Shqipëri-Suedi, e drejta televizive shitet të shtunën

Drejtuesit e FSHF-së kanë pohuar dje se këtë të shtunë do të zhvillohet tenderi për shitjen e së drejtës televizive të ndeshjes Shqipëri-Suedi. Sipas këtij lajmi, e drejta televizive e ndeshjes miqësore që do të zhvillohet me suedezët do të shitet që këtë javë. Shitja e së drejtës televizive të ndeshjes miqësore të kuqezinjve do t'i bëhet një prej kanaleve televizive shqiptare. Zëdhënësi i shtypit, Lysien Nurishmi, konfirmon se shitja e së drejtës televizive do të bëhet me tender të hapur. Sipas tij, të gjitha televizionet në Shqipëri janë njoftuar për të marrë pjesë në tenderin e së shtunës. Në FSHF është mësuar se tenderi do të fillojë nga një shumë minimale e vendosur nga drejtuesit e këtij institucioni. Bëhet fjalë për 1 milion lekë të reja, që do të jetë shuma minimale për hyrjen në këtë tender për të blerë të drejtën televizive të ndeshjes Shqipëri-Suedi. Ai televizion që do të blejë të drejtën televizive të ndeshjes me Suedinë, duhet të furnizojë kompaninë "Sport Five" me sinjalin ndërkombëtar. Ndërkohë, drejtuesit e Federatës shpresojnë që ta shesin sa më shtrenjtë të drejtën televizive të kësaj ndeshjeje, e cila mund të paguhet shtrenjtë nga televizionet suedeze.

Brigel hedh sytë nga Johan Berisha, por kosovari ka marrë pjesë në një ndeshje me përfaqësuesen U-21 të Zvicrës, e këtu qëndron dhe kleçka...

Shqiptarët që "militojnë" në Zvicër Ja lista e futbollistëve që mund të veshin fanelën e Kombëtares

Të shumtë janë ata, të cilët e kanë ëndërr që të luajnë për Kombëtaren shqiptare.

Të shumtë janë dhe ata, të cilët kërkohen me ngulm nga mister Brigel, apo krerët e Federatës Shqiptare të Futbollit, për të veshur fanelën kuqezi të Kombëtares. Uebsajti "sportdashesi.com" ka bërë publike dhe listën e të gjithë lojtarëve shqiptarë, të cilët militojnë në Zvicër, me skuadra të ndryshme. Në listën prej 15 lojtarësh, të cilët aktivizohen në ligat profesioniste të Zvicrës, të paktë lanë ata, të cilët kanë shqiptarë të "pastër", në sensin e zotërimit të shtetësisë shqiptare. Arjan Peço, një nga ish-ët e kampionatit shqiptar, vazhdon në aktivizohet në Challenge Ligë (Kategoria e Dytë) dhe ka provuar më parë shijen e të luajturit me Kombëtaren. Në këtë listë vetëm Kristian Nushi dhe Lulzim Hushi zotërojnë nënshtetësi shqiptare. 21-vjeçari aktivizohet në Kategorinë e Oarë me FC Vil dhe trajneri i Kombëtares shqiptare, Hans Peter Brigel, e ka grumbulluar për turneun e 19-23 janarit në Potugali, "Vajo de Tejo". Nushi ka bërë një paraqitje të mirë në kampionatin zviceran dhe është vëzhguar me kujdes nga zëvendësi i Brigelit, Aksel Roos. Ndërkohë, Lulzim Hushi, që zotëron shtetësi shqiptare, është 28 vjeç dhe të drejtën për t'u aktivizuar me Kombëtaren shqiptare e ka marrë në të njëjtën kohë me Lorik Canën, shqiptarin e suksesshëm të PSG.

