ciao scudeto kjo eshte shprehja me e shpeshte e interisteve
MIIIIIIIIIIIIIIIIIIIIIIIIIIIIIIIIIIIIIIIIIIIIIIIII IIIIIIIIIIIIILAN

__________________
VAE VICTIS

Të martën do të luhet sfida e parë e 1/8 të finaleve të Ligës së Kampioneve ndaj Bajernit të Mynihut, por më parë është ndeshja e "San Siros" ndaj Kaljarit, një takim testues në kuadër të angazhimit më prestigjioz (dhe të rëndësishëm, në kuadër të sezonit kuqezi) në arenën ndërkombëtare. Sikurse është shprehur qartë trajneri Karlo Ançeloti: "Ndeshja ndaj Kaljarit është një test i rëndësishëm, në kuadër të sfidës ndaj Bajernit të Mynihut; do të jetë njëfarë verifikimi përpara provimit në Ligën e Kampioneve. Jemi në përmirësim e sipër, e kemi marrë veten në javët e fundit dhe sot na jepet mundësia t'i konfirmojmë ato gjëra të mira që kemi bërë në takimet e fundit në kampionat." Infermieria Në takimet e ardhshme Milani do të jetë i detyruar të bëjë pa dy futbollistët e tij, Paolo Maldini dhe Masimo Ambrozini: "Do të shkojnë të pushojnë në një klimë më të nxehtë, - shpjegoi trajneri i kuqezinjve, në kushte më të favorshme klimaterike, në krahasim me ato të Milanos. Këtu është shumë ftohtë dhe ne do të bëjmë të gjitha përpjekjet që ata të jenë të pranishëm në turin e ardhshëm të Ligës së Kampioneve...".

Sot do të mungojë edhe mesfushori-organizator i kuqezinjve, Andrea Pirlo: "Ai është ndalur nga një gjendje gripale, por ndaj Bajernit të Mynihut do të jetë i gatshëm." Ndërkohë, për rreth një javë, në Qendrën Sportive të Milanelos nuk do të shihet Markos Kafu, i cili është operuar në meniks në Brazil: "Kafu tanimë ka nisur fazën e rehabilitimit, dhe pozitive është se, të paktën ai ndodhet në një klimë të ngrohtë...". Formacioni Dëmtimet dhe problemet që kanë dalë gjatë rrugës nuk përbëjnë një mjet justifikimi për Karlo Ançelotin: "Do të mbërrijmë në ndeshjen ndaj Bajernit të Mynihut në formën më të mirë të mundshme," ka bërë të ditur trajneri. Sot, në mesfushë, do të gjejë hapësirë Johan Vogeli: "Përsa u takon të tjerave, nuk ma merr mendja se do të bëjmë ndonjë ndryshim të madh."

Në repartin sulmues do të rikthehet ukrainasi Andrij Shevçenko: "Tani ai është mirë, nuk ka më asnjë problem. Pushoi të dielën në Rexhio Kalabria, ka punuar mirë gjatë gjithë javës dhe tani është i gatshëm të rikthehet në fushë." Ndërkohë, ka qenë i emocionuar Johan Vogeli, i cili sot, ndaj Kaljarit, do të zbresë në fushë që nga minuta e parë. "Jam gëzuar shumë kur e kam mësuar këtë lajm, por, mbi të gjitha, sepse do të mund të jem i dobishëm për Milanin. Jam i gatshëm; e di atë që duhet të bëj, edhe pse kam karakteristika ndryshe nga Pirlo. Kaljari? Nuk duhet ta nënvlerësojmë sfidën ndaj sardëve. Nëse duam të shkojmë në Paris, duhet ta përmirësojmë medoemos cilësinë e ndeshjeve tona, të luajmë minutë pas minute për të arritur formën më të mirë; do të jetë e rëndësishme që ta bëjmë menjëherë këtë."

Milan: Betandwin, sponsori i ri i mundshëm
Milani është pranë arritjes së marrëveshjes së sponsorizimit me Betandwin, shoqërinë e basteve sportive në Internet. Klubi kuqezi, i cili e mbyll këtë vit bashkëpunimin e gjatë me Opel-in, ishte në bisedime edhe me koreanët e Samsung-ut, të cilët ama duket se kanë zgjedhur Barcelonën. Betandwin pritet t'i sigurojë Milanit rreth 15 milionë euro në vit për katër sezon.

