Futbollistet Shqipetar jashte vendit! - Faqja 3

AlbShkodra · #71 08-10-2003, 17:42

Erion Bogdani, ndoshta qendersulmues per Salernitanen ne Torino

Erion Bogdani mund te zere pozicionin e mbajtur nga Tulli ne rreshtimin taktik te Salernitanes, kur kjo te luaje ne fushen e Torinos, per kampionatin italian te kategorise se dyte. Skuadra e tij, shkon ne "Delle Alpi", perballe njeres prej skuadrave me te forta te momentit ne Serine B dhe ndeshja luhet sot ne 20.30. Trajneri Pioli, sipas "salernonottizie.it", ka thene se nese Tulli nuk behet dot gati, ndryshimi i vetem ne rreshtim do jete zhvendosja e Bogdanit ne qender te sulmit.

AlbShkodra · #72 09-10-2003, 13:48

Reiman: Çipi është i pazëvendësueshëm

Vetëm pak ditë më parë është diskutuar shumë për probleme në radhët e Eintrachtit të Frankfurtit, ku që nga fillimi i sezonit ka dhënë kontributin e tij edhe mbrojtësi i kombëtares shqiptare të futbollit, Geri Çipi. Futbollisti shqiptar, së bashku me Shur dhe Eiedener janë të vetmit që janë aktivizuar me minutazh të plotë në formacionin e parë të Eintrachtit. Ndërkohë që Çipit, trajneri i Eintrachtit të Frankfurtit i ka besuar qendrën e mbrojtjes, dhe shqiptari kë këto javë të para të bundesligës ka krijuar autoritetin e një lideri në këtë repart të skuadrës që në këtë sezon i është rikthyer elitës së futbollit evropian, pas një edicioni në Bundesliga 2. Një mungesë e mundshme e tij në të ardhmen konsiderohët si një dhimbje koke për Reiman, i cili është shprehur se “Çipi është i pazëvendësueshëm”. Me një gjatësi prej 1.89 centimetër dhe në thelb një mbrojtës i mirë, zor se ai humb ndonjë dyluftim në ajër. “Ai mund të bëjë edhe më shumë”, është shprehur në një prononcim të tij për revistën sportive “Kicker”, lojtari tjetër i kombëtares shqiptare, Mehmet Dragusha, i cili ka luajtur së bashku me Çipin për dy vjet me radhë te skuadra e NK Maribor.

AlbShkodra · #73 09-10-2003, 13:50

Sulmuesi shqiptar shpreson për ditë më të mira me Salernitanën

Bogdani: Jemi në rrugë të mbarë

"Golin që shënova e prisja prej shumë kohësh"

Nuk shënonte një gol për më shumë se një vit. Hera e fundit që kishte tundur rrjetën e portës kundërshtare ndodhte në të njëjtin stadium, ku dy ditë më parë shënonte golin e fitores për skuadrën e tij.
Të mërkurën, Salernitana fitonte me një gol në "Delle Alpi" të Torinos, ndërsa një vit më parë Bogdani shënonte gol me bluzën e Rexhinës, goli i tij i fundit zyrtar gjatë kësaj periudhe. Kundër Torinos, sulmuesi shqiptar është rikthyer te goli dhe bashkë me të edhe skuadra "granata" e Salernos, e cila nuk mbahej mend se kur kishte fituar për herë të fundit. Ja se çfarë ka deklaruar shtatlarti në konferencën për shtyp të "Delle Alpit", pas ndeshjes të së mërkurës: "Jemi të lumtur për këtë fitore. Bëra një gol të bukur dhe më në fund arrita të shënoja. Mund të bëja dhe një tjetër, por topi përfundoi në traversë, megjithëse e kisha goditur bukur...".

Kishe gati një vit që nuk shënoje dhe hera e fundit ka qenë pikërisht kundra Torinos!
Dua të falenderoj të gjithë skuadrën. Kemi zhvilluar një ndeshje të bukur dhe shpresoj që të vazhdojmë kështu. Jemi një grup i ri, por kemi nisur që të merremi vesh me njëri-tjetrin. Në fillim kishim vështirësi në ndërthurjen e veprimeve, ndoshta tani jemi ambientuar dhe dimë se ku ta gjejmë shoku-shokun. Dëshira është që të japim më të mirën dhe të kënaqim tifozerinë.

Kush ishte arma sekrete në fitoren e Salernitanës?
Jemi shumë të mirë në mbrojtje. Reparti i mbrojtjes nuk i lejoji shumë hapësira sulmuesve të Torinos dhe çdo veprim kryhej në grup. Mbronim të gjithë dhe të gjithë dilnim përpara për të shtyrë më tepër skuadrën.