Brigel: Do përpiqem për Berishën

Quhet Joan Berisha, është 23 vjeç dhe ka dopio shtetësi: zvicerane dhe kosovare. Luan me Young Boys në kategorinë e parë dhe është kërkuar me ngulm nga trajneri Brigel. Ka marrë pjesë në një ndeshje me përfaqësuesen e U-21 të Zvicrës, e këtu qëndron dhe kleçka. Nëse takimi i zhvilluar ka qenë miqësor, ai mund të luajë për Shqipërinë, e nëse ndeshja ka qenë zyrtare, rezulton e kundërta. Sipas uebsajtit "sportalbania.com", Joan Berisha është shndërruar në objektivin e gjermanit të pankinës sonë. E gjithë kjo ka nisur pas një interviste që ka dhënë vetë lojtari në një gazetë zvicerane, "Anza", ku ka shprehur dëshirën e tij për të përfaqësuar Kombëtaren shqiptare. Sipas këtij uebsajti, mësohet se Hans Peter Brigel do të bisedojë personalisht me Joan Berishën, ku do të kërkojë ta bindë që të marë nënshtetësinë shqiptare, ashtu si Hasi, Dragusha, Cana, apo edhe ndonjë tjetër. Gjithçka do t'i mbetet FSHF-së, me ftesat që pritet t'i dërgojë vetë lojtarëve, e më pas, fjala e fundit do i përkasë protagonistëve: nëse duan apo jo të mbajnë mbi supe fanelën kuqezi, apo të luajnë për interes të një shteti tjetër.

1.Kristian Nushi
Luan me FC Vil dhe ka shtetësi shqiptare. Është vetëm 22 vjeç, luan në mesfushë dhe këtë sezon ka bërë 15 paraqitje. Trajneri Brigel e ka grumbulluar dhe për turneun e Portugalisë, "Vajo de Tejo".
2.Albert Bunjaku
Kosovar me shtetësi zvicerane dhe është 20 vjeç. Luan me Schaffhouse në kategorinë e tretë dhe në këtë sezon ka shënuar 5 gola në 15 ndeshje. Luan si në mesfushë, ashtu edhe në sulm.
3.Lavdim Berisha
Është vetëm 19 vjeç e nuk ka marrë shtetësi zvicerane. Aktivizohet me FC Baden në kategorinë e dytë. Luan në repartin e mesfushës dhe në këtë sezon ka shënuar 2 gola në 17 ndeshje të zhvilluara.
4.Sehar Sulejmani
Shqiptar i Maqedonisë, aktivizohet me FC Baden, në kategorinë e dytë. Është i datëlindjes 1980. Luan në repartin e mbrojtjes dhe këtë sezon ka zhvilluar 15 ndeshje, ka shënuar një gol.
5.Vahid Gjuraj
Është vetëm 19 vjeç dhe zotëron shtetësi kosovare. Luan me Kriensin e kategorisë së dytë dhe në këtë sezon ka zhvilluar 15 ndeshje dhe nuk ka mundur të shënojë, ndonëse pozicionohet në mesfushë.
6.Genc Mehmeti
Kosovar me shtetësi zvicerane dhe është 23 vjeç. Aktivizohet në kategorinë e dytë me Luzern dhe në këtë kampionat regjistron 14 përfaqësime. Luan në repartin e mesfushës, në krahun e djathtë.
7.Admir Bilibani
I lindur në Kosovë, por që ka dopio shtetësi: zvicerane e boshnjake. Është i datëlindjes 1979. Aktivizohet në kategorinë e dytë me Yverdon dhe këtë sezon numëron 14 ndeshje të zhvilluara.
8.Arjan Peço
I "kultivuar" në kampionatin shqiptar. Këtë sezon aktivizohet në kategorinë e dytë me Concordia dhe numëron 13 ndeshje të zhvilluara. Është i datëlindjes 1975 dhe luan në mesfushë.
9.Lulzim Hushi
Kosovar me shtetësi shqiptare. Është 28 vjeç. Aktivizohet me Delemont në kategorinë e dytë. Luan në repartin e mbrojtjes dhe këtë sezon ka regjistruar 13 ndeshje dhe një gol të shënuar.
10.Arjan Bytyci
Ka dopio shtetësi: zvicerane dhe kosovare. Aktivizohet në kategorinë e tretë me Bulle. Është vetëm 20 vjeç. Luan në sulm dhe këtë sezon ka shënuar një gol në 10 ndeshje të luajtura.
11.Faton Bytyqi
Ka dopio shtetësi: zvicerane dhe kosovare. Aktivizohet në kategorinë e tretë me Bulle. Është i datë-lindjes 1981. Luan në mesfushë dhe këtë sezon regjistron 10 ndeshje të luajtura.
12.Alban Hotnjari
Ka shtetësi kosovare. Sapo ka mbushur 19 vjeç dhe "militon" në skuadrën e FC Baden në kategorinë e dytë. Luan në repartin mesfushës dhe në këtë kampionat numëron 10 ndeshje të luajtura.
13.Ermir Amiti
Ka shtetësi kosovare dhe është i datëlindjes 1984. Aktivizohet me skuadrën e Concordias në kategorinë e dytë dhë në këtë kampionat ka luajtur vetëm 5 ndeshje. Pozicionohet në repartin e mesfushës.
14.Vilson Nikolbibaj
Ka shtetësi kosovare dhe është i datëlindjes 1984. "Mi-liton" në skuadrën e Kriensit, në kategorinë e dytë dhe në këtë sezon nuk ka zhvilluar akoma asnjë ndeshje. Luan në repartin e mesfushës.
15.Johan Berisha
Është 23 vjeç dhe ka dopio shtetësi: zvicerane dhe kosovare. Luan me Young Boys në kategorinë e parë dhe është kër-kuar me ngulm nga trajneri Brigel. Ka marrë pjesë dhe në U-21 e Zvicrës.

