EURO 2004 :

Rezultatet e grupit tone ne rrugen shume te veshtire drejte Euro 2004
Rruge e cila mbetet enderr qe te kthehet ne realitet nese arrihet kualifikimi per kupen e botes 2006
Te shpresojme ............

07/09/2002 RUSI-IRLANDE 4-2
07/09/2002 ZVICER-GJEORGJI 4-1
12/10/2002 SHQIPERI-ZVICER 1-1
16/10/2002 IRLANDE-ZVICER 1-2 1
16/10/2002 RUSI-SHQIPERI 4-1 5 11
29/03/2003 GJEORGJI-IRLANDE 1-2
29/03/2003 SHQIPERI-RUSI 3-1
02/04/2003 GJEORGJI-ZVICER 0-0
02/04/2003 SHQIPERI-IRLANDE 0-0
30/04/2003 GJEORGJI-RUSI 1-0
07/06/2003 ZVICER-RUSI 2-2
07/06/2003 IRLANDE-SHQIPERI 2-1
11/06/2003 IRLANDE-GJEORGJI 2-0
11/06/2003 ZVICER-SHQIPERI 3-2
06/09/2003 IRLANDE-RUSI 1-1
06/09/2003 GJEORGJI-SHQIPERI 3-0
10/09/2003 RUSI-ZVICER 4-1
10/09/2003 SHQIPERI-GJEORGJI 3-1
11/10/2003 RUSI-GJEORGJI -
11/10/2003 ZVICER-IRLANDE -

Renditja :

1.ZVICRA 12 Pike
2.RUSIA 11 ' ' ' '
3.IRLANDA 11 ' ' ' '
4.SHQIPERIA 8 ' ' ' '
5.GJEORGJIA 7 ' ' ' '

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

KOMBETARJA :

Drama tronditëse në dy akte e Kombëtares

Endrra e shuar e një mbrëmjeje të pranverës...

* Kur Kombëtares i mungojnë pesë titullarë: Tare, Lala, Beqiri, Rraklli e K. Duro!

* Dhe jo vetëm këta!

Ka qenë si një prelud simfonie. Ka qenë një mbrëmje e pranverës. 29 mars 2003. Në Shkodër. Vepra e fundit e presidentit të vrarë të Vllaznisë, Myftar Çela, njeriu që e thirri Kombëtaren e Shqipërisë për të triumfuar mbi një prej më të mëdhenjve të Evropës, Rusisë gjigante. Ishte 3-1 për Shqipërinë e vogël. Mbrëmja fantastike e Stadiumit "Loro Boriçi". Endrra e një mbrëmjeje të pranverës. Mandej, kur ka ra nata çuditërisht e gjatë e atij marsi mbi Qytetin e Veriut që festoi gati deri në mëngjez, mbërriti dita e kthjellët dhe realiteti i mveshur gjithnjë me ekstazën e një ëndrre, që nuk u bë kurr realitet.

Pesha e atij 29 marsi 2003 në të vërtetë u ndie edhe dy herë të tjera mbi supet hijerandë të dy stadiumeve modernë të Evropës, atij "Landsdowne Road" të Dublinit dhe atij "Stade de Genéve" të Gjenevës. Ajo desh të shndërrohej në realitet. Thuajse ia arriti teksa tronditi për 90 minuta krenarët e Evropës pranëbritanike dhe asaj alpine zvicerane. Prej Shqipërisë së vogël. Për të cilën fati mbeti po i vogël. Qenë dy humbje magjithate, dy dënime të pamëshirshme dhe ndoshta jo aq të drejta. U duk sikur ëndrra dhe realiteti po mplekseshin midis vedi në një luftë dinake, të fshehtë, enigmatike. Ndërkaq, në mbrëmjen e së shtunës të 6 shtatorit 2003, në Stadiumin "sovjetik" të Gjeorgjisë, papritmas lufta mbaroi. Triumfoi ëndrra që nuk u bë një realitet. Dhe?

"Lufta për vendin e fundit!"

Titulli im i vjetër, i konsumuar, të cilin jam i detyruar ta nxjerr nga arkivi. Për Kombëtaren e Shqipërisë nuk ka një simfoni. Ka vetëm dramë. Kësaj radhe me dy akte. Njëri u luajt në Stadiumin "sovjetik" "Paichadze" të Tbilisit. Akti tjetër do të luhet nesër në atë "Qemal Stafa" të Tiranës. Do t'i ndjekim hap pas hapi zhvillimet e kësaj drame përmes ngjarjeve të këtyre dy akteve.



Akti i parë: në Tbilis, Gjeorgjia - Shqipëria 3-0!

Nuk është hera e parë që Shqipëria kalamendet në ëndrra të bukura futbolli. Më 1965 ajo ka barazuar 1-1 me Irlandën e Veriut të George Best të 'Manchester United'. Dhe mandej ka shkuar dhe është shkatërruar 6-0 në Gjermani. Më 1967 ka barazuar 0-0 me Gjermaninë e Helmut Shenit dhe mandej për tre vjet rresht shteti i vet nuk e ka lënë as të luajë dhe as të ëndërrojë. Më 1971 ka fituar 3-0 me Turqinë, po pas saj ka humbur 4 herë rresht. Kur ka filluar më 1980 me fitoren 2-0 kundër Finlandës, mandej ka humbur 9 herë rrjesht! Më 1985 pasi ka barazuar 2-2 me Poloninë e Bonjekut dhe ka fituar 2-0 me Belgjikën e Schifos, flatrat e saj janë shpalosë në ëndrrën më të bukur të futbollit, çka mund ta çonte deri në finalet e Meksikës. Por mbas saj ka shkuar dhe është shkërmoqur 2-0 në "Olimpikun" e Athinës. Qysh atë ditë, për një kohë të gjatë, Shqipëria nuk ka pasë më ëndrra. Derisa te e vona shfaqen si me magji ajo e Hannoverit 3-4 me Gjermaninë më 1997 dhe ëndrra nordike e Norvegjisë, 2-2 më Oslo më 1998, me golat vrasës të minutave 90 apo 88!

