SERIE A - Kampionati Italian - Faqja 9

AlbShkodra · #**281** 20-01-2004, 00:44

Morati jep doreheqjen !

MASSIMO MORATTI dhe 4 keshilltaret e tij ''Marco Tronchetti Provera, Paolo Giulini, Angelo Mario Moratti dhe Angelo Moratti'' dhane doreheqjen nga presidenca e klubit ''Black&Blu''.
Ne vendin e Moratit per momentin eshte vene zevendes presidenti ''Giacinto Facchetti''

''Inter.it''

AlbShkodra · #**282** 22-01-2004, 16:39

Momenti i artë për Francesco Totin

Shpreson që të jetë protagonist dhe në pjesën e dytë të sezonit, pastaj me të kaltërit në finalet e "Euro 2004". Paralelja krahasuese me Maradonën është një përgjegjësi e madhe. Në projektin e tij është dhe martesa me Ilari Blasin dhe "kjo në verën e ardhshme". Eshtë Francesko Toti që i bën të ditura këto përpara kamerave të TG1. "Sezoni i kaluar shfaqi Romën më të keqe, pohoi Toti. Nuk mund të shkonte më keq. Por në këtë sezon starti ishte me këmbën e duhur. Arritën tre-katër futbollistë, që ndryshuan mjedisin". "Ndërkohë grupi i veteranëve u kthye në nivelin më të mirë. Kjo shpjegon dhe vendin e parë që mban Roma. Për të arritur te titulli kampion duhet të vazhdojmë rrugën e fitoreve",- thekson më tej Toti. Kapiteni i Romës shpjegon dhe rolin e rëndësishëm të trajnerit Fabio Kapelo. "Eshtë e rëndësishme të kesh një trajner si ai. Të përcjell besimin dhe qetësinë, të rrit. Kapelo është shumë i rëndësishëm për rritjen e të rinjve". Çfarë provoi Toti në golin e tij të dytë me Sampdorian, që u krahasua me Maradonën dhe Pelen? "Maradona dhe Pele kanë bërë historinë në futboll dhe për mua kjo është përgjegjësi e madhe". Toti trajton dhe raportin me të fejuarën e tij. "Ilari me përcjell qetësinë, më ka bërë të rritem si njeri dhe si futbollist. Martesa? Këtë verë është evropiani, ndaj duhet të mendohem. Mund të mos jetë kjo verë".

AlbShkodra · #**283** 22-01-2004, 16:43

Zgjidhja Faketi për një kohë të gjatë

Ishte një ditë e gjatë pune ajo e djeshmja për Xhakinto Faketin, ishte një ditë "si të tjerat" për Masimo Moratin. Presidenti i ri dhe i vjetër kërkojnë që të venë në lëvizje makinën, pas dorëheqjes së paraqitur nga Masimo Morati dhe pesë anëtarë të bordit drejtues të Interit. Një keqardhje e madhe në shtëpinë e "zi-kaltërve". Por kurimi më i mirë është të harrohet humbja dhe zhgënjimi, për t'iu drejtuar merkatos së transferimeve. Adriano dhe Stankoviç arrijnë së shpejti në Milano dhe pse fjala e fundit nuk u tha dhe dje. Dorëheqja e Masimo Moratit "nuk është një dramë" sikundër e vlerëson vetë ai. Por megjithatë mbetet një shënjë ndryshuese në shoqëri. Xhakinto Faketi sikundër shpjegon Morati është "një zgjedhje për një kohë të gjatë", pasi "ai është njeriu i duhur, me përvojën e nevojshme, me ndershmërinë e kristaltë dhe dedikimin e madh për Interin. Pa folur se ai është një mik i madh për mua". Morati kështu nuk kërkon të rimendohet për aktin e ndërmarrë edhe pse shoqëria mbetet në duart e familjes së tij. Emri Morati do të mbetet për gjithnjë emblema spikatëse e klubit të Interit. Ishte gruaja e Masimos, Milly që e këshilloi të bënte hapin prapa, pas ndeshjes së të Dielës, që befasoi jo pak, duke filluar nga trajneri Zakeroni. "Puna ime sigurisht do të jetë më e vështirë, pohoi Zakeroni. Do të jetë një handikap për shoqërinë mungesa e Moratit, pasi ai ishte një pikë referimi. Ndihem dhe unë fajtor", theksoi Zakeroni. I befasuar ishte dhe Faketi: "Ishte një lëvizje që nuk e prisja, që u kristalizua vetëm pak minuta përpara mbledhjes së bordit drejtues. Ndoshta ndeshjet e fundit kushtëzuan këtë lëvizje".

