KAMPIONATI I KOSOVES : Java 1.

Nismë e mbarë e kampionit dhe nënkampionit

Ka filluar me sukses edicioni i ri futbollistik në Kosovë. 21 gola të shënuar, gjashtë fitore të skuadrave vendase dhe një fitore e mysafirëve, janë disa nga karakteristikat e kësaj jave. Ndonëse pushimi ndërmjet dy edicioneve ishte i gjatë, prap se prap mungoi vërshimi i adhuruesve nëpër stadiume, gjë e cila është brengosëse. Përveç në ndeshjen Trepça’89-Flamurtari, ku atmosfera në tribuna fillim e mbarë ishte emocionuese, në të gjitha stadiumet e tjera munguan brohoritjet e adhuruesve, madje në disa sosh numri i tifozëve ishte shumë i vogël, gjë të cilën nuk e meritojnë së paku skuadrat e elitës së futbollit kosovar, ndonëse dihet se cilësia ende është larg shkallës së dëshiruar.

Pikërisht ballafaqimi në stadiumin buzë Ibrit, ishte edhe ndër më cilësorët dhe më dramatikët në hapje të edicionit të ri. Pas një loje interesante dhe emocionuese, fitore shënuan futbollistët e Trepçës ’89, me rezultat 3:1, duke dëshmuar se në këtë 1.kampionat do të synojnë kreun e renditjes. Me sukses kampionatin e ri e kanë filluar edhe kampioni dhe nënkampioni i edicionit të kaluar. Skuadra e Dritës ka shënuar një fitore të lehtë përballë rivalit lokal, Gjilanit, me golat e shënuar nga Berisha (52’) dhe Hasani (57’ e 79), ndërkohë që golin e nderit për skuadrën e Gjilanit, e shënoi Osmani (64’). Ndonëse ishte parashikuar që dueli në kryeqytet ndërmjet Prishtinës dhe Besës të zgjojë kërshëri të madhe tek dashamirët e lojës së futbollit, kjo gjë nuk ndodhi, meqë në pasditen e djeshme në tribunat e stadiumit të kryeqytetit ishin mbledhur vetëm disa qindra tifozë. Futbollistët e Prishtinës shënuan fitore në këtë duel me rezultat 3:2, por loja e treguar nuk arriti t’i kënaq adhuruesit e pranishëm, të cilët gjithsesi kanë pritur një lojë më angazhuese dhe me rivalitet më të madh. Sidoqoftë tri pikët e arkëtuara nga ana e djelmoshave të Ajet Shoshollit janë të mirëseardhura, për faktin se sivjet ata do të bëjnë çmos që të kurorëzohen me titullin e kampionit. Prishtinasit kaluan në epërsi që në minutën e 17’-të, nëpërmjet golit të shënuar nga Besnik Kollari. Vetëm katër minuta më vonë epërsinë e shtoi Patoku, i cili shfrytëzoi hutinë e mbrojtjes pejane dhe nga afërsia e dërgoi topin në rrjetë. Kur pritej që 45 minutat e para të përfundojnë me këtë epërsi të prishtinasve, ishte Zeka, ai i cili pas një harkimi nga krahu i djathtë, u shkëput më së larti në zone, duke e dërguar topin me kokë në rrjetën e Beselicës. Megjithatë qetësinë e humbur tek prishtinasit e riktheu Bashkim Patoku, në minutën e 58-të pas një kombinimi me Isufin. Ndërkohë nëntë minuta më vonë pejanët arritën ta ngushtojnë sërish epërsinë e vendasve, me golin e Nallbanit nga një penallti e dyshimtë e dhënë nga gjyqtari Isak Ejupi. Fitoren e vetme si mysafire në hapje të kampionatit të ri e realizoi skuadra e Kosovës së Vushtrrisë dhe atë ndaj Besianës, me golin e Bekim Musliut, në minutën e 55-të. Në anën tjetër debutuesi në elitë, Getoari arriti të bëjë befasinë e kësaj jave, duke e mposhtur fituesin e Kupës dhe Superkupës së Kosovës, KEK-un, me rezultat 2:0, duke e vërtetuar faktin se ky kampionat do të jetë vërtet me rivalitet të madh ndërmjet të gjitha skuadrave dhe thuajse asnjë skuadër nuk do të jetë para ndeshjes favorite për fitore.

Rezultatet :

Drenica-Kosova 1:0
Besiana-Kosova(V) 0:1
Drita-Gjilani 3:1
Prishtina-Besa 3:2
Trepça’89-Flamurtari 3:1
Getoari-KEK-u 2:0
Ferizaji-Vëllaznimi 2:2

Renditja :

1.Trepça’89 3 Pike
2.Getoari 3
3.Drita 3
4.Prishtina 3
5.Drenica 3
6.Kosova(V) 3
7.Vëllaznimi 1
8.Ferizaji 1
9.Kosova 0
10.Besiana 0
11.Besa 0
12.Gjilani 0
13.Flamurtari 0
14.KEK-u 0

Java 2 :

Getoari kryeson i vetëm kampionatin e Kosovës

Është përmbyllur edhe java e dytë e Kampionatit të Kosovës në futboll, pas së cilës në krye të renditjes është shkëputur anëtari i ri i elitës, Getoari i Prizrenit, që është skuadra e vetme, e cila ka realizuar dy fitore dhe që tashmë sikur ngadalë po e shpall kandidaturën e vet për kreun e renditjes. Javën e dytë e *censored*akterizuan disa ndeshje joshëse dhe një shikueshmëri paksa më e madhe se sa në javën e parë.

