Ekipi Kombëtar - Faqja 2

AlbShkodra · #36 10-10-2003, 16:26

Federata shkarkon mjekun e kombëtares, Heqimi

Lluka Heqimi nuk do të jetë këtej e tutje mjeku i kombëtares shqiptare. Lajmin e ka bërë të ditur vetë ish-mjeku i kombëtares. Sipas Heqimit, shefi i sektorit të ekipeve kombëtare, Besnik Çela, e ka thirrur në Federatë dhe i ka komunikuar zyrtarisht se, me urdhër të presidentit Duka, nuk do të jetë më mjeku i ekipit kombëtar këtej e tutje. Kështu, edhe Lluka Heqimi nuk është nisur për në Lisbonë.

AlbShkodra · #37 10-10-2003, 16:27

Përsëri Shkëmbi, peng i vizës

Edhe Blendi Shkëmbi nuk ka mbërritur ende në Lisbonë për t'u bashkuar me ekipin kombëtar shqiptar. Sërish pengesë për këtë futbollist është bërë viza. Në fakt, një nga shkaktarët e mospajisjes në kohë me vizë të këtij futbollisti është bërë klubi i Rijekës. Ky i fundit vetëm dje i ka dorëzuar shqiptarit faksin e FSHF-së, kështu që për Shkëmbin nuk mjafton koha që të pajiset me vizë dhe me të gjitha gjasat nuk do të marrë pjesë në miqësoren me Portugalinë.

AlbShkodra · #38 10-10-2003, 16:28

Trajneri i Portugalisë, braziliani i Seleçaos, vlerëson ndeshjen miqësore ndaj kuqezinjve

Skolari: Shqipëria, test për finalet e Evropianit

Trajneri i Portugalisë, Luis Felipe Skolari, e ka cilësuar miqësoren e 11 tetorit me Portugalinë një nga ndeshjet më rëndësishme në përgatitjet për Evropianin e 2004-s. Trajneri i portugezëve, i cili vitin që kaloi është shpallur kampion bote me Brazilin, është shprehur me superlativa për ekipin e Shqipërisë. "Eshtë një ekip shumë i mirë dhe shumë i fortë. Të drejtuar nga trajneri i tyre, Brigeli, ekipi shqiptar, prej disa kohësh zhvillon lojëra shumë të mira. Do të jetë një ndeshje mjaft e mirë, ku të gjithë do të dalin të kënaqur pas 90 minutave të së shtunës. Për sa i përket skuadrës që unë drejtoj, ndeshjen me Shqipërinë ne e konsiderojmë një nga takimet më vlefshme për finalet e Evropianit, që do të zhvillohet këtu në vendin tonë," - është shprehur Skolari. Sipas tij, ndeshja miqësore me Shqipërinë ka një vlerë shumë të madhe, pasi në Evropian skuadra e tij do të ndeshet me ekipe si Shqipëria, të cilat luajnë një futboll të ngjashëm me lojën e kuqezinjve. "Duke luajtur me kundërshtarë si Shqipëria, ne arrijmë të kuptojmë më mirë lojën e këtyre ekipeve, të cilat, nëse kalojnë në avantazh, janë shumë të rrezikshme dhe mund të na kushtojnë shtrenjtë," - ka përfunduar Skolari. Trajneri i Portugalisë, prej dy ditësh, ka filluar grumbullimin për ndeshjen me Shqipërinë dhe menjëherë është ndeshur me disa dëmtime te futbollistët e ekipit. Kështu, me të gjitha gjasat, nuk do të jetë i gatshëm për Skolarin Deko, por në dyshim janë edhe disa lojtarë të tjerë. Gjithsesi, në kampin portugez, për ndeshjen me Shqipërinë, flitet vetëm një gjuhë: fitorja.