AlbShkodra · #**284** 22-01-2004, 17:29

Massimo Moratti ka thene mjaft, pas 8 vjetesh e 11 muajsh si president i Interit.

Njeriu i vleresuar shume ne futbollin italian dhe ate europian, u largua si pasoje e protestave te tifozeve dhe mungeses se gjate te trofeve per klubin qe nuk e ka fituar titullin kampion qe nga viti 1989. Bashke me te iken edhe drejtuesit e tjere, Marco Tronchetti Provera, Paolo Giulini, Angelo Mario Moratti dhe Angelo Moratti.

"Po bej nje hap prapa, por nuk eshte nje drame, - foli shkurt miliarderi qe merret me nafte dhe futboll, - po ia le vendin Facchettit, me dukej e drejte t'i jepja nje post me rendesi. Kjo levizje do me ndihmoje t'i shoh gjerat me mire. Asgje me teper". Me pas ai shton nje fakt te rendesishem: "Nuk ndryshon pronesia e klubit dhe kjo eshte dicka qe ndodh edhe ne klube te tjere". Moratti tha per gazetaret qe e prisnin para shtepise se "kjo gje do i jape pergjegjesi edhe njerezve qe do te marrin ate detyre, pra Facchettit". Gazetaret e pyeten nese kishin ndikuar protestat e tifozeve ne vendimin e tij, por ish-presidenti tha se "jo, kete here pashe vetem nje parulle, madje jo edhe aq te tmerrshme". Ndoshta ka dashur te paralajmeroje lojtaret? "Nese ka kete efekt, akoma me mire", - thote Moratti per "Corriere della Sera"-n.

Precedenti

Edhe nje here me pare me 1999, Moratti beri nje levizje te tille. Ai dha doreheqjen per arsye te ngjashme, por me pas u kthye i kerkuar nga te gjithe. Ndryshimi i vetem me kete here eshte se tashme ka treguar nje emer si pasardhes, Facchettin.

12 trajnere ne 9 vjet

Kaq eshte numri i trajnereve te nderruar tek Interi ne periudhen e drejtimit te tij. Fillimi ishte me Ottavio Bianchi-n, kampion i Italise me Napolin me 1990. Pasuan Luis Suarez, Roy Hodgson, Luciano Castellini, Luigi Simoni, Mircea Lucescu, Luciano Castellini per here te dyte, Roy Hodgson i kthyer per se treti, Marcello Lippi, Marco Tardelli, Hector Cuper dhe ne fund Alberto Zaccheroni.

E gjithe kjo vlejti vetem per te fituar nje Kupe UEFA me 1998, ne finalen e Parisit ndaj Lazios, fituar 3-0, kur shenonte edhe Ronaldo.

Bilanci ne 8 kampionate

Ne tete sezone, pa llogaritur kete te fundit, Interi i presidentit Moratti ka zene dy vende te dyta, dy vende te treta, nje vend te katert, nje vend te peste, nje te shtate dhe nje te tete.

Historia

Massimo Moratti u be president i Interit me 18 shkurt 1995, i biri i te madhit Angelo Moratti, presidentit qe e ngjiti skuadren zikalter ne krye te Italise dhe te botes ne vitet 60-te. Dashurine per ngjyrat e klubit ai e kishte te trasheguar gjenetikisht, jo vetem nga babai, por edhe nga nena e tij, Erminia.