Dhe pas pesë vjetëve në një realitet të ftohtë akull, vjen ëndrra e fundit, ajo e 29 marsit 2003 në Shkodër e cila i blatoi Kombëtares stadiumin dhe publikun fantastik që i mungonte. Dhe Shqipëria - Rusia 3-1 nën interpretimin teutonik të një gjermani me vështrimin si të personazheve të dramave "tragjike" të lashtësisë: Hans Peter Briegel!

Dhe vetëm kaq deri të shtunën e 6 shtatorit 2003, kur Gjeorgjia, e cila ka fituar 5 herë ndër 6 ndeshje me Shqipërinë, shkatërron ëndrrën dhe i rikthen shqiptarët në realitetin e tyre: 0-3! Shqipëria ka humbur 37 herë me 3-0 e përtej!

Ky është akti i parë i dramës më të fundit të Kombëtares shqiptare. Zhvillimet dramatike të saj qenë tejet të shpejta dhe konflikti u zhvillua menjëherë, brenda 40 minutash: nga minuta 9 te ajo e 42-të. Këtij akti nuk mundi t'i bënte ballë asnjë personazh i Kombëtares Shqiptare. Ngaqë përveç të tjerave, dramës iu mungonin jo pak por plot pesë personazhe të ëndrrës së Shkodrës: Tare, Lala, Beqiri, Rraklli e K. Duron! Dhe ndoshta ajo çka po shihej në skenën e ftohtë, thuajse me një dekor vetëm bardhezi të Tbilisit, nuk dukej të ishte më një konflikt. Ishte një lloj dorëzimi spektakolar përballë kushteve që i vinin përpara pa mëshirë personazhet kundërshtarë të Gjeorgjisë. Ndonëse Shqipëria kishte në stadium futbollistë profesionistë të Evropës, të cilët nuk ishte hera e parë që papritmas shndërroheshin në amatorë të Shqipërisë.

Nuk mund të harroj diçka që kam parë në mjedisin e Hotelit "Movenpick" të Gjenevës para ndeshjes me helvetikët. Një zhurmë dhe eufori e paparë, një lëvizje e marramendje, një mpleksje me tifozë, lojtarë, trajnerë, zyrtarë. Një zhurmë e panevojshme dhe shpengim tipik ballkanik. Në fund të hollit trajneri Briegel dhe ndihmësi i tij Roos të ulur, disi të vetmuar, disi të pafuqishëm. Kam ikur shpejt, i vetëm, dhe kam gjetur një restorant të qetë në një vilë çuditërisht modeste, por plot gjelbërim të rrethinave të Gjenevës. Skuadra vinte nga ndeshja e mrekullueshme e Irlandës. Që në fund të fundit, kishte qenë një humbje. Dhe shkonte tek ajo po aq e mrekullueshme e Zvicrës, që po ashtu kishte qenë një humbje.

Nga çka vinte ky mjedis i zhurmshëm para ndeshjes? Prej euforisë? Prej vetëkënaqësisë? Dhe mandej ndeshja e madhe e "Stade de Genéve". Dhe humbja thuajse e pamerituar. Prej fatit? Prej ligjit të më fortit?

Dhe prej këtej drejtpërsëdrejti te melodramat e Bullgarisë (0-2) dhe asaj të Maqedonisë (1-3) për të mbërritur te drama e pamëshirshme e Tbilisit.

Kurrsesi një profesionist nuk mund të sillet asisoji, siç u sollën me radhë në Tbilis protagonistët tonë, prej një Geri Çipi e deri te një Ervin Skela e Alban Bushi. Dhe 3-0 prej Gjeorgjisë, e cila në renditjen e FIFA-s zë vendin e 91-të, pra 2 shkallë më poshtë se Shqipëria! Kjo është drama mbi rezultatin e së cilës më fort se asgjë, më duket se qëndron shkërmoqja e Kombëtares, mungesa e reagimit, në mos gabofsha, deri edhe "indiferentizmi" ndaj një detyre që papritmas të duket se nuk është e jotja.

Ky qe akti i parë i dramës më të fundit shqiptare të Kombëtares së futbollit, që e çoi ate menjëherë në vendin e fundit në Grupin 10 të EURO 2004, ndonëse deri në orën 20.00 të mbrëmjes së Tbilisit, të paktën teorikisht, ende ishte pretendente për vendin e dytë në grup, arritje që do të mund ta çonte deri në Play - off, ndonëse kishte zhvilluar ndeshje të shkëlqyera, ndonëse Portugalia e fuqishme e kishte thirrur për një ndeshje miqësore, ndonëse kjo ishte skuadra kombëtare më e fortë në barazpeshën e saj tekniko-fiziko-taktike, që Shqipëria kishte patur ndonjëherë.

Ishte Shqipëria e parë, e cila në ndeshjet kualifikuese të një Evropiani e Botërori u drejtua nga dy trajnerë të huaj që vinin nga shkollat më të përparuara evropiane, siç janë ajo italiane dhe gjermane. Dhe që përfundon me dramën e këtyre dy akteve të funndit që japin verdikte të pamëshirshme. Dhe pyetjet që vërshojnë:

- Pse nuk desh të luante Shqipëria në Gjeorgji?

- A e shkatërruam ne Briegelin e Gjermanisë apo na shkatërroi ne Briegeli i Gjermanisë?

- Mos e kanë fajin paratë?

- Kur humb 5 herë rresht, çfarë ka?

- Çka na e prishi më fort këte Kombëtare të bukur që patëm?

- A do ta kemi përsëri?

Dhe... "Lufta për vendin e fundit?"

Shumë konkluzione do të mund të nxirren vetëm pas ndeshjes së nesërme, pasi të marrim vesh nëse do të jemi të fundit apo të parafundit, nëse do të zhvillojmë një ndeshje spektakolare apo drama me aktin e saj të dytë do të jetë po aq e pamëshirshme edhe mbrenda në Tiranë.

