Gjebrea: Ne, stervitje edhe te dielen

Parid Gjebrea, ndihmesi i Spahiut te Partizani, eshte shprehur dje se te kuqte nuk e nderpresin per asnje dite stervitjen. Kuptohet, jo me te gjithe lojtaret, por ekipi ka dale ne fushe edhe te dielen paradite. "Kane qene rreth 8 lojtare, - tha ai, - qe jane stervitur te dielen. Kane marre pjese ata qe nuk ishin ne ndeshjen ndaj Tiranes, apo qe kane luajtur pak minuta, si portieri i dyte Agolli, Hallaci, Plaku, Brachini etj". Ai sqaron se braziliani Abilio eshte me grip dhe nuk eshte stervitur dje, por ai do te niset me skuadren per ne Vlore, sot ne ora 15.00. Gjithashtu, sulmuesi tjeter ****oka ka qene me grip qe pas ndeshjes me Tiranen dhe te dielen nuk ka bere stervitje, por dje ishte ne fushe. "E rendesishme eshte qe ekipi po ecen mire, - thote Gjebrea, - ana fizike eshte rritur, sepse ne po punojme me dy seanca ne jave nga Liqeni Artificial, nga 1 ore e gjysem. Gjithashtu, edhe problemet e vogla qe kishim lidhur me seancat teorike qe kryejme, jane fashitur, sepse lojtaret e kuptojne se cdo gje qe behet, eshte e nevojshme dhe per te miren e skuadres".

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Spahiu: "Partizani ende nuk me kenaq"

Trajneri i te kuqve, pasi vlereson fitoren ndaj Tiranes, shprehet se nuk eshte ky maksimumi i lojtareve te tij: "Shumica e futbollisteve, jo ne formen me te mire fizike. Te mos krahasohemi, thjesht, me nivelin e kampionatit shqiptar, por te mendojme per Kupat e Europes". Sot, udhetimi drejt Vlores per javen e 7-te

TIRANE - Trajneri i Partizanit, Ilir Spahiu, nuk duket fort komod nen peshen e fitores 3-1 ndaj Tiranes, ne kampionatin kombetar te futbollit. I ulur ne nje tavoline te nje lokali ne klubin Partizani, Spahiu, duket i mendueshem dhe pak i trembur. "Nuk jam shume mire, - thote ai, - kam frike se mund te na hyje vetja ne qejf pas kesaj fitoreje ndaj Tiranes". Spahiu eshte nje nga trajneret me te rinj te kampionatit shqiptar, por njekohesisht nje nga me te miret ne testimin e trajnereve qe organizoi Federata Shqiptare e Futbollit, ne vere. Ai shprehet keshtu, ne nje interviste per "Korrieri"-n:

-Z.Spahiu, a jeni i lumtur pas fitores me Tiranen?

"Une nuk ndjehem shume mire pas kesaj fitoreje. Pergjegjesia me e madhe fillon pikerisht pas kesaj. Nese gabojme ne nje ndeshje tjeter te kampionatit, do nisin kritikat si "ju mundet Tiranen, si po lini pike me ekipet e tjera". Kam frike se mund te na hyje vetja ne qejf. Do te doja une t'ju beja nje pyetje ...".

-Bejeni ...

"...C'mendoni ju per ndeshjen tone me Tiranen?"

-Mendoj se e merituat fitoren dhe se luajtet mjaft mire".

"Kurse une do thoja se ne kishim Bejzaden dhe ****oken vetem pergjysem, si dhe lojtare te tjere jo ne formen e tyre me te mire. Dje ne stervitje ju thashe lojtareve qe te mos mjaftoheshin se kishin mundur Tiranen".

-Cfare ende nuk ju pelqen?

"Forma fizike duket qe eshte e mire, por une kerkoj me shume. Kjo sepse e di se deri ku mund te arrijne lojtaret. Kete ia thashe futbollisteve. "Ju jeni larg limiteve tuaja, iu thashe, pavaresisht se luajtet mire me Tiranen".

-A jeni i kenaqur me mbeshtetjen qe iu jep presidenti Xhani?

"Po, jam shume i kenaqur. Duket qe ai e vlereson punen dhe une pikerisht kete gje po perpiqem te bej. Te punoj sa me shume, sepse nuk duam thjesht te shkelqejme ne kampionatin shqiptar, por te matemi me nivelin e kupave te Europes, konkretisht te Liges se Kampioneve".

-U duket mjaft mire ndaj Tiranes.

"Une e kisha studiuar lojen e Tiranes ne videokasete. Kisha arritur te dalloja disa pika te dobeta te saj dhe i udhezova sulmuesit qe t'i benin presing mbrojtesve te Tiranes, sepse ajo nuk ishte mesuar qe ekipet kundershtare t'i benin presion. Kjo ia vlejti".

-Si e mendoni kampionatin?

"Shume te veshtire, duke nisur nga ndeshja e neserme ne Vlore, me Flamurtarin. Tirana eshte ende ne krye dhe do te reagoje pas humbjes, kjo eshte e sigurt. Flamurtari do te kerkoje pike, sepse ka shume pak dhe sepse luan ne fushen e vet. Ndersa lojtaret e mi duhet ta kene te qarte se nuk duhet ta ulin ngarkesen per kete ndeshje. Ta harrojne se kane fituar ndaj Tiranes. Tani nis pjesa me e veshtire e kampionatit. Duhet te kalojme Vloren, se pastaj do te jete me e lehte".

