Disa klube greke kërkojnë të bëjnë të tyrin autorin e 36 golave në kampionatin shqiptar
Sinani, golat në Shqipëri-jehona në Greqi

Ka qenë imponues titulli "U propozua edhe një sulmues shqiptar", botuar në gazetën e përditshme sportive greke "Athletiki Ixo". Natyrisht, nuk mund të mos impresionoheshe, kur në të bëhej fjalë për golashënuesin më të mirë të kampionatit shqiptar, Vioresin Sinanin. Sulmuesi shkodran, me 36 golat e shënuar në sezonin që sapo u mbyll, përbën një rekord jo vetëm për Shqipërinë, por edhe për Greqinë. Aq më domethënës bëhet ky fakt kur mendon se golashënuesi më i mirë i kampionatit grek ishte braziliani Xhovani, i cili shënoi 21 gola. Në këtë mënyrë, është më se i përligjur interesimi i çdo klubi për ta pasur në gjirin e tij sulmuesin shqiptar. Duket se më shpejt për këtë ka menduar trajneri i njohur i Halkidhonës dhe një nga specialistët më të mirë të kampionatit vendës, Jorgos Paraskos. Paraskos ka arritur ta sjellë Halkidhonën nga kategoria e dytë, duke e ngjitur në vendin e 7-të të kategorisë së parë. Skuadra e veshur me të verdha ka grumbulluar 45 pikë, 3 pikë më shumë sesa Iraklisi, dhe ka arritur 13 fitore, 6 barazime dhe 11 humbje. Sulmuesi më i mirë i kësaj skuadre është Zaharopulos, i cili ka shënuar 13 gola, duke qenë i 5-ti në listën e golashënuesve më të mirë të kampionatit grek. Duke e ndier se me 40 golat e shënuar nga skuadra e tij Halkidhona nuk ka qenë aq efikase në ndëshkimin e kundërshtarëve, Paraskos ka preferuar të shohë edhe kasetën me golat e shënuar nga "snajperi" shqiptar. Pikërisht këtij fakti i është referuar gazeta e njohur greke, kur shkruan: "Ndërmjet të huajve, që i janë propozuar trajnerit 52-vjeçar Jorgos Paraskos, është edhe sulmuesi shqiptar Vioresin Sinani. Bëhet fjalë për një sulmues të Vllaznisë së Shkodrës, i cili është 27 vjeç dhe ka rezultate të mira, pasi ka shënuar 36 gola në kampionatin e sivjetëm të kategorisë A të vendit të tij. Ky është një nga rastet që bisedohet te Halkidhona..." shkruan gazeta greke "Athletiki Ixo". Nuk dihet nëse vërtet futbollisti shkodran do të bëhet pronë e ekipit grek, që sivjet ëndërron të ngjitet drejt majave të kampionatit. Po të ndodhë kjo, golashënuesi i shquar do të ndjekë rrugën e sulmuesve të tjerë, që kanë luajtur ndër vite në "sallonet" greke. Ai do të vazhdojë kështu rrugën e Sokol Kushtës, Ylli Shehut, Indrit Fortuzit, Roland Zajmit, por edhe më të riut që luan në këtë skuadër, 20-vjeçarit Andrea Drenova. Nëse Sinani vesh fanellën e verdhë, ai do të jetë futbollisti i 6-të shkodran, që luan në klubet greke, pas Lulëzim Bërshenit, Adrian Barbullushit, Arvit Hoxhës, Armando Cungut dhe Armir Grimës. Këto janë supozime, por edhe dëshira të mbështetura në fakte. Ndoshta Sinani mund të gjejë ndonjë klub më të mirë, por jo gjithmonë ato çfarë shkruhen bëhen realitet. Gjithsesi, ne urojmë që sulmuesi shkodran të bëjë dhe të gjejë më të mirën. Golat e tij të shumtë flasin vetë. Ato nuk kanë nevojë për koment. Sinani është një prej fidaneve të shumta që ka nxjerrë "toka" pjellore e Shkodrës. Ai vjen nga një prej klubeve më me emër të Shqipërisë, siç është Vllaznia, emri i së cilës është bërë i njohur me kohë edhe në Greqi.

