K.F. Vllaznia - Djepi i futbollit shqiptar

AlbShkodra · #1 28-09-2003, 23:18

Vllaznia: Shkoder

''Stadiumi Loro Boriçi'' : kapaciteti 18,000.

Klubi i futbollit Vllaznia eshte themeluar me 16 Shkurt 1919.

Kampione e Shqiperise 9 here.
Ne vitet 1946 - 54 - 72 - 74 - 78 - 83 - 92 - 98 dhe 2001.

Fituese e kupes 5 here.

Fituese e superkupes se Shqiperise 2 here 1998 dhe 2001.

AlbShkodra · #2 28-09-2003, 23:24

Java 1.

Partizani - VLLAZNIA 4 - 1

Renditja.

1.Tirana 3 pike
2.Partizani 3
3.Teuta 3
4.Dinamo 3
5.Elbasani 3
6.Flamurtari 0
7.Shkumbini 0
8.Besa 0
9.VLLAZNIA 0
10.Lushnja 0

Vllaznia është mposhtuar nga Partizani në “Qemal Stafa”. Ndeshja është mbyllur 4-1, në favor të ekip kryeqytetas. Loja ka filluar e qetë nga të dyja skuadrat dhe me disa raste për shënim. Në minutën e 25 ekipi i Partizanit sulmoi tre herë radhazi portën e Vllaznisë me anë të Abilos, por pa rezultat. Një minutë më vonë braziliani ka arritur të tundë rrjetën e shkodranëve, duke u bërë goli i parë i kampionatit. Pas 9 minutash është realizuar goli i dytë nga Muzaka për Partizanin. Pjesa e parë u mbyll me rezultatin 2-0 për vendasit. Në pjesën e dytë, ekipi i Vllaznisë filloi të luante më mirë dhe ariti që në minutën 56 të shënonte golin e parë dhe të vetëm të takimit. Kur të gjithë mendonin për një barazim nga ana e shkodranëve, *censored*ioka ka shuar shpresat e Vllaznisë në minutën e 67. Në të 78-ën sulmuesi brazilian Abilio ka vulosur rezultatin në shifrat 4-1.

AlbShkodra · #3 28-09-2003, 23:27

Java 2.

VLLAZNIA-Teuta 0-2

Renditja N F B H Gol P

1.Tirana 2 2 0 0 9-0 6
2.Dinamo 2 2 0 0 6-1 6
3.Partizani 2 2 0 0 5-1 6
4.Teuta 2 2 0 0 3-0 6
5.Elbasani 2 1 1 0 3-2 4
6.Besa 2 0 1 1 1-3 1
7.Flamurtari 2 0 0 2 1-5 0
8.Shkumbini 2 0 0 2 1-5 0
9.VLLAZNIA 2 0 0 2 1-6 0
10.Lushnja 2 0 0 2 0-7 0

Rragami: "Vllaznia, duhen ndryshime ne loje"
Mjeshtri i Merituar i Sportit, nje nder ish-futbollistet me te mire te Vllaznise ne vitet '60-'70, Ramazan Rragami, tha pas humbjes se pesuar te marten ne Stadiumin "Loro Borici" nga Teuta 2-0, se Vllaznia ka nevoje per ndryshime te medha ne loje. "Futbollistet shkodrane kane nevoje per ndryshime ne konceptimin dhe menyren e lojes. Eshte e pafalshme qe gjate 90 minutave lojtaret tane te mos jene ne gjendje te krijojne raste per shenim, theksoi ai. E gjithe kronika e lojes flet per nje varferi te lojes. Ndaj eshte detyre paresore qe te punohet me mire ne te gjitha repartet, por theksi duhet te vihet tek sulmi dhe mesfusha, ku dhe jane dobesite me te medha. Sot futbolli luhet sipas koncepteve te reja dhe me skema qe mund te ndryshojne disa here nga trajneret sipas momenteve qe krijohen". Krahas punes per eleminimin e dobesive nga drejtuesit e ekipit, ai vuri ne dukje se Vllaznia ka nevoje per disa lojtare me pervoje.

AlbShkodra · #4 28-09-2003, 23:29

Java 3.

