Futbollistët shqiptarë në Evropë
Gjermani
Çipi, shqiptari i vetëm për Frankfurtin
Sot, në përballjen me Shalke 04-n, vetëm Geri Çipi duket se do të jetë në lojë që nga minuta e parë nga kolonia e vogël shqiptare e Eintrahtit të Frankfurtit. Kjo sepse Ervin Skela do t'i mungojë Eintrahtit të Frankfurtit 4 javë, për kartonin e kuq që shqiptari mori në ndeshjen e fundit me Kaizersauternin. Çipi është renditur nga revista sportive "Kicker" në 11-shen që do të zbresë në fushën e lojës sot në orën 17.30. Në pankinë nuk figuron kosovari Mehmet Dragusha, që prej disa ditësh është i dëmtuar. Gjithsesi, shpresat për këtë futbollist për të qenë i gatshëm për ndeshjen me Shalken janë të mëdha, ndërkohë që i sigurt është vetëm Çipi.
Lala, gati për Portugalinë
Duket se mesfushori i kombëtares shqiptare do të jetë i gatshem për ndeshjen me Portugalinë. Futbollisti kuqezi është përfshirë në listën e lojtarëve, të cilët Brigeli ka ndër mend t'i grumbullojë për miqësoren e 11 tetorit.
Rraklli, futbollisti stabël për Regenzburgun
Duket se sulmuesi i kombëtares shqiptare Altin Rraklli ka zënë një vend si titullar te ekipi i tij i ri Regenzburgu. Sulmuesi veteran kuqezi i ka mbushur mendjen me lojën e tij trajnerit të ekipit ta aktivizojë edhe në ndeshjen e radhës të Bundesligës 2. Kështu, Rraklli do të jetë në lojë që nga minuta e parë. Skuadra e Rrakllit, Regenzburgu, do të luajë sot në mesditë, me ish-ekipin e Dragushës sezonin që kaloi, Eintrahti i Tririt.
Rikthehet Vata kundër Burghauzenit
Fatmir Vata me të gjitha gjasat do të jetë në fushën e lojës që nga minuta e parë në ndeshjen Bielefeld-Burghauzen. Mesfushori i Arminias së Bielefeldit nuk ka luajtur javën e fundit të Bundesligës 2 pasi ka qenë i dëmtuar në këmbë dhe kështu trajneri Molham ka preferuar të mos e aktivizojë asnjë minutë shqiptarin Vata. Duke parë që ai është riaftësuar dhe pasi ka marrë dhe lejen e mjekëve, trajneri i Arminias e ka rreshtuar Vatën te futbollistët që do të luajnë sot pasdite kundër Burghauzenit.
Aliaj sërish nga minuta e parë
Mbrojtësi i kombëtares shqiptare Ardian Aliaj sërish do të luajë që nga minuta e parë ndeshjet e kësaj jave të Bundesligës 2. Skuadra e vlonjatit Oberhauzeni këtë javë do të ketë përballë Aue-n. Si edhe në të gjitha takimet e tjera, trajneri i Oberhauzenit ka preferuar në krahun e majtë të mbrojtjes Aliajn. Ky i fundit është një nga futbollistët shqiptarë që ka paraqitur një lojë stabël në të gjitha ndeshjet e tij në Bundesligën 2. Madje, në javën e fundit, shqiptari ka merituar një vend në 11-shen më të mirë të Bundesligës 2.
Belgjikë
Shkëlqen sërish Besnik Hasi
Vazhdon seria pozitive e ndeshjeve për Besnik Hasin. Kosovari që luan me Anderlehtin edhe në ndeshjen me Zolderin, ka luajtur 90 minuta. Skuadra e Anderlehtit ka fituar 4-2 me Zolderin, ndërkohë që një nga futbollistët më të mirë të skuadrës ka qenë Besnik Hasi, i cili prej shumë ndeshjes nuk ka lëvizur nga formacioni bazë. Madje, trajneri Bros e konsideron shqiptarin si liderin e mesfushës.
Itali
Tare, debutimi me Modenën
Duket se sulmuesi Igli Tare do të debutojë me fanellën e Bolonjës në Modena. Trajneri Macone duket se ka preferuar shqiptarin ndryshe nga javët e shkuara. Madje në një miqësore që skuadra e Bolonjës ka zhvilluar para dy ditësh ka shënuar dy gola dhe është aktivizuar me formacionin e parë të kuqebluve. Një nga faqet sportive në internet e rendit Taren në stolin e rezervave, ndërkohë që në faqen zyrtare të Bolonjës shqiptari jepet në balotazh me Rosinin për ndeshjen e sotme.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Futbollistët shqiptarë në Evropë

