Peruxhia vazhdon të lëvizë në merkato për të marrë përforcimet e duhura, që ta shpëtojnë skuadrën e Kozmit nga rënia në Serinë B. Pasi kanë dështuar në blerjen e sulmuesit zviceran Frei, drejtuesit umbër kanë piketuar organizatorin 23-vjeçar të Rexhanës, në Serinë C1, Xhandomeniko.

Modena, ndryshe nga skuadrat e tjera të vogla në Serinë A, nuk është ankuar për shitjen e së drejtës televizive, gjë që ka lindur dyshime në Federatën Italiane të Futbollit. Për këtë është marrë në pyetje presidenti i emilianëve, Amadei. Dyshohet se Modena ka marrë para të pista në shitje e së drejtës televizive.

Breshia ka piketuar objektivin e ri për merkaton e janarit. Trajneri i "dallëndyshkave", Xhixhi De Biazi, i ka kërkuar me ngulm presidentit Korioni blerjen e mefushorit të Romës, Damiano Tomazi.

Fabio Groso , mbrojtësi i Peruxhias dhe i grumbulluar disa herë nga kombëtarja e Trapatonit, ka hyrë në planet e Valencias. Spanjollët kanë afruar për të 3.5 milionë euro. Pritet përgjigja e Gauçit

Milani vazhdon ta ketë në Brazil bazën e merkatos së saj. Në shënjestrën e Galianit për merkaton e janarit është mbrojtësi Aleks Rodrigo, 21-vjeçari i Santosit, dhe sulmuesi 18-vjeçar Diego Ribas.

Aleksi: Në Modenë, një tjetër Del Piero

Pesëdhjetë ditë jashtë për dëmtimin në këmbë, më pas rikthimi i shumëpritur. Vetëm se Aleks Del Piero ëndërronte të kalonte një 9 nëntor shumë më ndryshe nga ai që ishte. Rikthimi në fushë ndaj Udinezes u shoqërua nga 29-vjetori i tij i lindjes, por gjithashtu nga një goditje e stampuar në traversë dhe nga një paraqitje pak a shumë e skaduar

Imazhe te Ngjitura

19149juve12222.jpg (44.7 KB, 48 vezhgime)

Seria A, pabarazi në ndeshjet e mbrëmjes

Gjithçka ka nisur nga Roma, që është rebeluar ndaj ndeshjeve të mbrëmjes. Ekipi verdhekuq kishte bërë të ditur se nuk i pëlqejnë tri ndeshjet radhazi, që i kanë vënë verdhekuqtë në gjendje të luajnë gjithnjë në mbrëmje nga java e 12-të në atë të 14-të, duke luajtur ndaj Kievos jashtë fushe, me Modenën në "Olimpiko" dhe ndaj Empolit sërish në trasfertë, e gjithë kjo në mesin e dimrit. Romës i jep të drejtë në njëfare mënyre fakti që asnjë skuadër e Serisë A deri tani s'ka luajtur tri ndeshje radhazi në mbrëmje, qofshin këto ndeshje të së shtunës apo të së dielës. Por e vërteta është se Roma, në javën e 14-të, do të zërë vetëm vendin e tretë të skuadrave të përfshira në ndeshjet e luajtura në mbrëmje. Në fakt, deri atëherë, verdhekuqtë do të kenë luajtur vetëm 5 takime në orën 20.30, saktësisht sa Interi dhe Lacio, një më pak se Juventusi, që do të ketë luajtur 6, 2 më pak se Milani, që do ta udhëheqë këtë renditjje speciale me 7 ndeshje të luajtura.

Kanavaro: Turp të refuzosh kombëtaren

Çfarë tjetër është kombëtarja përveçse një nder? Për shumë lojtarë të Serisë A është edhe një bezdi, një angazhim i tepërt në një sezon që më i ngjeshur s'bëhet. Fabio Kanavaro mban qëndrim ndaj asaj që e cilëson një "sjellje të pahijshme italiane". Kështu, mbrojtësi i Interit ka kritikuar kolegët e shumtë, të cilët, që në dëmtimin më të parë, nuk i përgjigjen thirrjes në kombëtare. "Nuk e di nëse ushtrohet trysni nga ana e klubeve, - pohoi Fabio, ? s'kam si ta di këtë. Megjithatë, mendoj se është një ves i keq. Unë, për shembull, shoh se të huajt që luajnë në Itali shkojnë me vrap për të mbështetur kombëtaret e tyre. Mund të them gjithashtu se personalisht ndihem krenar kur vesh fanellën "axurre", pasi më tepër se të jem këtu ku jam, sigurisht, s'kam ç'të bëj më." Duhet pranuar se polemika lidhur me grumbullimin e bojkotuar ka të bëjë kryesisht me Juventusin. Edhe në këtë rast, Kanavaro s'ka ngurruar të japë mendimin e tij: "Është absurde të mendohet se është dashur të favorizohet skuadra bardhezi. Kush nuk ka ardhur, ka pasur probleme dhe as që dua të mendoj për diçka të ndryshme nga kjo."