Ne foto: "Këpuca e artë" e Shqipërisë, Vioresin Sinani, duke gëzuar shënimin e një goli ndaj Dinamos

Imazhe te Ngjitura

vioresin sinani.jpg (27.3 KB, 18 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Vllaznia, stërvitja nis me mungesa

Vllaznia ka nisur pardje përgatitjet e saj për Kupën Intertoto. Në orën 17.00 të së martës, ashtu siç ishte planifikuar, kuqeblutë kanë zhvilluar të parën seancë stërvitore pas mbylljes së kampionatit. Ajo që ka rënë në sy në këtë seancë ka qenë mosprania e disa prej titullarëve të skuadrës shkodrane. Dhe nuk bëhet fjalë për lojtarë dosido, por për emrat më të spikatur të formacionit si Sinani, Salihi, Belisha e Teli. Ndër ta, vetëm Salihi e kishte të justifikuar mungesën, nisur nga fakti që ai ndodhet i grumbulluar me ekipin Shpresa për miqësoren me Maqedoninë. Tre titullarët e tjerë nuk kishin bërë asnjë njoftim dhe për këtë drejtuesit e skuadrës kanë ngritur supet. Me të vërtetë, trajneri i ekipit, Haxhiosmanoviç, prej kohësh e ka ngritur këtë problem, duke e parandier idenë e largimit të disa prej titullarëve të tij. Sidoqoftë, përpara fillimit të stërvitjes, sekretari i klubit ka lajmëruar futbollistët se duhet të bëjnë gati pasaportat, ngaqë në fillim të javës së ardhshme Vllaznia do të udhëtojë drejt Malit të Zi. Kuqeblutë, për 10 ditë do të përgatiten në Ulqin, deri në prag të ndeshjes së parë të Intertotos, që do të luhet më 19 ose 20 qershor.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Vllaznia, vijnë Ziambo dhe Brahja

Situata në kampin shkodran duket se ka filluar të lëvizë për mbarë. Dje pasdite, me skuadrën në stërvitje janë bashkuar edhe dy blerjet e para të kuqebluve. Bëhet fjalë për ish-lojtarin e Dinamos, Ziambo, dhe mbrojtësin e Elbasanit, Brahja. Por ndërkohë, që kanë filluar përforcimet në skuadër, gjatë dy ditëve të fundit që ka filluar stërvitja nuk janë parë fare Sinani dhe Teli. Të gjithë i dinë pretendimet e tyre për t'u larguar në drejtim të një oferte më të mirë, por drejtuesit e klubit të Vllaznisë ngrenë supet në lidhje me këtë problem. Megjithatë, e rëndësishme është që shkodranët duket se do të jenë befasia e merkatos së sivjetme. Sipas presidentit Agron Çela, janë plot 13 lojtarë që u janë sugjeruar nga menaxherë të ndryshëm dhe prej tyre do të përzgjidhen ata që do të nevojiten. "Nuk mund të them me saktësi numrin sesa lojtarë do të vijnë, pasi për këtë do të vendosë trajneri. E rëndësishme është që do të kemi një ekip të kompletuar për sezonin e ri. Ziambo dhe Brahja janë vetëm të parët në këtë fushatë blerjesh të kuqebluve," - pohon Çela. Vetë lojtarët, para seancës së djeshme, janë shprehur se ende nuk kanë hedhur firmë, pasi për këtë duhet biseda përfundimtare me drejtuesit e klubit shkodran. Këta të fundit kanë deklaruar se çdo gjë është mbyllur, teksa ka mbetur vetëm firmosja e kontratave. "Si me Ziambon, ashtu edhe me Brahjen, kemi përfunduar thuajse çdo gjë. Kontratat do të jenë 1+1 dhe ne jemi të kënaqur që këta lojtarë kanë pranuar të veshin fanellën kuqeblu," - ka shtuar presidenti i Vllaznisë. Dje, në Shkodër ka qenë edhe braziliani i Partizanit, Abilio, i cili ka biseduar gjatë me presidentin Çela. Ky i fundit e pranoi bisedën me të dhe shton se të hënën do të jepet përgjigjja përfundimtare. "Me Abilion kemi biseduar dhe praktikisht ai është dakord të vijë të luajë për ne. Nuk ka asnjë pengesë për sa i takon anës financiare, por na takon neve tani të vendosim se ç'do të bëjmë. E kemi lënë që përgjigjen përfundimtare ta japim të hënën," - shton bosi i kuqebluve.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Sinani: Kontrata, jam i lirë nga Vllaznia

