Ej AlbShkodra !
Hallall ta beft zoti per informacionet e shumta qe jep...
Sidomos ato per kombetaren e per kampionatin shqiptar..
por edhe per cdo lloj sporti tjeter...
ndersa per futbollin te kam kundershtar...megjithate edhe nje here RROFSH...
p.s me thuj ndonje fjale si ti nis fotot , se po e provoj po
nuk mi merr...

Pershendetje Inter_Forever
Mbas 1 jave do behesh kundershtar me i madh sepse do ju mundim me keq se vitin e kaluar.
Faleminderit per fjalet e mira.
Fotot postohen ne kete menyre
1.Ne fillim merr foton (save as) dhe kjo foto shkon aty ku ke faqen e fotove qe ke ne kompjuter.
2.Kur do te postosh foton duhet qe te shtypesh (kliko) Pergjigje dhe te del fusha ku mund te shkrush ndonje fjale (tekstin)
Pak me poshte shiko se shkruan Browse
kliko dhe te dalin te gjitha fotot qe ke dhe zgjidh ate te cilen do te postosh , ne ate foto kliko 2 here dhe mbetet vetem te klikosh mbi Postojeni Pergjigjen dhe gjithcka ne rregull.
Per c'do paqartesi mund te shkruash perseri.
Shendet...

Kupa e botes : Eleminiatoret e ''Gjermani 2006''

Shqiperia ne nje grup me ballkanaset Greqine dhe Turqine

Pas shortiti te hedhur ne Frankfurt te Gjermanise per ndeshjet eleminatore te Kupes se Botes 2006 Shqiperia ben pjese ne Grupin 2 grup ky i perbere nga 7 skuadra.Ky grup mund te quhet ndryshe edhe derbi ballkanas pasi ne te bejne pjese Greqia dhe Turqia.Kundershtari me i veshtire per skaudren tone kombetare mund te cilesohet Danimarka ekip qe eshte kualifikuar per ne Europianin 2004.Nje tjeter kundershtar i forte eshte edhe Ukraina e Andi Shevcenkos,ne kete menyre anullohet automatikisht ndeshaj miqesore e parashikuar me kete perfaqsuese ne muajin shkurt.Serisht perballe do te kemi Gjeorgjine pas ndeshjeve kualifikuese te Euro 2004.Ndersa per here te p[are do te ndeshemi me ekipin me te ri Euripian Kazakistainin.Duhet permendur fakti se me 5 nga keto perfaqsuese Shqiperia eshte perballur dhe me pare bile duke arritur edhe rezultate pozitive.Trainer Brigel pas shortit eshte shprehur se Shqiperia ka mundesi per te bere hapa perpara per te grumbulluar sa me shume pike duke pare kundershtaret.

Keto jane edhe 8 grupet e zones Europiane

Group 1
Czech Republic
Netherlands
Romania
Finland
F.Y.R. Macedonia
Armenia
Andorra

Group 2
Denmark
Turkey
Greece
Ukraine
Georgia
Albania
Kazakhstan

Group 3
Portugal
Russia
Slovakia
Latvia
Estonia
Liechtenstein
Luxembourg

Group 4
France
Republic of Ireland
Switzerland
Israel
Cyprus
Faroe Islands

Group 5
Italy
Slovenia
Scotland
Norway
Belarus
Moldova

Group 6
England
Poland
Austria
Wales
Northern Ireland
Azerbaijan

Group 7
Spain
Belgium
Serbia and Montenegro
Bosnia-Herzegovina
Lithuania
San Marino

Group 8
Sweden
Croatia
Bulgaria
Iceland
Hungary
Malta

Imazhe te Ngjitura

shqiperi-estoni-2-0.jpg (57.2 KB, 74 vezhgime)

Ngjarja e Javës: Shorti i Kupës së Botës 2006

Shqipëria midis Ballkanit dhe “Bashkimit Sovjetik”…

“Kujdes Kazakistanin! Fati i Shqipërisë mund të vendoset në Alma Ata!”