__________________
Try not to become a man of success but rather to become a man of value - Einstein Albert.

Mesfushori brazilian me tipare sulmuese ka komentuar deklaratat negative që janë bërë karshi tij: "Kur më thonin se nuk isha më ai i vitit të parë, ose kur më thonë tani se nuk shënoj në transfertë apo se jap pak asiste, unë më pas përgjigjem nga fusha." Futbollisti më pas është ndalur të analizojë kampionatin italian: "Kam ndryshuar shumë në Itali, si fizikisht ashtu edhe taktikisht. Disiplina taktike që ekziston këtu nuk ekziston në asnjë vend tjetër; ka qenë diçka e mirë për mua që kam arritur të njihem me të." Së fundi, milanisti nuk i ka kursyer komplimentat për disa prej shokëve të skuadrës. Më parë ai i ka bërë "reklamë" Serzhinjons për në kombëtare: "Prania e tij në grupin tonë është shumë domethënëse. Nëse do të mund të thoja ndonjë fjalë në favor të tij, për rikthimin në kombëtaren braziliane, do ta thosha menjëherë."

Më pas ai ka folur për lehtësinë me të cilën merret vesh me Shevçenkon në fushë: "Kur jemi në fushë, unë e kuptoj që përpara se t'ia jap topin, se si dhe ku e do. Jam i bindur se, me kalimin e viteve do të ndodhë e njëjta gjë edhe me Xhilardinon, duke qenë se do të luajmë edhe për shumë kohë bashkë te Milani."
Kaka e mbyll me Rui Kostën: "Luajmë, pak a shumë, në të njëjtin rol; ama ai ka qenë gjithnjë i shkëlqyer, sepse edhe në momentet e vështirësisë në fushë ai më ka dhënë gjithnjë këshillat e duhura, që më kanë ndihmuar të dal nga situata."

Kasano: Besoj ende te Botërori
Kur ka kaluar një muaj e gjysëm nga vajtja e tij në Madrid, Antonio Kasano nuk ka arritur ende të gjejë një vend fiks në formacionin e iberikëve. Deri tani talenti ka koleksionuar vetëm 3 pjesëmarrje, për një total prej thuajse 76 minutash në kampionat, plus disa minutave të tjera në Kupë. "Po stërvitem seriozisht, ka thënë Kasano për "La Gazzetta dello Sport", kam filluar dietën dhe jam dobësuar. Po përkushtohem në maksimum. Po e pres rastin tim me shumë besim në vetvete. Besoj ende te mundësia për të fituar një vend për në botëror. Ka ende edhe shumë ndeshje, dhe nuk jam penduar kurrë që kam zgjedhur Madridin." Në ekipin "merenges" Kasano shkon mirë me të gjithë: Zidanin, Helgerën, Ronaldon, Roberto Karlosin, por edhe me Raulin dhe Salgadon. Sot ndaj Alaveshit, në javën e 24-të të ligës spanjolle, do të ketë rotacion dhe për Kasanon mund të ketë një vend si titullar.

Siena, De Kanio: Në Udine, për të bërë kthesë
Trajneri i Sienës, Luixhi De Kanio, përgatitet për ballafaqimin me Udinezen, e cila ka ardhur duke u përmirësuar pasi drejtimin e ka marë dyshja Sensini Dominisini. "Janë një skuadër e fortë, ka pohuar trajneri i bardhezinjve, por ne kemi besim se puna e kryer do t'i sjellë frytet e saj edhe në planin e rezultateve, pavarësisht nga episodet e pafata që kanë karakterizuar ndeshjet e fundit." Në kuadër të ndeshjes ndaj friulianëve, De Kanio ka grumbulluar 19 lojtarë. Ja cila është lista e tyre: Alberto, Kieza, Koloneze, D'Aversa, Foljo, Fortin, Gastaldelo, Guzman, Iadaresta, Lokateli, Menkareli, Mirante, Molinaro, Negro, Paker Dagllas, Paro, Portanova, Vergasola, Volpato.

Mekses: Rëndësi kanë pikët, jo rekordet
"Ndaj Empolit kanë rëndësi, mbi të gjitha, tri pikët." Filip Meksesi e vë në plan të dytë rekordin e fitoreve radhazi. "Mgjithatë, tani që kemi mbërritur deri këtu, do të na pëlqente të kapnim edhe rekordin, pasi e meritojmë," ka shtuar francezi. Mbrojtësi e ka lavdëruar trajnerin Spaleti: "Kam njohur pak trajnerë të zotë si ai. Për mua ka qenë i domosdoshëm. Tani stërvitemi me kënaqësi. Me këtë grup mund të bëjmë gjëra të mëdha."