Gjermani
Çipi, shqiptari i vetëm për Frankfurtin
Geri Çipi ka qenë futbollisti i vetëm nga treshja e shqiptarëve të Eintrahtit të Frankfurtit, që ka luajtur kundër Shalkes. Vlonjati ka qenë një nga më të mirët në fushë për ekipin e tij, që ka barazuar në fushën e vështirë të Shalke 04-s, 1-1. Veç mbrojtësit kuqezi, asnjë nga futbollistët e tjerë shqiptarë, të cilët veshin fanellën e Frankfurtit, nuk ka luajtur dje kundër Shalkes. Ervin Skela është i pezulluar 4 javë nga komisioni i disiplinës i Bundesligës për sjellje antisportive ndaj futbollistit Ridëll. Nuk është aktivizuar asnjë minutë edhe Dragusha, i cili prej javësh nuk luan si titullar, ndërkohë që kosovari javën e kaluar ka qenë i dëmtuar.
Vata, 70 minuta kundër Burghauzenit
Fatmir Vata ka qenë një nga futbollistët, të cilët kanë kontribuar më shumë në fitoren e Arminias së Bielefeldit me Burghauzenin. Ekipi i Vatës ka fituar 3-1 në fushën e tij, ndërkohë që shqiptari nuk është aktivizuar në të gjithë ndeshjen. Trajneri Molham, duke parë që Vata vinte nga një dëmtim, e ka zëvendësuar atë në minutën e 70-të të takimit, kur skuadra ishte në epërsi 3-1. Loja e Vatës ka qenë shumë e mirë, çka ka ndikuar edhe tek ekipi i tij, që kështu ngjit shumë shkallë në klasifikimin e Bundesligës 2. Gjatë ndeshjes, Vata është ndëshkuar edhe me një karton të verdhë.
Rraklli nuk shënon, por ndihmon në golin e parë
Altin Rraklli duket se ka fituar një vend titullari tek ekipi i tij i ri, Regenzburgu. Kjo skuadër ka fituar dje 2-1 me Eintrahtin e Tririt, duke marrë 3 pikë të vlefshme për klasifikimin. Rraklli ka luajtur 90 minuta dhe në rastin e golit të parë të ndeshjes ka qenë iniciatori i sulmit. Kjo është java e dytë rresht që Rraklli aktivizohet gjatë gjithë ndeshjes.
Aliaj, sërish më i miri i Oberhauzenit
Edhe Ardian Aliaj ka luajtur 90 minuta në ndeshjen që ka përfunduar në barazim 1-1, AUE-Oberhauzen. Mbrojtësi i kombëtares shqiptare, edhe këtë ndeshje, ka qenë më i miri për skuadrën e tij. Madje disa herë ka shpëtuar skuadrën e tij nga situata shumë të vështira. Aliaj vjen pas një ndeshjeje shumë të mirë në Bundesligën 2, me Oberhauzenin. Specialistët e futbollit gjerman e kanë rreshtuar shqiptarin në 11-shen më të mirë të Bundesligës 2.
Bullgari
Haxhi titullar, por CSKA humbet
Altin Haxhi, edhe këtë javë, ka luajtur 90 minuta me skuadrën e tij, CSKA e Sofjes. Por ndryshe nga herët e tjera, ekipi i shqiptarit është mundur 3-1 në trasfertë me Botevin. Haxhi ka luajtur në përgjithësi mirë, edhe pse ekipi i CSKA-së nuk ka mundur ta shmangë humbjen e parë në kampionat. Gjithsesi, CSKA-ja vazhdon të jetë ekipi kryesues i kampionatit bullgar të futbollit.
