S. Inzagi: Përgjegjësia, e të gjithëve

Simone Inzagi s'është dakord. Në fund të ndeshjes së Pragës, që u ka kushtuar bardhekaltërve eliminimin nga Evropa, Roberto Mançini ka nxjerrë dufin, duke thënë se ishte tepër i mërzitur me atë që hyri në pjesën e dytë." Por qendërsulmuesi s'dëshiron të vihet në bankën e të akuzuarve. "S'jam dakort me atë që ka thënë trajneri, - shpjegoi ai, - më vjen keq për eliminimin, që peshon shumë, por përgjegjësia është e të gjithëve dhe jo vetëm e atyre që hynë në pjesën e dytë." Fajtor për humbjen? As që bëhet fjalë. Simone Inzagi s'arrin t'i pranojë akuzat e vërshuara drejt tij nga trajneri bardheklatër që, edhe pse nuk e ka cituar personalisht, ka folur me tone të ashpra dhe kritike për lojtarët që u aktivizuan në pjesën e dytë të ndeshjes së Ligës së Kampioneve në Çeki. "Kam ardhur këtu për të sqaruar qëndrimin tim, - ka deklaruar lojtari gjatë një konference për shtyp, - duke qenë se mes të tjerash ajo që ju interson të dini është opinioni im për atë që ndodhi ndaj Spartës së Pragës. Por, e theksoj edhe një herë, se para së gjithash më vjen më tepër keq për eliminimin. Më vjen keq për klubin, për të gjithë ne dhe për të gjithë tifozët. Por s'kisha si të mos i lexoja këto dy-tre rreshta. Edhe pse më vjen keq për eliminimin, s'jam dakord me atë ç'ka thënë trajneri."

Luçesku: Faji është imi

Trajneri i Çelsit Klaudio Ranieri tha se fitorja e skuadrës së tij me rezultatin 2-0 ndaj Beshiktashit ishte një provë e vështirë karakteri përballë nje tifozerie jo mikpritëse. "Doja që të tregonim karakter,- tha italiani.- Kërkova që ta dominonim lojën sepse të fitosh kur ke 50 mijë tifozë kundër nuk është aspak e lehtë. Megjithatë atmosfera e krijuar në ekipin tim ishte shumë e mirë, gjiashtu edhe rezultati." I gjithë stadiumi, përveç 400 tifozëve të Çelsit që ishin të pranishëm në "AufSchalke", mbështesnin skuadrën turke pasi dihet që në Gjermani ka një komunitet të madh të përbërë nga shtetas me kombësi turke. Ndeshja luhej në fushë asnjëanëse për shkak të mungesës së sigurisë në Turqi, pas incidenteve të fundit me bombë. Trajneri i Beshiktashit Mirçea Luçesku fajësoi veten e tij për humbjen ndaj anglezëve. "Dëshiroja ta fitoja këtë ndeshje por nuk ishim në gjëndje ta bënim një gjë të tillë pavarësisht nga ndryshimet taktime, pra faji është imi,- tha rumuni.- Ne nuk kishim forcën e duhur për të shënuar ndaj një skuadre që ka një mbrojtje shumë të mirë."

Shtypi belg, kundër Milanit

Dyshimet e holandezëve u shndërruan në inatin e belgëve. Siç ishte parashikuar, gazetat belge sulmojnë Milanin, që luajti të martën me një formacion "provincialësh", duke i hapur rrugën Selta Vigos të kualifikohet në raundin e dytë të Ligës së Kampioneve. Po, sepse fitorja e spanjollëve në "San Siro" ishte vendimtare për të skualifikuar Bryzhin, që fitoi ndaj Ajaksit në derbin "flamand". "Ishte shumë e padrejtë", - ishte titulli i faqes së parë të gazetës "La Derniere Heure". "Bryzhi meritonte më shumë. Mungesa e dëshirës së Milanit u ndaloi zikaltërve ecurinë në Ligën e Kampioneve", - shkruanin gazetat e tjera të Belgjikës, që gjithsesi ishin të gëzuara për kualifikimin në Kupën UEFA të Verlindenit me shokë. Një gazetë tjetër shkruante: "Bryzhi, viktimë e Kupës Interkontinentale".

Stankoviç: Nuk largohem në janar

Dejan Stankoviçi përgënjeshtron largimin e tij të menjëhershëm nga Lacio. Mesfushori serb siguron se nuk do të largohet në merkaton e janarit. "Do të qëndroj deri në qershor,"- tha Stankoviçi, menjëherë pas humbjes me Spartën e Pragës në Ligën e Kampioneve. Megjithatë, nuk është thënë fjala e fundit. Skuadra që duket më afër mesfushorit është Interi.

