Te nderuar forumista :
Ketu mund te bashkebisedojme per kampionatin Shqiptar .
Rezultatet , renditjet si dhe informacione tjera c'do jave do i sjelli per kenaqesine tuaj.
Faleminderit....

JAVA E PARE E KAMPIONATIT KOMBETAR TE FUTBOLLIT (A1)

Rezultatet.

Partizani - Vllaznia 4 - 1
Teuta - Shkumbini 2 - 0
Dinamo - Besa 2 - 0
Elbasani - Flamurtari 2 - 1
Lushnja - Tirana 0 - 6

Renditja.

1.Tirana 3 pike
2.Partizani 3
3.Teuta 3
4.Dinamo 3
5.Elbasani 3
6.Flamurtari 0
7.Shkumbini 0
8.Besa 0
9.Vllaznia 0
10.Lushnja 0

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

KOMENTI I PERGJITHSHEM I JAVES SE PARE TE KATEGORISE SE PARE. ''A1''

Kampionati, Tirana luan tenis me Lushnjën

Asnjë surprizë në javën e parë të Kampionatit të 65-të Kombëtar të Futbollit. Katër nga skuadrat vendase arrijnë të fitojnë, ndërsa Tirana “shemb” ekipin e Lushnjës në fushën asnjanëse të Beratit. Kështu Tirana, Partizani, Dinamo, Elbasani dhe Teuta siguruan trepikëshin e parë, duke zënë pozicionet sipas renditjes së mësipërme në klasifikim. Tirana mundi thellësisht 6-0 ekipin e Lushnjës, ndeshje e cila u luajt në Berat për arsye rikonstruksioni të stadiumit “Roza Haxhiu”. Fitore të thellë mori dhe Partizani, duke mundur 4-1 Vllazninë. Dinamo fitoi 2-0 ndaj Besës. Dy golat e Stojkut i dhanë fitoren 2-1 Elbasanit ndaj Flamurtarit. Dhe goli i vetëm i Begesë, i dha fitoren Teutës kundra Shkumbinit. Javën e dytë pritet me interes ndeshja Vllaznia-Teuta në Shkodër.


Lushnja–Tirana 0:6
Në ndeshjen e luajtur në Berat, ekipi kampion i Shqipërisë, Tirana, ka fituar 6-0 ndaj Lushnjës. Takimi filloi me një lojë të mirë të ekipit të Tiranës. Sapo kishin kaluar tre minutat e para organizatori i saj ka vënë në shënjestër portën e mbrojtur nga portjeri Rumun, Enea. Deri në minutën e 38, mbrojtja e ekipit të Lushnjës ka rezistuar, por ka qenë minuta e 39-të kur Mahir Halili hapi serinë e golave për Tiranën. Një minutë para përfundimit të pjesës së parë, Devi Muka e ka çuar rezultatin 2-0. Në pjesën e dytë ekipi lushnjar filloi të kërkonte golin, por ka qënë minuta e 64 kur golshënuesi i Tiranës Indrit Fortuzi thellon rezultatin në 3-0. Pesë minuta më vonë, Halili ka shënuar golin e dytë të tij dhe të katërtin për Tiranën. Futbollistët krye-qytetas nuk janë kënaqur me këtë rezultat. Dy minuta para përfundimit të ndeshjes, Sokol Bulku dhe Indrit Fortuzi kanë shënuar dy gola të tjerë për Tiranën. Trajneri i Tiranës, Mema, tha se “skuadra e meritoi fitoren, pas një loje të bukur që zhvilloi”.

Partizani–Vllaznia 4:1

Vllaznia është mposhtuar nga Partizani në “Qemal Stafa”. Ndeshja është mbyllur 4-1, në favor të ekip kryeqytetas. Loja ka filluar e qetë nga të dyja skuadrat dhe me disa raste për shënim. Në minutën e 25 ekipi i Partizanit sulmoi tre herë radhazi portën e Vllaznisë me anë të Abilos, por pa rezultat. Një minutë më vonë braziliani ka arritur të tundë rrjetën e shkodranëve, duke u bërë goli i parë i kampionatit. Pas 9 minutash është realizuar goli i dytë nga Muzaka për Partizanin. Pjesa e parë u mbyll me rezultatin 2-0 për vendasit. Në pjesën e dytë, ekipi i Vllaznisë filloi të luante më mirë dhe ariti që në minutën 56 të shënonte golin e parë dhe të vetëm të takimit. Kur të gjithë mendonin për një barazim nga ana e shkodranëve, *censored*ioka ka shuar shpresat e Vllaznisë në minutën e 67. Në të 78-ën sulmuesi brazilian Abilio ka vulosur rezultatin në shifrat 4-1.

