Turqi-Letoni, Alpai në dyshim

Turqia mund të mbetet pa mbrojtësin Alpai në ndeshjen e së shtunës në play-off-in ndaj Letonisë. Alpai, i cili ende nuk ka gjetur një klub për të luajtur, pasi u largua nga Aston Vila, është i sëmurë me një virus të rëndë gripi dhe trajneri Senjol Gynesh e ka pranuar se prania e tij në takimin e parë, që do të luhet në Rigë, është vënë në dyshim. "Alpai mund të mos vijë me ne në Rigë,- tha Gyneshi.- Unë nuk besoj se do të thërras ndonjë lojtar tjetër për ta zëvëndësuar." Mesfushori Jildirai Basturk është gjithashtu në dyshim, për shkak të një problemi në stomak, edhe pse Gyneshi ka marrë disa lajme të mira nga lojtari i Leverkusenit. "Ai na ka thënë se ndihet më mirë, por për të do të vendosim në momentet e fundit,- tha Gyneshi.-

Shkurt !

Berti Vogts nuk do të ketë në dispozicion sulmuesin Kolin Kamerun për ndeshjen e parë të Skocisë ndaj Holandës në play-off. Zëdhënësi i federatës skoceze bëri të ditur se Kameruni nuk do të luajë për shkak të një dëmtimi në kofshë.

Sven Goran Erikson deklaroi se Anglia duhet të konsiderohet një nga skuadrat favorite për fitimin e kampionatit të ardhshëm evropian.

Luis Figo pritet të luajë në takimin miqësor të së shtunës Portugali-Greqi, në kuadër të përgatitjeve për në Euro 2004. Mesfushori 31?vjeçar dëmtoi ligamentet e gjurit në humbjen me rezultatin 4-1 ndaj Seviljes, por ai do të jetë në gjendje të luajë në Aveiro.

Jens Novotni pritet të luajë ndeshjen e tij të parë në dy vjet për Gjermaninë, në takimin miqësor të së shtunës ndaj Francës, por këtë duhet ta bëjë me një fanellë të zezë. Novotni, i cili vjen pas një dëmtimi që mund t'i kishte rrezikuar karrierën, ka prezantuar dje uniformën e re të Gjermanisë.

Dik Advokat dhe Jap Stam

Ndeshjet e plej-ofit mund të jenë të fundit për trajnerin Dik Advokat dhe mbrojtësin Jap Stam. Dy holandezët kanë deklaruar për shtypin vendas se në rast se kombëtarja e tyre nuk do të arrijë të kualifikohet për në Evropianin Portugali 2004 atëherë ata do t’i japin lamtumirën futbollit ndërkombëtarë. Trajneri i portokallinjve është shprehur se për të eleminimi do të ishte një disfatë e jashtëzakonshme duke pasur parasysh dhe mos kualifikimin e Holandës dhe në botërorin e një viti më parë që u zhvillua në Kore dhe Japoni: “Nëse ne nuk arrijmë të kualifikohemi atëherë unë do të jap menjëherë dorëheqjen nga drejtimi i skuadrës.

Megjithatë unë jam optimist pasi kam besim të plotë tek skuadra ime”. Në të njëtën mënyrë është shprehur dhe mbrojtësi i Lacios Jap Stam: “Në rast se nuk kualifikohemi atëherë unë do të largohem përfundimisht nga kombëtarja.

Natyrisht dëshira ime është që të luajmë në Evropian por nëse nuk arrijmë ta bëjm një gjë të tillë aëher të gjithë nuk jemi të denjë për të veshur këtë fanellë.

Një disfatë e dytë do të ishte e papranueshmepër të gjithë kombin tonë. Unë personalisht do të mundohem që të jap maksimumin tim ndaj Skocisë”.

EURO 2004 ''Play off's''

Ndeshjet e para

Latvia 1-0 Turkey
Scotland 1-0 Netherlands
Croatia 1-1 Slovenia
Russia 0-0 Wales
Spain 2-1 Norway


Ndeshjet e kthimit zhvillohen me 19.11.2003

EURO 2004 ''Play off's''

Ndeshjet e kthimit

Turkey - Latvia 2-2 (2-3)
Netherlands - Scotland 6-0 (6-1)
Slovenia - Croatia 0-1 (1-2)
Wales - Russia 0-1 (0-1)
Norway - Spain 0-3 (1-5)

''Ne (kllapa) rezultati i pergjithshem''

EURO 2004

Shorti i finaleve te kampionatit Europian te futbollit i cili zhvillohet ne veren e vitit te ardheshem ne Portugali.

