Java26.

Bie perdja e Kampionatit të Kosovës në futboll: KF “Prishtina” u shpall edhe zyrtarisht kampione

Vëllaznimi, Besiana dhe Kosova (V) për Superligë do të mendojnë në edicionin e ardhshëm. Llapi e Liria morën 'vizën' për në elitë. Pas 26 javëve lojëra cilësore, emocione e shikueshmëri të konsiderueshme në stadiume tona, por herë herë edhe lojëra të tensionuara, kacafytje të futbollistëve, grushtime të gjyqtarëve dhe përleshje të tifozëve, është lëshuar perdja e Kampionatit të katërt të pasluftës në futbollin kosovar.

Nga njohësit e futbollit ky edicion është vlerësuar si njëri ndër më cilësorët dhe më interesantët, veçmas sa i përket luftës për qëndrim në shoqërinë e vjetër, e cila ishte e paqartë deri në vetë mbylljen e kaptinës. Derisa një javë më parë nga elita ishin përshëndetur Besiana dhe Kosova (V), në javën e fundit gjurmëve të këtyre dy skuadrave u detyrua të shkojë edhe Vëllaznimi. Këto skuadra edhe në të ardhmen do të garojnë në Ligën e parë, por kësaj radhe në këtë rang të garave nuk do të jenë skuadrat e elitës, ngase duke filluar nga edicioni i ri, FFK-ja do të nisë me sistemin e ri të garave, sipas të cilit do të formohet Superliga, prej 12 skuadrash, Liga e parë prej 14 skuadrash, Liga e dytë, e kështu me radhë. Titulli i kampionit me plot meritë në këtë edicion i buzëqeshi klubit më me nam në futbollin kosovar, Prishtinës. Ky klub në edicionin e kaluar, kur festoi 80-vjetorin e krijimit nuk arriti ta ngre lart këtë trofe, por sivjet me punë dhe angazhim të madh, arriti që të mbizotërojë në skenën e futbollit kosovar. Dhe ishte pasditja e djeshme, kur para ndeshjes kundër Flamurtarit, futbollistëve të Prishtinës edhe zyrtarisht iu dorëzua titulli i kampionit nga drejtori i Departamentit për Sport në Ministrinë për Kulturë, Rini e Sport, Ismajl Kasumi. Pikërisht në duelin ndërmjet rivalëve të kryeqytetit dhe në përballjen në Prizren, ndërmjet Getoarit dhe Vëllaznimit, vendosej edhe skuadra e tretë, e cila do t’i jepte lamtumirën shoqërisë së vjetër. Ashtu edhe siç pritej në duelin në kryeqytet, i cili u përcoll nga rreth 4.000 shikues, futbollistëve të Prishtinës iu mungoi motivi për fitore, gjë të cilën e shfrytëzuan “kuqezinjtë”, duke arkëtuar tri pikë me golin e Fatos Ademit, në minutën e 74-të, të cilat përfundimisht ia siguruan mbetjen në mesin e skuadrave më cilësore. Një ballafaqim shumë më i tensionuar dhe më dramatik u zhvillua në stadiumin “Përparim Thaçi” në Prizren në praninë e rreth 5.000 shikuesve. Duke pasur parasysh rëndësinë e pikëve në këtë takim, të dyja skuadrat hynë me ngarkesë të madhe psikike, por prizrenasit kaluan shumë herët në epërsi me golin e Agron Besenit, në minutën e 10-të, i cili më vonë u vërtetua se ishte edhe goli i fitores. Deri në minutën e 58-të atmosfera në stadium ishte për lakmi. Në këtë periudhë të lojës për shkak të kacafytjes, gjyqtari Muhedin Ferati me karton të kuq ndëshkoi Radoniqin e Vëllaznimit dhe Brandon e Getoarit. Por, kacafyetja e këtyre dy lojtarëve vazhdoi edhe rrugës për në zhveshtore, me ç’rast disa tifozë vendas sulmuan futbollistët e Vëllaznimit, duke shkaktuar rrëmujë edhe më të madhe, por me kohë intervenuan pjesëtarët e Shërbimit Policor të Kosovës dhe njësiti i forave speciale argjentinase, të cilët vetëm pas 20 minutave ndërprerjeje dhe qetësimit të situatës lejuan që ndeshja të vazhdojë. Pas kësaj rrëmuje, përkundër disa rasteve të volitshme në të dyja anët rezultati mbeti i pandryshuar dhe si rrjedhojë, futbollistët dhe tifozët e Getoarit festuan mbetjen në elitë, derisa gjakovarët nuk arritën t’i përmbajnë lotët e zhgënjimit, ngase në edicionin e ri nuk do të jenë pjesë e shoqërisë elite.