Kombëtarja B nis sot aventurën portugeze

Sot, në orën 9.00 të mëngjesit, është nisur në drejtim të Portugalisë ekipi kombëtar B, i cili do të marrë pjesë në turneun "Vajo do Tejo". Ekipi do të jetë i përbërë nga 18 futbollistë të grumbulluar nga Brigeli. Nuk do të udhëtojë drejt Lisbonës nga Shqipëria Devi Muka, i cili është i dëmtuar. Ndërkohë do të marrë pjesë në Portugali Kristian Nushi, kosovari i cili do të fluturojë nga Zvicra në drejtim të Lisbonës. Delegacioni shqiptar është i përbërë nga rreth 30 veta dhe do të drejtohet nga presidenti i FSHF-së, Armand Duka, dhe anëtari i komitetit ekzekutiv, Skënder Hyka. Skuadra është nisur sot në mëngjes nga Rinasi në drejtim të Lisbonës me një avion të linjës "Alitalia". Mbrëmë vonë janë bashkuar me ekipin të gjithë futbollistët që ishin jashtë Shqipërisë: Ahmataj, Muzaka, Grizha, Ndreka, Agolli dhe Ervin Bulku. Skuadra është kompletuar, por, sipas drejtuesve të sektorit të ekipeve kombëtare, të gjithë futbollistët natën e djeshme e kanë kaluar në shtëpitë e tyre. Së bashku me kuqezinjtë do të jetë trajneri i portierëve, Vladimir Ajazi, dhe një bashkëpunëtorët e Brigelit, Kreshnik Agolli, stafi mjekësor i ekipit kombëtar dhe pjesa tjetër e grupit. Akomodimi i kombëtares do të bëhet në hotelin "Turizmo" të provincës "Vajo do Tejo". Sipas planit, Brigeli do të mbërrijë në Lisbonë më 17 janar para ekipit së bashku me bashkëpunëtorët e tij. Plani i punës parashikon dy stërvitje të ekipit kombëtar më 18 janar. Më 19 do të zhvillohet vetëm një stërvitje pasdite, ndërkohë më 20 janar kuqezinjtë do të luajnë me kombëtaren e Portugalisë në orën 18.15 me orën lokale. Nëse fiton me Portugalinë, kombëtarja e Brigelit do të luajë në finale me fituesen e çiftit Bjellorusi-Sllovaki. Në të kundërt, kombëtarja B do të luajë me humbësen e këtij çifti për vendet 3-4. Një seancë stërvitore do të zhvillohet edhe më datë 21 janar. Ndërkohë, kuqezinjtë do të kthehen në Shqipëri më 23 janar, një ditë pas përfundimit të turneut të Portugalisë "Vajo do Tejo".