1. Më mbeti mendja te Kazakistani, me ardhjen ndër ne të të cilit për Kupën e Botës 2006, u plotësua një gjeopolitikë e pangjashme e futbollit. Kështu, pas Shortit të hedhur të premten në Frankfurt, Shqipëria është në Grupin 2 prej shtatë skuadrash, e ndarë në mënyrë kapriçioze midis Ballkanit dhe “Bashkimit Sovjetik”. Zona duket tejet hapësinore. Nis nga brigjet e Adriatikut, përshkohet në ato të Egjeut, mbërrin në Bosfor dhe pasi përshkohet përmes bregut të Dnjeprit në Ukrainë, vazhdon përmes Gjeorgjisë në Transkaukazi dhe degdiset në brigjet e Kaspikut deri në kufi me Kinën, e gati me Mongolinë! Ky ishte fati më i fundit “fantazmagorik” i Shqipërisë së futbollit, e cila për herë të dytë në histori bëhet pjesë e një grupi prej 7 skuadrash në një turne për kualifikimet botërore ose evropiane. (Kupa e Botës, Edicioni 1993-94).

Thashë, më mbeti mëndja te Kazakistani, sepse më duket se ai vetvetiu bëhet emblemë e kësaj gjeopolitike të re të futbollit. Ajo gjen strehë te ky Grup 2 ku është Shqipëria, e cila papritmas, na lidh me një të kaluar e të tashme vërtet të çuditëshme. Kazakistani ndërkaq, duket të jetë po aq një fakt i çuditshëm. Nuk merret vesh përse është futur në UEFA-n e Evropës, kur mbi 80-90 përqind bën pjesë në tokën e Azisë. Ne në Shqipëri e mbajmë mend filmin sovjetik “Kozakët e Kubanit”, që i çon ngjarjet diku aty afër Krasnodarit, kushtuar kazakve të Rusisë, ndonëse në Kazakistan ata përbëjnë shumicën. Janë 6.4 milion. Por kazakë ka edhe në Uzbekistan, Turkmeni, Kirgizi, Ukrainë, Taxhikistan, Afganistan, bile edhe në Turqi e deri në Kinë e Mongoli! Një botë po aq “fantazmagorike” që hynte në mendjen tonë po prej këtyre filmave sovjetikë të viteve ’50.

I ndarë midis 43 përqind të popullsisë kazake dhe bukur 35 përqind të asaj ruse, një barazpeshë thuajse midis besimit mysliman (47 përqind) dhe atij ortodoks rus (44 përqind), ky vend i pamatë euroaziatik që zotëron 5420 milion fuçi me naftë, është për ne vërtet emblema e një grupi kualifikues të Kupës së Botës 2006. Dhe fati i Shqipërisë mund të vendoset mijëra kilometra larg prej nesh, në Alma Ata. Atëherë “mjerë ne”?

Në Lojërat e fundit Olimpike, ato të Sidneit, një boksier kazakistanas i quajtur Bekzat Starkhanov u mbulua i gjithi në ar si kampion olimpik në peshën 54 kg. Bashkëatdhetari i tij Yermakan Ibraimov, i peshës 67 kg, po ashtu ar: kampion olimpik edhe ai. Bulat Jumadinov i peshës 48 kg rrëmbeu medaljen e argjëndtë si dhe Mukhtarkhan Dildabekov (+91 kg) po ashtu, që të dy nënkampionë olimpikë. Islam Bairamukov qe nënkampion olimpik në 97 kg të mundjes së lirë. Në çiklizëm Kazakistani është fuqia e 10-12 e botës, sipas Renditjes së UÇI-t. Alexandre Vinokourov fitoi në Sidnei medaljen e argjëndtë në garën e rrugës pas Jan Ulrihut të famshëm. Së bashku me Andrei Kivililev, ata i përkasin skuadrave të dëgjuara të çiklizmit, Telekom dhe Cofidis, duke qenë kështu, ndër profesionistët më të fortë të botës. Në Kampionatin Botëror të Atletikës të vitit 2003, dhjetgaristi kazakistanas Dimtry Karpov fitoi medaljen e bronztë me 8374 pikë. Nuk po shkojmë te Olimpiada Dimërore kur dihet që sportistë të shkëlqyer formohen tash mbi 30 vjet në Qendrën Sportive “Medeo” të Alma Ata-s, ndër më piktoresket dhe modernet në botë

