Fraza e lëshuar dje nga drejtori sportiv i Realit të Madridit, Predrag Mijatoviç, duket se është më shumë se një lamtumirë. “Dejvid Bekam do të na lërë. Nuk kemi për ti rinovuar kontratën”, është shprehur Mijatoviç, duke sqaruar kështu në mënyrë definitive pozicionin e klubit merenges në drejtim të anglezit 31-vjeçar. Deklarata e numrit 2 të Realit të Madridit, është bërë për kanalin e mirënjohur televiziv, SKY. Me frazat e lëshuara dje për SKY, Mijatoviç i ka mbyllur portat e madrilenëve njëherë e përgjithmonë për Dejvid Bekam, duke mos i lënë asnjë shans anglezit dhe menaxherit të tij për të vazhduar negociatat me drejtuesit e Realit.

Në javët e mëparshme, “merengesit” e shprehën në mënyrë shumë të qartë linjën e tyre në kuadër të negociatave me anglezin, i cili prej 2 vitesh qëndron në “Santiago Bernabeu” por që nuk ka bindur asnjëherë me paraqitjen e tij (përveç prestacionit në fushën e publicitetit): “Ose do të arrihet një marrëveshje në ditët e para të janarit, ose lojtari do të largohet”-thuhej shprehimisht nga drejtuesit e madrilenëve, të cilët duket se e kanë bërë realitet vendimin e tyre të mëparshëm. Por menaxheri i ish-kapitenit të Anglisë, Simon Oliveira, ka theksuar faktin që deri tani nuk ka marrë asnjë njoftim nga Reali i Madridit. “Për aq sa dimë ne, oferta për rinovimin e kontratës është ende e vlefshme dhe është parashikuar një takim tjetër me drejtuesit e Realit në ditët e ardhshme”, ka thënë ai.

Megjithatë, lëvizja e fundit e Realit e ka kapur në befasi Bekamin, i cili vetëm disa ditë më parë kishte manifestuar një optimizëm të dukshëm përsa i takon rinovimit, duke u shprehur se dëshira e tij dhe e familjes së tij ishte që të qëndronin në Madrid. Ndërkohë, transferimi i Dejvid Bekamit tani duket mëse i sigurtë dhe me 99% destinacioni i tij i ri do të jenë SHBA-të, ku Los Anxheles Galaxy është i gatshëm që të mbulojë shpenzimet e tij marramendëse (falë edhe mbështetjes që kjo skuadër merr nga Tom Kruiz, që ndër të tjera është edhe mik me Bekam).

Një opsion tjetër gjithmonë i vlefshëm në të tilla raste mbetet edhe Azia, ku Katari, Emiratet e Bashkuara Arabe dhe Dubai, sigurisht që do të tentojnë ta bëjnë pjesë të krenarisë së tyre kombëtare ish-kapitenin e “Luanëve”. Të gjitha këto alternativa janë të favorshme si nga ana financiare dhe ajo sportive për Dejvid Bekam, por minusi i madh do të ishte kombëtarja, pasi asnjë trajner nuk do të merrte guximin që ta thërriste në ekip nëse ai do të “zhdukej” në kampionate të dorës së tretë.

__________________
The heaven's sound is composed inside your heart, listen to its beat to syncronize your life onto the angel's steps.

Ish-trajneri i kombëtares është dekoruar së fundi edhe nga ana e Presidentit Alfred Moisiu për merita në sport.