Belgjikë
Shkëlqen Hasi
Vazhdon seria pozitive e ndeshjeve për Besnik Hasin. Kosovari që luan me Anderlehtin edhe në ndeshjen me Zolderin, ka luajtur 90 minuta. Skuadra e Anderlehtit ka fituar 4-2 me Zolderin, ndërkohë që një nga futbollistët më të mirë të skuadrës ka qenë Besnik Hasi, i cili, prej shumë ndeshjes, nuk ka lëvizur nga formacioni bazë. Madje trajneri Bros e konsideron shqiptarin lider të mesfushës.
Itali
Tare, debutim me humbje
Nuk ka qenë një nga debutimet më të mira për Igli Taren me fanellën e Bolonjës. Sulmuesi kuqezi ka luajtur 34 minuta me Bolonjën në ndeshjen që skuadra e tij ka humbur me Modenën. Trajneri Macone ka vendosur ta aktivizojë shqiptarin në pjesën e dytë, në vend të Rosinit, me të cilin Tare ka qenë në "balotazh" për një vend titullari. Tare ka luajtur shumë mirë në sulm përkrah Sinjorit dhe është vlerësuar me 6 nga specialistët sportivë italianë.
Myrtaj, këtë herë pa gol
Futbollisti i kombëtares shqiptare Florian Myrtaj, këtë fundjavë, nuk ka mundur të shënojë sërish për ekipin e tij, Veronën. Kjo skuadër, të shtunën në mbrëmje, ka mundur në trasfertë Viçencën 2-1. Myrtaj nuk ka shënuar, por ka luajtur 90 minuta përballë skuadrës që drejtohet nga ish-trajneri i tij, Iakini. Ndeshja e ka qenë e bukur, por shqiptari nuk ka pasur shumë raste për të shënuar sërish gol. Kujtojmë që në dy ndeshjet e fundit Myrtaj ka shënuar 3 gola me fanellën e Veronës.
Bogdani, vazhdon ankthi i golit
Edhe në ndeshjen e fundit të Serisë B, Livorno-Salernitana, Erion Bogdani nuk ka mundur të shënojë dot. Madje skuadra e tij është mundur nga livornezët me rezultatin e pastër 2-0. Bogdani është aktivizuar nga trajneri i Salernitanës vetëm 45 minutat e para të takimit. Në pjesën e dytë, Bogdani nuk ka dalë nga dhomat e zhveshjes, pasi ka qenë i dëmtuar lehtë, kështu që stafi mjekësor i Salernitanës nuk ka rrezikuar për të. Gjithsesi, sulmuesi i kombëtares nuk ka shënuar ende me skuadrën e tij të re, çka po e vuan në çdo ndeshje.
Francë
Halilhodxhiçi i beson sërish Canës
Duket se fati është rikthyer nga mesfushori kosovar Lorik Cana. Edhe në ndeshjen e fundit që Paris SG-ja ka fituar 1-0 me Okserin, Cana ka luajtur 90 minuta, duke zhvilluar ndeshjen e dytë rresht si titullar në kampionatin francez. Ashtu si në javën e shkuar, Cana ka luajtur shumë mirë në mesfushë, duke qenë një nga futbollistët kyç të ekipit. Për këtë lojë të mirë në ndeshjen e fundit me Okserin, Cana është vlerësuar me notën 6 nga specialistët e gazetës së njohur sportive "L'Equipe".