Ibrahim Vojvoda golashënuesi më i mirë

Ndonëse gjatë tërë kampionatit listën e golashënuesve e priu futbollisti i Besës së Pejës, Haxhi Zeka, në fund epitetin e golashënuesit më të mirë e rrëmbeu futbollisti i Drenicës, Ibrahim Vojvoda, i cili në duelin ndaj Kosovës (V) shënoi aq gola sa iu deshën për të kaluar në pozitën e parë, gjithsej 5 gola, derisa Haxhi Zeka në javën e fundit “agjeroi”, duke menduar se ka epërsi të mjaftueshme ndaj përcjellësit të tij më të afërt.

Lista e golashënuesve
Ibrahim Vojvoda 21
Haxhi Zeka 20
Kushtrim Munishi 16
Selmon Berisha 12


Liga e Parë
Kosova (V)-Drenica 5:6
(Ahmeti 18’, 44’, 90’, Zabërxha 85’, 82’, Osmani 87’ - Vojvoda 33’, 42’, 53’, 80’ dhe 85’)
Ferizaji-Kosova 1:0
(Topalli 85’)
Getoari-Vëllaznimi 1:0
(Beseni 10’)
Drita-KEK-u 2:0
Gjinovci (11’, 78’)
Prishtina-Flamurtari 0:1
(Ademi 74’)
Besiana-Besa 0:2
(Domniku 17’, Muzlia 27’)
Trepça’89 ishte e lirë

Tabela
1.Prishtina 24 16 4 4 41:16 52
2.Besa 24 13 5 6 51:29 44
3.Ferizaji 24 9 9 6 34:23 36
4.Drenica 24 11 2 11 39:29 35
5.Trepça’89 24 11 1 12 35:41 34
6.Drita 24 9 6 9 37:33 33
7.Getoari 24 10 3 11 24:27 33
8.KEK-u 24 8 7 9 35:28 31
9.Flamurtari 24 9 4 11 27:31 31
10.Kosova 24 9 4 11 29:35 31
11.Vëllaznimi 24 8 4 12 26:42 28
12.Kosova (V) 24 8 3 13 29:48 27
13.Besiana 24 7 4 13 20:36 25
Prishtina kampione, nga liga largohen: Vëllaznimi, Besiana e Kosova (V).

Imazhe te Ngjitura

20040607131121716_1.jpg (24.2 KB, 8 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kete komentin e meposhtem e mora te webi www.tifozat.com sepse mu duk interesant!
''Nota humori-realitet-keqardhje''!

''Ahhhhh u knaqem futboll

Perfundoj edhe ky i ashtuquajtur Kampionat i futbollit ne Kosove.
Prishtina - kampion !

Vllaznimi, Kosova (V), Besjana kalojn nje rang me posht.

Duartrokitje ''klap klap klap'', qfar Kampionati i sukseshem dhe shume dramatik !!!! Jemi t'impresionuar...
Javet e fundit ishin me shume komedi se futboll, disa njerz shume gjiro para perfundimit filluan te tregojn me plot seriozitet se qfar rezultate do te ket ne gjirot e ardhshme, dhe cilat ekipe do te largohen nga liga, dhe ashtu doli - qfar ironie !
Qe mos te behemi monoton, do ti komentojm vetem disa ndeshje te gjiros se fundit...


