Futbollistet Shqipetar jashte vendit!

AlbShkodra · #1 23-09-2003, 16:18

Informacione dhe diskutime ''mbi futbollistet Shqiptar jashte vendit''

AlbShkodra · #2 23-09-2003, 16:29

ITALI :

Sulmuesi shqiptar ka arritur të shënojë dygolësh në Serinë B

"Florian Myrtaj si Bepe Sinjori"

Florian Myrtaj është ka pothuajse të njëjtën histori me atë të Bepe sinjorit, sulmuesit të Bolonjës. Të dy lojtarët kanë pothuajse të njëjtën strukturë dhe të njëjtat karrakteristika. Të dy trajnerët, si Salvioni ashtu dhe Zeman (ish trajner i Sinjorit) mbështeteshin, mbi të gjithë në lojën e kolektivit. Nuk është se kanë një lojtar tek i cili varin shpresat, dhe në grup ka emrat pak të njohur. Dy skuadra që janë ndërtuar duke "peshkuar" edhe në kategoritë e mëposhtme. Shembulli më i mirë do të ishte historia e bomberit më të famshëm të Foxhias së asaj kohe, Bepe Sinjori. Një histori e tillë është pothuasje e njëjtë me atë të sulmuesit shqiptar të Veronës së Salvionit, Florian Myrtaj. Sinjori kishte cilësi të rëndësishme, por kishte përfunduar te skuadra e serisë C2, Trento. Zeman e zbuloi atë, e grumbulloi në skuadër dhe e më pas rezultatet i dhënë të drejtë. Myrtaj ka ardhur në Verona pas një kalvari të gjatë në seritë e mëposhtme. Por ekzekutimi fantastik i asaj goditje dënimi, për golin e dhe goli tipik i sumuesit të racës, i cili i ka dhuruar Veronës fitoren e madhe, kanë demostruar tashmë kualitetin e tij.

AlbShkodra · #3 23-09-2003, 16:32

ITALI :

Tulli sposton Bogdanin drejt stolit të Salernitanës

Revolucioni në skuadrën e Salernitanës është tashmë gati, dhe mes emrave që do të preken nga një lëvizje e tillë, figuron dhe ai i Erjon Bogdanit, sulmuesit shqiptar që iu bashkua kësaj Salernitanës vetëm në fillim të këtij sezoni. Lajmi është bërë i ditur dje në një të përditshme italiane, sipas të cilës trajneri Pioli, për ndeshjen e javës së ardhshme kundër Palermos, do të ndryshojë gjysmën e Salernitanës. Të paktën katër do të jenë të rejat e 11-shes bazë në krahasim me skuadrën që u mund nga Katania. Nuk do të jetë Lai, Pierotti Gioacchini dhe Bogdani. Pra trajneri i Salernitanës do të zëvendësojë katër futbollistë të cilët nuk e kanë bindur atë në humbjen e të shtunës në mbrëmje. Me gjithë këto ndërhyrje, ka reparte që mbeten akoma të zbuluar. Në një farë mënyrë, po ta analizojmë skuadrën që ka zbritur në fushë në këto tre ndeshjet e para, vërejmë se vetëm Bogdani ka qenë e reja që ka hedhur në fushë Pioli në krahasim me skuadrën e sezonit të kaluar. Sulmuesi shqiptar, i ardhur nga Rexhina ka demonstruar se ka disa vështirësi për t’ përshtatur në këtë realitet të një kategorie inferiore. Sikurse është bërë e ditur sulmit kundër Palermos do t’i mungojë Bogdani, ndërkohë që në vendin e tij do të luajë Tulli (zëvendësuesi i tij, autori i golit të vetëm kundër Katanias). Në këto momente ai ka treguar se është në formë të mirë dhe se meriton të luajë nga minuta e parë.