Dinamo-VLLAZNIA 3-0

Renditja N F B H Gol P

1.Tirana 3 3 0 0 16-1 9
2.Dinamo 3 3 0 0 9-1 9
3.Elbasani 3 2 1 0 8-2 7
4.Partizani 3 2 1 0 6-2 7
5.Teuta 3 2 1 0 4-1 7
6.Lushnja 3 1 0 2 1-7 3
7.Besa 3 0 1 2 2-10 1
8.Flamurtari 3 0 0 3 1-6 0
9.VLLAZNIA 3 0 0 3 1-9 0
10.Shkumbini 3 0 0 3 1-10 0

VLLAZNIA :
Skuadra e Veriperendimit, themeluesja e futbollit shqiptar (me 1919) prej shume e shume vitesh nuk e shikon veten ne kete pozicion, pra e parafundit, pa asnje pike dhe me golaverazhin negativ, -8. Per me teper, sic tregojne komentatoret radiofonike dhe gazetaret nga Shkodra, skuadra ka shume dobesi ne loje, tregon nje pergatitje fizike te dobet dhe deshire te paket per loje.
Tronditja e krijuar nga vdekja e ish-presidentit Cela ende nuk eshte larguar, ndonese ne krye eshte nje tjeter president Cela. Nga skuadra e sezonit te kaluar jane larguar Devolli, Ishka, Romanishin, Bejzade, Elvin Beqiri, ndersa nga ajo qe doli kampion me 2001 kane mbetur vetem Osja, Zmijani, Belisha, Sinani, Martini, Kaci e Teli. Ne ekip ka shume emra te rinj si Salihi, Kraja, Bishja, Mashi, Hoti apo Luka. Mungesa e pergatitjes se duhur gjate veres po nxjerr krye tani, duke e detyruar pasardhesin e trajnerit Zhega, Haxhiosmanovicin qe te shpike nje faze pergatitore gjate zhvillimit te kampionatit. Ne te vertete, Vllaznia ka vuajtur edhe nga nje kalendar i hekurt i fillimit, por edhe ne dy javet e ardhshme nuk premtojne ndonje gje me te mire. Ne javen e peste 9 here kampionet e Shqiperise presin ne Loro Borici Elbasanin, ndersa nje jave me pas, me 27 shtator, zbresin per here te trete ne Qemal Stafa per te luajtur me Tiranen.

AlbShkodra · #5 28-09-2003, 23:32

Java 4.

VLLAZNIA - Elbasani 1-0

Renditja

1 Tirana 4 Ndeshje 12 Pike
2 Partizani 4 - 10
3 Teuta 4 - 10
4 Dinamo Tirana 4 - 9
5 Elbasani 4 - 7
6 VLLAZNIA 4 - 3
7 Lushnja 4 - 3
8 Besa 4 - 2
9 Flamurtari 4 - 1
10 Shkumbini 4 - 0

VLLAZNIA :

Kuqeblutë fitojnë 1-0 ndaj Elbasanit dhe regjistrojnë suksesin e parë

Martini, goli tripikësh i Vllaznisë

Vllaznia më në fund gjen fitoren e parë në kampionat. Kjo fitore i ka gëzuar mjaft pjesëtarët e saj njëlloj sikur dje ata të ishin shpallur kampionë. Minutat e para të lojës kanë filluar me vrullin e vendësve, të cilët dukej qartë se do të kërkonin fitoren me çdo kusht në këtë takim. Si pasojë krijohen edhe 2-3 rastet e para për shënim. Mirëpo, si gjithnjë, vërehet një skuadër e shpërndarë jo mirë në fushën e lojës, duke mos e harmonizuar si duhet lojën e reparteve. Elbasani, nga ana e tij, kërkon të përfitojë nga kjo çoroditje e vendësve, duke zotëruar mesfushën. Nga ana tjetër, portokallinjtë shohin fare pak nga porta e Grimës, duke u kujdesur më tepër për mbrojtjen e rezultatit të barabartë. Raportet në fushë do të ndryshonin në minutën e 45-të, kur gjyqtari Meta, me të drejtë, i jep kartonin e kuq mbrojtësit Teli, duke ia vështirësuar edhe më tepër punën Vllaznisë. Kjo e fundit ka mbetur me 10 lojtarë në fushë. Mirëpo nuk do të ndodhte kështu. Përkundrazi, në pjesën e dytë, kuqeblutë do të tregonin karakterin e tyre të vërtetë. E kanë nisur menjëherë në sulm, duke mos u tërhequr edhe pas humbjes së 11-metërshit nga kapiteni Sinani. Në të vërtetë, pas këtij momenti pritej që elbasanasit të kërkonin me çdo mënyrë fitoren, por për t'ia arritur kësaj ata nuk kanë bërë asgjë. Kapiteni Stojku, si për ta ilustruatr këtë gjë, kujtojmë që ka qenë hija e vetvetes në këtë ndeshje, duke rënë rrallëherë në kontakt me topin. Për Vllazninë shquhet Edi Martini, i cili, ndonëse jo me kondicionin e duhur fizik, arrin të shfaqë vlerat e tij të vërteta në fushë, duke qenë edhe autor i të vemtit gol të takimit. Po ashtu, për t'u evidentuar është loja e Edmond Doçit, 22-vjeçarit të talentuar, që ishte më i miri në fushë për Vllazninë. Gjithsesi, Vllaznia ka arritur të parën fitore të saj në kampionat, e ndihmuar edhe nga gabimi i miqve, që nuk ditën të shfrytëzojnë epërsinë numerike në pjesën e dytë.