Lideri i kuqebluve është tashmë i lirë nga detyrimet me këtë skuadër. Vetë Sinani pohon se ai ka mbyllur çdo gjë me Vllazninë dhe është në pritje të ofertave për të mësuar se ku do ta ketë fatin ta vazhdojë karrierën e tij. "Kontrata me Vllazninë ka përfunduar tashmë dhe mua më mbetet të studioj ofertat që do më vijnë. Nuk më intereson shumë nëse do të jetë nga skuadra brenda kampionatit tonë apo jashtë. Ajo që dëshiroj unë është një kontratë e mirë financiare", ? thotë Viori. Ndërkohë, ndonëse nuk ka dëshirë të japë emrat e skuadrave që janë interesuar për të, duket qartë që ai është në një "udhëkryq" të vërtetë. Ndoshta asnjëherë më parë gjatë karrierës së tij numri 9 i Vllaznisë nuk ka qenë para një dileme të tillë. E vetmja gjë e deklaruar publikisht duket se është interesimi i Tiranës, ekipit kampion të vendit, për ta bërë të vetin golashënuesin më të mirë të kampionatit. Presidenti i saj El Sajed edhe kohë më parë ka shprehur dëshirën që sulmuesi i njohur shkodran të jetë në radhët e skuadrës që ai sponsorizon. Madje mund të thuhet se Sinani është i vetmi futbollist i kampionatit tonë që nuk është "tunduar" nga ofertat e egjiptianit. Këtë herë nëse përsëritet kjo gjë, ende nuk dihet përgjigjja që do të japë autori i 36 golave në kampionatin e fundit. Megjithatë, vetë lojtari kuqeblu lë çdo gjë të hapur, prandaj dhe thotë: "Me saktësi nuk e di se çfarë do të ndodhë. Për mua tani është ana financiare ajo që vendos. Megjithatë, është herët për të folur për këtë gjë. Nuk përjashtohet mundësia të qëndroj edhe në kampionatin shqiptar. Logjika ime është më mirë të luash në një skuadër të njohur në Shqipëri, sesa me një skuadër mediokër jashtë". Vllaznia ndërkohë në fillim të javës së ardhshme do të fillojë përgatitjet për pjesëmarrjen në Kupën Intertoto. Megjithatë, lajmi i keq për momentin për të duhet të jetë ai i mossigurisë së aktivizimit të kapitenit të saj në këto ndeshje. Sinani është në pritje të disa ofertave nga skuadra të huaja dhe nga dita në ditë mund të lëvizë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

GOLEADORI KUQEBLU LARGOHET NGA VLLAZNIA.

Ne nje interviste dhene me ane te telefonit per ''Sportin Shqiptar'', Vioresin Sinani thote qe ka nenshkruar nje kontrate 1 vjecare me ''Erciespori'' i kategorise se pare Turke.
Per tifozat Shkodrane dhe ekipin e Vllaznise eshte humbje mjaft e madhe, duke marre parasysh golat ''me shumice'' qe shenoi Sinani sezonin e kaluar, plot 36 vetem ne kampionat dhe ishte kapiteni/organizatori i skuadres.
Per Sinanin shpresojme dhe urojme te jete me mire, dhe te perfaqesohet sa me mire ne menyre qe tranierit te kombetares sone, ''Briegel'' ''t'i hapen syte'' dhe t'i jape Sinanit mundesi te tregoje se eshte i afte te shenoje dhe te beje spektakel dhe per ngjyrat kuqezi.
Sinani iken dhe ka te drejte, ne kampionatin tone sado te shkelqesh nuk merr ate qe meriton ''ne te gjitha drejtimet'' dhe te vjen keq qe nje lojtar i tille iken por eshte e vetmja zgjidhje per te sepse dhe po te shenonte 100 gola dyert e kombetares do qendronin mbyllur sepse tashme eshte bere ''publike'' qe nese nuk luan jashte Shqiperise nuk ke vend ne kombetare!

FALEMINDERIT VIORESIN, FORCA VLLAZNIA.


Ne foto, Sinani duke firmosur kontraten.

Imazhe te Ngjitura

sinani-iku.jpg (25.4 KB, 13 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Vllaznia, nesër një vit pa Myftar Çelën

