Larisa përkujton Millon në 40-vjetorin e saj

Larisa, skuadra modeste greke, ka përkujtuar 40-vjetorin e klubit. Larisa, skuadra që e ka ndier më shumë se asnjë klub tjetër humbjen e futbollistëve të saj nëpërmjet aksidenteve, nuk harroi të kujtojë në këtë përvjetor edhe Lefter Millon, karriera e shkëlqyer e të cilit u ndërpre pas një aksidenti automobilistik 7 vjet më parë. "Millo, - shkruante shtypi grek në një suplement të veçantë për Larisën, - ishte një talent i madh në përmasat e një kolosi të futbollit..."

Tare ia lë vendin Rossinit në merkato

U fol shumë për një largim të mundshëm të Igli Tares në merkaton e dimrit nga skuadra e Bolonjës, në radhët e se cilës nuk kishte me shumë se një fazë, por gjithçka po sfumohet dita-ditës. Deri pak ditë më parë ishe folur shumë në merkato. Skuadrat që u interesuan për të ishin Peruxhia e Modena të Serisë A. Ndërkohë që nuk munguan zërat për një interesim të Valencias. Por të gjitha duket se do të ngelin vetëm interesime. Bolonja duket se ka ndërmend të bllokojë shitjen e futbollistit shqiptar, duke menduar ta heqë atë nga merkatoja e dimrit të serisë A. Lajmi është bërë i ditur dje nga disa të përditshme italiane, të cilat kanë nënvizuar se drejtuesit e skuadrës së Bolonjës duket se kanë ndërruar mendje për shitjen e futbollistit të kombëtares kuqezi. Klubi i Bolonjës po kërkon të afrojë në radhët e saj në në këto ditë futbollistin Spinezi, por me ardhjen e tij ata do të duhet të shesin një sulmues. Tare refuzoi ofertën e Peruxhias. Ndërkohë që deri pak ditë më parë, futbollisti shqiptar u duk se ishte i destinuar të përfundonte te Modena. Por paraqitja e mirë e shqiptarit në ndeshjen e të dielës në shtëpinë e Leçes, ku dhe ai ishte dhe protagonisti i fitores me atë gol të bukur në minutën e 76, duket se ka bindur drejtuesit e kuqebluve italianë ta mbajnë. Por duket se kundër shitjes së sulmuesit gjigant shqiptar është edhe trajneri i Bolonjës, Carlo Mazzone. Ndërkohë që tërheqja e Tares nga merkato, do të bëjë që valixhet e merkatos t’i bëjë i riu Rossini, i cili duket se do të rikthehet sërish te ish-skuadra e tij Atalanta, me teorinë e bashkëpronësisë. Ndërkohë, vetë shqiptari është shprehur i kënaqur për zhvillimet e fundit, në lidhje me qëndrimin e tij në Bolonja, e cila është dhe dëshira e tij. Të hënën dhe të martën, të gjitha gazetat italiane kanë botuar disa foto të shqiptarit në momentin e gëzimit të golit deciziv të shënuar kundër Leçes, ku Tare shikohet të mbajë një bluze ku është shënuar emri i djalit të tij, Etienne Noel, të cilit ai ia ka dedikuar këtë gol.

Igli Tare është hequr zyrtarisht nga lista e transferimeve të Bolonjës. Sulmuesi i kombëtares shqiptare ka qenë që në fillimin e sezonit të transferimeve në listë për t’u huazuar deri në fundin e sezonit. Fillimisht ishte Peruxhia dhe më pas Modena që kërkonte të merrte qendërsulmuesin dhe marrëveshja dukej fare pranë. Përsa i pëekt Peruxhias, ishte vetë lojtari që nuk dëshironte transferimin. Por pas golit të shënuar të dielën në Leçe, është klubi i Bolonjës që ka vendosur të mbajë futbollistin shqiptar. Tare, i cili hyri si zëvendësues në pjesën e dytë, vetëm pak minuta më pas i dha fitoren 2-1 skuadrës së tij, me një gol fantastik me kokë.

Sezoni aktual nuk ka qenë i mirë për Bolonjën, edhe pse skuadra nuk ka një organikë që të ketë si objektiv minimal qëndrimin në Serinë A. Për Taren, ky ishte goli i parë që shënon në kampionat, pas atij që ka shënuar në Kupën e Italisë.

Megjithatë, trajneri Karlo Macone ka sqaruar se megjithëse nuk e kishte gjetur më parë rrjetën, Tare ka qenë i dobishëm me lojën e tij në mbështetje të skuadrës.