UEFA heton Beshiktash-Çelsi

Zyrtarët e UEFA-s të mërkurën thanë se ishin në pritje të një raporti në lidhje me ndërprerjen e ndeshjes Beshiktash-Çelsi për shkak të trazirave të shkaktuara nga tifozët. Megjithatë një zëdhënës tha se nuk do të merreshim masa deri në muajin shkurt. Pjesa e dytë e ndeshjes së fituar 2-0 nga Çelsi, u ndërpre për afro 6 minuta pasi tifozët turq e mbushën fushën me letra higjenike dhe sende të tjera. "UEFA është në pritje të një raporti nga ana e gjyqtarit të takimit dhe të delegatëve,- tha zëdhënësi.- Më pas do të vendosim nëse do të marrim masa."

LIGA E KAMPIONEVE

Evropa ka mësuar dje të 16 skuadrat që janë kualifikuar për në 1/8. Largohet Interi ndërsa Bajern ka vuajtur deri në fund për të kapur trenin e fundit. Zikaltërit dhe Dinamo e Kievit kanë vrarë klualifikimin e njëri-tjetrit duke barazuar 1-1 ndërmjet tyre. Një gol i Adanit në minutën e 68-të dhe një lojë perfekte kanë dhënë përshtypjen se italinët e kishin prerë biletën për në 1/8 por ka menduar Rinkon për të prishur ëndrrat e skuadrës së Zak që tashmë duhet të ngushëllohet me një vend në Kupën UEFA. Barazimi i Kievit i ka shërbyer Lokomotivës së Moskës që e favorizuar nga takimet e drejtëpërdrejta me Interin ka festuar kualifikimin në “Hajbëri” sëbashku me Arsenal. Topçinjtë që në përfundim të ndeshjeve të para cilësoheshin si të eleminuar kanë treguar se janë të denjë për famën që gëzojnë duke arritur tre fitore rresht dhe siguruar vendin e parë në grup. Bajerni ka derdhur shumë djersë për të marrë kualifikimin në “Olimpiashtadion”. Një gol i Makajit nga pika e bardhë i ka mjaftuar bavarezëve për të siguruar vendin e dytë në grup. Lion ka vuajtur deri në fërshëllimën e fundit të gjyqtarit për të siguruar kualifikimin. Francezët janë gjendur dy herë në avantazh dhe po kaq herë janë arritur nga skocezët dhe në fund është dashur një gol i Zhuninjos për të mbyllur përfundimisht kapitullin 1/8. Në grupin C Monako e kualifikuar i ka lejuar vetes luksin e një barazimi 0-0 në Greqi përballë Aekut duke ruajtur të paprekur vendin e parë. Ndërkohë që PSV ka qënë vetëm një hap larg 1/8 ku ka arritur të kryesojë deri në 2-0, por më pas spanjollët janë zgjuar dhe kanë fundosur shpresat e holandezëve me anë të Luke dhe Pandianit. Ndërkohë që goli i De Jong në fundin e takimit ka pasur vetëm vlera statistikore. Në Grupin D Real Sociedad i bashkohet Juventusit në turin pasardhës. Skuadra nga San Sebastian ka frenuar në barazim 1-1 Gallatasarajin duke siguruar një vend në 16 më të mirat e Evropës. Ndërkohë që Juventus ka luajtur regbi me Olimpiakos duke shënuar plot 7 gola në portën e grekëve duke e kthyer këtë ndeshje në 90 minuta kontrolli.

Imazhe te Ngjitura

a_chapionleagu.gif (5.9 KB, 95 vezhgime)

INTER , lamtumirë Champions League

Skualifikohet Inter nga Champions League. Në grupin B janë kualifikuar Arsenal (i pari me 10 pikë) dhe Lokomotiva e Moskës (e dyta me 8 pikë). Një befasi për skuadrën italiane, e cila në fillim të këtij edicione ishte rradhitur mes pretendetëve për të fituar titullin e kampionit të Europës. Skuadra e Zakeronin nuk ka mundur të qëndrojë në Champions League. Barazimi i arritur në Kiev vlen vetëm për pjesëmarrjen e tyre në Kupën UEFA, pasi në të njëjtën kohë fitonte Arsenali në Moskë përballë Lokomotivës me rezultatin 2-0. Ajo kundër Dinamos ka qenë një ndeshje dramatike për sa i përket anës sportive, me një Inter krenar, i mbushur me karakter, që dukej se kishte goditur pikërisht në momentin e duhur (në mesin e pjesë së dytë) kundërshtarët me një goditje të bukur me kokë të mbrojtësit Adani. Por për fat të keq, me kualifikimin në xhep dhe me armën e kundërsulmit në dispozicion, zikaltrit nuk kanë mundur ta mbyllin me sukses, duke gabuar shumë (Martins egoist) dhe duke pësuar një barazim në dukje i rastësishëm: goli i vendasve ka ardhur pas një rrëmuje në zonë pesë minuta para fundit. Minuta e mbetuar kanë përcjellë emocione të mrekullueshme falë rasteve të shumta, por rezultati nuk ndryshonte më.

