Kombëtarja kalon klasën në Talin

Kombëtarja shqiptare ndoshta ka marrë një barazim më me vlera në ndeshjet miqësore që ka zhvilluar ndonjëherë. Kjo nisur nga fakti i numrit të vogël të futbollistëve që kishte në dispozicion trajneri Brigel. Po çfarë kishte pozitive ndeshja miqësore e luajtur mbrëmë kundër Estonisë? Së pari, morëm një barazim ndaj një kundërshtari që është më lart se ne (nisur nga renditja e FIFA?s). Madje ky barazim u arrit në trasfertë, edhe pse me pak kujdes mund të ishte fituar. Së dyti, kombëtarja shqiptare po fiton nga ndeshja në ndeshje talente të reja. Përsëri janë parë në fushën e lojës (ashtu si në ndeshjen miqësore kundër Islandës) shumë lojtarë nga kampionati shqiptar. Ilion Lika e fillon lojën si titullar. Kjo do të thotë shumë për numrin dy të portës shqiptare. Janë aktivizuar katër lojtarë nga kampionati kombëtar (vetëm Ndreka mbeti në stol), por po të kishte qenë dhe Devi Muka, me siguri do të ishte në fushë. Së treti, për herë të parë kombëtarja shqiptare ka mirorganizuar një pjesë loje (të parën), duke e dominuar në të gjitha aspektet. Futbollistët tanë ndiheshin liderë në fushën e lojës, duke e qarkulluar topin në mënyrë perfekte. Ndërsa kundërshtari më shumë mundohej të përfintonte nga ndonjë gabim yni (ndonjëherë dhe ia doli mbanë) sesa të sulmonte. Të mos harrojmë që ndeshja luhej në Estoni dhe ne bëmë një pjesë të parë loje sikur ndeshja luhej në fushën tonë. Së fundi, kësaj radhe shënojmë të parët dhe mundohemi të miradministrojmë rezultatin (do të jetë vendimtare në ndeshjet eliminatore të botërorit), pavarësisht se nuk ia dolëm mbanë. Nga kjo pikëpamje, ne duhet të ishim treguar më të shpejtë në kundërsulm, duke shënuar edhe një gol, i cili do të ishte i sigurisë. Estonezët, duke parë ndoshta dhe presionin e publikut (nuk ishte si yni), e kanë rritur forcën sulmuese gjatë pjesës së dytë. Duhet ta pranojmë se kundër Estonisë kemi qenë edhe me fat, pasi vetëm traversa na ka shpëtuar në dy raste. Kuptohet që fati është pjesë e lojës. Mbase fati është me ne kur luajmë mirë? Gjithsesi, ai i mbrëmshmi duhet konsideruar një barazim me vlera, pasi loja nuk i përgjigjet rezultatit. Ndoshta kombëtarja e Brigelit do të kishte dalë e fituar nga stadiumi kombëtar i Estonisë, nëse do t'i kishte në përbërje të gjithë "legjionarët" kuqezinj. Megjithatë, me atë kontigjent që kishte, Brigeli mori një barazim që duhet përgëzuar. Estonezët nuk arritën dot të hakmerreshin për rezultatin e ndeshjes së parë, zhvilluar në Tiranë më 15 nëntor 2003, ndërsa ne vazhdojmë të jemi të pathyeshëm për vitin 2004, duke marrë dy fitore dhe një barazim, madje me kundërshtarë më të fortë. Në këto kushte lind pyetja: A do t'i përballojë kjo kombëtare rivalët në ndeshjet eliminatore të botërorit 2006? Përgjigjja i takon së ardhmes, ndonëse diçka mund të hamendësohet për mirë. Duke u përballur denjësisht me kundërshtarë si Estonia, Suedia, Islanda apo dhe Portugalia (pavarësisht nga humbja), nuk kemi pse të kemi frikë nga disa rivalë të grupit tonë, të paktën nga Gjeorgjia dhe Ukraina, por edhe nga Greqia dhe Turqia.
Eduard Ilnica


Kuqezinjtë, pas 4 fitoresh radhazi në shtëpi, barazojnë 1-1 në trasfertë me estonezët
Kombëtarja: Barazimi, buzëqeshja e ngrirë në Talin
Estoni - Shqipëri 1-1

Estonia
1 ? Poom
2 ? Jaager
3 ? Stepanov
4 ? Piiroja
5 ? Klavan
6 ? Rahn
7 ? Rooba (14?Smironov 73')
8 ? Reim
9 ? Viikmae
10 ? Oper
11 ? Lindpere (19?Kink 80')

Shqipëria:
12 ? Lika (1?Strakosha 46')
2 ? A.Beqiri
4 ? Dede
21 ? E.Beqiri
11 ? Aliaj
6 ? Hasi
14 ? Lala (16?Haxhi 46')
7 ? Murati (13?Skela 46')
18? K.Duro
8 ? Bushi (23?Kapllani 67')
17 ? Tare (9?Myrtaj 89')
Shënues: Aliaj 51', Viikmae 80'
Gjyqtar: Andrejs Sipailo (Letoni)
Kartonë të verdhë: Tare, Hasi, Skela.