Pasaporta e Shyqyri Rrelit
Ditëlindja 18.05.1930
Vendlindja Tiranë
Roli në fushë mbrojtës
Numri i fanellës 3
Karriera si futbollist Erzeni, sezoni 1948-1949. Tirana (Puna), sezoni 1949-1951. Dinamo, sezoni 1952-1962.
Gola të shënuar 1 (Flamurtari-Dinamo 1-2, vitin 1953).
Trofetë e fituara 4 tituj kampion dhe 4 Kupa të Shqipërisë (Dinamo).
Pjesëtar i ekipit kombëtar 1955-1958 (kur trajner ka qenë Adem Karapici, më pas Loro Boriçi dhe Andrea Lukshinov).
Karriera si trajner Trajner-futbollist me ekipin e moshave Petro Nini Luarasi, në vitin 1961. Mësues i edukimit fizik. Trajner i klasave sportive. Pedagog i Mjeshtërisë së Lartë Sportive. Trajner-Pedagog me ekipin e Shkëndijës, fillimisht me të rinjtë në kategorinë e dytë dhe më pas në të parën. Trajner i Tiranës nga viti 1987-1990. Trajner dhe drejtor teknik i ekipit të sapoformuar, Albanët nga 1994-1998, duke dalë në vendin e dytë, në kategorinë e dytë. Konsulent dhe më pas trajner i Teutës në vitin 1993. Trajner i Shkumbinit për disa muaj në vitin 1996.
Trofetë e fituara si trajner 2 tituj kampion me Tiranën.
Trajner i ekipit Shpresa 1972-1982 (2 herë kampion ballkanik).
Trajner i ekipit kombëtar 1982-1990.

Në fushën pedagogjike Fillimisht ka botuar monografi, tekste mësimore dhe studime. Më pas ka botur librin Përgatitja tekniko-taktike. Përgatitja e futbollistit. Metodat Studimore. Metodat intervalore në përgatitjen e futbollistit. Përgatitja e futbollistit nga mosha e vogël dhe deri në profesionalizëm. Së fundmi, dy libra të tjerë Tirana, personalite, shkenca dhe Tirana, personalite, sport. Titujt e marrë Mjeshtër i Sportit, Mjeshtër i Merituar, Trajner i Merituar, Nderi i Sportit Shqiptar, Nderi i Qytetit të Tiranës, Fisnikëria e Tiranës, Urdhri Naim Frashëri, Medalje lufte si partizan dhe së fundi Mjeshtër i Madh, i dhënë me dekret nga ana e Presidentit Alfred Moisiu.

Futbolli shqiptar ndër vite ka nxjerrë shumë sportistë me cilësi dhe virtyte të mëdha, të cilët kanë kontribuar për ngritjen e cilësisë së kësaj loje magjike. Pa dyshim, një prej figurave që spikat me kontributin e tij të çmuar në futboll është Shyqyri Rreli. I lindur në një familje tiranase, te bulevardi Zogu i Parë, me të ardhura të vogla, barra kryesor i ka takuar pikërisht Shyqyriut për të mbajtur pjesëtarët e tjerë të shtëpisë pas vdekjes së babait. Pasioni i Rrelit për futbollin ka qenë shumë i madh, sa që në moshë të vogël ka nisur të luajë fillimisht në lagje dhe më pas në fushat sportive me baltë të kryeqytetit. Fshehurazi nënës, por me mbështetjen e shokut të ngushtë, Nuri Metanit, dhe atij të skuadrës, Refik Resmjes, Shqyri Rreli do ta niste fillimisht karrierën si portier për shkak të shtatlartësisë trupore, për të përfunduar më pas si qendërmbrojtës. Ja se si i kujton ai fillimet e karrierës Futbollin e kam nisur si një pasion që i karakterizonte të gjithë bashkëmoshatarët e mi në atë periudhë. Më pëlqente shumë ky sport, por problemi im më i madh ishte nëna, e cila nuk dëshironte që të merresha me këtë punë, pasi kishte hall se dëmtohesha apo sëmuresha. Pavarësisht kërcënimeve të saj, i thosha vëllait më të vogël të mos tregonte se çfarë bëja.