'Shekulli'

AlbShkodra · #4 23-09-2003, 16:33

GJERMANI :

Trajneri gjerman:

“Çipi ka kryer më së miri punë e tij, me përjashtim të një gabimi të vogël. Skela nuk ka qenë në nivelin e duhur, ndërkohë që Dragusha ishte i sëmurë”

Brigel: Çipi, më i mirë për Frankfurtin

Notat më të mira të shqiptarëve që luajnë në Bundeliga 2 i përkasin Currit (2) dhe Aliajt (2.5), dy futbollistëve që po konfirmojnë veten nga ndeshja në ndeshje

Shekulli

“Një paraqitje shumë e mirë e Geri Çipit në ndeshjen që Eintrachti i Frankfrutit ka luajtur të dielën në mbrëmje kundër Kaiserlauternit”. Këto kanë qenë fjalët e trajnerit gjerman të kombëtares sonë dhe njëkohësisht anëtar i bordit drejtues të Kaiserlauternit, Hans Peter Brigel, i cili ka qenë i pranishëm në shkallët e stadiumit për këtë sfidë krejtësisht të veçantë për të. “Çipi ka kryer më së miri punë e tij, është shprehur Brigel në një telefonatë të tij me Kreshnik Agollin, njeriun më të afërt të tij shqiptar në aventurën 9- mujore në krye të kombëtares shqiptare. Mbrojtësi shqiptar, ka bërë vetëm një gabim, ndërsa për pjesën tjetër të lojës mund të them se ka qenë më i miri në fushë për Eintrachtin”. Një vlerësim të tillë e ka mbështetur dhe vlerësimi i dhënë nga gazeta “Frankfurter Rundschau”. Ndërkohë që revista gjermane “Kicker” i ka dhënë notën 4.5 qendërmbrojtësit të Frankfurtit dhe të Kombëtares shqiptare. Përsa i përket shqiptarit tjetër të Eintrachtit, trajneri i Kombëtares ka rezervuar vetëm “kritikë”: “Edhe pse ka gjuajtur dy goditje dënimi të shkëlqyeshme, Skela ka nxjerrë në pah një paraqitje jo të mirë. Ai nuk ka qenë në formë në këtë takim, ku pritej më shumë prej tij”,- ka nënvizuar Brigeli. Notë jo e mirë për Skelën, i cili nuk ka qenë në nivelin e tij të zakonshëm, megjithëse edhe ajo ka bërë pjesë te lojtarët që kanë luajur mirë, edhe pse Frankfurti është mundur. “Kicker” ka vlerësuar shqiptarin me notën 5. Skela ka shënuar dy nga rastet e pakta të skuadrës së tij në këtë takim, duke rrezikuar portën kundërshtare nga goditjet e dënimit, ndërkohë që ka patur mangësi në aspektin e organismit të lojës. Në minutat e fundit të takimit, pikërisht në minutën e 90, është ndëshkuar me karton të kuq, për sjellje antisportive kundrejt Thomas Riedl, në një moment kur në fushë ekzistonte një gjendje e acaruar. Mungesa e tij në ndeshjen e radhës do të jetë një problem për trajnerin Reiman. Ndërkohë që e përditshmja gjermane “Sportbild” e ka futur atë mes lojtarëve më të mirë në fushë në këtë ndeshje së bashku me një gol të skuadrës dhe dy kundërshtarë. Përsa i përket mos aktivizimit të Dragushës nga trajneri Reiman, Brigel ka bërë të ditur se, ai “ka qenë i sëmurë gjatë kësaj jave dhe nuk ishte në gjendje për të luajtur”. Por të reja interesante ka sjellë java e fundit e Bundesligës 2 për shqiptarët. Curri e Aliaj vazhdojnë të jenë konstantë në paraqitjet e tyre të mira në ndeshje e fundit. Revista prestigjoze gjermane “Kicker” i ka vlerësuar ata me notat më të mira: Curri 2 dhe Aliaj 2.5. Ndërkohë që 4.5 ka qenë nota e marrë nga Rraklli e Devolli.