Di Viçino të dha një pasim të bukur në shënimin e golit...
Ai është një lojtar i madh dhe i rëndësishëm për skuadrën. Këtë e ka treguar gjithmonë dhe jo vetëm në atë pasim që më dha. Falenderoj jo vetëm Di Viçinon, por të gjithë skuadrën që më dhanë mundësinë për të qenë një lojtar i rrezikshëm për kundërshtarin. Po punojmë shumë në stërvitje me trajnerin dhe shpresoj që të mos ndalim këtë seri fitoresh që kemi nisur.

Sa kishe që e prisje këtë gol?
E prisja prej shumë kohësh. Edhe në ndeshjen e kaluar me Fiorentinën u përpoqa shumë për të shënuar dhe për të dhënë më të mirën me skuadrën. Golin nuk kam arritur që ta realizoj më parë, ndoshta për mungesë të fatit, ndoshta për mungesë të preçizionit në momentin e goditjeve. E rëndësishme është që tani jam zhbllokuar dhe shpresoj të ecim në këtë rrugë të mbarë.

AlbShkodra · #74 10-10-2003, 17:45

Altin Lala pranë rikthimit

Mesfushori i Kombëtares shqiptare dhe Hanover 96, Altin Lala, është fare pranë rikthimit në fushat e blerta. Kapiteni i skuadrës gjermane është dëmtuar në fillimin e sezonit dhe ka rreth dy muaj që i mungon skuadrës së tij dhe ekipit kombëtar të mister Brigelit. 27-vjeçari vuan një dëmtim në muskujt e barkut dhe kjo gjë, që në pamje të parë dukej si e rekuperueshme, është kthyer tashmë në diçka serioze për shtatshkurtin e mesfushës. Lala ka dalë të martën në stërvitje me shokët e skuadrës, duke zhvilluar një seancë të rregullt. Nuk ka munguar as në ushtrimet e rezistencës në vrapim të ndryshme, por nuk i është bashkuar skuadrës në palestër, pasi vetë lloji i dëmtimit nuk i lejon shumë sforcime kaq shpejt. Altin Lala ka vuajtur shumë në këtë periudhë, teksa nuk ka luajtur jo vetëm me skuadrën e tij, por edhe me Kombëtaren, në dy ndeshjet e rëndësishme kundra Gjeorgjisë. E ndërsa Lala pritet të luajë disa minuta në ndeshjet e Bundesligës gjermane javën e ardhshme, më 18 tetor, fantazisti i Frankfurtit, Ervin Skela, vazhdon pezullimin. Vlonjati do të rikthehet më 25 tetor, në ndeshjen Eintrakt-Këln.

AlbShkodra · #75 13-10-2003, 11:41

Sulmuesi i kuqezinjve shënon sërish me ekipin e tij, Veronën në humbjen 3-2 ndaj Albinolefes

Myrtaj, vjen goli i 5-të

Sulmuesi i kombëtares shqiptare, Florian Myrtaj, ka shënuar golin e tij të 5-të në Serinë B, me skuadrën e Veronës. Vlonjati ka qenë një nga futbollistët më të mirë në ndeshjen Verona-Albinolefe, e mbyllur me fitoren e kësaj të fundit me rezultatin 3-2. Ndeshja është zhvilluar në stadiumin "Bentegotti", ndërkohë që ekipi i Myrtajt ka humbur ndeshjen e dytë rresht në Serinë B. Futbollisti i kombëtares shqiptare ka luajtur gjatë gjithë ndeshjes, por nuk ka mundur që me golin e tij t'i dhurojë fitoren Veronës. Myrtaj ka shënuar në minutën e 28-të ndeshjes golin e barazimit momental 1-1. Por nuk ka zgjatur shumë dhe ekipi i ardhur nga Seria C ka shënuar sërish edhe dy herë të tjera duke mundur Veronën 3-2. Me këtë gol, shqiptari ngjitet në kuotën e 5 golave në kampionatin italian, Seria B. Nuk ka mundur të shënojë sërish Erion Bogdani, i cili në ndeshjen me Piaçencën ka luajtur vetëm në pjesën e dytë. Salernitana, skuadra e shqiptarit, është mundur 1-0 nga Piaçenca, ndërkohë që Bogdani, në përgjithësi, ka luajtur mirë.

Gjakovarjaa · #76 13-10-2003, 18:30

Tung po te pershendes se pari Alba Shkodra veq desha te di di diqka per Igle Tare per karrjeren e ti ?
Se jam tifoze e footbollit .
Flm shum

AlbShkodra · #77 14-10-2003, 13:26

Pershendetje Gjakovarjaa.

