K.F. Vllaznia - Djepi i futbollit shqiptar - Faqja 5

AlbShkodra · #**141** 04-02-2004, 15:38

VLLAZNIA Të ruajmë formën sportive

Ekipi shkodran, gjatë ndërprerjes së kampionatit, ka pikësynim kryesor ruajtjen e formës fizike të përfituar në përgatitoren e Ulqinit. Ky është motivacioni i stërvitjes trijavore të kuqebluve në këtë periudhë pushimi për ta. Futbollistët shkodranë, nën drejtimin e trajnerit Haxhiosmanoviç, prej dy ditësh po i zhvillojnë seancat e zakonshme stërvitore në kompleksin sportiv "Zmijani". Malazezi u ka bërë të ditur të tijve se tashmë dy fitoret e fundit me Partizanin dhe Teutën duhet të shërbejnë vetëm për statistika. Vëmendja, sipas malazezit, duhet përqendruar te takimi i ardhshëm me Dinamon dhe te ndeshjet pasuese të sezonit. "Ndeshjet e fituara së fundi nuk duhet të na kalojnë në eufori, ngaqë morëm 6 pikë dhe u ngjitëm në vendin e katërt. Ky vend nuk ka shumë rëndësi, nëse nuk ruajmë formën fizike dhe moralin që kemi aktualisht. Është një periudhë e gjatë ndërprerjeje e kampionatit dhe kjo do të ndikojë sadopak në programin stërvitor të çdo skuadre. Prandaj duhet të tregoheni vërtet futbollistë profesionistë në këtë drejtim, duke mos nënvlerësuar aspak në stërvitje," - mësohet t'u jetë drejtuar "Deda" të besuarve të tij. Siç është bërë e njohur edhe më parë, 44-vjeçari malazez që drejton kuqeblutë, ka qenë kritik ndaj Federatës për mënyrën sesi e ka ndërtuar kalendarin e veprimtarive futbollistike. Në fakt, "Deda" nuk është mjaftuar vetëm me kontestime dhe akuza ndaj institucionit qendror të futbollit në Shqipëri, por po përpiqet të shmangë dhe të eliminojë pasojat që mund të sjellë një ndërprerje kaq e gjatë e kampionatit. Ndeshja me Dinamon, sipas Haxhiosmanoviçit, vjen shpejt, prandaj nuk ka kohë për të toleruar në stërvitje. "Vllaznisë nuk i lejohet të gabojë në asnjë ndeshje, prandaj duhet të punojmë shumë gjatë këtyre 3 javëve pushim, për t'u korrigjuar sa më shumë në çdo drejtim. Nëse duam të jemi pretendentë deri në fund të garës, nuk duhet të kalojmë në eufori," - ka këshilluar "Deda".

AlbShkodra · #**142** 05-02-2004, 02:12

Vllaznia, dy fitore që synojnë kreun e klasifikimit

Sulmuesi i Vllaznisë, Edi Martini është shprehur se me dy fitoret e arritura në fazen e tretë, shkodranët do të synojnë kreun e renditjes. "Nëse ne do të vazhdojmë të luajmë si ndaj Partizanit dhe Teutës, çdo skuadër do ta ketë të vështirë të përballet me ne", u shpreh ai për ATSH-në. Më tej ai tha se me ardhjen e katër futbollistëve kohët e fundit është rritur konkurrenca për të zënë një vend në formacion, çka do të sjellë edhe lojë cilësore". Sipas tij, me përgatitjet e bëra gjatë periudhës së dimrit, ekipi i Vllaznisë i ka të gjitha mundësitë për të synuar kreun e renditjes së kampionatit. "Por duhet nga të gjithë vlerësim i çdo ndeshjeje dhe mbi të gjitha, mobilizim në fushën e lojës", ka theksuar Martini.

AlbShkodra · #**143** 05-02-2004, 14:42

Trajneri malazez thotë se, falë "modifikimeve" në programin stërvitor, do ta mbajë në formë Vllazninë
"Deda": Ndërprerja e kampionatit, çfarë belaje!