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Shënojnë Roland Zajmi dhe Milaim Rama

Shumë nga legjionarët tanë kanë zhvilluar dje ndeshjet e radhës me skuadrat respektive, por vetëm dy kanë arritur që të gjejnë rrugën e golit. Në kampionatin grek, Roland Zajmi ka arritur që të shënojë golin e dytë në këtë sezon. Prodeftiki i tij ka barazuar 1-1 me Aktratikos dhe goli i vetëm për vendasit është shënuar nga sulmuesi shqiptar. 2 javë më parë, ai shënoi golin e fitores 1-0, kundra të "mëdhenjve" të Olimpiakosit. Ka shënuar, gjithashtu, dhe shqiptaro-zviceriani, Milaim Rama në kampionatin zvicerian. Thun ka fituar 3-2, nga Vil dhe Rama ka shënuar golin e tretë për skuadrën e tij dhe të katërtin personal në këtë sezon.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Sulmuesi i Kombëtares shqiptare, Igli Tare, ka debutuar dje me ngjyrat e Bolonjës në një ndeshje që skuadra e tij ka humbur kundra Modenës, 2-0.

Shtatlarti është futur në lojë në minutën e 12-të të pjesës së dytë dhe ka zhvilluar një ndeshje të pëlqyeshme, ndonëse skuadra e tij ka dalë e humbur nga Modena. Trajneri Macone e ka aktivizuar kur bolonjezët ishin në disavantazh të dy golave dhe ky rezultat ka mbetur i pandryshuar deri në fund të takimit. Sapo ka vënë këmbët në fushë, Tare ka patur një top për gol, por gjuajtja e tij e menjëherëshme është pritur me mjeshtëri nga portieri vendas, Balota. Në minutën e 87-të, sulmuesi ynë nuk shfrytëzon siç duhet një pasim të Beluçit. Në minutën e fundit të kohës së rregullt, Tare depërton bukur brenda zonës, por mbrojtësi Mayer e ndërpret galopimin e tij, duke shuar shpresat e Bolonjës për një shkurtim të rezultatit. Në minutën e tretë shtesë, shtatlarti ka një mundësi të artë për të shënuar golin e tij të parë me skuadrën e Bolonjës, por gjuajtja me kokë përfundon ngjitur me traun e portës. Përfundon kështu debutimi i parë i Tares me bolonjezët, ku duhet theksuar një lojë e mirë, por që ka munguar ai që ndez shpirtin, goli. Pas ndeshjes, Macone ka kritikuar lojtarët e tij për këtë humbje. Trajneri ka dhënë një intervistë në uebsaitin zyrtar të Bolonjës. I pyetur se a e ka përmirësuar sulmin hyrja e Tares, Macone është përgjigjur: "Pashë që Rossini ishte tepër i lodhur dhe m'u duk e drejtë që të aktivizoja një sulmues më të freskët dhe që krijon volum më të madh të lojës".

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Frakfurt barazon pa Skelën

Eintrakti i Frankfurtit ka marrë dje një barazim mjaft të vlefshëm, në shifrat 1-1, në fushën e vështirë të Shalke 04. Në radhët e Frankfurtit është aktivizuar vetëm Geri Çipi, i cili, sipas shtypit gjerman, ka zhvilluar një lojë të kënaqshme. Dragusha nuk është parë as në stolin e rezervave, ndërsa Skela, siç dihet, do të rikthehet më 25 tetor, për shkak të pezullimit. Ndërkohë, në Bundesligën 2, Fatmir Vata ka kaluar dëmtim në muskujt e barkut dhe dje është aktivizuar me Arminian e tij kundra Burghausen. Mesfushori ka qëndruar në fushë për 90 minuta, në një ndeshje që skuadra e tij ka fituar 3-1. Për t'u shënuar është dhe një karton i verdhë, i marrë nga mirditori.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Rraklli, asist në golin e Regensburgut kundër Eintracht Trier. Tare debuton me humbje në radhët e Bolonjës. Çipi, i vetmi shqiptar i aktivizuar në Bundesliga