Dhe vetëm mandej do të mund të flasim plotësisht qartë, do të mund të konkludojmë se përse në ndeshjen me Gjeorgjinë nuk patëm pesë titullarë të famshëm të ndeshjes me Rusinë, mungesa e të cilëve doemos që ka qenë vendimtare: Lala, Beqiri, Duro, Tare dhe Rraklli! Futbolli gjithmonë është i varur prej të imtave të tij. Dhe e them plot forcë konkluzionin e parë teknik: mungesa e këtyre pesë titullarëve qe përcaktuese, jo thjesht në humbjen dramatike me Gjeorgjinë, por mbi të gjitha, në vetë shkërmoqjen e ëndrrës së pranverës së Shkodrës. Shqipëria është shumë e vogël për të rezistuar edhe me mungesa kësisoji. Dhe pesë titullarët e sensacionit me Rusinë, nuk munguan papritmas, por mospraninë e tyre e sollën sa rastësitë po aq dhe miqësoret që gjithmonë e shkatërrojnë Shqipërinë, duke ia humbur përherë bashkësinë e mendimit dhe qëndrueshmërinë e 11-shit titullar para ndeshjeve të mëdha kualifikuese.

Mënjanimi i Shqipërisë nga ëndrra e një kualifikimi të mundshëm evropian, u realizua thuajse identik me ate të 20 vjetëve më parë nga mbrëmja vrasëse e Athinës. Kësaj here qe mbrëmja shkatërruese e Tblisit të Gjeorgjisë. Atëbotë, teksa kam qenë i pranishëm në Stadiumin Olimpik të Athinës, gjej me këte të Tbilisit - ku nuk isha, por që e pashë në një transmetim tejet amator në TV - shumë gjëra të përbashkëta: eufori, amatorizëm dhe për çudi pak mendjemadhësi, mandej frikë dhe pasiguri e gati indiferencë së bashku. Madje qysh nga minuta e parë e deri në fund. Dy ngjarjet nuk më ngjasojnë vetëm në një dukuri: ata të vitit 1985, ishin amatorët profesionistë të Tiranës, ndërsa këta të 2003-shit janë profesionistët amatorë të Evropës, të cilët interpretuan më keq se amatorët e Tiranës. Në aktin e parë të dramës së tyre ata nuk qenë personazhe, por figurantë.

Nuk e marrim më mend se çka do të jetë akti i dytë i dramës së tyre që luhet nesër mbrëma në Tiranë. Vetëm mbasi të marrim vesh përfundimet, zhvillimet apo verdiktet e tij, do të mund të gjykojmë më në imtësi për gjithçka.

Tash për tash vetëm për një gjë jemi të sigurt: për shuarjen e ëndrrës së një mbrëmjeje të pranverës, asaj të 29 marsit 2003, vepra e fundit që na la presidenti i paharrueshëm Myftar Çela i Vllaznisë, njeriu që e thirri Kombëtaren e Shqipërisë për të triumfuar mbi një prej më të mëdhenjve të Evropës, Rusisë së dy kontinenteve...

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

HISTORI :

Këqyrje historike


Trajneri më rezultativ i Kombëtares në Kampionatet Botërore dhe Evropiane
* Edhe pas dy humbjeve me Irlandën dhe Zvicrën -Briegel mbetet gjithnjë më i suksesëshmi!