AlbShkodra · #5 23-09-2003, 16:34

Belgjikë

Hasi, 90 minuta kundër Gent

Kosovari Besnik Hasi ka luajtur 90 minuta kundër ish-skuadrës së Geri Çipit, Gent. Futbollisti kuqezi sërish ka qenë një nga më të mirët në fushën e lojës, duke mos u zëvendësuar nga trajneri Bros. Por, edhe si në ndeshjen e Ligës së Kampioneve, kosovari është ndëshkuar me karton të verdhë, në minutat e para të pjesës së parë. Skuadra e Hasit, Anderlehti, ka fituar 3-1 me Gent, duke siguruar vendin e parë në tabelën e klasifikimit të kampionatit belg.
Francë
Cana, larg fushës
Edhe këtë javë, futbollisti kosovar Lorik Cana nuk është aktivizuar asnjë minutë në ndeshjen që skuadra e tij, Paris SG, e ka fituar me Metz 1-0. Kosovari ka qenë në stol dhe, ndryshe nga java e parë e kampionatit francez, nuk ka luajtur asnjë minutë. Trajneri boshnjak Halilhodxhiç duket se e ka klasifikuar Canën jashtë planeve të tij për këtë sezon dhe këtë gjë ia ka bërë të qartë edhe futbollistit të kombëtares shqiptare, që para ndeshjes së parë.
Itali
Bogdani pëlqehet nga Mesina
Skuadra e Mesinës është e interesuar për futbollistin shqiptar Erion Bogdani. Lajmi është publikuar nga vetë drejtuesit e skuadrës së Rexhinës, që shtojnë se operacioni mund të përfundojë brenda pak orëve. Rexhina, sipas drejtorit sportiv Martino, ka ndërmend ta huazojë te Mesina shqiptarin, i cili kërkohet nga shumë skuadra të tjera italiane të Serisë A dhe B.

AlbShkodra · #6 23-09-2003, 16:35

GJERMANI :

Futbolistët e refuzuar nga gjermani shënojnë tre gola

Vata e Nushi, shuplaka për Brigelin

Kanë shënuar të dy-tre gola në ndeshjet e fundit të kampionateve respektive, duke i treguar Brigelit se vazhdon të gabojë. Fatmir Vata dhe Kristian Nushi duket se akuzojnë trajnerin Brigel për mos grumbullimin, pasi këtë javë në Bundesligën 2 dhe Ligën e parë zviceriane kanë qenë më të mirët në fushën e lojës. Vata ka shënuar, madje dy herë kundër Ahlen-it, duke ndërprerë një "agjërim" të gjatë më shumë se njëvjeçar. Ndërkohë, i riu Nushi i ka çuar sinjalin e parë gjermanit, i cili pak ditë më parë, edhe pse asnjëri nuk e shpreh haptazi, e "ka mbetur në klasë". Skuadra e Vatës, Arminia e Bielefeldi, ka pasur përballë skuadrën e Alhen-it, të cilën e ka mundur 3-0. Vata është cilësuar heroi i ndeshjes, pasi në minutat 35 dhe 40 të ndeshjes ka kaluar skuadrën e tij në avantazh. Më parë shqiptari, në minutën 24, kishte humbur edhe një penallti, të cilën ia kishte pritur portieri Meier. Goli parë i Vatës ka ardhur në minutën e 35-të të ndeshjes, pas një goditjeje mjeshtërore nga jashtë zonës. Vetëm 5 minuta më vonë dhe shqiptari ka përsëritur të njëjtën goditje, duke treguar se është akoma në ditët e tij më të mira. Dy gola dhe një mesazh për Brigelin, para ndeshjes me Maqedoninënë të kombëtares, në të cilën Vata është konsideruar prej kohësh "non grata". Mesfushori kuqezi është shpallur futbollisti më i mirë i ndeshjes, në fitoren e parë sezonale të Bielefeldit. Gjithsesi, Vata këtë fundjavë ka treguar se është një futbollist që mund t'i japë akoma kombëtares kuqezi. Nga ana tjetër, edhe i riu kosovar Kristian Nushi, ka shënuar një gol për skuadrën e tij Vil, e cila ka barazuar në ndeshjen e radhës së kampionatit zvicerian me Neushatelin 1-1. Futbollisti me origjinë kosovare, që aspiron të marrë pasaportë shqiptare, ka shënuar në minutën e 82-të të lojës, edhe pse këtë gjë duhet ta kishte bërë një javë më parë, kur në stadium për ta vëzhguar ka qenë ndihmësi i Brigelit, Aksel Rosi. Ky i fundit i kishte komunikuar "bosit" se Nushi është ende i ri dhe do kohë të bëhet për kombëtaren kuqezi.