Dinamo–Besa 2:0

Dinamo ka fituar trepikëshin e parë të kampionatit brenda fushës së saj. Kryeqytetasit mundën dje Besën me rezultatin 2-0. Ekipi i Besës shkonte në kryeqytet të paktën për të marrë një pikë, por kjo gjë nuk ndodhi. Ekipi i Dinamos është vënë në kërkim të golit që në minutat e para të takimit. Pjesa e parë u mbyll me rrjeta të paprekura. Ndërkohë në pjesën e dytë dinamovitët hynë në fushë me synime për të fituar ndeshjen. Kështu, në minutën e 50, sulmuesi Ilir Qorri entuziazmoi tifozët tiranas, duke realizuar një gol spektakolar, duke u krahasuar nga goditja me brazilianin Roberto *censored*los. Pas pësimit të golit, ekipi kavajas është tërhequr në gjysmëfushën e tij. Dinamovitët kanë përfituar nga kjo tërheqje dhe në të 76-ën, Bakalli ka shënuar golin e dytë për ekipin e tij, duke vulosur rezultatin përfundimtar 2-0.

Teuta-Shkumbini 1:0
Edhe lojtarët e qytetit bregdetar të Durrësit kanë arritur ta fillojnë mirë kampionatin. Teuta fitoi ndeshjen e parë përballë ekipit të Shkumbinit me rezultatin 1-0. Ka qenë një lojë e barabartë nga të dyja skuadrat, por ka mbizotëruar efekti fushë në rezultat. Pjesa e parë është mbyllur në barazim 0-0. Në pjesën e dytë ekipi i Teutës bëri gjithçka për të fituar. Në minutën e 67, Bespalla ka dhënë një pas të saktë për Begenë dhe ky i fundit e ka çuar topin në rrjetën e portës kundërshtare, duke i dhënë fitoren ekipit të tij.

Elbasani–Flamurtari 2:1
Flamurtari nuk mundi të përballonte dot sulmin e ekipit të Elbasanas, duke humbur 2-1. Loja ka qenë e bukur nga të dyja skuadrat, por vendasit arritën të bënin një presion në portën e vlonjatëve, duke shënuar dy herë. Miqtë kanë kaluar të parët në avantazh në minutën e 31, me anë të Serianit. Por kjo nuk ka mjaftuar. Ka qenë kapiteni i Elbasanit, Gentian Stojku, që ka përmbysur gjithçka në favor të skuadrës së tij. Në minutën e 70, ai shënon golin e barazimit për skuadrën e Elbasanit dhe, 2 minuta para përfundimit, atë të fitores dhe të dytin në emrin e tij.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Java 2.

Flamurtari-Tirana 0-3
Partizani-Lushnja 1-0
Besa-Elbasani 1-1
Shkumbini-Dinamo 1-4
Vllaznia-Teuta 0-2

Renditja N F B H Gol P

1.Tirana 2 2 0 0 9-0 6
2.Dinamo 2 2 0 0 6-1 6
3.Partizani 2 2 0 0 5-1 6
4.Teuta 2 2 0 0 3-0 6
5.Elbasani 2 1 1 0 3-2 4
6.Besa 2 0 1 1 1-3 1
7.Flamurtari 2 0 0 2 1-5 0
8.Shkumbini 2 0 0 2 1-5 0
9.Vllaznia 2 0 0 2 1-6 0
10.Lushnja 2 0 0 2 0-7 0

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Komenti i javes se dyte.

Tirana, ritëm kampionësh edhe në Vlorë

Bardheblutë fitojnë lehtësisht 3-0 ndaj Flamurtarit, duke qenë shumë superiorë
Flamurtari e ka filluar kampionatin mjaft keq. Në dy ndeshjet e para ka pësuar vetëm humbje dhe ka një golaverazh negativ 1-5. Pra, sikurse shihet, nuk ka ku të shkojë më keq ky Flamurtari i këtij fillimkampionati. Në ndeshjen me Tiranën skuadra e kuqezinjve është paraqitur mjaft anemike, pa shpirt gare dhe me gjendje fizike për të dëshiruar. Flamurtari nuk arriti gjatë 90 minutave t'i kundërvihej Tiranës dhe, në momente të veçanta, kur loja ishte e ekuilibruar, tiranasit e kanë qarkulluar lirshëm topin me një takim. Bardheblutë kanë shënuar 3 gola, për faj të gabimeve në vendosje të mbrojtësve vlonjatë, të cilët, me lëvizjet e tyre krijonin hapësira të lira për kundërshtarin.