Ja si luajtën “legjionarët” në fundjavë

L’Arena: “Myrtaj është një lojtar i madh, edhe kur nuk shënon, i garanton kualitet skuadrës së Veronës. Bën presing në gjithë fushën, lufton për çdo top”

Një fundjavë e mirë për futbollistët shqiptarë që luajnë në Gjermani dhe Itali, megjithëse nuk ka asnjë gol për t’u përmenduar. Ndërkohë që shikohen paraqitje të mira të Tares (seria A), Myrtajt (seria B), Çipit (Bundesliga) Rrakllit e Aliajt (Bundesliga 2). Të tërheq vëmendjen paraqitja jo e mirë e Erjon Bogdanit, i cili, pas kalimit nga Rexhina te Salernitana në fillim të këtij sezoni me formulë e huazim, po has në vështirësi përsa i përket integrimit të tij në serinë B. Në katër ndeshjet e para zyrtare të zhvilluara me këtë skuadër ai nuk ka mundur të gjejë golin, që do ta çlironte disi nga kjo situatë jo e mirë që po kalon. Në ndeshjen e fundit të luajtur në transfertë kundër Livornos, Salernitana është mundur me rezultatin 2-0, ku sulmuesi shqiptar ka luajtur vetëm 45 minuta si titullar. Pikërisht në këtë minutë ai është zëvendësuar nga trajneri Pioli, pasi sikurse kanë bërë të ditur gazetat italiane të ditës së djeshme, Bogdani ka pësuar një dëmtim dhe ka kërkuar vetë të lërë fushë. Shqiptari ka humbur një rast më mirë për të barazuar rezultatin në 1-1 reth minutës së 22-të këtij takimi. Ndërkohë që më në fund ka ardhur dhe debutimi i Tares me bluzën e Bolonjës. Megjithse skuadra e tij është mundur 2-0 në derbin me Modenën (në shtëpinë e kësaj të fundit), ish-sulmuesi i Breshias, i futur në minutën e 56 në vend të Rosinit, ka bërë një paraqitje të mirë. Në fund të ndeshjes ai është vlerësuar me notën 6 nga specialistët. Një tjetër paraqitje e mirë e shqiptarëve në Itali vjen nga seria B. Bëhet fjalë për Florian Myrtaj, i cili edhe pse nuk ka mundur të gjejë golin, ka qenë protagonist në një fitore të rëndësishme të Veronës në transfertë kundër Viçensës. Sulmuesi i kombëtares sonë, i cilinë në dy ndeshjet e mëparëshme ka shënuar 3 gola (1 me 11-metërsh), është vlerësuar me notën 6.5. “Një lojtar i madh, edhe kur nuk shënon, i garanton skuadrës kualitet. Nuk ka rëndësi me kë luan në krah, Mihalçean apo Papa Vaigo. Bën presing në gjithë fushën, lufton për çdo top”, shkruante dje gazeta “L’Arena” për të. Ndërkohë që në Bundesliga, nga katër shqiptarët, është aktivizuar këtë javë vetëm Çipi, i cili ka bërë një paraqitja të mirë në ndeshjen Shalke-Eintracht (1-1). Lala dhe Dragusha vazhdojnë të jenë të dëmtuar ndërkohë që Skela është pezulluar për 4 javë për sjellje antisportive. Ndërsa në Bundesliga 2, Vata ka luajtur 70 minuta me Arminian. Aliaj ka konfirmuar edhe njëherë formën e tij të mirë me Oberhausenin, ndërkohë që Rraklli ka qenë protagonisët me një asist në një nga golat e shënuar nga skuadra e tij Regensburg ndaj Eintracht Trier (2-1).