Kemi të bëjmë kësisoj, me një ish sovjetik tejet sportiv, që qëndron mbi Shqipërinë. Mirëpo, ne nuk do të ndeshemi me Kazakistanin as në boks, dhe as në çiklizëm, mundje apo atletikë; e aq më pak në patinazh. Por në futboll, në të cilin FIFA e vendos Kazakistanin në vendin e 135-të në botë, gati 50 vënde poshtë Shqipërisë. Ndonëse nuk duhet harruar se kultura dhe dija sportive në tanësi, edhe pse nuk arrin të përçohet e njëjtë në shumë sporte, prap ndërhyn. Kazakistani, për çudinë tonë, e ka themeluar Federatën e tij të Futbollit 16 vjet para Shqipërisë, më 1914. Ndër themeluesit ka qenë futbollisti Myhtar Auezov (1897-1961), më pas shkrimtari më i madh i vendit, i përkthyer në 40 gjuhë të botës. Klubi më popullor është Kairat i Alma Ata-s, i cili një herë (1986) ka arritur deri në 7 skuadrat më të mira të kampionatit të parë të Bashkimit Sovjetik. Me emrin e mesfushorit Evgenij Jakovenko, Kazakistani ka sot e kësaj dite një Kampion Olimpik edhe në futboll, natyrisht nën fanelën e BRSS: në Olimpiadën e Seulit kur skuadra sovjetike pas 120 minutave mposhti 2-1 në fundoren dramatike për medaljen e artë, as më pak e as më shumë, por shì 11-shin e Brazilit ku ishin edhe Tafareli, Romario dhe Bebeto! Si i pavarur (1991), Kazakistani ka fituar 9 ndeshje në pjesëmarrjet e tij të pakta në Kupën e Botës edhe në futboll, përballë vetëm 5 të Shqipërisë e cila në tërësi ka një bilanc negativ, ndërsa kazakët e Alma Ata-s për çudi e kanë pozitiv! Ndeshjet e tij më të mëdha në këtë histori evropiane që sapo fillon, janë vetëm tri: 0-3 me Poloninë, 0-1 me Portugalinë dhe 2-2 me Maltën.

2. Dhe FIFA që e vendosi të fundit në Grupin 2 të kualifikimeve të Kupës së Botës, ku i parafundit është Shqipëria jonë, e cila në edicionin kualifikues të EURO 2004, që sapo shkoi, bëri një hap të bukur para: la prapa një shtet, zhvilloi ndeshje të shkëlqyera të paktën 4-5 herë, me bujë mposhti 3-1 Rusinë dhe tani kërkon të kalojë Kazakistanin, Gjeorgjinë, Greqinë, Ukrainën, Turqinë… Danimarkën. Trajneri Hans Peter Briegel ka thënë nën zë se duhet të synojmë kualifikimin. Dhe ky i Kupës së Botës 2006, të shfaqet si grupi më i mundëshëm për t’ia arritur një herë edhe Shqipëria e vogël.

Kazakistani i një sporti disa herë më të zhvilluar se Shqipëria, e që në futboll është i 135-ti i botës, ta do mëndja të jetë viktima më e sigurtë e jona. Mandej Gjeorgjia të cilën sapo e lëmë pas. Mandej Turqia, e vetmja e sapo kurorëzuar si një ndër më të mëdhenjtë e Botës, me të cilën kemi një bilanc pozitiv: 3 fitore për ne, 2 për të, 2 barazime, golat 11-5 për ne. Për herë të parë në histori Shqipëria ndodhet në një grup, shumicën e pjestarëve të të cilit, herë pas here i ka mundë. Historia na tregon se Shqipëria e ka mundur 2 herë Gjeorgjinë, 3 herë Turqinë, 3 herë Greqinë, madje 40 vjet më parë, më 1963, ka mundur 1 herë edhe Danimarkën. Rradhazi këto fitore që janë 9 dhe që nisin nga thellësia e vitit 1964, shprehen në këte kadencë: 1-0 Danimarkës, 3-0 Turqisë, 2-0 Greqisë, 1-0 Greqisë, 4-1 Turqisë, 2-1 Gjeorgjisë, 2-0 Greqisë, 2-0 Turqisë, 3-1 Gjeorgjisë! Prej shqiptarëve nuk është mundur asnjëherë Ukraina dhe me ta nuk ka patur asnjë ndeshje deri tani Kazakistani. Dhe papritmas “ta shtije frikën” bash ky, Kazakistani, të cilit ia kushtova këtë shkrim, sepse në Shqipëri nuk e njohin. Por dhe pse vërtet që ai është emblema thirrëse e këtij grupi.

