SERIE A : Java 7.

REGGINA - ANCONA 0 - 0

Imazhe te Ngjitura

regggg.jpg (16.8 KB, 47 vezhgime)

SERIE A : Java 7.

PERUGIA - UDINESE 3 - 3
36' Fava Passaro (Udi)
42' Di Loreto (Per)
43' Bothroyd (Per)
62'Fava Passaro (Udi)
77'(2T ) Fava Passaro (Udi)
89'(2T ) Margiotta (Per)

Imazhe te Ngjitura

favaliverani--310x210.jpg (13.2 KB, 46 vezhgime)

SERIE A : Java 7.

EMPOLI - CHIEVO 0 - 1
60' Amauri

Imazhe te Ngjitura

favaliverani--310x210.jpg (10.8 KB, 45 vezhgime)

SIENA - LECCE 2 - 1
9' Chevanton
12' Taddei
76' Chiesa

Imazhe te Ngjitura

favaliverani--310x210.jpg (37.1 KB, 43 vezhgime)

SERIE A : Java 7.

Rezultatet

Empoli 0-1 Chievo
Siena 2-1 Lecce
Inter 0-0 Roma
Juventus 2-0 Brescia
Lazio 2-1 Bologna
Parma 3-0 Modena
Perugia 3-3 Udinese
Reggina 0-0 Ancona
Sampdoria 0-3 Milan

Renditja

1 Milan 19
2 Juventus 19
3 Roma 15
4 Parma 14
5 Lazio 13
6 Chievo 11
7 Udinese 11
8 Modena 10
9 Internazionale 10
10 Siena 9
11 Reggina 8
12 Sampdoria 6
13 Brescia 6
14 Bologna 5
15 Perugia 5
16 Lecce 3
17 Ancona 2
18 Empoli 2

SERIE A

Bardhezinjtë ruajnë kreun pas fitores me Breshian, çka e bën optimist trajnerin e tyre

Lipi: Jemi skuadër kampionësh

Një gol spektakolar i Pavel Nedvedit dhe një "mrekulli" e David Trazegesë i kanë dhënë Juves fitoren e gjashtë në këtë kampionat 2003-2004 përballë Breshias së Roberto Baxhios. Në fund të ndeshjes, Marçelo Lipi është shprehur mjaft entuziast për këtë sukses: "Sot kemi fituar falë individëve që kemi në skuadër. Kemi një grup kampionësh dhe këtë e treguam kur Bufoni priti 11-metërshin e Baxhios, ndërsa në aksionin që vazhdoi Nedvedi shënoi një gol mjaft të bukur." Më pas, trajneri bardhekaltër përmbledh me një fjali të vetme këtë sfidë: "Krijuam shumë raste, fituam bindshëm, ndërsa Breshia rezistoi vetëm në pesë minutat e para të takimit." Lipi ka komentuar edhe faktin që gjatë këtij sezoni Juventusi nuk ka paraqitur në fushë dy herë radhazi të njëjtin formacion: "Kemi një projekt të madh dhe sivjet duam t'i fitojmë të trija veprimtaritë ku marrim pjesë. Të gjithë futbollistët që marrin pjesë në këtë projekt kanë të drejta të njëjta dhe do të luajnë kur t'u vijë radha. Më shumë se një përdorim i mirëfilltë i turn-over-it, është një projekt i detajuar nga unë në bashkëpunim me vetë futbollistët." Ndërsa Pavel Nedved, autori i golit që zhbllokoi ndeshjen, i veshur sërish me petkun e heroit, tha pas sfidës me Breshian: "Më e rëndësishme se goli im ka që pritja e 11-metërshit nga Bufoni. Në rast se Breshia do të kishte shënuar e para, gjithçka do të ishte bërë më e vështirë për ne, pasi ndeshja do të kishte marrë një rrjedhë tjetër." Në vazhdim të deklaratës së tij, mesfushori çek thekson: "Dua t'u bëj komplimente të gjithë shokëve të skuadrës. Pas energjive që kishim humbur në Ligën e Kampioneve, kjo fitore merr shumë vlera.

Imazhe te Ngjitura

juventus.jpg (31.3 KB, 39 vezhgime)

SERIE A

Trajneri argjentinas ka përshëndetur në një takim të përzemërt ish-futbollistët e tij

Kuper: I uroj suksese Interit

Hektor Raul Kuper, përpara se të largohej nga Italia, ka përshëndetur ish-futbollistët e tij dhe trajnerin e ri të Interit, Alberto Zakeroni, duke u uruar suksese në vazhdimin e sezonit. Trajneri argjentinas po përgatitet të kalojë disa ditë pushimesh në Majorka, por më parë mendoi ta kryente deri në fund detyrën e tij. Ish-trajneri i Majorkës dhe i Valencias ka deklaruar për një radio lokale: "Havier Zaneti kishte mbledhur të gjithë futbollistët e Interit dhe unë i përshëndeta dhe i falënderova për të gjithë përkushtimin e tyre gjatë kohës që më kanë pasur trajner. Të gjithë ata dhanë maksimunin dhe u treguan profesionistë. Eshtë e vërtetë që nuk arritëm rezultate pozitive, por këtu ndikoi edhe fati i keq, që na shoqëroi këto dy vjet e gjysmë të bashkëpunimit tonë." Në fund të deklaratës së tij, Kuperi tha: "Jam i bindur se një ditë do të kem të bëj sërish me këta futbollistë, qoftë edhe si kundërshtar, dhe gjithmonë do t'i respektoj, siç më kanë respektuar edhe ata mua në këto vite në Milano.