Igli Tare
Ditelindja 25.7.1973
Vendi i lindjes : Vlore
Gjatesia : 192 cm
Pesha 89 Kg
Kombesia : Shqiptare
Pozicioni : Sulmues

Igli Tare perpara se te fillonte udhetimin neper Europe ishte lojtar i Partizanit ''Tirane''

Ne vitin 1996 luan per (Karlsruhe) ''Gjermani'' kategoria e pare , per nje sezon.
Nje vit me vone preferohet nga klubi i kategorise se dyte Gjermane (Fortuna Dusseldorf) per te cilin luan 2 vite duke u avtivizuar ne 54 ndeshje dhe duke shenuar 24 Gola.
Ne vitin 1999 vesh ngjyrat e (Kaiserslautern) kategoria e pare Gjermane , ku qendron per nje sezone e gjysem.
Ne Janar te vitit 2000 arrin suksesin me te madh te tij duke u aktivizuar ne nje nga skuadrat e kampionatit me te bukur ne bote SERIE A ''Itali''
Te Brescia Igli beri shume shpejt emer dhe u be nje nder te preferuarit e tifozeve Breshiane se bashku me partnerin e tij , yllin ROBERTO BAGGIO.
Per Breshian Tare luajti 3 sezone dhe u aktivizua rreth 75 dhe shenoi 17 Gola.
Kete sezon eshte trasferuar tek Bologna.

Gjate kesaj kohe ka luajtur edhe per kombetaren Shqiptare duke bere gjate gjithe kohes figure te mire.

Faleminderit ......

AlbShkodra · #78 14-10-2003, 16:35

Lala, të shtunën në fushë

Mesfushori i Kombëtares dhe Hanover 96', Altin Lala, këtë të shtunë do t'i rikthehet fushave të blerta. Dëmtimi në muskujt e barkut, që e ka detyruar shtatshkurtrin të ndjekë ndeshjet nga tribuna ose televizori, ka kaluar. Kapiteni i klubit gjerman, Hanover, që javën e kaluar është bashkuar me shokët e skuadrës. Lala ka punuar në grup me të tjerët dhe mjekët e ekipit bëjnë të ditur se shqiptari është në një gjendje të mirë. Rekuperimi i tij ka zgjatur jo pak dhe i ka kushtuar shumë Altin Lalës, që nuk ka qenë prezentë në ndeshje të rëndësishme të Kombëtares dhe klubit gjerman. Mesfushori ka luajtur dhe në një ndeshje kontrolli të shtunën, që skuadra e tij e ka fituar 7-0. Sipas shtypit gjerman, Lala është dukur në një formë të mirë dhe nuk tregoi aspak shenja lodhjeje apo sforcimi. Ai hyri në fushë në fillim të pjesës së dytë dhe kjo ka mjaftuar për të testuar veten dhe për të treguar formën në sytë e trajnerit. Të shtunën, Altin Lala dhe Hanoveri i tij do të udhëtojnë për në Dortmund, ku do të ndeshen me Borusian vendase.

AlbShkodra · #79 14-10-2003, 16:40

Dëmtohet Myrtaj, tërheqje muskulare për të

Florian Myrtaj ka bërë një paraqitje shumë të mirë në ndeshjen, ku skuadra e tij Verona është mundur në shtëpi nga Alionelefe dhe është vlerësuar me notën më të mirë nga specialistët e futbollit italian. Për shqiptarin është rezervuar nota 7, më e larta në ekip. Myrtaj ka qenë protagonist në këtë ndeshje: ai është konfirmuar si një makinë që nuk gabon dhe ka shënuar nga pika e penalltisë. Në minutën e 30, pa e lënë veten të kapet nga paniku, golin që i ka dhuruar barazimin 1-1 Veronës. Por është aktivizuar vetëm 51 minuta në këtë takim. Menjëherë pas fillimit të pjesës së dytë, ai i ka kërkuar ndërrim trajnerit, pasi ka pësuar tërheqje muskulare. Vendin e tij e ka zënë Mihailçea. “Jam i mërzitur, nuk mund të vazhdojmë të humbim ndeshje të tilla”, është shprehur Myrtaj pas ndeshjes. Ndërkohë që po të dielën ka zbritur në serinë B dhe Bogdani. Salernitana ka humbur takimin e kësaj jave, ndërkohë që sulmuesi shqiptar ka luajtur vetëm 45 minuta lojë. Për të nota 5.5: Nuk luan një ndeshje si ajo e Torinos, edhe pse nuk furnizohet si duhet, por edhe pse nuk duket shumë agresiv në zonën e portës.

Gjakovarjaa · #80 14-10-2003, 16:40

Albashkodra te faliminderit shum per ket informacion .
Po e dis e ka lujte per kombetaren po Igle Tare lujti edhe ne Kosov per Kombetaren loj miqesore ishte .
Flm shummmmmm

AlbShkodra · #81 14-10-2003, 18:48

Po ka luajtur edhe ne ndeshjen ''Kosove-Shqiperi 0-1''

Shendet . . .

Gjakovarjaa · #82 14-10-2003, 18:50

Abashkodra flm shum

AlbShkodra · #83 14-10-2003, 18:56

Citim:

Origjinali i postuar nga Gjakovarjaa
Abashkodra flm shum

S'ka gje
je e mirepritur . . .