E ndarë kësaj rradhe midis Ballkanit dhe “Bashkimit Sovjetik”, vërehet se Shqipëria është humbëse megjithate. Ndonëse dy herë kohët e fundit, Gjeorgjinë ajo e ka lënë pas në grupet për KE 2000 dhe për KE 2004. Duke iu kthyer Ballkanit është vërtet interesante të nënvizohet që edhe Greqinë, Shqipëria e ka lënë pas po dy herë: për KE 1964 ngaqë ajo nuk pranoi të ndeshej për shkak të ligjit të luftës, çka falë 3-0 në tryezë Shqipëria shkoi në 16-she të Evropës për herë të parë dhe të fundit në histori. E ka lënë pas edhe për KB 1986. Ndërsa Turqinë asnjëherë deri më sot, ndonëse më 1971, ndërmes bilancit pozitiv në tanësi, Shqipëria e ka shkatërruar ate 3-0 në Tiranë me Kombëtaren e Loro Boriçit për KE 1972.

Asnjëherë në historinë e 17 pjesëmarrjeve të saj, Shqipëria nuk ka kaq shumë kujtime të mira me kundërshtarët e saj, sa kësaj here. Duket se euforia ka pushtuar Tiranën. “Grup i lehtë”, po thuhet. Dhe natyrisht gjithë kjo statistikë historike optimiste e së kaluarës së afërt e të largët ndaj kundërshtarëve të herës, e nxit ate.

Dhe prap Kazakistani. Ai që duhet ta lemë pas plot siguri, shto dhe Gjeorgjinë që e kemi lënë mbrapa dy herë rrjesht për KE. Mandej, kur kthehemi në Ballkan, së bashku me Turqinë e Greqinë, formojmë treshen gadishullore, pjesë e historisë të së cilës jemi edhe ne. Mirëpo ky nuk është Ballkani i një kohe. Turqia qe e treta e Botës. Greqia sapo ka hyrë në fundoret e Portugali 2004. Asnjë shkak për të qenë optimistë! Ukrainës deri më sot Shqipëria nuk ka mundur t’i bëjë asgjë. Danimarka na ka mbytur në gola. Por ata nuk janë Angli, Francë, Hollandë, Spanjë, Gjermani, të cilave Shqipëria iu ka marrë vetëm 1 barazim në histori: 1967, Shqipëria - RF Gjermane 0-0.

Shqipëria e vogël, rëndom iu është nënshtruar të vegjëlve dhe u ka nxjerrë gjoksin për ndeshje dinjitoze ndaj të mëdhenjve të vërtetë. Duket si pompozitet ballkanik. Ja përse kësaj rradhe fati i saj mund të përcaktohet në Alma Ata. “E madhe me të mëdhenjtë, e vogël me të vegjëlit”, është sentenca ime e vjetër. Kësaj rradhe është një grup me 7 skuadra “të vogla” të gjitha. Ose të vegjël të mëdhenj.

3. Hans Peter Briegel ka thënë nën zë se mund të synohet një herë kualifikimi. Edicionin që shkoi Shqipëria nuk humbi asnjë ndeshje në tokën e vet. Kësaj rradhe kërkon të fitojë diçka edhe jashtë. Përshembull, në Alma Ata, para syve të kazakëve të Kazakistanit. Ndoshta edhe në Turqi ku kemi ftuar dy miqësore historike 4-1 dhe 2-0. Ndoshta edhe në Athinë ku kemi fituar një herë 2-0. Ballkani është toka jonë. Dhe mandej drejt e te ish sovjetikët, të cilët tash janë plot tre: Ukraina, Gjeorgjia, Kazakistani, bri njeri tjetrit. Ky është një grup në të cilin me sa duket, ka rëndësi vetëm kualifikimi për fundoret e Gjermani 2006. Çdo vend tjetër, nga 3 deri 7, të duket i pavlerë.

Ai do të jetë edhe një duel i mprehtë gjerman, dueli i armiqve Hans Peter Briegel të Shqipërisë dhe i Otto Rehnagel të Greqisë, të cilët nuk i flasin njeri tjetrit me gojë dhe mbajnë prapa shpine gjithë ambicjet ndërluftuese të tyre te Kaiserslautern. Nuk i dhanë dorën njeri tjetrit në Shortin e Frankfurtit. Edhe ky është një tregues më tepër për t’i shndërruar të paktën takimet Shqipëri –Greqi, në duele të pamshirshëm “gjermane”.