Babai, Angelo, presidenti me i madh interist

I ati i tij, Angelo, industrialist nafte, ishte bere president me 1955. Ai mbeti ne historine e klubit si "il Presidente", pra presidenti qe shoqeroi Interin ne nivele te paharrueshme, ndonese edhe atij iu deshen jo pak kohe per te arritur deri aty. Rezultatet e para nuk ishin te mira, por ne 1957, erdhi argjentinasi Antonio Valentin Angelillo, i rritur te Boca Juniors ne Buenos Aires qe nje sezon me pas shenoi 33 gola per Interin ne kampionat, rekord ende i pathyer. Ndonese Interi doli vetem i treti, pas Milanit dhe Fiorentines. Bashke me Angelon, per Interin mendonin edhe e shoqja, Erminia, qe e beri skuadren thuajse si nje familje te madhe, dhe femijet et ij, mes te cileve, Massimo, presidenti deri dje. Ne 1958 ne ekip erdhi Mario Corso, me 1960 Italo Allodi dhe Helenio Herrera, qe ishte trajner ne Spanje. Herrera, nje tip i kujdesshem, gjithnje i mbante syte te skuadra dhe e njihte mire futbollin. Me 1961, Juve e fiton kampionatin ne finish ndaj Interit, por aty ndodhi nje ngjarje qe la shenje. Ndeshja mes dy ekipeve, u braktis per hyrje te tifozeve ne fushe, iu dha Interit ne tavoline, por me pas u perserit. Zikalterit paraqiten ne fushe ekipin Shpresa, per proteste dhe Juventus fitoi 9-1. Goli i vetem per Interin u shenua nga i riu Alessandro "Sandro" Mazzola, ndersa debutoi Giacinto Facchetti dhe ne pjesen e dyte u hodhen ne fushe Picchi, Burgnich, Zaglio. Vetem me 1963, Angelo Moratti do ta fitonte kampionatin e tij te pare, pas 8 vjetesh. Massimo, i biri, pas 9 vjetesh ende nuk e ka fituar titullin e tij te pare. Pastaj Angelo fitoi me 1965 dhe 1966, duke bere qe Inter te mbushte kuoten e 10 titujve dhe te vendoste yllin ne fanelle. Dy vjet me pas, Moratti largohet, duke ia lene Interin, Ivanoe Fraizzolit. Bashke me 3 titujt ai fitoi edhe dy kupa te kampioneve dhe dy kupa nderkontinentale.

Hector Raul Cuper, shpresa qe u shua

Me 20 qershor 2001, Moratti dhe Cuper u takuan dhe firmosen kontraten ne te njejtin vend ku babai i tij, Angelo, firmosi kontraten me Helenio Herreren. Cuper kishte shkelqyer ne Spanje, me Mallorcan dhe Valencian, duke dale ne tri finale europiane. Me Mallorcan doli ne finalen e Kupes se Kupave me 1999, u mund 1-2 nga Lazio, ndersa me Valencian doli ne finalen e Kupes se Kampioneve me 2000 (0-3 me Real Madrid) dhe 2001 (humbje me penallti ndaj Bayern te Mynihut). Sezonin e pare tek Inter, ai doli ne vend te trete, ne sezonin pasardhes, doli i dyti, duke e lene titullin ne ndeshjen e 5 majit 2002 ne "Olimpico" te Romes, ne nje humbje 2-4 ndaj Lazios, kur i duhej fitorja. Ne Kupen UEFA arriti ne gjysmefinale me 2002, eliminua nga Feyenoord, ndersa ne Ligen e Kampioneve mberriti ne gjysmefinale me 2003, i eliminuar, per fat te keq, nga armiku me i madh, Milani (1-1, 0-0). Me 19 tetor 2003, pas 2-2 te 18 tetorit ne fushen e Brescia-s (nga 0-2 per Brescia-n), Moratti vendosi shkarkimin e trajnerit qe aq shume e deshi. "Vleresoj njeriun dhe profesionistin, - tha presidenti, - por ishte nje vendim qe duhej ta merrja ne te mire te Interit". Nuk u desh te kalonin shume kohe qe te ikte edhe vete.