__________________
Try not to become a man of success but rather to become a man of value - Einstein Albert.

Roma Empoli
Roma: Doni, Bovo, Mekses, Kufur, Çivu, De Rosi, Akuilani, Tadei, Perrota, Mansini, Toti. Tr: Spaleti.
Empoli: Sejas, Lukini, Koda, Vanilji, Tosto, Bushe, Moro, Fiçini, Almiron, Tavano, Poci. Tr: Kanji.
Gjyqtar: Mesina

Po t'ia kishin thënë në verë, ndoshta do të kishte buzëqeshur dhe do të kishte thënë: "Të mos i marrim gjërat me kaq vrull". Por tani, vigjilja e takimit Roma Empoli është me të vërtetë për të mos u besuar syve. Verdhekuqtë ndodhen vetëm një hap larg vendit të katërt, që të çon në paraeliminatoret e Ligës së Kampioneve, vazhdojnë të marrin pjesë në Kupën UEFA, ashtu sikurse edhe në Kupën e Italisë. Pa harruar atë varg prej nëntë fitoresh radhazi në kampionat: edhe një dhe historia e Serisë A do të kujtohet edhe për Romën. Sepse vetëm Juventusi, Milani dhe Bolonja kanë arritur të fitojnë dhjetë takime radhazi.

Një takim me historinë, një takim që mund të bëhet. Me gjithë respektin për Empolin e Xhixhi Kanjit, t'i ndalësh sot verdhekuqtë, ndër të tjera në stadiumin "Olimpiko", do të ishte me të vërtetë një arritje e madhe. Luçiano Spaleti, njeriu që e ka transformuar grupin, është i pari që beson, edhe pse do t'i duhet të mposhtë skuadrën që e ka bërë të famshëm. "Do të më vinte keq po të mos arrinim të fitonim, pasi kam vënë re se çfarë mundi dhe vëmendje kanë përdorur djemtë deri tani, - pohoi ai i bindur. - Historia është e rëndësishme në jetë. Unë e synoj fitoren, por nuk varet vetëm prej meje". Ai është i kënaqur deri tani: "Kjo skuadër është përmirësuar dhe këtë e dëshmon ecuria që kemi bërë gjatë kësaj periudhe. E tregon vazhdimësia e rezultateve."

Roma ndodhet në vendin e pestë në renditje, vetëm dy pikë larg Fiorentinës, së cilës i është afruar falë një rikuperimi të jashtëzakonshëm. Dhe vjollcët, si për rastësi, sot do të jenë të angazhuar pikërisht ndaj Lacios, rivalit të përjetshëm të vedhekuqve. Por, a mund të mbërrijë ndonjë nder nga "kushërinjtë"? "Nuk i dihet asnjëherë, - ka thënë tekniku i kryeqytetasve. - Të gjithë ata që e ushtrojnë këtë profesion, kanë si ambicie të japin më të mirën e tyre; e njoh Delio Rosin dhe jam i sigurt se do të bëjë atë që është më e mira për skuadrën e tij. Por, sidoqoftë, ne varemi nga vetja jonë dhe jo nga të tjerët."

Spaleti është një "psikolog" i vërtetë. Ai di t'i motivojë dhe t'i kuptojë djemtë e tij. Si në rastin e Daniele De Rosit, i cili u ndëshkua me karton të kuq në Bryzh, duke e lënë skuadrën me 10 vetë për thuajse një orë. "Për nga karakteristikat që ka ai, është gjithnjë i prirur të ketë ndonjë sjellje përtej kufijve, - pohoi tekniku, - por kjo karakteristikë e tija i dhuron shumë avantazhe të tjera në profesionin e futbollistit. Për atë që ka bërë deri tani, më duhet vetëm ta përgëzoj, duke qenë se ka marrë vetëm një karton të kuq në gjithë këto ndeshje."