Sporti Shqiptar

AlbShkodra · #39 10-10-2003, 17:30

Portugalia: Hugo Viana, titullar ndaj Shqiperise

Trajneri Luiz Felipe ka vendosur qe Hugo Viana te jete titullar ne ndeshjen miqesore ndaj Shqiperise, neser ne Lisbone. Mesfushori do te jete e reja me e madhe sipas gazetes "A bola". Scolari kishte ne mbrojtje Miguel, Fernando Couto, Jorge Andrade dhe Miguel, ne mesin e fushes ishin Costinha, Hugo Viana e Rui Costa, ndersa ne sulm Figo, Boa Morte dhe Pauleta si qendersulmues.

AlbShkodra · #40 10-10-2003, 17:39

Vështirësia e Netzer, Shqipëria e '67

Një nga revistat më prestigjioze gjermane "Spiegel" në nënrubrikën e saj të sportit, të titulluar si "Citati i Ditës" i referohet polemikave të fundit midis trajnerit të Kombëtares gjermane, Rudi Fëler dhe ish-lojtarit të Kombëtares gjermane, që tashmë është një nga komentatorët më në zë, në rrjetet televizive gjermane, Gynter Netzer, i cili kujton "dushin me ujë të ftohtë" që morën dikur në Shqipërinë e 1967.Pas ndeshjes kundër Islandës 0:0 e vlefshme për eliminatoret e Evropianit 2004, komentatorët e Televizionit shtetëror gjerman, Gerhard Delling dhe Günter Netzer të bëheshin objektivi i inatit të papërmbajtur të trajnerit të Kombëtares gjermane, Rudi Völler. Netzer duket se nuk i kanë bërë shumë përshtypje sulmet kundër tij. Në një nga ndeshjet e tij të zhvilluara me Kombëtaren, kur ai ishte pjesëtar i saj, kanë qenë po ekspertët që e kanë kritikuar me tone të larta e madje e kanë sharë. "Askush nuk ndodhej në aeroport për të na pritur - përvec personelit të aeroportit. Madje, edhe prej tyre ne u shamë. "Ish-lojtari i Kombëtares gjermane dhe tashmë komentator në rrjetet shtetërore televizive, Günter Netzer, 59 vjeç, kujton pra në këtë mënyrë kthimin e tij për në atdhe, pas barazimit të hidhur shqiptar më 17 dhjetor 1967, në Tiranë. Kombëtarja gjermane luajti asokohe kundër ekipit shqiptar dhe nuk arriti dot të marrë veçse një 0:0. Netzer, që ka qenë edhe kampion i Evropës më 1972 dhe gjithashtu kampion bote më 1974, e përshkruan remi-në e marrë në Shqipëri "një pikë kulmore". Nëpërmjet ndarjes së pikëve me ekipin shqiptar, Gjermania humbi kualifikimin për në Europianin e vitit 1968, gjë e cila përbënte "një mëkat" të madh për Kombëtaren e famshme gjermane të asaj kohe.

AlbShkodra · #41 10-10-2003, 17:59

Kuqezinjtë e kampionatit, në dispozicion të Brigelit

Trajneri gjerman i Kombëtares shqiptare, Hans Peter Brigel, ka pasur në mbrëmjen e djeshme të gjithë futbollistët e thirrur për sfidën miqësore kundër Portugalisë që do të zhvillohet nesër më mbrëmje në stadiumin e Lisbonës. Dje i janë bashkuar pjesës tjetër në kampin kuqezi në hotelin lluksoz ”Marriott” edhe pjesa tjetër e ekipit. Futbollistët e kampionatit shqiptar të cilët kishin marrë ftesat e trajnerit gjerman, por që kanë qenë të impenjuar në ndeshjet e javës së shtatë të kampionatit shqiptar të futbollit janë nisur dje për në Lisbonë së bashku me një pjesë të delegacionit shqiptar. Lika, Muka, Dabulla, Duro e Ndreka janë vënë në dispocicion të Brigelit që ka kompletuar kështu grupin e 20 lojtarëve që kishte parashikuar për këtë miqësore. Kombëtarja do të zhvillojë edhe sot pasdite një seancë stërvitore, për të pritur më pas sfidën prestigjoze të të shtunës në mbrëmje me ekipin e futbollit evropian, Luais Figo, Rui Costa.

