Shpëtimi i arritur matematikisht me dy javë para kohe, nuk mjafton për t'i dhënë buzëqeshjen Sienës. Klubi toskan ka përfunduar në "syrin e ciklonit" për polemikat dhe dyshimet që e shoqëruan para dhe pas sfidës me Juventusit. Tifozët e kundërshtuan rëndë skuadrën, De Kanio ka pohuar largimin dhe me sytë e të gjithë Italisë drejtuar nga ky ekip, tani edhe "aleanca e shenjtë" me "Zonjën" është në dyshim.
Është një atmosferë nën trysni të lartë ajo që duket në Sienë, një ditë pas sfidës së super-diskutueshme kundër Juves. "Dyshimet" për një favor të mundshëm ndaj skuadrës së Kapelos për lojtarët e shumtë toskanë, të lidhur me Gea-n (agjenci menaxheriale për lojtarët), kanë gjetur terren të dukshëm në tre golat e pësuar nga padronët e shtëpisë në 8 minutat e para të lojës. Të gjitha këto, por edhe akuzat e ish-kapitenit Arxhili ("Moxhi komandon Gea-n"), provokoi irritimin e publikut sienez. "Të shtunën në mbrëmje, dy nga lojtarët tanë ishin në diskotekë në Arexo, të dehur. Ja, kështu përgatitet ndeshja me Juven", - akuzojnë disa tifozë. Një nga dy të akuzuarit, i riu Paro nuk përgjigjet, ndërsa Portanova kërkon dialog: "Djema, unë ndeshjet nuk i shes." Për këtë, tifozët bardhezinj filluan të thërrisnin pas golit të dytë: "Qesharakë, qesharakë." Nga ana tjetër, trajneri De Kanio pohon largimin nga skuadra: "Jam unë ai që parapëlqej të largohem, këtu nuk kishte kushte për të punuar. Që nga java e parë më kanë shkarkuar me protestat e tyre." Tani, rreth Sienës mbetet një atmosferë dyshuese që mund të ketë ecuri negative për strategjitë e së ardhmes. Në sezonin e ardhshëm, pas shumë polemikave, "aleanca e shenjtë" me Juventusin, a mund të vazhdojë para? Pyetja është e drejtë dhe një ndryshim në drejtim të klubit do ta ndëshkonte aspektin teknik të padronit De Luka. Por jo para se të saktësonte: "Mos është gjë "Gea" që paguan borxhet? Këtu, në të vërtetë, paratë i jap unë, të gjitha të tjerat janë sajesa." Ndoshta, por rikthimi i besimit drejt tifozëve vështirë të kthehet.

Tifozët bardhezinj: Mjaft më me dyshime!
Pas dyshimeve rreth një favorizimi të mundshëm të Sienës në përballjen ndaj Juves, kanë qenë vetë tifozët juventinë që kanë mbrojtur skuadrën e tyre: "Cilido rezultat që do të kishte dalë nga "Franki", shkruan Juventus1897.it, do të kishim dëgjuar komente të adresuara ndaj nesh, në kuptimin e rezultatit të pilotuar, sepse Siena është një klub mik dhe sepse është "Gea". Çudi që nuk flitet asnjëherë për miqësi mes Milanit dhe skuadrave të tjera, si me Parmën apo Rexhinën." Tifozët bardhezinj i janë kundërpërgjigjur kështu shtypit të cilësuar, "jashtëzakonisht anti juventin." Fakti është i veçantë, sepse vetëm disa javë më parë skuadra ishte kundërshtuar rëndë në "Dele Alpi" pas skualifikimit nga Championsi ndaj Arsenalit. Mbrojtja e mbështetësve vazhdon: "Ndeshja e Sienës është shembulli klasik, se si një mjedis konsiderohet shkencërisht i përgatitur nga media të tilla, jashtëzakonisht anti juventine dhe pak të ngjyrosura bardhezi. Për të qenë serioz, kjo ndeshje duhej të mbyllej me humbjen e Juves dhe theksojmë që Siena ka marrë vetëm dy pikë në shtatë ndeshjet e fundit, me mbrojtjen më të dobët të kampionatit dhe me numrin më të madh të humbjeve në shtëpi pas Trevizos. Pra, mediat edhe një herë meritojnë një notë negative."