Altin Manallari 'Shekulli'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Lorik Cana, ndeshje e plote per Paris SG

Vazhdon ta binde trajnerin e tij, Vahid Halilhic, Lorik Cana. Ne fitoren e te shtunes ne darke, te Paris SG, 1-0 ndaj Auxerre, mesfushori i kombetares shqiptare ka qene per 90 minuta ne fushen e lojes, duke dhene ndihmesen e tij ne suksesin e te tijve. Cana ka luajtur ne mesfushe, te pakten sipas rreshtimit taktik qe jepte adresa zyrtare e klubit francez ne internet. Goli i vetem i takimit u shenua ne minuten e 9-te nga Pauletta. 39.777 spektatore kishin blere bileta per kete ndeshje ne Parc de Princes.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Altin Rraklli, note pozitive, ne suksesin e Regensburg

Regensburg ka fituar 2-1 ne fushen e vet ndaj Trier ne Bundesligen e dyte gjermane dhe Altin Rraklli ka marre noten 3.5 nga Kicker. Nje vleresim, si shumica e skuadres, qe shenoi ne 22 (1-0) me ane te Straube dhe 53 (2-1) me ane te Toelcseres. Miqte barazuan perkohesisht ne 40 me golin e Pekovic. Rraklli ishte pjesemarres ne aksionin e golit te pare, dhe topi nga ai kaloi te Straube qe shenoi brenda zones. As Zani dhe as Devoli nuk luajten ne kete takim per Jahn Regensburg.

Skerdi Curri ka marre nje note shume te mire ne barazimin 1-1 te ekipit te tij Erzgebirge Aue, ndaj Oberhausen. Curri mori noten 3, duke qene nder me te miret ne fushe, ndersa mbrojtesi i kombetares, Ervin Fakaj mori vetem noten 4. Golat u shenuan nga Simioni (0-1 ne 39) dhe Berger (1-1 ne 45+1) ne prani te 8.100 tifozeve.

Gjithnje ne kategorine e dyte gjermane, Harun Isa luajti vetem pak minuta per Osnabrueck qe ishte mike ne shtepine e Greuther Fuerth. Ne barazimin 1-1 (gola te Schied per 0-1 ne 55 e Inceman per 1-1 ne 72), Isa hyri ne loje ne minuten e 87-te, ne vend te Micevskit.

Ne kategorine e pare, Geri Cipi u vleresua vetem me noten 4, pra te dobet, ne Schalke-Frankfurt (1-1), por edhe koleget e tij te mbrojtjes nuk ishin me mire. Puljiz e Tsoumou-Madza, gjithashtu moren noten 4. Golat u shenuan nga Rodriguez ne 30 per vendasit dhe Chris ne 37 per miqte. Gjyqtari Kircher gaboi ne 50, duke mos dhene nje penallti per Schalke ne 50, pasi Tsoumou-Madza nderhyri keq ndaj Poulsen ne zonen e rreptesise.

'Korrieri'

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Tare, debutim pozitiv per Bolognen

La Gazzetta dello Sport: Perpjekjet e Bolognas perfunduan ne 60, kur Tare e detyroi portierin Ballotta te bente nje nderhyrje te veshtire.

La Repubblica: Locatelli dhe Tare zgjuan sulmin e Bolognas, Guly pagoi borxhin (e Udineses)

Giornale di Brescia: Mazzone deshi te rregullonte dicka duke hedhur ne fushe Locatelli, Bellucci dhe Tare, por ndryshimi i vetem nga pjesa e pare ishte se Bologna pati ndonje rast goli me shume sesa ne 45-minutat e para.

Brescia Oggi: Pjesa e dyte hapet me nje Bologna qe rritet. Deri ne minuten e 75 eshte vetem ajo qe luan dhe Rossini, Tare e Signori kane nga nje rast goli, duke e detyruar portierin Ballotta te nderhyre tri here me radhe.

Il Mattino: Ballotta eshte i zoti te largoje nje gjuajtje te Tares. Mazzone duhej te kishte guxuar pak me shume qe nga fillimi.