''Sporti Shqiptar''

Rumania, "jo" Shqipërisë për 31 marsin

Kombëtarja e Rumanisë do të luajë më 31 mars me Skocinë dhe jo me Shqipërinë, siç ishte konfirmuar nga drejtues të FSHF-së. Lajmi është bërë publik në faqen zyrtare të internetit të UEFA-s, në të cilën shkruhet se skuadra kombëtare e Rumanisë, më 31 mars, do të luajë një ndeshje miqësore me Skocinë në Gllasgou, pikërisht ditën që ishte menduar se kombëtarja shqiptare do të luante një miqësore me Rumaninë. Kështu, kombëtarja shqiptare mbetet pa një kundërshtar për miqësore për datën e lirë të UEFA-s, 31 marsin. Tani, drejtuesit e sektorit të ekipeve kombëtare duhet të fillojnë punën nga e para për të gjetur një kundërshtar të denjë për kuqezinjtë e Brigelit për 31 marsin, ndonëse të gjithë në Federatë të siguronin se ndeshja miqësore me Rumaninë do të zhvillohej. Gjithsesi, Bullgaria është ende një kartë e padjegur për Federatën Shqiptare të Futbollit për një ndeshje miqësore më 31 mars.

TURNEU I PORTUGALISE, SHQIPERIA PERFAQESOHET NGA KOMBETARJA B

Turneu nderkombetar i Futbollit Vale de Tejo, ku Shqiperia perfaqesohet nga kombetarja B, do te nise neser me 2 ndeshje. Shqipëria B do të përballet me vendasit e Portugalisë në ndeshjen e mbrëmjes që me orën lokale do të nsië në orën 18:15, ne stadiumin Abrantes. Por më parë në mesditë do të zhvillohet një takim mes Sllovakisë dhe Bjellorusisë. Takimin me Shqipërinë konsiderohet i rëndësishëm nga portugezët pasi kuqezinjtë shihen si rivalët kryesorë të tyre, edhe pse 6 lojtarë vijnë nga Sportingu i Lizbonës dhe tre nga Porto. 2 ditë më pas më 22 janar Shqipëria do të ndeshet me fituesin e takimit Sllovaki-Bjellorusi.

Kombëtarja B është mundur 2-0 ndaj Portugalisë në ndeshjen e parë të turneut "Vajo do Tejo"
Shqipëria debuton me humbje

Shqipëria:
Mustafa, Pisha, Grizha, Ndreka, E. Xhafa(Tetova 46'), Nushi (Salihi 25'), E. Bulku, Belisha, Ahmataj (Agolli25'), Mancaku, Kapllani. Trajner: Hans Peter Brigel.
Shënues: Dani 4', Lourenco 47'.