Në Leçe, me hyrjen e qendërsulmuesit shqiptar, Bolonja ndryshoi sistemin e lojës, duke arritur të shmangte presionin e madh të vendasve, por edhe duke marrë fitoren e dëshiruar. Është ko arsyeja që Tare tashmë shihet sërish i vlefshëm për kuqeblutë, me të cilët do të vazhdojë karrierën italiane.

Reihman: Çipi, je i pezulluar. Ik në shtëpi!

"Geri Çipi, dil nga fusha e lojës dhe ik në shtëpi!" Kanë qenë këto fjalët e trajnerit Vili Reihman gjatë stërvitjes së djeshme. Mes mbrojtësit shqiptar dhe trajnerit të Frankfurtit ka lindur një konflikt që në fillim të stërvitjes së djeshme, e cila më pas ka degjeneruar në një diskutim të ashpër mes Çipit dhe Reihmanit. Shqiptari ka bërë disa ndërhyrje të këqija, ndërkohë që Reimani e ka përjashtuar nga kampi stërvitor në Herez de Frontera, duke i thënë shqiptarit të "fluturojë" për në shtëpi. Sipas shtypit gjerman, Çipi do të largohet nga Spanja në drejtim të Gjermanisë, pasi është përjashtuar prej stërvitjes nga trajneri i skuadrës. Çipi, vetëm para pak ditësh është kthyer në stërvitje, pas një dëmtimi në fund të fazës së parë të Bundesligës 1. Gjithsesi, ai duket se do të përballet me një gjobë të rëndë, ose ndoshta edhe me pezullim të përkohshëm nga klubi i tij. Ndërkohë, shumë probleme po kalon edhe futbollisti tjetër i kombëtares shqiptare, Mehmet Dragusha. Ky i fundit është kritikuar ashpër nga trajneri Reiman për sjelljen e tij taktike në fushën e lojës. Madje trajneri i Frankfurtit është shprehur se Dragusha nuk duhet të driblojë, por të luajë për ekipin. Duket se pas një faze të parë jo shumë shkëlqyese të dy shqiptarëve, vijnë edhe problemet nga kampi stërvitor në Herez de Frontera ku po zhvillon përgatitjet ekipi i Eintrahtit të Frankfurtit, për nisur fazën dytë të Bundesligës 1.

Tare, dhe vjen goli i dytë

Igli Tare duket se e ka gjetur rrugën e rrjetës këtë vit të ri, pasi në dy ndeshje ka shënuar 2 gola. Bjondi kuqezi, edhe këtë herë, ka shënuar për Bolonjën në ndeshjen që ekipi i tij ka fituar 3-1 me Kievon. Shqiptari ka shënuar që në pjesën e parë të lojës, pikërisht në minutën e 16-të të lojës, golin e dytë të takimit. Goli ka qenë shumë i bukur dhe është shënuar me kokë nga Tare, pas një goditjeje këndi të ekzekutuar nga Nervo. Shqiptari Tare ka luajtur 90 minuta në ndeshjen me Kievon dhe ky i sotmi është goli i dytë me fanellën e Bolonjës. Ndeshja është mbyllur 3-1, në favor të Bolonjës.

Bogdani nuk e mban premtimin

Erion Bogdani nuk ka mundur të shënojë dot në portën e Atalantës të mbrojtur nga miku i tij, Taibi. Shqiptari, ndonëse kishte premtuar gol në ndeshjen Salernitana-Atalanta, nuk mundi ta bënte një gjë të tillë. Madje në pjesën e dytë, Bogdani është gjendur me portën bosh, pas një daljeje jo të mirë të Taibit, por nuk ka mundur të shënojë dot, ndoshta duke e "falur" mikun e tij. Shqiptari, prej 10 ndeshjesh, nuk shënon në Serinë B, ndonëse edhe këtë javë kundër Atalantës ka luajtur 90 minuta. Ndërkohë, ndeshja Salernitana-Atalanta është mbyllur me fitoren e miqve 3-1.

Edhe Myrtaj, sërish pa gol

Florian Myrtaj, edhe këtë javë, nuk ka arritur të shënojë me ekipin e tij, Veronën, në ndeshjen me Komon. Shqiptari ka luajtur titullar dhe gjatë gjithë takimit ka ndihmuar shokët e skuadrës. Myrtaj, në përgjithësi, ka luajtur mirë. Ndërkohë, Verona e ka fituar me një gol të minutave të fundit të shënuar nga Mirçea takimin me Komon.

