithçka në fushën e lojës dhe të ruajmë ecurinë pozitive në kampionat. Objektivi ynë, pa diskutim, do të jetë vetëm fitorja.

Llambi KALLÇO 'Sporti Shqiptar'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Ndihmëstrajneri i "lagunarëve" e sheh me optimizëm të ardhmen e ekipit që drejton bashkë me Cikleanun

Canaj: Lushnja po përmirësohet dita-ditës

Barazimi i padëshirueshëm me Shkumbinin, arritur në javën e 7-të të kampionatit kombëtar të futbollit, i mundon ende futbollistët e Lushnjës. Këta të fundit, pavarësisht se kanë luajtur me dëshirë e ambicie të lartë për ta fituar këtë takim, nuk ia kanë arritur dot qëllimit. Për zëvendëstrajnerin e Lushnjës, Agim Canaj, ekipi i tij ka çaluar kryesisht në fazën përmbyllëse të aksioneve, pikërisht në momentin e konkludimit në portën kundërshtare. "Futbollistët tanë, sidomos sulmuesit, nuk kanë arritur të konkludojnë si duhet në fazën përmbyllëse të aksioneve. Përgjegjësinë për këtë barazim, më shumë se kushdo, e kemi ndier edhe ne, stafi teknik i "lagunarëve". Na erdhi shumë keq që nuk e fituam këtë takim, në një kohë që mundësitë i kishim." Sidoqoftë, edhe pse shprehet i dëshpërruar për mosarritjen e fitores ndaj peqinasve, Canaj vlerëson lojën e ekipit që drejton, së bashku me Cikleanun. "Duke i lënë mënjanë rezultatet teknike, duhet pranuar se loja e Lushnjës, nga java në javë, ka ardhur duke u përmirësuar ndjeshëm. Me thënë të drejtën, as që duam ta kujtojmë fare atë takim, - thotë ish-dinamoviti Canaj. - Nëse arsyetojmë në këtë linjë, nuk duhet të jetojmë ende me keqardhjen e ndeshjes me Shkumbinin. Them kështu, sepse ne, si trajnerë, e kemi vlerësuar faktin që futbollistët po korrigjohen dalëngadalë. Kryesorja është që po mbrohemi mjaft mirë, duke mos u dhënë mundësi kundërshtarëve ta rrezikojnë portën tonë. Këtë fakt e kemi vërtetuar edhe në dy takimet e fundit, ku më testuesi për ne qe trasferta me të fortët e Dinamos. Duke u nisur nga këto përmirësime në lojën tonë, nuk i kemi rënduar lojtarët psikologjikisht. Madje i kemi falënderuar për lojën cilësore që zhvilluan ndaj Shkumbinit, edhe pse nuk i arritëm objektivat," - thotë Canaj. Mosarritja e objektivave të caktuara nga presidenca në dy ndeshjet e fundit, natyrisht që ka pasur një kosto financiare për verdhejeshilët. Është zbatuar një nga pikat e kontratës, sipas së cilës të gjithë futbollistëve dhe dy trajnerëve u është mbajtur gjysma e rrogës mujore. Sidoqoftë, një gjë e tillë nuk e shqetëson aspak zëvendëstrajnerin Canaj. Sipas tij, Lushnja po e vazhdon normalisht stërvitjen dhe, duke përfituar nga ndërprerja e kampionatit, po tenton të eliminojë defektet e saj. Këto defekte konsistojnë në mosmarrjen si duhet të përgjegjësive organizuese nga ana e mesfushorëve dhe çalimi i lojës në krahë. "Këto probleme që thashë më sipër, përfshi këtu edhe finalizimin e dobët, do t'i korrigjojmë shumë shpejt," - e përfundon komentin e tij për "Sportin shqiptar" zëvendëstrajneri i Lushnjës, Agim Canaj.

Pëllumb Peci 'Sporti Shqiptar'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Cikleanu, testim fizik lushnjarëve

Trajneri rumun i Lushnjës, Aurel Cikleanu, dhe djemtë që drejton po i vijojnë me intensitet përgatitjet për ndeshjen e radhës në kampionat. Barazimi me Shkumbinin, javën e shkuar, i ka vështirësuar ndjeshëm pozitat e Lushnjës në tabelën e klasifikimit. Sidoqoftë, pavarësisht rezultateve të dy javëve të fundit, Lushnja, sipas stafit teknik të këtij ekipi, ka korrigjuar shumë, sidomos në lojën mbrojtëse dhe në shpirtin e garës. Stërvitja e djeshme e verdhejeshilëve ka konsistuar në disa testime shpejtësie, që ka aplikuar kreu i "lagunarëve", Cikleanu, së bashku me ndihmëstajnerin Agim Canaj. Këto testime kanë përfshirë vrapimet e shkurtra, si 30, 50, 100, deri në 200 metra. Në 200-metërsh, gjendja e lushnjarëve ka rezultuar mjaft e kënaqshme.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kapiteni portokalli flet për situatën në ekipin e tij dhe për ndryshimet në stafin teknik