Së fundi Françesko Toti. Spaleti ka rënë disi në mendime, sepse kapiteni në rast se do të marrë edhe një karton tjetër të verdhë, do të mungojë në derbin e javës së ardhshme ndaj Lacios (të dielën, më 26 shkurt, ora 20.30). "Nuk rrezikon, në një ndeshje mund të ndodhë gjithçka, por ai është i qetë dhe po kalon një moment shumë të mirë, - u përgjigj i prerë trajneri. - Nuk është nga ata që bien viktimë e reagimeve të nervozizmit, sivjet më është dukur shumë i pjekur."

__________________
Try not to become a man of success but rather to become a man of value - Einstein Albert.

"Ne do të shkojmë për të luajtur ndeshjen tonë". Delio Rosi është shumë i përqendruar te transferta në "Franki". Në takimin e fazës së parë, Lacio arriti t'i mposhtte vjollcët dhe trajneri bardhekaltër shpreson ta përsërisë atë 1-0, edhe pse nuk do të jetë Zauri, njeriu "ndeshje" i takimit në "Olimpiko". "Do të doja të shihja të njëjtën Lacio, të cilën mund ta shijoj në sfidën që u zhvillua në Romë. Do të përballemi me një skuadër, e cila po tregon se në fushën e saj ka fare pak pika të dobëta. Por kur Lacio është e kompletuar, mund t'i masë forcat me çdo skuadër. Gjatë kësaj jave kemi punuar dhe jam i sigurt se shpejt do të na kthehet shkëlqimi.

Për momentin nuk po ecim keq, por kemi nevojë të arrijmë disa rezultate pozitive, mbi të gjitha për moralin". Kështu që hapat duhen hedhur një nga një. Delio Rosi nuk mendon për derbin me Totin dhe për rekordin e verdhekuqve. Do të ketë kohë të merret edhe me to. Por më parë duhet të bllokojë Tonin. "Ai është një sulmues dinak, pak dërrmues, por i zoti. Kam një respekt të madh për golashënuesit, nëse një futbollist shënon me njëfarë vazhdimësie, do të thotë se ka disa cilësi të mëdha. Si ta ndalim? Duke mos i lënë t'i mbërrijnë topa". Rosi nuk kurseu një fjali edhe për "kushërinjtë" verdhekuq. "Derbi është një ndeshje më vete, ne duhet të përqendrohemi te Fiorentina dhe të përpiqemi të arrijmë një rezultat sa më të mirë në Firence. Vetëm duke nisur nga dita e nesërme, do të fillojmë të mendojmë për derbin me Romën".

Prandeli: Roma nuk na tremb vetëm ne
"Roma nuk duhet të na trembë vetëm ne, por edhe Milanin dhe Interin". Çezare Prandeli pohon se skuadra e Spaletit po shpalos një futboll tepër cilësor, por ai vazhdon të ketë shumë besim te forca e grupit të tij: "Kjo skuadër po vazhdon të luajë shumë mirë dhe të përmirësohet, - ka thënë trajneri i Fiorentinës. Por tani duhet të mendojmë për sfidën ndaj Lacios. Do të jetë një ndeshje shumë e vështirë". Për sulmin, Prandeli ka bërë të ditur se përkrah Tonit do të luajë Pacini: "Më ka dhënë një sinjal të madh force dhe grinte, pasi, edhe pse qëndroi në stol, gjatë javës ka punuar me shumë përkushtim. Në miqësore ka shënuar një tregolësh dhe ka luajtur shumë për skuadrën."

Papadopulo: Të ringjitemi në renditje
Palermon e pret një ballafaqim i vështirë në kampionat ndaj Kievos. Ja si është shprehur trajneri i siçilianëve, Xhiuzepe Papadopulo. "Ndodhemi në krahun e majtë të renditjes dhe duam të vazhdojmë në rrugën e fitoreve për t'u ringritur disa vende, gjë që mendoj se e meriton kjo skuadër. Por do të përballemi me një Kievo që e meriton vendin që ka hëpërhë në renditje."

Kavazin: Na duhen tri pikët ndaj Parmës
"Ndaj Parmës do të jetë një ndeshje thelbësore", - kështu mendon trajneri i Trevizos, Alberto Kavazin. Skuadra e tij ndodhet në vendet e fundit të renditjes dhe tani do të përballet me verdheblutë e Mario Beretës. "Për ne do të jetë një takim shumë i rëndësishëm dhe na duhen medoemos tri pikët për renditjen. Kjo edhe për moralin dhe qetësinë e grupit, edhe pse brenda mjedisit tonë nuk ka probleme."