AlbShkodra · #7 23-09-2003, 16:37

FINLAND :

Njëri vëlla për Finlandën, tjetri për Shqipërinë

Njazi Kuqi: Dua të luaj për Shqipërinë

Ndryshe nga vëllai i tij, Shefkiu, Njazi Kuqi kërkon të mbrojë ngjyrat e
kombëtares së Shqipërisë. Bëhet fjalë për dy vëllezër, njëri prej të cilëve, Shefkiu, sikurse dihet, ka luajtur 31 ndeshje me fanellën kombëtare të Finlandës dhe ka shënuar 3 gola, Një të tillë Shefkiu e ka shënuar kundër Shqipërisë. Mirëpo, vëllai i tij i vogël, Njaziu, ëndërron të shënojë gola vetëm për Shqipërinë dhe jo me kombëtaren e ndonjë vendi tjetër.
Megjithëse është ftuar në ekipin Shpresa të Finlandës, për ndeshjen miqësore të 19 gushtit kundër Danimarkës, Njazi Kuqi ka vetëm një gjë në mendje, të veshë fanellën kuqezi, atë të Kombëtares së Shqipërisë. Vëllai i vogël i yllit kosovar, me pasaportë finlandeze, Shefki Kuqi, është i vendosur të bëjë zgjedhje tjetër nga ajo e "bacit".
Vetë Shefkiu ishte ftuar spontanisht në kombëtaren e Shqipërisë, kur ajo udhëhiqej nga Astrit Hafizi, pas viteve '90. Mirëpo,mirëpo çdo gjë kishte mbetur vetëm me kaq. Sulmuesi i fuqishëm pranoi të veshë fanellën bardhekaltër të Finlandës dhe, në njërin nga përfaqësimet me këtë skuadër, shënoi edhe kundër Shqipërisë. Ai ka debutuar në kombëtaren finlandeze në ndeshjen kundër Belgjikës, në vitin 1999.
Ditë më parë, Kuqi i ri, Njaziu, është ftuar nga trajneri i ekipit Shpresa të Finlandës, Kari Ukonen, për t'u vënë nën urdhrat e tij. Këtë ftesë, Njaziu nuk e pranoi, me bindjen se herën tjetër do të marrë një ftesë nga drejtuesit e kombëtares së dheut amë, Shqipërisë, do të veshë fanellën kuqezi.
Fillimi, në krah të vëllait
Në kohën kur Shefkiu kishte filluar të bënte emër në futbolin finlandez, Njaziu krenohej me emrin e të vëllait në stërvitje. Madje, i gjendej atij përherë pranë, duke i mbajtur çantën apo duke e ndihmuar në shumë gjëra. Mirëpo tani gjërat kanë ndryshuar. Peshën e famës si futbollist po e shijon edhe Njaziu në futbollin finlandez. Vitin e kaluar ai ka debutuar në ekipin e parë të FC Lahti, ku ka shënuar 5 gola. Po kaq gola ka shënuar edhe në kampionatin e sivjetëm, në 16 ndeshjet e zhvilluara deri tani. Vitin e kaluar ai ishte pajisur edhe me shtetësi finlandeze.
Në fillim të këtij viti, Kuqi është vëzhguar, në finalen e Kupës së Finlandës, nga trajneri i Mançester Sitit, Kevin Kiganit. Ditët e fundit, në drejtim të tij kanë vërshuar edhe disa oferta, mes të cilave veçohet ajo e CSKA-së së Moskës.