Trajneri i Vllaznisë ka qenë ndoshta një ndër njerëzit që e ka kritikuar ashpër institucionin e Federatës së Futbollit për mënyrën sesi e ka organizuar kalendarin e veprimtarive futbollistike. Ndërprerjet e herëpashershme të ndeshjeve kanë sjellë një çrregullim të madh edhe në programin stërvitor të ekipeve, ku nuk bën përjashtim as Vllaznia. "Deda" e quan absurde ndërprerjen e kampionatit në një kohë që sapo kishte nisur fazën e tretë. Megjithatë, malazezi i stolit shkodran premton se do ta mbajë në formë Vllazninë. "Sinqerisht, jam gjendur në vështirësi për mënyrën sesi duhet ta stërvis skuadrën në këto ditë ndërprerje të kampionatit. Pas stërvitjes që zhvilluam në Ulqin, skuadra kapi një formë të shkëlqyer sportive. Por tani, që na kushtëzohet ky pushim kaq i gjatë, duhen gjetur mënyra për t'i mbajtur futbollistët në formë. Në fakt, janë gjëra të vështira për një trajner "modifikime" të tilla në programin stërvitor, sepse gjithçka është e paparashikueshme. Megjithatë, unë do të bëj ç'është e mundur që së bashku me lojtarët t'ia arrijmë të ruajmë gjendjen fizike për përballimin me sukses të ndeshjeve të mbetura të sezonit," - ka thënë "Deda".

(Gjergj KOLA ''Sporti Shqiptar'')

AlbShkodra · #**144** 08-02-2004, 10:50

Haxhiosmanoviç: Sinani është i pazëvendësueshëm !

Ndodh rrallë që një trajner ta vlerësojë kaq shumë, sa malazezi i Vllaznisë, Dervish Haxhiosmanoviç, kapitenin e skuadrës së tij, Viorestin Sinani. Ai i thur lavde mënyrës sesi stërvitet dhe si luan ky futbollist, të cilin e merr si shembull për të gjithë kuqeblutë. Një vlerësim të tillë, njeriu i stolit shkodran e jep në në fillim të përgjigjes së tij për skuadrën që drejton dhe për lojtarët. "Nëse mund të them diçka të saktë, kjo i takon kapitenit Sinani. Ai mbetet shembull për të gjithë të tjerët te Vllaznia. Një lojtar i tillë me shumë vullnet, që nuk lodhet kurrë, me të cilin mund të krenohesh, është i pazëvendësueshëm te Vllaznia. Natyrisht, edhe për mua, si trajner, është kënaqësi të stërvis një lojtar të tillë," ? ka thënë "Deda".
Megjithatë, malazezi kërkon që skuadra shkodrane të mos krenohet vetëm me një Sinan. Në njëfarë mënyrë, ndoshta për të parën herë, Haxhiosmanoviçi ka folur me nota pozitive edhe për Edi Martinin, lojtarin me të cilin jo pak herë ka replikuar për mënyrën sesi stërvitet etj. "Martini është mirë, por ende nuk e ka kapur kondicionin e duhur fizik. Gjithsesi, ai po bën gjëra të mira. Duhet të vazhdojë të punojë kështu, për të qenë sërish i rëndësishëm për skuadrën," - ka shtuar malazezi.

AlbShkodra · #**145** 08-02-2004, 10:53

Martini: Për Vllazninë rri edhe në stol

Goleadori i njohur shkodran, Edi Martini, duket më shumë se kurrë i motivuar për të dhënë maksimumin e mundshëm për Vllazninë. Ai stërvitet me shumë dëshirë, dëshiron të luajë titullar dhe të shënojë sa më shumë gola, por pranon edhe stolin, kur bëhet fjalë për të mirën e skuadrës. Këtë sezon nuk ka luajtur gjithnjë në formacionin bazë kuqeblu, por ama numri i golave të shënuar prej tij është vërtet lakmues për çdo koleg të tij. Nëntë është numri i tyre, i shënuar në ndeshjet e këtij kampionati, shto këtu edhe 5 të tjerë të realizuar në kupë. Edhe vetë Martini ndihet i kënaqur nga ajo që ka arritur: "Jam i kënaqur me atë që kam arritur në këtë sezon. Shënimi i kaq golave nuk ka qenë i lehtë për mua, për vetë faktin se në dy fazat e para kemi qenë një skuadër me shumë probleme.