Nga BESNIK DIZDARI

Eshtë edicioni i tretë i “Këqyrjes historike” të “Futbollit Shqiptar-Magazine” (Shih “FSH-Magazine Nr. 114, 6 dhjetor 2002 dhe Nr. 118, 11 prill 2003). Dhe përsëri Briegel mbetet më i suksësëshmi, pra edhe pas humbjes me Irlandën dhe Zvicrën. Kjo nga që ai është i pari në 1 tregues (Golaverazhi më i mirë: 1. Hans Peter BRIEGEL 6-6), por është i dyti në 4 tregues të tjerë. Dhe kjo ia rrit pikëzimin.
Renditja jonë siç dihet del duke marrë në konsideratë 8 tregues statistikorë, objektivë, dhe vetëm një tregues subjektiv, ate të “ndeshjeve të rralla” që patjetër e kanë brënda edhe pozitiven e rezultatit, pra që të mos kenë qenë humbje.
Për secilin bëhet renditje nga 1 deri te 13, sepse kaq janë trajnerët që e kanë drejtuar Shqipërinë në Kampionatet Evropiane dhe Botërore deri tani. Në fund mblidhen pikët, duke konsideruar pikë numrin e renditjes së tyre në secilën prej 8 renditjeve. Kështu që, trajneri më rezultativ është ai që ka shifrën më të vogël përmbledhëse në renditjen përfundimtare të 8 treguesve. Dhe përfundimet e Edicionit 3 të Këqyrjes sonë historike ruajnë gjithnjë Brigelin si më I suksesëshmi trajner I Shqipërisë për ndeshjet e KE dhe KB
Renditjet tani për Edcionin 3 kanë këto pamje:
I.Mezatarja e renditjeve në turnetë kualifikues
1. Zyber KONÇI 3.00 (2 – 3 – 4)
2. Loro Boriçi 3.66 (3 – 4 – 4)
3. Myslym ALLA 4.00 (3 – 4 – 4)
Ilia SHUKE 4.00 (4)
Shyqyri RRELI 4.00 (5 – 4 – 3 – 4)
Agron SULAJ 4.00 (4 – 5 - 3)
7. Medin ZHEGA 5.00 (5)
Sulejman DEMOLLARI 5 (5)
9. Astrit HAFIZI 5.50 (5 – 6)
10.Bejkush BIRÇE 6.00 (5 – 7)
Neptun BAJKO 6.00 (5 – 7)
* (Shifrat në kllapa tregojnë vëndet që ka zënë Shqipëria në përfundim të ndeshjeve në grup. Ato mblidhen dhe pjestohen për sa turne e ka drejtuar Kombëtaren trajneri në fjalë. P.SH.: Konçi. Nën drejtimin e tij Shqipëria është renditur një herë e 2-ta, një herë e 3-ta dhe një herë e 4-ta, çfarë duke i mbledhur dhe duke i pjestuar për 3 del mesatarja 3 e renditjeve nën drejtimin e tij. Kur trajnerët zëvëndësohen gjatë zhvillimit të turneut, për secilin që ka qenë në krye të Kombëtares qoftë edhe 1 ndeshje të vetme, merret në konsideratë renditja përfundimtare. P.SH. Dossena, i cili e drejtoi Kombëtaren në vetëm 2 ndeshje dhe Briegeli mungojnë këtu sepse duhet pritur përfundimi i të gjitha ndeshjeve në grup për të dalë renditja përfundimtare që do t’iu jipet edhe atyre).
II. Ndeshjet e rralla
1. Loro BORIÇI 3 (1965 Shqipëria – Irlanda e Veriut 1-1, 1967 Shqipëria – RFGJ 0-0, 1971 Shqipëria – Turqia 3-0)
2. Shyqyri RRELI 2 (1984 Polonia – Shqipëpria 2-2, Shqipëria – Belgjika 2-0)
Neptun BAJKO 2 (1995 Moldavia – Shqipëria 2-3, Shqipëria – Bullgaria 1-1)
Astrit HAFIZI 2 (1997 Shqipëria – Irlanda e Veriut 1-0, 1998 Norvegjia – Shqipëria 2-2)
Hans Peter BRIEGEL 2 (2003 Shqipëria – Rusia 3-1, Shqipëria – Irlanda 0-0)
6. Medin ZHEGA 1 (2000 Shqipëria – Greqia 2-0).
7. Z.Konçi, M.Alla, I.Shuke, A.Sulaj, S.Demollari, B.Birçe, G.Dossena (nuk kanë asnjë ndeshje të rrallë).
* (Trajnerët e tjerë renditen në vendin e 7-të, sepse nuk kanë asnjë ndeshje të rrallë. Pra në renditje rëndohen me 7 pikë secili.)
III. Përqindja e suksesit për të gjitha ndeshjet
1. Ilia SHUKE 50.00 %
2. Han Peter BRIEGEL 37.51 %
3. Neptun BAJKO 27.27 %
4. Giuseppe DOSSENA 25.00 %
5. Astrit HAFIZI 23.68 %
6. Zyber KONÇI 20.00 %
7. Bejkush BIRÇE 17.64 %
8 Medin ZHEGA 16.66 %
9. Loro BORIÇI 14.70 %
10. Shyqyri RRELI 13.15 %
11.Agron SULAJ 5.55 %
12.Myslym ALLA 0.00 %
Sulejman DEMOLLARI 0.00 %`
IV. Mezatarja e pikëve për ndeshje
1. Ilia SHUKE 1.00 pikë
2. Hans Peter BRIEGEL 0.75 pikë
3. Neptun BAJKO 0.54 pikë
4. Giuseppe DOSSENA 0.50 pikë
5. Astrit HAFIZI 0.47 pikë
6. Zyber KONÇI 0.40 pikë
7. Bejkush BIRÇE 0.35 pikë
8. Medin ZHEGA 0.33 pikë
9. Loro BORIÇI 0.29 pikë
10. Shyqyri RRELI 0.26 pikë
11.Agron SULAJ 0.11 pikë
12.Myslym ALLA 0.00 pikë
Sulejman DEMOLLARI 0.00 pikë
* (Për qëllim kushtesh të barabarta është marrë sistemi 2 pikë për fitoren, 1 pikë për barazimin).
V. Numri i fitoreve të arritura
1. Zyber KONÇI 2 fitore
Bejkush BIRÇE 2 fitore
Neptun BAJKO 2 fitore
Astrit HAFIZI 2 fitore
5. Loro BORIÇI 1 fitore
Ilia SHUKE 1 fitore
Shyqyri RRELI 1 fitore
Medin ZHEGA 1 fitore
Hans Peter BRIEGEL 1 fitore
10. Myslym Alla 0 fitore
Agron SULAJ 0 fitore
Sulejman DEMOLLARI 0 fitore
Giuseppe DOSSENA 0 fitore
VI. Golaverazhi më i mirë
1. Hans Peter BRIEGEL 6-6
2. Ilia SHUKE 2-4
3. Giuseppe DOSSENA 2-5
4. Sulejman DEMOLLARI 0-4
5. Medin ZHEGA 5-10
6. Myslym ALLA 1-8
7. Neptun BAJKO 10-19
8. Zyber KONÇI 5-19
9. Astrit HAFIZI 15-31
10.Agron SULAJ 3-28
Shyqyri RRELI 12-37
12.Bejkush BIRÇE 8-37
13.Loro BORIÇI 7-41
*(Eshtë marrë në konsideratë diferenca e golave të shënuar me ato të pësuar).
VII.Përqindja e fitoreve
1. Ilia SHUKE 50.00 %
2. Hans Peter BRIEGEL 25 %
3. Zyber KONÇI 20.00 %
4. Neptun BAJKO 18.00 %
5. Medin ZHEGA 16.66 %
6. Bejkush BIRÇE 11.76 %
7. Astrit HAFIZI 10.52 %
8. Loro BORIÇI 5.88 %
9. Shyqyri RRELI 5.26 %
10.Myslym ALLA 0.00 %
Agron SULAJ 0.00 %
Sulejman DEMOLLARI 0.00 %
Giuseppe DOSSENA 0.00 %
VIII. Rezistenca si trajner
1. Shyqyri RRELI 19 ndeshje
Astrit HAFIZI 19 ndeshje
3. Loro BORIÇI 17 ndeshje
Bejkush BIRÇE 17 ndeshje
5. Neptun BAJKO 11 ndeshje
6. Zyber KONÇI 10 ndeshje
7. Agron SULAJ 9 ndeshje
8. Medin ZHEGA 6 ndeshje
9. Hans Peter BRIEGEL 4 ndeshje
10. Myslym ALLA 3 ndeshje
11.Ilia SHUKE 2 ndeshje
Sulejman DEMOLLARI 2 ndeshje
Giuseppe DOSSENA 2 ndeshje
Renditja e përkohëshme e 8 treguesve të “Trajnerit më rezultativ”:

1. Hans Peter BRIEGEL 23
2. Ilia SHUKE 31
3. Neptun BAJKO 35
4. Zyber KONÇI 38
5. Astrit HAFIZI 39
6. Giuseppe DOSSENA 49
7. Loro BORIÇI 50
8.Shyqyri RRELI 50
9. Medin ZHEGA 52
10.Bejkush BIRÇE 53
11.Agron SULAJ 69
12.Myslym ALLA 70
13.Sulejman DEMOLLARI 73

Marrë nga “Futbolli Shqiptar – MAGAZINE” Nr. 121-122, 6 gusht 2003

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

LISTA E PLOTE E LOJTAREVE TE KOMBETARES QE LUAJNE AKTUALISHT PER SHQIPERINE :

1 Foto STRAKOSHA : Portier -Kalithea - GRE
2 ILION LIKA : Portier - Dinamo-Alb
3 Elvin BEQIRI : Mbrojtës - Metalurg Donetsk-Ukr
4 Geri ÇIPI : Mbrojtës - F.C Eintracht -Ger
5 REZAR DABULLA : Mbrojtes - FK Tirana Alb
6 NEVIL DEDE : Mbrojtës - FK TIRANA
7 Arjan BELLAI : Mesfushor - Apollon Korfu - GRE
8 Klodian DURO : Mesfushor - Partizani - Alb
9 BLENDI SHKEMBI : Mesfushor - RIJEKA-KRO
10 Adrian ALIAJ : Mesfushor - Oberhauzen -Ger
11 Besnik HASI : Mesfushor - Anderlecht - BEL
12 Mehmet DRAGUSHA : Mesfushor - F.C Eintracht - GER
13 Ervin SKELA : Mesfushor - F.C. Eintracht - GER
14 DEVI MUKA : Sulmues - FK TIRANA
15 Edvin MURATI : Mesfushor - F.C. Iraklis - GRE
16 Igli TARE : Sulmues- Bolonja - ITA
17 Alban BUSHI : Sulmues - Trabsonspor - TUR
18 Florian MYRTAJ : Sulmues - Verona- ITA
20 LORIK CANA : Mesfushor - PSG -Fra
21 ALTIN RRAKLLI : Sulmues - Regensburg - Ger

STAFI :

Trainer: Hans Peter BRIEGEL
Zv. Trainer: Axel ROOS
Zv. Trainer: Vladimir AJAZI
Mjek:Lluka HEQIMI
Masazhator: Ylli MIHALI
Asllan KASA
Hakim BULINGER

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

FITORET ME TE THELLA TE KOMBETARES :

Shqiperi-Turqi 3-0
Tirane, 14.11.1971

Shqiperi-Algjeri 3-0
Tirane, 10.10.1976

Shqiperi-Moldavi 3-0
Tirane, 29.03.1995

Turqi-Shqiperi 1-4
Antalia, 21.01.1998

Shqiperi-Andora 3-0
Malte, 06.02.2000

Shqiperi-Malte 3-0
Tirane, 14.12.2000

Shqiperi-Vietnam 5-0
Norcia, 12.02.2003

Shqiperi-Rusi 3-1
Shkoder, 29.03.2003

Shqiperi-Gjeogji 3-1
10/09/2003

Humbja me e thelle:

Hungari-Shqiperi 12-0
Budapest, 24.09.1950

Karriera me e gjate:
Rudi VATA me 59 ndeshje nderkombetare

Golashenuesi me i mire:
Sokol KUSHTA ,Altin Rraklli,Alban Bushaj 10 gola

Arritjet me te medha:
Kampione e Ballkanit ne 1946
Fituese e Turneut Nderkombetar “ROTHMANS” ne 2000

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Drama tronditëse në dy akte e Kombëtares në një analizë historike

Endrra e shuar e një mbrëmbjeje të pranverës...

* Hans Peter Briegel i Gjermanisë - trajneri më rezultativ në pjesëmarrjet e Kombëtares së Shqipërisë.

* Dhe futbolli si "metaforë e jetës" dhe jo "politikë e moskuptimit", si një "roman popullor" dhe "forcë morale" e pashkatërrueshme.


Ato ishin 10 "rekordet" e kësaj Kombëtareje, të cilët e bëjnë të pangjashme pjesëmarrjen e saj të 17-të për turnetë kualifikues në Kupën e Evropës dhe të Botës.

Por rekordi i rekordeve është futbolli i një cilësie më të lartë, çka kaq i qëndrueshëm nuk qe parë mbase as më 1984-85, kur Shqipëria barazonte 2-2 me Poloninë e Bonjekut dhe fitonte 2-0 me Belgjikën e Schifos. Siç kam përmendur më sipër, ndër 8, plot 6 ndeshje qenë të shkëlqyera. Kujtoni barazimin 1-1 me Zvicrën nën drejtimin e Dossenës. Shkoni te fitorja 3-1 me Rusinë që befasoi mjedisin evropian të futbollit. Kthejuni menjëherë te barazimi dramatik 0-0 me Irlandën në Tiranë. Udhëtoni për te 2-1-shi i Dublinit po me Irlandën, një ndeshje e madhe e krejt Kupës së Evropës me gjithë fatalitetin e minutave të fundit. Zbrisni poshtë në Gjenevë dhe kujtojeni paksa 3-2-ish e "Stade de Genéve" para gati 10.000 shqiptarëve të Kosovës ku u përurua treshja simbolike e Kosovës, ajo Hasi-Dragusha-Cana. Dhe qëndroni në mbrëmbjen e Stadiumit Kombëtar "Qemal Stafa" te 3-1-shi gjeorgjian, përcaktues për një rritje.

Të gjitha këto së bashku i vëjnë vulën historike kësaj pjesëmarrjeje, së cilës gjermani ynë Hans Peter Briegel, njeriu që solli Kosovën në Kombëtaren tashmà Mbarëshqiptare, që i dha shtytjen përtëritëse asaj, që i skicoi një fytyrë më moderne asaj, më sulmese se asnjëherë, më elastike se kurr më parë, është padyshim protagonisti, i besueshmi me plot të drejtë jo vetëm i atyre që me mirësi njohin llogjikën e gjërave, po dhe i Presidentit këmbëngulës të FSHF, Armand Duka, njeriu i cili më fort se askush, pa u ndikuar nga pëshpërimat e koridoreve, të kafeneve, të loterive, të skutave të TV-ve, të përçmimeve e mëndjemadhësive, të boshësive, të shpifësve, të pseudogazetarisë, të nëpunësive të dyshimta, të tregëtarëve të sportit e të sportistëve, të pseudoshoqërive, të pseudokulturës, të posteve të zënë pa meritë, të pronarëve që nuk dijnë se ç'kulturë e mendim të dyshimtë prodhon ndërmarrja e tyre për opinionin publik, të pagesave të larta për punë mediokre, ky president besoi pra, te trajnerët e shkollave të huaja më të përparuara të Evropës, e pse jo edhe të Botës.