Do të duhej një dëmtim në buzë, i pësuar në ndeshjen Tirana-Skënderbeu, pas kontaktit fizik që pata me Aristidh Papadhopullin, që nëna të kuptonte të vërtetën, sepse vëllai foli me zë të lartë në shtëpi. Kaq duhej që unë më pas t'i tregoja të vërtetën asaj, duke u justifikuar se kisha dy vjet që luaja futboll, sepse ishte e vetmja kënaqësi që kisha pas lojës së bilardos dhe gjuetisë. Në atë periudhë, shpërblimi ynë për kontributin e dhënë në fushë ishte në marrjen e ndonjë kile gjalpë apo sheqer, të cilat kur i çova në shtëpi, nënës iu bë shumë qejfi. Përveç futbollit, në këtë periudhë unë bëja edhe një normë tjetër, pasi isha i detyruar të ndihmoja familjen pas humbjes së babait. E vërteta është se kushtet tona në futboll ishin të këqija, krahasuar me këto fusha që janë sot, ku na mungonte baza materiale. Dua të kujtoj se jo pak herë kam luajtur me këpucë që u kishin dalë gozhdët dhe ku thundrat bëheshin gjak, por këtë arsyetim nuk mund t'ia bënim të ditur trajnerit,- tregon me keqardhje Shyqyri Rreli.

Gjatë 14 vjetëve si futbollist, ai ka përjetuar momente të bukura, por edhe të këqija. Rreli e quan veten me fat që ka pasur mundësi të luajë me dy nga skuadrat më në zë të kampionatit shqiptar, siç ishin asokohe Tirana dhe Dinamo. Kontributi i tij më i madh është me fanellën blu, kur thotë Dinamo në atë periudhë sapo ishte formuar, ku trajner kishim Zihni Gjinalin. Emocionet më të mëdha i kam pasur në ndeshjen e tretë ndaj Partizanit, ku stadiumi Qemal Stafa mbushej plot e përplot me tifozë nga të dy ekipet. Në rolin e mbrojtësit të fundit, pas vetes, kisha portierin Qemal Vogli, i cili gjithmonë më kërkonte të kapte topin e parë, me qëllim që t'i dilnin emocionet.

Pasi e bëra një gjë të tillë, m'u duk edhe mua vetja sikur u çlirova nga kjo anë, kur ai më pas më tha që tani jam në një gjendje të shkëlqyer. Pa dyshim që në atë periudhë ka qenë një rivalitet mjaft i ashpër midis Dinamos dhe Partizanit, ndërkohë që Tirana ishte duke i ngritur si skuadër. Një moment që nuk do ta harroj kurrë ka qenë ndeshja me Tiranën, kur edhe pse ishim shpallur kampionë, në fund kemi humbur me rezultatin 4-2,- kujton Shyqyri Rreli.

Detyra e trajnerit dhe ndërhyrjet nga lart
Nuk e ka pasur me shumë pasion detyrën e trajnerit, por Shyqyri Rreli është detyruar ta bëjë një gjë të tillë edhe nga rrethanat që ishin në atë periudhë. Mësuesi i tij i parë është i ndjeri Zihni Gjinali, që gjithmonë i thoshte Hajde, vëllai im, do ta provosh edhe ti detyrën e trajnerit. Pasi e nisi karrierën me ekipet e shkollave, për të përfunduar te kombëtarja, trajneri Rreli bën të ditur Një impuls për të kryer detyrën e trajnerit ma ka dhënë Zihni Gjinali, që më mbante gjithmonë afër në skuadër. Për mua trajneri ka qenë si një prind i dytë dhe këtë doja ta përçoja edhe te futbollistët që drejtoja. Sukses të madh do të quaja përmbysjen e rezultatit që i bëmë në Tiranë ekipit të Rumanisë, kur drejtoja Shpresën. Pas humbjes 3-1 në Bukuresht, nuk kam vënë gjumë në sy për dy javë, derisa e përmbysëm këtë rezultat me një fitore të madhe 7-1.

Gjatë gjithë kthimit nga Bukureshti në Tiranë me tren u kam komunikuar lojtarëve gabimet që bëmë, por edhe u injektova besimin për kualifikim, të cilin më pas e arritëm me meritë. Edhe vetë nuk u besoja syve për lojën e zhvilluar nga djemtë, a thua se u kisha dhënë të gjithëve doping. Një problem që kam pasur shpesh në periudhën kur kam drejtuar ekipin Shpresa dhe atë kombëtar, ishin ndërhyrjet nga lart. Pikërisht në ndeshjen me rumunët, kam arritur të kem ndërhyrje edhe nga ish-ministri i brendshëm, Feçor Shehu, për të aktivizuar futbollistin Ilir Përnaska, të cilit i kishte përfunduar mosha, por e kishim të drejtën ta mbanim në ekip. Pas kërcënimeve që pata, nuk u tundova aspak dhe në fushë hodha atë formacion që kisha menduar, teksa në fund u shpërbleva me fitimin e trofeut. Atë ditë, edhe Zoti ishte me mua.