AlbShkodra · #**146** 09-02-2004, 16:03

Mbrojtësi energjik i kuqebluve premton "surpriza" përballë Dinamos dhe Tiranës në kryeqytet
Doçi: Fati i Vllaznisë në "Qemal Stafa"

Nëse Vllaznia do të pretendojë apo jo për titull, kjo do të varet nga dy sfidat e saj të ardhshme, që do t'i luajë në "Qemal Stafa". Pra, bëhet fjalë për trasfertat me Dinamon dhe Tiranën kampione. Kështu mendon njëri prej titullarëve kuqeblu, mbrojtësi i talentuar Edmond Doçi. Ky i fundit, në një deklarim të tij, thotë se shkodranët i kanë bërë një nisje mjaft të mirë fazës së tretë të kampionatit, por kjo ecuri duhet ruajtur. "Nuk kemi pse ta fshehim. E kemi nisur mjaft mirë fazën e tretë dhe mund të them se jemi befasuar vërtet nga kjo ecuri pozitive. Nuk ka ku të shkojë më mirë sesa të marrësh pikët e plota në dy ndeshje të vështira, ndaj dy rivalëve tanë, Partizani dhe Teuta. Tashmë ky është realitet dhe tregon rritjen e Vllaznisë. Po ashtu, dy fitoret e fundit janë një garanci për të bërë gjëra të mira edhe në vazhdim të garës. Për mua, një gjë e tillë varet nga mënyra sesi do t'i zgjidhim dy prej sfidave të ardhshme, me dy rivalet e tjera, Dinamon dhe Tiranën,"? ka thënë mbrojtësi i krahut të majtë të kuqebluve.

dory85 · #**147** 11-02-2004, 12:45

o albshkodra a ke ku e gjen je foto te vllaznise se sivjetshme se me ka marre malli te shoh edhe nje here fanellen kuqeblu.fanellen me te rende ne shqiperi.
te pershendes

AlbShkodra · #**148** 11-02-2004, 15:59

Citim:

Origjinali i postuar nga dory85
o albshkodra a ke ku e gjen je foto te vllaznise se sivjetshme se me ka marre malli te shoh edhe nje here fanellen kuqeblu.fanellen me te rende ne shqiperi.
te pershendes

Pershendetje Dory
Me vjen keq po per momentin s'mund te gjej ndonje foto te re , me vone te shohim.
Edhe mua me ka marre malli per fanelen , edhe per te hyre ne ''Loro Borici'' per te pare nje ndeshje dhe per te dale me ze te humbur nga brohoritjet!

Te gjitha te mirat.

AlbShkodra · #**149** 11-02-2004, 16:01

Vllaznia

Një ndjenjë persekutimi përcjell secili përfaqësues i klubit Vllaznia. Dy fitoret rradhazi në kampionat dhe entuziasmi i këtyre rezultateve janë frenuar nga ndërprerja e parashikuar, për shkak të pjesmarrjes në turneuan e Norçias. Trajneri kuqeblu Dervish Haxhiosmanovic është në sinkron të plotë me të gjithë kolegët e tij të grupit A1, se kjo ndërprerje ndikon negativisht në përgatitjet dhe psikologjinë e secilës skuadër. Ruajtja e gjëndjes optimale në këto kushte është shumë e vështirë. Mungesa e ndeshjeve zyrtare do të lërë gjurmët e saj. Kompensimi me takime miqësore është minimumi që mund të bëhet nga stafi teknik.

Pasditen e së shtunës skuadra është testuar në sfidë me fqinjët e Besëlidhjes, ndaj së cilës është fituar minimalisht 2-1, ndërkohë që është prenotuar një tjetër përballje me skuadrën malazeze të Zetës.