B.Kuka 'Korrieri'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Do thirren në Prokurori lojtarë të Vllaznisë e Dinamos

Provat e Dukës nuk mjaftojnë

Prokuroria e Tiranës deklaroi dje, se provat e paraqitura deri tani nga Armand Duka, president i Federatës Shqiptare të Futbollit, nuk do të konsiderohen prova materiale. Burime nga organi i akuzës thanë dje, se artikujt e gazetave evropiane dhe kasetat filmike mbi ndeshjet e dy klubeve të denoncuara nga Duka, nuk përbëjnë prova materiale. Sipas Prokurorisë, pala denoncuese duhet të paraqesë materiale të tjera në zyrat e akuzës, për të vertetuar fajësinë e palës së denoncuar. "Në kushtet kur provat materiale mungojnë, hetuesit janë të detyruar të marrin në pyetje futbollistët e dy klubeve të denoncuara, Dinamo dhe Vllaznia", thanë burime të akuzës. "Akuzat e paraqitura në denoncim, për shitje të ndeshjeve nga këto dy klube, nuk mund të vërtetohen vetëm me shkrimet e gazetave të huaja, apo me kasetat filmike të ndeshjeve", thanë burime hetimore të çështjes. Sipas të njëjtave burime, hetuesit do të cilësojnë si prova materiale vetëm deklarimet që do të japin futbollistët e Dinamos dhe Vllaznisë, para hetuesve. Presidenti i Federatës Shqiptare të Futbollit, Armando Duka, denoncoi para pak ditësh në Prokurorinë e Tiranës drejtuesit e dy skuadrave, Dinamo dhe Vllaznia. Akuzat e nënvizuara në materialin denoncues, sipas Prokurorisë, janë shitja e ndeshjeve të vlefshme për kompeticionin e UEFA-s, nga drejtuesit e dy ekipeve. Në denoncim, presidenti i Federatës, Duka, ka saktësuar se padit shitjen e ndeshjeve në kompeticionin e UEFA-s, konkretisht ndeshjes së Vllaznisë ndaj ekipit skocez Dandi United dhe Dinamo ndaj ekipit belg të Lokeren. Kallëzimi penal, i bërë nga Duka, përmban shkrime të gazetave të ndryshme evropiane dhe vendase, në lidhje me ndeshjet, materiale të ndryshme filmike. Por dje, Prokuroria ka kërkuar materiale të tjera hetimore në mbështetje të hetimit, pasi materialet e paraqitura deri tani, në bazë të legjislacionit shqiptar, nuk konsiderohen prova materiale.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Trajneri i sapoemëruar në pankinën dinamovite është i bindur se do të kapë kreun

“Edhe unë do e thyej Tiranën”
Demollari: S’do bëj reformë por do arrij objektivat