Prishtina - Flamurtari
O qfar mizerie... lojtaret e Prishtines largohen dhe lirojn rrugen kundershtarit qe te shenoj, ndersa ata me portier perball shutojn me nga 5-10 metra lart.
Nigeriani qe luan ne Prishtine (Edereho) si duket nuk e ka kuptuar para ndeshjes qe loja eshte e shitur, dhe gjuajti ne port, topi futet gjysem metre brenda vijes se portes kur ni lojtar i Flamurtarit me pas e debon. Publiku fillon te duartrokas, por aty del referi kryesor dhe ben me dije qe loja duhet te vazhdoj se nuk ishte gol ! dhe per qudi nuk pati reagime... por shiheshin fetyrat e buzqeshura te lojtarve te dyja palve, ndersa edhe rreth 5000 shikues prezent qeshnin me te madhe.

Kosova V - Drenica
Nje ndeshje me pak shikues por me plot dinamik,- 6:5 rezultati.
Para ktij takimi Haxhi Zeka i Beses kryesonte listen e realizuesve me 20 gola, i ndjekur nga Brahim Vojvoda i Drenices me 16. Qfar ndodhi... Vojvoda shenoj 5 gola per Drenicen, qe gola me te leht nuk ka shenuar as ne Play Station. Ai mirrte topin shkonte drejt portes kundershtare, mbrojtja 'ikte' prej tij, dhe ai shenonte. Po po shume qesharak. Dhe ne fund Vojvoda golshenuesi me i mire i Kampionatit me 21 gola !
Kjo osht ni e arritur shume e madhe! Duhet sa ma heret ti marrim kto gjirime dhe tju dergojm Uefa-s dhe ti tregojm se qfar ndeshje dramatike zhvillohen ketu, dhe doren ne zemer Vojvoda ka shenu 5 gola, dhe ky duhet te ket emer ne historin e futbollit !

Thuhet se vitin e ardhshem do te jen liga me e fort, me kualitatative pasi qe do te jen vetem 12 ekipe, nder te cilat Getoari - nje ekip me tradit shume te madhe (4 vjeqare), Kosova P - qe nuk posedon stadium, Drenica - qe ket sezon me ne fund e rrethoj stadiumin, Llapi - qe ket sezon stadiumin e kishte 60% balt ne qdo ndeshje.

Shume do te ngritet cilsia e liges !
Perpara FFKja, na e zbardhet fetyren ! mburremi me ju !
Falemnderit qe na jepni ket knaqsi me futboll, dhe arsye qe ne adhuruest te rrehemi mes veti, sepse perndryshe po kalon ne monotoni. ''


Nga: Fati (antar i forumit) www.tifozat.com

Imazhe te Ngjitura

thumb_ffk1.jpg (4.8 KB, 8 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Prishtina fitoi Superkupën e Kosovës

Skuadra kampione në fuqi, Prishtina, e ka nisur me këmbë të mbarë edicionin e ri, ngase në ndeshjen për Superkupën e Kosovës, ka mundur me rezultat bindës fituesen e Kupës - Kosovën e Prishtinës, me rezultat 4:0, duke dëshmuar se jo rastësisht edicionin e kaluar u shpall kampione. Ashtu siç pritej ndeshja e Superkupës është ndjekur nga një numër i madh i shikuesve, të cilët në fund kanë mbetur të kënaqur me lojën e treguar, megjithëse në disa periudha loja ka qenë paksa e zbehtë.