AlbShkodra · #42 11-10-2003, 01:05

Vleresim nga kundershtari

Gazeta "A Bola", futbolli shqiptar ne syte e portugezeve

Thellesisht e ndikuar nga vitet e gjate te izolimit, kombetarja shqiptare po tregon shenja ringjalljeje. Kjo kombetare e re shqiptare, sidomos ne ndeshjen ne fushen e vet, ka treguar nje nivel cilesor dhe kulture loje te papritur, duke pasur parasysh te kaluaren e afert nderkombetare te saj. Po te shikosh ndeshjet me te mira te shqiptareve (kunder Rusise 3-1 dhe Irlandes 0-0) veren se niveli teknik i lojtareve eshte shume i mire dhe se preferohet futbolli me pasim te shkurter. Sipas stilit te lojes, ne thelb te tij, ky eshte ekip shume teknik, thuajse latin, me tentativen per te luajtur futboll harmonik.

Pika e forte e Shqiperise eshte mesi i fushes ku dallohen 5 figura: Skela, nje lojtar qe mund te luaje ne te dy krahet e fushes dhe qe ka epoke te gjate ne futbollin gjerman (Erzgebirge, Manheim, Frankfurt), Hasi me shume pervoje qe ka bere karriere ne Belgjike (aktualisht te Anderlecht), Duro qe eshte i vetmi element qe luan ne Shqiperi me Partizanin, Murati nje talent jo i rregullt qe luan ne Greqi me Iraklis, ndersa si yll suprem i konstelacionit shqiptar, Altin Lala, shtylle e Hannover 96 gjerman, motori dhe organizatori qe rregullon gjithe lojen e ekipit. Ne kete pesheshe me nivel te shkelqyer, shtohet premtimi i madh 20-vjecar, Cana, qe vleresohet nga Halilhoxhic te Paris SG. Ne sulm ka nje dyshe interesante, qe me karakteristikat e krejt te ndryshme qe ka, pershtatet per mrekulli: gjigandi Tare dhe i shkathti Rraklli, nje veteran 34 vjec, shume i afte ne levizje dhe qe ka 11 vjet ne Gjermani.

Skeda e mundshme

Sot, ora 22.15, ne O'Porto

Portugali-Shqiperi

Portugalia: Ricardo, Miguel, Fernando Couto, Jorge Andrade, Rui Jorge, Cotinha, Hugo

Viana, Rui Costa, Figo, Boa Morte, Pauletta

Shqiperia: Strakosha, Beqiri, Aliaj, Cipi, Hasi, Cana, Skela, Duro, Murati (Haxhi), Tare, Rraklli.

AlbShkodra · #43 11-10-2003, 01:10

Briegel: "I kenaqur edhe me humbje 1-3"

Hans-Peter Briegel eshte nga 1 janari i ketij viti, trajneri i kombetares se Shqiperise, duke zevendesuar ne kete detyre italianin Giuseppe Dossena. Lojtar shembullor, (nje karriere e shkelqyer), ai u zgjodh Futbollist i Vitit me 1985 dhe ka qene 72 here me kombetaren e Gjermanise, duke dale kampion i Europes me 1980, dhe kampion i Italise me 1984/85, me pelo Veronen (luajti 27 nga 30 ndeshjet e Serise A dhe shenoi 9 gola). Ne Bundeslige, luajti 240 ndeshje dhe shenoi 47 gola, arriti dy here ne podium ne 1979 e 1980, duke dale ne vend te trete me Kaiserslautern, klubi i tij i perhershem ne te cilin ishte edhe zv.president i Keshillit Administrator, duke luajtur dy here ne finalen e Kupes se Gjermanise (1976 e 1981).Modest ne karrieren e tij si trajner. Federata Shqiptare e Futbollit i ka mbeshtetur te gjitha shpresat te gjermani. Per te ndryshuar kursin e historise dhe per te bere te mundur ne keta dy vjet kontrate qe kombetarja shqiptare te arrije ne finalet e Boterorit 2006, pasi deshtoi per te arritur ne finalet e Euro 2004. Per ndeshjen e sotme, premton ekip te motivuar, por thote se do te ishte i kenaqur edhe me nje humbje 3-1. Duke thene se shenimi i golit ne Portugali do te jete nje arritje. Hans-Peter Briegel eshte 48 vjec e 9 dite. Ja nje interviste per gazeten portugeze, "A bola":