Jagert Dyrmishi 'Gazeta Shqiptare'
Një prishje "mendjeje" në çastet e fundit, ka bërë që Delijorgji të thërrasë në pankinën e dinamovitëve një legjendë të së kaluarës, siç është Sulejman Demollari.Serbo-malazezi Tomasetoviç dukej se ishte ulur në pankinën blu, por drejtuesit e klubit, këtë radhë, kanë vënë në punë "zemrën", çka do të thotë një emër me peshë për një pankinë që i takon një skuadre me emër. "E them me bindje se do ta thyejmë edhe ne Tiranën", ka qenë fraza e lëshuar dje nga trajneri i sapoemëruar. "Sula" e ka marrë me një optimizëm mjaft të madh detyrën e trajnerit të bluve. Një rrugë e gjatë që duhet përshkruar deri në arritjen e objektivave, të cilat, sipas Demollarit, nuk kanë ndryshuar dhe Dinamo do përpiqet që t'i realizojë.Çfarë ju bindi që të zgjidhnit Dinamon, të paktën pankinën?Kuptohet që grupi i lojtarëve është një grup që premton për objetivat që ka Dinamo dhe mbi të gjitha mbështetja, si e presidentit, ashtu dhe ajo e shefit të klubit. Këto më bindën që Dinamo të vazhdojë në ato objektivat e saj që ka për të dyja trofetë. Kështuqë, edhe unë me kënaqësi e pranova detyrën e trajnerit të Dinamos, sigurisht nisur dhe nga vlerësimi që kanë drejtuesit e klubit karshi meje.Kontrata i kënaq të dyja palët apo kjo gjë u bë thjesht në emër të së kaluarës...?Tani, përderisa unë pranova, mund të them se të dyja palët kanë mbetur të kënaqur dhe secili ka marrë përsipër punën e tij. Presidenti do të më mbështesë, ndërsa unë duhet që të arrij ato që kërkon ai.A do ketë ndryshime thelbësore në grupin e lojtarëve?Jo, nuk besoj. Meqë Dinamo po kalon një krizë në këto tre ndeshjet e fundit dhe puna e trajnerit të mëparshëm Marko duhet respektuar. Megjithatë, këto janë gjëra, për të cilat më shumë vendos presidenti. Ndonjë reformë të madhe nuk do të ketë, por do të ketë ndryshim në mentalitetin dhe mendimin e vetë lojtarëve, të cilët kur zbresin në fushë janë protagonistët kryesorë të Dinamos.Merkato është rihapur dhe mbyllet deri në datën 10. A i keni bërë ndonjë kërkesë presidentit për afrimin e ndonjë lojtari, për të cilin skuadra ka nevojë?Jo, nuk besoj. E thashë dhe më lartë që kam mbështetjen e presidentit. Në mbledhjen e fundit, ata u shprehën vetë se, nëse ekipi ka nevojë për përforcime, pra lojtarë të nivelit që i shkojnë për shtat Dinamos, janë të gatshëm që ta ndihmojnë ekipin.Diferenca mes Tiranës dhe Dinamos është katër pikë. A mund të kapen bardheblutë nga ekipi juaj, nisur dhe nga fakti që do të keni një ndeshje direkte në javën e parafundit?Kuptohet, që katër pikë nuk janë ndonjë diferencë e madhe, megjithatë në kampionat çdo ndeshje ka rëndësinë e saj dhe veçantinë e saj, që duhet vlerësuar në maksimum. Për çdo ekip trepikëshi është njësoj si në transfertë ashtu dhe në ndeshjet brenda, e në këtë sens Dinamo nuk bën përjashtim nga skuadrat e tjera.Duke lënë mënjanë ambiciet. Tirana a mund të thyhet nga Dinamo?E them me bindje po. Meqenëse e pranova dhe këtë detyrë të re kam bindjen që Dinamo ka grupin, ka kolektivin dhe mund të thyejë çdo ekip, jo vetëm Tiranën.Ndeshjet e kampionatit në mesjavëNdeshjet e javës së shtatë të Kampionatit Kombëtar të Futbollit do të rinisin nesër me të pesta takimet. Këtë e ka vendosur sektori i garave në FSHF, ku në institucionin në fjalë, po dje, është hedhur dhe shorti i gjyqtarëve për këtë të mërkurë. Arsyet e "spostimit" të ndeshjeve kanë qenë të shumta, ku spikat takimi miqësor ditën e shtunë Portugali-Shqipëri, zgjedhjet lokale që do të zhvillohen të dielën si edhe kalendari tepër i ngjeshur i këtij sezoni me plot 36 javë. Ndër takimet e nesërme spikat sfida e kreut, Tirana-Teuta, një ndeshje mes dy skuadrave që i ndan vetëm një pikë.Dëmtohet Skerdi BejzadeSulmuesi i Partizanit, Skerdi Bejzade, në derbin e së shtunës me Tiranën ka pësuar një dëmtim në kaviljen e majtë, që do ta mbajë jashtë fushës së lojës të paktën për ndeshjen e nesërme me Flamurtarin. Bejzade është dëmtuar në kavilje pas ndërhyrjes nga prapa të Saimir Patushit dhe është detyruar të largohet nga fusha në përfundim të pjesës së parë. Sulmuesi nuk ka marrë pjesë në seancën stërvitore të djeshme për shkak të hematomës në kavilje, ndërsa sot paradite do të bëjë një ekzaminim të hollësishëm të dëmtimit, për të saktësuar edhe kohën e rekuperimit.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Variacione të reja të një teme të vjetër …

Diktati televiziv (jo) sportiv në Shqipërinë postkomuniste

''Besnik DIZDARI''

Gjatë ndeshjes më të bukur të Kampionatit të 65-të Kombëtar të Shqipërisë, asaj SK Tirana – Vllaznia 3-2, që u zhvillua në orën 16.00 të 27 shtatorit 2003, dy kanale televizive shqiptare transmetonin nde_shje të vëndeve, shteteve, kombeve të tjera, me një fjalë, kampionate kombëtare joshqiptare. Natyrisht qenë një cilësi e lartë futbolli. Dhe vetëm kaq mjafton për t’i thënë rinisë shqiptare: “Braktis një orë e më parë stadiumet dhe futbollin kombëtar!” Çka do të thotë çkombëtarizim kulturor. Edhe më interesant qe fakti tjetër: 60 minuta para fillimit të kësaj ndeshjeje të rëndësishme kombëtare shqiptare, një prej tre titujve të kopertinës së emisionit të lajmeve të një televizioni kryesor në Shqipëri, ishte njoftimi për një ndeshje të madhe të një kampionati të një shteti tjetër që do të luhej në mbrëmbje! Dhe për 30 minuta lajme që pasuan, asnjë fjalë, asnjë njoftim, asnjë gërmë me zë e pa zë, nuk u tha për Kampionatin e 65-të Kombëtar të Shqipërisë shtet, vend, komb, popull të cilëve i përket edhe ky televizion. E pra, ky kampionat shqiptar donte 20-30 minuta për të filluar! Çka ta quajmë këte qëndrim e sjellje televizive? AntiShqipëri?

E vërteta është , se sot askush nuk mund të kërkojë, që ndeshja më e vjetër e kampionatit shqiptar, SK Tirana – Vllaznia, e datuar si premierë më 6 prill 1930, të ketë 20.000 spektatorë siç ndodhte shpesh gjatë regjimit komunist, kur shqiptarët nuk kishin se çka të bënin tjetër, përveçse të shkonin në stadium.Veç jo deri këtu. 1500-2000 shikues sa ç’qenë për këte ndeshje të shtunën, dikur i kanë shkuar SK Tiranës në stërvitjet e Myslym Allës në vitet ’60 apo Vllaznisë në stërvitjet e Xhevdet Shaqirit në vitet ’70. Kjo shifër përbën ndërkaq, vetëm gjysmën e publikut i cili ndiqte këte shfaqje kombëtare në vitet ’30!