Kuqi: Në dhe të huaj, mbetesh i huaj
Vendimi i Kuqit të ri është mbështetur në eksperiencat që ka pasur i vëllai, Shefkiu, me kombëtaren finlandeze. "Nuk kam dëshirë të mbetem me këta finlandezët. Nuk e di se si më ngjet, por nuk mund t'i kuptoj",- thotë Njaziu, duke shtuar: "Gjithashtu, kam marrë shumë mësime nga vëllai se si e thërrisnin, kur kishin shumë nevojë, pastaj nuk e thërrisnin fare.
Në dhe të huaj, mbetesh i huaj",- gjykon Kuqi i ri, pa marrë parasysh se ka marrë shtetësinë e atij vendi. "Përherë, edhe nëse ndokush është më i dobët se ti, do të angazhohet më përpara. Më mirë këtë të na e bëjnë tanët se sa të huajt",- fliste të dielën pasdite nëpërmjet celularit të tij, Njazi Kuqi. Sulmuesi shtatlartë dhe teknik është i bindur se më mirë do të luante me ekipin përfaqësues të Shqipërisë se sa me ndonjë kombëtare tjetër. Ai shprehet i gatshëm të provohet nga specialistët shqiptarë të futbollit, duke filluar që në ekipin Shpresa. "Jam i vetëdijshëm se diku duhet filluar. Nëse më thërrasin drejtuesit e futbollit në Shqipëri, do të jem i gatshëm."
Kosova, dashuria e madhe e Njaziut
Njaziu është lindur në rrethinën e Vushtrisë. Ai ka 8 vjet e gjysmë që nuk e ka vizituar vendlindjen dhe theksoi se, sikur përfaqësuesja e Kosovës të luante ndeshje ndërkombëtare, problemi i tij do të thjeshtësohej. "Unë veten e ndiej kosovar dhe do të kisha shumë dëshirë të luaja për Kosovën, por tani për tani kjo nuk është e mundur."
Për ofertat që ka marrë momentalisht Njaziu nuk flet me emra konkretë ekipesh. Mirëpo, në bazë të faqeve të internetit të futbollit finlandez, ai është njëri ndër "mallrat" më të kërkuar. "Ka ekipe që janë interesuar për mua. Ka mjaft menaxherë që interesohen, por unë kam kontratë edhe për dy vite me skuadrën ku luaj",- përfundon Kuqi.
Sipas një sondazhi të bërë në internet, Njaziu është favoriti kryesor për të qenë golashënuesi i parë i ekipit të tij dhe ndër kryesorët në kampionatin finlandez. FC Lahti aktualisht zë vendin e 6-të në kampionatin finlandez. Përveç Njaziut, në kampionatin finlandez, në radhët e HJK Helsinki, luan edhe kosovari tjetër, Ridvan Zeneli.

Kush është Njazi Kuqi?
Ditëlindja: 25.03.1983
Gjatësi: 193 cm
Pesha: 85 kg
Klubi aktual: Lahti
Ish-klubet e tij: Jokrut, FC Jokerit, FinnPa, PK-35, MP, KaPa-51
Është i kërkuar nga disa klube të huaj, si Mançester Siti dhe CSKA-ja e Moskës.