Ekipi kombëtar B i Shqipërisë ka humbur 2-0 në ndeshjen e parë me Portugalinë në turneun "Vajo do Tejo". Skuadra shqiptare, si gjithmonë, ka vuajtur përqendrimin në fillim të dy pjesëve të lojës, çka ka sjellë si pasojë edhe humbjen. Kuqezinjtë e drejtuar nga trajneri Hans Peter Brigel që në fillim të pjesës së parë janë goditur nga skuadra portugeze, e cila ka luajtur më e mirë se skuadra shqiptare. Gjermani kishte përzgjedhur një formacion pak ndryshe nga ç'pritej, ku Grizha dhe Ndreka luanin në qendër të mbrojtjes, ndërsa Pisha dhe Xhafa ishin dy mbrojtësit e krahëve, në mbrojtje të vijës së drejtë. Nushi ka luajtur nga krahu i djathtë, Ervin Bulku dhe Belisha në qendër të mesfushës, ndërkohë që Ahmataj, si gjithmonë, ka luajtur në krahun e majtë. Sulmi i kuqezinjve ishte i përbërë nga dyshja Mancaku-Kapllani. Që në fillim të ndeshjes, ekipi portugez ka arritur të shënojë golin e parë të takimit, me anë të Danit në minutën e 4-t. Ky i fundit ka kaluar bukur nga e djathta dhe ka shënuar pa vështirësi në portën e mbrojtur nga Mustafa. Skuadra kuqezi, "e shastisur" nga goli, ka filluar të reagojë, por kundërshtarët janë treguar superiorë në çdo drejtium, duke e dominuar lojën. Gjithsesi, Manacaku, në pjesën e parë, ka pasur një mundësi shumë të mirë për të barazuar rezultatin, por portieri i Portugalisë ka bërë mrekullinë, duke e pritur gjuajtjen e futbollistit të Teutës. Në minutat e mbetura kanë dominuar portugezët, ndërkohë që sulmet e kuqezinjve nuk kanë qenë shumë bindëse. Me rezultatin 1-0 mbyllet pjesa e parë e takimit. Në pjesën e dytë, Brigeli fut Tetovën në vend të Xhafës, por në fushë është e njëjta shfaqje. Pas një goditjeje këndi për portugezët, Lourenco arrin të shënojë golin e dytë që në minutën e 2-të të pjesës së dytë. Skuadra shqiptare nuk reagon dhe duket se vuan përqendrimin e lojtarëve që janë të rinj në moshë. Portugezët mund të kishin shënuar më shumë gola, por portieri Mustafa ka qenë një nga më të mirët në fushën e lojës dhe nuk ka lejuar të tjerë gola. Edhe në 45-minutëshin e dytë Mancaku ka pasur një rast për gol, por sërish portieri Moreira nuk ka lejuar që topi të përfundojë në rrjetë. Gjithsesi, rezultati 2-0 në favor të portugezëve nuk ka ndryshuar deri në fund të lojës.

Brigel: Kundër Bjellorusië, vetëm për fitore

“Mund të fitojme nëse ne do të luajmë mirë kundër Bjellorusëve”,- Këto kanë qenë fjalët e trajnerit të Kombëtares shqiptare Hans Peter Briegel. Menjëherë pas ndeshjes së të martës kundër Portugalisë, ku kuqezinjtë anë mundur me rezultatin 2-0, i fiksuar që në minutën e 47-të të pjesës së parë. Trajneri i përfaqësueses së Shqipërisë, u ka kërkuar futbollistëve të kombëtares olimpike, fitoren në ndeshjen me Bjellorusinë. Një gjë të tillë e kanë konfirmuar lajmet që mbërrijnë nga Portugalia, ku Kombëtarja e përzgjedhur nga trajneri gjerman po merr pjesë që prej datës 17 janar në një turne miqësor në “Vajo Do Tejo”. Trajneri gjerman i kuqezinjve është optimist për ndeshjen që skuadra e përzgjedhur prej tij do të luajë sot kundër Bjellorusisë, ndeshje, e vlefshme për vendin e tretë të këtij turneu, pasi për vendin e parë do të ndeshen Portugalia dhe Sllovakia, dy fitueset e ndeshjeve të para. Sikurse ka bërë të ditur gazeta portugeze “Ojogo”në sitin e saj në internet, kundërshtarët tonë në ndeshjen e sotmë janë të një niveli më të ulët se ata të kombëtares olimpike portugeze, prandaj dhe trajneri Briegel ka përcaktuar si synim, fitoren në këtë takim. Ndërkohë që gjermani e mbështet këtë objektiv dhe në formën e mirë që skuadra shqiptare ka paraqitur në ndeshjen kundër portugezëve të martën. Ndeshja e dytë do të luhet në në orën 17:00. Për momentin kombëtarja jonë renditet në vendin e fundit me 0 pikë, po aq sa ka dhe kombëtarja e Bjellorusisë, ku dhe golavarazhi është i njëjtë, prandaj shqiptarët e aventurës portugeze kanë vetëm një qëllim, fitoren kundër Bjellorusisë, e cila do t’ju jepte atyre një vend nderi për të mos u renditur të fundit, atë të tretin. Kthimi i tyre në Shqipëri do të bëhet më datën 23 janar.