"Radiografia"
5'- Sulmuesi i Estonisë, Oper, ka një rast të pastër për shënim. Përballë Likës, ai gjuan jashtë, por më parë është sinjalizuar një pozicion jashtë loje.
10'- Aliaj kroson bukur nga e majta për Taren brenda zonës, por ndërhyn me shpejtësi mbrojtësi Piroja, duke larguar topin në goditje këndi para se ai të mbërrijë te koka e shtatlartit kuqezi.
14'- Dede kthen një top të rrezikshëm prapa. Korrigjon gabimin e shokut të tij E.Beqiri, i cili e largon topin para se sulmuesi estonez të kërcënojo portën e Shqipërisë.
19'- Goditje dënimi në favor të estonezëve, e cila ekzekutohet nga Lindpere. Gjuan me kokë Ran, por pa problem për Likën.
22'- Reim ekzekuton një goditje nga këndi. Grushton topin portieri Lika, duke larguar rrezikun nga zona e rreptësisë.
23'- Murati kroson një top në zonë, pas një goditjeje dënimi, por Bushi nuk arrin të gjuajë me kokë drejt portës kundërshtare.
26'- Lala gjuan fort me të djathtën në një pozicion ballor, por pret i sigurt portieri Poom.
27'- Lala provon sërish nga distanca, por gjen të gatshëm portierin e Estonisë, i cili kontrollon topin.
28'- Oper gjuan nga një pozicion diagonal, por topi përfundon jashtë kuadratit të portës së mbrojtur nga Lika.
35'- Një tjetër kthim i gabuar i topit prapa i Dedes dhe Estonia ka mundësi të shënojë me anë të sulmuesit Vikmae. Del në mënyrë të gabuar edhe portieri Lika, por korrigjon më pas Dede, duke bllokuar gjuajtjen e kundërshtarit në momentin final.
40'- Kundërsulm i shpejtë i Estonisë pas një gabimi të Lalës në mesfushë. Krosim i rrezikshëm në zonë nga e majta, por spastron zonën Elvin Beqiri.
43'- Duro harkon topin në zonë nga një goditje dënimi, por nuk gjen asnjë nga shokët e tij, pasi ndërhyn saktë mbrojtja estoneze.
49'- Krosim i rrezikshëm i estonezëve në zonë, por grushton topin Strakosha, duke e larguar në goditje këndi.
50'- Skela, i futur në lojë në pjesën e dytë të takimit, provon me një gjuajtje jashtë zonës. Pret me qetësi portieri Poom.
53'- Aliaj kalon Shqipërinë në avantazh. Vlonjati merr një top të saktë brenda zonës nga Hasi, gjuan me qetësi dhe topi përfundon në rrjetë. Shqipëria udhëheq 1-0.
55'- Oper gjen hapësirë në afërsi të zonës dhe gjuan menjëherë, por topi nuk gjen dot kuadratin e portës.
56'- Estonia pranë golit të barazimit. Piroja gjuan bukur me kokë, por është shtylla traversale ajo që i vjen në ndihmë portierit Strakosha.
59'- Porta e Shqipërisë shpëton për mrekulli. Sërish me fat portieri Strakosha, pasi edhe njëherë topi përplaset në traun e portës. Ka qenë sërish mbrojtësi Piroja ai që ka goditur bukur me kokë.
63'- Estonezët kanë një mundësi mjaft të mirë për të shënuar, por E.Beqiri bllokon topin e gjuajtur nga sulmuesit kundërshtarë në momentin e fundit.
66'- Estonezët i afrohen sërish golit të barazimit. Krosim i rrezikshëm tokazi nga e majta, por ndërhyn saktë E.Beqiri, duke larguar topin.
70'- Jager provon me një gjuajtje të fortë nga distanca, por në mënyrë krejtësisht të gabuar.
71'- E.Beqiri largon topin nga këmbët e sulmuesit Vikmae në momentin kur ky i fundit kishte dalë përballë Strakoshës dhe do të gjuante drejt portës.
73'- Oper gjuan jashtë zonës me të djathtën, por pa gjetur kuadratin e portës së Strakoshës.
75'- Duro kërkon të japë një top për Skelën brenda zonës, por janë të kujdesshëm mbrojtësit estonezë, të cilët largojnë rrezikun.
78'- Duro fiton një goditje dënimi në afërsi të zonës së rreptësisë. Ekzekuton Aliaj me të majtën dhe portieri Poom është i detyruar ta largojë topin në goditje këndi.
81'- Vikmae arrin ta barazojë rezultatin. Sulmuesi estonez merr një top brenda zonës, rrotullohet dhe gjuan menjëhere në drejtim të portës. Topi përplaset në shtyllën e djathtë pingule dhe më pas përfundon në rrjetë. Barazim 1-1.
87'- Skela nuk arrin të gjuajë drejt kuadratit, pasi bllokohet në momentin e fundit nga mbrojtja kundërshtare.
88'- Vikmae fiton një dyluftim me Duron dhe hyn në zonën e rreptësisë, por bllokohet nga Aliaj përpara se të gjuajë.
90'- Goditje dënimi për Estoninë në kufijtë e zonës së rreptësisë. Gjuan Reim, por largon topin mbrojtja jonë.