AlbShkodra · #8 23-09-2003, 16:39

GJERMANI :

Skela, pezullimi që dëmton Frankfurtin

Ervin Skela do t’i mungojë Frankfurtit, për të paktën një javë skuadrës së Eintraktit, për shkak të kartonit të kuq të marrë në ndeshjen e së dielës kundra K’lauternit, takim i përfunduar me fitoren e miqve, 1-3. Shqiptari ka pështyr një lojtar kundështar në minutën e 89-të të takimit dhe në mesjavë do të presë dhe vendimin e komisionit të disiplinëds, që do të vendosë se për sa ndeshje do të pezullohet Skela. Vlonjati rrezikon minimalisht 1 javë pezullim, ndërsa maksimalja e mosaktivizimit në Bundesligë shkon deri në 3 javë. Me një fytyrë të vrejtur është parë dhe trajneri i Frankfurtit, Vili Reiman, i cili ka deklaruar pas ndeshjes: “Unë jam plotësisht i zgjënjyer nga djemtë e ekipit tim dhe do bisedoj seriozisht me ta”. Ndërkohë, të përdishmet gjermane kanë shkruar dje në mënyrë jo të njëllojtë në lidhje me ndeshjen e Skelës. Sipas të përditshmes “Kicker”, trekuartisti ka qenë një nga lojtarët më të dobët të skuadrës dhe është vlerësuar me notën 5. Kujtojmë që vlerësimi më i mirë në këtë gazetë nis nga 1 e mbaron te 5. Në të njëjtat ujëra dhe Geri Çipi, që është vlerësuar me notën 4.5. “Kicker” shkruan se të gjithë lojtarët kanë qenë në një formë shumë të dobët dhe për këtë humbje nuk mund t’i vihet gishti asnjërit. Ka qenë një Frankfurt i shpërfytyruar ditën e diel, që ka zhënjyer në të gjitha drejtimet dhe për t’i vënë kapakun një dite të keqe ka menduar fantazisti Skela, që ndëshkohet me karton të kuq, pak përpara mbarimit, shkruan gazeta në fjalë. Me ngjyra të tjera e ka komentuar aktivizimin e dy shqiptarëve, uebsajti gjerman, “Bundes-liga.de”. Sipas kësaj agjencie informacioni, Skela dhe Aleksandër Shur kanë qenë lojtarët më të mirë në fushë për Frankfurtin. Dhe kjo, jo për faktin se shqiptari ka kryer një gjest antisportiv, porse ka qenë më i rrezikshmi për vendasit. Dy rastet e vetme për Eintraktin, përjashto golin me penallti në minutën e 90-të, kanë qenë dy goditje dënimi të Skelës në minutën e 35-të dhe 45-të të pjesës së parë. Ndërkohë, asnjë koment nuk është bërë për mosaktivizimin e kosovarit Dragusha, si edhe lojtarëve të tjerë shqiptarë që luajtën të dielën në Bundesligën 2, Adrian Aliajt dhe Skerdilajd Currit.

AlbShkodra · #9 23-09-2003, 16:40

GJERMANI :

Ditë e zezë dje për kuqezinjtë e Eintrahtit të Frankfurtit

Një ditë vetëm e zezë dje për kuqezinjtë e Eintrahtit të Frankfurtit, të mundur 3-1 në fushën e tyre nga Kaizerslautern. Skuadra e tre shqiptarëve të kombëtares nuk ka arritur ende të fitojë para tifozëve të saj dhe suksesin e vetëm e ka arritur javën e kaluar, kundër Borusia Mënshengldadbah. Në fushën e lojës dje u panë vetëm Geri Çipi dhe Ervin Skela, ndërkohë që Mehmet Dragusha qëndroi gjatë gjithë kohës në stol.
Por miqtë nga Kaizerslauterni morën shumë shpejt fatin e lojës në duart e tyre, me golin e shënuar që në minutën e pestë. Goli i shënuar në bullgari Hristov u pasua me dy të tjerë sapo filloi pjesa e dytë, duke hipotekuar humbjen e Frankfurtit. Por ishte një ditë negative edhe në planin personal për mesfushorin e Shqipërisë, Ervin Skela. Lojtari i kombëtares nuk arriti të kontrollonte nervat dhe në minutën e 89-të u ndëshkua me karton të kuq nga gjyqtari, për sjellje josportive. Për Skelën ky është kartoni i parë i kuq në Bundesligën e parë gjermane, ndërkohë që në javët e mëparshme është ndëshkuar edhe me dy kartonë të verdhë. Kartoni i kuq i marrë dje mund t’i kushtojë Skelës disa javë pezullim nga komisioni disiplinor i federatës gjermane.