Stojku: Elbasani do të dalë mbi problemet

"Ekipi i Elbasanit po punon sistematikisht për të pasur rezultate pozitive në javët e ardhshme të kampionatit dhe për të mos rrezikuar qëndrimin në Grupin A1, sikurse ndodhi sezonin e shkuar," - i tha "Sportit shqiptar" kapiteni i portokallinjve, Gentian Stojku. Më tej, Stojku vazhdon: "Stafi i futbollistëve të Elbasanit ka qenë gjithmonë i gatshëm për t'i realizuar detyrat sipas udhëzimeve të trajnerëve. Prandaj, sipas mendimit tim, asnjëherë, për rezultatet jo të mira të ekipit, nuk kanë pasur përgjegjësi futbollistët. Ata janë të interesuar të japin maksimumin në fushën e stërvitjes dhe në ndeshjet zyrtare, por ndoshta vendosja e tyre jo në pozicionet e duhura ka sjellë një rënie të përgjithshme të nivelit të lojës së Elbasanit. Kjo është shoqëruar edhe me mungesën e rezultateve pozitive." Në të vërtetë, situata në kampin portokalli, pak a shumë, është kështu siç e përshkruan kapiteni Stojku. Në katër javët e fundit, Elbasani ka marrë vetëm 1 pikë, nga 12 të mundshme. Mungesa e rezultateve bëri që ekipi portokalli të zbresë disa shkallë më poshtë nga vendi i tretë, ku ndodhej në fillim të kampionatit. Stojku thotë se ndien keqardhje për humbjen e tri ndeshjeve të fundit, të cilat, sipas tij, me më pak kujdes nga ekipi i tij, mund të ishin fituar. "Elbasani, pas ndryshimit të trajnerit, pretendon t'i harrojë humbjet dhe t'u rikthehet fitoreve. Që të arrijmë rezultate pozitive, futbollistët duhet të punojnë me tendosje të lartë në çdo seancë. Trajneri i ri, Edmond Mustafaraj, i ka kthyer normalitetin e munguar frymës së grupit. Ai ka zgjedhur një metodë pune, që i shkon për shtat natyrës së lojës së ekipit tonë. Prandaj, nën drejtimin e tij, shpresat për rritje cilësore të Elbasanit janë të mëdha. Elbasanit nuk i mungojnë kualitetet, prandaj do të dalë shumë shpejt mbi problemet e brendshme."

Fatmir Popja 'Sporti Shqiptar'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Hajdari nënshkruan për Shkumbinin

Shkëlqim Hajdari ka filluar këto ditë stërvitjen me Shkumbinin. Që nga e premtja e kaluar, ai është vënë nën urdhrat e trajnerit Deliu. Ardhja e tij te Shkumbini është mirëpritur, duke qenë se do të jetë një forcë më shumë në këtë ekip. 25-vjeçari nga Librazhdi, që këtë sezon vesh për herë të parë fanellën bardhekaltër, veç ekipit të tij, Sopotit, është aktivizuar me sukses edhe me Flamurtarin e me Elbasanin. Madje, me portokallinjtë, Hajdari ka zhvilluar edhe fazën përgatitore të verës. Kanë qenë mosmarrëveshjet financiare me drejtuesit e këtij klubi, ato që e detyruan këtë futbollist të largohej nga portokallinjtë dhe të zgjidhte përfundimisht Shkumbinin. Përpara 2 vjetësh, Hajdari është stërvitur disa javë te Shkumbini, por problemet familjare e detyruan të largohet në prag të nënshkrimit me bardhekaltrit. Hajdari dallohet si një mesfushor me tipare sulmuese. Vetë ai pohon për "Sportin shqiptar" se e ndien veten mjaft mirë te Shkumbini dhe dëshiron të japë më të mirën e tij për ekipin e ri.