''Korrieri''

AlbShkodra · #**285** 22-01-2004, 17:32

Inter merr Adrianon per 25 milione euro

U be kur duhej me pak se nje ore nga ndeshja per Kupen e Italise me Udinezen zyrtarizimi i rikthimit te Adrianos te Interi. Sulmuesi brazilian, 22 vjec ne shkurt qe ka 14 prezenca dhe nje gol me fanelen zikalter ne sezonin 2001-02, nenshkroi nje kontrate deri ne 30 qershor 2008. Inetri pervecse derdhi ne arkat e Parmes pak me shume se 25 milion euro, dha ne formen e huase nigerianin e te rinjve Isah Eliakeu, dhe Ianis Zicu, nje mesfushor sulmues romun i marre nga Dinamo e Bukureshtit.

AlbShkodra · #**286** 26-01-2004, 06:04

Serie A ; Java 18-te

Rezultatet

EMPOLI - JUVENTUS 3-3
21' (1T ) Rocchi T. (Emp)
30' (1T ) Trezeguet D. (Juv)
5' (2T ) Trezeguet D. (Juv)
10' (2T ) Rocchi T. (Emp)
17' (2T ) Rocchi T. (Emp)
31' (2T ) Trezeguet D. (Juv)

MILAN - ANCONA 5-0
19' (2T ) Shevchenko A. (Mil) (Rig.)
26' (2T ) Rui Costa M. (Mil)
33' (2T ) Tomasson J. (Mil) (Rig.)
39' (2T ) Kaka' R. (Mil)
45' (2T ) Kaka' R. (Mil)

ROMA - UNDINESE 1-1
16' (1T ) Panucci C. (Rom)
44' (2T ) Jankulovski M. (Udi)

MODENA - INTER 1-1
11' (1T ) Recoba A. (Int)
41' (1T ) Makinwa S. (Mod)

LECCE - LAZIO 0-1
11' (2T ) Cesar R. (Laz)

CHIEVO - BRESCIA 3-1
10' (1T ) Caracciolo A. (Bre)
7' (2T ) Barzagli A. (Chi)
28' (2T ) Santana M. (Chi)
39' (2T ) Sculli G. (Chi)

PARMA - BOLOGNA 0-0

SAMPDORIA - REGGINA 2-0
45' (1T ) Bazzani F. (Sam)
2' (2T ) Bazzani F. (Sam)

SIENA - PERUGIA 2 - 1
6' (1T ) Ravanelli F. (Per)
42' (2T ) Flo T. (Sie)
47' (2T ) Menegazzo F. (Sie)

AlbShkodra · #**287** 26-01-2004, 06:15

Renditja pas javes se 18-te.
1.Roma 43
2.Milan 42
3.Juventus 40
4.Inter 32
5.Parma 32
6.Lazio 32
7.Sampdoria 27
8.Udinese 27
9.Chievo 25
10.Siena 21
11.Bologna 21
12.Brescia 19
13.Modena 18
14.Reggina 17
15.Empoli 13
16.Lecce 12
17.Perugia 10
18.Ancona 5

Goleshenuesit
15 A. Shevchenko Milan
12 D. Trezeguet Juventus
11 F. Totti Roma
10 F. Bazzani Sampdoria
9 C. Vieri Inter
8 L. Adriano Parma (Inter)
8 E. Chevanton Lecce
8 D. Fava Passaro Udinese
7 A. Caracciolo Brescia
7 M. Di Vaio Juventus
7 F. Flachi Sampdoria

AlbShkodra · #**288** 27-01-2004, 02:28

Novelino: Faleminderit, djema!