Të veçanta:
- Pavarësisht nga rezultatet negative të skuadrës shkodrane, tifozët e saj vazhdojnë të mos e braktisin atë. Dje, në "Loro Boriçi", kanë qenë të pranishëm rreth 4000 tifozë kuqeblu.
- Kartoni i kuq i dhënë për Telin në fundin e pjesës së parë, ka shkaktuar një reagim të madh tek vendësit. Të gjithë lojtarët e Vllaznisë, madje edhe trajneri Haxhiosmanoviç, kanë protestuar gjatë te gjyqtari Meta.
- Pas ndeshjes, presidenti i Elbasanit, Kumuria, i ka shtrënguar dorën kolegut të tij të Vllaznisë, Çela, duke e uruar për fitoren, por duke i thënë se atë ia dhuroi vetë skuadra e tij për mënyrën se si e interpretoi pjesën e dytë.

Thanë pas ndeshjes:
Dervish Haxhiosmanoviç, trajner i Vllaznisë:
"Ka qenë një fitore tepër e vlefshme për ne. Vinim pas tri humbjeve radhazi. Prandaj, duke dashur të fitojmë me çdo kusht, bëmë edhe gabime, sidomos në pjesën e parë. Të them të drejtën, pas kësaj pjese nuk isha shumë entuziast për fitore, e po ashtu edhe pas humbjes së 11-metërshit. Sidoqoftë, djemtë treguan karakter të lartë dhe fituam. Kjo fitore do të na shërbejë shumë nga ana morale, aq më tepër që jemi para ndeshjes me Tiranën".
Astrit Sejdini, trajner i Elbasanit:
"Vllaznia nuk e meritoi fitoren sot sepse luajti një lojë të ashpër. Madje, disa futbollistë të saj bënë edhe veprime të papëlqyeshme. Ekipi im nuk arriti të ngjitet aty ku duhet, duke gabuar sidomos në pjesën e dytë, pikërisht atëherë kur ne kishim një lojtar më tepër në fushën e lojës. Gabimet ishin kryesisht në mesfushë, çka tregoi se ata dy lojtarë që na munguan për këtë ndeshje, janë mjaft të domosdoshëm për ekipin".

AlbShkodra · #6 28-09-2003, 23:38

Java 5.

Tirana 3-2 VLLAZNIA

Renditja :

1 Tirana 5 N 5 F 0 B 0 H 22-4 G 15 Pike
2 Dinamo Tirana 5 3 2 0 11 3 11
3 Teuta 5 3 2 0 7 2 11
4 Partizani 5 2 3 0 7 3 9
5 Elbasani 5 2 2 1 8 3 8
6 Besa 5 1 2 2 3 10 5
7 Flamurtari 5 1 1 3 4 6 4
8 VLLAZNIA 5 1 0 4 4 12 3
9 Lushnja 5 1 0 4 1 10 3
10 Shkumbini 5 0 0 5 2 16 0