Vlerësimet e protagonistëve kuqezinj
Ilion Lika
Portieri i bluve të Dinamos ka shfaqur një lojë relativisht të mirë, ndonëse duhet thënë se në 45 minutat në të cilat u aktivizua nuk pati shumë punë. Megjithatë, Lika dje është shfaqur i sigurt në daljet nga porta, duke qenë i lëkundur vetëm në një rast. Duket se do të jetë pikërisht ai post-Strakosha në kombëtare.

Elvin Beqiri
Gabimi në pësimin e golit të barazimit e zbeh fare pak ndeshjen e tij. Beqiri është rikthyer si qendërmbrojtës pikërisht dje dhe ka zhvilluar një lojë të pëlqyeshme dhe mjaft efikase. Shkodrani tashmë është një element i palëvizshëm në formacionin e Brigelit.

Nevil Dede
Një lojë e relativisht pëlqyeshme, por që gjithsesi pati oshilacione të vogla. Një gabim në kthimin e topit mund t'i kishte kushtuar rëndë ekipit, megjithatë, në tërësi, Dede ka bërë jë paraqitje pozitive në miqësoren e djeshme.

Ardit Beqiri
Një tjetër lojtar i kampionatit tonë, që starton takimin si titullar. Pjesa e parë nuk do t'i hapë shumë telashe mesfushorit të Partizanit, por në të dytën përgjegjësia rritet së tepërmi. Mund të ishte shfaqur më ngulmues në çaste të caktuara.

Ardian Aliaj
Është pa dyshim idhulli i ri i tifozerisë kuqezi. Aliaj ka shënuar sërish dje, duke pasur mesataren më të mirë ndeshje-gol, mbase në tërë historinë e kombëtares sonë. Gjashtë ndeshje dhe gjashtë gola të shënuar flasin vetë. Për sa i përket aspektit taktik të lojës, roli i ri që duhej të mbulonte mbase nuk ka qenë më i përshtatshmi për të. Megjithatë, dje ka qenë më i miri në fushë për kuqezinjtë.

Edvin Murati
Një pjesë e parë jo fort e kënaqshme. Ka luajtur më i tërhequr se zakonisht, duke mos dhënë rendimentin e zakonshëm. Dalje jo të shpejta dhe një mosorientim me mbrojtjen nuk e kanë bërë mbrëmjen e djeshme mjaft të mirë për mesfushorin e Iraklisit.

Besnik Hasi
Kapiteni i kuqezinjve ka qenë një ndër më të lëvizshmit dhe më të saktit në ndërhyrje për tanët. Aktivizimi i tij për 90 minuta tregon edhe njëherë vlerën dhe domosdoshmërinë e tij në kombëtare. Pjesa e dytë ka qenë më e lodhshme për të, megjithatë ai ka ditur ta përballojë situatën. Mjaft deciziv në dhënien e asistit për Aliajn.

Altin Lala
"Zotëria 100%" nuk ishte në maksimumin e tij. U përpoq që të ndihmonte sulmin e skuadrës gjatë aktivizimit të tij, por nuk ka mundur t'i konkretizojë ashtu siç duhet aksionet. Në pjesën e parë ka qenë i vetmi që ka tentuar të godasë portën kundërshtare nga distanca.