Besa-Elbasani, miqësisht në "Niko Dovana"

Kavajasit dhe elbasanasit e mbyllin në barazim 1-1
Takimi midis Besës dhe Elbasanit është karakterizuar nga episode interesante loje dhe raste të shumta për shënim, të cilat nuk u realizuan, më tepër për mospërqendrim para porte të sulmuesve dhe lodhje fizike, veçanërisht në pjesën e dytë të takimit. Elbasanasit e nisën lojën më mirë dhe u duk se do ta kishim më të lehtë me Besën, pas atij rasti të pastër të Stojkut në minutën e 3-të dhe të golit të Memellit në minutën e 7-të. Në të vërtetë, nuk ndodhi kështu, pasi Besa e rriti lojën e saj, duke vështruar më tepër portën e Gogunjës. Nga ana tjetër, Elbasani reagoi me kundërsulmin e rrezikshëm, me Stojkun dhe Memellin. Këta dy të fundit, nëse do të ishin treguar më të saktë në finalizim, do ta kishin ndëshkuar përfundimisht Besën e Kavajës. Gjithsesi, insistimi i Besës për të barazuar u konkretizua me penalltinë e fituar në minutën e 37-të. Kavajasit kanë arritur të shënojnë edhe golin e dytë, mirëpo, për fatin e tyre të keq, është anuluar nga gjyqtari anësor i ndeshjes. Në pjesën e dytë të takimit të dyja ekipet treguan shenja lodhjeje, gjë që u shoqërua me një ulje të ritmit të lojës. Duhet thënë se takimi midis Besës dhe Elbasanit nuk u ngrit mbi nivelin mesatar.

Partizani vazhdon me pike te plota.

Partizani fiton minimalisht 1-0 me Lushnjën për javën e dytë të kampionatit. Të kuqtë e teknikut Spahiu i janë falur golit mjeshtëror me goditje dënimi nga jashtë zone të elbasanasit Dorian Bylykbashi. Ky ka qenë dhe momenti më i bukur i të gjithë 90-minutëshit të luajtur. Ndeshja ka filluar e shpejtë për të dy skuadrat, por me një epërsi të lehtë të të kuqve. Megjithatë fundi i 45 minutave të parë ka qenë barazimi pa gola. Asnjëra nga skuadrat nuk ka mundur të rrezikojë seriozisht portën kundërshtare. Ndërkohë që vetëm dy minuta pas fillimit të pjesës së dytë, Bylykbashi shënon një gol të mrekullueshëm, duke i dhuruar avatazhin Partizanit. Që nga ai moment lushnjarët kanë dominuar pothuasje takimin, por pa mundur të gjejnë golin e barazimit, i cili do t’iu dhuronte dhe pikën e parë në këtë sezon.

Rragami: "Vllaznia, duhen ndryshime ne loje"
Mjeshtri i Merituar i Sportit, nje nder ish-futbollistet me te mire te Vllaznise ne vitet '60-'70, Ramazan Rragami, tha pas humbjes se pesuar te marten ne Stadiumin "Loro Borici" nga Teuta 2-0, se Vllaznia ka nevoje per ndryshime te medha ne loje. "Futbollistet shkodrane kane nevoje per ndryshime ne konceptimin dhe menyren e lojes. Eshte e pafalshme qe gjate 90 minutave lojtaret tane te mos jene ne gjendje te krijojne raste per shenim, theksoi ai. E gjithe kronika e lojes flet per nje varferi te lojes. Ndaj eshte detyre paresore qe te punohet me mire ne te gjitha repartet, por theksi duhet te vihet tek sulmi dhe mesfusha, ku dhe jane dobesite me te medha. Sot futbolli luhet sipas koncepteve te reja dhe me skema qe mund te ndryshojne disa here nga trajneret sipas momenteve qe krijohen". Krahas punes per eleminimin e dobesive nga drejtuesit e ekipit, ai vuri ne dukje se Vllaznia ka nevoje per disa lojtare me pervoje.