Shqipëria, miqësore me Islandën më 31 mars

Islanda, do të jetë kundërshtari i kombëtares sonë më 31 mars në datën e lirë të organizatës më të madhe të futbollit Evropian, UEFA-s. Një lajm i tillë është bërë i njohur vetëm dje në FSHF ku dhe është zyrtarizuar, ai që e ka bërë një gjë të tillë është pikërisht numri një i organizmit më të lartë të futbollit shqiptar, Presidenti i FSHF-së Armand Duka. Ai e ka pohuar gjithçka në lidhje me këtë fakt. Sipas Dukës, është rënë dakord parimisht që mes dy kombëtareve tona të luhet një ndeshje më 31 mars, datën e lirë të UEFA-s për 2004-n, por gjërat do të saktësohen në ditët e ardhshme. Gjithsesi, kjo miqësore nuk është zyrtarizuar nga palët, ndonëse mund të konsiderohet si shumë afër zyrtarizimit. Zëra nga FSHF-ja pohojnë se shumë federatave homologe u është nisur nga një ftesë për miqësore me Shqipërinë për datën e marsit, pas dështimit të miqësores me Rumaninë. Ndërkohë, vetëm dje është mësuar edhe emri i kundërshtarëve të kuqezinjve, që në një moment u duk se nuk do të luanin një ndeshje miqësore më 31 mars. Skuadra që ka rënë dakord parimisht të luajë me Shqipërinë është Islanda. Sipas drejtuesve të Federatës, Islanda është një ekip shumë i fortë dhe i denjë për një miqësore të rangut të lartë, siç kërkon trajneri i Kombëtares, Hans Peter Brigel. Ka qenë pikërisht FSHF-ja, ajo që ka nisur një ftesë për të luajtur një ndeshje miqësore me kombëtaren islandeze, pas dështimit të saj në tentativën për t’u përballur në këtë datë me kombëtaren e Rumanisë, e cila do të luajë kundër Skocezëve të Berti Vogs. Ndërkohë që islandezët do të sjellin konfirmimin zyrtar në FSHF. Islanda, pritet të konfirmojë sot që do të luante me Shqipërinë. Pra, Islanda do të jetë zëvendësuesja e Rumanisë, skuadra që do të luante me Shqipërinë më 31 mars. Për zhvillimin e një miqësoreje të tillë ështa dakord dhe trajneri i Kombëtares shqiptare, Hans Peter Brigel. Gjermanikërkon të provojë skuadrën e tij, përballë skuadrave të një niveli të tillë. Kujtojmë që më 18 shkurt në Tiranë do të udhëtojë Suedia për të zhvilluar një ndeshje miqësore me Shqipërinë. Ndërkohë, me zyrtarizimin e kësaj ndeshjeje miqësore, pritet të vendosen edhe detajet e ndeshjes së 31 marsit, që do të zhvillohet në Tiranë. Bilanci i përgjithshëm mes dy ekipeve është 2 ndeshje, një fitore Shqipëria dhe një tjetër Islanda.