-Me cfare motivi vini te luani ne Portugali. Si e prisni kete ndeshje?

"Me kenaqesi. Jemi te lumtur qe do te mund te luajme ndaj Portugalise, nje kombetare qe ben pjese ne eliten e ngushte te fituesve te mundshem te Euro 2004. Lojtaret e Shqiperise mund te perfitojne shumet sepse pervoja nderkombetare eshte e domosdoshme per te gjithe lojtaret, ndersa per Shqiperine eshte edhe me shume e nevojshme".

-Por shumica e lojtareve shqiptare luajne jashte vendit ...

"Eshte e vertete, e di se ka nder ata qe luajne me ekipet e tyre ne Kupen UEFA dhe ne Ligen e Kampioneve. Ne Greqi, per shembull luajne ne ekipe te liges se pare, por edhe ne ata te liges se dyte. Te tjere luajne ne Itali, por jo te gjithe jane titullare. Tani jane 3 lojtare te Eintracht Frankfurt, por ekipi luan qe te mos bjere nga kategoria. Pak lojtare kane pervoje nderkombetare dhe kjo, eshte e qarte, qe eshte nje dizavantazh".

-Fakti qe Shqiperia ka qene nje vend i izoluar nga bota per shume e shume vjet, a i krijon problem psikologjik futbollisteve tuaj?

"Sot, jo. Sic e thashe, shumica e tyre luajne jashte dhe po mesohen me jeten jashte vendit. Por eshte e nevojshme pervoja dhe udhetimi jashte vendit per ata lojtare qe luajne ende ne Shqiperi. Jane vetem 3 ose 4 ne kete kombetare, por eshte e nevojshme qe te rrisim kete numer dhe t'i pergatisim per te luajtur jashte vendit. Jemi duke shtuar punen me kombetaren B, per kete qellim dhe lumturisht pas Portugalise do te luajme ne nje turne ne mes te shkurtit, ne Itali. Kjo pervoje nderkombetare do na vleje dhe nuk ka rendesi nese do humbim apo jo".

-Kete te shtune, a do jene nervoze lojtaret tuaj dhe a do i kerkojne nje autograph Figos ...

"(Briegel leshon nje te qeshur para se te jape pergjigje) Shpresoj qe jo. Do te flas me lojtaret e mi qe te luajne si duhet".

-Cfare Shqiperie do jete perballe Portugalise sot?

"Une po punoj me 16-17 lojtare, por nuk mund te them se cilet do te jene 11 lojtaret qe do te luajne. Kjo eshte ende nje problem. Nese dikush demtohet apo pezullohet, gjithnje eshte nje problem. Lala, per shembull qe luan ne Hannover, eshte shume i rendesishem per ne. Vlen ne mbulim te kundershtarit dhe ne organizimin e lojes, por eshte i demtuar... Eshte e veshtire ta zevendesoj, ndonese kemi disa lojtare ne dispozicion".

-Cfare motivacioni kishit kur pranuat detyren e trajnerit te kombetares? Nuk ishit mire si zv.president i Keshillit Administrativ te Kaiserslautern?