__________________
The heaven's sound is composed inside your heart, listen to its beat to syncronize your life onto the angel's steps.

Marko Materaci ka dashur të shpjegojë autogolin e tij që i shkaktoi humbjen Interit në Empoli: "E gjuajta shumë keq topin." Mbrojtësi i Interit është përpjekur të shpjegojë episodin, ku ai u bë protagonist negativ këtë të diel në minutat e fundit të ndeshjes: "Ma zuri këmba shumë keq atë top, - ka deklaruar futbollisti për faqen e Interit në internet. - Më vjen shumë keq, sepse e vura në vështirësi portierin dhe skuadrën. Për fat të keq janë gjëra që ndodhin. Është e drejtë që kur dikush gabon, t'i marrë përsipër përgjegjësitë e tij. Lëreni të qetë Hulio Sezarin, sepse ai nuk ka faj fare, në atë rast gabova vetëm unë."

Lojtari i ekipit që drejtohet nga Roberto Mançini ka shpjeguar edhe se çfarë ka ndjerë kur e ka parë topin ta kapërcente portierin: "Desha të groposesha diku, por s'kisha si ta bëja. Nëse kjo gjë duhej të ndodhte medoemos, më mirë që ndodhi të dielën dhe jo në një rast më të rëndësishëm si të mërkurën në mbrëmje. Për fat të mirë, kjo nuk ndryshoi shumë gjëra për ne. Nëse duhet vetëm të qeshim me të?

Nga mënyra se si ndodhi, ndoshta po, por mua ma ka prishur jashtëzakonisht shumë humorin, sepse bëri që ta humbisnim ndeshjen. E vetmja brengë që kam, është se nuk kishim kohë të nevojshme në dispozicion, për t'u përpjekur ta korrigjonim atë gafë fatale që bëra unë." Ndërsa, për finalen e Kupës së Italisë ndaj Romës, futbollisti shtatlartë shtoi: "Roma do të jetë shumë e vendosur dhe do të përpiqet të hakmarret ndaj nesh për finalen e sezonit të kaluar. Do të luajmë në dy stadiume shumë të bukura dhe të mbushura plot me njerëz, ku është fantastike të luash. Vetëm kjo do të mjaftonte për të na dhënë stimujt e duhur." Për të përfunduar, i pyetur nëse në këtë pikë e mendon ndopak botërorin, Materaci e mbylli duke thënë: "Tani kemi dy finalet e Kupës së Italisë dhe dua të përqendrohem tek ato. Vetëm më pas do të filloj të mendoj për Kupën e Botës." Ndërkohë, skuadra e Interit është stërvitur dje në mëngjes në Apano Xhentile, në kuadër të finales së Kupës së Italisë ndaj Romës. Titullarët e ndeshjes në Empoli kanë kryer një seancë çlodhëse, ndërsa pjesa tjetër e lojtarëve kanë zhvilluar ushtrimet e nxehjes me qarkullimin e topit, prova rezistence specifike, gjuajtje në portë dhe mini-ndeshje. Dejan Stankoviç, Sinisha Mihajlloviç dhe Françesko Toldo janë stërvitur me shokët, ndërsa Huan Sebastian Veron (vrapime në rërë, vrapim në fushë dhe stërvitje teknike me topin), Alvaro Rekoba dhe Kristiano Zaneti (terapi specifike dhe stërvitje në palestër) kanë kryer një seancë të veçantë stërvitore. Pierre Uome, i cili ka marrë leje për arsye familjare, nuk ishte i pranishëm në stërvitje.

Lukareli: Tani jam gati për Interin
Kristiano Lukareli tek Interi? Ndoshta, edhe sepse vetë prsoni në fjalë nuk e mohon. Në fakt, lojtari i Livornos lidhur me këtë çështje ka thënë: "Unë dhe Marko Branka (drejtori teknik i Interit) u përshëndetëm pas ndeshjes Livorno Inter, sepse kemi luajtur bashkë në Lojërat Olimpike në Atlanta. Nuk flasim shpesh, por jemi takuar.