Data 14 qershor e një viti më parë do të jetë një nga ditët më të zeza, jo vetëm të familjes Çela (Selgjekaj), por edhe për futbollin shkodran. Një dorë vrastare ka qëlluar për vdekje presidentin e Vllaznisë, Myftar Çela. Ka ndodhur ajo që nuk e mendonte askush. Kemi humbur një njeri që bëri shumë për Shkodrën, futbollin shkodran, por edhe atë shqiptar në tërësi. Myftari ishte kthyer në njeriun simbol që nuk kurseu asgjë për të çuar në nivelet më të larta Vllazninë e tij të dashur. Nesër me rastin e njëvjetorit të vdekjes së tij, familja Çela (Selgjekaj) do të hapë dyert për të gjithë miqtë, shokët dhe të gjithë ata që janë pikëlluar nga humbja e djalit të tyre. Nesër me siguri që rruga Shkodër?Bajzë do të jetë aksi rrugor më i trafikuar në vendin tonë. Autokolonat e makinave do të krijojnë një karvan të gjatë, duke pasur të gjitha një destinacion: familjen Çela. Pjesëtarët e saj, ndonëse do të presin miq e dashamirës nga e gjithë Shqipëria, sërish do të ndihen të pikëlluar. Ai nuk është më mes tyre, ashtu siç nuk është më as pjesë e futbollit shkodran. Dy muaj më parë në Shkodër u organizua një kupë e emërtuar me emrin e tij. U shfaq një film dokumentar për jetën e tij dhe po ashtu u dhanë edhe dy dekorata nga Ministria e Kulturës, Rinisë dhe Sporteve dhe Bashkia e Shkodrës. Të gjithë ata që ishin prezent atë ditë në këto aktivitete thanë të njëjtën gjë: Myftar Çela i mungon shumë futbollit shqiptar. Ai ishte "dekani" i presidentëve të klubeve shqiptare, që nuk u lodh kurrë për Vllazninë e tij të zemrës. Ishte njeriu që u lidh aq shumë me këtë emër, saqë jeta e tij nuk kishte kuptim pa ngjyrat kuqeblu. Nesër mbushet një vit që Myftar Çela na mungon. Roli dhe kontributi i tij tek ekipi shkodran është i papërsëritshëm. Në shtatë vitet e drejtimit të tij në këtë klub Vllaznia fitoi dy tituj kampion, dy superkupa dhe bëri paraqitje të shkëlqyera në Kupat e Evropës. 14 qershori i vitit 2003 do të mbetet një ditë e zezë në historinë e klubit Vllaznia. Tani pas një viti nuk na mbetet gjë tjetër veçse të themi: "I përjetshëm qoftë kujtimi i tij!" Këto fjalë natyrisht nuk mjaftojnë, por janë gjithsesi respekt për atë çfarë Myftar Çela bëri për Shkodrën dhe futbollin shkodran, janë mirënjohje për punën dhe veprën e tij, ashtu siç do jetë për të gjithë ata që do të bëjnë diçka të mirë për këtë vend.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

SHKODER

Futbollistët e dikurshëm të ekipit “Vllaznia” nuk e kanë harruar ende tifozen legjendare, Jolanda Gurashin, e cila për 23 vjet me radhë ka qenë adhuruesja fanatike e tyre.

Ka qenë vetëm 17 vjeçe, pikërisht në vitin 1952, kur ka shkelur për herë të parë në në stadium, e shoqëruar nga vëllai i saj, piktori i njohur Ferdinand Paci. Vetë ai kishte qenë portier në vitet `50, me ekipin e të rinjve, por mësuesit e pikturës e detyruan ta braktiste hobin e tij për t´iu kushtuar plotësisht pikturës. Bashkë me të, Jolanda, (të cilën e thërrasin shkurt Landi), tregon se nuk ka humbur asnjë ndeshje të skuadrës së zemrës. Për 23 vjet me radhë ajo ka qëndruar në të njëjtin vend, duke bërë tifo për ekipin e Vllaznisë. Derisa në vitin 1975, vdekja aksidentale e Ferdinandit bëri që ajo të braktisë shkallët e stadiumit. Në një intervistë për “Panoramën”, gruaja tashmë 69-vjeçare tregon të gjithë historinë e jetës së saj si tifoze e ekipit të vendlindjes, të cilin e ka ndjekur jo vetëm në Shkodër, por dhe në Tiranë, Durrës dhe Kavajë.

Cila ka qenë ndeshja e parë që keni ndjekur nga stadiumi dhe çfarë kujtoni prej saj?
Ndeshja e parë më kujtohet që ka qenë Vllaznia-Dinamo në vitin 1952, e cila u zhvillua te fusha e vjetër. Si e veçantë të asaj ndeshjeje më kujtohet një gjest i pahijshëm i numrit 8 të “Dinamos”,(emri i lojtarit nuk më kujtohet), ku pasi bën një gjuajtje të bukur, portieri i “Vllaznisë” i asaj kohe, Met Metani, ia pret topin. Atëherë lojtari dinamovit afrohet dhe e godet portjerin me kokë në fytyrë, duke e gjakosur. Ky gjest shkaktoi zmërimin e të gjithë publikut, por jo të gjyqtarit, i cili nuk mori asnjë masë ndaj tij.

Keni munguar ndonjëherë në ndeshjet e “Vllaznisë”?
Gjatë 23 viteve nuk kam munguar asnjëherë në ndeshjet e “Vllaznisë”, si në ato të zhvilluara në Shkodër, ashtu edhe në ato të zhvilluara në Tiranë, Durrës si dhe në Kavajë. Megjithëse mjetet e komunikimit nuk janë këto të sotmet, me sakrifica të mëdha, por edhe për ato jashtë rrethit ishte gjetur zgjidhja. Kjo dhe falë ndërmarrjeve ku kam punuar, si në bankën e qytetit, ashtu edhe në ndërmarrjen e tisazhit. Kur kishte ndeshje Vllaznia jashta rrethit, unë “abuzoja” me mjetet e ndërmarrjes. Madje kur punoja në ndërmarrjen e tisazhit në bazë të kalendarit të ndeshjeve, llogarisja vajtjen e makinave për të marrë furnizim apo për të shpërndarë materialet. Një gjë të tillë e dinin të gjithë drejtuesit e ndërrmarrjes, por nuk ma prishnin.