Klodian Duro
Nuk ka qenë roli më i përshtatshëm ai i fillimit të ndeshjes për elbasanasin. Nuk është përshtatur siç duhet me pjesën tjetër të skuadrës në pjesën e parë. Pjesa e dytë e ka gjetur Duron në pozicionin e tij natyral në kombëtare dhe rendimenti është ngritur ndjeshëm. Megjithatë, dje nuk ka qenë në një ditë të mirë.

Igli Tare
Mbase nuk ka qenë moduli më i përshtatshëm për t'i shërbyer shtatlartit kuqezi. Në pjesën e parë ishte thuajse inekzistent, pasi nuk është shërbyer shumë nga pjesa tjetër e ekipit. Në të dytën është përpjekur që të bëjë diçka më shumë, por nuk ka mundur të realizojë një lojë të bukur.

Alban Bushi
Nuk ka treguar thuajse asgjë gjatë gjithë aktivizimit të tij. Është shfaqur mjaft individualist dhe nuk ka vepruar si duhet përpara në ndihmë të Tares. Në 45 minutat e dyta ka kërkuar që të japë diçka më tepër, por nuk ka mundur që të hyjë në lojë. Mbase duhej të ishte ndërruar më shpejt.

Foto Strakosha
I pafaj në rastin e pësimit të golit. Nuk ka pasur asnjë përgjegjësi në rreziqet që kalonte porta jonë. Vazhdon të jetë konstant në paraqitjet e tij, ndonëse dje u aktivizua vetëm 45 minuta.

Altin Haxhi
I jep më shumë ritëm krahut të majtë të mesfushës sonë, por nuk ka arritur të punojë siç duhet në fazën mbrojtëse. Është përpjekur të luajë për skuadrën gjatë aktivizimit të tij, por ka shfaqur një pasiguri të theksuar në shërbimet për shokët.

Ervin Skela
Hyrja e tij në lojë ishte faktori kryesor i shënimit të golit. Fantazia e tij i dha më tepër vizion lojës sulmuese dhe aksionet u bënë më të rrjedhshme. Nuk ka pasur mbështetjen totale të skuadrës gjatë pjesës së dytë, në minutat në të cilat u aktivizua.

Etmond Kapllani
Pritej më shumë prej tij, por nuk arriti të bënte të njëjtën paraqitje si ndaj Suedisë në "Qemal Stafa". Pak topa të luajtur dhe një dobësi e theksuar në shkëputjet nga krahët.

Florian Myrtaj
Nuk luajti thuajse fare. Minutat në të cilat u aktivizua nuk ishin të mjaftueshme për të pasqyruar realisht formën e tij.

Imazhe te Ngjitura

aliaj-suedinnnnnnnnnnnn,h.jpg (33.0 KB, 12 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Trajneri i kombëtares shqiptare është i kënaqur nga barazimi i marrë në ndeshjen miqësore kundër Estonisë

"Nga mënyra sesi vajtën gjërat në Estoni, nuk ka pse mos të jem i kënaqur me rezultatin e ndeshjes. Një barazim jashtë fushës sonë në ato rrethana, them se është shumë pozitiv," - mësohet të ketë qenë vlerësimi i trajnerit të kombëtares shqiptare, Hans Peter Brigel, për ndeshjen e fundit miqësore që Shqipëria zhvilloi në Talin kundër Estonisë. Trajneri gjerman ka treguar edhe vështirësitë që pati kjo ndeshje miqësore, ndryshe nga të tjerat: "Numri i vogël i lojtarëve që kam pasur në dispozicion nuk ma dha mundësinë e zëvendësimeve të "luksit". Sikur të mos mjaftonte kjo, kam pasur mjaft ndërhyrje nga klubet ku luajnë "legjionarët" shqiptarë për të mos i aktivizuar më shumë se 45 minuta."