Nga shtatë ndeshjet e kësaj jave, madje tri sosh përfunduan pa fitues, kurse sukses të plotë skuadrat mysafire arritën në dy ndeshje. Se më të vërtet kampionati i sivjetshëm do të jetë me rivalitet të madh dhe pa ndonjë favorit të caktuar dëshmuan edhe ndeshjet e kësaj jave. Skuadra e Getoarit arriti një fitore të vlefshme në Vushtrri, ndaj Gjilanit, me rezultat bindës 3:0, me golat e Bekteshit, Zeqirit dhe Thaçit, duke dëshmuar se është një skuadër, e cila e lakmon kreun e renditjes. Në anën tjetër gjilanasit pas kësaj humbje, sikur vetëshpallin që në nismë kandidaturën për ekzistencë. Krahas Getoarit, fitore si mysafire në Vushtrri shënoi edhe skuadra e Kosovës së Prishtinës në duel me emnaken e saj, Kosova (V), duke iu falenderuar golave të Bekim Nurës dhe Kushtrim Munishit. Derbi i ish-kampionëve në Besianë, ka përfunduar pa gola. Ndonëse të dyja skuadrat kanë pasur rastet e tyre për shënim, ka qenë terreni tejet i papërshtatshëm, ai që ka penguar si futbollistët e Besianës edhe ata të Prishtinës, që të tregojnë një lojë më efikase. Njëra ndër ndeshjet më interesante të kësaj jave është zhvilluar në kryeqytet, ndërmjet Flamurtarit dhe kampiones në fuqi, Dritës. “Kuqezinjtë” e kryeqytetit kanë qenë shumë afër ta shijojnë fitoren e parë të kampionatit të ri, me golin e Përparim Hasanit, të shënuar në minutën e 10-të. Megjithatë që skuadra kampione të mos kthehet duarthatë në Gjilan, u përkujdes golashënuesi më i mirë i edicionit të kaluar, Selman Berisha, i cili pikërisht në minutën e fundit me gjuajtje të efektshme nga afërsia e dërgoi topin në rrjetën e Naser Prapashticës. Një atmosferë madhështore ishte edhe në stadiumin “Shahin Haxhiislami” në Pejë, ku ishin të pranishëm rreth 2.000 shikues. Në këtë takim futbollistët e Besës pas një loje të fortë dhe të barazpeshuar shënuan fitore ndaj Trepçës ’89, me rezultat 2:1, me golat e Ilir Nallbanit (35’) dhe Haxhi Zekës (62’), ndërkohë që golin e nderit për “xehetarët” e realizoi Shpëtim Fetahu (44’). Skuadra fituese e Kupës dhe Superkupës së Kosovës, KEK-u, edhe në javën e dytë nuk arriti ta shijojë fitoren. Kësaj radhe “elektricistët” para adhuruesve të vet luajtën baraz 2:2 me Ferizajin, ndërsa Vëllaznimi me golin e shënuar nga Jasiqi në minutën e fundit arkëtoi tri pikë në paraqitjen e parë para adhuruesve të vet.

Rezultatet :

Besiana-Prishtina 0:0
Gjilani-Getoari 0:3
KEK-u – Ferizaji 2:2
Besa-Trepça’89 2:1
Flamurtari-Drita 1:1
Vëllaznimi-Drenica 2:1
Kosova (V)-Kosova 1:2

Renditja :

1.Getoari 2 2 0 0 5:0 6
2.Drita 2 1 1 0 4:2 4
3.Prishtina 2 1 1 0 3:2 4
4.Vëllaznimi 2 1 1 0 4:3 4
5.Trepça’89 2 1 0 1 4:3 3
6.Kosova (V) 2 1 0 1 2:2 3
7.Drenica 2 1 0 1 2:2 3
8.Kosova 2 1 0 1 2:2 3
9.Besa 2 1 0 1 4:4 3
10.Ferizaji 2 0 2 0 4:4 2
11.Besiana 2 0 1 1 0:1 1
12.Flamurtari 2 0 1 1 2:4 1
13.KEK-u 2 0 1 1 2:4 1
14.Gjilani 2 0 0 2 1:6 0

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Java 3 :

Kampionati i Kosovës: Skuadrat mysafire rrëmbyen shtatë pikë

Për dallim nga java e kaluar, kur u shënuan 18 gola, java e tretë në Ligën e parë të Kosovës ishte më e varfër për nga golat, por gjithesi se edhe në këtë javë një ka rakteristikë e rëndësishme është fakti se skuadrat udhëtuese arrritën të rrëmbejnë 7 pikë, gjë e cila megjithatë po dëshmon se tashmë futbolli kosovar ka filluar të ecën në binarët e duhur, të cilët e shpiejnë drejt Evropës.