Grupi A
Portugal
Greece
Spain
Russia

Grupi B
France
England
Switzerland
Croatia

Grupi C
Italy
Sweden
Bulgaria
Denmark

Grupi D
Czech Republic
Latvia
Germany
Netherlands

Imazhe te Ngjitura

logo.gif (10.5 KB, 84 vezhgime)

EURO-2004: Çekët, gjermanët dhe holandezët në të njëjtin grup

Në Lisbonë, të dielen në mesditë, është bërë tërheqja e shortit për formimin e grupeve të kampionatit evropian që vitin e ardhshëm do të mbahet në Portugali. Grupi më interesant dhe ku do të ketë betejë të madhe, do të jetë grupi D, ku janë përfshirë tri skuadra favorite për titullin kampion: Çekia, Gjermania dhe Holanda.
Ndërkohë skuadra e katërt në këtë grup Letonia, lirisht mund të mendojë për kthim të shpejtë në shtëpi, menjëherë pas rrethit të parë të finaleve të Euro-2004. Nikoqirët e këtij kampionati, portugezët janë në një grup shumë të vështirë, meqë do të kenë rival Spanjën. Italianët mund të jenë të kënaqur me shortin, meqë bëjnë pjesë në grupin C, së bashku me dy kombëtare skandinave dhe një ballkanike. Mjaft i “nxehtë” do të jetë edhe grupi B, ku do të përballen Anglia dhe kampionia në fuqi e Evropës, Franca, që janë edhe favorite për epitetin e më të mirit në Portugali.
Nderin për hapjen e kampionatit do ta kenë Portugalia dhe Greqia, të cilat në kuadër të grupit A, do të përballen më 12 qershor në stadiumin “Dragoa” në Porto.

ITALIA

Trapatoni: “Grupi ynë tepër homogjen”

“Në futbollin evropian ka shumë ekuilibër dhe mendoj se grupi ynë është tepër homogjen. Është shumë e rëndësishme përgatitja e këtij turneu dhe është po e rëndësishme që lojtarët më të mirë, të jenë në formë dhe të disponueshëm. Jam i mendimit që të katër skuadrat i kanë mundësitë për të ecur përpara”, ka nënvizuar trajneri i Italisë, Xhovani Trapatoni.

Portugalia

Skolari: “Objektivi ynë të shkojmë sa më larg, pse jo edhe trofeu”

“Nuk mund të zgjidhen vetë kundërshtarët dhe nuk mund të thuhet se është një skuadër më e mirë se tjetra. Duhet të pranojmë shortin dhe të studiojmë kundërshtarët që kemi në grup. Gjendemi mes 16 skuadrash të mëdha dhe objektivi ynë është që të shkojmë sa më larg, e ndoshta, pse jo, të fitojmë turneun. Jemi në këtë Evropian për këtë gjë. Duhet ta konsiderojmë Spanjën si skuadrat e tjera. Duhet të mendoj më shumë për Rusinë dhe Greqinë, sepse do të ndeshemi me ta fillimisht. Shorti më pëlqeu dhe jam i kënaqur”, ka pohuar trajneri i kombëtares së Portugalisë, Felipe Skolari.

Greqia

Rehagel: “Nuk jemi favoritë, kjo gjë mund të na ndihmojë”

“Nuk jemi një skuadër favorite dhe kjo gjë nuk na krijon asnjë problem. E dimë, që befasitë ndodhin dhe mund të përfitojmë nga statusi i skuadrës tonë. Jemi të nderuar, që të luajmë ndaj zotërve të shtëpisë në garën e parë të turneut”, ka theksuar trajneri i kombëtares së Greqisë, Oto Rehagel.

Rusia

Jartsev: “Do ta bëjmë më të mirën”

“Jam i lumtur që isha i pranishëm në short, teksa prezantoj skuadrën time, për kampionatin e ardhshëm evropian. Shorti na vuri përballë tre skuadrave të forta dhe tre trajnerëve të mëdhenj. Do të bëjmë më të mirën”, ka thënë trajneri i Rusisë, Georgi Jartsev.

Spanje

Saez: “Grupi ynë i ekuilibruar”

“Mendoj se grupi ynë është shumë i ekuilibruar. Duhet të bëjmë maksimumin tonë dhe të djersisim, për të fituar dy vendet e para, që garantojnë kualifikimin. Mendoj, se të katër skuadrat kanë shanse të mira për të dalë nga grupi”, ka komentuar trajneri i Spanjës, Inaki Saez.

Angli

Erikson: “Kalimi i grupit nuk dyshohet se është synimi ynë”

“Ndeshjen më të vështirë, do ta zhvillojmë kundër Francës, kampiones në fuqi, dhe besoj se asnjë nuk ka dyshim që ky takim, do të jetë një finale disi e parakohshme. Edhe Kroacia është një skuadër e fortë. Duhet patur kujdes edhe nga Zvicra. Në grupin e tyre eleminator, ata lanë pas skuadra si Rusia dhe Irlanda. Ata luajnë një futboll miks, duke ndryshuar shpeshherë skemën brenda një ndeshjeje. Kalimi i grupit nuk dyshohet që është synimi ynë, por me këto skuadra gjithçka mund të ndodhë”, ka theksuar trajneri i kombëtares angleze, Erikson.