Numri një i kombëtares shqiptare ka përmendur edhe emrat e disa klubeve, të cilët i kanë kërkuar të mos i aktivizojë shumë minuta lojtarët e kombëtares që bën pjesë në ekipet e tyre. Kështu, Hanoveri i Lalës, Frankfurti i Skelës, Verona e Myrtajt i kanë kërkuar trajnerit gjerman (kuptohet miqësisht) që futbollisti i tyre të mos luajë më shumë se një pjesë loje. Dhe në fakt ashtu ka ndodhur. Lala dhe Skela janë aktivizuar jo më shumë se 45 minuta, kurse Myrtaj vetëm sa vrapoi në fushë. Ndërsa Iraklisi i Muratit vazhdon me kapriçiot e tij ndaj grumbullimit të mesfushorit shqiptar me kuqezinjtë. Klubi grek sërish nuk ka dashur ta lërë të grumbullohet me ekipin kombëtar Edvin Muratin. Pra, me atë kontigjent lojtarësh në dispozicion, ku aktivizimi i shumicës prej tyre kushtëzohej nga skuadrat e tyre, mund të thuhet se Brigeli i kishte duart "të lidhura" nga klubet dhe se ai ka plotësisht të drejtë të jetë i kënaqur për rezultatin që mori në Estoni. Gjermani ka vlerësuar edhe lojën e disa lojtarëve të rinj të kombëtares, të cilët aktivizohen në kampionatin kombëtar. Vlerësimet kësaj here kanë qenë për Ardit Beqirin e Partizanit dhe portierin Ilion Lika të Dinamos. Këta, sipas Brigelit kanë qenë në lartësinë e duhur, pavarësisht nga emocionet që shfaqën. Lojtari më i mirë në fushë, sipas Brigelit, ka qenë Elvin Beqiri, i cili ka bërë një ndeshje perfekte, duke bërë të mos ndihet mungesa e mbrojtësit Geri Çipi. Të mos harrojmë që Elvin Beqiri është ndjekur në atë ndeshje nga një trajner i madh gjerman, si Klaus Topmëler, ish-trajner i Leverkusenit, tani trajner i Hamburgut. Topmëleri është takuar edhe me Brigelin, por më gjatë ka folur me Aksel Rosin, zëvendëstrajnerin e kombëtares shqiptare. Tema e bisedës ka qenë ndjekja e disa lojtarëve shqiptarë, të cilët mendohet të kalojnë së shpejti në Bundesligë, madje jo më kot Topmëleri ka udhëtuar në Estoni. Përveç Elvin Beqirit, mendohet të jetë ndjekur edhe Edmond Kapllani, lojtar që aktivizohet në radhët e Besës.

Hans Peter Brigel do të rikthehet më 5 maj në Shqipëri. Ai do t'i grumbullojë sërish më të mirët e kampionatit kombëtar. Do të jetë "zbori" i katërt që trajneri gjerman do të zhvillojë brenda këtij sezoni me kandidatët për në kombëtare. Më 8 maj, ai do të ndjekë një ndeshje të kampionatit shqiptar. Kësaj here mendohet të jetë ndeshja mes Besës dhe Shkumbinit, që do të ndiqet nga trajneri i kombëtares. Eshtë përzgjedhur kjo ndeshje, pasi të dyja skuadrat do të luajnë fort për mbijetesën në A1.

Sporti Shqiptar

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kombëtarja, në sfond miqësorja me Japoninë?

Kombëtarja shqiptare mund të luajë një ndeshje miqësore në muajin maj me ekipin përfaqësues të Japonisë. Kanë qenë burime shumë të sigurta që e kanë bërë të ditur një fakt të tillë. Ka qenë kompania që ka blerë të drejtën televizive të kuqezinjve, "Sport Five", ajo që ka ndërmjetësuar për këtë ndeshje miqësore. Japonezët, siç flitet, e kanë pranuar këtë kërkesë edhe për faktin se ekipi i tyre gjatë muajit maj do të zhvillojë një turne miqësor nëpër Evropë, ndaj një miqësore me Shqipërinë për ta do të ishte shumë e volitshme. Gjithsesi, kjo ende nuk është mbyllur përfundimisht dhe në Federatën Shqiptare të Futbollit pritet një faks konfirmues nga japonezët.
Edhe pse burimet në federatë e pohojnë zhvillimin e kësaj miqësoreje, për datën e ndeshjes të gjithë japin përgjigje evazive. Mendohet që takimi Shqipëri?Japoni të luhet më 28 maj në Tiranë, ndryshe nga ç'ishte menduar pas ndeshjes me Islandën, kur trajneri Brigel kishte pohuar se do të bënte të pamundurën që kuqezinjtë të zhvillonin një miqësore, qoftë edhe me ndonjë klub gjerman më 22 maj. Gjithsesi, nëse gjithçka konfirmohet, pra Shqipëri?Japoni do të luhet më 28 maj, kuqezinjtë do të zhvillojnë miqësoren e 4?t në 2004-n. Me përfaqësuesen e Japonisë, Shqipëria në historinë e saj futbollistike nuk është ndeshur asnjëherë. Takimi i majit mund të jetë përballja e parë mes kombëtares sonë dhe asaj japoneze. Sikurse dihet, në stolin e kombëtares japoneze është ulur i mirënjohuri Ziko, ish?futbollisti legjendar i kombëtares braziliane. Kombëtarja japoneze aktualisht ndodhet në vendin e 26?të renditjes së FIFA?s dhe është një nga kombëtaret më të mira të futbollit në Azi, së bashku me Korenë e Jugut.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Grekët inspektojnë "Qemal Stafën"