Dhe për fat, prap kemi çka të kujtojmë më tej. Do të kujtojmë edhe dy humbjet e rënda,ato 1-4 në Vollgograd me Rusinë dhe ate 0-3 në Tbilis me Gjeorgjinë, që prishën ëndrrën e mbrëmbjes së paharrueshme të Myftar Çelës të Stadiumit "Loro Boriçi" të 23 marsit 2003, duke na lënë për fatin tonë të vogël, tejet të vogël, në vendin e 4-t, ndonëse në një grup të hekurt, më të barazpeshuarin në të gjithë EURO 2004 ku për herë të parë në historinë e saj, Shqipëria iu mori pikë të gjithë skuadrave dhe ndikoi aq fort në forcën e një gare që do të mbetet dramatike deri në ndeshjet e 11 tetorit për të përcaktuar të kualifikuarin për fundoret e EURO 2004! E pra, a nuk u prishën ose rrezikohen të prishen pas ngjarjeve të së mërkurës së 10 shtatorit, edhe ëndrrat më të bukura, madje të një Holande, të një Austrie, të një Hungarie, të një Polonie, të një Skocie, të një Ukraine, të një Kroacie, të një Belgjike dhe të një ish Jugosllavie? Dhe a megjithë mënd ka naivë që mendojnë se Shqipëria është mbi këta?

Edhe për kësisoj, Kombëtarja e Republikës së Shqipërisë, nuk ka arsye ta ulë kryet. Ndonëse do t'i duhet të guxojë më fort në edicionet e ardhshme. Besojmë ende në te! Ashtu siç beson edhe Hans Peter Brigel, i cili në bisedimin e përvetëm që pata me te në mbrëmjen e asaj të mërkure, sa qe indiferent ndaj mungesës së mikpritjes shqiptare tek ndonjë individ i papeshë, po aq çmonte mikpritjen mbarëshqiptare, prej së cilës e ka të vështirë të harrojë dhe të shkëputet. Elvin Beqiri, Adrian Aliaj, Ervin Skela, Lorik Cana, Mehmet Dragusha është rinia e sjellur prej tij në Kombëtare. Bie fjala, këto dit në bllokun e tij, ai mund të shënojë edhe një tjetër të ri me emrin Jurgen Xhasula i Freiburgut, i cili mbush 18 vjetët më 5 dhjetor 2003, mesfushor shtatlartë 1.86 cm. - i përzgjedhur si një nga 50 talentet e Bundesligës. Me siguri dhe jo vetëm ky.

Kjo emblemë rinore, e përkujtuar nga Hans Peter Briegel, është mbase arritja më e madhe e Shqipërisë, e cila sapo ka nisur përtëritjen. Por pa hequr dorë nga "veteranët" ende të freskët. Ky po, është një stil i njohur gjerman, që nuk e mat aftësinë thjesht me vitet që ke, por në forcën që zotëron, çka e di më së miri edhe Hans Peter Briegel, i cili ka ende rrugë për të bërë me Shqipërinë.

Trajnerët e mençëm shqiptarë, prej të cilëve për fat, sot për sot, asnjeri nuk po ia arrin që të paktën fizikisht të përgatisë një klub shqiptar përsëmbari, qoftë për kampionatin kombëtar, që ende nuk vrapon por ecë në ndeshjet e tij të përgjumura, e kuptojnë se ende nuk mund të pretendojnë për të rrëmbyer skeptrin e Trajnerit të Kombëtares, përderisa nuk po japin prova qoftë dhe modeste me klubet e tyre. Ma merr mëndja se e kuptojnë që kanë ende nevojë për përvojën e Evropës Perëndimore, të cilën jo për fajin e tyre, nuk e kanë mbërritur.

Tash e mbrapa edhe në Shqipëri, me sa duket po ia mbërrijmë që askush nuk do të mund të emërojë më trajnerë të Kombëtares pse don një shok a mik i Partisë, pse kemi vendosur ne të "klanit" në kafe, se të ka mik një shtetar, se dikush të bën ty publicitet në gazetë, se ti ke qenë edhe më parë, se klubi yt është i pari apo i dyti i Shqipërisë apo se "e kemi në dorë ne këte punë".

"Fenomeni Briegel" apo dhe "Dossena" janë diçka e re në historinë e pjesëmarrjes së Shqipërisë në Kupën e Evropës dhe të Botës. Eshtë themelimi i Institucionit të Rëndësishëm të Trajnerit Modern të Kombëtares për garat e mëdha, guri i parë i të cilit nga FSHF dhe Presidenti i saj Duka, sapo u vu. Duan apo s'duan "shakllabanllëqet" e futbollit a të sportit në Shqipërinë thuajse krejtësisht të loterizuar në sportin më popullor. (Për kulturë "shkallabàn", sipas orientalistit të madh Tahir Dizdari, fjalori unikal i të cilit së shpejti publikohet, do të thotë: "Njeri që s'i pránë goja kurr, fjalaman, llomotitës; në Berat i thonë sdërranuk; në italisht "ciarlone", "chiachierone"; kështu edhe në fjalorët e Kristoforidhit, të "Bashkimit", Busettit, Cordignanos, Leottit, Gazullit; në turqisht prej nga vjen është "saklabàn").