Il Nuovo: Per 15-20 minuta, Ballotta (portieri i Modenas) duhet te beje gjera te jashtezakonshme. Brenda pak minutash, fillimisht Signori, me pas Dalla Bona dhe Tare, nuk gjejne shenjestren.

Corriere della Sera i jep noten 6 Tares, po kaq edhe Il Nuovo, e vlereson Iglin me 6. Jo keq.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Bogdani, demtimi nuk e pengon kunder Fiorentines

Erion Bogdani do te jete ne fushe te shtunen e ardhshme, ndaj Fiorentines, per Salernitanen. Sulmuesi shqiptar, i demtuar ne humbjen e pesuar nga skuadra e tij te shtunen e kaluar, 0-2 ndaj Livornos. Por Bogdani nuk do mund te luaje sot ne 20.30 ne ndeshjen e Kupes se Italise, ndaj Reggines, ish-skuadres se tij.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Sulmuesi shqiptar i Prodheftiqisë ka shënuar në barazimin 1-1 ndaj Akratitosit

Zajmi, goli i 20-të në kampionatin grek

Nuk kishte "derbi" java e 5-të e kampionatit grek të futbollit, por kishte gola, plot 40 të tillë në të dyja kategoritë. E midis tyre, pa dyshim, spikat ai i shënuar nga futbollisti shqiptar Roland Zajmi. Goli i Zajmit ishte i 20-ti i shënuar prej tij në ndeshjet që ka luajtur në kategorinë A.
Roland Zajmi lartëson Prodheftiqinë
Vishnjët kanë filluar ta humbasin ngjyrën e tyre karakteristike. Fanellat e reja me ngjyrë gri duket se i kanë sjellë fat skuadrës së Koridalos. Pas dy sensasioneve të mëdha, fitores ndaj kampionëve të Olimpiakosit, 1-0, dhe barazimit në Selanik, me skuadrën e fortë Paok, Prodheftiqia është kthyer në Koridalo për të pritur Akratitosin. Gjithçka nisi me një lloj frike, pasi skuadrat menduan më shumë për mbrojtjet sesa për sulmin e tyre. Ata që e braktisin të parët këtë lloj loje janë vendësit. Shpërthimi i tyre është galopant, madje i një stili të një ekipi të madh. Topi krosohet nga e djathta në të majtë e, që andej, topi i rikthyer gjen këmbën e Zajmit, që nuk fal, por shënon. Goli i futbollistit tonë është i dyti në këto 5 javë të kampionatit grek. Njëkohësisht ai është edhe një gol jubilar, sepse është i 20-ti i shënuar prej tij në kategorinë A të kampionatit helen. E ndërsa vendësit po i gëzoheshin fitores, pikërisht në sekondat e fundit të ndeshjes, një top i grushtuar nga portieri i Prodheftiqisë kthehet fluturimthi nga sulmuesi kundërshtar, duke shuar kësisoj buzëqeshjen e minutës së 29-të. Akratitosi barazon 1-1 në Koridalo dhe kthehet në Ano Liosja me buzëqeshjen e ekipit modest, ku edhe barazimi quhet fitore.
Ndëshkimi i vonë i Arian Beqajt
Tension i madh në Leoforos. Për 82 minuta, Panathinaikosi nuk arrin dot të shënojë ndaj një ekipi mdest, siç është Jonikosi, portën e të cilit e mbron portieri ynë, Arian Beqaj. Panathinaikosi nuk ka arritur të shënojë, edhe pse në favor të tyre është dhënë një penallti. Por kur takimi po shkonte drejt barazimit pa gola, shfaqet futbollisti rumun, Sanmartean, i cili, me klasin e tij, entuziazmon një stadium të tërë. Beqaj, edhe pse i sigurt, fillon të ndiejë ethet e golit, që nuk vonon. Pikërisht në minutën e 83-të, shënon futbollisti "i harruar" Vllaoviç, ndërsa 3 minuta më vonë qiprioti Kostandinu.