TIRANA - VLLAZNIA 3-2

Komenti
Tirana fiton me shumë vështirësi 3-2 ndaj Vllaznisë për javën e pestë të kampionatit. Një tripikësh me shumë vlera për bardheblutë, pasi tani e shohin veten të shkëputur katër pikë nga dy ndjekëset më të afërta, Teuta dhe Partizani. Takimi ka nisur emocionues që në minutat e para, ku të dyja skuadrat hodhën vështrimin nga portat respektive. Do të jetë Tirana e para që do të kalojë në avantazh falë një goli të ideuar dhe të përfunduar me sukses nga Devi Muka. Vlonjati si gjithmonë bënte diferencën në fushë me futbollistët e tjerë, duke qenë "mushkëria" e Tiranës falë edhe organizimit të përsosur që i bënte lojës. Goli i shënuar nga kampionët i entuziazmoi disi ata, nga ku më pas lëshuan disi në lojën e tyre. Vllaznia, e cila vinte në kryeqytet pas fitores së parë me Elbasanin, dilte rrezikshëm në kundërsulm, pasi edhe mënyra e lojës qe ndërtuar e tillë, ku do t'i shërbehej me topa vetëm Sinanit, ndërsa pesë mesfushorë të tjerë do ta mbështesnin nga prapa. Mungesa e Martinit dhe e Telit e detyroi Haxhiosmanoviçin të bënte ndryshime në formacionin titullar. Edhe Mema kishte spostuar Licin në vend të Pinarit të skualifikuar. Mbrojtja bardheblu në momente të veçanta të lojës tregoi dobësi dhe si rrjedhojë shkodranët gjetën rrugën e golit me anë të Osjes. Kampionët nuk pajtohen me këtë barazim dhe hidhen të gjithë në sulm në kërkim të golit të fitores. Ai do të vinte vetëm në fundin e pjesës së parë falë edhe një goditje spektakolare nga jashtë zone nga qendërmbrojtësi Hajdari. Pjesa e dytë do të nisë me sulme dhe kundërsulme nga të dyja palët. Tekniku bardheblu bëri disa ndryshime në formacion, duke kthyer Sinën stoper dhe duke nxjerrë Licin në krahun e majtë të mesfushës. Ndërkohë në të djathtin kaloi Halili, i cili zëvendësoi Agollin. Diçka ndryshoi në lojën e bardhebluve, por goli i barazimit nga kuqeblutë do të vinte menjëherë. I riu Salihi në hyrje të zonës i fiton një penallti Dabullës, e cila kthehet në gol nga kapiteni Sinani. Kishin mbetur edhe 15 minuta lojë dhe rezultati qe i barabartë 2-2. Mema sërish lëviz në stol, ku aktivizon Merkoçin në vend të Xhafës dhe Ervin Bulkun për Sokol Bulkun. Këtu ndryshon dhe rrjedha e lojës, ku të dy të sapofuturit i japin frymarrje sulmit. Fortuzi nxjerr të lirë Merkoçin brenda zonës, i cili shënon golin e avantazhin dhe të parin personal në këtë kampionat. Kampi dhe tifozeria bardheblu kalojnë në "ekstazë". Minutat fundit të lojës kanë qenë drithëruese për të dyja ekipet. Gjithçka përfundon këtu, ku Tirana fiton një ndeshje me dorë në zemër, ndërsa Vllaznia tregoi se po rikthehet në nivelet e saj të kaluara, duke lënë pas fillimkampionatin. Kjo javë e sheh sërish të vetme Tiranën në krye të klasifikimit, por me një ndryshim se është e shkëputur 4 pikë dhe jo 2 nga rivali i drejtpërdrejtë Partizani.

AlbShkodra · #7 29-09-2003, 04:51

Vllaznia Kampione ne vite

1946 - Tahiri, Gjeloshi, Osmani Dibra, Helepiani, Koxhja, Alibali, Smajli, Mirushi, Ademi, Barbullushi, Boriçi, Fakja, Shaqiri, E.Boletini. Trajner: I. Dizdari.

1954 - Tahiri, Gjeloshi, Osmani, Dibra, Koxhja, B.Fakja, Smajli, Halepiani, Juka, Vasija, Z.Barbullushi, Abdija, Alibali, Nehani, Boriçi, E.Boletini, Shaqiri. Trajner: I. Dizdari.