Kombëtarja B, "gjysmagjel" drejt Italisë

Të paktën 5 lojtarë të grumbulluar nga trajneri i kombëtares shqiptare, Hans Peter Brigel, nuk kanë udhëtuar dje me ekipin kombëtar B drejt Italisë. Kanë qenë vetë futbollistët ata që e kanë konfirmuar personalisht mosgrumbullimin me ekipin kombëtar B. Në turneun e Italisë nuk ka shkuar Devi Muka, Nevil Dede, Rezar Dabulla, Arian Pisha dhe Ardit Beqiri. Këta futbollistë kanë pohuar vetë se nuk e kanë marrë rrugën drejt Norçias së Italisë, ku kombëtarja shqiptare do të marrë pjesë në një turne jozyrtar. Ndërkohë, listës së mungesave të futbollistëve mund t'i shtohen edhe të tjerë, pasi komunikimi me ekipin kombëtar është i pamundur. Gjithsesi, për sa u përket mungesave të futbollistëve të kampionatit shqiptar, shkaqet janë dëmtimet, edhe problemet me shkollën e lartë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kuqezinjtë e Brigelit munden 2-1 nga skuadra rumune Oradea që renditet në vendin e 14-të në kampionat

Kuqezinjtë e kombëtares B janë mundur dje në ndeshjen e parë në turneun e Norçias nga rumunët e Oradeas. Skuadra shqiptare është mundur 2-1 nga Oradea, pas një ndeshjeje shumë të dobët të futbollistëve të drejtuar nga trajneri Hans Peter Brigel. Kuqezinjtë e drejtuar nga trajneri Brigel në ndeshjen e parë të tuneut të Norçias kanë zhgënjyer, duke treguar se edhe një ekip i dobët i kategorisë së parë rumune mund t'i mundë, ndonëse kuqezinjtë kanë qenë të parët që kanë shënuar me anë të Kapllanit. Brigeli, për ndeshjen e parë në turneun e Norçias kundër Oradeas, kishte hedhur në fushën e lojës Likën, Ndrekën, Erion Xhafën, Tetovën, Bulkun, Salihin, Agollin, Belishën, Muzakën, Currin dhe Kapllanin. Skuadra shqiptare nuk e ka nisur mirë ndeshjen me Oradean. Që në fillim, loja e kuqezinjve të kombëtares B ka qenë shumë e dobët, çka e tregon edhe rezultati përfundimtar i ndeshjes. Ekipi shqiptar duket se gjatë gjithë takimit ka vuajtur mungesat e shumta të futbollistëve bazë. Dy herë kanë shënuar rumunët pas golit të Kapllanit në minutën e 36-të të lojës. Bogdan Vrozhitoria ka shënuar golin e barazimit në minutën e 40-të të lojës dhe në pjesë e dytë, në minutën e 65-të, po i njëjti lojtar ka shënuar golin e fitores për ekipin e tij. Kuqezinjtë, që në ndeshjen e parë të turneut të Norçias, janë mundur nga Oradea, ekip që në kampionatin rumun ndodhet në vendin e 14-të të renditjes së përgjithshme. Ekipi kombëtar shqiptar ka luajtur shumë dobët gjatë gjithë ndeshjes, sidomos në mbrojtje, e cila vazhdon të jetë "thembra e Akilit" për kombëtaren B, që nga turneu i Portugalisë. Edhe aktivizimi i Currit, Xhihanit e Mancakut nuk ka mjaftuar për kuqezinjtë e Brigelit, të cilët, pas kësaj humbjeje, duhet të ndeshen pas dy ditësh me armenët e Piknikut.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Starova: Në kombëtare nuk i marrim me zor