"Për skuadrën zikaltër, Lukareli shtoi: "Unë mendoj se në këtë moment do të ishte e volitshme të shkoja tek Interi. Nga ekipet e mëdha është ajo që ka më shumë perspektivë." Golashënuesi i Livornos e ka justifikuar edhe ecurinë e sivjetme të Adrianos me shokë: "Interi ka marrë më shumë pikë se në sezonin e kaluar në kampionat, ka shkuar në finalen e Kupës së Italisë dhe ka dalë nga Championsi nga një gol i pësuar në transfertë."

__________________
The heaven's sound is composed inside your heart, listen to its beat to syncronize your life onto the angel's steps.

Autokandidimi i Kristiano Lukarelit si sulmues i Interit nuk e ka kënaqur trajnerin e zikaltërve, Roberto Mançini, i cili, edhe pse e ka lojtarin e Livornos në konsideratë, ka preferenca të tjera për repartin sulmues të sezonit të ardhshëm. "Lukareli? Ai është paraqitur shumë mirë në dy sezonet e fundit, - ka deklaruar trajneri i Interit, - megjithatë, më pëlqejnë Henri dhe Ronaldinjo. Edhe Tavano është një element i shkëlqyer". Ëndrra e Kristiano Lukarelit për të kaluar tek Interi, duket se është shuar sa hap e mbyll sytë. Pasi ai që duhet ta zgjedhë, duket se s'është fort i bindur nga një hipotezë e tillë. Trajneri i Interit, Roberto Mançini, pas humbjes në Empoli nuk është dukur i entuziazmuar nga fjalët e Lukarelit ("Interi është zgjedhja ime e parë mes ekipeve të mëdha"), edhe pse e konsideron një lojtar të zotin.

"Në dy vitet e fundit ka qenë shumë rezultativ, gjithsesi mua më pëlqejnë Henri dhe Ronaldinjo". Me pak fjalë, për ta afruar sërish tifozërinë zikaltër me skuadrën, pas tensioneve të javëve të fundit, dhe për të siguruar një futbollist që mund të bëjë diferencën, Mançini do të donte një emër të madh. Dhe Henri apo Ronaldinjo duket se do të ishin idealët për rastin e Interit, edhe pse s'është aspak e lehtë t'ua rrëmbesh Arsenalit apo Barcelonës.

Mançini, që ka edhe një vit kontratë me klubin milanez, s'është dukur shumë i bindur as nga ardhja e Tavanos, i cili aktualisht luan tek Empoli. Por, ndërkohë, ka një lojtar që e bind plotësisht trajnerin e zikaltërve: bëhet fjalë për mbrojtësin e Palermos, Fabio Groso, për të cilin në mes të kësaj jave mund të takohen pronari Morati dhe presidenti i siçilianëve, Zamparini, i cili dëshiron në këmbim Pizarron. "Groso është lojtari që po kërkojmë, - përfundoi Mançini, në rolin e tij është me siguri një prej më të mirëve".

__________________
The heaven's sound is composed inside your heart, listen to its beat to syncronize your life onto the angel's steps.

E ardhmja e Andrei Shevçenkos mund të jetë larg Milanit. Ajo që i ka bërë disi të besueshëm zërat e merkatos që prej kohësh citojnë faktin se ukrainasi ndodhet në "shënjestrën" e Çelsit, ka qenë mosmarrëveshja e së dielës me Ançelotin. Pasi u zëvendësua në sfidën ndaj Livornos, sulmuesi lëshoi disa fjalë të rënda në drejtim të trajnerit. Shenjë e një nervozizmi që mund të hapë skenarë interesantë merkatoje, me Abramoviçin në "pole position". Në minutën e 66-të të takimit, Milani udhëhiqte 2 0 ndaj Livornos. Në atë pikë, Ançeloti e thirri Shevçenkon në stol për t'i lënë vendin Xhilardinos, por ukrainasit s'i erdhi aspak mirë: "Çfarë dreq zëvendësimi është ky? Vafsh në djall..." - kanë qenë fjalët që janë mundur të lexohen nga buzët e lojtarit në çastin e zëvendësimit. "Por nuk ishin për Ançelotin, nxitoi të saktësonte ai, nëse ka një person, të cilin nuk do të mund ta shaja kurrë, ai është Ançeloti. Trajner Karlon e respektoj shumë, është tjetër ajo që lexoni në buzët e mia, dhe një tjetër gjë ajo që mendoj dhe them për të. Isha i inatosur, doja të qëndroja në fushë dhe të shënoja, kjo është e gjitha." "Nëse ka ndonjë problem, do të sqarohemi nesër (sot) me rinisjen e përgatitjeve, - ka thënë trajneri, duke riparë pamjet e filmuara. - Megjithatë është normale që një futbollisti të mos i vijë mirë të dalë nga fusha."