AlbShkodra · #10 23-09-2003, 16:49

GREQI :

Ja si u paraqitën futbollistët shqiptarë në kampionatin grek

Beqaj provon ndëshkimin polak

Plot 89 minuta, portieri Arian Beqaj ka qenë spektator i ndeshjes. Por, sikurse thotë edhe populli, "çka sjell dekiku, nuk e sjell as moti", e ka provuar më së miri edhe Beqaj. Kështu ngjau të dielën që shkoi në Nikia. Futbollistët vendës, të veshur me një uniformë të re kësaj here, siç duket, për të festuar gëzimin e fitores së parë, fatkeqësisht nuk e shijuan dot atë. Minuta e 23-të ka qenë minuta ters, që ua prishi ëndrrën jonianëve. I ndodhur paksa prirët me portën kundërshtare, polaku Miecel gjuan fort. Beqaj e pengon topin, por nuk arrin ta mbërthejë, ndërkohë, që ndërhyn një tjetër polak, Kiharsi, i cili e dërgon topin në rrjetë.
Iraklisi, sërish pa Muratin
Iraklisi, skuadra ku luan edhe mesfushori i kombëtares sonë, Edvin Murati, ka fituar në javën e fundit të kampionatit grek. Kësisoj, selanikasit kanë marrë një fitore shumë të rëndësishme, sepse kanë luajtur pa dy futbollistët e saj më të mirë, Maklasin dhe Muratin. Bardheblutë e Selanikut nuk e prishën traditën e fitoreve në Nikia. Pikërisht këtu, ndaj Jonikosit, ata kishin fituar edhe një
vit më parë, 4-2.
Zajmi, emri që "tmerron" kundërshtarët
Skuadra modeste e Prodheftiqisë ka udhëtuar drejt Selanikut si një skuadër e madhe. Fitorja e tyre e një javë më parë, ndaj kampionëve të Olimpiakosit, kishte zgjuar një interes të jashtëzakonshëm. Ndaj, në "Tumba", tifozët ishin të shumtë. Trajneri i njohur i Paok-ut, Anastasiadhis, kishte marrë masa për mbulimin e "të rrezikshmit" Zajmi. Ndërkohë që Leonidhas Vokolos, ish-futbollist i Panathinaikosit, ishte "polici" që qe ngarkuar të ruante rreptësisht sulmuesin shqiptar, i cili lëvizi shumë, por pa arritur të shënojë si një javë më parë.
Bellaj, frymëzuesi i feakëve
Vendësve, të cilët e kishin mbushur plot e përplot stadiumin e ri të Korfuzit, u ngriu buzëqeshja në buzë në kohën kur miqtë nga Seresi shënuan golin e parë. Sytë kaluan vetëtimthi te lojtarët e blerë, që shihen si shpresa e tifozërisë vendëse. Midis këtyre të fundit bën pjesë edhe futbollisti ynë, Arian Bellaj. Është pikërisht Bellaj që, në këtë situatë, merr në dorë "frenat" e lojës për Korfuzin. Pasimet e tij janë të shkëlqyera, janë "llokume" për sulmuesit e tij, të cilët, në dy raste, i shfrytëzojnë mjaft mirë ato, duke bërë që gëzimi në ishullin e bukur të Korfuzit të arrijë kulmin.
Koça, jo përballë Billës
Fusha e vështirë e Megarës nuk ka qenë si një javë më parë, e suksesshme për skuadrën e Atromitos të Athinës. Çuditërisht, portën e skuadrës së Peristerit, kësaj here, nuk e mbronte portieri ynë, Billa. Ndërkohë, në fushën e Megarës nuk munguan shqiptarët. Elton Koça ishte futbollisti i Levadhiakosit, që edhe në këtë ndeshje luajti mjaft mirë. Edhe pse nuk shënoi, sulmuesi durrsak me numër 20 ishte ndër më të mirët e skuadrës që arriti një sukses, fitoi 1-0 jashtë fushës së vet.
Arian Xhumba, dobët me Janinën
Më shumë sesa stilin tërheqës të futbollit nordik, Peterson, trajneri suedez i Pas Janinës, ka sjellë në qytetin verior grek "të ftohtin" karakteristik të vendi të tij. Janina është mundur edhe kësaj here. Dy golat e pësuar nga vendësit kanë qenë tepër dëshpërues për tifozët e zjarrtë të tyre. Pjesëtar i këtij formacioni të dobët ishte edhe futbollisti ynë, Arian Xhumba.
Kola, i vetmi trim në "luftë"
Kështu shkruan shtypi vendës për ndeshjen Ergotelis–Apollon i Athinës. Vendësit ishin skuadër e kompletuar, ndërsa Apolloni, për ngjyrat e së cilës luajti edhe futbollisti ynë, Bledar Kola, ishte skuadra e përgjysmuar nga mungesat e shumta. Kola luajti mjaft mirë, por vetëm kaq. Këtë herë, shprehja "me një lule s'vjen pranvera" u materializua më së miri në këtë ndeshje.
Strakosha në lartësinë e duhur
"Të fitojmë..." Ky ishte sllogani i javës për vendësit në ndeshjen e Kesarianisë. Fitorja e Etnikos Asterës ndaj Patraikosit konsiderohej një formalitet, që do të "nënshkruhej" në fushën e lojës. Por dëshira dhe mundësitë nuk janë gjithnjë në sinkron me njëra-tjetrën. Në fushën e bukur të Kesarianisë ndodhi pikërisht kjo. Vendësit iu gëzuan shumë golit të parë, por më vonë vuajtën presionin e vazhdueshëm të miqve. Pritjet e Strakoshës ishin të vështira dhe të bukura. Ai bëri gjithçka për ta ruajtur të paprekur portën e tij, por u ndëshkua në një rast. Barazimi 1-1 tregoi se kaq janë mundësitë e Ethnikosit.