"Shqiperia ka pasur gjithnje emer te mire ne Gjermani. Shqiptaret gjithnje ia kane bere jeten te veshtire kombetares gjermane. Nje here dolem 0-0 (me 1967 dhe kjo quhet "Turpi i Tiranes") dhe nuk arritem te kualifikoheshim per ne finalet e Europianit. Ne ndeshjet e tjera kemi fituar me rezultat shume te ngushte, disa here me golin e fitores te shenuar ne minutat e fundit, tip 2-1, 4-3, 3-2. Hera e fundit qe kemi fituar me thelle ka qene 2-0. Ne anen tjeter, te stervitesh nje perfaqesuese kombetare eshte shume interesante dhe nje pervoje motivuese. Kam pranuar te zgjas kontraten deri ne vitin 2006".

-A jane shqiptaret te kenaqur me punen tuaj?

"Per Shqiperine kam punuar me kenaqesi. Me mua kombetarja luajti 6 ndeshje dhe fitoi 7 pike. Barazuam me Zvicren (1-1), mundem Rusine Rúsine (3-1) dhe Gjeorgjine (3-1). Ishte shume e rendesishme per shqiptaret qe fituan dy ndeshje dhe qe premton per me tej. Per kete jam i kenaqur dhe prandaj e kam zgjatur kontraten".

-Futbolli ne Shqiperi eshte sic shkruante nje gazete gjermane, "nje mjet kunder halleve te perditshme dhe per te cilin flasin te medhenj e te vegjel".

-Cdo fitore eshte nje gezim i madh. Barazimi ne shtepi me Irlanden u cilesua si shume eksitues! Eshte shume me rendesi te vazhdojme t'i motivojme keta lojtare, t'i bejme te besojne se mund te mposhtin edhe ekipet me te forte te kontinentit. Ky eshte mentaliteti".

-Nje ceshtje motivimi ...

"Dhe mentalitet i duhur. Eshte e veshtire te behet motivimi kur kundershtari eshte pak i forte. Eshte nje problem i shumices se lojtareve shqiptare qe ndjehen te motivuar vetem kur luajne perballe te medhenjve".

-Pra, ndaj Portugalise, duhet te jene shume te motivuar ...

"Motivimi eshte i madh, por jo aq sa duhet. Ka lojtare qe vazhdojne te mendojne per klubet ku luajne. 15 vjet me pare ishte ndryshe. Atehere shqiptaret luanin ndryshe. E di se do kem nje ekip te motivuar kete te shtune, por jam i qarte se do ta kemi jeten te veshtire. Nje rezultat i mire do te ishte edhe nje humbje 1-3, per shembull. Por t'i shenojme nje gol Portugalise do te jete shume e rendesishme. Do te jete nje sukses".

''KORRIERI''

AlbShkodra · #44 11-10-2003, 14:18

Trajneri i Portugalisë bën gati skuadrën për ndeshjen e sotme miqësore me kuqezinjtë tanë