Fitoren e vetme si mysafire këtë javë e realizoi ish-skuadra kampione, Besiana, ndërkohë që madje në katër ndeshje skuadrat u ndanë paqësisht. Përkundër barazimit me Flamurtarin, skuadra e Getoarit, edhe pas kësaj jave arriti ta ruajë pozitën e parë në kreun e renditjes falë goldallimit më të mirë se sa Prishtina. Prizrenasit ishin shumë afër realizimit të fitores së tretë më radhë, pasi në duelin ndaj “kuqezinjve” ishin në epërsi me golin e Arlind Krasniqit (33’), deri në minutën e 71-të, kur mysafirët nga humbja i shpëtoi Lushaku. Futbollistët e Prishtinës realizuan fitoren e dytë në këtë edicion para adhuruesve të vet, duke e mposhtur Kosovën e Vushtrrisë, me rezultat 2:1. Prishtinasit e kryen punën në gjashtë minutat e para të ndeshjes. Që në minutën e parë, Artan Krasniqi ia solli gëzimin tifozëve kryeqytetas, kurse vetëm pesë minuta më vonë, Fitim Krusha e ngirit epërsinë në 2:0. Pas kësaj epërsie përkundër rasteve të volitshme nuk u shënua asnjë gol deri në minutën e 85-të, kur Hyseni e ngushtoi epërsinë në 1:2, që ishte edhe epilog përfundimtar i kësaj ndeshjeje. Derbi i javës i zhvilluar në Mitrovicë, ndërmjet Dritës dhe Besës, përfundoi pa fitues. Të parët në epërsi kaluan pejanët, me golin e Nallbanit nga penalltia, por një pikë kampionëve ia siguroi Shpetim Hasani, në minutën e 43-të. Gjilani arkëtoi pikën e parë në këtë kampionat dhe atë si mysafirë në Ferizaj, pas një loje interesante dhe e cila zgjoi vëmendjen e madhe të adhuruesve ferizajas dhe atyre gjilanas. Ndërkohë në stadiumin e vjetër buzë Ibrit në Mitrovicë, edhe një herë mbretëroi një atmosferë madhështore, ku ishin tubuar mbi 2.000 shikues, për të përcjellur ndeshjen Trepça’89-Besiana. Ndonëse në pjesën më të madhe më të rrezikshëm u treguan “xehetarët”, llapjanëve iu mjaftoi një rast që të kthehen me gjah të plotë. Në të vërtet në minutën e 82-të, pas një gabimi të mbrojtjes vendase, Driton Islami, arriti ta mposhtë portierin Tahiri dhe t’ia sigurojë fitoren e parë skuadrës së tij në këtë edicion. Kosova e Prishtinës realizoi fitoren e dytë me radhë, duke bërë me dije se në këtë edicion synon kreun e renditjes. Këtë herë para prishtinasve u dorëzuan futbollistët e Vëllaznimit, të cilët nga kryeqyteti u kthyen me dy gola të pësuara, nga Enis Fetahu e Blerim Haxholli. Në anën tjetër, KEK-u edhe pas javës së tretë ende mbetet pa fitore, megjithëse këtë javë “elektricistët” mund të jenë të kënaqur me arkëtimin e një pike në Skënderaj.


Rezultatet :

Prishtina-Kosova(V) 2:1
Trepça ’89 – Besiana 0:1
Drita – Besa 1:1
Getoari – Flamurtari 1:1
Ferizaji – Gjilani 0:0
Drenica – KEK-u 1:1
Kosova – Vëllaznimi 2:0


Renditja :

1.Getoari 3 N 2 F 1 B 0 H 6:1G 7 Pike
2.Prishtina 3 2 1 0 5:3 7
3.Kosova 3 2 0 1 4:2 6
4.Drita 3 1 2 0 5:3 5
5.Besa 3 1 1 1 5:4 4
6.Drenica 3 1 1 1 3:3 4
7.Besiana 3 1 1 1 1:1 4
8.Vëllaznimi 3 1 1 1 4:5 4
9.Trepça ’89 3 1 0 2 4:4 3
10.Ferizaji 3 0 3 0 4:4 3
11.Kosova (V) 3 1 0 2 3:4 3
12.KEK-u 3 0 2 1 3:5 2
13.Flamurtari 3 0 2 1 3:5 2
14.Gjilani 3 0 1 2 1:6 1

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Java 4 :

Prishtina shkëputet e vetme në renditje

Se më të vërtetë kampionati i sivjetshëm në futboll do të jetë shumë interesant dhe pa skuadra favorite u dëshmua edhe në javën e katërt, e cila u karakterizua me pesë fitore të skuadrave vendase, dy të skuadrave udhëtuese, si dhe me 20 gola të shënuar e 5 kartona të kuq. Edhe kjo javë kryesisht u përshkua me rivalitet sportiv, duke përjashtuar ndonjë rast, kur disa futbollistë ishin paksa më të pasjellshëm ndaj vendimeve të gjyqtarëve, apo edhe paksa të ashpër në lojë.