Kievo Palermo
Kievo: Fontana, Moro, Mandeli, D`Ana, Lana, Semioli, Brigi, Xhiunti, Françeskini, Amauri, Tiriboki. Tr: Pilon.
Palermo: Anduhar, Zakardo, Barzalji, Rinaudo, Groso, Mutareli, Korini, Barone, Gonzales, Di Mikele, Karaçiolo. Tr: Papadopulo.
Gjyqtar: Brigi

Fiorentina Lacio
Fiorentina: Lobont, Ujafalushi, Di Loreto, Kroldrup, Paskual, Fiore, Broki, Donadel, Jorgensen, Pacini, Toni. Tr: Prandeli.
Lacio: Peruci, Odo, Sivilja, Stendardo, Beleri, Behrami, Dabo, Liverani, Manfredini, Di Kanio, Roki. Tr: Rosi.
Gjyqtar: Taljavento

Leçe Rexhina
Leçe: Benusi, Diamuten, Saidi, Stovini, Kamisa, Xhiakomaci, Ledezma, Delvekio, Kaseti, Kocolino, Vuçiniç. Tr: Paleari Rico.
Rexhina: Pelicoli, Mesto, De Roza, Lukareli, Vixhiani, Paredes, Karobio, Misiroli, Modesto, Koca, Amoruzo. Tr: Maxarri.
Gjyqtar: De Marko

Sampdoria Askoli
Sampdoria: Antonioli, Kastelini, Pavan, Sala, Pizano, K.Zenoni, Volpi, Palombo, Diana, Flaki, Kolombo. Tr: Novelino.
Askoli: Kopola, Komoto, Paçi, Domici, Boneto, Xhiampa, Guana, Parola, Del Groso, Kualjarela, Bjelanoviç. Tr: Silva Xhiampaolo.
Gjyqtar: Roki

Udineze Siena
Udineze: De Sanktis, Zapata, Natali, Felipe, Zenoni, Obodo, Baronio, Tisone, Kandela, Iakuinta, Di Natale. Tr: Dominisini Sensini.
Siena: Fortin, Negro, Portanova, Koloneze, Gastaldelo, D`Aversa, Paro, Vergasola, Lokateli, Kieza, Volpato. Tr: De Kanio.
Gjyqtar: Rodomonti

Trevizo Parma
Trevizo: Sereni, Maxhio, Kotafava, Viali, Valdes, A.Filipini, Parraviçini, Basexhio, Gigu, Borrielo, Fava. Tr: Kavazin.
Parma: Buçi, Bonera, Kanavaro, Kouto, Kontini, Grela, Bolanjo, Simplisio, Markioni, Breshiano, Korradi. Tr: Bereta.
Gjyqtar: Romeo.

__________________
Try not to become a man of success but rather to become a man of value - Einstein Albert.

Gauçi kundër të gjithëve. Në një intervistë, ish-presidenti i Peruxhias ka sulmuar Diego Dela Valen: "Më ofroi 20 milionë euro që të fitonte Fiorentina në ndeshjen shtesë, për të mos rënë nga kategoria në sezonin 2003-04, por unë refuzova. Jam i sigurt që pesë ose gjashtë futbollistë u shitën në ato dy ndeshje." Më pas, Gauçi ka folur për titullin kampion të fituar nga Juventusi në vitin 2000: "Duhej të fitonin ata, Moxhi kishte arritur një marrëveshje me Maconen, por unë prisha gjithçka." Kishte qenë fjala e Luçiano Gauçit në Gjykatën e Peruxhias, e cila vendosi në falimentimin e klubit të Peruxhias. Për monentin, në burg kanë përfunduar edhe djemtë e tij, vëllai Antonio dhe tre persona të tjerë. Ndërsa ai gjendet në Santo Domingo dhe nuk ka ndër mend të kthehet. Pas deklaratave që i hapën probleme Gea-s dhe presidentit të saj, Alesandro Moxhit, tani në syrin e tij ka përfunduar edhe Diego Dela Vale.