Imazhe te Ngjitura

12064cuper.jpg (12.1 KB, 36 vezhgime)

Shtypi britanik ka hedhur hipotezën e një shkëmbimi të bujshëm

"Daily Star": Rekoba, për Ouenin

Interi dhe Liverpuli janë dy skuadra në krizë në kampionatet respektive dhe janë vënë në shënjestrën e specialistëve të merkatos. "Daily Star", gazeta e mirënjohur britanike, ka lëshuar një "bombë" të vërtetë në merkato, që mund të vërtetohet në janar. Sipas tyre, Interi dhe Liverpuli kanë filluar bisedimet për të shndërruar në realitet një shkëmbim ndërmjet Majkëll Ouenit dhe Alvaro Rekobës. Oueni vlerësohet 50 milionë euro, ndërsa Rekoba 30 milionë. Për këtë arsye, Morati duhet të derdhë në arkat e klubit britanik rreth 20 milionë euro. Kjo marrëveshje mund të kompletohet më shumë në rast se Interi, përveç Rekobës, do të kalojë te skuadra e Hulierit edhe mesfushorin francez Stafan Dalmat. Për të marrë një formë përfundimtare ky shkëmbim, duhet parë ecuria e Ouenit dhe e vetë Rekobës në këto dy muaj që kanë mbetur, pasi një shpërthim i tyre mund t'i bëjë klubet respektive të ndryshojnë mendje.

RECOBA

Imazhe te Ngjitura

recoba-v-roma.jpg (23.4 KB, 35 vezhgime)

De Biasi: U ndëshkuam kur po kontrollonim lojën

Endrrat e Breshias në "Dele Alpi", në sfidën ndaj Juventusit, janë ndezur dhe janë shuar nga minuta e tretë në minutën e gjashtë të pjesës së parë. Për këtë dhe për ndeshjen në përgjithësi, trajneri i "dallëndyshkave", De Biasi, ka deklaruar: "Më duhet të nënvizoj që Juvja është një skuadër e madhe dhe kjo humbje është plotësisht e pranueshme. Bardhezinjtë na ndëshkuan në momentet kur po luanim më mirë dhe po e dominonim lojën. 11-metërshi i humbur nga Baxhio ndikoi negativisht në përqendrimin tonë dhe Nedvedi na ndëshoi që në minutën e pestë, duke na detyruar ta fillonim ndeshjen në disavantazh. Gjithsesi, treguam se jemi një skuadër në rritje, pasi nuk është e lehtë për askënd të dalë me kokën lart nga "Dele Alpi".

Imazhe te Ngjitura

brescia.jpg (13.2 KB, 34 vezhgime)

SHKURT

Malezani, trajneri i Modenës, pas humbjes me Parmën, ka deklaruar: "Skuadra ime nuk luajti keq, por Parma është një skuadër superiore dhe fitorja e saj pritej. Pozicioni në renditje na lë të qetë për momentin, por duhet të vazhdojmë të bëjmë kujdes."

Macone, pas humbjes së Bolonjës së tij ndaj Lacios, tha: "Jemi një skuadër që luajmë mirë deri në një pikë të ndeshjes, por më pas nuk arrijmë të durojmë presionin e kundërshtarit në fund të ndeshjes. Gola si ato të Korradit janë plotësisht të evitueshëm."

Kaljari ka larguar nga detyra trajnerin Xhanpiero Ventura, pas humbjes së këtij të fundit në Viçencë. Aktualisht, skuadra e Zolës mban vendin e shtatë në Serinë A. Kandidatë për t'u ulur në stolin e ishullorëve janë Simoni, Kamoleze dhe Guidolin.

Fava, autori i një tregolëshi që i dha mundësi Udinezes të barazonte në Peruxhia, ka deklaruar: "Këto gola ia kushtoj familjes sime dhe trajnerit Spaleti, që ka filluar të besojë tek unë."

Spaleti, trajneri i Udinezes, pas barazimit me Peruxhian, ka deklaruar: "Meritonim më shumë nga kjo ndeshje, por gjithsesi jam i kënaqur edhe me këtë pikë. Po tregojmë që jashtë fushe jemi në gjendje të fitojmë kudo."