Shqipëria ka fituar vetëm pesë ndeshje për Kupën e Botës, qysh nga KB 1966 kur mori pjesë për herë të parë: 1-0 dhe 2-0 ndaj Finlandës, 1-0 Lituanisë, 2-0 Greqisë dhe 2-0 Belgjikës. Në 8 pjesëmarrje për Kupën e Botës. 6 herë ka dalë e fundit në grup dhe vetëm dy herë e parafundit: KB 1982 dhe KB 1986, duke lënë pas Finlandën dhe Greqinë, dhe vetëm për golaverazh! Nuk ka ku shkon më pak! Me një bilanc kësisoji, nuk ke gojë me folë dhe ndoshta as të shkruash gjatë.

E përcaktuar papritmas në një hapsirë euroaziatike, midis Ballkanit (Greqia, Turqia, Shqipëria) dhe “Bashkimit Sovjetik” (Ukraina, Gjeorgjia, Kazakistani), Shqipëria “gjermanike” e Hans Peter Briegelit ka shumë arësye për ta quajtur këte Short të pafat, kur kujton se i duhet të përpiqet të mos humbë “Nordin” e Evropës, Danimarkën. Ka ndërkaq edhe një arsye të fortë për ta quajtur edhe fatlum këte Short. Eshtë një Shqipëri që ndodhet në çastin e rritjes së saj, kur ka një pasuri të bukur futbollistike, me të cilën sapo ka shkelë Shekullin 20 të një mendësie tjetër: mendësisë së fitores, mendësisë së largimit prej vëndeve të fundit në renditje, mendësisë së modernizimit, çka nuk është e thënë se mund të përftohet përherë vetëm duke sfiduar përmes zhurmave fryrëse, të mëdhenjtë e të mëdhenjve, por më fort mbase duke mposhtur të vegjëlit e mëdhenj, ose të mëdhenjtë e rinj. Kështu vetvetiu, mbërrijmë përsëri tek emblema thirrëse e këtij shkrimi: “Kujdes Kazakistanin! Fati i Shqipërisë vërtet që mund të vendoset në Alma Ata!”

Besnik DIZDARI ''Gazeta Tema''

Thane pas shortit

Briegel
"Grupi eshte i forte. Turqia e Danimarka luajne futboll te nivelit shume te larte, Ukraina e Greqia synojne te jene sa me lart. Ne jemi autsajder, por mund te fitojme ne fushen tone me te gjithe".

Duka
"Ne mund te luajme me te gjithe keto ekipe. Me mire qe nuk na ra ne grup me Francen dhe Cekine. Ne kete grup mund te rivalizojme shume mire. Synojme kualifikimin, ndonese kjo nuk do te thote se do te kualifikohemi patjeter".

Hafizi
''Presidenti Duka thote se pretendohet kualifikimi per ne finalet e Boterorit 2006. Ky objektiv kerkon vemendjen maksimale. Me rezultatet e kaluara ne fushen tone, jemi bere me te forte dhe askush nga kundershtaret e forte nuk do te doje qe ndeshjen e fundit ta kete, me Shqiperine ne Tirane. Duhet qe ekipi kombetar te kete me shume lojtare, sepse do te kemi me shume ndeshje. Vendi i 4-t ne grup do te ishte arritje"

Bajko
"Ne kete grup ka ekipe qe luajne futboll te ndryshem, prandaj edhe pergatitja per keto ndeshje duhet te jete e ndryshme. Duhet te kemi shume kujdes nga Ukraina. Ajo ka rastin te synoje te ngjitet ne krye te grupit, duke mos pasur perballe kundershtare teper, teper te forte".