Por qëndron fakti se episodi është një tregues i qartë i nervozizmit të Shevçenkos, i cili është gjithnjë e më i joshur nga sirenat e "bluve". Abramoviçi, veç për ta sjellë te Çelsi, është i gatshëm t'i ofrojë një kontratë pesëvjeçare me nga 7 milionë euro në sezon: ar i kulluar për një sulmues që në shtator do të mbushë 30 vjeç. Pa llogaritur se Shevës nuk do t'i vinte aspak keq të provonte një tjetër mënyrë për ta luajtur dhe për ta përjetuar futbollin. Duke u qëndruar thashethemeve, duket se në javët e ardhshme është në program një takim kokë më kokë mes lojtarit dhe Galianit, për të diskutuar lidhur me një rishikim të mundshëm të kontratës me klubin kuqezi. Nga ky ballafaqim, klubi milanez do të vendosë se ç'strategji do të ndjekë: pra, nëse do ta "blindojë" nga ndonjë sulm i mundshëm apo do të pranojë mega-ofertën e Abramoviçit për të investuar te një tjetër talent i madh. Por vetë Andrei Shevçenko i ka shuar menjëherë polemikat që u çelën gjatë ndeshjes me Livornon. Në fakt, lojtari ka ndërhyrë gjatë emisionit "Controcampo" tek "Italia1", për të shpjeguar sjelljen e tij.

Teksa dilte nga fusha, Shevçenko kishte përdorur fjalë shumë të rënda, të cilat, edhe pse s'i ishin drejtuar në mënyrë direkte trajnerit, rikthyen në kujtesën e shumëkujt mosmarrëveshjet e së kaluarës mes lojtarit dhe Ançelotit gjatë zëvendësimeve. "E kisha me veten, - shpjegoi Shevçenko, - sigurisht që isha pak nervoz, sepse pata shumë raste për shënim dhe nuk arrita t'i konkretizoja. Kemi zhvilluar një sezon të vështirë dhe jemi të gjithë të lodhur dhe nervozë. Kjo ndeshje ishte shumë e rëndësishme. Për mua është thelbësore ta bëj sa më mirë punën time, pasi pretendoj shumë nga vetja." Shevçenko vijoi: "Pas ndeshjes, unë dhe Ançeloti nuk folëm, sepse nuk kishim ndonjë gjë për të thënë. As që më shkoi në mendje se mund të ishte krijuar një çështje e tillë. Unë e çmoj shumë Ançelotin si trajner dhe si njeri. Ne shkojmë shumë mirë dhe s'mund t'i thosha kurrë Karlos gjëra të tilla."

Ançeloti: Unë dhe Sheva, sërish bashkë
Sheva është nervoz, sepse ndoshta nuk e kupton se ç'do të ndodhë te Milani në fund të sezonit. Ai ka frikë se mos Ançeloti largohet, i druhet rikthimit të një situate si ajo që ka përjetuar në vitet e para te Milani. Ukrainasi flet vazhdimisht me trajnerin, marrëdhëniet mes tyre janë të mira dhe ndoshta i takon pikërisht Ançelotit ta analizojë me Shevçenkon të ardhmen, ta garantojë dhe ta bindë që ta ritentojnë së bashku fitimin e Championsit. "Sepse unë s'do të lëviz që këtu, kjo është e sigurt, dhe as ai s'do të largohet", - ka thënë Ançeloti. Ky ka qenë një tjetër konfirmim besimi ndaj një lojtari kyç. "Do të flasim kur të rifillojnë stërvitjet", - tha Ançeloti kur i treguan pamjet e filmuara. Por pak më pas, çështja u duk se ishte zgjidhur: "Nëse Sheva thotë që s'e kishte me mua, nuk kam asnjë arsye për të mos e besuar.