Kjo që ngjet sot tregon shkatërrimin e shijes futbollistike në Kampionatin Kombëtar në Shqipëri.



1. Dihet, që niveli ende i ulët i tij, nuk tërheq shumë shkues. Po ndërkohë që Federata Shqiptare e Futbollit - e ajo po mbështetet fuqimisht nga FIFA dhe UEFA - goditet kësisoj ashpër prej ekranit të vogël shqiptar të ndërkombëtarizuar me futbollin e të tjerëve pikërisht në oraret e ndeshjeve të Kampionatit Kombëtar, tashmà ky nuk është më thjesht problem komercial apo garë e bukur e ekonomisë së tregut, por një problem i madh i kulturës kombëtare, një problem etik, moral, atdhetar i përhapjes dhe zhvillimit të futbollit në një vend evropian, në këte rast të Shqipërisë. Ta do mëndja që duhet ndalë urgjentisht. Pra duhet ndalë transmetimi i ndeshjeve të huaja gjatë zhvillimit të ndeshjeve të Kampionatit Kombëtar, duke gjetur orare të tjera transmetimi për to.

Përjetojmë kësisoj, një kohë të rrallë të një diktati televiziv “sui generis” në postkomunizëm. Dhe është e skajëshme, kontradiktore, aprioristike në krejt kahet e dukurisë. Me një fjalë, ndërsa me ndeshjet e huaja në oraret e futbollit kombëtar, i bëhet një kundërvënie arrogante Kampionatit të Shqipërisë, nga ana tjetër, nxitet po kaq vrullëshëm, për të mos thënë ashpër, miratimi i një ligji që thuhet se do t’i japë mundësi të mëdha pikërisht kulturës kombëtare dhe tregut shqiptar të prodhimit e tjerë e tjerë. Në një kohë kur kahet e shpërpjestimeve janë krejt kontradiktore.

Kërkohet të mbrohet nga pirateria për ndeshjet e huaja “të blera”, e nga ana tjetër bash përmes tyre, jodrejtpërsëdrejti, i bëhet thirrje spektatorit shqiptar që të mos shkojë në stadium për të mbështetur, promovuar, siç thuhet deri në monotoni, sportin e futbollin e vëndit të tij.

Zëvëndësambasadori i SHBA në Tiranë, i intervistuar, me të drejtë tha se e gjithë kjo lëvizje ligjore shërben për të disiplinuar pavarësinë e krijimit kulturor kombëtar, për të zhvilluar ekonominë, çka do të bëhet kur të marrin përparësi programet shqiptare, pra ato kombëtare. Po ndërkaq, Serie A, Premiership, Division 1, Primera Division e Bundesliga, që ndryshe do të thonë kampionatet Italisë, Anglisë, Francës, Spanjës e Gjermanisë të marrin frymën duke ia arritur që brenda 48 orëve të transmetojnë deri 17 ndeshje për publikun e gjërë shqiptar, kronologji të cilën e kemi botuar kohë më parë. Nuk ngjet në asnjë vend të Evropës! Ndonëse është më e drejtë ndërkaq, që të thuash për “publikun e ngushtë”. Askush nuk mund të besojë se kjo monokulturë televizive në një familje shqiptare qytetare e fshatare, intelektuale a atdhetare, qoftë dhe kozmopolite, e përbërë me katër-pesë njerëz, të shtunën dhe të dielën në mbrëmbje të jetë e interesuar kësisoj “en bloc” për kampionate futbolli jashtëshqiptare.

Televizionet shqiptare, të cilët nuk testojnë as audiencën e tyre, nuk investigojnë publikun gati kurr, ose vetëm formalisht e propagandistikisht ndoshta për interesat e tyre thjesht komerciale, ushtrojnë kësisoj, një diktat kulturor të paparë. Pikërisht në mbrëmbjet e fundjavës, kur dihet se përparësi për dëshirat kulturore të një familje me mënd në krye, e kanë koncertet, filmat, programet kulturore, show-et artistike që thuajse nuk ekzistojnë më në Shqipëri, ato sociale, programet e historisë për të cilën asnjë TV nuk po bëhet trim e ta prekë sado pak me dorë, kur dihet se çfarë kaosi e rrénash vazhdojnë ta mbulojnë historinë shqiptare (çfarë ciklesh të mrekullueshëm televizivë që do të mund të bëheshin), këta televizione “kombëtare” pra, t’i asgjësojnë mbrëmbjet e së të shtunës e të dielës me futboll, me vetëm futboll. Edhe ky për fatkeqësinë tonë, është jo shqiptar, por i shteteve të tjera! Verifikoni po të doni: askund në Evropë nuk e gjeni edhe këte rast unik shqiptar! E pra quhen edhe TV “kombëtare”. Kur Fjalori i Shqipes e përcakton kështu “kombëtaren”:

“Që lidhet me kombin, a me kombësinë; i kombit a i kombësisë; që ka të bëjë me pjestarët e një kombi; që shpreh veçoritë e kombit. Çështja kombëtare. Pavarësia kombëtare. Flamuri kombëtar. Kultura kombëtare.”