Brigel-Ros, dyshja gjermane me sytë nga 2006-ta

Hans Peter Brigel tashmë është trajneri i Shqipërisë. Gjermani, që dikur ka luajtur në Bundesligë me Kaizerslauternin, tani shpreson që ekipi i tij, Shqipëria, do të kualifikohet për në fazën finale të botërorit të 2006-s. "Duke qenë gjerman, shpresoj në një kualifikim për në botëror," - është shprehur Brigeli menjëherë pas shortit në Frankfurt.
Gjermani i drejton kuqezinjtë e Shqipërisë së bashku me ndihmësin dhe shokun e tij, Aksel Ros, që prej dhjetorit të vitit të shkuar. "Qëllimi ynë kryesor është rritja profesionale e ekipit," - shprehet Rosi. Ish-futbollisti gjerman ka braktisur studimet për ekonomi për të ndihmuar shokun e tij, Hans-Peter, në detyrën si trajner i kombëtares shqiptare. Objektivi i dy gjermanëve ishte kualifikimi për në Evropian, që për pak u arrit. Gjithsesi, skuadra e tyre, Shqipëria, nuk është mundur asnjëherë në Tiranë, kjo edhe për meritë të dy gjermanëve. Në fillim të tetorit, dyshja gjermane nënshkroi një tjetër kontratë me presidentin e Federatës Shqiptare të Futbollit, Armand Duka. Pra, deri në 2006-n, Brigel-Ros do të jenë trajnerët e Shqipërisë. E gjithë skuadra shqiptare luan jashtë vendit, madje 5 lojtarë aktivizohen në Bundesligën 1 dhe 2.
"Siç e prisnim, kushtet e Shqipërisë janë plotësisht të kundërta me ato në Gjermani," - shprehet Rosi. - Në atë vend ka njerëz të pasur, por edhe të varfër, çka tregon për kontrastin e madh shoqëror," - shprehet ndihmësi i Brigelit. Për sa i përket pjesës profesionale futbollit, Rosi shprehet se Shqipëria ka bërë shumë përparime në një kohë të shkurtër. "Fituam me Rusinë 3-1 dhe njerëzit kërcenin nëpër rrugë," - kujton Akseli. Gjermani thotë se kjo ndodh vetëm kur një skuadër e Bundesligës fiton kampionatin në vendin e tij. Gjithsesi, dy gjermanët do të bëjnë të pamundurën për t'i prerë Shqipërisë një "biletë" për në Gjermani 2006. Këtë e përforcon edhe fjala e Rosit: "Kujdes! Mund të jemi surpriza e radhës," - përfundon Aksel Rosi.
marrë nga www.FIFAworldcup.com

Brigeli, të hënën në Tiranë për "zborin" nr.2

Trajneri i kombëtares, Hans Peter Brigel, do të jetë të hënën në mesditë në Tiranë për "zborin" nr.2. Kanë qenë burime nga sektori i ekipeve kombëtare, të cilat e kanë konfirmuar një fakt të tillë. Kështu, gjermani, së bashku me ndihmësin e tij, Ros, në orën 12.30 do të mbërrrijë në Rinas. Trajneri i kuqezinjve, menjëherë do të akomodohet në Linzë, ku do të bëhet grumbullimi i të gjithë "zboristëve". Të gjithë së bashku, më pas do të udhëtojnë drejt Kamzës, për stërvitjen e parë me futbollistët e kampionatit shqiptar të futbollit. Mësohet se lista e futbollistëve do të ketë shumë pak ndryshime nga ajo e muajit të kaluar. Me shumë gjasa, Brigeli, sipas burimeve të besueshme në FSHF, do të shohë këtë radhë edhe disa futbollistë mbrojtës të kampionatit shqiptar. Nuk përjashtohen emra të njohur të kampioantit shqiptar, si Behari dhe ndonjë tjetër. Gjithsesi, në FSHF, të komunikojnë se lista e "zboristëve" do të publikohet vetëm atë ditë kur Brigeli të jetë në Tiranë. "Zbori" do të zgjatë vetëm 3 ditë.

Brigel largohet nga Kaizerslauterni

Hans Peter Brigel, anëtari i komitetit drejtues të Kaizerslauternit, një ditë para asamblesë së këtij klubi ka dhënë dorëheqjen nga funksionet e tij. Lajmi nuk është i ri, pasi largimi i Brigelit nga strukturat drejtuese të klubit të Kaizerslauternit ishte paralajmëruar që më 24 nëntor nga vetë trajneri i Shqipërisë. Shkaku i largimit të trajnerit të kombëtares shqiptare nga kryesia e klubit të Kaizerslauternit janë bërë mosmarrëveshjet e tij me presidentin Rene Jagi.