Nëse do të flas për ecurinë me ekipin kombëtar, nuk mund të harroj fitoren me Belgjikën 2-0, barazimin 0-0 me Poloninë, barazimin 0-0 me Greqinë, po në Tiranë. Meraku i vetëm ka qenë humbja 2-0 e pësuar në fushën e grekëve, ku kam dyshimet e mia për sa i takon asaj që u ndodhi djemve në fushë, ku edhe pse nuk kam prova, nga ana e futbollistëve më është komunikuar fakti se u është hedhur diçka e keqe në ushqim. Pavarësisht humbjeve, kemi zhvilluar ndeshje dinjitoze me Suedinë, me Belgjikën jashtë, por edhe me Irlandën e Veriut. Një gjë të cilën do ta theksoja shumë, ka të bëjë me faktin se kam qenë i pari që kam injektuar në ekipin kombëtar mentalitetin sulmues. Futbollistëve u thoja gjithmonë se duhej të mbronim duke sulmuar, ide të cilën vazhdoj ta jap edhe si recetë për trajnerët e sotëm. Në lidhje me lojtarët që nuk i kam afirmuar vetëm unë, por edhe kolegët që kanë punuar në ekipet e tyre, janë Agustin Kola, Arben Minga, Sulejman Mema, Sulejman Starova apo Astri Hafizi etj. Medin Zhegën e kam pasur asistent në kombëtare, kurse Aleko Pilikën tek ekipi Shpresa. Dua t'i falendëroj të gjithë për bashkëpunimin që kam pasur gjatë asaj periudhe, ku nuk dua të lë mënjanë as gazetarët, që i kam pasur në çdo kohë afër,- shton më tej Shyqyri Rreli.

Mirel Josa, dhëndër pasi ishte në kombëtare
Ish-trajneri i kombëtares, Shyqyri Rreli, ka bërë publike edhe lidhjet e tij me Mirel Josën. Eshtë dhëndri i vajzës sime, Brunildës. Lidhja mes tyre ka ardhur si rrjedhojë e njohjes në shkollë, ku sigurisht ka ndikuar edhe nëna e Mirelit, që ishte pedagoge, ndërkohë që ne nga ana jonë si familje e mirëpritëm këtë krushqi. Josa njihet për sjelljen e tij model në fushë dhe jashtë saj, kështu që jemi të kënaqur edhe pas kaq vitesh. Dy gocat e tij, Lorna dhe Klaudia, janë të shkëlqyera në sport, por edhe në mësime, madje e madhja ka edhe diplomë hendbolli, të marrë në Selanik. Për sa i takon vajzës tjetër time, Rudinës, ka një fëmijë, Sarën, dhe që të tri këto mbesa më japin shumë kënaqësi. Në këtë mes, nuk mund të harroj edhe bashkëshorten, që ka qenë gjithmonë pjesë e sakrificave të mia.

Futbolli i sotëm, në skanerin e Rrelit
Ndjek thuajse çdo ndeshje që luhet në stadiumet e kryeqytetit. Ish-trajneri i Tiranës dhe ekipit kombëtar, Shyqyri Rreli, nuk mund të mos bëjë krahasimin mes kohës së tij dhe kësaj të sotmes. Futbolli është një shkencë në të stërvitur dhe në të luajtur. Vë re që kemi bërë progres në këtë drejtim, krahasuar me periudhën time si lojtar apo trajner si në aspektin tekniko-taktik, ashtu edhe në spektakël. Prodhohet lojë, por nuk ka shumë emocion për sportdashësit, sepse lojtarët, përveç të tjerave, duhet të vënë shpirtin në fushë. Tirana e ka karakteristikë një gjë të tillë, ndërkohë që Partizani e ka humbur vitet e fundit. Për Elbasanin, Teutën dhe Vllazninë do të thoja fjalë të mira. Ajo që më shqetëson më shumë, ka të bëjë me fenomenet e këqija që shfaqen rëndom, si dhuna apo fyerjet në kor. Sportdashësit tanë duhet të kuptojnë se bëhet fjalë vetëm për një lojë dhe nuk duhet të kopjojnë anët e këqija të futbollit botëror.