Pas kësaj jave kreun e renditjes e rrëmbeu skuadra e Prishtinës, duke iu falënderuar fitores bindëse ndaj Trepçës’89. Ndonëse është pritur një rivalitet më i madh në këtë ndeshje, prishtinasit ishin bindshëm më të mirë se sa “xehetarët”, duke realizuar këtë fitore të rëndësishme, por njëherit duke kënaqur me lojë edhe tifozët e pranishëm në stadium. Nga shumë raste të krijuara para portës së Artan Tahirit, futbollistët e Prishtinës arritën që madje katër herë ta tundin rrjetën e portës mysafire, nga dy herë në secilën pjesë. Serinë e golave e hapi Bashkim Patoku, në minutën e 19-të, pas një kombinimi me Besnik Kollarin. Epërsinë në 2:0 e shtoi Xhevdet Llumnica, shumë i disponuar për lojë, në minutën e 36-të, sërish në asistim të Kollarit. Dy golat e tjerë për përishtinasit i shënoi Shermet Isufi, në minutën 72-të, duke iu falenderuar Florim Humollit dhe në minutën e 90-të, në asistim të Muhamet Dragushës. Duhet theksuar se të dyja skuadrat në pjesën më të madhe të ndeshjes luajtën me nga 10 futbollistë, pasi me kartona të kuq u ndëshkuan Shpetim Idrizi (17’) dhe Armend Dallku (24’). Njëra ndër ndeshjet më interesante të kësaj jave ishte ajo në Besianë, ndërmjet ish-kampionit dhe kampionit në fuqi. Reshjet e pandërprera të shiut dhe terreni shumë i vështirë për lojë nuk i penguan futbollistët e Besianës që të realizojnë fitoren e dytë në këtë kampionat, me golat e Driton Rrahmanit (43’-pen. e 86’), por nuk duhet harruar faktin se skuadra e Dritës që nga minuta e 8-të luajti me dhjetë futbollistë, pasi nga loja u përjashtua Arsim Durmishi. Lideri i deri para kësaj jave, Getoari u frenua në Pejë, ku pësoi humbje nga Besa, me rezultat 2:0. Golat për pejanët i shënuan Haxhi Zeka, në minutën e 13-të dhe Krenar Vokshi, në minutën e 64-të. Në këtë mënyrë djelmoshat e drejtuar nga Genc Hoxha edhe një herë dëshmuan se në edicionin e sivjetshëm do të synojnë renditje sa më të mirë. Skuadra e KEK-ut përfundimisht arriti ta shijojë fitoren e parë në këtë kampionat dhe atë ndaj një skuadre mjaft të papërshtatshme, siç është Kosova . Për fitoren e parë të “elektricistëve” u përkujdesën Gjonbalaj dhe Aliu, me golat e shënuar në minutat 61-të, përkatësisht 71-të. Fitore të vlefshme si mysafire shënuan Ferizaji dhe Drenica. Derisa ferizajasit arritën që në kryeqytet ta mposhtin Flamurtarin, me golat e Topallit e Idrizit, drenicasit me plot meritë ngadhënjyen ndaj Gjilanit, me golat e Dervishajt, Hasit dhe Vojvodës. Ndërkohë skuadra e Vëllaznimit pas humbjes në kryeqytet ndaj Kosovës, pësoi edhe humbjen e radhës nga skuadra me të njëjtin emër, por këtë herë nga ajo vushtrriase. Për fitoren e Kosovës (V) u përkujdesen Bekim Musliu (28’) dhe Besim Ademi (48’). Golin e nderit për gjakovarët e shënoi Arben Zhubi, në minutën e 72-të, ndërkohë që në minutën e 42-të, Jasiqi huqi penalltinë.
Autor: Blerim HALIMI



LIGA E PARË
Prishtina – Trepça ’89 4:0
Kosova(V) – Vëllaznimi 2:1
Gjilani – Drenica 1:3
Flamurtari – Ferizaji 1:2
KEK-u – Kosova 2:0
Besa – Getoari 2:0
Besiana – Drita 2:0

T A B E L A
1. Prishtina 4 3 1 0 9:3 10
2. Getoari 4 2 1 1 6:3 7
3. Besa 4 2 1 1 7:4 7
4. Drenica 4 2 1 1 6:4 7
5. Besiana 4 2 1 1 3:1 7
6. Ferizaji 4 1 3 0 6:5 6
7. Kosova - (V)4 2 0 2 5:5 6
8. Kosova - 4 2 0 2 4:4 6
9. Drita 4 1 2 1 5:5 5
10.KEK-u 4 1 2 1 5:5 5
11.Vëllaznimi4 1 1 2 5:7 4
12.Trepça ’89 4 1 0 3 4:8 3
13.Flamurtari 4 0 2 2 4:7 2
14.Gjilani 4 0 1 3 2:9 1

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Java 5 :

Drenica dhe Getoari mbajnë hapin me Prishtinën

Java e pestë në elitën e futbollit kosovar ka sjellë tri fitore të skuadrave vendase dhe madje katër barazime, ndërkohë që efikasiteti i futbollistëve ka qenë dukshëm më i dobët se sa në javët e kaluara. Derbi i javës u zhvillua në Mitrovicë ndërmjet kampionit në fuqi Dritës dhe kryesuesit të renditjes Prishtinës.

Megjithëse loja e paraqitur nga këto dy skuadra nuk ishte e nivelit të lartë, rivaliteti dhe emocionet nuk munguan, por munguan golat. Më shumë raste për shënim patën prishtinasit, të cilët madje një herë qëlluan edhe tërthorësen me gjuajtjen e Kollarit, por në fund të dyja skuadrat u detyruan të kënaqen me nga një pikë. Pa mëdyshje për prishtinasit kjo është një pikë e mirëseardhur, meqë falë kësaj pike ata ruajtën pozitën e parë në renditje dhe njëherit mbetën skuadra e vetme e pamposhtur pas pesë javëve. Ndeshje tjetër ku munguan golat ishte ajo në Gjakovë, ndërmjet Vëllaznimit dhe KEK-ut. Gjakovarët gjatë gjithë ndeshjes kërkuan me ngulm që në këtë takim të arkëtojnë tri pike, për të përmirësuar pozitën e tyre në renditje, madje në sekondat e fundit ishin shumë afër shënimit të golit, por portieri i KEK-ut, Valmir Bytyçi kishte fat dhe porta e tij mbeti e patundur. Skuadra e Drenicës në këtë javë ka realizuar fitoren e tretë në këtë edicion, duke bërë me dije se në këtë kampionat synon pozitat e kreut të renditjes. Kësaj radhe para dranicasve në Skënderaj u gjunjëzuan futbollistët e Flamurtarit, të cilët pësuan madje tre gola. Serinë e golave për Drenicën e hapi Domniku në minutën e 14-të nga penalltia. Epërsinë në 2:0 e shtoi Geci, në minutën e 29-të, kurse rezultatin përfundimtar të këtij dueli e vendosi, Vojvoda, në minutën e 75-të. Pas kësaj fitoreje skuadra e Drenicës renditet në pozitën e dytë, me pikë të njëjta me Getoarin, kurse “kuqezinjtë” e kryeqytetit, të cilët para fillimit të kampionatit vlerësoheshin ndër favoritët kryesorë për titull kampioni, edhe më tej qëndrojnë në pozitën e parafundit, duke u futur në një krizë rezultatesh. Skuadra e Getoarit ka vazhduar me lojëra të mira në elitë. Kësaj radhe skuadra prizrenase para adhuruesve të vet ka ngadhënjyer ndaj ish-kampiones, Besianës, me rezultat 2:0, duke iu falenderuar Florim Veselit, i cili realizoi të dyja golat. Një ndeshje mjaft interesante u zhvillua edhe në Ferizaj, ku skuadra vendase ndau pikët me Besën e Pejës, duke luajtur baras 1:1. Të parët në epërsi kaluan pejanët, me golin e Dreshajt, në minutën e 10-të, por ferizajasit nga humbja i shpëtoi Sherif Topalli, me një gol të shkëlqyeshëm në minutën e 69-të. Pa fitues përfundoi edhe ballafaqimi në kryeqytet ndërmjet Kosovës dhe Gjilanit. Prishtinasit ishin afër realizimit të fitores së tretë, pasi në minutën e 74-të, Nura shënoi golin e epërsisë, por vetëm tetë minuta më vonë ishte Ramushi, ai i cili ia siguroi pikën e dytë në këtë kampionat skuadrës gjilanase. Trepça ’89 pas humbjes së thellë një javë më parë nga Prishtina, e riktheu vetëbesimin me fitore ndaj Kosovës së Vushtrrisë, me rezultat 2:0. “Xehetarët” e siguruan fitoren në pjesëlojën e parë, me golat e shënuar nga Gërxhaliu në minutën e 27-të dhe Lushtaku, në minutën e 37-të. Ndërkaq golin e nderit për vushtrriasit e shënoi Salihi, në minutën e 80-të.