DINAMO :
Mesfushori i bluve mendon se pas dy fitoreve të para, skuadra ka fituar përqendrimin e duhur
Qosa: Ekipi po përmirësohet dukshëm
Futbollistët e Dinamos, të kënaqur nga dy fitoret e dy javëve të para të kampionatit, mendojnë se skuadra do të përmirësohet më shumë në javët e ardhshme. Njëri prej tyre është edhe mesfushori korçar, Rigels Qosa, i cili luan sezonin e tij të tretë me blutë e kryeqytetit. Ai është shprehur se Dinamoja po kalon një moment shumë të mirë pas fitores me Shkumbinin, ndërsa pritet që brenda pak javësh të arrijë në formën e saj më të mirë. Lojtari që i ka provuar të gjitha pozicionet në mesfushë, pohon se fitorja e fundit me Shkumbinin i ka dhënë shumë dorë skuadrës, duke e rregulluar shumë anën psikologjikë të lojtarëve. Më konkretisht në lidhje me dy ndeshjet e zhvilluara, Qosa është shprehur:
"Morëm atë çka kërkuam, pavarësisht se loja nuk ka qenë në lartësinë e duhur. Gjashtë pikët e fituara ndaj Besës e Shkumbinit sollën një atmosferë tjetër brenda skuadrës, pas paraqitjes jo të mirë që bëmë me Lokerenin e Tiranën

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Java e trete



Tirana-Besa 7-1

0-1 Kuli 18, 1-1 Sina 32, 2-1 Lici 50, 3-1 Dabulla 52, 4-1 S.Bulku 60, 5-1 Fortuzi 76, 6-1 Xhafa 80, 7-1 A.Tafaj 93



Teuta-Partizani 1-1

0-1 Muzaka 52, 1-1 Mancaku (p) 86

Dinamo-Vllaznia 3-0

1-0 Qosa 17, 2-0 Ziambo 47, 3-0 Ziambo 85

Elbasani-Shkumbini 5-0

1-0 Memelli 5, 2-0 Muca 20, 3-0 Ablade 34, 4-0 Memelli 57, 5-0 Stojku 59

Lushnja-Flamurtari 1-0

1-0 Kornea (p) 40

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Renditja N F B H Gol P

1.Tirana 3 3 0 0 16-1 9
2.Dinamo 3 3 0 0 9-1 9
3.Elbasani 3 2 1 0 8-2 7
4.Partizani 3 2 1 0 6-2 7
5.Teuta 3 2 1 0 4-1 7
6.Lushnja 3 1 0 2 1-7 3
7.Besa 3 0 1 2 2-10 1
8.Flamurtari 3 0 0 3 1-6 0
9.Vllaznia 3 0 0 3 1-9 0
10.Shkumbini 3 0 0 3 1-10 0

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Shenuesit

5 gola: Qorri
(Dinamo); 4 gola:
Fortuzi (Tirana);
3 gola: Stojku, Memelli (Elbasani;
2 gola: Halili, Mukaj, S.Bulku (Tirana), Abilio (Partizani), Ziambo (Dinamo), Mancaku (Teuta)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Komenti i javes 3.

Kampionati: Dinamo ndjek Tiranen, Partizani ndalet
Pas javes se trete, blute e Andrea Markos mbeten me pike te plota, pas 3-0 me Vllaznine, ashtu si dhe kampionet. Te kuqte u barazuan 4 minuta para fundit te takimit ne Durres, nga Teuta vendase pas nje penalltie shenuar nga Mancaku. Shkumbinit i del kallaji edhe ne Elbasan: 0-5. Flamurtari, Vllaznia e Shkumbini ne krize te thelle, mbyllin tabelen me nga 3 humbje .
TIRANE  Dinamo mbetet ndjekesja e vetme e Tiranes me pike te plota, pas javes se trete te kampionatit kombetar te futbollit, Grupi A1. Blute e Markos fituan thellesisht dhe me lehtesi ndaj Vllaznise, 3-0 ne Qemal Stafa, me gola te Qoses e Ziambos (2), duke pasur 3 fitore, po aq sa kampionet, por me golaverazh me te keq (9-1 ndaj 16-1). Partizani u duk se do te plotesonte sundimin e kryeqytetit ne kampionat, sepse kryesonte ne Durres 1-0 deri ne 86 (gol i Muzakes), por pikerisht atehere Mancaku ktheu ne gol nje penallti. Elbasani eshte ngjitur ne vend te trete, fale golaverazhit dhe fitores 5-0 ndaj Shkumbinit ne Ruzhdi Bizhuta, ndersa Lushnja arriti te marre piket e para ne kete edicion, me fitoren 1-0 ne Berat ndaj Flamurtarit e gol te rumunit Kornea me penallti. Nje dite me pare, pra te premten, Tirana kishte mundur keqazi, Besen ne Selman Stermasi, 7-1.