Si e keni ndjerë veten në atë periudhë si tifoze?
Në stadium e kam ndjerë veten shumë ngrohtë. Si puna ime kanë shkuar shumë femra, por asnjëherë nuk kemi patur probleme. Mbaj mend që stadiumit nuk i jam ndarë as në ditët e ftohta të dimrit, madje kam shkuar edhe me borsë uji të ngrohtë. Akoma edhe sot e ruaj si relike të asaj kohe dërrasën, në të cilën jam ulur në shkallët e ngurta të stadiumit.

Kujtoni ndonjë detaj nga ajo kohë?
Ka qenë viti 1972, ndeshja e dytë finale e kupës së Republikës Vllaznia-Besa. Ndeshjen e parë e kishim humbur në Kavajë 2-0. Shkodra një javë para ziente nga ethet e kësaj ndeshjeje. Po kështu edhe unë. Ditën e ndeshjes më kishin kapur emocione të forta, një numër i madh tifozësh nga Kavaja kishin ardhur për të ndjekur ekipin e tyre. Po haja bukë para ndeshjes, por duart më dridheshin aq sa nuk isha në gjendje të mbaja në dorë lugën. Kur më sheh Ndoci, im shoq, në këtë gjendje më thotë se nuk duhej të shkoja në stadium, sidoqë të ishte ndeshja. Jo se ishte konservator, por nga frika e ndonjë infarkti që mund të më shkaktohej. Si t’ia bëja? Meqenëse burrin nuk e kisha tifoz prita sa e zuri gjumi i drekës dhe së bashku me nipat e burrit u nisëm në stadim. Pasi mbaroi ndeshja e rregullt 2-0 për Vllazninë u vjen rradha gjuajtjes së penalltive. Kur lojtari kavajas po bëhej gati të gjuante penalltinë e tretë u them atyre që kisha afër se Paulini (Ndoja) do ta presë topin. Portieri ynë e pret topin dhe fitojmë, ndërsa tifozët më hidhen në qafë. Futbolli i periudhës 1952-1975 ka qenë bota për mua, aq sa nipit të burrit në vitin 1967 i vura emrin Franc, si Bekenbauri se isha tifoze e gjermanëve.

Po për bileta si ia bënit?
Kësaj pune ia kishim gjetur dermanin. Një shok i yni na bënte bileta false, të cilat nuk dalloheshin fare nga ato origjinalet. Kur hynim në stadium, biletat i mbaja unë në dorë për të gjithë, pasi policët nuk mund ta mendonin që një femër në vitet ´70, të mbante bileta false për të hyrë në stadium.



Opinionet e Landit

• Për Ramazan Rragamin
  Nga ekipi i Vllaznisë ajo e kujton si futbollistin më të mirë të asaj kohe. “Kur ka qenë në formë ai, ka shkuar mirë i gjithë ekipi. Nuk ka patur ekip që i ka dalë para Vllaznisë”, thotë Jolanda.
• Për Loro Boriçin
  “Ai ka qenë një lojtar tepër cilësor me një përdorim topi të shkëlqyer. Këmba e tij i thithte topat sikur të kishte magnet”.
• Për Panajot Panon
  “Ai ka qenë futbollisti më i mirë i ekipit të Partizanit që luante në atë periudhë”.
• Për Preng Gjeloshin
  Jepte maksimumin e tij në fushën e lojës, ndonëse ushqehej me bukë e ujë, si familje
• Për Ali Memën
  Ishte një lojtar me shumë sedër, pasi kur ishte ushtar në Shkodër dhe luante me Vllaznin, nuk pranonte të luante kundër “17 Nëntorit”