Rezultatet :

Trepça ’89 – Kosova (V) 2:1
Drita – Prishtina 0:0
Getoari – Besiana 2:0
Ferizaji – Besa 1:1
Drenica – Flamurtari 3:0
Kosova – Gjilani 1:1
Vëllaznimi – KEK-u 0:0

Renditja :

1.Prishtina 5 3 2 0 9:3 11
2.Drenica 5 3 1 1 9:4 10
3.Getoari 5 3 1 1 8:3 10
4.Besa 5 2 2 1 8:5 8
5.Ferizaji 5 1 4 0 7:6 7
6.Kosova 5 2 1 2 5:5 7
7.Besiana 5 2 1 2 3:3 7
8.Drita 5 1 3 1 5:5 6
9.KEK-u 5 1 3 1 5:5 6
10.Kosova (V) 5 2 0 3 6:7 6
11.Trepça’89 5 2 0 3 6:9 6
12.Vëllaznimi 5 1 2 2 5:7 5
13.Flamurtari 5 0 2 3 4:10 2
14.Gjilani 5 0 2 3 3:10 2

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kampionati i Kosoves.

Java 6.

Besa ndjek hap pas hapi Prishtinën

Ne kampionatin e Kosoves ne futboll, jane zhvilluar ndeshjet e javes se 6-te. Kryesuesja e renditjes, Prishtina, ka shenuar fitore te veshtire ndaj Getoarit, me rezultat 1:0, me golin e shenuar nga Bashkim Patoku, nga penalltia. Nderkohe, futbollistët e Besës së Pejës kanë realizuar fitoren më bindëse në kuadër të javës së 6-të të Ligës së parë të Kosovës, duke e mposhtur skuadrën e Drenicës, me rezultat 4:0. Falë kësaj fitoreje pejanët tashmë e përcjellin hap pas hapi Prishtinën, megjithëse kanë tre pikë më pak. Që në minutën e 8-të, Haxhi Zeka tundi rrjetën e drenicasve, duke ua bërë me dije atyre se kësaj radhe humbja do të jetë e pashmangshme.

Epërsinë në 2:0 e shtoi Nallbani, në minutën e 32-të, kurse vetëm 6 minuta më vonë në listën e golashënuesve u regjistrua sërish Haxhi Zeka, ndërkohë që rezultatin përfundimtar e vuri, Vokshi në finish të takimit. Kampionia në fuqi, Drita pësoi humbjen e dytë. Kësaj radhe gjilanasit u “dorëzuan” në Mitrovicë, në duel me Trepçën ’89, ndonëse dy herë ishin në epërsi dhe tashmë renditen vetëm në pozitën e 12-të, me gjasa të vogla që në këtë edicion të luftojnë për titullin e kampionit. Fillimisht Berisha e kaloi Dritën në epërsi, në minutën e 15-të, për ta barazuar më pas rezultatin Osmani, në minutën e 33-të. Epërsinë e gjilanasve e ktheu V. Sermaxhaj, në minutën e 62-të, por vetëm 6 minuta më vonë, Elvis Osmani realizoi golin e dytë për “xehetarët”, duke ia rikthyer gëzimin tifozëve vendës. Pas këtij goli trysnia e vendasve drejt portës së gjilanasve ishte edhe me e madhe dhe si rezultat I një loje të tillë futbollistët e Trepçës’89 realizuan edhe golin e tretë, nëpërmjet Sylës, në minutën e 77-të, që ishte edhe goli I fitores. Një fitore shumë të vlefshme e realizoi Vëllaznimi dhe atë si mysafir ndaj Gjilanit. Fituesin e kësaj ndeshje e përcaktoi Jasiqi, me golin e shënuar në minutën e 43-të. Derisa kjo fitore gjakovarët I ngjiti në pozitën e 8-të të renditjes, gjilanasit me këtë humbje sikur janë dorëzuar para kohe në këtë kampionat, meqë janë skuadra e vetme, e cila ende nuk e ka shijuar fitoren.