Cana, një tjetër ndeshje shumë të mirë

Lorik Cana sërish është konsideruar nga shtypi francez një nga futbollistët më të mirë të Paris SG-it. Kosovari i kombëtares shqiptare, në ndeshjen me Metzin, ka qenë një nga më të mirët në fushën e lojës, duke treguar edhe një herë se është lojtar kyç i ekipit. Cana ka luajtur 90 minuta në ndeshjen me Metzin dhe duket se për të dëmtimi është një kapitull i mbyllur. Ndërkoë, trajneri Halilhoxhiç është shprehur për Canën se në ndeshjen me Metzin ka qenë më i miri në fushën e lojës. Gjithsesi, Paris SG-i i Canës nuk ka shkuar më shumë se 0-0 me Metzin.

Hasi, asnjë minutë kundër Antverpit

Besnik Hasi, futbollisti që luan me ekipin e Anderlehtit të Belgjikës, nuk ka luajtur asnjë minutë në ndeshjen që ekipi i tij ka fituar 2-0 me Antverpin. Hasi mësohet se është ulur në stolin e rezervave dhe nuk është preferuar nga trajneri Ugo Bros për të hyrë në fushën e lojës, pasi ndeshja nuk ka qenë shumë e vështirë. Gjithsesi, Hasi vazhdon të jetë një nga shtyllat e ekipit të Anderlehtit.

TARE: TRE FITORE NUK MJAFTOJNE

Igli, gjërat po shkojnë mirë për ju dhe Bolognan, si e jetoni këtë moment?
"Kur fiton, gjithnjë je i kënaqur. Tani skuadra arrin rezultatet që kërkonim dhe kjo është shumë e rëndësishme. Eshtë rikthyer qetësia me aktivizimin e lojtarëve kryesorë dhe ardhjen e Nakata. Konfirmuam edhe një herë se gjërat në futboll ndryshojnë shumë shpejt. Dy javë më parë ishim në vështirësi, ndërsa pas tre fitoreve rradhazi, jemi në kushte të tjera. Megjithatë duhet të ruajmë vazhdimësinë dhe të qëndrojmë me këmbë në tokë.
Dy gola në dy ndeshje, ku doni të arrini?
"Nuk jam një sulmues që realizon 20 gola në kampionat dhe këtë nuk e kam bërë asnjëherë. Në një sezon të mirë, kam arritur të shënoj 10 apo 11 gola duke luajtur rregullisht. Por karakteristikat e mia janë krejt të tjera dhe ndihmoj më shumë skuadrën se sa kërkoj golin personal".
A mund të vendosin golat e fundit qëndrimin tuaj tek Bologna, atëherë kur pritej të largoheshit?
"Edhe nga Brescia duhej të largohesha, në të njëjtën kohë unë isha në Francë, Angli e Gjermani! Asnjëherë nuk jam kushtëzuar nga të tilla gjëra dhe për më tepër tani. Kam folur me presidentin dhe trainerin duke ju shprehur dëshirën të qëndroj këtu, nuk kam asnjë motiv përse duhet të largohem dhe nuk i lë në mes projektet e nisura. Jam mësuar të luftoj edhe në momente më të vështira, e përsëris, e rëndësishme është të mbajmë larg euforinë".
Sa ndikoi ardhja e Nakata në lojën e skuadrës?
"Nakata është nga ata lojtarë që nuk diskutohen, është një element shumë i rëndësishëm për ne dhe u ambjentua menjëherë. Përpara tij, ne na mungonin edhe lojtarë të tjerë dhe rezultatet tani shihen vetë".

Për aktivizimin dhe lojën e Iglit tek Bologna është shprehur edhe traineri Mazzone, në intervistën dhënë faqes elektronike të skuadrës:
"Iglin e mora unë nga Gjermania dhe e solla tek Brescia e tani në Bologna. Që nga ajo kohë është rritur ndjeshëm. Nga momenti i parë e deri tani do ta krahasoja me brazilianin Pele. Eshtë i motivuar, është përmirësuar dhe mbi të gjitha një djalë i edukuar. Jam i kënaqur për momentin e mirë që po kalon, për më tepër pas mundësisë për t’u larguar.