Në fund të ndeshjes i dhamë dorën njëri-tjetrit, nuk e dija se ishte inatosur. Sa për sezonin e ardhshëm, nuk ka asnjë mundësi që unë të largohem nga Milani, ndaj unë dhe Sheva do të vazhdojmë të punojmë bashkë."

__________________
The heaven's sound is composed inside your heart, listen to its beat to syncronize your life onto the angel's steps.

Për Luka Tonin ishte hera e parë që shkonte në stadiumin "Barbera" të Palermos si kundështar. Fushata e përbërë nga vërshëllima, sharje dhe shumë gjëra të tjera ndaj golashënuesit vjollcë, e kushtëzoi atë për sa i takon shënimit të golit. Për tifozët e Palermos, ndeshja e së dielës ishte sfida e vitit, ndeshja që ndoshta mund t'i jepte një kuptim sezonit, hakmarrja ndaj mikut që e tradhtoi, duke pranuar të veshë fanellën vjollcë. Tifozët kishin një vit që e prisnin, donin t'ia kthenin pasditen në një makth të vërtetë, në një ferr, dhe në fund atmosfera e zjarrtë e "Barberës" kushtëzoi jo vetëm rendimentin e kryegolashënuesit të Serisë A, por edhe të të gjithë Fiorentinës. "Të them të drejtën, më erdhi keq që më pritën në atë mënyrë, - ka thënë Luka Toni, megjithatë, sjellja e publikut nuk më kushtëzoi. Nuk ishte një ndeshje me fat për ne, sikurse dëshmon trau që goditëm në fund të pjesës së parë.

Ndërsa Palermo arriti ta shënonte golin, pasi dihet se si shkojnë këto punë: nëse nuk shënon, do ta pësosh." Lidhur me urrejtjen e tifozëve palermitanë, Toni ka shprehur të gjithë habinë e tij. "Kjo historia e tradhtisë ka një vit që vazhdon, - shtoi ai, - është e lehtë të thuash se ato vërshëllima ishin mosmirënjohëse, mendoj se faji për krijimin e kësaj situata është i të gjithëve. Mendoj se dikujt i ka leverdisur që të shkruhen gjëra të pavërteta për mua. Kur lexova disa parulla të caktuara, më erdhi për të qeshur, por tanimë gjithçka ka kaluar." Sulmuesi përfundoi duke thënë për ndeshjen: "E flakëm tutje barazimin, patëm disa raste të mira. Për fatin tonë të mirë, Roma nuk fitoi, kështu që jemi ende në valle për Championsin, që vlen sa një titull për ne. Zamparini? Në fillim nuk thoshte se ishte penduar që më shiti, por ndoshta 28 golat që kam shënuar, e bënë të ndryshonte mendim."

Përfundon sezoni për Jap Stamin
Jap Stam, pasi u detyrua ta braktiste fushën në minutën e 41-të të takimit ndaj Livornos, u shoqërua në spital nga mjeku i Milanit, Masimiliano Sala, për një kontroll që nxori në pah dëmtimin e ligamentit akromionkkalvear të shpatullës së djathtë. Prognoza do të vlerësohet në ditët e ardhshme, por sezoni i holandezit ka përfunduar. Vitin e ardhshëm, Stami do të luajë me fanellën e Ajaksit dhe kështu që të dielën e mbylli aventurën e tij italiane pas 3 sezonesh te Lacio dhe 2 te Milani.