Ne Qemal Stafa, premtimet shkodrane per te dale me pike nga Tirana nuk kane pasur asnje baze. Dinamo luajti me mire, shenoi shpejt ne te 17-en minute me ane te korcarit Qosa, pas nje aksioni te bukur si skuader. Ashtu si gjithnje, blute luajten me qetesi dhe ne fillim te pjeses se dyte Ziambo realizoi edhe golin e dyte. Me pas afrikani shenoi edhe nje here, por goli nuk u quajt i rregullt per shkak pozicioni jashte loje. Shkodranet mbeten me 10 vete, pasi mbrojtesi i ri, Luka doli me karton te kuq per nje nderhyrje te rende dhe Ziambo plotesoi fitoren e vendasve ne 85.

Niko Dovana ishte stadiumi qe, i mbushur nga 5.000 tifoze, qe priti takimin me te rendesishem te javes. Teuta zhvilloi me shume vellim loje, por Partizani i Ilir Spahiut ishte me konkret. Ne pjesen e pare ishte braziliani Abilio qe humbi nje rast te mire per shenim goli, i shqetesuar edhe nga nje nderhyrje e sakte e Zeres. Ndersa ne fillim te se dytes, Gjergji Muzaka shenoi nga fare afer, fale topit te marre pikerisht nga Abilio. Sulmi durrsak ishte mjaft mire i mbuluar nga miqte, dhe u duk se te kuqte do te fitonin, por nuk ndodhi keshtu. Pasi trajneri Bici nderroi Begene e Khumalon, Mancaku fitoi dhe ktheu ne gol nje 11-metersh, duke u treguar i sakte para portierit Nallbani. Partizani u duk qarte se kishte shkuar per fitore ne Durres, sepse krijoi raste edhe ne minutat e mbetura (7, bashke me shtesen), me Bejzaden e Ardit Beqirin.

Elbasani, tani i treti, nuk vuajti thuajse aspak ndaj peqinasve te shnderruar. Korcari Memelli shenoi qe ne 5, Bujar Muca dyfishoi shifrat brenda zones, pas nje topi te marre serish nga Memelli, ndersa ganezi Ablade e mbajti fjalen e dhene duke shenuar golin e tij te pare ne kampionatin shqiptar. Kaq per 45 e para. Ne cerekoreshin e pare te se dytes, edhe nje here shenoi Memelli (me koke) dhe vulosi fitoren e thelle, kapiteni Gentian Stojku, ne 59.



VLLAZNIA :
Skuadra e Veriperendimit, themeluesja e futbollit shqiptar (me 1919) prej shume e shume vitesh nuk e shikon veten ne kete pozicion, pra e parafundit, pa asnje pike dhe me golaverazhin negativ, -8. Per me teper, sic tregojne komentatoret radiofonike dhe gazetaret nga Shkodra, skuadra ka shume dobesi ne loje, tregon nje pergatitje fizike te dobet dhe deshire te paket per loje.
Tronditja e krijuar nga vdekja e ish-presidentit Cela ende nuk eshte larguar, ndonese ne krye eshte nje tjeter president Cela. Nga skuadra e sezonit te kaluar jane larguar Devolli, Ishka, Romanishin, Bejzade, Elvin Beqiri, ndersa nga ajo qe doli kampion me 2001 kane mbetur vetem Osja, Zmijani, Belisha, Sinani, Martini, Kaci e Teli. Ne ekip ka shume emra te rinj si Salihi, Kraja, Bishja, Mashi, Hoti apo Luka. Mungesa e pergatitjes se duhur gjate veres po nxjerr krye tani, duke e detyruar pasardhesin e trajnerit Zhega, Haxhiosmanovicin qe te shpike nje faze pergatitore gjate zhvillimit te kampionatit. Ne te vertete, Vllaznia ka vuajtur edhe nga nje kalendar i hekurt i fillimit, por edhe ne dy javet e ardhshme nuk premtojne ndonje gje me te mire. Ne javen e peste 9 here kampionet e Shqiperise presin ne Loro Borici Elbasanin, ndersa nje jave me pas, me 27 shtator, zbresin per here te trete ne Qemal Stafa per te luajtur me Tiranen.