Fjalët e pakta e mendt në krye, "fenomeni Briegel" apo dhe "Dossena" sapo ka sjellë edhe në Shqipëri përvojën e re, të panjohur madje, për emërimin e një trajneri për Kombëtaren. Tash e mbrapa mendja të thotë se do të ketë parametra të tjerë, ku natyrisht i pari do të jenë rezultatet e arritura. Për këte besoj se do të ketë mirëkuptim edhe me trajnerët shqiptarë, të cilët sido që të vijnë punët, në kohën dhe vendin e duhur, pikërisht ata do të mund të jenë trajnerë të Kombëtares. Le të presin edhe pak. Durim. Do të vijë edhe radha e tyre.

Me ndershmëri ne nuk e kemi në dorë ta largojmë trajnerin evropianoperëndimor, në këte rast Hans Peter Briegel, trajnerin më të suksesshëm prej të 13-tëve të deritanishëm të Shqipërisë tash 40 vjet në turnetë kualifikues të Kupës së Evropës dhe asaj të Botës. Ai vazhdon të qëndrojë në krye në renditjen tonë të suksesit, sipas 8 treguesve statistikorë të arritjeve të njohura tashmà te Këqyrja e "Futbolli Shqiptar -MAGAZINE".

Midis këtyre 8 treguesve, Hans Peter Briegel fiton vendin e parë në Treguesin Nr. VI, ate të golaverazhit më të mirë (9-10), çka për një trajner që e ka drejtuar Kombëtaren në 6 ndeshje e lart, përbën një ndër arritjet më absolute në historinë e Kombëtares, pra me vetëm -1 gol pësues. I afrohet disi vetëm golaverazhi i Zhegës (5-10), ndërsa trajnerët e tjerë të mbi 6 ndeshjeve të drejtuara, janë tepër larg. Kjo barazpeshë e gjermanit midis shënimit dhe pësimit të golave, nuk është parë asnjëherë në historinë e Kombëtares dhe ai që e di se thelbi i futbolli në fund të fundit, është raporti i golave të shënuar me ato të pësuar, e kupton më së miri rritjen.

Briegel është një prej fituesve të vendit të parë edhe në Treguesin V, atë të fitoreve të arritura (2). Por ai është i dytë në 4 tregues: në Treguesin II (ndeshjet e rralla), në Treguesin III (përqindja e suksesit), në Treguesin IV (mesatarja e pikëve për ndeshje), në Treguesin VII (përqindja e fitoreve) - çka i jep një epërsi të dukshme përballë 12 trajnerëve të tjerë, të cilët nuk ia arrijnë të kenë barazpeshën e kryesimeve të larta në të 8 treguesit, siç e ka Briegel. Kjo i jep gjermanit vendin e parë, në Renditjen e Përgjithshme të Këqyrjes sonë Historike, duke e bërë të jetë deri më sot, Trajneri më Rezultativ i Kombëtares së Shqipërisë.

Tek janë pra, të 13-tët, sipas asaj çka kanë arritur në 40 vjet pjesëmarrje të Shqipërisë në Evropë dhe Botë, në renditjen e 8 treguesve të "Trajnerit më rezultativ":

1. Hans Peter BRIEGEL 21

2. Ilia SHUKE 31

3. Neptun BAJKO 35

4. Zyber KONÇI 37

5. Astrit HAFIZI 39

7. Loro BORIÇI 49

Shyqyri RRELI 49

9. Medin ZHEGA 52

Giuseppe DOSSENA 52

10.Bejkush BIRÇE 53

11.Agron SULAJ 69

12.Myslym ALLA 70

13.Sulejman DEMOLLARI 73



Atëherë?

Për fat, në Shqipëri për shkak të loterizimit dhe shpesh të mungesës së qytetarisë, ende rrezikon të humbasë kuptimi i lartë sportiv, pra edhe i të vërtetave të sportit më popullor, futbollit. Do ta mbyll me thënien emblematike të një kritiku, Francesco Merlo:

"Njerëzit besojnë te sporti si një metaforë e jetës, sepse sporti është lufta për jetën me armë të tjera, dhe të flasësh për sportin është si të tregosh për jetën, që nuk është politika e moskuptimit, as kultura e të privilegjuarve. Sporti mplekset me fatet e vërteta, është materia e thjeshtë dhe e vështirë njëkohësisht, është forcë morale, një roman popullor, është bota e ndjenjave, një botë që ndërtohet dhe që kurr nuk shkatërrohet, as dhe prej vdekjes".

Në këte sport që Kombëtarja e Shqipërisë kërkoi të hyjë më fort se asnjëherë tjetër, shpresojmë dhe besojmë ne.

Besnik DIZDARI .

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Mblidhet Ekzekutivi. Anëtarët janë dakord që të vazhdojnë me gjermanin në Kombëtare