Imazhe te Ngjitura

img01.jpg (19.3 KB, 45 vezhgime)

Xhentile , trajneri i ekipit U-21 të Italisë, ka komentuar barazimin e djemve të tij në Danimarkë: "Ndeshjen e zotëruam ne dhe jo ata dhe meritonim diçka më shumë, sepse zhvilluam një pjesë të parë shumë të mirë si për lojën ashtu edhe për rastet që krijuam, ndaj ky barazim 1?1 më duket një rezultat pozitiv."

Skuli, lojtari U-21 i Italisë, i ka hedhur poshtë zërat e merkatos që kanë të bëjnë me të: "Unë nuk lëviz nga Kievoja, - ka deklaruar ai, - ky është kthyer në një bast për mua dhe unë dua ta fitoj, për t'i treguar Kievos se nuk ka gabuar që ka besuar tek unë. Kam luajtur pak, por kjo është normale në një skuadër që ka lojtarë të mëdhenj."

Parma, në kuadër të sezonit të ardhshëm, synon blerjen e Maks Tonetos të Leçes, anësor i majtë, dhe Simone Perrotën, mesfushor qendror i Kievos. Në ditët e ardhshme priten takime mes të dy klubeve.

Viktoria Svenson, kampionia e botës, e ka refuzuar mundësinë për të luajtur te Peruxhia e Gauçit. "Nuk besoj se një grua mund të konkurrojë me meshkuj. S'besoj se do t'ia dilja mbanë ndaj mbrojtësish si Maldini apo Nesta."

Agjenti i Bufonit e ka përjashtuar mundësinë që portieri të largohet nga Juvja pas ofertave të mbërritura nga Çelsi. "Bardhezinjtë s'kanë ndër mend ta shesin numrin 1 të tyre, ndaj Abramoviçi bën mirë të kërkojë gjetkë."

Fiorentina ka pasur një tifoz të veçantë në ndeshjen e luajtur dje në fushën e saj ndaj Xhenoas. Në fakt, vjollcët i ka ndjekur nga tribuna Gabriel Omar Batistuta. Argjentinasi, që ka luajtur nëntë sezone në Firence, tani militon tek Al?Arabi, skuadër e kategorisë së parë të Katarit.

Edgar Davidsi, pas humbjes me kombëtaren e tij ndaj Skocisë, është ankuar për gjyqtarët: "Mënyra sesi më trajtojnë gjyqtarët është e pabesueshme, ? tha ai. - Unë pësoj 20 faulla në një ndeshje, shkaktoj vetëm 5 dhe gjyqtari më ndëshkon me karton të verdhë apo të kuq vetëm mua."

Ançeloti: Këtu komandoj unë

Trajneri i Milanit, Karlo Ançeloti, pohon se është i gatshëm të bashkëpunojë me çdo pjesëtar të klubit, që nga presidenti deri te punonjësi më i thjeshtë, por skemën dhe modulin e skuadrës në fushën e lojës e vendosë vetëm trajneri. "Nuk e mohoj që kam folur me Berluskonin për ekipin e Milanit, por unë përgënjeshtoj të gjithë ata që thonë që skuadra kuqezi luan sipas skemave të tij", ka përgënjeshtruar zërat e liga trajneri Karlo Ançeloti.

Sot 22/11/03 zhvillohen 2 ndeshjet e para te javes 10 :SERIE A

Modena - Juventus
Inter - Reggina

Neser 23/11/03 ndeshjet tjera

Empoli - Parma
Lazio - Perugia
Lecce - Sampdoria
Udinese - Siena
Ancona - Brescia
Bologna - Roma
Chievo - Milan

Serie A : Java 10.

Modena - Juventus 0-2
42' Trezeguet
50' Nedved

Imazhe te Ngjitura

trezeguet--310x210.jpg (12.5 KB, 38 vezhgime)

Serie A : Java 10.

Inter - Reggina 6-0
34' Cannavaro
43' Martins
50' Van Der Meyde
60' Farinos
65' Cruz
75' Vieri

Imazhe te Ngjitura

amartins--310x210.jpg (10.9 KB, 37 vezhgime)

Serie A : Java 10

Rezultatet

MODENA - JUVENTUS 0-2
42' Trezeguet
50' Nedved

INTER - REGGINA 6-0
34' Cannavaro
43' Martins
50' Van Der Meyde
60' Farinos
65' Cruz
75' Vieri

CHIEVO - MILAN 0-2
46' Shevchenko
50' Shevchenko

BOLOGNA - ROMA 0-4
16' Totti
33' Montella
38' Panucci
49' Cassano

LAZIO - PERUGIA 3-1[/b]
45' Stankovic
62' Grosso
87' Corradi
90' Inzaghi

ANCONA - BRESCIA 1-1
5' Baggio (Bre)
60 ' Berretta (Anc)