Tratativat për sigurimin e një tjetër miqësoreje do të vijojnë edhe në ditët pasardhëse, në mënyrë që në sfidën zyrtare te rradhës që kuqebluët do të zhvillojnë në kryeqytet kundër Dinamos, të bëhet e njëjta paraqitje si në dy takimet e para dhe synohet fitorja e tretë rradhazi .

AlbShkodra · #**150** 11-02-2004, 16:22

Malazezi u merr "frymën" kuqebluve

Stërvitja e ditëve të fundit për futbollistët e Vllaznisë ka qenë vërtet rraskapitëse. Trajneri Haxhiosmanoviç, në kuadrin e përgatitjeve për rifillimin e ndeshjeve të kampionatit, është duke u dhënë dorën e fundit atyre. Kjo javë konsiderohet e rëndësishme, ngaqë javën e ardhshme fillojnë përgatitjet për ndeshjen me Dinamon. Në dy ditët e para të kësaj jave, kuqeblutë kanë marrë ngarkesa të mëdha fizike. Ditën e hënë, "Deda" ka aplikuar dy seanca, të cilat u shoqëruan edhe me probleme, për sa u takon kushteve të stërvitjes. Ndërkohë, stërvitja e djeshme ka qenë e veçantë, për të mos thënë më e lodhshmja deri tani për kuqeblutë. Ajo është zhvilluar paradreke dhe ka zgjatur më tepër sesa zgjatin seancat e zakonshme të malazezit. Gjatë dy orëve të kësaj stërvitjeje, futbollistët kanë vrapuar shumë, ndërsa vetëm në çerekorëshin e fundit kanë improvizuar një ndeshje kontrolli. Pas përfundimit të saj, të gjithë pjesëtarët e Vllazninsë janë dukur tepër të lodhur. Për këtë qëllim, ndoshta Haxhiosmanoviçi nuk ka planifikuar stërvitje pasdreke. Madje nuk do të ketë as në orët e para të ditës së sotme, pasi, siç dihet, në orën 14.00 do të luhet miqësorja me Zetën.

Sot, miqësorja Vllaznia-Zeta
Pas Besëlidhjes, përballë kuqebluve të Vllaznisë do të vihen në një miqësore malazezët e Zetës. Ky takim, siç është bërë e ditur, do të luhet sot, në orën 14.00, në stadiumin "Loro Boriçi" të Shkodrës. Miqësorja në fjalë pritet të jetë testi më serioz i shkodranëve në prag të rinisjes së ndeshjeve të kampionatit.

AlbShkodra · #**151** 15-02-2004, 11:18

Kuqeblutë nuk u japin rëndësi mosmarrëveshjeve te blutë, me të cilët do të ndeshen të shtunën e ardhshme
Vllaznia: S'ndikohemi nga problemet e Dinamos