Ndërsa për rastin që po trajtojmë, me “kombëtare” kuptojmë vetëm shpërndarjen e valëve në sa më shumë kilometra të territorit kombëtar. Mjerë ne, vërtet! A nuk duhet rindërtuar nga e para statusi i dhënies të së drejtës si “kombëtar” i një televizioni, ku përparësi të marrë përmbajtja kombëtare më parë se kilometrat e tokës ku mbërrin figura apo limonadat e fundjavës që nuk e shuajnë kurrsesi etjen për kulturë e dije? Pa shkuar mandej te përcaktimi “televizion i madh” që me dy fjalë të mençme, e shkatërroi gazetari i mirënjohur Bashkim Hoxha.





2. Preç Zogaj ndërkaq, u duk se lëshoi një bombë për tregtarët e televizioneve, duke thënë se në Parlamentin Shqiptar vijnë letra të shumta që kërkojnë krijimin e mundësive për të parë televizionin publik italian, RAI-n e mirënjohur, të cilin çuditërisht Partia e dikurshme, e lejonte për emisionin e lajmeve si dhe dhe për “La Domenica Sportiva”. Kam qenë i pranishëm në një mbledhje në Ministrinë e Arësimit, kur zëvëndëskryeministri i periudhës, Manush Myftiu, njohës i mirë i sporteve, tha disi i nervozuar gjatë një diskutimi disi teknik e kulturor për sportet: “A i shihni ju emisionet italiane për sportin? A mësoni prej tyre, se për ju i lejojmë ne ata?”

Ndërsa sot në dry!? Gjelivizion këto dit po merr dhe përcjell emisionin e shquar televiziv italian “Controcampo” të së dielës në mbrëmbje. Ta do mendja se për këte lloj “vjedhjeje” do të gëzohej edhe pronari i tij Silvio Berlusconi, një evropianist i shquar tashmà, po aq sa dhe italianist. Eshtë një lloj përhapje kulture në orë të vona jo për bllokimin me monokulturë të familjes shqiptare, por për diapazon universal për njerëzit e sportit. Këtu më duket se është masa në vendin e duhur, pa cënuar çkombëtarizimin. Përkundrazi.

Ndërkaq, duke iu kthyer informacionit të Zogajt, ai ngjalli në çast revoltën e tregtarëve të televizivë. Deputeti heshti, pasi lëshoi tingujt e “il contrapunto”, alternativën e temës: nga njëra anë mbyt futbollin kombëtar me atë ndërkombëtar, duke transmetuar ndeshjet e tjetërkuj me figurën e ndërkombëtarit, me përmbajtjen, madje me gjithë problematikën, në këte rast sportive të shtetit tjetër, sado universal që është futbolli. Dhe sapo të thuhet që duhet parë RAI prej shqiptarëve, se është edhe çështje lidhjesh të vjetra, bashkëkulturë mesdhetare e fqinjësh, hidhesh përpjetë. Dhe disi forcërisht, krejt papritmas shpalos tezën e programit kombëtar për publikun kombëtar. Me një fjalë, ndërkombëtar aty ku më intereson vetëm mua dhe kombëtar po aty ku më intereson prap, po vetëm mua. Dhe qytetari? Skllav i diktatit televiziv (jo) sportiv në Shqipërinë postkomuniste.

Eshtë një diktat i padëgjuar, në të dy kahet, që shpesh mbërrin në një kaos idesh, kulturash, mendimesh, të cilat nuk i shërbejnë qytetarit shqiptar, por interesit të fitimit të një pakice.

Në faqet e kësaj gazete kam shkruar, madje duke pyetur, se si ka mundësi që kryeqyteti i Shqipërisë që gjoja kërkon të shkojë në Evropë, është i vetmi vend po në Evropë që nuk jep për publikun e gjërë dy emitentët televizivë panevropianë Eurosport dhe Euronews? Kjo është tema e vjetër, që sërish vjen, tash me variacione gjithnjë të reja. Dhe heshtje. Kemi të bëjmë me një izolim kulturor. Këta do të ishin për ne padyshim të vetmit stacione televizive, që jo vetëm nuk do t’i frenonin a bllokonin idetë kombëtare të përhapjes së kulturës panevropiane për qytetarët shqiptarë, por do të ndikonin për një mbarështrim edhe më kombëtar të vetë ecurisë dhe zhvillimit të televizioneve shqiptare, duke iu kujtuar atyre qoftë edhe se si mund të bëhet përsëmbari një lajm televiziv për kombin tënd, që bie fjala, në Shqipëri të përsëritet dy herë brënda 1 minute: një herë pa figurë dhe në çast me figurë! Këtu me sa kuptoj, synonin idetë e Zogajt. Dhe pyesim: a është rastësi apo e parastudjuar me dinakëri që këto dy stacione panevropiane nuk shihen vetëm në Tiranën e kuqe? Mos duhet mbyllur edhe libraria e Librit Ndërkombëtar? Mos duhen ndaluar edhe qindrat e stacioneve të huaja radiofonike që i dëgjojmë përditë përmes tranzistorit?

Dëgjuam të thuhet se kush dëshëron të shohë përtej, le të blejë digitalin satelitor dhe gjithçka merr fund. Eshtë e vërtetë. Dhe patjetër që do ta blejmë, sepse një qytetar, një njeri me shkollë e me dëshira intelektuale të gjëra, nuk mund të durojë kaq gjatë një diktat televiziv në demokraci, që të jep vetëm “kulturën” e ngushtë që përzgjedhin një grup i vogël njerëzish për përgatitjen, nivelin, shijet, dituritë kulturore të të cilëve ende nuk dimë se çka të themi. E të nënshtrohemi si në kohën e Partisë, që si skllevër kulturor të presim se çka do të na blatojë sonte “kombëtari” i ekranit të vogël, pa pyetur asnjëherë qytetarët e këtij vëndi, se çka kërkojnë, çka dëshërojnë, çka synojnë ata vetë, çfarë kërkesash kulturore, politike, historike, sportive synojnë të marrin vetë ata përmes një televizioni.Ndërkaq, sa përqind e shqiptarëve tash për tash janë në gjëndje të blejnë digitalin? Por: “Nuk ia di i ngishmi të unshmit”. Sidomos i ngishmi i ri, se ai i vjetëri në të vërtetë, gjithmonë ia ka ditur.