Ali Hallulli 'Sporti Shqiptar'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Peqinasit shpërblehen për pikën e parë

Futbollistët peqinas kanë përfituar shpërblimin e parë
financiar për këtë sezon futbollistik. Barazimi që arriti Shkumbini në Berat, përballë Lushnjës, pati shumë vlera për ekipin peqinas. Madje, pika e parë e marrë në këtë fillimkampionati u konsiderua nga drejtuesit e klubit peqinas si fitore. Barazimi me Lushnjën, përveçse tregoi forcat reale të ekipit, i gëzoi dyfish futbollistët peqinas, të cilët morën shpërblim financiar. Çdo futbollist, për pikën e marrë në Berat, u shpërblye me 25 mijë lekë të reja, shumë e cila, përpara dy ditësh mbushi sadopak xhepat e bardhekaltërve. Ky është shpërblimi i parë në këtë kampionat, pa llogaritur atë të kalimit të turit të dytë të kupës, me Skënderbeun, ku peqinasit morën nga 10 mijë lekë të reja. Me këtë shpërblim, drejtuesit e klubit bënë realitet premtimin e dhënë para ndeshjes. Shpërblimi financiar u bë i mundur nga bujaria e bashkisë së qytetit dhe e biznesit në Peqin.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Mbrojtësi i krahut të djathtë është i bindur se barheblutë do të dalin nga ky moment i vështirë

Sina: Tirana nuk dorëzohet lehtë

Nuk është hera e parë që në karrierën e tij me fanellën e Tiranës provon shijen e hidhur, që i lanë dy humbjet me dy prej rivalëve të drejtpërdrejtë në luftën për titull. Megjithatë, është i bindur se skuadra e tij nuk dorëzohet aq lehtë, siç mund të mendojë ndokush. Elvis Sina, mbrojtësi i krahut të djathtë të kampionëve, merr përsipër përgjegjësitë e tij për 6 pikët e lëna rrugës me Partizanin dhe Teutën dhe ka besim te kthesa e madhe që në derbin e radhës me Dinamon. Në një deklarim për "Sportin shqiptar", 25-vjeçari bën të ditur se çdo skuadër, në një kampionat të gjatë si ky i sivjetmi, do të ketë edhe çaste të errëta. "Na vjen shumë keq për dy humbjet e pësuara brenda pak ditëve dhe për 6 pikët e lëna me dy kundërshtarët tanë, Partizani dhe Teuta. Përpara këtyre dy ndeshjeve nuk e kishim menduar se do të përfundonim deri këtu dhe do ta lëshonim kreun e klasifikimit. Për ne kanë qenë katër ditë të errëta, që çdo ekip në një kampionat të gjatë si ky i sezonit që po luajmë, mund t'i kalojë. Për fat të mirë, nëse mund ta quajmë kështu, gjithçka ndodhi tani, kur akoma nuk kanë filluar llogaritë për shpalljen kampion dhe ne kemi mundësi për të rikuperuar,"- shprehet numri 2 i bardhebluve. Në 7 ndeshjet e para të kampionatit, Tirana ka koleksionuar 5 fitore, asnjë barazim dhe 2 humbje, me një golevarazh 24 gola të shënuar dhe 10 të pësuar. Ajo që bie më shumë në sy, është loja me shumë oshilacione e repartit të mbrojtjes, ku edhe Sina bën pjesë. Por për të defekti nuk qëndron vetëm këtu, pasi, sipas Elvisit, në një skuadër profesioniste, siç është Tirana, duhet që të gjithë të mbrojnë dhe njëkohësisht të sulmojnë. "Për mua, nuk është prapavija reparti që ka vuajtur më shumë, por e gjithë skuadra në tërësi, pavarësisht se përgjegjësia bie mbi ne, mbrojtësit, për golat e pësuar. Nëse pretendojmë se jemi profesionistë, duhet ta ndihmojmë njëri-tjetrin si në mbrojtje ashtu edhe në sulm. Secili prej nesh duhet të japë maksimumin në ato momente që luan, sikurse edhe unë, për ato gabime që kemi shfaqur së fundmi, mbaj përgjegjësitë e mia. Ajo që më sjell keqardhje hëpërhë është mërzitja e tifozëve tanë, të cilët nuk i durojnë dot humbjet me kundërshtarët direktë. Por të gjithë duhet të jemi të ndërgjegjshëm se jo çdo gjë ka përfunduar me kaq. Kanë mbetur edhe 29 javë deri në përfundim të kampionatit dhe i kemi të gjitha mundësitë për të mbledhur pikët e nevojshme që do të na shpallin sërish kampionë,"- vazhdon idenë ish-mbrojtësi i kombëtares në periudhën kur trajner ishte Xhuzepe Dosena.
Ditët e pushimit, si rrjedhojë e ndeshjes së kombëtares kuqezi me atë portugeze, stafi i kampionëve po i shfrytëzon në maksimum, për një përgatitje në të gjitha parametrat fiziko-taktikë.
Të shtunën, 20 herë kampionët do të luajnë derbin e dytë në kampionat me rivalët blu dinamovitë, ku do të synohet edhe kthesa. Elvis Sina është i mendimit se për këtë takim të radhës po merren të gjitha masat e nevojshme për t'u rikthyer te fitorja. "Kemi disa ditë që po vazhdojmë përgatitjet tona për ndeshjen ndaj Dinamos. Duhet medoemos të rikthehemi te fitorja në këtë përballje tjetër derbi, pasi vetëm në këtë mënyrë mund ta kalojmë momentin e vështirë të para pak ditëve. Mos harroni se Tirana nuk dorëzohet kollaj dhe shumë shpejt do ta gjejë buzëqeshjen e munguar. Rëndësi ka që të jemi të qetë dhe të përqendruar,"- i jep fund idesë së tij mbrojtësi Elvis Sina.