Këshilltarët e Brigelit vëzhgojnë futbollistët

Hans Peter Brigel nuk e ka vendosur ende numrin dhe emrat e lojtarëve të kampionatit shqiptar që do të thërrasë për grumbullimin e dytë stërvitor. Ndonëse kanë mbetur vetëm dy ditë nga grumbullimi, gjermani dhe bashkëpunëtorët e tij në FSHF-ja, nuk janë bindur ende se kush do të jenë futbollistët, me të cilët do të punojë për tre ditë me radhë trajneri i përfaqësueses. Megjithëse pranohet se grupi do të jetë thuajse i njëjtë, Brigel dëshiron të presë fundjavën para se të vendosë. Në fakt, gjermani nuk do të jetë i pranishëm në Tiranë deri të hënën. Dhe më shumë se vendime të tij bëhet fjalë për këshilla të bashkëpunëtorëve në FSHF, të cilët do të shpërndahen sot në takimet e javës së 16-të. Nga burime pranë këtyre këshilltarëve mësohet se vëmendja do të jetë e përqendruar tek takimi mes Vllaznisë dhe Besës. Në qendër të vëmendjes do të jenë disa të rinj të këtyre dy skuadrave dhe sidomos të skuadrës shkodrane. Tashmë nuk është më një gjë e fshehtë fakti se bëmat e dyshes së mbrojtjes shkodrane Belisha-Teli kanë mbërritur deri tek veshët e trajnerit Brigel. Kjo dyshe së bashku me të riun tjetër Ahi, po të Vllaznisë, do të jenë nën vëzhgim. Po kështu nuk përjashtohet edhe ndonjë surprizë tjetër. është thuajse e pranuar se lojtarët e grumbullimit të parë, do të jenë thuajse të gjithë, megjithëse burime të sigurta thonë se Brigel ka bërë disa përjashtime. Gjermani nga Rinasi do të paraqitet direkt në qendrën stërvitore të Kamzës ditën e hënë për të testuar të grumbulluarit e kampionatit tonë. Nga grumbullimi i parë i realizuar para disa javësh Brigel ka përzgjedhur menjëherë tre futbollistë të cilët janë përfshirë në radhët e kuqezinjve në miqësoren me Estoninë të zhvilluar në “Qemal Stafa”.

besoj se kampionati shqipetre ka shume talente por keto duhet te testohen ne ndeshje miqesore per ti marre frytet qe te nxjerre emra te medhenj si beqaj aliaj etj

__________________
brus lee

Me te veretete ka talent shume por ata talent qe kane fat te gjejne nje klub dhe te luajne jashte jane ''shikohen'' me shume nga tranieret dhe specialistet e futboliit Shqiptar.
Dhe nga kjo arsye shume talente merren per kombetaren pas nje moshe realitivisht te vjeter ose nuk merren kurre.

Trajneri gjerman do të jetë pjesëtar i jurisë në Festivalin e 42-të të Këngës në RTSH

Brigeli, pas kombëtares edhe festivalin

Trajneri i kombëtares shqiptare, gjermani Hans Peter Brigel, përveçse të përzgjedhë elementët cilësorë kuqezinj për skuadrën që drejton, do të ketë rastin të tregojë se ka edhe vesh muzike. Nuk është fjala për t'i mësuar melodinë apo tekstin e himnit tonë kombëtar, të cilin kuqezinjtë që drejton, por edhe të gjithë futbolldashësit shqiptarë në stadiume e mbajnë në gojë para dhe gjatë zhvillimit të ndeshjeve të kombëtares, por për diçka tjetër. Pasi do të zhvillojë seancat e "zborit" me të përzgjedhurit e kampionatit shqiptar për 3 ditë në kompleksin e ekipeve kombëtare në Kamëz, trajneri ynë kuqezi do të provojë një eksperiencë krejtësisht të re. Nuk mund të thuash me saktësi sesa lidhje ka për gjermanin sporti, në rastin konkret futbolli, me muzikën, por Brigelit do t'i duhet të demonstrojë se është profesionist edhe në këtë gjininë e fundit. Të enjten, të premten dhe të shtunën e kësaj jave, Brigeli do të jetë i ftuar në Festivalin e 42-të të Këngës në RTSH. Madje jo vetëm kaq, sepse gjermani nuk do të jetë thjesht spektator. Me ftesë të regjisorit të këtij spektakli tradicional të këngës sonë, Pali Kukes, njeriu i stolit kuqezi do të bëjë pjesë në jurinë e festivalit. Ka qenë kjo zgjedhja e drejtuesve të kësaj veprimtarie, e cila ka gjetur edhe mirëkuptimin dhe pëlqimin e Brigelit. Kësisoj, gjermanit do t'i duhet të japë votën e tij edhe për këngën më të mirë, apo këngëtarin më të mirë, në përqasje me çmimet që do të shpërndajnë drejtuesit e festivalit.

''Sporti Shqiptar''