SHKUMBINI :

Shkumbini perben nje tjeter viktime te kampionatit te 65-te kombetar te futbollit. Pas 9 vjet paraqitje te mire (shpesh njollosur nga akuzat per dhune ne fushen e vet), skuadra peqinase po njeh periudhen me te veshtire qe nga 1994. Specialisti i futbollit, Gezim Kasmi, leshoi nje batute ne emisionin e Radio Tiranes, Nga njera ndeshje, ne tjetren. Peqini ka zhavorr nuk ka nafte, - tha ai, - prandaj ai eshte dobet ndersa Bylis e Naftetari jane mire. Largimi i presidentit Pirro Angjeli ka bere qe shume lojtare te largohen nga Peqini (Zaccanti, Cilufia, Machado, Bubeqi, portieri Osmani, Stavri, Klodian Dervishi, Oltion Osmani), ndersa faza pergatitore te ishte e manget. Rezultatet po duken, jo thjesht ne 3 humbje, por edhe ne 10 golat e pesuar.

FLAMURTARI :

Se fundi Flamurtari, por jo i fundit. Per nga rendesia ne futbollin shqiptar, ne kete treshe, vjen drejt e pas Vllaznise. Prej vitesh ishte keq (qe nga 1997), por tani eshte shpartalluar fare. Edhe nga kuqezinjte jane larguar lojtare: Billa, Nenaj, Driza etj. Per me keq, thuajse nuk ka bere dot faze pergatitore, per shkak te problemeve financiare me presidentin Selami. Ka disa vjet qe i shpeton renies per me poshte, por ky vit duket fatal.

LUSHNJA :

Canaj: Lushnja, tashme e cliruar psikologjikisht

Ana psikologjike kishte te bente shume ne kete ndeshje. E rendesishme ishte qe fituam, pavaresisht nga loja, sepse na duhej ky sukses. Ne kemi nje ekip mesatar, ne te cilin secili lojtar duhet te jape maksimumin qe te arrijme rezultatet e duhura. Pas dy goditjeve qe morem, sidomos pas asaj me Tiranen, kjo fitore do sherbeje psikologjikisht, sepse aspektet e tjera te lojes se futbollit ne i kemi pasur ne rregull. Kjo sidomos ne takimin me Partizanin. Por le te qendrojme, me mire me kembe ne toke. Ndeshjet e ardhshme do te jene te veshtira (Radio Tirana) 'KORRIERI'

Zhupa: Dinamo, fitore e merituar ndaj Vllaznise

Nuk mund te thuhet se ishte nje ndeshje krejtesisht e lehte, ndonese rezultati ashtu tregon. Ne jemi te kenaqur, ne pergjithesi nga loja, por jemi ne vazhden e pergatitjes sa me mire te skuadres. Mund te themi se lojtaret jane duke arritur formen e tyre me te mire, gje qe na sherben per te synuar objektivin: titullin. Shpresojme te vazhdojme te mbetemi me pike te plota edhe pas derbit me Partizanin.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

FOTBOLL - KUPA E SHQIPERISE :

Rezultatet e turit te pare :
Ne (kllapa) rezultati i ndeshjes se pare.

Bylis-Permeti 2-0 (4-1)
Beslidhja-Suci 0-0 (5-0)
Tomorri -Skarapri 2-0 (4-0)
Egnatia-Domosdova 11-0 (4-1)
Luftetari-Butrinti 5-1 (1-0)
Dajti-Burreli 1-0 (1-0)
Pogradeci-Maliqi 2-1 (2-1)
Iliria-Nacional 0-1 (1-2)
Skenderbeu-Gramozi 5-1 (0-0)
Delvina-Tepelena 5-1 (2-3)
Kastrioti-Rresheni 6-0 (4-1)
Sopoti-Fushembreti 0-1 (0-2)
Memaliaj -Kelcyra 2-0 (0-2)
Ada -Albania 3-2 (3-4)
Cerriku-Gramshi 5-1 (2-2)
Devolli-Melesini 3-1
Albpetrol-Policani 4-0 (2-2)
Laci-Kukesi 5-0 (3-1)
Aplonia-Cakrani 4-1
Erzeni-Clirimi 0-2




Janë luajtur 16 ndeshjet e para të turit të dytë të Kupës së Shqipërisë :