Skolari, edhe Viana në 11-shen anti-Shqipëri

Hugo Viana do të jetë sot në ndeshjen kundër Shqipërisë e reja më e madhe e trajnerit. Drejtuesi i Portugalisë ka zhvilluar dje një stërvitje, në bazën e së cilës ka qenë shpejtësia në sulm dhe nga krahët. Luis Felipe Skolari duket i qetë, pasi tashmë e ka zgjidhur taktikën që do të përdorë kundër kombëtares shqiptare. Vetëm me një sulmues të deklaruar (Pauleta), Felipe është përpjekur të ndërtojë një ekip, i cili armën më të fortë e ka te krahët. Trajneri brazilian ka në dispozicion dy futbollistë me tipare sulmuese, plus dhe futbollistin e Paris SG-it. Trajneri i Portugalisë ka dëshirë të luajë kundër kombëtares shqiptare me një skemë 4-3-3, ku mendohet të ketë disa surpriza në mes të fushës. Kostinja do të jetë një mbështetës i Rui Kostës dhe i Hugo Vianës dhe kështu, sipas trajnerit të Portugalisë, skuadra do të jetë e ekuilibruar. Pas një periudhe si futbollist i 21-vjeçarëve, Viana, futbollisti i Njukasëllit, do të luajë titullar në ekipin e parë, pikërisht në ndeshjen me Shqipërinë. Të pakën ky vendim i marrë nga Skolari është kuptuar nga stërvitjet e fundit, që kombëtarja portugeze ka zhvilluar në Lisbonë. Skolari u ka kërkuar sulmuesve dhe mesfushorëve të luajnë më shumë nga krahët. "I rëndësishëm është goli i parë. Nëse arrijmë të shënojmë, do të jetë shumë e lehtë. Por nëse kundërshtarët shënojnë dhe kthehen në mbrojtje, do të jetë shumë e vështirë, - është shprehur Skolari. - Ndeshjen më të mirë duhet ta nxjerrim sot kundër Shqipërisë," - ka përfunduar trajneri i Portugalisë. Për sa i përket 11-shes, skuadra do të jetë e njëjtë si në ndeshjen me Norvegjinë. Vetëm Fresheja do të qëndrojë në stol dhe do të zëvendësohet nga Viana. Në portë, Rikardoja është titullar, ndërkohë që në mbrojtje do të luajnë Migueli, Fernando Kouto, Jorge Andrade dhe Rui Jorge. Mesfusha do të jetë e përbërë prej Kostinës, Hugo Vianës dhe Rui Kostës. Në sulm do të jenë Figo, Luis Morte dhe Pauleta.

Ja formacioni i Portugalisë
Rikardo, Miguel, Kouto, Andrade, Rui Zhorzh, Kostinja, Viana, Rui Kosta, Luis Figo, Luis Morte, Pauleta

AlbShkodra · #45 11-10-2003, 14:19

Shtypi sportiv vendës ka analizuar kombëtaren shqiptare dhe ecurinë e saj në Euro 2004

Shqipëria në sytë e portugezëve

Historikisht, kombëtarja shqiptare konsiderohet nga portugezët një nga ekipet më të dobëta të Evropës. Për herë të parë në gjithë historinë e saj, skuadra shqiptare ka qenë në luftë për t'u kualifikuar në finalet e një Evropiani, si edhe në këtë sezon. Madje këtë herë, kjo kombëtare nuk është mundur asnjëherë në shtëpinë e saj në këto eliminatore, duke e lënë vendin e fundit të grupit 10. Ambicia për një kualifikim për Euro 2004-n nuk është se u shua dhe 11 të besuarit e Brigelit kanë hyrë në një etapë tjetër, duke mos e shuar ëndrrën e tyre për lavdi në të gjithë botën. Edhe trajneri gjerman është i bindur se këtë herë ekipi i tij nuk do të dështojë.
Ndonëse prej kohësh një vend i izoluar nga të gjitha gjërat, përfshi edhe futbollin, Shqipëria ka filluar të japë shenjat e para të rilindjes dhe të një epoke të re. Përmirësimet në jetën sociale të njerëzve kanë ndikuar edhe te futbolli, i cili prej kohësh ka filluar një ngritje cilësore. Tashmë ish-futbollistët më të mirë të kampionatit shqiptar në kohët e vjetra i kanë zëvendësuar lojtarët që luajnë nëpër Evropë. Gjithsesi, skuadra shqiptare luan një futboll të bukur dhe gjithmonë përdor një rreshtim 3-5-2, që gjatë ndeshjes të duket më shumë se një 3-4-1-2. Kjo kombëtare, sidomos me këtë sistem loje, ka qenë një nga ekipet më të forta evropiane dhe gjatë eliminatoreve për Evropianin nuk ka humbur asnjëherë në fushën e saj. Ndeshjen më të mirë kjo kombëtare e ka zhvilluar kundër Rusisë, me të cilën para disa muajsh ka fituar 3-1. Por një meritë të madhe ka pasur edhe trajneri i kombëtares, Hans Peter Brigel, si dhe futbollistët e skuadrës, të cilët, duke u aktivizuar në skuadrat evropiane, kanë mësuar të luajnë futboll modern. Mesfusha e ekipit shqiptar është shumë e fortë dhe di të luajë shumë mirë me topin. Në këtë sektor të fushës, pra në mesfushë, luajnë 5 futbollistë shumë cilësorë si Skela. Ky fundit luan në të gjithë fushën dhe është një nga futbollistët më të mirë nga ana teknike. Veç Skelës është edhe Hasi, një shkatërrues, i cili aktivizohet me Anderlehtin, futbollist shumë i fortë, krijues dhe një prej titullarëve të ekipit. Lala dhe Murati, dy futbollistë shumë të mirë, të cilët janë mbështetësit e sulmit kuqezi, konsiderohen lojtarët më të mirë të skuadrës. Lala, veç të qenit lider te Hanoveri, është i tillë edhe në kombëtaren shqiptare. Por në këtë ndeshje Lala nuk do të jetë dhe kështu vendin e tij do ta zërë një nga talentet e mëdha të kombëtares shqiptare, Lorik Cana, aktualisht futbollist i Paris SG-it. Në sulm, kombëtarja shqiptare ka dy futbollistë shumë interesantë, shumë të ndryshëm nga njëri-tjetri. Bëhet fjalë për veteranin Altin Rraklli, shumë i rrezikshëm dhe i shpejtë. Ky i fundit së bashku me gjigantin Tare, një sulmues shumë i fortë dhe mjaft i rrezikshëm në lojën në ajër, janë dyshja e sulmit kuqezi.