Faktet, sipas variantit të Gauçit, na çojnë në sezonin 2003-04. Dy ndeshjet shtesë, të vlefshme për Serinë A, midis Peruxhias që gjendej në Serinë A dhe Fiorentinës në Serinë B, në fund të kampionatit, përfundoi me fitoren e Fiorentinës. Në ndeshjen e parë, vjollcët fituan në Peruxhia me rezultatin 1-0 dhe më pas barazuan në Firence me rezultatin 1-1. Rezultat që çoi në ngjitjen e Fiorentinës në Serinë A dhe rënien e Peruxhias në B. Gauçi tha se pas ofertës së Dela Vales, ishte takuar me një prej drejtuesve të Fiorentinës dhe i kishte thënë se nuk korruptohej. "Por, - ka vazhduar Gauçi, - jam i sigurt që pesë ose gjashtë futbollistë e kishin shitur ndeshjen, duke parë edhe paraqitjen e tyre në fushën e lojës. Ata pranuan ofertën e Dela Vales. Mbi të gjitha Di Loreto, Ze Maria dhe Frezi. Edhe Serse Kozmi u shit."

Por nuk mbaron me kaq: cikloni Gauçi ka nxjerrë edhe disa fjalë të tjera, të cilat i mbante të mbyllura prej kohësh. Ka të bëjë me Maconen dhe titullin e humbur nga Juventusi në vitin 2000. "Ndeshja e fundit e kampionatit, e cila luhej në Peruxhia, ishte e shitur dhe duhej të fitonte Juventusi. Moxhi kishte arritur një marrëveshje me Maconen dhe Pieronin, që do t'i merrte vitin tjetër në Torino. Duke parë që një vit më parë unë isha kërcënuar nga tifozët e Lacios, për atë ndeshje të humbur me Milanin, e cila u dha titullin kuqezinjve, ditën e martë, një ditë para ndeshjes, fola me lojtarët. Macone po rrinte te dera dhe nuk donte që unë të futesha te dhomat e zhveshjes, por i thashë se ishte një vartës dhe duhej të dilte. U thashë atyre se ndeshja ishte e shitur nga disa drejtues dhe se futbollistët nuk duhej ta pranonin një gjë të tillë, por të jepnin maksimumin në fushën e lojës. Në fund të sezonit, Pieroni u largua nga Peruxhia dhe kaloi si drejtor sportiv në Torino."

__________________
Try not to become a man of success but rather to become a man of value - Einstein Albert.

Robi Baxhio është kthyer të flasë në ditën e 39-vjetorit të lindjes së tij, duke thënë se përveç se ka një vit që është tërhequr nga futbolli, ka marrë një ofertë për t'u rikthyer në futboll. Ai që e ka bërë këtë ofertë, ka qenë Karlo Macone, me të cilin ka kaluar tri sezone te Breshia. Ai i ka bërë një ofertë për ta ndjekur te Livorno. "Macone është një njeri i madh. Nëse nuk do të kisha pasur kaq shumë dhimbje dhe të isha në një formë më të mirë, do të isha menduar."


Ka kaluar më shumë se një vit e gjysmë që nga data 16 maj e vitit 2004, kur Roberto Baxhio, në fund të ndeshjes midis Milanit dhe Breshias, i ka dhënë lamtumirën e tij futbollit. Që nga ai moment u tërhoq në shtëpinë e tij në Altavila, në provincën ku ka lindur, duke qëndruar më shumë me familjen. Është bërë baba për herë të tretë, është larguar nga bota e futbollit, por...bota e futbollit vazhdon ta kërkojë. Dhe për të qenë më të saktë, Karlo Macone, i vetmi trajner i dashur, e bindi edhe atëherë që të luante me Breshian, pasi ishte larguar nga Interi në verën e vitit 2000.

Binomi breshian midis Baxhios dhe Macones zgjati tre vjet, para se trajneri të largohej për te Bolonja dhe futbollisti t'i jepte fund karrierës. Por Macone nuk e ka harruar kurrë "bishtalecin" dhe e ka kërkuar te çdo skuadër që ka qenë. Në fillim te Bolonja dhe tani te Livorno. Ka qenë vetë Robi Baxhio ai që e ka thënë një gjë të tillë, pikërisht në ditën e 39-vjetorit të lindjes.

"Kam folur me Maconen një ditë më pas dhe më kërkoi të shkoja me të te Livorno. Ai është një njeri i madh. Nëse nuk do të kisha pasur kaq shumë dhimbje dhe të kisha qenë në një formë më të mirë, do të isha menduar. Në vitin 2000 më ndihmoi shumë, kur kisha mbetur vetëm."