Punonjës të Federatës Greke të Futbollit prej dy ditësh ndodhen në Shqipëri për të parë nga afër kushtet që afron vendi ynë në prag të ndeshjes së parë për eliminatoret e Botërorit të 2006?s. Ky fakt është bërë i ditur dje në FSHF. Sipas burimeve pranë zyrës së shtypit të Federatës së Futbollit, në Tiranë prej dy ditësh është akomoduar shefi i sektorit të ekipeve kombëtare greke. Ky i fundit, sipas informacioneve, gjatë qëndrimit në Tiranë ka vizituar stadiumin kombëtar "Qemal Stafa" si dhe stadiumin "Selman Stërmasi". Ndërkohë, shefi i sektorti të ekipeve kombëtare greke ka vizituar të gjitha hotelet e Tiranës. Sipas zëdhënësit të shtypit në federatë, Nurishmi, shefi i ekipeve kombëtare greke ka zhvilluar një inspektim për t'u njohur me gjendjen e ambienteve në prag të takimit Shqipëri?Greqi, që do të zhvillohet më 4 shtator në Tiranë. Ndërkohë, në FSHF të bëjnë të ditur se së shpejti edhe Federata Shqiptare e Futbollit do të dërgojë në Greqi një punonjës të saj për të parë nga afër vendin se ku do të akomodohet dhe ku do ta luajë Shqipëria ndeshjen me Greqinë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Bie miqësorja Shqipëri-Japoni. Aziatikët zgjedhin një tjetër kundërshtar për më 28 maj
Japonia, "jo" Shqipërisë për miqësore

Federata Japoneze e Futbollit e ka hedhur në erë idenë e përhapur para pak ditësh rreth një miqësoreje mes Shqipërisë dhe ekipit kombëtar nga Azia. Dje, drejtues të FSHF-së kanë paraqitur një faks të mbërritur nga Federata Japoneze e Futbollit, që i kthente përgjigje negative ftesës së Federatës Shqiptare të Futbollit, rreth kërkesës së kësaj të fundit për një ndeshje miqësore mes dy kombëtareve.

Në faksin e mbërritur në FSHF, sekretari i përgjithshëm i federatës japoneze falënderonte palën shqiptare për ftesën, por nga ana tjetër shkruante se miqësorja e projektuar për t'u luajtur mes Shqipërisë dhe Japonisë nuk mund të zhvillohet në muajin maj. Sipas palës japoneze, skuadra e tyre kombëtare që aktualisht po zhvillon një turne në Evropë, për datën e lirë të muajit maj e ka gjetur një kundërshtar dhe kështu nuk mund të luajë me Shqipërisë, siç ishte përfolur një ditë më parë. Ndërkohë, në FSHF konfirmojnë se pala japoneze e ka lënë të hapur shtegun për një miqësore mes tyre. Në faksin e dërguar në Federatën Shqiptare të Futbollit shkruhej se federata japoneze është e gatshme që në një të ardhme të afërt të organizojë një ndeshje miqësore mes dy shteteve. Kështu, pas këtij lajmi kombëtarja shqiptare sërish është në kërkim të një kundërshtari për një miqësore në muajin maj. Për kuqezinjtë, sërish mbetet karta "Brigel". Gjermani i kombëtares shqiptare, që prej ndeshjes me Islandën, u kishte premtuar zyrtarëve të FSHF-së se do të bënte të pamundurën për të gjetur një kundërshtar për kuqezinjtë, që kërkojnë të luajnë një miqësore në fund të majit.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Traineri gjerman i kuqezinjve, Hans Peter Briegel, ka menduar te zhvilloje "zborin" e rradhes ne muajin gusht. Eshte menduar nje grumbullim tre-ditor me datat 9, 10 e 11 te ketij muaji ne kompleksin e Kamzes. Tani per tani ky eshte vetem nje planifikim, pasi per te realizuar kete "zbor" do te duhet edhe leja e klubeve per lojtaret e tyre. Sipas drejtuesve te FSHF-se, deri tani skuadra e Tiranes eshte treguar e gatshme. Nese gjithcka shkon sic duhet, atehere traineri Briegel do te mberrije ne Shqiperi me date 8 gusht. Te tilla "zbore" ishin bere thuajse te permuajshme nga ana e gjermanit, por ne kohet e fundit kishte rene qetesia pasi lojtaret ishin te angazhuar ne kompeticionet europiane me skuadrat e tyre, sic ndodhi me Teuten, Vllaznine e Dinamon, kurse per Tiranen e Partizanin "rruga" europiane vazhdon ende.
Ju ftojme te jepni mendimet tuaja per lojtaret, ndeshjet dhe gjithcka ndodh rreth ekipit tone kombetar. Ju faleminderit!