1972 - Z. Ndoja, Z.Basha, Duraj, Lekaj, M.Dedja, Rragami, Bizi, R.Çanga, Rakiqi, Hoxha, Ç. Ndoja, Zhega, Plumbini, Puka, Koçobashi, Dani. Trajner: Xh. Shaqiri.

1974 - Sukaj, Meta, Z.Busha, R. Ragami, Lekaj, Dedja, Duraj, Bizi, Ç. Ndoja, Hoxha, Zhega, Puka, S. Çanga, R.Çanga, Mani, L.Basha, Koçobashi. Trajner: Xh. Shaqiri.

1978 - Boshnjaku, Sukaj, L.Basha, Bizi, S. Çanga, E. Hafizi, Duraj, Vaso, Gurori, F. Ragami, Vukatana, A. Hafizi, Arra, S. Gruda, Borshi, Paçrami, Zhega, Axhani. Trajner: Xh. Shaqiri

1983 - Kushe, Boshnjaku, Sukaj, Zmijani, Shaba, S. Çanga, Pali, H. Dedja, F. Ragami, Jera, A. Hafizi, Vukatana, Fakja, S. Gruda, Paçrami, Borshi, Driza, Bushati, Golemi, Pashaj. Trajner: R. Ragami

1992 - Dani, Nako, H. Dedja, Pashaj, Shpuza, Noga, Ç. Basha, Premçi, Bushati, A. Gruda, Billa, Ymeri, Tepelia, Bisha, Hoxha, Lika, Martini, Keçi, Filipi. Trajner: A. Hafizi

1998 - Grima, Mustafa, P. Martini, A. Noga. I. Dibra, L. Zmijani, I. Ymeri, S. Lici, S. Osja, K. Osmani, Gj. Shllaku, A. Xhahysa, A. Premçi, A. Cungu, E. Kraja, F. Volumi, L. Jahja, V. Sinani, E. Muçiçi. Trajner: H. Dedja

2001 - Kërstaiç ,Osja,Beqiri,D.Osmani,Zmijani,Gjokoviç,Camaj,Duro,
Patushi,Belisha,Bylykbashi,Sinani,Liçi,Martini,Kot rri,Kaçi,Jahja,Doçi,
Ndoja,Teli,K.Osmani,Plori,Mustafa,S.Marash,Hasani,
Trajner: D.Haxhiosmanoviç

AlbShkodra · #8 29-09-2003, 16:50

VLLAZNIA :

Rakiqi: Vllaznia kundër Tiranës, si një rivale e denjë

Loja e ekipit të Vllaznisë po vjen gjthnjë në rritje. Në një përfundim të tillë kanë arritur të gjithë atë që kanë ndjekur Vllazninë në fundjavën futbollistike shqiptare. Dhe ç’është më kryesorja kështu mendojnë dhe shumë nga specialistët e futbollit shqiptar, të cilët shikojnë një Vllanzi që po rikthehet në lojën e saj të zakonshme, dhe po i largon atë krizë që e kishte pushtuar atë që nga vdekja e presidentit Myftar Çela. Vllania po përmirësohet nga ndeshja në ndeshje. Pas fitores në Shkodër një javë më parë, kuqeblutë kanë zhvilluar një ndeshje të bukur në Tiranë, kundër kampionëve në fuqi të vendit, edhe pse ata humbën këtë takim në minutat e fundit. “Kundër Tiranë në “Qemal Stafa” ne kemi luajtur si të barabartë”. Kështu është shprehur pas takimit zevendës trajneri i ekipit kuqeblu, Esat Rakiqi. "Të gjithë futbollistët luajtën mjaft mirë,- theksoi ai.- Ne arritëm të barazojmë dhe pikërisht kur pjesa e parë po shkonte drejt përfundimit, pësuam golin e dytë. Edhe pjesa e dytë ishte mjaft e bukur nga të dyja skuadrat. Ne arritëm të fitojmë nje 11-metërsh që u kthye në gol nga Sinani dhe kur gjithçka po shkonte drejt barazimit”. Por zëvendëstrajneri i shkodranëve nuk i mohuan vlerat e kundërshtarëve të tyre të së shtunës. “Më duhet të theksoj se ishte meritë e Tiranës që, me përvojen e lojtarëve të saj, arriti të shënojë golin e tretë të fitores. Skuadra jonë, me gjithë mungesat në formacion, ndaj bardhebluve tregoi se lojërat e saj po vijnë në rritje nga java në javë, vuri në dukje Rakiqi. Ne e vumë disa herë në vështirësi fitoren e Tiranës dhe kjo në sajë të një loje cilërore. Në këtë ballafaqim rivalësh, skuadra jonë tregoi një përgatitje të kënaqshme fizike, gjë që nuk është parë gjatë katër javevë të para te kampionatit".