__________________
Try not to become a man of success but rather to become a man of value - Einstein Albert.

Mund të jetë një Adriano tjetër në të ardhmen e Interit. Ndërkohë që ai i vërteti po kalon një formë jo shumë të mirë në këtë sezon, adashi i tij, i cili luan në turneun e Viarexhos me Juventuden, ka arritur të shënojë disa gola. Adriano Rodriguez është 20 vjeç, ka pasaportë spanjolle dhe luan në Uruguaj: disa vëzhgues e kanë vënë re dhe janë duke ndjekur gjurmët e tij. Një Adriano tjetër mund të zbarkojë tek Interi...

Trapatoni ironizon aventurën te Shutgarti
Edhe pse nuk ka shumë kohë që është pushuar nga detyra e tij si trajner i Shtutgartit, Xhovani Trapatoni duhet shumë nga gjermanët. Në fakt, për sa i përket aventurës së tij te skuadra gjermane, ai ka thënë: "Përfundoi më shpejt nga çfarë prisja."

Ze Maria: Deklarata e Gauçit, në gjykatë
Ndër akuzat e Luçiano Gauçit është përmendur edhe emri i Ze Marias. Ky i fundit është përgjigjur menjëherë, duke thënë: "Jam shumë i indinjuar me deklaratat e tij. Nuk e kuptoj se si i ka shpikur. I kam thënë avokatit tim të merret me këtë çështje, pasi akuzat e tij nuk janë të lehta." Në fakt, ish-mbrojtësi i Peruxhias është përfshirë në listën e futbollistëve që, sipas Gauçit, shitën ndeshjen shtesë kundër Fiorentinës, të vlefshme për kualifikim në Serinë A, të cilën e fitoi skuadra vjollcë.

__________________
Try not to become a man of success but rather to become a man of value - Einstein Albert.

Mesina Juventus 2 2
Shënues: Flokari 3', 86'/ Ibrahimoviç 18', Mutu 81' (11-m)
Mesina: Kaljoni, Aronika, Kristante, Rafael, Rezaei, Zanki, Bondi (Sulo 74'), Kopola (Noçerino 68'), Donati (Agomeri 83'), Flokari, Nani. Tr: Muti.
Juventus: Bufon, Balxareti, Kanavaro, Kovaç, Pesoto, Kamoranezi (Mutu 64'), Emerson, Nedved, Vieira, Del Piero (Turam 53'), Ibrahimoviç (Trezege 85'). Tr: Kapelo.
Gjyqtar: Farina
Kartonë të verdhë: Zanki, Kopola, Kanavaro (2), Vieira, Kamoranezi.
Karton i kuq: Kanavaro.

"Zonja e vjetër" i ruan distancat në renditje. Juventusi ka barazuar 2-2 në Mesinë, në një ndeshje të pëlqyeshme dhe të ekuilibruar, dhe ka ruajtur 12 pikët e avantazhit ndaj Interit, i cili u ndalua me një barazim nga Livorno. Kështu që Kapelo nuk ka përse të shqetësohet së tepërmi: me 10 lojtarë për rreth 40 minuta, skuadra e tij shfaqi një gjendje të mirë atletike dhe karakterin e zakonshëm. Nuk arriti t'i sjellë në shtëpi tri pikët, vetëm për shkak të disa gabimeve në mbrojtje, por paraqitja mbetet gjithsesi pozitive. Por edhe trajneri i Mesinës, Bortolo Muti, e ka legjitim gëzimin për arritjen e djemve të tij. Mesina, edhe pse me mungesa, ka arritur t'i ndalë kampionët e Italisë, falë një dygolëshi të një Flokari tepër në formë. Kapelo paraqiti një formacion me një rotacion të reduktuar. Në mbrojtje u la pushim në kuadër të Champions-it Turami dhe u kthye Kovaçi pas dëmtimit. Vendin e Kielinit e zuri Balxareti, që u kthye në të majtë, kurse në të djathtë ishte "i paplakuri" Pesoto.

Në mesfushë ishin të gjithë titullarët, kurse sulmi përbëhej nga dyshja Del Piero-Ibrahimoviç: Trezegeja u la në stol. Pjesa e parë ishte zbavitëse, sidomos në 30 minutat e para. Flokari arriti të shënonte menjëherë, duke konkretizuar me një të djathtë në diagonale një pasim të bukur të Donatit. Juvja befasisht gjendet në disavantazh. Nani edhe mund ta kishte dyfishur rezultatin, por Bufoni kreu një dalje të jashtëzakonshme dhe kështu që e priti gjuajtjen e pykës së siçilianëve. Ka qenë pritja e parë e madhe dhe vendimtare e portierit të kombëtares italiane, që kur është kthyer në fushë pas dëmtimit të gjatë.