Dekorimi i Presidentit, një sadisfaksion i madh
Emër i shquar i futbollit tiranas dhe shqiptar, si sportist dhe trajner, përfaqësues i spikatur i traditës sonë sportive, frymëzues për brezat e sportistëve të rinj. Këto fjalë kanë qenë të shkruara në dekorimin që Presidenti i Republikës, Alfred Moisiu, i ka bërë disa ditë më parë Shyqyri Rrelit, si Mjeshtër i Madh. Së bashku me të në fushën e sportit është dekoruar edhe Sabri Peqini, ndërkohë që pas këtij momenti të veçantë, të mërkurën Rreli organizoi një drekë festive me shumë të ftuar në ambientet e hotel Tirana Internacional.

Imazhe te Ngjitura

Shyqyri-Rreli-dhe-Alfred-Moisiu.jpg (32.8 KB, 0 vezhgime)

__________________
The heaven's sound is composed inside your heart, listen to its beat to syncronize your life onto the angel's steps.

Nuk kuptoj se si mundet një bokser aq modest që është Kreshnik Qato të ketë aq shumë vëmendje nga mediat shqiptare. Interesimi i mediave për të asesi nuk është në përpjesëtim të drejtë me rezulltatet e tij. Ku mbeti gazetaria analitike? Në mediat shqiptare Kreshnik Qato paraqitet si kampion bote. Ai është një yll, me këtë pajtohem edhe unë, por ai është një yll që shkëlqen prej mashtrimi.
Ndeshjet e ti transmetohet në kanalet më të mdha televizive në gjuhën shqipe. Qato takohet me kryeministrin shqiptar dhe pjesëtar të qeverisë shqiptare, të cilet i premtojnë mbështetje. Qato bokson, dhe tifozet mbushin plot arenat e boksit për të shikuar atë, në mendimin e gabuar se shohin një bokser të klasit botëror.

Në fakt ai ka një titull me organizaten IBC, një organizatë koti që kërkush nuk e njeh. Si fitoj Kreshnik Qato këtë titull ? Duke fituar me pikë në 12 raunda kundër një amateri nga Ukraina, Rizvan Magomedov, që momentalisht radhitet në vendin e 580-te në botë në peshën Super Middleweight sipas faqes boxrec.com.
Po e lexuat mirë! I ashtu-quajturi kampioni i botës Kreshnik Qato, në ndeshjen për titullin, fitoj me një diferencë të vogël kundër një kundërshtari që nuk rradhitet as ndër pesëqind më të mirët të kategorisë. Sipas faqes boxrec.com, Qato renditet i 67-i në botë në kategorinë Super Middleweight.

Një kërkim të shpejtë për "Kreshnick Qato", siç ai e shkruan emrin në anglisht, në Google në internet jep të gjitha rezulltatet, statistikat e tij si edhe disa artikuj në gjuhën angleze.
Në 20 ndeshje profesionale Qato ka vetëm 14 fitore dhe 6 humbje, dhe vetëm dy ndeshje i ka fituar në nokaut, asesi diçka që i ngjan një kampioni. Sipas britishboxing.net që paraqet rënditjen zyrtare të federates britanike të boksit, Qato renditet i 8-ti në Britani. Në rënditjet botërore të organizatave serioze të boksit WBC, WBA, IBF dhe WBO, Qato në asnjëren prej këtyre rënditet ndër 15 më të mirët, si shembull Luan Krasniqi rënditet i 5-ti në WBO-së dhe i 9-ti në IBF.