Rezultatet

Kosova (V)–KEK-u 2:2
Gjilani – Vëllaznimi 0:1
Flamurtari–Kosova 3:0
Besa – Drenica 4:0
Prishtina – Getoari 1:0
Trepça ’89 – Drita 3:2
Besiana – Ferizaji 0:0


Renditja

1.Prishtina 6 4 2 0 10:3 14
2.Besa 6 3 2 1 12:5 11
3.Getoari 6 3 1 2 8:4 10
4.Drenica 6 3 1 2 9:8 10
5.Trepça ’89 6 3 0 3 9:11 9
6.Ferizaji 6 1 5 0 7:6 8
7.Besiana 6 2 2 2 3:3 8
8.Vëllaznimi 6 2 2 2 5:8 8
9.KEK-u 6 1 4 1 7:7 7
10.Kosova(V)6 2 1 3 8:9 7
11.Kosova 6 2 1 3 5:8 7
12.Drita 6 1 3 2 7:8 6
13.Flamurtari 6 1 2 3 7:10 5
14.Gjilani 6 0 2 4 3:11 2

B. HALIMI 'Futbolli.com'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Ferizaji mbetet skuadra e vetme e pamposhtur
Futbollistët e Ferizajit kanë ngadhënjyer në përballjen e të pamposhturve në kuadër të javës së 7-të (të pakompletuar) të Ligës së parë të Kosovës, duke e mposhtur kryesuesen e renditjes, Prishtinën, me rezultat 1:0. Pikërisht ballafaqimi ndërmjet këtyre dy skuadrave zgjoi interesimin më të madh të adhuruesve në këtë javë, ku përkundër reshjeve të shiut, rreth 2.500 adhurues të flaktë krijuan një atmosfere madhështore.

Ndonëse u shënua vetëm një gol, dueli i këtyre dy skuadrave ishte shumë interesant dhe me rivalitet të theksuar. Goli i fitores u shënua në minutën e 12-të, kur Tërshana, arriti ta dërgojë topin në rrjetën e portës së Beselicës. Përkundër përpjekjeve të mëdha të prishtinasve në vazhdim të ndeshjes që ta barazojnë rezultatin, kjo nuk u arrit, meqë mbrojtja e ferizajasve ishte e vëmendshme. Në këtë mënyrë skuadra e Ferizajit mbetet skuadra e vetme e pamposhtur pas shtatë javësh dhe tashmë me dy fitore e pesë barazime, renditet në pozitën e 5-të. Në anën tjetër, skuadra e Prishtinës, pas humbjes së parë në këtë edicion, tash ka pikë të barabarta me skuadrën e Besës, por pejanët kanë goldallim më të mirë. Se më të vërtetë skuadra e drejtuar nga Genc Hoxha në këtë kampionat është në formë të shkëlqyeshme, u dëshmua edhe në përballjen ndaj Kosovës , ku ajo arriti që si mysafirë të arkëtojë tri pikë, me golat e D. Gashit (51’), Halitit (63’) dhe Zekës (78’), ndërkohë që golat për vendasit i shënuan Munishi (60’) dhe Leci (64’). Përveç fitores, pejanët në kryeqytet fituan edhe pak dajak. Në fakt pas përfundimit të ndeshjes u krijua një rrëmujë te zhveshtoret e skuadrave, me ç’rast disa të vetëquajtur dashamirë të futbollit sulmuan skuadrën pejane, por për fat të mirë ata shpëtuan nga ndonjë lëndim i rëndë falë intervenimit të pjesëtarëve të SHPK-së. Formë të mirë treguan edhe futbollistët e Drenicës, të cilët pas humbjes ndaj Besës, një javë më parë, me rezultat 4:0, iu hakmorën Besianës, pikërisht me të njëjtin rezultat, duke vërtetuar faktin se megjithatë sivjet janë të gatshëm për befasi. Protagonist i këtij takimi ishte Vojvoda, me tre gola të shënuar. Një ndeshje tjetër intersante u zhvillua në Gjakovë, ku u ballafaquan dy skuadrat “kuqezi”, Vëllaznimi-Flamurtari. Të parët në epërsi kaluan gjakovarët, me golin e Zhubit, në minutën e 42-të. Shpresat e futbollistëve të Flamurtarit për një rezultat pozitiv i riktheu Rama, me golin e shënuar në minutën e 60-të, por fitoren e Vëllaznimit e siguroi zëvendësuesi, Lleshi, me golin e shënuar në minutën e 89-të. Pikërisht ky gol bëri që futbollistët e Flamurtarit të reagojnë ashpër ndaj gjyqtarit anësor Mehedin Ferati. Fitore të vlefshme si mysafire realizoi Trepça’89, duke e mposhtur Getoarin, me golat e Onbashit dhe Misinit, derisa golin e nderit për mysafirët e realizoi Bekteshi. Kampionia në fuqi, Drita, si duket është zgjuar nga gjumi. Në kuadër të kësaj jave, gjilanasit shënuan fitore bindëse në duel me Kosovën e Vushtrrisë, me rezultat 6:2, ku spikati Selman Berisha, me tre gola.
Blerim HALIMI [www.futbolli.com]


Liga e parë
Drita – Kosova (V) 6:2
Getoari – Trepça ’89 1:2
Ferizaji – Prishtina 1:0
Drenica – Besiana 4:0
Kosova –Besa 2:3
Vëllaznimi–Flamurtari 2:1
KEK-u – Gjilani, të mërkurën

Tabela
1.Besa 7 4 2 1 15:7 14
2.Prishtina 7 4 2 1 10:4 14
3.Drenica 7 4 1 2 13:8 13
4.Trepça ’89 7 4 0 3 11:12 12
5.Ferizaji 7 2 5 0 8:6 11
6.Vëllaznimi 7 3 2 2 7:9 11
7.Getoari 7 3 1 3 9:6 10
8.Drita 7 2 3 2 13:10 9
9.Besiana 7 2 2 3 3:7 8
10.KEK-u 6 1 4 1 7:7 7
11.Kosova 7 2 1 4 7:11 7
12.Kosova(V) 7 2 1 4 10:15 7
13.Flamurtari 7 1 2 4 8:12 5
14.Gjilani 6 0 2 4 3:11 2

Në javën e 8-të, më 11 e 12 tetor takohen:
Kosova (V) – Gjilani
Flamurtari –KEK-u
Besa – Vëllaznimi
Besiana – Kosova
Prishtina – Drenica,
Trepça ’89 –Ferizaji
Drita – Getoari

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kampionati Kosovar : Java 8.