Sekretari i përgjithshëm i FSHF-së, Sulejman Starova, ka dhënë dje një konferencë për shtyp lidhur me turneun e Norçias dhe problemet e dala këto dy ditë. Sekretari Starova ka shprehur opinionin e tij nga "katedra" e zyrtarit, lidhur me ndërprerjen e kampionatit për turneun e Norçias, si dhe reagimet e vetë klubeve për këtë çështje. "Nuk është ndonjë hata e madhe, nëse kampionati ndërpritet në këtë periudhë. Nuk ka ndonjë problem të madh nëse ekipet ndërpresin kampionatin, pasi nga përgatitjet e tyre nuk humbet asgjë. Ekipet mund të luajnë disa miqësore në këtë periudhë, që do të jetë pushim," - është shprehur Starova. Ndërkohë, sekretari i përgjithshëm ka argumentuar se, sipas mendimit të tij, në këtë periudhë në Shqipëri bën kohë e keqe, kështu që kampionati do ta humbiste bukurinë nga terrenet e rënduara të futbollit shqiptar. Starova ka folur edhe për ata futbollistë, të cilët nuk kanë udhëtuar drejt Norçias për t'u bashkuar me ekipin kombëtar B. Sipas tij, çdo njeri ka të drejtë të pranojë apo të refuzojë ftesën e ekipit kombëtar. "Për ata që kanë refuzuar ekipin kombëtar është problem i tyre. Federata ka për detyrë t'i njoftojë të gjithë futbollistët e seleksionuar nga Brigeli. Eshtë diçka personale nëse ndonjëri prej lojtarëve të kombëtares nuk pranon ftesën e FSHF-së. Ne nuk mund të marrim me pahir në kombëtare futbollistë që nuk dëshirojnë të grumbullohen me kuqezinjtë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Mbërrijnë përforcimet në Norçia

Dje në mesditë, 4 futbollistë të kampionatit shqiptar, Suad Lici dhe Isli Hidi të Tiranës e Robert Grizha dhe Ardit Beqiri të Partizanit, janë nisur dje në mesditë në drejtim të Italisë, duke u bashkuar me kombëtaren B në turneun e Norçias. Ka qenë zëdhënësi i shtypit në FSHF, Lysien Nurishmi, ai që e ka konfirmuar një fakt të tillë. Sipas Nurishmit, 4 lojtarët janë nisur drejt Italisë me një avion të linjës "Alitalia", duke mbërritur në mbrëmje në Norçia. Ndërkohë, dje, në drejtim të Italisë nuk është nisur sulmuesi i Tiranës, Eldorado Merkoçi. Në vend të sulmuesit bardheblu është nisur portieri i Tiranës, Isli Hidi. Portieri i Tiranës ka pranuar të udhëtojë në Norçia pas kërkesës së drejtuesve të FSHF-së. Ndërkohë, nga Italia mësohet se kombëtarja B, veç mungesave të futbollistëve në repartin e mbrojtjes, po përballet edhe me disa dëmtime shqetësuese të portierëve Lika dhe Mustafa. Portieri i Dinamos, Ilion Lika, është nisur i dëmtuar nga Tirana ashtu si edhe Arion Mustafa, portieri i Vllaznisë, që në javën e fundit të kampionatit ka lënë fushën e lojës para kohe, pasi është dëmtuar në ndeshjen Vllaznia-Teuta.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

“Ata që munguan rrezikojnë grumbullimin e tyre një herë tjetër në grupin e përzgjedhur prej 50 lojtarësh si kontigjent për kombëtaren”

Të munguarit rrezikojnë “Kombëtaren”

Sekretari i Përgjithshëm i FSHF-së Starova: reagon pas polemikave për lojtarët që nuk shkuan në Norçia

”Nuk marrim njeri me forcë në kombëtare. Turneu i shërben evidentimit të lojtarëve cilësorë dhe jo ndeshjes miqësore me Suedinë”

“Ata që munguan në radhët e Kombëtares B rrezikojnë grumbullimin e tyre një herë tjetër në grupin e përzgjedhur prej 50 lojtarësh si kontigjent për kombëtaren”. Kështu është shprehur dje sekretari i përgjithshëm i FSHF-së, Sulejman Starova, dje paradite përsa u përket lojtarëve që nuk u vunë në dispozicion të Brigelit. Sipas