''Top-Channel''

kjo eshte e keqja e tifozave qe futbolistat kane momente te mira dhe te keqija por ne kemi pak futbollista dhe ne jemi krenar per keta por duhet te bejne te pamundurn qe te na japin kenaqesi dhe krenari

__________________
brus lee

Reiman: “Shqiptari, i cili shkatoi një faull të rëndë kundër kolegut Bindevald do të bashkohet me skuadrën së shpejti”

10 mijë euro gjobë për Geri Çipin

Shmanget përjashtimi i futbollistit të Kombëtares shqiptare. E ardhmja e tij do të jetë te Frankfurti

Vetëm një gjobë prej 10 mijë eurosh për Geri Çipin, futbollistin e Eintrachtit të Frankfurtit, të cilin trajneri gjerman Vili Reiman e pezulloi të premten e kaluar nga stërvitja që Frankfurti po zhvillonte në “Florentia de Jerez” të Spanjës. Në këtë mënyrë është shmangur dhe përjashtimi i mbrojtësit shqiptar nga skuadra. Trajneri Reiman e kishte nisur shqiptarin për në shtëpi, pas asaj ndërhyrjeje të rrezikshme të tij në dëm të kolegut të skuadrës Uve Bindevald. “Kjo është një gjë që nuk duhet të ndodhë më, -është shprehur trajneri Reiman pas vendimit,- asnjë nuk duhet të dëmtojë me qëllim shokët e skuadrës. Nëse do të kemi sjellje të tillë ndëshkimet do të jenë akoma dhe më të ashpra. Ai tashmë mund të rikthehet bashkë me grupin e lojtarëve të ekipit, kur ai të ketë plotësuar të gjitha kushtet e vëna nga skuadra”,- ka thënë dje Reiman. Një vendim i tillë ka ardhur vetëm pas bisedimeve disa orësh të zhvilluara të mërkurën mes vetë lojtarit, shefit të merkatos të kësaj skuadre Heribert Bruchhagen dhe trajnerit Vili Reiman. Paralamërimet e bërë më parë, flisnin të gjitha për një përjashtim të Çipit nga Eintrachti, por vendimi i marrë nga drejtuesit e skuadrës duket se është ndikuar nga domosdoshmëria e tij në qendrën e mbrojtjes së kësaj skuadre. Frankfurti gjatë këtyre ditëve është interesuar në merkato për mbrojtës, por gjërat nuk kanë ecuar ashtu si duhet. “Për vendime të tilla duhet të gjykohet me shumë qetësi, por gjithashtu, duhet të mos dëmtohet skuadra”,- ka pohuar shefi i merkatso së Frankfurtit, Heribert Bruchhagen. Kështuqë mbrojtësi shqiptar do të vazhdojë te jetë pjesë e skuadrës së trajnerit Reiman, e cila ka menduar se do ta ketë të nevojshëm shërbimin e Çipit për fazën e dytë të kampionatit gjerman të futbollit, Çipi ka ardhur në radhët e Eintrachti të Franklfurtit vetëm në fillim të këtij sezoni për shumën prej 125 mijë eurosh nga skuadra e ligës së parë belge. Në fazën e parë ai ka qenë një ndër futbollistët që është aktivizuar më shumë në ndeshjet e Bundesligës. Shqiptari ka 13 prezenca nga 17 ndeshjet e zhvilluara nga skuadra që vetëm këtë sezon është ngjitur në elitën e futbollit gjerman.

Vata: Dua të jem vendimtar për skuadrën

Fatmir Vata është shprehur optimist për paraqitjen e skuadrës së tij, Arminia Bielefeld në fazën e dytë të Bundesligës 2, ku ata shpresojnë të arrijnë objektivin e tyre të vetëm, rikthimin në elitën e futbollit gjerman, në Bundesliga. “Për një gjë të tillë jam i sigurtë”,- është shprehur pas përfundimit të fazës përgatitore të skuadrës së tij, Fatmir Vata. Fazë përgatitotre në ambientet e relaksuese që ofron Andaluzia, ai ka filluar të bëjë dhe një autokritikë për veten dhe për skuadrën, për atë që është parë në fazën e parë të Bundesliga 2. "Unë si mesfushor me tipare sulmuese, duhet të shënoj më shumë gola, dhe pse jo, nëpërmjet aksioneve individuale të jem vendimtar në ndeshje të caktuara”,- ka thenë Vata, i cili deri tani shikon vetëm tre gola në konton e tij për këtë sezon. Ndërkohë që nuk ka dhënë asnjë asist për gol në këto 19 ndeshje. Prandaj ai ka marrë një zotim për ta ndryshuar këtë rrjedhë, duke synuar të shënojë më shumë gola dhe loja e tij të jetë më efikase për skuadrën. “Unë jam shquar gjithmonë si një lojtar protagonist në pasin e fundit që ka çuar te goli shumë sulmues. Në këtë drejtim unë duhet të punoj shumë për të përmirësuar në fazën e dytë”. “Thjesht unë duhet të demonstroj më shumë përsa i përket rolit që kam, duhet të jap maksimumin tim për ta arritur këtë”, -ka mbyllur ish-futbollisti i kombëtares shqiptare.