Besa e pamëshirshme edhe ndaj Vëllaznimit

Se me të vërtetë skuadra e Besës së Pejës në kampionatin e sivjetshëm ka ambicie të larta dhe është e përgatitur për të hedhur kandidaturën serioze për titull kampioni, dëshmoi edhe fitorja e saj në derbin e Rrafshit të Dukagjinit, kundër Vëllaznimit, në të cilin takim realizoi fitoren më thellë në këtë javë, me rezultat 4:0. Ka qene ky takim me nje atmosfere madheshtore, ne te cilin kane qene te pranishem mbi 5.000 adhurues te futbollit.

Edhe në këtë ndeshje protagonist i fitores së Besës ishte sulmuesi i spikatur, Haxhi Zeka, i cili realizoi dy golat e parë, në minutat 18-të e 68-të. Ndërkohë për fitoren më bindëse të vendasve dhe për kënaqësinë e rreth 5.000 adhuruesve të futbollit sa ishin të pranishëm në këtë duel, dy golat e tjerë i shënuan Krenar Vokshi dhe Ilir Nallbani, në minutat e fundit të ndeshjes. Me këtë fitore pejanët edhe pas javës së 8-të mbesin në kreun e renditjes, por të përcjellur këmba-këmbës nga Prishtina, e cila në kuadër të kësaj jave shënoi një fitore të vështirë, por shumë të vlefshme në duel me Drenicën. Të parët në epërsi kaluan drenicasit, me golin e Vojvodës, por Patoku dhe Llumnica, me golat e tyre bënë që tre pikët e këtij takimi të mbesin në Prishtinë. Fitoren e vetme si mysafire këtë javë e realizoi skuadra e Kosovës së Prishtinës në ballafaqim me Besianën, me golat e shënuar nga Enis Fetahu (40’) dhe Kushtrim Munishi (64’), ndërkaq golin e nderit për llapjanët e realizoi Rrahmani, nëpërmjet një penalltie të dyshimtë në minutën e 74-të. Duhet theksuar se pas përfundimit të kësaj ndeshjeje disa persona të pandërgjegjshëm dhe të cilët nuk e kanë vendin në arenat sportive, u përpoqën t’i sulmojnë gjyqtarët e ndeshjes, por falë intervenimit të kryesisë së KF “Besiana”, u evitua më e keqja. Skuadra kampione në fuqi, Drita, në paraqitjen e parë në stadiumin e vet në këtë edicion, realizoi fitore minimale, por shumë me vlerë në përballje me Getoarin, me golin e Sunaj Keçit, në minutën e 69-të. Në anën tjetër, futbollistët e Trepçës ’89 ia shkaktuan humbjen e parë në këtë kampionat skuadrës së Ferizajit. Mjaftoi goli i Selimit në minutën 55-të, që “xehetarët” t’i gëzohen fitores dhe në këtë mënyrë të ngjiten në pozitën e tretë në renditje. Një ndeshje interesante në kuadër të kësaj jave ishte edhe ballafaqimi ndërmjet Flamurtarit dhe KEK-ut, në të cilin takim fitore realizuan “kuqezinjtë” e kryeqytetit, me rezultat 2:1. Pa mëdyshje se njëri ndër më të merituarit për fitoren e Flamurtarit ishte lojtari i rikthyer nga Bashkimi i Kumanovës, Arsim Plepolli, i cili realizoi edhe golin e fitores, në minutën e 74-të, ndërkaq golin e parë për “kuqezinjtë” e realizoi Enver Prapashtica, në minutën e 4-të nga penalltia, kurse golin e vetëm për KEK-un, e realizoi Faruk Statovci, në minutën e 69-të. Krejt në fund, skuadra e Gjilanit pësoi edhe humbjen e gjashtë, kësaj radhe ndaj Kosovës në Vushtrri. Golin e fitores për vendasit e shënoi Veton Munishi, në minutën e 38-të.

Rezultatet :

Besiana – Kosova 1:2
Prishtina – Drenica 2:1
Kosova (V)–Gjilani 1:0
Trepça ’89 – Ferizaji 1:0
Drita – Getoari 1:0
Flamurtari – KEK-u 2:1
Besa–Vëllaznimi 4:0

Renditja :

1.Besa 8 N 5 F 2 B 1 H 19:7 G 17 Pike
2.Prishtina 8 5 2 1 12:5 17
3.Trepça ’89 8 5 0 3 12:12 15
4.Drenica 8 4 1 3 14:9 13
5.Drita 8 3 3 2 14:10 12
6.Ferizaji 8 2 5 1 8:7 11
7.Vëllaznimi 8 3 2 3 7:13 11
8.KEK-u 8 2 4 2 18:9 10
9.Getoari 8 3 1 4 9:7 10
10.Kosova 8 3 1 4 9:12 10
11.Kosova(V) 8 3 1 4 11:15 10
12.Flamurtari 8 2 2 4 10:13 8
13.Besiana 8 2 2 4 4:9 8
14.Gjilani 8 0 2 6 3:22 2

Në javën e 9-të, më 18 e 19 tetor takohen:
Getoari –Kosova (V)
Ferizaji – Drita
Drenica – Trepça ’89
Kosova – Prishtina
Vëllaznimi – Besiana
KEK-u-Besa
Gjilani – Flamurtari.