Kapiteni Kola, frymëzuesi i Apollonit
Megjithëse stadiumi i Rizupulit e ka ndërruar tërësisht pamjen e tij, gjithsesi mbetet nostalgjik për ne, shqiptarët. Pikërisht këtu, pra në Rizupuli, ku ka "selinë" Apolloni i vjetër, kanë luajtur mjaft emra të njohur të futbollit tonë. Sportdashësit grekë e mbajnë mend mirë Ylli Shehun, Bledar Kolën, Arian Bellajn, Alban Bushin, Ilir Shulkun, Indrit Fortuzin, Edmond Dalipin e tani së fundi përsëri Kolën, të rikthyer pas 7 vjetësh, veçse tashmë si kapiten i këtij ekipi. Eshtë i njëjti president që i ka shoqëruar të gjithë futbollistët tanë, Kostas Alamano. Kureshtja për të parë Bledar Kolën nuk ishte vetëm imja, por edhe e mjaft të tjerëve, të cilët, ndonëse larg, kanë jetuar nga afër me peripecitë dhe ankthin e futbollistit tonë, që ka bërë emër në kampionatin grek. Ndaj, midis tifozëve vendës, në Rizupuli, kishte edhe mjaft shqiptarë. Dhe Kola nuk i zhgënjeu. Futbollisti ynë luajti mjaft mirë. Ai vuri në lëvizje një ekip të tërë, duke e çuar drejt një fitoreje të madhe, 3-1, ndaj Panahaiqisë së Patrës. Bledar Kola na kujtoi ditët e tij më të mira. Ai djersiti shumë, këmba e tij shkeli në të gjitha skajet e fushës dhe, mbi të gjitha, pasimet e tij ishin "llokum" për të tjerët.
Bellaj mban Korfuzin në vende nderi
Futbollisti ynë ka qenë pa dyshim lojtari më i mirë i skuadrës së drejtuar nga Nikos Anastopulos. Korfuzi luajti në Patra, por nuk shkoi më larg se barazimi i bardhë. Përpjekjet e Bellajt për ta ndryshuar rezultatin ishin të shumta, por, siç thotë populli, pa bereqet. Në minutën e 85-të, futbollisti ynë me numër 8 desh e çoi në rrjetë topin e gjuajtur prej tij, por ai u devijua jashtë. Korfuzi luajti mirë, por mori pak. Megjithatë, edhe barazimi e mbajti në vendin e 3-të.
Elton Koça, pa gol në derbi
E vetmja ndeshje e ashtuquajtura derbi u luajt në Livadhja, midis dy skuadrave që kryesojnë tani kategorinë B të Greqisë, Livadhjakosit dhe Apollon Kallamarjas. Barazimi 1-1 i la të dy ekipet në pozicionet ku ishin. Elton Koça, megjithëse luajti mjaft mirë për 90 minuta, nuk arriti deri te goli. Futbollisti ynë, që më parë ka ndëshkuar edhe ekipe të tilla si Olimpiakosi, nuk pati shansin e duhur për ta ngjitur ekipin e tij në krye, aty ku ishte vetëm në dy javët e para.
Billa, ndëshkim që në fillim të ndeshjes
Ka qenë drithërues fillimi i takimit me Fostirën për Atromitosin e Athinës. Portieri ynë, Billa, është ndëshkuar me gol që në minutën e parë të lojës. Pastaj, 19 minuta më vonë, ka pësuar edhe golin e dytë. Dhe kur të gjithë prisnin që Fostira të shkonte drejt një fitoreje të thellë, ka ndodhur e kundërta. Portieri shqiptar i ka vënë "drynin" portës së tij, ndërsa sulmuesit kanë shënuar dy gola, duke e mbyllur këtë takim në barazim.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.