Vetëm 18 ditë na ndajnë nga miqësorja me Qipron. Ç'bëhet me kuqezinjtë?

"Letargjia" e frikshme e kombëtares

U bë gati një muaj që FSHF ja po merret me ankandin e shitjes së të drejtës televizive të ndeshjeve të kombëtares. Po kështu, burime në FSHF konfirmojnë edhe interesimin e drejtuesve të këtij institucioni për të gjetur një firmë të specializuar, e cila do të shtypë biletat e ndeshjes së 4 shtatorit me Greqinë, të tilla që të mos falsifikohen dot nga askush. Pra nuk është se nuk po merren njerëzit e futbollit me përgatitjen e ndeshjes së shumëpritur me kampionët e rinj të Evropës. Megjithatë, edhe pse flitet për të drejtën televizive të kombëtares, apo për detaje të tjera të këtij lloji, një gjë nuk po kuptohet ende. Ku është kombëtarja e Shqipërisë, mos ndoshta ajo ekziston vetëm në letër? Ku janë sistemuar dhe a po stërviten kuqezinjtë e saj? Po trajneri Brigel ç'po bën, etj, etj? Të tilla pyetjeve nuk kanë qenë në gjendje t'u japin përgjigje as zyrtarët e FSHF-së. Prej këtej natyrshëm lind pyetja: Ç'do të shohin sportdashësit e shumtë kuqezinj më 4 shtator, kur në "Qemal Stafa" të zbresë Greqia, kampionia e Evropës? Përgjigjja e supozuar të lë të nënkuptosh se drejtuesit e FSHF-së, por edhe trajneri Brigel, mendojnë se kuqezinjtë janë më të fortë se kurrë, pasi vijnë pas në këtë ballafaqim pas një serie rezultatesh pozitive. Ndoshta është edhe kështu. Gjithsesi, kombëtarja jonë aktualisht ekziston vetëm si emër në letër, pasi gjendja e saj është një ekuacion me shumë të panjohura për FSHF në. Duke e lënë mënjanë trajnerin Brigel, i cili duket se edhe "zboret" kërkon t'i zhvillojë në atdheun e tij, pasi është më komode për të, federata nuk duhet të ketë pushim në këtë muaj. Ndeshja e 4 shtatorit është te dera, prandaj koha nuk pret. Por më mirë të mos e hedhim vështrimin aq larg, pasi "paradhoma" e Greqisë është Qiproja. Edhe për këtë miqësore, që do të zhvillohet më 18 gusht, pothuajse asgjë nuk është bërë. Absurde kjo, kur nga të gjithë kjo miqësore konsiderohet si testi gjeneral para "provës së zjarrit" me Greqinë. Edhe pse na ndajnë 18 ditë nga ndeshja miqësore qipriote, na duket se trajneri i kombëtares nuk e ka vënë "ujin në zjarr" për të. Ai nuk duket në Tiranë qysh prej qershorit dhe vetëm në fund të gushtit do ta prekë tokën shqiptare. Trajneri Brigel, skuadrën kuqezi do ta presë në kryeqytetin qipriot (?!) Normalisht ai duhet të ishte që tani në zyrën e tij në FSHF, ku të kontaktonte me të gjithë kuqezinjtë dhe të dinte se ç'bëhet me ta. Jo vetëm që nuk do të ishte keq, por mendojmë se duhet të jetë detyrë funksionale e tij, të vinte dhe të shikonte ndeshjet "evropiane" të skuadrave tona, Tirana, Partizani dhe Dinamo. Të paktën për formalizëm dhe justifikuar fjalët e tij se ngjyrat në gjirin e tyre ka kuqezinj-kandidatë dhe të afirmuar. Justifikimi i gjermanit, se paska shkuar në Portugali dhe ka studiuar kundërshtarin, është pak. Sepse "zhbirimi" i kundërshtarit nuk ka fare vlerë, nëse nuk di gjë për grupin që drejton. Kjo është pika më e errët e përgatitjeve për ndeshjen me Greqinë. Trembesh kur mëson që grekët kërkojnë informacione nga më të imëta për ndeshjen e 4 shtatorit. Gjithsesi, mbetemi me shpresë që të paktën trajnerit dhe FSHF së t'u ketë dalë gjumi. Në të kundërt "kali i Trojës" dhe "miku" i Brigelit, Rehageli, do të bëjë kërdinë në "Qemal Stafa". Shpresojmë të mos ndodhë kështu. Veç të mos harrojmë, se më 4 shtator, në "Qemal Stafa" nuk do të luajnë as tifozët, as emigrantët, por kuqezinjtë.