Altin Manallari 'Shekulli'

AlbShkodra · #9 03-10-2003, 19:19

Trajneri i Vllaznisë e konsideron tepër të domosdoshme fitoren e ndeshjes me vlonjatët
"Deda": Flamurtari, ndarja me të kaluarën
Skuadra shkodrane, në përpjekje për të ruajtur momentin e mirë që po kalon, është e përqendruar totalisht te ndeshja e nesërme në kampionat, ndaj Flamurtarit të Vlorës. Ndeshja e mirë, e zhvilluar të shtunën e kaluar ndaj Tiranës, u ka dhënë zemër dhe i ka bërë optimistë pjesëtarët e kampit kuqeblu. Objektivi i tyre i radhës është kalimi me sukses i ndeshjes me Flamurtarin, e cila do të luhet nesër në "Loro Boriçi". Trajneri i kuqebluve, Dervish Haxhiosmanoviç, në një deklarim për "Sportin shqiptar", është shprehur se skuadra e tij nuk është ende gati për këtë ndeshje, pasi duhen bërë disa "meremetime" të fundit në të. Në të vërtetë, "meremetimet" në fjalë, malazezi ka dashur t'i bëjë që të mërkurën, në ndeshjen e kupës, me Adën, por prej saj nuk ka dalë asgjë në dritë në këtë drejtim. Një fakt të tillë e pranon edhe vetë Haxhiosmanoviçi, i cili i përgjigjet pyetjes se për çfarë i shërbeu ndeshja e kupës skuadrës së tij: "Për asgjë. Ishte një ndeshje shumë e dobët. Përballë nuk kishim një kundërshtar të denjë, ndaj të cilit mund të provonim disa variante loje apo lëvizje në formacion, që do të na nevojiteshin për ndeshjen me Flamurtarin." Vetë rezultati i këtij takimi, 9 0, flet për cilësinë e lojës, në një kohë që futbollistët e Vllaznisë u vunë në garë se kush të shënonte më shumë. Natyrisht, ka spikatur sërish i talentuari Salihi, i cili shënoi 4 gola në këtë takim. Ndaj Adës ka spikatur edhe mbrojtësi Edi Luka, si autor i dy golave, duke formuar kështu portretin e një futbollisti të domosdoshëm për formacionin shkodran. Sidoqoftë, në syrin e trajnerit kuqeblu nuk ka vlejtur asgjë nga ky takim: "Ndeshja e kupës, sikurse e thashë edhe më sipër, ishte një formalitet. Madje nuk i "preku" as kufijtë e një ndeshjeje kontrolli. Prandaj dua të them se, për ndeshjen me Flamurtarin, skuadra nuk është ende gati. Duhen rregulluar edhe disa gjëra të vogla, në mënyrë që skuadra, ditën e ndeshjes, të jetë plotësisht gati." Të tilla fjalë kanë dalë nga goja e "Dedës" ndoshta nga fakti që nuk do t'i ketë të gatshëm të gjithë lojtarët edhe për këtë ndeshje. Tashmë është e sigurt që Martini dhe Dibra do t'i mungojnë Vllaznisë në ballafaqimin me vlonjatët. Megjithatë, ata pritet të zëvendësohen nga futbollistë të tjerë kuqeblu. Nesër, përballë Flamurtarit, skuadra shkodrane do të kërkojë me ngulm fitoren. Mbi të gjitha, sikurse thotë vetë Haxhiosmanoviçi, skuadra duhet të japë maksimumin në këtë sfidë dhe të ruajë momentin e mirë që po kalon. "Na duhet patjetër një fitore në këtë ndeshje, për të ruajtur ritmin. Njëkohësisht, duhet të tregohemi të kujdesshëm, sepse çdo rezultat tjetër, përveç fitores, do t'i kthente gjërat aty ku ishin më parë," ka thënë trajneri malazez i Vllaznisë.