AlbShkodra · #46 11-10-2003, 14:20

Futbollisti portugez flet për ndeshjen e sotme me Shqipërinë
Freshe: Të mos gënjehemi nga kundërshtari

"Edhe pse kundërshtari i sotëm i Portugalisë është modest, përqendrimi dhe motivimi për fitore duhet të jetë i lartë." Kështu është shprehur një nga futbollistët e Portugalisë, Freshe, një ditë para ndeshjes me Shqipërinë. Futbollisti i Boavistës, gjatë një interviste për shtypin portugez, është shprehur se ekipi i Portugalisë duhet të mendojë seriozisht për ndeshjen dhe jo të shohë emrin e kundërshtarit dhe të mos përkushtohet. "Shqipëria, me sa më kanë thënë, është një ekip shumë i fortë, ndaj për të arritur fitoren do të jetë shumë e vështirë," - është shprehur portugezi. Por futbollisti i Boavistës ka zbuluar edhe një sekret. Skolari, në stërvitjen e djeshme, u ka kërkuar futbollistëve të luajnë sa më lirshëm dhe të mos kenë mëshirë për Shqipërinë sot në Lisbonë.
Edhe pse Fresheja nuk është një nga zgjedhjet e para të Skolarit për ndeshjen e sotme, ai është i gatshëm të zbatojë urdhrat e trajnerit. "Kundërshtari është modest, ndërsa ekipi ynë është në momentin e tij më të mirë. Duke u bazuar te fjalët e Skolarit, ndeshja e sotme duhet të fitohet me çdo kusht,"- ka vijuar më tej Fresheja. Sipas këtij të fundit, kombëtarja e Shqipërisë është ekipi ideal për të treguar vlerat, edhe pse ndeshja duhet të merret me seriozitet nga futbollistët portugezë. Gjithsesi, sipas Freshesë, skuadra e tij, Portugalia, do ta ketë shumë të lehtë të fitojë kundër Shqipërisë sot në mbrëmje në "Stadio do Restelo".