Kohët e fundit kam vizituar Portugalinë dhe Zvicrën, madje qytete të klasit të parë të tyre si Oporto e Lozanë. A thua nuk kanë mundësi financiare ashtu si shqiptarët, edhe banorët e këtyre vëndeve, të cilëve bashkitë e qyteteve të tyre iu japin në shtëpi një tufë kanalesh të kulturave alternative të evropianizuara në harmoni me kulturën e shijen e tyre kombëtare, me në krye Euronews, Rai, Eurosport, BBC e CNN? Vetëm futboll të shteteve të tjera, me kësisoj prepotence në mbrëmbjet e tyre të së shtunës e të së dielës, nuk pashë të transmetohej aty, e aq më pak në oraret kur zhvilloheshin ndeshjet e kampionatit të tyre kombëtar. Çfarë sondazhi serioz ndër atdhetarë dhe intelektualë shqiptarë kanë bërë “televizionet kombëtare” shqiptare, në lidhje me transmetimin e ndeshjeve të kampionateve të shteteve të tjera, kur shteti shqiptar në ato orë zhvillon kampionatin e tij? Kë kanë pyetur, kë kanë anketuar, cilat janë përfundimet e gjithë këtij hetimi popullor? Deri më sot asgjë. Ti vazhdon të mbetesh skllav i një diktati televiziv të jashtzakonshëm, për paradoks, shì në demokraci!





3. “Ndërro kanal”, është një thënie e re në Shqipërinë postkomuniste. E ku? Vetëm te futbolli i shteteve të tjera majtas e djathtas për 50 orë rresht në mbrëmbjet e së shtunës dhe të së dielës? Ku të shkojë ai që nuk e ka dëshirë futbollin, por don historinë, muzikën, artin, politikën, etnografinë, zakonet, foklorin, ekonominë, gazetarinë, republikën, mbretërinë, polemikën, shkencën, natyrën, debatin, detin, malin, gjuhën, urbanistikën, kritikën letrare, olimpizmin?

Preç Zogaj dhe Bashkim Shehu, dy gazetarë tashmà të vjetër, kam përshtypjen se kërkonin të argumentonin se ky diktat, ky personalizim i shijeve, kjo garniturë kulturore shpesh hermafrodite, as shqiptare as ndërkombtare; dhe papritmas krejt ndërkombëtare, ndonjëherë deri në ksenomani; dhe në çast për një fushë të vetme madje, krejt shqiptare, ndonjëherë deri në ksenofobi që të servir një qerthull tejet i ngushtë kulturor, vetvetiu po krijon “skllavin” e ri televiziv në Shqipërinë postkomuniste. Nuk ia arritën dy gazetarët e shquar sepse hapësira nuk ishte për ta.

Ndoshta më parë se këte ligj që ndalon piraterinë, Parlamenti shqiptar si atdhetar që është, do të bënte mirë të miratonte një ligj po atdhetar, që përcakton qartë se sa përqind të programeve duhet të jenë kombëtare në një TV, radio a gazetë në Shqipëri. Në mos gaboj, Franca e ka një ligj të tillë, sidomos për aspekte që kanë të bëjnë me përparësinë e kulturës kombëtare, artit, muzikës, e pse jo edhe të sportit kombëtar. Dhe jo vetëm Franca.

Ky do të ishte ligji që do t’i jepte fund edhe diktatit (jo) sportiv në Shqipërinë postkomuniste, që shpesh me kundërshtinat e skajëshme që paraqet, tashmà i lodhi shqiptarët, duke ia dhënë kulturën sipas shijes së pronarëve, pa mohuar kurrsesi disa emisione kritike, të këngës popullore, të konkurseve artistike me të rinjtë, që kur kujton se sa mirë u pritën dhe vazhdojnë të priten nga publiku, në fund të fundit, janë një provë e asaj çka ne po trajtojmë përmes këtij shkrimi. Dhe mandej të parashikonin përcjelljen për publikun e gjërë edhe të atyre emitentëve televizivë ndërkombëtarë që sjellin idetë e mëdha dhe kulturën e madhe të evropianizimit për të cilat ka aq nevojë Shqipëria e sotme, përveç të tjerave, edhe për të përsosur nga ana profesionale pikërisht atë, kombëtaren e saj, ide të cilat nuk po ia arrijnë t’ua blatojnë shqiptarëve televizionet vendase.