Tek të dyja skuadrat është vërejtur përgatitja jo e mirë fizike dhe një ç’thurrje në sistemin e lojës, kështu që të dy trajnerëve u mbetet ende punë e madhe për të përmirësuar lojën e skuadrave të tyre. Në minutën e 9-të, ka qenë Isufi, ai i cili ka rrezikuar i pari portën e Qosës, por gjuajtja e tij ka kaluar pak centimetra përtej shtyllës pingule. Më pas edhe Baliqi ka tentuar ta dërgojë topin në rrjetë, por gjuajtja e tij me kokë ka përfunduar mbi portë. Në minutën 31-të, “hotelierët” kanë mundur të kalojnë shumë lehtë në epërsi. Statovci harkoi nga krahu i majtë deri te B. Hashani, ky gjuajti në drejtim të portës, por rrjeta e Beselicës mbeti e patundur, në saje të shtyllës pingule. Kjo ishte e tëra çka treguan të dyja palët në 45 minutat e para. Në vazhdim të ndeshjes të përzgjedhurit e Ajet Shoshollit ishin më të rrezikshëm në drejtim të portës kundërshtare. Si rezultat i një loje të tillë, ata arritën që në minutën e 69-të të kalojnë në epërsi. Mjekiqi pasi dëpërtoi në kahun e majtë e shërbeu në zonën e rrepëtsisë Emin Baliqin, i cili nuk e fali portierin Qosa, duke e dërguar topin në rrjetë, 1:0. Pas këtij goli, kampionët në fuqi ishin edhe më energjik, sidomos në minutat e fundit të ndeshjes, kur shënuan edhe tre gola. Fillimisht në minutën e 87-të, Baliqi kombinoi në krahun e djathtë me Milaim Humollin këmbëshpejtë, i cili arriti që pa ndonjë vështirësi ta plasojë topin në rrjetë, për epërsinë 2:0. Vetëm tre minuta më vonë, V. Sermaxhaj harkoi në afërsi të portës, kurse aty reagoi për mrekulli Alban Bekteshi, i cili me kokë e dërgoi për herë të tretë topin në rrjetën e Labinot Qosës. Ndërkohë që shikuesit të ndahen edhe më të kënaqur, u përkujdes Curri, i cili në minutën e tretë të lojës shtesë, e realizoi penalltinë e fituar më parë nga Driton Krasniqi, i cili u ndalua në mënyrë të palejushme nga portieri Qosa. Në fund, Superkupën e Kosovës, kapitenit të Prishtinës, Milaim Humolli, ia dorëzoi kryetari i FFK-së, Sabri Hashani.

Thanë pas ndeshjes:
Ajet Shosholli, kryetrajner i Prishtinës: “Jam i kënaqur me lojën e treguar nga lojtarët e mi, sidomos nga futbollistët e rinj, si Labinot Haliti e Visar Sermaxhaj. Në pjesëlojën e parë ne luajtëm pak më zbehtë, ngase e vështruam lojën e kundërshtarit, ndërkohë që në 45 minutat e dytë u treguam bindshëm më të mirë, sidomos në fund të ndeshjes, kur realizuam edhe katër gola”.

Bylbyl Sokoli, kryetrajner i Kosovës : “Lojtarët e mi sot e kanë nënçmuar skuadrën rivale, duke menduar se me inkuadrimin në lojë të disa lojtarëve të rinj në radhët e Prishtinës, ajo do të jetë kafshatë e lehtë për t’u kapërdirë. Por ndodhi e kundërta, ata u treguan shumë energjik dhe realizuan madje katër gola. Eshtë për çdo kritikë loja e mesfushës dhe sulmit. Neve tash na mbetet një punë e madhe për ta përmirësuar lojën tonë dhe për t’i ‘zbritur në tokë yjet e futbollit kosovar’ që luajnë në skuadrën tonë”.

Prishtina 4
Kosova 0
Stadiumi i Qytetit në Prishtinë.
Shikues: rreth 8.000.
Gjyqtarë: M. Ferati, G. Havolli, P. Hasani.
Kartonë të verdhë: M. Humolli, Curri, Zhjeçi, Sermaxhaj – Qosa, Haxholli, Gjonbalaj, Statovci.
Golashënues: Baliqi (69’), M. Humolli (87’), Bekteshi (90’), Curri (90’+3 –pen.)
Prishtina: Beselica (Mushica), F. Humolli, M. Humolli, Curri, Zhjeçi, Isufi (Bekteshi), Mjekiqi, D. Krasniqi, V. Sermaxhaj, Baliqi dhe Haliti (A. Krasniqi).
Kosova : Qosa, Vokshi, Kukaj, Murseli (Fushtica), Komani, Haxholli, Shehu (Llumnica), Gjonbalaj (M. Dragusha), A. Dragusha, Statovci dhe Hashani.

Imazhe te Ngjitura

prishtina.jpg (10.3 KB, 0 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.