AlbShkodra · #11 24-09-2003, 13:31

SUEDI :

Bashkim Sopi, ne mbikqyrje si lojtar i kombetares
Quhet Bashkim Sopi, eshte 31 vjec, mbrojtes dhe shtatlarte (1.87 metra). Burime ne Fderaten Shqiptare te Futbollit bejne te ditur se ky lojtar eshte piketuar si nje pjesetar i mundshem i ekipit kombetar shqiptar, drejtuar nga Hans-Peter Briegel. Bashkim Sopi, futbollist i Enkoping (kategoria e pare suedeze, Allsvenskan). I ardhur nga IFK Malmo e kategorise se dyte, ne vere te 2002. Sopi luan si mbrojtes dhe eshte me pasaporte te ish-RFJ te Maqedonise. I lindur me 24 nentor 1972, 1.87 metra shtatlarte dhe 81 kg i rende. Sopi luan me fanellen me numer 2. Por ai nuk e ka pare me sy formacionin e pare te Enkoping, qe nga 3 gushti i ketij viti, ne ndeshjen Enkoping-Orgryte (1-3), ku mori noten mesatare 2.25 nga 4 media suedeze (EP, UNT, Aftonbladet, Expressen), si nje nga me te miret per ekipin e tij. Qe nga ajo date, Enkoping ka luajtur edhe 6 ndeshje te tjera dhe Sopi nuk eshte aktivizuar, ndersa nuk dihet saktesisht se perse. Interesant eshte fakti se Sopi ka qene rregullisht pjesetar formacioni (me shume pak perjashtime) qe nga 8 shkurti i ketij viti deri ne 3 gusht, date qe e permendem me lart. Madje, ai eshte zevendesuar shume, shume rralle.