Ligji për piraterinë - një sukses më i fundit në përsosjen ligjore në Shqipëri, ndonëse dihet që edhe pa te eskortat e policisë pushtuan një televizion para dokohe - megjithate, nuk mjafton nëse ai do të përdoret për të mbrojtur vetëm telenovelat e lehta amerikanojugore e ndeshjet e futbollit të shteteve të tjera që transmetohen kur luhen ato të Kampionatit të Shqipërisë. Se deri më sot nuk kemi parë asnjë TV shqiptar t’i shkojë ndër mënd e t’i vjedhë tjetrit lajmet apo emisionet e pakta kombëtare. E pra, vështirë që ky ligj që po reklamohet me kaq bujë, do të mund mbrojë kulturën kombëtare, marrëdhëniet e saj me kulturat e tjera (e bash për këto marrëdhënie duhen përcjellë për publikun shqiptar të paktën RAI, Eurosport apo Euronews që krijuan një traditë ndjekjeje në Shqipëri), çka do të plotësonin barazpeshën e marrëdhënieve kulturore, pa prekur aspak krijimin kombëtar, nëse vërtet ti je i gatshëm t’i japësh përparësi atij, gjë që për futbollin, të paktën deri tani, ke provuar të kundërtën.

Pa harruar ndërkaq, se me çfarë cilësie profesionale gazetarie na e jep këte kulturë, kur kujton mangësitë e jashtzakonëshme intelektuale, të kompetencës profesionale, të kulturës së gjuhës apo dhe të interpretimit televiziv të gjinisë nga pjesa dërmuese e të ashtuquajturve komentatorë e kronistë. Një diktat tjetër ky, shpesh i padurueshëm prej një grupi të përfshirë në TV pa konkurse e prova, pa rregulla e dituri, që për fat të keq, nuk i afrohet as konkursit të viteve ’70 të pranimit për radiokronistë në Radio Tirana.

''Gazeta Tema''

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Elbasani-Dinamo në orën 14.00

Mitingjet elektorale spostojnë edhe ndeshjet e Grupit A1, që do të zhvillohen sot. Shefi i sektorit të garave, Hito Hitaj, është shprehur dje se ndeshja Elbasani-Dinamo do të luhet në orën 14.00 dhe jo në orën 15.00, siç ishte menduar një moment të parë. Shkak i kësaj zhvendosjeje të orarit të ndeshjeve është bërë policia e Elbasanit, e cila ka dërguar një letër në Federatë. "Në zyrën time ka mbërritur dje një shkresë nga drejtori i policisë së qarkut të Elbasanit, Neritan Nallbati. Drejtori i policisë i ka kërkuar Federatës që ndeshja e programuar të luhet sot, në orën 15.00, në stadiumin e Elbasanit, të spostohet në një orar më të përshtatashëm," - është shprehur Hitaj. Kështu, sektori i garave, pasi është konsultuar me të gjithë, me skuadrat dhe Drejtorinë e Policisë së Elbasanit, ka vendosur që një nga ndeshjet kryesore të javës së 7-të të Grupit A1, Elbasani-Dinamo, të zhvillohet në orën 14.00 në stadiumin "Rruzhdi Bizhuta". Mësohet se shkak për spostimin e orarit të ndeshjes në Elbasan janë bërë tri mitingje elektorale që do të zhvillohen në të njëjtën ditë në këtë qytet. Kështu, policia e ka parë të arsyeshme t'i kërkojë FSHF-së që ndeshjen ta zhvillojë më parë, që forcat e rendit të kenë mundësi ta ndjekin sa më mirë këtë aktivitet sportiv, por edhe mitingjet elektorale.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Zhuli dhe Perloshi dënohen nga 4 javë

Endrit Zhuli dhe Leonard Perloshi janë dënuar 4 javë nga komisioni i disiplinës. Ky i fundit, i mbledhur dje, për shkak të ndeshjeve që luhen në fundjavë, ka vendosur që dy futbollistët e përmendur më lart t'i pezullojë katër javë nga aktiviteti. Komisioni i disiplinës, pasi ka shqyrtuar të gjithë dokumentacionin e ndeshjeve, është treguar shumë i ashpër me këta dy futbollistë, të cilët, sipas disiplinorit, kanë thyer rregulloret e aktivitetit. Kështu, futbollisti i ekipit të Lushnjes, Endrit Zhuli, dënohet 4 javë nga komisioni i disiplinës, pasi në ndeshjen me Dinamon ka fyer rëndë gjyqtarin e katërt të takimit. Për këtë veprim, gjyqtari i asaj ndeshjeje e ka nxjerë Zhulin nga fusha, pa i dhënë karton të kuq. Po me 4 ndeshje, është dënuar nga disiplinori edhe futbollisti i Besëlidhjes, Leonard Perloshi. Ky i fundit, në ndeshjen me Apoloninë, ka fyer publikun. Kështu, për këtë gjest, disiplinori ka vendosur që ky futbollist të pezullohet 4 ndeshje nga aktiviteti. Dënime ka pasur edhe në kampionatin e të rinjve, ku Endrit Çela i Elbasanit është dënuar 4 javë, pasi ka i gjuajtur me bluzë gjyqtarit të takimit. Paralajmërim ka marrë futbollisti tjetër i kësaj skuadre, Aldo Dibra, pasi nuk është sjellë në mënyrë të rregullt në ndeshjen e 17-vjeçarëve.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Sektori i garave shpall të pezulluarit