Blerim HALIMI ''www.futbolli.com''

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Golashënuesit më të mirë:

9 gola - Aliu (KEK)
8 gola - Zeka (Besa)
7 gola - Vojvoda (Drenica)
5 gola - Berisha (Drita), Patoku (Prishtina), Nallbani (Besa)
4 gola - Hasani (Drita)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kampionati Kosovar : Java 9.

Në ndeshjen derbi të zhvilluar në stadiumin “Agron Rama” në Kastriot, futbollistët e KEK-ut kanë shënuar fitore të thellë kundër Besës së Pejës, në një ndeshje të cilësisë së lartë, në të cilën kastriotasit u treguan shumë të suksesshëm në fazën e sulmit, duke shënuar madje 5 gola...

Në ndeshjen kryesore të javës, KEK-u ka mundur Besën e Pejës me rezultat 5:1, ndërsa pas fitores kundër Kosovës së Prishtinës renditjes tash i prin Prishtina, me tri pikë më shumë se përcjellësja e saj e parë, Besa e Pejës. Të shtunën dhe të dielen janë zhvilluar ndeshjet e javës së 9-të të Kampionatit të Kosovës në futboll, në të cilat edhe pse në kushte të vështira atmosferike, është treguar futboll i cilësisë së mirë. Në ndeshjen derbi të zhvilluar në stadiumin “Agron Rama” në Kastriot, futbollistët e KEK-ut kanë shënuar fitore të thellë kundër Besës së Pejës, në një ndeshje të cilësisë së lartë, në të cilën kastriotasit u treguan shumë të suksesshëm në fazën e sulmit, duke shënuar madje 5 gola, derisa pejanët përkundër dëshirës së madhe nuk arritën t’u bënin ballë futbollistëve vendës. Prishtina në ndeshjen e së shtunës ka mundur rivalin e saj lokal, Kosovën e Prishtinës (me golat e Jusufit dhe Demollit), duke rimarrë kështu prapë kryesimin në renditje për të qenë mëtuesi kryesor i titullit të kampionit vjeshtor. Një ndeshje interesante u zhvillua në stadiumin “Ismet Shabani” në Ferizaj, ku u takuan Ferizaji vendës dhe kampioni aktual i Kosovës, Drita e Gjilanit. Pas një loje shumë të mirë dhe para së gjithash korrekte e në prani të më se 2.000 shikuesve ndeshja përfundoi me rezultat të barabartë. Të dyja skuadrat i kishin rastet e tyre për të shënuar fitore, por në mosrealizimiun e tyre ndikoi edhe terreni mjaft i vështirë për lojë, por edhe portierët e të dyja skuadrave, Marevci i Ferizajit dhe Ajdini i Dritës. Karakteristika kryesore e kësaj jave është fitorja e parë e Gjilanit, skuadër kjo e cila para shikuesve të vet mundi Flamurtarin e Prishtinës me rezultat 2:1. Kjo fitore me siguri se për djelmoshat e trajnerit Muharrem Sahiti do të jetë motiv shtesë për vazhdimin e kampionatit. Me të njëjtin rezultat Vëllaznimi i Gjakovës mundi Besianën, e cila pas kësaj humbjeje edhe më tej gjendet në
pozitën e parafundit, pozitë kjo e cila nuk përkon me renomenë që ka kjo skuadër. Befasia më e madhe, kuptohet për të mirë, e këtij kampionati Drenica e Skënderajt ka shënuar një fitore shumë të vlefshme në ballafaqim me skuadrën shumë cilësore të Trepçës ’89, me golin e vetëm të shënuar nga mbrojtësi Sami Geci. Edhe pas kësaj jave Drenica mban pozitën e tretë në tabelë me vëtëm 4 pikë më pak se kryesuesi, Prishtina. Anëtari i ri i shoqërisë elite, Getoari i Prizrenit ka shënuar fitore me rezultat 2:0 kundër Kosovës së Vushtrrisë, duke u ruajtur kështu pozitën në mesin e tabelës.

LIGA E PARË

Rezultatet

Getoari –Kosova(V) 2:0
Ferizaji – Drita 1:1
Drenica – Trepça ’89 1:0
Kosova – Prishtina 0:2
Vëllaznimi – Besiana 2:1
KEK-u - Besa 5:1
Gjilani – Flamurtari 2:1

T A B E L A
1. Prishtina 9 6 2 1 14:5 20
2. Besa 9 5 2 2 20:12 17
3. Drenica 9 5 1 3 15:9 16
4. Trepça ’89 9 5 0 4 12:13 15
5. Vëllaznimi 9 4 2 3 9:14 14
6. KEK-u 9 3 4 2 23:10 13
7. Drita 9 3 4 2 15:11 13
8. Getoari 9 4 1 4 11:7 13
9. Ferizaji 9 2 6 1 9:8 12
10. Kosova 9 3 1 5 9:14 10
11. Kosova(V) 9 3 1 5 11:17 10
12. Flamurtari 9 2 2 5 11:15 8
13. Besiana 9 2 2 5 5:11 8
14. Gjilani 9 1 2 6 5:23 5

Në javën e 10-të, më 25 e 26 tetor takohen: Kosova(V) – Flamurtari, Besa – Gjilani, Besiana – KEK-u, Prishtina – Vëllaznimi, Trepça ’89 – Kosova, Drita – Drenica, Getoari – Ferizaji.