Adebajor, sulmuesi kongolez i Monakos, ka deklaruar se nuk e ka refuzuar Juventusin për të kaluar te skuadra e Deshampit. Kështu, ai ka dashur të përgënjeshtrojë një deklaratë të Moxhit.

Juvja ka filluar një "betejë" me Realin e Madridit për të blerë mesfushorin 19-të vjeçar të Ternanës, kilianin Himenez.

Trajneri i kuqezinjve vlerëson reagimin dhe karakterin e skuadrës si dhe lojën e Pirlos në veçanti

Ançeloti: Ndreqëm gabimin e Evropës

Karlo Ançeloti e komentoi shumë i kënaqur fitoren e arritur nga djemtë e tij në "Marassi" të Gjenovës: "Arritëm të bëjmë një paraqitje të madhe, si në nivel individësh ashtu edhe skuadre. Në radhë të parë, ajo që ka rëndësi është se arritëm të ngremë kokën lart pas humbjes në Ligën e Kampioneve. Pirlo mundi të gëzojë shumë liri dhe na udhëhoqi me lojën e tij, kjo pasi pjesa më e madhe e mesfushorëve të Sampdorias ishin të përkushtuar për të bllokuar Rui Kostën." Lidhur me aktivizimin e njëkohshëm të portugezit dhe Kakës, trajneri u shpreh fare qartë dhe shkurtimisht: "Mund të luajnë fare mirë bashkë."
Sot nis java e gjatë, që do të çojë te sfida e madhe e së shtunës ndaj Juventusit. Trajneri i kuqezinjve, tanimë e ka mendjen ekskluzivisht vetëm tek ajo ndeshje, që do të jetë vetëm e fundit e një serie të gjatë dyluftimesh mes "Zonjë së vjetër" dhe "Djallit": "Besoj se do të jetë gjithnjë e njëjta ndeshje, - tha Ançeloti. - Kohët e fundit jemi ndeshur shpesh me kampionët në fuqi të kampionatit." Sa për kampionatin dhe kryesimin e përbashkët me bardhezinjtë, Ançeloti saktësoi: "Do të ishte diçka e bukur sikur dueli ynë të zgjaste deri në fund, por, fatkeqësisht, në luftë për titullin janë edhe Roma, Lacio dhe Interi, të cilat besoj se s'do të lëshojnë gjithashtu pe deri në javën e fundit."

Imazhe te Ngjitura

rsn_index_campioni.jpg (53.8 KB, 33 vezhgime)

S. Inzagi s'polemizoi me trajnerin për mospërshirjen që nga minuta e parë dhe ua kushtoi golin tifozëve

Mançini: E merituam fitoren

Një fitore e vuajtur, por tepër e rëndësishme ajo e Lacios ndaj Bolonjës. "Nuk do të kishte qenë e drejtë sikur një ndeshje e tillë të kishte përfunduar në barazim, - deklaroi Mançini, - pasi Bolonja s'u tregua kurrë e rrezikshme. Edhe në ndeshjet e fundit, ku kemi humbur, s'kemi reshtur kurrë së kërkuari fitoren, çka është një detaj shumë i rëndësishëm. Sa për Inzagin, ai ka luajtur edhe më parë, por unë kam katër sulmues tepër të zotë, ndaj të zgjedhësh mes tyre është mjaft e vështirë." Edhe vetë golashënuesi bardhekaltër u duk i qetë në përfundim të 90-minutëshit ndaj kuqebluve: "Hyra dhe shënova, - tha Simone Inzagi. - Jam i kënaqur me kaq."
Ndeshjen e vendosi një gol i Korradit në minutën e 92-të, por shtytjen e dha edhe një herë ai, Simone Inzagi. Tanimë është diçka konstante: hyn dhe shënon. E megjithatë, shpesh, madje tepër shpesh, ai është i detyruar të qëndrojë në stol. Në një Lacio që has vështirësi në shënimin e golit, ky është një rrezik, nga i cili Mançini s'tërhiqet, edhe pse në këtë mënyrë ka nxitur një zemërim të madh nga pjesa më e madhe e tifozerisë, që është shprehur hapur në mbështetje të sulmuesit. "Preferova dyshen Korradi?Muci, ? deklaroi trajneri, ? sepse mendova se ishin më të përshtatshmit për t'u përballur me një mbrojtjje si ajo e Bolonjës.

Imazhe te Ngjitura

lazio.jpg (43.9 KB, 32 vezhgime)

Novelino: Cilësia e Milanit bëri diferencën

Valter Novelinos i ka bërë shumë përshtypje fitorja 3-0 e Milanit në "Marassi": "Kuqezinjtë janë një skuadër e madhe dhe cilësia e tyre teknike bëri diferencën në fushë, - deklaroi trajneri i Sampdorias. - Megjithatë, ne nuk dalim të përgjysmuar nga kjo ndeshje." Sipas ish-lojtarit kuqezi, skuadra e tij luajti një pjesë të parë të mirë, duke krijuar disa raste dhe duke e përballuar aq sa mundi kundërshtarin në fushë.