Katër futbollistë të skuadrave që bëjnë pjesë në Grupin A1 nuk do të luajnë në javën e 7-të të kampioantit shqiptar të futbollit. Kështu, për arsye kartonësh nuk do të luajnë në ndeshjet e sotme 4 futbollistë të skuadrave të Grupit A1. Lojtarët e pezulluar janë: Taulant Çerçizi i Flamurtarit, Ergert Bakalli i Dinamos dhe Rosha i Partizanit. Të tre këta futbollistë kanë nga tre kartonë të verdhë. Ndërkohë që nuk do të luajë as Endrit Zhuli, që është dënuar dje nga komisioni i disiplinës me 4 javë pezullim.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kampionët do të presin sot në "Qemal Stafa" Teutën e vendit të dytë, me synimin e vetëm fitoren

Tirana: Nuk gabojmë dy herë radhazi

Saimir Patushi, mesfushori me tipare shkatërruese i kampionëve, është i bindur se Tirana sot, ndaj "djemve të detit", ka për të fituar dhe në të njëjtën kohë ka për të larguar imazhin e keq të lënë në ndeshjen derbi me Partizanin. Matjani ka luajtur 45 minuta ndaj të kuqve dhe më pas është zëvendësuar nga trajneri Sulejman Mema. Duke qenë se loja në ato momente ishte acaruar dhe Patushi e kishte një karton të verdhë, tekniku bardheblu u detyrua ta zëvendësonte me Ervin Bulkun. Në një deklarim për "Sportin shqiptar", numri 21 i kampionëve ndien keqardhje për disfatën 3-1 të shtunën dhe është i bindur se Tirana nuk gabon dy herë radhazi. "Të gjithë në skuadër jemi të injinjuar për dështimin në derbi me Partizanin, pasi vërtet nuk e prisnim. Ajo humbje ishte një dush i ftohtë për ne, duke parë që në takimet e fundit kishim treguar disa oshilacione. Keqardhje më shumë ndiej për atë tifozeri të zjarrtë, e cila kishte mbushur shkallët e stadiumit me idenë për të festuar dhe në fund u largua kokulur. Megjithatë, nuk duhet të dorëzohemi këtu se qe vetëm një betejë e humbur. Janë edhe tri ndeshje të tjera dhe ndaj të kuqve kemi për të treguar se kjo fitore e marrë së fundmi ishte vetëm një rastësi,"- thotë 26-vjeçari. Duke filluar që nga e hëna, 20 herë kampionët kanë rifilluar seancat stërvitore, duke qenë se sot do të luhet java e shtatë e kampionatit. Kjo shtyrje e kampionatit bëhet me qëllim se të shtunën kombëtarja kuqezi do të luajë një miqësore me Portugalinë. Kështu që bardheblutë i kanë pasur ditët të numëruara për një përgatitje sa më të mirë ndaj Teutës, e drejtuar nga trajneri i mirënjohur Hasan Lika. Nga ana e drejtuesve të skuadrës po merren të gjitha masat e nevojshme, që futbollistët të ngrihen moralisht. Patushi është i mendimit se Tirana historikisht nuk gabon dy herë radhazi dhe fytyrën e vërtetë ka për të treguar me durrsakët. "Po bëj më shumë se një vit në ekip dhe asnjëherë nuk kemi gabuar dy herë rresht, çka tregon më së miri forcën dhe karakterin e Tiranës. Ky është një ndër mentalitetet më të forta që skuadra ka pasur dhe po e përçon edhe sot e kësaj dite, ndaj jam i bindur që me Teutën kemi për të bërë kthesë 180-gradëshe,"- komenton mesfushori energjik. Aktualisht, "djemtë e detit" janë të dytët në klasifikimin e përgjithshëm, sëbashku me Partizanin, dhe vetëm një pikë larg kampioneve. Kjo është arsyeja që takimi Tirana-Teuta do të jetë epiqendra e vëmendjes për opinionin sportdashës. "Mendoj se do të jetë një ndeshje emocionuese kjo e sotmja me Teutën. Durrsakët janë vetëm një pikë larg nesh dhe shkalla e vështirësisë është e madhe. Ne nuk druhemi dhe do të futemi në lojë me idenë e qartë për t'i marrë të tri pikët,"- përfundon deklarimin e tij mesfushori luftarak Saimir Patushi.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Bardheblutë me ndryshime ndaj Teutës

Sot, në orën 15:00, në stadiumin kombëtar "Qemal Stafa", Tirana do të luajë për javën e shtatë të kampionatit të 65-të kombëtar. Kundërshtarët e radhës për kampionët do të janë durrsakët e Teutës, të cilët aktualisht renditen në vendin e dytë. Pritet që formacioni i sotëm i bardhebluve të ketë ndryshime, duke filluar që nga porta, ku do të rikthehet i riu Isli Hidi. Në repartin e mbrojtjes rikonfirmohet treshja Dabulla-Hajdari-Pinari. Në mesfushë, dyshimet janë në lidhje me një prej qëndrorëve, ku Sokol Bulku dhe Ansi Agolli luftojnë për një vend. Në sulm pritet që titullar ta nisë takimin vlonjati Fjodor Xhafa, që në krah do të ketë Mukën me Halilin. Një dëmtim i lehtë, i pësuar në stërvitjen e fundit nga ana e Fortuzit, do ta detyrojë teknikun Mema që të mos rrezikojë me të, duke e mbajtur në stol. Një tjetër lojtar që ka probleme dëmtimi është edhe mesfushori Ervin Bulku, i cili ndien ende dhimbje në gjurin e dëmtuar disa kohë më parë. Pjesa tjetër e skuadrës është e plotë dhe dje pasdite, në fushën "Skënder Halili", ajo ka zhvilluar seancën e fundit stërvitore.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.