Turi i dytë i kupës, jo pa surpriza

Dje, në 16 fusha futbolli të qyteteve të ndryshme të Shqipërisë, është folur vetëm me gjuhën e këtij sporti. Këtë herë, kundërshtarët kanë ardhur nga kahe krejtësisht të kundërta, sepse skuadrave inferiore, të dala fitimtare nga turi i parë i kësaj veprimtarie kombëtare, u janë bashkuar edhe ato të Grupit A1. Nuk ka pasur shumë surpriza, kryesisht në rezultatet e fiksuara pas 90-minutëshave të parë të turit të dytë të Kupës së Shqipërisë, por ka pasur bollëk golash e kartonësh. Rekordin e golave të shënuar në këtë "akt" të kësaj veprimtarie, për turin e dytë, e mban ndeshja Fushë-Mbreti-Partizani, ku janë shënuar plot 10 gola. Nga këta, të kuqtë kryeqytetas kanë realizuar 8 gola, duke ua lënë vetëm 2 herë kënaqësinë e prekjes së rrjetës së tyre vendësve. Gjithsesi, për Fushë-Mbretin, dje ka qenë një festë e vërtetë, sepse mysafire kanë pasur një skuadër me emër në futbollin shqiptar, Partizanin. Kësisoj, humbja ka dalë pothuajse në plan të dytë. Interesant duket barazimi i arritur në ndeshjen e luajtur në Pogradec, mes vendësve dhe Dinamos. Trajneri i bluve, Andrea Marko, ka pasur disa mungesa titullarësh në formacion, por edhe të tjerët që kanë luajtur nuk janë më pak të njohur. Ish-skuadra e tij, Pogradeci, ka arritur ta frenojë Dinamon në fushën e saj, duke i marrë një barazim 1-1 në ndeshjen e parë të këtij turi. I befasishëm ka qenë edhe rezultati i arritur nga skuadra e sapokrijuar këtë sezon, FC Nacionali. Kryeqytetasit kanë mposhtur skuadrën laçiane me pretendime në grupin A2, 2-0, në ndeshjen e parë të turit të dytë të kupës. Në këtë rrugë ka ecur edhe Luftëtari i Gjirokastrës, skuadër e cila ka triumfuar ndaj "superskuadrës" së Grupit A2, Bylisit. Gjirokastritët kanë shënuar dy herë në portën e miqve, duke e mbajtur të paprekur rrjetën e tyre. Në derbin e veriut, Ada-Vllaznia, kuqeblutë kanë fituar pa shumë sforcim ndaj fqinjve të Velipojës, 2-0, duke shënuar kështu suksesin e parë në këtë sezon të ri futbollistik. Po kështu, edhe kampionët në fuqi, bardheblutë, nuk e kanë pasur të vështirë të fitojnë ndaj modestëve të Cërrikut, 3-0. Sidoqoftë, duke i lënë paksa mënjanë rezultatet teknike të ndeshjeve të para të turit të dytë të kupës, vëren se konkurrenca nuk ka qenë edhe aq e vogël. Gjithashtu, është marrë një numër i konsiderueshëm kartonësh të kuq, pa llogaritur këtu të verdhët, çka tregon se kjo garë nuk është parë nga askush me syrin sa për të kaluar radhën. Madje, disa skuadra të kategorisë së dytë, duke pasur privilegjin e të luajturit në shtëpinë e tyre, kanë arritur t'i frenojë "të mëdhatë".
Gjithsesi, nuk mund të thuash se ndeshjet e kthimit do të jenë vetëm një formalitet, sepse asgjë nuk është përcaktuar në 90-minutëshat e djeshëm. Ka çifte që mbajnë brenda tyre mjaft enigma, për sa i takon skuadrës që do të kualifikohet për më tej. Të presim datën 30 shtator, kur do të zhvillohen ndeshjet e kthimit të turit të dytë të kupës, për të parë se kush do ta hedhë "lumin" për më tej.

Takimet e para te turit te dyte te Kupes se Shqiperise

Ada-Vllaznia 0-2
Kastrioti-Beselidhja 2-1
Dajti-Veleciku 2-0
Skenderbeu-Shkumbini 1-1
Luftetari-Bylis 2-0
Cerriku-Tirana 0-3
Pogradeci-Dinamo 1-1
Egnatia-Teuta 0-1
Fushembreti-Partizani 2-8
Devolli-Elbasani 1-1
Naftetari-Besa 2-2
Tomori-Clirimi 1-0
DelvinaApolonia 5-0
Albpetrol-Flamurtari 0-2
Memaliaj-Lushnja 0-3
FC NacionalLaci 2-0