''Sporti Shqiptar''

Imazhe te Ngjitura

01082004_brigeli1.jpg (23.9 KB, 3 vezhgime)

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Hans Peter Brigel teston kombëtaren B

Shekulli

TIRANË- Sektori i Ekipeve Kombëtare në Federatën Shqiptare të Futbollit (FSHF) po vazhdon përgatitjet për organizimin e stazhit stërvitor të kombëtares B, nën drejtimin e trajnerit të ekipit kombetar, Hans Peter Brigel. Shefi i ketij Sektori, Besnik Çela, tha dje se “trajneri i kombëtares, gjermani Hans Peter Brigel, do të zhvillojë nga data 9 deri më 11 gusht një stazh treditor stërvitor me futbollistët që luajnë në kampionatin shqiptar të futbollit.". Sipas tij, ky është stazhi i katërt stërvitor për ekipin kombëtar B, me këta futbollistë. Trajneri i ekipit kombëtar synon të testojë formën fizike të futbollistëve që luajnë në kampionatin tonë si dhe të zbulojë ndonjë element të vlefshëm. Mosha e madhe e disa prej lojtarëve bazë të Kombëtares e ka detyruar Brigelin që të hedhë sytë e të kërkojë elementë të rinj në kampionatin tonë. Stërvitjet e teknikut Brigel do të zhvillohen në kompleksin e ekipeve kombëtare në Kamëz, ndersa akomodimi do të bëhet në hotel "Tirana International". Sipas Çelës, lista e Kombëtares që do të grumbullohet nga tekniku Brigel do të publikohet brenda javës.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

A eshte kush ne dijeni se cila eshte 11 mbdhjeçja e ekipit tone per momentin, dhe a eshte e vertete se Brigeli ka deklaruar se nuk do te marre asnje lojtare qe luan ne Kampionati Shqiptar???

Faleminderit.

Se shpejti do te grumbullohen lojtaret nga traineri gjerman. Ne fakt klubet shqiptare lejuan lojtaret e tyre qe te marrin pjese ne "zborin" e rradhes ne kompleksin e Kamzes, pervec Partizanit, i cili do te vazhdoje aventuren e tij ne Kupen UEFA.

__________________
I LOVE INTER

Behet e ditur se fantazisti shqiptar Ervin Skela, ka arritur nje marreveshje me drejtuesit e skuadres se sapongjitur ne Bundesligen e pare gjermane, Arminia Bielefeld. Ne kete skuader ai do te gjeje bashkekombasit e tij, Fatmir Vaten dhe Klodian Duron. Tashme kalimi i ish-lojtarit te Eintraht Frankfurt te skuadra e Bielefeld eshte zyrtar. Ai do te perfitoje 20 000 euro ne muaj, pa llogaritur te ardhurat qe do te vijne nga premiot.

Nderkohe presidenti i Vllaznise, Agron Cela i ka kerkuar FSHF-se qe dy prej ndeshjeve eliminatore te Boterorit 2006 te kombetares kuqezi te zhvillohen ne stadiumin e Shkodres "Loro Borici", perballe nje publiku te zjarrte e te apasionuar pas futbollit. Konkretisht behet fjale per ndeshjen e 9 shkurtit 2005 perballe Ukraines dhe per sfiden qe do te mbylli fushaten e eliminatoreve te kuqezinjve, ate perballe Turqise me 12 tetor 2005. Pritet qe kerkesa e presidentit te kuqebluve shkodrane te plotesohet nga drejtuesit e FSHF-se.

__________________
I LOVE INTER