AlbShkodra · #10 03-10-2003, 19:20

"Loro Boriçi", ulet çmimi i biletave
Drejtuesit e Vllaznisë do t'i ulin çmimet e biletave të ndeshjeve të skuadrës së tyre në fushën e saj. Një gjë e tillë do të fillojë të aplikohet që nga ndeshja e nesërme me Flamurtarin. Mirëpo ky ndryshim i çmimit të biletave do të përfshijë vetëm njërën tribunë të stadiumit "Loro Boriçi", atë anësore. Biletat e kësaj tribune tashmë nuk do të kushtojnë më 300 lekë (të reja), sa kanë kushtuar deri më tani, por 200 lekë. Për dy tribunat e tjera, qendroren dhe përkarshi, nuk do të ketë asnjë ndryshim çmimi të biletave. Pra, ato do të kushtojnë sërish nga 300 lekë secila. Kjo gjë bëhet e ditur nga drejtuesit më të lartë të klubit "Vllaznia". Ulja e çmimit të biletave është bërë me qëllim afrimin në stadium të tifozerisë shkodrane, për të përkrahur Vllazninë, pasi në këto momente ajo ka më shumë se kurrë nevojë për ta.

AlbShkodra · #11 09-10-2003, 02:50

KAMPIONATI SHQIPTAR : Java 6.

VLLAZNIA - Flamurtari 3-1

0-1 Vito 23
1-1 Sinani 44
2-1 Salihi 50
3-1 Salihi 70

RENDITJA :

1.TIRANA 15 Pike
2.PARTIZANI 14 ' '
3.TEUTA 14 ' '
4.DINAMO 8 ' '
5.ELBASANI 8 ' '
6.BESA 8 ' '
7.VLLAZNIA 6 ' '
8.LUSHNJA 4 ' '
9.FLAMURTARI 4 ' '
10.SHKUMBINI 0 ' '

AlbShkodra · #12 09-10-2003, 02:56

VLLAZNIA - FLAMURTARI3-1

Kuqeblutë kanë mundur 3-1 Flamurtarin dhe ngjiten në renditje
Vllaznia: Salihi, emri i suksesit

Vllaznia ka fituar dje 3-1 ndaj Flamurtarit në "Loro Boriçi". Megjithatë, loja e saj nuk është ngjitur në lartësinë e duhur. Pjesa e parë ka qenë përgjithësisht e një niveli të dobët. Vlonjatët kishin ardhur për t'u mbrojtur dhe këtë e tregon më së miri fakti që për 10 minuta rresht nuk e kanë kaluar mesin e fushës. Nga ana tjetër, Vllaznia tregoi se nuk ishte në një ditë të mirë. Lojtarët e saj, ndonëse ushtronin presion, asnjëherë nuk arritën ta rrezikojnë seriozisht portën e Dines. Përpjekjet e tajnerit Haxhiosmanoviç për të dërguar shumë lojtarë në zonën vlonjate rezultuan të padobishme. Madje Vllaznia prej kësaj e pësoi. Flamurtari në të parën kundërzbritje ka arritur të shënojë me anë të Vitos. Ky gol pritej t'u shtonte "oreksin" miqve, por në të vërtetë ata vetëm janë mbrojtur. Vllaznia nuk është në gjendje të rrezikojë portën e Dines, derisa do të vinte minuta e 43-të, kur janë vetë vlonjatët që i dhurojnë një top kapitenit Sinani, që nuk heziton të barazojë. Kaq do të mjaftonte që në pjesën e dytë vendësit të jenë zotër të fushës. Në 45 minutat e saj në fushë është vetëm Vllaznia, e cila do të sigurojë qetësinë me dy golat e të talentuarit Salihi. Tashmë Flamurtari nuk ka më forcë të bëjë asgjë.

Thanë pas ndeshjes:

Esat Rakiqi zëvendëstrajner iVllaznisë:
"Kjo fitore tregoi se skuadra jonë është në progres. Megjithatë, me lojën e zhvilluar ndaj Flamurtarit, nuk jam edhe aq shumë i kënaqur