Por "Zonja e vjetër" nuk pajtohet dhe reagon duke shfaqur grintën e saj. Ibrahimoviçi godet lart vetëm dy hapa larg portës, duke mos shfrytëzuar një numër të Kamoranezit me finte në zonë. Por ky ishte sinjali që paralajmëronte për barazimin. Kryesuesit arrijnë të ndërtojnë një aksion të shkëlqyer me rrjedhshmëri dhe me një takim të Del Pieros, Kamoranezit, Nedvedit dhe Ibrahimoviçit, i cili e korrigjon gabimin e mëparshëm dhe me një të djathtë të fortë në diagolane i çon shifrat në 1-1.

Me fillimin e pjesës së dytë, Del Piero i shkoi shumë pranë golit, por edhe Mesina pati rastet e saj. Juventusi shtrëngon dhëmbët dhe këmbëngul derisa Ibrahimoviçi merr një 11-metërsh, që kthehet në gol nga Mutuja, i cili kishte hyrë në pjesën e dytë. U mendua se takimi kishte përfunduar, por Flokari në minutat e fundit kërceu mbi të gjithë në një rrëmujë në zonën e Juves dhe shënoi me kokë, duke mos i lënë asnjë mundësi për të reaguar Bufonit.

__________________
Try not to become a man of success but rather to become a man of value - Einstein Albert.

Livorno Inter 0 0
Livorno: Amelia; Grandoni, Vargas, Galante; Baleri (58' Pfertzel), Morrone (83' Sezar Prates), Pasoni, De Ashentis, Koko; Koluçi (71' Ruotolo), Lukareli. Tr: Macone.
Inter: Toldo; H.Zaneti, Kordoba, Materaci, Uome; Solari (76' Sezar), K.Zaneti, Pizarro, Kili Gonzáles (62' Figo); Adriano, Martins (83' Kruz). Tr: Orsi.
Gjyqtar: Bertini
Kartonë të verdhë: Materaci, Pizarro, Koluçi.

Ka përfunduar me shifrat 0 0 ndeshja mes Livornos dhe Interit. Emocionet mbërritën të gjitha në pjesën e parë, kur Amelia dhe Toldo u treguan të zotë në gjuajtjet e Materacit dhe De Ashentisit. Në minutën e 37-të, rasti me i mirë për të shënuar iu dha Martinsit, i cili u rrëzua në momentin që nuk i mbetej gjë tjetër, veçse ta dërgonte topin në rrjetë. Në minutat e fundit, zikaltrit e shmangën pësimin e golit në vijën e portës, pas një gjuajtjeje me kokë të Sezar Pratesit.

Sulmuesi Adriano rrezikon të shqyrtohet nga prova televizive, pasi goditi me shuplakë mbrojtësin Grandoni, episod ky që nuk u vu re nga arbitri Bertini. Zikaltrit luanin me rotacion, duke menduar edhe për takimin që i pret javën e ardhshme në Ligën e Kampioneve ndaj Ajaksit, kështu që trajneri Mançini, i cili ndodhej në tribunë për shkak të pezullimit, i kishte dhënë udhëzimet e duhura ndihmësit të tij Orsi. Risia e parë ishte rikthimi i Toldos në portë, në vend të Hulio Sezarit, i cili në takimet e fundit ka lënë disi për të dëshiruar. Në mbrojtje spikaste vetëm aktivizimi i Uomesë në të majtë, kurse vendin e të pezulluarit Samuel në qendër e kishte zënë Materaci. Në qendër të mesfushës, vendin e Kambiasos (i pezulluar) dhe Veronit (i dëmtuar) e kishin zënë Pizarro dhe Kristiano Zaneti, kurse korsitë u ishin besuar argjentinasve Solari (djathtas) dhe Kili Gonzales (majtas). Duke parë edhe barazimin e Juves, interistët duhej të kishin ditur ta shfrytëzonin më mirë këtë rast, por forma e dobët e dyshes sulmuese Adriano-Martins po kthehet në një sëmundje kronike për milanezët, të cilët tani i ka kapërcyer edhe Milani në vendin e dytë.

__________________
Try not to become a man of success but rather to become a man of value - Einstein Albert.