SHKODER – Por, nëse Jolanda nuk e ka humbur dëshirën e saj për të ndjekur ndeshjet e futbollit, i shoqi i saj, Ndoci, nuk ka qenë asnjëherë tifoz i këtij sporti. “Në takimin e parë të fejesës me Landin, ajo më thotë që e pëlqen shumë futbollin. Ndërsa unë i them që futbolli nuk më pëlqen fare, por më pëlqen noti. “Si do t´ia bëjmë?”, i them. Ajo më thotë: “ti hajde ndiq futbollin, ndërsa unë po mësoj notin”. Ndoci thotë se në të vërtetë futbolli s´e ka tërhequr asnjëherë. “Edhe atëherë kur shkoja për të shoqëruar gruan në stadium, unë e prisja jashtë tij gjersa mbaronte ndeshja, pastaj ktheheshim së bashku”, kujton ai. Por, episodet me gruan që lidheshin me futbollin, Ndoci ende nuk i ka harruar. “Kur luante Vllaznia në Tiranë ne me Landin kishim shkuar një natë para. Ishim në shtëpinë e motrës sime dhe kur ngrihemi në mëngjes herët, Landi këmbëngul që të dalim herët, pa ngrënë mëngjes, që të shëtisim pak gjoja. Sapo dalim nga shtëpia e motrës sime Landi më thotë, se i vinte zor që të hanim edhe mëngjesin në shtëpi, ndaj po e hamë jashtë. Pak e nga pak i drejtohemi bar “Sahatit”. Kur aty shikoj futbollistët e “Vllaznisë”, të cilët po hanin mëngjes. U afrohemi atyre dhe Landi fillon t’i pyesë ata për formacionin e ndeshjes. Aty e kuptova pse Landi këmbëngulte për të ngrënë mëngjesin jashtë”. Por, Ndoci thotë se dhe në rastet kur ka tentuar që të interesohet për futbollin ka qenë e kotë. “Një herë po kalonim rrugës kur takojmë dy futbollistë të “Vllaznisë”, portierin Paulin Ndoja dhe mbrojtësin, Frederik Çapaliku. Meqenëse me Çapalikun ishim fqinjë i drejtohem: Çapalik, na e bëj një gol këtë të dielë? Por, ai më thotë: Çfarë goli, mor zotni Ndoc, por unë jam mbrojtës?! Mirë i thatë, ta bëjë ky shoku tjetër, për Ndojën. Dhe ai m’u përgjigj: “Unë vetëm në bëfsha autogol, se jam portier!”



''Pamorama''

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Vllaznia shkelqen!
Vllaznia e nis kampionatin me nje fitore te thelle (6-1) kunder Teutes.


Shkodranët të pamëshirshëm, shënojnë 6 gola në portën durrsake.
Vllaznia e ka nisur kampionatin ndryshe nga ç'e kishte menduar, me një fitore shumë të thellë ndaj një Teute inekzistente në fushë. Takimi ka nisur me një dëshirë më të madhe të shkodranëve, të cilët kërkojnë t'u imponohen me lojën e tyre kundërshtarit. Por pavarësisht nga dëshira, ajo që ka treguar Vllaznia në minutat e para ka lënë shumë për të dëshiruar. Mbase ndikon fakti që disa prej lojtarëve të saj janë të rinj. Nga kjo përfiton Teuta, e cila në 2?3 raste edhe mund të kihste kaluar në avantazh, nëse Bërzezi dhe D.Xhafaj do të ishin treguar më të saktë. Shkodranët zgjohen me vonesë dhe zbritja e tyre e parë në portën durrsake shënohet në minutën e 28?të, kur Abilio godet shtyllën. Më pas do të vijë goli i Salihit, që prish barazpeshën në fushën e lojës, ndërkohë që goli i Licit, në limitin e pjesës së parë, e fundos përfundimisht Teutën. Trajneri Zalla mundohet që me dy ndërrime të përmirësojë diçka në pjesën e dytë, por nuk ia arrin. Vllaznia tashmë ka dalë në lojën e saj dhe nuk e ka të vështirë ta çajë mbrojtjen mike. Tre golat e tjerë të shënuar shpejt i kanë shtangur miqtë, të cilët e kanë të vështirë të reagojnë. Minutat e mbetura të ndeshjes janë veç për kronikë, teksa regjistrohet edhe goli i vetëm i Teutës. Kjo e fundit e pati shumë të vështirë të përballonte Vllazninë, aq më tepër që në 40 minutat e fundit të ndeshjes luajti me 10 futbollistë, si pasojë e largimit me karton të kuq të Lorjes. Përfundimisht Vllaznia fiton thellë 6?1, një rezultat ky që nuk duhet t'i kënaq shumë ata, pasi kampionati është i gjatë dhe duhet shumë për të bërë. Ndërkohë Teuta, me djemtë e rinj të saj, vërtetoi se mungesa e përvojës shpeshherë të ndëshkon.

Vasil Bici, trajner i Vllaznisë:
"Eshtë një fitore që na kënaq, për më tepër që është rezultat i thellë. Por më duhet të pranoj se në 25 minutat e para, Teuta, në 2?3 raste, mund të na kishte ndëshkuar. Shpëtuam falë Shehit. Pas këtij ngërçi, dolëm në lojën tonë dhe më pas gjithçka ishte nën kontroll. Kjo fitore ishte shumë e domosdoshme, është një sinjal i mirë për të ardhmen, por jo gjithçka. Na duhen edhe disa elementë të tjerë, për të shtuar konkurrencën. Megjithatë synimi i Vllaznisë mbetet i njëjti: vetëm për vendet e para."