Roma, Spaleti i zemëruar me barazimin
Luçiano Spaleti e komenton disi i hidhëruar barazimin rokambolesk me Kievon në "Bentegodi." "Humbëm një rast të shkëlqyer, - tha trajneri verdhekuq, duke parë që Fiorentina humbi në Palermo. - Sa herë që lejojmë hapësira, të tjerët janë gati t'i shfrytëzojnë, ndërsa ne duhet të rregullojmë ende diçka. Kur shënon katër gola jashtë fushe dhe nuk shënon, është shenjë që diçka e kemi humbur rrugës. Por, nëse Roma do të ishte e lodhur, nuk do të kishte shumë raste për gol ndaj një kundërshtari të fortë. Jam disi i zemëruar që humbëm tri pikë. Championsi? Duhet të luajmë mirë, në respekt të futbollit dhe të publikut, gjithsesi besojmë."

Flaki: E festova rinovimin me gol
Françesko Flaki kishte vetëm pak që e kishte rinovuar edhe për dy vite të tjera kontratën me Sampdorian dhe me golin që i shënoi Udinezes këtë të diel, e festoi më së miri këtë ngjarje. "Nuk e imagjinoj dot veten me një tjetër fanellë dhe kështu që ndihem i lumtur që mora këtë vendim. Sivjet mund të na kishte shkuar edhe më keq, pasi të gjithë kemi bërë gabime, ne në fushë dhe klubi jashtë saj. Tani që e kemi siguruar matematikisht qëndrimin në kategori, duhet të nxjerrim mësime nga përvojat negative, për të ndërtuar një Sampdoria të madhe në sezonin e ardhshëm."

__________________
The heaven's sound is composed inside your heart, listen to its beat to syncronize your life onto the angel's steps.

Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia Inter Campione D'italia

__________________
I LOVE INTER

Inter Kampione Olle-olle-olle-olle
Ekipi Ma I Fort

Sot u zhvilluan ndeshjet e javes se 36-te te Serise A. Ja rezultatet:

Ascoli-Palermo 3-2
Catania-Milan 1-1
Fiorentina-Cagliari 1-0
Inter-Lazio 4-3
Livorno-Sampdoria 1-0
Parma-Messina 4-1
Reggina-Chievo 1-1
Roma-Torino 0-1
Siena-Empoli 2-0
Udinese-Atalanta 2-3

Kur kane mbetur edhe dy jave nga perfundimi, gjithcka duket e mbyllur, luftohet ende per 2 vendet e Kupes UEFA (ne gare Fiorentina, Empoli, Palermo, Atalanta) dhe per te qendruar ne Serine A (Messina e Ascoli e kane siguruar renien ne B, ndersa ekipet nga Livorno deri tek Chievo jane ne lufte).
Ja renditja:

1 INTER 93 - Campione D'Italia
2 Roma 72 Champions League
3 Milan 61* Preliminary Champions League
4 Lazio 61* Preliminary Champions League
5 Fiorentina 54*
6 Empoli 53
7 Palermo 52
8 Atalanta 49
9 Sampdoria 46
10 Udinese 43
11 Livorno 39
12 Torino 39
13 Parma 38
14 Catania 38
15 Siena 37*
16 Cagliari 37
17 Reggina 36*
18 Chievo 36
19 Messina 25 Serie B
20 Ascoli 24 - Serie B

* = skuadra te penalizuara (Milan -8, Fiorentina -15, Siena -1, Reggina -11, Lazio -3)


Ja edhe ndeshjet e Javes se 37-te, e parafundit (E diel 20 Maj, ora 15:00):

Sampdoria-Catania
Lazio-Parma
Chievo-Ascoli
Messina-Fiorentina
Milan-Udinese (te shtunen 19 Maj ora 18:00, per efekt te finales Champions)
Palermo-Siena
Empoli-Reggina
Torino-Livorno
Atalanta-Inter
Cagliari-Roma

__________________
I LOVE INTER

Sot u zhvilluan ndeshjet e javes se 37-te te Serise A, e parafundit. Ja rezultatet:

Sampdoria-Catania 1-0
Lazio-Parma 0-0
Chievo-Ascoli 1-0
Messina-Fiorentina 2-2
Milan-Udinese 2-3
Palermo-Siena 2-1
Empoli-Reggina 3-3
Torino-Livorno 0-0
Atalanta-Inter 1-1
Cagliari-Roma 3-2

Mbetet tashme edhe nje jave nga perfundimi i ketij sezoni. Cdo gje e zgjidhur, mbetet per t'u percaktuar vetem skuadra e trete qe do te shoqeroje Messinen dhe Ascolin ne Serine B. Ne lufte jane Chievo, Parma, Catania, Reggina dhe Siena. Ja renditja:

1 INTER 94 - Campione D'Italia
2 Roma 72 Champions League
3 Lazio 62* Preliminary Champions League
4 Milan 61* Preliminary Champions League
5 Fiorentina 55* UEFA Cup
6 Palermo 55 UEFA Cup
7 Empoli 54 UEFA Cup
8 Atalanta 50
9 Sampdoria 49
10 Udinese 46
11 Livorno 40
12 Torino 40
13 Cagliari 40
14 Chievo 39
15 Parma 39
16 Catania 38
17 Reggina 37*
18 Siena 37*
19 Messina 26 Serie B
20 Ascoli 24 Serie B

* = skuadra te penalizuara (Milan -8, Fiorentina -15, Siena -1, Reggina -11, Lazio -3)

Ja edhe ndeshjet e Javes se 38-te te Serise A, e fundit (E diel 27 Maj, Ora 15:00)

Ascoli - Cagliari
Catania - Chievo
Fiorentina - Sampdoria
Inter - Torino
Livorno - Atalanta
Parma - Empoli
Reggina - Milan
Roma - Messina
Siena - Lazio
Udinese - Palermo

__________________
I LOVE INTER

Sot u zhvilluan ndeshjet e javes se 38-te dhe te fundit te Serise A. Ja rezultatet:

Ascoli - Cagliari 2-1
Catania - Chievo 2-0
Fiorentina - Sampdoria 5-1
Inter - Torino 3-0
Livorno - Atalanta 4-1
Parma - Empoli 3-1
Reggina - Milan 2-0
Roma - Messina 4-3
Siena - Lazio 2-1
Udinese - Palermo 1-2

Ne baze te rezultateve te javes se fundit, percaktohet edhe dilema e fundit: do te jete Chievo qe do te shoqeroje Ascolin dhe Messinen per ne Serine B sezonin e ardhshem. Ekipi veronez humbi perballjen direkte me Catanian duke u larguar pas 6 sezonesh nga kategoria superiore. Ja renditja dhe verdiktet definitive:

1 INTER 97 - Campione D'Italia
2 Roma 75 - Champions League
3 Lazio 62* - Preliminary Champions League
4 Milan 61* - Champions League
5 Fiorentina 58* - UEFA Cup
6 Palermo 58 - UEFA Cup
7 Empoli 54 - UEFA Cup
8 Atalanta 50
9 Sampdoria 49 - Intertoto Cup
10 Udinese 46
11 Livorno 43
12 Parma 42
13 Catania 41
14 Reggina 40*
15 Siena 40*
16 Cagliari 40
17 Torino 40
18 Chievo 39 - Serie B
19 Ascoli 27 - Serie B
20 Messina 26 - Serie B

* = skuadra të penalizuara (Lazio -3, Milan -8, Fiorentina -15, Reggina -11, Siena -1)

Fitojne te drejten per te luajtur ne Serine A sezonin e ardhshem:
Juventus, Napoli, Genoa

Kjo temë mbyllet këtu. Ju falenderojmë dhe ju mirëpresim në diskutime të tjera!

__________________
I LOVE INTER

Pas barazimit te turpshem te Milanit dje ne Siena (1-1 ne minutat shtese) dhe atij pa gola mes Lazios dhe Empolit, zhvillohen sot ndeshjet e tjera te Javes se 3-te te Serise A:

Fiorentina - Atalanta
Genoa - Livorno
Inter - Catania
Juventus - Udinese
Napoli - Sampdoria
Palermo - Torino
Reggina - Roma
Parma - Cagliari

__________________
I LOVE INTER