Gazeta britanike Sportinglife.com në nje artikull e përshkruan : "Qato është një bokser modest në Super-Middlewight me një talent të veçantë, çdoherë që lufton, një shtet i tërë e mbështet".
Sipas promotorit të Qatos, Jonathan Feld, i cili shprehet në të njëjtën artikull, ai mbetet i befasuar se si një bokser si Qato mundët të ketë aq shum tifoz dhe aq shumë intersim për të në mediat shqiptare. Në çdo ndeshje të Qatos në Angli, kurr nuk shkojnë më pak se 500 tifozë shqiptar të zjarrtë, që paguajnë bileta për rreth 30 paunda (46€) për person. Shumë prej tyre biletat i blejn personalisht nga Qato. Kjo do të thot që këta tifoz paguajnë gjithësi mbi 23.000€ për çdo ndeshje , një shumë jo e vogël, një pjesë e madhe hyjnë direkt në xhepin e Qatos. Zakonisht ndeshjet organizohen në arena të falimentuara dhe interesimi përveç tifozëve naiv të Qatos, është i papranishëm për këta ndeshje.

Rezulltatet e Qatos s'jan diçka që të bëjn për ti çuar vetullat. Gazetarët dhe mediat duhet të marrin më shumë përgjegjësi për artikujt që shkruajnë dhe emisionet që transmetojnë. Kjo Qatomani ka bërë që tifozet dhe masat, normalisht të uritur për suksese kuqezi, nuk janë në dijeni që ti vlerësojnë kualitetet e Qatos. A duhet të krenohemi si shqiptar për një bokser tepër modest ? A duhet të konsiderohet si superyll një bokser i tillë ?
Duhet të jemi të vetëdijshëm se çfar sinjale japim botës duke nderuar sportist si Qato si superyje. Edhe pse normalisht duhet të gëzohemi shumë për sukseset e sportistëve shqiptar nëpër botë, gazetarët duhet t'i vlerësojnë
rezulltatet e tyre me paanëshmëri. Kreshnik Qato nuk është kampion por vetëm një flluskë që ende ska plas.

Nuk dija ku ta hapja kete thread, por po ju pyes. A luani ne hattrick pike org ne ligen Shqiperia. Eshte loja me e bukur dhe me me shume usera ne bote per Fantasy Football, dhe liga Shqiperia aktualisht ka 215 usera dhe nje skuader U20 shume te forte, qe drejtohet nga nje djale nge Dr.
Eshte loje per menaxhimin e nje skuadre virtuale futbolli qe nis nga zero, apo thene shkoqur nga kategoria e 4, dhe mund te shkoje deri ne Superlige nese administrohet sic duhet
Provojeni, do jete shume e bukur

pike se pari pergezoj per hapjen e kesaj teme,eshte shume e qelluar.Ne do futemi atehere kur lojtaret tane te luajne per kombetaren skur qe luajne per ekipet e veta neper europ dhe te jene me mendje ne fushe e jo veq sa per sy e faqe te dalin ne te.

shqiperia po nuk ndroj mentalitet nuk do te marri pjes ne asnji lloj kampionati, boteror apo europian.....

me ket ekip qe ka komdetarja pa ndonje risi ne perberje nuk mund te fitoj me veteran nuk luhet mo ka ndryshu sistemi tani luhet futboll i shpejt

__________________
close your eis and open your mind

un nuk e dija qe kishte nje klub rugby ne shqiperi mbase te kane genjyer tata qe te kane thene

PErshendetje a ju pelqen liga e kampioneve?

mua me pelqen mjaft shume liga e kampioneve

me kete futboll qe po e tregojne lojtaret kuqezinj te kombtares sone medoj se eshte vetem nje enderr hyrja e kombtares shqiptare ne kampionatin boteror por shpresoj qe do te mund ta shohim ndonjehere duke luajtur ne kete kampionat

A e shikoni ligen e kampioneve nese po atehere kush mendoni se do e fitoj Ligen e kampioneve?

Per mendimin tim DO e fitoj Lideri i Premier liges Angleze MANCHESTER UNITED!