Të veçanta:
-Topin e parë nga qendra e ka shkelmuar legjenda e portës shkodrane dhe asaj shqiptare, Paulin Ndoja.
-Para fillimit të ndeshjes, futbollistët i kanë takuar e përshëndetur edhe kryetari i bashkisë Shkodër, Artan Haxhi, si dhe presidenca e të dy klubeve.
-Trajneri Zalla në një moment të pjesës së dytë e ka humbur toruan me futbollistët e tij, duke hyrë vetvetiu në fushën e lojës, ndërsa ndeshja vazhdonte të luhej.
-Rreth 5000 tifozë e kanë ndjekur takimin e djeshëm të Vllaznisë.

Fushaj:
Katër brazilianë brenda javës Fitorja e thellë e Vllaznisë ndaj Teutës nuk i ka çuar në ekstazë drejtuesit e Vllaznisë, madje ata duken shumë të përqëndruar në kompletimin e ekipit me lojtarë të tjerë. Valter Fushaj, zëvendëspresidenti i Vllaznisë ka bërë të ditur se brenda javës së ardhshme te Vllaznia do të vijnë 4 futbollistë brazilianë.
"Ne vërtet fituam 6?1 ndaj Teutës, por kjo nuk na kënaq. E dimë që skuadra ka ende për të bërë dhe për këtë jemi duke punuar për plotësimin e saj me lojtarë të tjerë cilësorë. Mund të konfirmoj se dy brazilianët që kanë luajtur me Dinamon, Rodrigo dhe Leonardo, sot ose nesër do të jenë në Shkodër. Po ashtu brenda javës tjetër do vijnë edhe dy futbollistë të tjerë brazilianë," - ka thënë Fushaj.



Vllaznia - Teuta 6-1
1-0 Salihi 32'
2-0 Lici 45'+1
3-0 Salihi 52'
4-0 Ziambo 60'
5-0 Egerci 62'
5-1 Xhafaj 82'
6-1 Abilio 86' (p)

Renditja:
Skuadra N F B H Gol P
1.Vllaznia 1 1 0 0 6-1 3
2.Partizani 1 1 0 0 3-0 3
3.Elbasani 1 1 0 0 2-0 3
4.Tirana 1 1 0 0 1-0 3
5.Dinamo 0 0 0 0 0-0 0
6.Egnatia 1 0 0 0 0-0 0
7.Shkumbini 1 0 0 1 0-1 0
8.Laci 1 0 0 1 0-2 0
9.Lushnja 1 0 0 1 0-3 0
10.Teuta 1 0 0 1 1-6 0

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Trajneri i kuqebluve pohon se duhet të rritet konkurrenca në ekip 23-08-2004
Bici: Vllaznia mbetet pretendente
Gjergj Kola


Nisja e kampionatit me fitore, madje me një të thellë në shifra, nuk ka sesi të mos e ketë gëzuar trajnerin e Vllaznisë, Vasil Bici. Pasi ka lënë Dinamon me një paraqitje shumë të suksesshme sezonin e kaluar, lezhjani i mirënjohur i stolave vjen te kuqeblutë me objektiva të qarta. Tifozeria e zjarrtë e kësaj skuadre, presidenca, për të mos thënë e gjithë Shkodra, pret shumë nga ata 11 lojtarë që zbresin në fushë. Duke mos u justifikuar me emrat që përfaqësojnë këtë skuadër, ata duan gjithnjë fitoren. Në këtë kontekst, kur kuqeblutë paraqitnin në fushë një formacion të rinuar, Bici e ka parandier vështirësinë që do të paraqiste ky takim i hapjes së kampionatit. "Ishte një fitore shumë e rëndësishme dhe njëkohësisht e domosdoshme për këtë grup lojtarësh të rinj, sepse u jep moral, u jep zemër për vazhdimin e mëtejshëm të kampionatit. Me këtë fitore kemi dhënë një sinjal të mirë edhe për vazhdimësinë dhe shpresoj të vazhdojmë kështu," ? shprehet Bici. Por një fitore, pavarësisht me shifrat 6?1, nuk duhet t'i gëzojë shumë shkodranët. Kampionati sapo ka startuar dhe rruga deri në fundin e tij do të jetë e gjatë dhe me të papritura. Këtë ka parasysh edhe numri një i stolit shkodran, kur shton: "Natyrisht, kjo fitore nuk do të na vërë të flemë mbi dafina. Përpara janë ndeshje shumë më të vështira, te të cilat duhet bërë shumë kujdes. Mund të na rastisë që me ato gabime që bëmë ndaj Teutës në ndeshjen e parë, ta pësojmë në ndeshjet e tjera, prandaj duhet të korrigjohemi në të gjitha drejtimet." Sulmi ndërkohë është evidentuar edhe njëherë si reparti më i fortë i kuqebluve. Pesë nga gjashtë golat e ndeshjes kundër durrsakëve janë shënuar nga lojtarët e vijës së parë, Abilio, Ziambo, Salihi dhe Egerçi. Ajo që mbetet për të rregulluar kuptohet që janë repartet e tjera dhe për këtë qëllim Bici ka konsideruar pikën më të dobët të skuadrës së tij mungesën e konkurrencës. "Përgjithësisht, lojtarët që luajnë aktualisht në formacion e kanë njëfarë përvoje, përjashto dy futbollistë që e kanë kampionatin e tyre të parë në skuadër. Të tjerët, ata që janë në stol, kanë shumë diferencë me ta dhe kjo është dhe pika jonë më e dobët. Mungon konkurrenca dhe duhet të bëjmë çmos që ajo të ekzistojë në skuadër. Presidenca e klubit është duke marrë të gjitha masat që javën e ardhshme të sjellë në skuadër disa lojtarë dhe kjo padyshim që është gjë pozitive," ? ka vazhduar më tej tekniku lezhjan, i rikthyer pas 5 vjetësh te Vllaznia. Një rikthim me të njëjtin synim: skuadra duhet të jetë sërish pretendente. Bici e thotë me optimizëm këtë gjë në fund, kur e mbyll, duke thënë: "Synimet e këtij ekipi kanë qenë gjithmonë të qarta: Vllaznia është pretendente. Kështu do të jetë edhe sivjet, kur objektivi ynë është të kapim Kupën UEFA dhe pastaj të synojmë edhe vendet e para. Nuk ka pse të mos jetë kështu për këtë ekip, që ka edhe një mbështetje të mrekullueshme të spektatorit shkodran."