EMPOLI - PARMA 1-0
90' Foggia

UDINESE - SIENA 1-1
42' Fava Passaro (Udi)
79' Flo (Sie)

LECCE - SAMPDORIA 0-0

Renditja

1 Juventus 10 N 8 F 2 B 0 H 25-9 G 26 Pike
2 Roma 10 7 3 0 22 3 24 ''
3 Milan 10 7 3 0 18 4 24 ''
4 Inter 10 5 4 1 17 5 19 ''
5 Lazio 10 6 1 3 18 13 19 ''
6 Parma 10 5 3 2 16 10 18 ''
7 Chievo 10 4 2 4 12 12 14 ''
8 Modena 10 4 2 4 10 10 14 ''
9 Sampdoria 10 3 4 3 9 10 13 ''
10 Udinese 10 3 3 4 13 14 12 ''
11 Siena 10 2 5 3 12 10 11 ''
12 Reggina 10 1 6 3 10 19 9 ''
13 Brescia 10 1 5 4 15 21 8 ''
14 Lecce 10 2 2 6 11 21 8 ''
15 Bologna 10 1 3 6 9 17 6 ''
16 Perugia 10 0 6 4 12 21 6 ''
17 Empoli 10 1 2 7 6 22 5 ''
18 Ancona 10 0 4 6 5 19 4 ''

Fabio Capello: Kemi luajtur një futboll të madh

Trajneri i Romës, Fabio Capello, është shprehur shumë i kënaqur në fund të takimit të luajtur dje në Bolonja, ku skuadra e tij arriti të merrte një fitore të thellë 4-0. Ndeshja e zhvilluar në stadiumin “Dall`Ara” të Bolonjës, ka qenë një ndër më të mirat për trajnerin e romanëve. “Në pjesën e parë kemi luajtur një futboll të madh”,- është shprehur njeriu që kërkon t’i japë sivjet një tjetër titull skuadrës së Romës, pas atij të sezonit 1999-2000. “Lojtarët e mi kanë kualitet të niveleve të larta”, ka shtuar Capello. Ndërkohë që ai ka veçuar edhe disa nga futbollistët të cilët kanë bërë dhe paraqitjet më të mira në këtë takim. “Emerson? Braziliani ka bërë një prezantim të shkëlqyer, ka pohuar trajneri i Romës, dhe kjo është përgjigjja e për trajnerin e kombëtares së Brazilit, Perreira, i cili thotë se brazilianët e Romës nuk janë në formë”. Por gjithatu Capello ka prekur dhe temën polemizuese në lidhje me Cassanon. I pyetur nëse ai ka bërë paqe me të, Capello është përgjigjur: “Cassano është një njeri që ka instikte. Ndërkohë që polemikat e kësaj jave do të mundohemi t’i lëmë pas”.

Roberto Mançini: Kishim vështirësi në mesfushë

Robeto Mançini, trajneri i Lacios, menjëherë pas ndeshjes së luajtur dje në Olimpiko përballë skuadrës së Peruxhias, është munduar t’u shmanget pyetjeve në lidhje me sherrin që ndodhi në fushë: “Nuk pashë asgjë”,- është shprehur trajneri i romanëve, i cili më pas ka vazhduar të komentojë vetëm ndeshjen dhe rezultatin e saj final. “Nuk ka qenë një ndër ndeshjet tona më të mira, eshtë shprehur Mançini, përsa i përket nivelit të lojës së shfaqur në fushë Lacio. Por gjithsesi, merita ka edhe Peruxhia, e cila na ka vënë në vështirësi, mbi të gjitha në mesfushë. Në momentin që kemi mbetur me dhjetë lojtarë e kemi pasur akoma dhe më të vështirë, por shpesh ndodh që kur mendon se një garë është krejtësisht e thjeshtë, ndodh e kundërta”. Ndërsa, përsa i përket ndëshkimit të Conceiçaos, trajneri i lacialëve ka shprehur keqardhjen e tij. “Conceiçao? Më vjen keq për ndëshkimin me karton të kuq, ka mbyllur Mançini, nuk e meritonte. Por fitorja e arritur është një fitore që na duhej shumë”.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Carlo Mazzone: Një humbje që ishte e parashikuar

“Në këto momente Roma është skuadra më e fortë e kampionatit italian, është shprehur trajneri roman i Bolonjës. Kjo ishte një humbje e cila ishte e parashikuar që më parë nga ne. Sigurisht që të humbësh me rezultain e thellë 4-0 më shtëpi është gjithnjë e dhimbshme, por kjo ndeshje nuk do të vlejë shumë për kampionatin tonë, pasi Bolonja duhet të fitojë përballë rivalëve direktë në objektivin e saj për t’i shpëtuar rënies nga kategoria”.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.