Takimet e kthimit do te luhen me 30 shtator.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Tirana udhëton për në Peqin. Vllaznia e “rrudhur” pret Elbasanin

Kampionati servir derbin kryeqytetas
Partizani kundra Dinamos. Sezoni nis këtu

Java e tretë e Kampionatit Kombëtar, servir derbin e kryeqytetit, në një sfidë, ku do të përqëndrohet dhe vëmendja sportive në këtë të shtunë.Rrokadë në kreun e renditjes vështirë se mund të pritet, por skuadrat që akoma nuk kanë siguruar pikët e para kanë mundësinë për të shfrytëzuar kalendarin, përjashto këtu Shkumbinin, që do të ketë një provë të vështirë kundra Tiranës së Memës. Mesjava ka thyer disi qetësinë e javës së tretë, ku ka patur lëvizje të shumta, si në pankinë ashtu dhe me transferimet e lojtarëve. Teuta ka rimarrë edhe njëherë Hasan Likën, pas dorëheqjes që ka bërë trajneri i mëparshëm Bici, ndërsa Brashini dhe Rizvanolli janë rikthyer edhe një herë në arenën e futbollit shqiptar. I pari është rikthyer përsëri nga Partizani, ndërsa i dyti te Dinamo, pas një aventure jashtë shtetit. Nuk mund të thuhet se këto lëvizje kanë ecur të qeta, përkundrazi, presidentët janë kujtuar disi vonë për të tilla gjëra, sepse afati i federimeve ka mbaruar dhe FSHF-ja, me të drejtë, bëhet pengesë për aktivizimin e tyre. Duke iu rikthyer ndeshjeve të sotme, derbi Partizani-Dinamo do të tregojë se cila nga këto dy skuadra është më e afta për të rivalizuar kampionen në fuqi, Tiranën. Dhe këtë gjë e konfirmon vetë tekniku i Dinamos, Andrea Marko: “Do vazhdojmë serinë e fitoreve dhe do të rivalizojmë Tiranën në rrugën drejt titullit”, shprehet kreu i bluve. Nga kampi tjetër, të njëjtën dëshirë ka dhe tekniku Ilir Spahiu, që Partizanin e tij nuk e mënjanon aspak nga lufta e gjatë për titull. “Duhet të mbajmë hapin e Tiranës, deklaron Spahiu, e për të bërë këtë, duhet të mundim një nga kryesueset”. E thënë shkurt, gjithçka është e hapur, ajo që do të gabojë më pak do të ketë më tepër shanse për të marrë një trepikësh. Nëse do të jetë Dinamo, atëherë bardheblutë duhet të bëjnë kujdes, e nëse do të jetë Partizanim ai që do të dalë kokëlart nga “Qemal Stafa”, e kotë të flasësh më pas për Tiranën. Dhe duke u ndalur te Tirana, ajo thjesht do të luajë në Peqin, kundra një Shkumbini që deri tani ka njohur humbjen. E vështirë për vendasit që të marrin një pikë, ndonëse ato janë tepër të domosdoshme, por skuadra e Memës deri tani ka treguar se është në një tjetër planet. Shifrat flasin qartë: 16 gola në 3 ndeshje të trembin. Por Mema nuk e jep veten. “Dua tre pikë dhe jo shumë gola, ka thënë dje tekniku në stërvitjen e fundit të bardhebluve në “Selman Stërmasi”, përpara nisjes për në Peqin.Me interes do të pritet sot dhe ndeshja e Vllaznisë kundra Elbasanit. Shkodranëve, pasi u “rrëshqiti” nga duart Klodian Duro, u mbetet që të mendojnë për të marrë pikët e para dhe të kthehen në nivelin që kanë patur këto vitet e fundit. Trajneri serb, Haxhiosmanoviç, do të mbështetet tek i njëjti grup lojtarësh, që ka patur në dispozicion që nga fillimi i kampionatit, ku sulmi, i formuar nga dyshja Sinani-Martini, duhet të kthejë tifozët në shkallët e tempullit shkodran, “Loro Boriçi”.

Java e katërt

Teuta-Lushnja
Partizani-Dinamo
Vllaznia-Elbasani
Shkumbini-Tirana
Besa-Flamurtari

Renditja

1.Tirana 9
2.Dinamo 9
3.Elbasani 7
4.Partizani 7
5.Teuta 7
6.Lushnja 3
7.Besa 1
8.Flamurtari 0
9.Vllaznia 0
10.Shkumbini 0

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.