Komiteti jep "OK" për Brigelin
Afati i federimeve do vazhdojë deri në 10 tetor


Komiteti Ekzekutiv ka zhvilluar dje, në ambientet e Federatës Shqiptare të Futbollit mbledhjes e saj të radhës, ku janë marrë një sërë vendimesh të rë-ndësishme për ecurinë e kampionatit dhe të ekipeve kombëtare.Ajo që bie në sy në katër vendimet e marra dje në mesditë, ka qenë rënia dakord e të gjithë anëtarëve, ndonëse parimisht, për të zgjatur kontratën me trajnerin aktual të Kombëtares, Hans Peter Brigel. Kontrata e gjermanit, që skadon në fund të tetorit, duket se do të rinovohet, por për të mësuar diçka më shumë në lidhje me këtë duhen pritur ditët e para të muajit të ardhshëm, atëherë kur kreu i pankinës do të vijë në Tiranë. Brigel mendohet të jetë në kryeqytet në fillim të tetorit, disa ditë përpara ndeshjes miqësore me Portugalinë, në program për datën 11 tetor. Gjatë qëndrimit në Shqipëri, Brigel do të ndjekë disa ndeshje të kampionatit tonë dhe, me shumë gjasa, në këto momenete do të bëhet dhe oferta e rinovimit. Për shifra që mund t'i propozohen gjermanit as që mund të bëhet fjalë, por pritet që të jetë diçka më shumë se kontrata aktuale, që rrotullohet në shifrat e 150 mijë eurove. Vetë Brigel, pas ndeshjes me Gjeorgjinë, në Tiranë, ka shprehur dëshirën për të vazhduar aventurën e tij shqiptare dhe gjithë këto pista të çojnë në një rinovim të mundshëm, që shumë shpejt mund të kthehet në realitet.Duke iu rikthyer mbledhjes, Komiteti Ekzekutiv është mbledhur dje me dyer të mbyllura dhe menjëherë pas dy orëve bisede, ka dalë dhe "rezoluta" e asaj çka u diskutua. Zëdhënësi i FSHF-së, Lysjen Nurishmi, pasi ka lexuar tre vendimet e Ekzekutivit, ka shtuar dhe atë të rënies parimisht dakord të rinovimit të kontratës FSHF-Brigel. Nurishmi nuk ka konfirmuar datën e saktë të ardhjes së kreut të pankinës kuqezi, por ka theksuar faktin se brenda javës së ardhshme, Brigel do jetë në Tiranë.Federimet, "topi" i kalon sektorit të garaveNë lidhje me federimet e disa lojtarëve, që janë afruar ditët e fundit në skuadrat e grupit A1, Komiteti Ekzekutiv ka rënë dakord që merkato të rihapet. Që nga dita e sotme, çdo klub që kërkon të federojë një lojtar, mund të paraqesë dokumentacionin e kërkuar në Sektorin e Garave dhe lojtari do të federohet. Për lojtarë që kanë ardhur në kampionatin tonë nga skuadra të huaja, do të nevojitet dhe kartela ndërkombëtare e federimit, që lojtari ka patur në klubin e mëparshëm. Në këtë grup bëjnë pjesë dy lojtarët e Partizanit, Duro e Fakaj, si edhe ai i Dinamos, Erion Rizvanolli. Në këtë mënyrë, cilado skuadër që e ndien veten të aftë për të blerë lojtarë, apo huazuar, mund ta bëjë deri në datën 10 tetor.Vendimet e Komitetit Ekzekutiv· Të federohen të gjithë lojtarët që kanë mbetur pa federuar nga data 26.09.03 deri në datën 10.10.03. Sektori i garave duhet të zbatojë këtë vendim, pra lojtarët që kanë kartën ndërkombëtare të federimit mund të luajnë në kampionatin tonë. · Miratohet procesverbali i mbledhjes së fundit. · Krijohet një administratë e veçantë për projektin "GOAL", që po përfundon në Kamëz dhe do të drejtohet nga Genc Xhafa. · Miratohet në parim dhe zgjatja e kontratës me trajnerin Brigel.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Kualifikimi i trajnereve, nje leksion nga Ishujt Faroe
Nga Bledar KUKA 'Korrieri'

Ne Shqiperine e futbollit, ndoshta shume kush nuk e di, por ia vlen ta mesoje, qe Ishujt Faroe modeste mund ti japin nje leksion bijve te shqipeve ne nje sport ku, kemi qene gjithnje me me shume tradite sesa ata. Nese shikon ne adresen e UEFA-s ne internet, apo ne adresa te tjera futbollistike, veren se Faroet kane plotesuar kriteret per te qene pjesetare te programit te UEFA-s mbi kualifkimin e trajnereve, ne nivelin B, qe eshte edhe niveli me i ulet. Ky vend ka tani 9 trajnere me kete licence te UEFA-s, ndersa eshte duke u bere gati per te hyre ne nivelin A, e me pas, tek Pro, si niveli me i larte.

Shqiperia, ende nuk eshte pranuar si pjesetare e projektit te UEFA-s mbi edukimin e trajnereve, pra as ne nivelin B, por ka synim qe shpejt te jete ne ate faze. Per momentin, jemi prapa Ishujve Faroe, te cilet dukshem i nenvleftesojme, pa marre mundimin te dime se cfare bejne. Mund te shtohet se Faroet kane instruktore britanike dhe po perpiqen te ngrene nivelin e trajnereve, ndonese vendi ka mundesi te vogla persa i perket futbollit.

Duke lene pas Faroet, le te ndjekim zhvillimin e nje vendi ne lufte e ne krize, si fqinji yne, ish-RFJ e Maqedonise, e cila e ka kaluar anetaresimin ne nivelin B dhe po synon drejt A-se, pa permendur Kroacine, qe ka kaluar te dy nivelet e pare, B dhe A, ndersa po aplikon per te qene anetare me te drejta te plota ne projektin europian, duke plotesuar edhe kushtin Pro.

Ndersa si nje shembull qe shkelqen dhe qe mund te jete si udherrefyes per FSHF-ne, eshte Hungaria, qe e ka nisur punen mbi unifikimin e licencave te trajnereve sipas programeve te UEFA-s, qe ne vitin 1995. Duke kaluar mes shume veshtiresish, ky vend ka sot 17 trajnere te nivelit Pro dhe eshte anetar me antaresi te plote ne projektin europian te kualifkimit te trajnereve.

Nderkaq, po te kthehesh pak ne realitetin shqiptar, veren reagime te shumta dhe shpesh kundershtuese, mbi projektin e FSHF-se, per testimin e trajnereve dhe pajisjen e tyre me licenca te UEFA-s. Por, te gjithe duhet ta kene te qarte se kjo eshte nje rruge qe nuk ka kthim prapa, dhe kundershtite e xhelozite, vetem do ta vonojne procesin. Federata Hungareze ka shkruar ne relacionin e saj per UEFA-n: Programi i UEFA-s per licencimin e trajnereve SHPETOI futbollin hungarez. Ia vlen ta besojme.

FSHF ka per detyre te kualifikoje trajneret e te gjitha niveleve ne Shqiperi, duke ftuar te bashkepunojne trajneret me te mire shqiptare.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Portugali-Shqiperi, grumbullimi me 8 tetor

Do te mblidhen me 8 tetor ne Portugali, lojtaret e kombetares shqiptare, qe do te luajne miqesoren aty, me 11 tetor. Kete e beri te ditur dje zedhenesi i Federates Shqiptare te Futbollit, Nurishmi. Ekipi kombetar do mblidhet me 8 tetor ne Portugali, - tha ai, - pra te merkuren, ndersa ndeshja luhet me 11 tetor, te shtunen.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.