Aurel CELIBASHI 'Sporti Shqiptar'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Gjithmonë, në situata të vështira, ekipit shkodran i janë gjendur pranë "pinjollët" e tij

Vllaznisë, talentet shpëtimtarë

Vllaznia është ekipi që kërkon të sfidojë "milionerët". Kjo, pasi shkodranët duket se i kanë lënë prapa njëherë e mirë problemet e fillimit të sezonit. Rezultatet e fundit të tyre, për më tepër loja e zhvilluar dhe dëshira për të ndryshuar pozitivisht, janë faktorët që i kanë bërë tifozët kuqeblu të besojnë sërish te kuqeblutë, te ky ekip, që të gjithë e etiketojnë Vllaznia e "Dedës". Merita e malazezit, sigurisht, është e padiskutueshme në këtë kthesë të ekipit shkodran. Haxhiosmanoviçi ka arritur të rikthejë besimin e munguar në radhët e kuqebluve. Ky ekip ka brenda tij lojtarë të rinj të talentuar, të cilët janë prodhim "made in Shkodra". Shkolla e futbollit e këtij qyteti, siç dihet, ka nxjerrë emra të mëdhenj gjatë historisë së këtij sporti në vendin tonë. Nga kjo shkollë ka dalë i madhi Sabah Bizi që vetëm 18 vjeç pati spikatur me talentin e tij. Tanimë, te Vllaznia e sotme kemi një Hamdi Salihi 19-vjeçar, që po e merr "për dore" ekipin shkodran. Salihi ndoshta nuk e ka ende madhështinë e Bizit, por, gjithsesi, zotëron talent të padiskutueshëm. Shkodra, kësisoj, duket se nuk do të qëndrojë asnjëherë pa nxjerrë ndonjë talent në futboll, në sportin që ka "lindur" për herë të parë në këtë qytet, në Shqipëri. Jo shumë kohë më parë, pakkush besonte te talenti i Elvin Beqirit. Madje ky i fundit, me mjaft vështirësi shkoi në ekipin Shpresa, ndërkohë që tani është titullar i padiskutueshëm i kombëtares së Brigelit. Edhe tani, në kampionat, në përpjekje për të zënë vendin që i takon, Vllaznia po u beson djemve të saj. Kuqeblutë kanë ulur kokën në stërvitje, duke djersitur shumë nën drejtimin e malazezit Haxhiosmanoviç. Në javët në vazhdim, atyre do t'u duhet të përballen me 4 ekipe "milionere", për sa i përket merkatos që kanë bërë. Për Vllazninë, "merkatoja e vogël", që u mbyll tani, pas vendimit të FSHF?së, nuk solli asgjë. Për shumë dashamirës të saj, më mirë që ndodhi kështu, pasi më tepër se një afrikan, malazez apo dhe brazilian, që vjen për të luajtur 6 muaj apo një vit në Shkodër, rritja e një "filizi" të ri shkodran vlen shumë më tepër. Kjo jo vetëm për Vllazninë, por edhe për futbollin shqiptar.

Gjergj KOLA 'Sporti Shqiptar'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Dibra, ende i pamundur për kuqeblutë

Shtatlarti i mbrojtjes shkodrane, Ilir Dibra, vazhdon të jetë i dëmtuar e, për rrjedhojë, i pamundur për t'i shërbyer Vllaznisë. Ai ka munguar në seancat e fundit stërvitore të javës së kaluar të ekipit shkodran. Dëmtimi që ka pësuar në ndeshjen e para tri javëve, me Tiranën, vazhdon ta shqetësojë mjaft 26-vjeçarin kuqeblu. Shqetësimi i shfaqur në ligamentet e gjurit të këmbës së djathtë ka mbetur deri tani vetëm në kuadrin e konstatimit, pa arritur në një konkluzion apo diagnozë të saktë të dëmtimit. Kjo do të thotë se nuk dihet ende sesa do të zgjasë riaftësimi i tij. Një mungesë e tillë, si kjo e Dibrës, natyrisht që i prish shumë punë stafit drejtues të Vllaznisë, kur dihet që ai nuk kanë shumë alternativa për të zgjedhur në repartin e mbrojtjes.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.