AlbShkodra · #47 11-10-2003, 14:21

Flet për "Sportin shqiptar" portieri legjendar kuqezi, Foto Strakosha

Portugalia, për dinjitetin e kombëtares

Nga Athina, Ramadan BIGZA

Nuk është rastësi zgjedhja e Portugalisë për të luajtur me Shqipërinë. Ky është dhe mendimi i numrit 1 të portës shqiptare: "Jo, nuk besoj se jemi zgjedhur rastësisht për të luajtur me portugezët. Ekipi ynë ka zhvilluar ndeshja mjaft të mira." Kështu tha për "Sportin shqiptar" Strakosha. Në fjalët e tij shihej qartë njëfarë gëzimi, njëfarë entuziazmi, njëfarë optimizmi. Më shumë sesa për vete, për kombëtaren. Në këtë rast, gjithçka është e ligjshme. Organizatorja e kampionatit të ardhshëm europian është kundërshtarja më e fortë që ka ndeshur ndonjëherë Shqipëria në të ashtuquajturat ndeshje miqësore. Portugezët nuk i kanë quajtur kot "brazilianët e Evropës".
Biseda me Strakoshën nuk kishte objekt kampionatin vendës, por pragndeshjen Portugali-Shqipëri. Shqetësimi është i ligjshëm. Kombëtarja ka rëndësinë e vet dhe të bën të mendosh për të, edhe pse je shumë kilometra larg vendit. Shqetësimin e ndien edhe te një njeri si Strakosha, i cili, ndonëse ka një përvojë të madhe, aq sa mund të ketë krijuar imunitet ndaj emocioneve të tilla, mendon shumë për ndeshjen e 11 tetorit. Portieri ynë i ka zhvilluar të plota ndeshjet e kampionatit grek, duke luajtur në 5 javë 450 minuta. Jo vetëm kaq, por ai ka zhvilluar ndeshje të shkëlqyera, duke treguar formën e tij të mirë që gëzon. Foto Strakosha, i cili i kaluar tashmë 38 vjetët, thotë se ndeshja me Portugalinë është shumë e vështirë. Por ai ka një optimizëm të madh, kur thotë se, në qoftë se ekipi ynë do të jetë në ditë të mirë, mund të bëjë ndonjë surprizë. Portieri shqiptar ka besim tek ekipi dhe nuk lëkundet, edhe pse i kujton humbjen e shpresave për të shkuar në Lisbonë si protagonist i finaleve të Evropianit. "Megjithatë,- thotë Strakosha,- unë kam besim tek ekipi. Ne e kemi provuar veten edhe në ndeshje shumë të vështira. Kur kemi luajtur fort, kemi bërë edhe mrekullinë."
Por portieri ynë ngulmon në atë se nuk ka skuadra të dobëta. Dhe për këtë kujton fitoret e ekipit tonë kombëtar në miqësoret me Turqinë. "Kur luan kombëtarja,- thotë ai,- gjithkush kërkon të japë diçka më shumë, pavarësisht se kjo ndeshje është miqësore apo për diçka tjetër. Në këto raste përgjegjësia duhet të jetë vërtet e madhe,"- shton portieri, i cili ka 13 vjet që është larguar nga Shqipëria.
Por njeriu që e ka mbrojtur më shumë se askush portën e kombëtares së Shqipërisë, thotë se ndeshja, edhe pse miqësore me Portugalinë, është një ngjarje që duhet vlerësuar shumë. Portieri ynë, që është kthyer tashmë në një legjendë të portës shqiptare, për arsye të rekordeve që ka kapërcyer, siç është mosha 38 vjeç dhe 62 ndeshjet me fanellën kuqezi, thotë për miqësoren e sotme: "Portugalia do të jetë ndeshje dinjiteti për kombëtaren tonë. Ne do të luajmë ndaj një ekipi tepër të fortë, të vlerësuar mjaft nga të huajt, që ka në gjirin e vet lojtarë klasi, si Figo, Rui Kosta etj., por mbi të gjitha që ka një trajner të madh, si Skolari, i cili ka arritur ta nxjerrë Brazilin edhe kampion bote. Vetëm mendimi se do të luajmë me këtë ekip të jep kënaqësi, jo më të arrish ndonjë rezultat të kënaqshëm." Këtu e përfundon bisedën e tij për "Sportin shqiptar" Foto Strakosha.

Olsi AVDIAJ 'Sporti Shqiptar'