Në prag të ndeshjes Dinamo?Vllaznia, që do të luhet një javë më pas, të krijohet përshtypja se shkodranët duken më të favorizuar, për faktin se dinamovitët po kalojnë probleme ditët e fundit. Megjithatë, mosmarrëveshjet futbollistë-president-shef klubi te blutë nuk u kanë bërë aspak përshtypje kuqebluve të Vllaznisë. Për ta, ndeshja me Dinamon konsiderohet shumë e fortë. Për pasojë, edhe vëmendja e Vllaznisë për këtë trasfertë në kryeqytet mbetet maksimale. Trajneri "Deda" vazhdon t'u kërkojë përkushtim të tijve në stërvitje dhe të mos "dembelosen" apo ndikohen nga problemet që mund të kalojë kundërshtari. "Kjo me Dinamon është një sfidë shumë e rëndësishme, - shprehet zëvendëstrajneri i shkodranëve, Rakiqi.
- Po të ishte luajtur menjëherë pas ndeshjes me Teutën, po ju them se do ta kishim fituar. Tani nuk mund ta them plotësisht këtë gjë, sepse po bëhen 3 javë që nuk luajmë futboll zyrtar. Megjithatë, jemi munduar të ruajmë parametrat fizikë dhe taktikë, për t'u përballur denjësisht me djemtë e Demollarit."
Sikurse dihet, përballë bluve, Vllaznia ka humbur 2 herë në këtë sezon, 3?0 në Tiranë dhe 4?1 në Shkodër. Por Esat Rakiqi, numri 2 i stolit shkodran, nuk niset aspak nga ky fakt në gjykimin që i bën ndeshjes të së shtunës së ardhshme. Ai është i mendimit se mes rivalëve të përjetshëm statistikat nuk vlejnë. "Po përgatitemi për ndeshjen me Dinamon, të cilën e vlerësojmë maksimalisht. Në sfida të tilla mes rivalësh, statistikat nuk vlejnë. Vllaznia fare mirë mund të fitojë brenda në Tiranë, ashtu si mund të triumfojë Dinamo në Shkodër. Të shohim si do të vejë stërvitja e këtyre ditëve, cila do të jetë gjendja e lojtarëve që do të vijnë nga kombëtarja B, dhe të flasim më saktësisht," - shton Rakiqi.
Përveç miqësoreve me Besëlidhjen dhe Zetën, shkodranët do të zhvillojnë stërvitje intensive edhe javën në vazhdim. Sipas Rakiqit, ka rënë poshtë hipoteza për të gjetur një kundërshtar për një miqësore të tretë. Për pasojë, sot Vllaznia do të zhvillojë seancën e radhës në fushën e saj të stërvitjes. Mund të zhvillohet edhe një ndeshje kontrolli, ku do të vihen përballë njëri?tjetrit dy formacione kuqeblu. Të hënën do të nisin përgatitjet e fundit anti-Dinamo, të cilat do të përcaktojnë çdo gjë që ka të bëjë me këtë ndeshje, duke filluar nga formacioni, mënyra e vendosjes së skuadrës në fushë, varianti taktik etj. Edhe kësaj here, detyra e "Dedës" është e vështirë, megjithatë malazezi ka treguar se di t'ia dalë mbanë.

AlbShkodra · #**152** 15-02-2004, 11:21

Kaçi: Më parë titullar, pastaj golat

Mesfushori?sulmues i Vllaznisë, Albert Kaçi, kërkon ta thotë më me forcë fjalën e tij në vazhim të sezonit. Thuajse i harruar në dy fazat e para të kampionatit si pasojë e dëmtimit, Kaçi kërkon t'i demonstrojë tashmë vlerat e tij të vërteta. Operacioni i kryer në Belgjikë ka bërë që riaftësimi i tij të jetë i shpejtë dhe të bëhet gati për të luajtur. Aktivizimi ka filluar me disa minuta lojë, ndërkohë që vetë mesfushori kuqeblu mendon se ka ardhur koha të luajë titullar. "Jam stërvitur rregullisht kohët e fundit. Nuk ndiej më asnjë problem për sa i takon shëndetit tim, prandaj dua të luaj me kohë të plotë. Mendoj se po ia bëj hyzmetin punës, prandaj trajneri Haxhiosmanoviç duhet të vendosë se kur do të luajë si titullar," - thotë 22-vjeçari i talentuar. Në të vërtetë, Vllaznia ka nevojë për talentin e tij dhe kjo u pa edhe në ndeshjen me Partizanin. Alberti ishte protagonist në rastin e golit të Salihit, sepse gjuajtja e tij e fortë nuk u zotërua dot nga Nallbani. Sikurse dihet, duke luajtur rregullisht, forma e sportistit kap shpejt nivelin maksimal. Këtë dëshiron edhe Kaçi, i cili dëshiron që me aktivizimin e tij të bëhet i dobishëm për Vllazninë, për të arritur objektivat që ajo ka. "Dua t'i shërbej skuadrës, sepse ajo ka nevojë për secilin prej nesh. Janë shumë ndeshje për t'u luajtur dhe nuk kam pse të mos pretendoj edhe unë për hapësira aktivizimi, sikurse nuk ka pse të mos e pretendojë titullin edhe Vllaznia.

''Sporti Shqiptar''