Salihi: Dy gola! Eshtë vetëm fillimi
Gjergj Kola


Ajo që shfaqi të shtunën ndaj Teutës është një pjesë e "repertorit" të Hamdi Salihit. Dy gola, një lojë e shkëlqyer, ndonëse vetëm 60 minuta aktivizim dhe talenti i kampionatit të kaluar ka fituar duartrokitjet e 5000 tifozëve të pranishëm në stadium. Të gjithë ata kanë thirrur në kor emrin e tij, kur ai i ka lënë vendin në fushë të riut tjetër, Taulant Egerçi. Kaq ka mjaftuar për të treguar se Hamdi Salihi nuk ka shkuar te Tirana për arsyen e vetme se nuk mund të bëjë pa tifozerinë kuqeblu. Të shtunën, 20-vjeçari ka shënuar dy herë dhe në të dy rastet me kokë, për të treguar se jo vetëm e djathta është pika e tij më e fortë. Lojtari, që të mërkurën luajti edhe në Qipro me Shpresën, është i kënaqur me mënyrën si e nisi këtë sezon. Prandaj ai thotë: "Për mua, e rëndësishme është që e fillova mbarë. Këta dy gola do të më ndihmojnë të vazhdoj kështu, ndonëse e di që nuk jam në formën më të mirë. Shpresoj që trajneri Bici dhe shokët e ekipit të më ndihmojnë ta kaloj shpejt këtë deficit që kam në përgatitjen fizike, për të qenë i gatshëm ta ndihmoj ekipin në çdo rast." Kampionatin e kaluar "Andushi" (kështu e thërrasin të gjithë në ekip) arriti të shënojë 14 gola në kampionat, ndonëse ishte një lojtar pa emër. Këtë sezon ai mendon se objektivi do të jetë për të shënuar më shumë gola, por njëkohëisht për të do të rritet edhe përgjegjësia. "Unë e kuptoj që mbi mua sivjet bie një përgjegjësi më e madhe, sepse pjesa më e madhe e ekipit janë lojtarë të rinj. Pavarësisht nga kjo, shpresoj që gjithçka të më ecë mbarë. Të paktën kështu e kam nisur, kur shënova 2 gola që në ndeshjen e parë. Mendoj se ky është vetëm fillimi, sepse në vazhdim kam për të bërë gjëra edhe më të mira," ? vazhdon numri 14 i kuqebluve. Shansi i këtij futbollisti duket se është nipi i tij i vogël, i cili e shoqëron atë në çdo ndeshje në stadium. Për këtë qëllim, edhe dy golat ndaj durrsakëve mesfushori?sulmues i kuqebluve ia kushton pikërisht atij. Salihi shpreson shumë që sivjet ekipi i tij të bëjë një paraqitje dinjitoze, pse jo të synojë edhe fitimin e trofeve, sepse mundësitë për këtë gjë janë. "Një fitore nuk është asgjë, por njëkohësisht është një moral më tepër për të gjithë ne, për të na treguar se mund të pretendojmë për të marrë trofe këtë sezon. Kjo gjë, natyrisht, do të jetë e vështirë, por nuk ka pse të mos pretendojmë deri në fund," ? e përfundon fjalën e tij Salihi, njëri nga pikat më të forta të Vllaznisë së sivjetme.

''Sporti Shqiptar''

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.