Sampdoria renditet në vendin e shtatë të Serisë A, vetëm pesë pikë larg arritjes së objektivit sezonal, vendin e gjashtë që do të thotë Kupë UEFA. Një objektiv, i cili pohohej me gjysmë zëri në fillim të sezonit, por që tani besohet nga i gjithë ambianti dorian. Blukaltrit kanë arritur një fitore të rëndësishme, 2-0, ndaj Rexhinës, të shtunën në mbrëmje. Trajneri i Sampdorias, Novelino, duket i kënaqur në fund të ndeshjes, pavarësisht nga lojtarët e dëmtuar: "Duket si një buletin lufte. Gjithsesi, jam i lumtur për këtë fitore, që nuk ishte aspak e lehtë. Lëvizëm mirë në fushë dhe nuk u nxituam në kërkimin e golit, por pritëm momentin tonë. Më duhet të falënderoj të gjithë futbollistët e mi, sidomos Donin. Kristianoja e qarkulloi shumë mirë topin dhe na dha mundësinë të ishim zotër të mesfushës. Dua të përgëzoj edhe lojën e Betarinit, i cili dominoi në krahun e majtë. Pa harruar dyshen sulmuese Çipriani-Bazani, që u mor vesh shumë mirë me pjesën tjetër të skuadrës." Më pas, trajneri blukaltër flet për dëmtimet e të tijve: "Në vjen shumë keq për dëmtimet e Volpit dhe Falkit. Shpresojmë të mos kenë ndonjë dëmtim të rëndë, sepse po kalonin një moment të jashtëzakonshëm." Në fund, Novelino përcakton objektivat sezonalë: "Kupa UEFA do të ishte një ëndërr për ne, por më parë duhet të sigurojmë matametikisht qëndrimin në Serinë A."

AlbShkodra · #**289** 27-01-2004, 02:29

Kamoleze: Duhet të mësojmë nga gabimet

Një humbje e shëmtuar për Rexhinën në Gjenovë, ndaj Sampdorias. I zhgënjyer, trajneri Kamoleze deklaron: "Një humbje plotësisht e merituar. Duhet të nxjerrim mësime nga gabimet tona. Sampi shënoi dy herë, duke përfituar nga gabimet tona. Nuk mund t'u lejojmë hapësira të tilla futbollistëve cilësorë si Bazani dhe Çipriani. Tani duhet ta fillojmë gjithçka nga e para, edhe pse renditja na jep siguri për momentin."

AlbShkodra · #**290** 27-01-2004, 02:31

Papadopulo: Luajtëm një futboll cilësor

Xhuzepe Papadopulo duket i qetësuar pas emocioneve në fund të ndeshjes Siena-Peruxhia. Skuadra toskane e përmbysi rezultatin në tri minutat e fundit. Papadopulo tha: "U treguam shumë të zotë të besonim në forcat tona dhe e merituam fitoren, pasi luajtëm një futboll cilësor për 90 minuta. Golat u shënuan në fund të ndeshjes, por kishim mundësi të shënim edhe më parë, pasi nuk numërohen rastet e humbura."

AlbShkodra · #**291** 27-01-2004, 02:32

Kozmi: Një sezon ters

"Një sezon ters." Kozmi nuk arrin t'i japë shpjegim tjetër humbjes së skuadrës së tij ndaj Sienës. Skuadra umbre po kryesonte deri në minutën e 89-të, por më pas doli pa pikë nga fusha. Kozmi vazhdon: "Siena shënoi dy gola në katër minutat e fundit të ndeshjes. Këtë e konsideroj edhe mungesë fati. Gjithsesi, fatet e ndeshjes u vendosën kur Groso u largua me karton të kuq."

AlbShkodra · #**292** 27-01-2004, 02:33

Ravaneli: Meritonim më shumë

Pas katër vjetësh ka shënuar sërish Fabricio Ravaneli në Serinë A. Sulmuesi veteran shënoi vetëm pas pesë minutash lojë. Në fund të ndeshje, ai u shpreh: "Jam i lumtur për golin tim, por mjaft i hidhëruar për humbjen e skuadrës vetëm në minutat e fundit. Do të luaj edhe një vit në Peruxhia, sepse nuk dua që të jetë në Serinë B. Sot, në Sienë, meritonim më shumë. Megjithatë, kemi ende shpresa për qëndrimin mes më të mirëve."

AlbShkodra · #**293** 27-01-2004, 02:34

Sampdoria kërkon Benarrivon

Kanë filluar bisedimet ndërmjet Parmës dhe Sampdorias për të kaluar te skuadra e Novelinos mbrojtësin 36-vjeçar Antonio Benarrivo. Përveç kësaj, drejtuesit e skuadrës gjenoveze po bisedojnë me Baterinin për rinovimin e kontratës së këtij të fundit.