Ndeshja e prapambetur e kupes Uefa

M. Haifa 0-4 Valencia

World Soccer magazine tabs Nedved Player of the Year

Lexuesit e revistes se njohur ''World Soccer '' ne anketen e zhvilluar kane votuar mesfushorin Juventin si lojtari me i mire i botes se vitit 2003.

Pas Nedvedit vinin ''Van Nisterloi'' (man utd) dhe ''Raul'' (real)

Milani eshte votuar si ''skuadra e vitit'' si dhe tranieri milanist ''Karlo Anceloti'' si tranieri i vitit.

Shorti !

Stuttgart v Chelsea
FC Porto v Manchester United
Real Sociedad v Lyon
Celta de Vigo v Arsenal
Bayern Munich v Real Madrid
Sparta Praha v Milan
Deportivo La Coruna v Juventus
Lokomotiv Moskva v Monaco

(Ndeshjet e para do te zhvillohen me daten 24-25 Shkurt dhe te kthimit me daten 9-10 Mars)

Shori i kupes Uefa

Brondby (Denmark) v Barcelona (Spain)
Parma (Italy) v Genclerbirligi (Turkey)
Benfica (Portugal) v Rosenborg Trondheim (Norway)
Marseille (France) v Dnipro Dnipropetrovsk (Ukraine)
Celtic (Scotland) v Teplice (Czech Republic)
Perugia (Italy) v PSV Eindhoven (Netherlands)
Groclin Grodzisk (Poland) v Bordeaux (France)
Valencia (Spain) v Besiktas (Turkey)
Galatasaray (Turkey) v Villarreal (Spain)
Club Bruges (Belgium) v Debrecen (Hungary)
Sochaux (France) v Inter (Italy)
Liverpool (England) v Levski Sofia (Bulgaria)
Spartak Moscow (Russia) v Real Mallorca (Spain)
Gaziantepspor (Turkey) v Roma (Italy)
Auxerre (France) v Panathinaikos (Greece)
Valerenga (Norway) v Newcastle United (England)

Ndeshjet e para do te zhvillohen me daten 26 Shkurt dhe te kthimit me daten 3 Mars.

Inter, keqardhje për eliminimin nga Champions

Nuk vonoi të vinte dhe eliminimi i katërt radhazi në Champion League dhe për Alberto Zakeronin, nuk vjen kënaqësia në kompeticionin evropian. Pas dy eliminimesh në turin e parë dhe një në të dytin, të mërkurën në mbrëmje në Kiev, vjen dhe zhgënjimi tjetër për trajnerin romanjol. Në këtë mënyrë është ndërprerë progresi i Interit. Dhe gjithçka u përcaktua nga një barazim rokambolesk dhe i papritur me Dinamon e Kievit. Megjithatë Zakeroni bëri vetëm vlerësime për skuadrën e tij, që dominoi në këtë stadium, si pak skuadra të tjera. Por ai shtoi me keqardhje se "kushtëzoi gabimi i bërë në dy ndeshjet e mëparshme". Zakeroni shpjegoi se kupa e UEFA-s, "do të respektohet si të gjitha kompeticionet". Megjithatë nuk ishte e vështirë të kuptoje deziluzionin që liga e kampioneve u mbyll qysh në dhjetor Për Zakeronin në ndeshjen e të mërkurës në Kiev, përcaktuan dhe shumë shanse për gol, që nuk u finalizuan nga futbollistët e tij. "Disa për egoizëm, disa për mospërqendrim, disa për altruizëm. Dhe është e vështirë të pranosh këtë eliminim kur shikon këtë skuadër, në këtë klimë, që dominon nga minuta e parë deri te e fundit". Fabio Kanavaro shpjegon: "Objektivat për sezonin mbeten, por dhe keqardhja nuk mund të fshihet nga një eliminim i tij. Mësuam dhe një herë se në ligën e kampioneve nuk duhet të gabosh se ndëshkohesh".

Champions League

Bajerni Mynihut do të përballet për të katërtën herë në pesë sezonet e fundit me Realin e Madridit, në turin e dytë të Champion League (me sistem nokaut). Eshtë projektuar kështu sfida e pafundme që do të shkruajë një tjetër kapitull.. Kjo ishte një nga pikat kulmore të shortit të hedhur dje në mesditë, për turin e dytë të Champions League. Skuadra madrilene e prognozuar për të fituar këtë kompeticion, duke arritur shifrën e 10-të trofeve në Champions League do të udhëtojë drejt Mynihut më 24 ose 25 shkurt 2004, për të pritur bavarezët në Bernabeu më 9 ose 10 mars 2004. Këto dy skuadra do të takohen midis tyre për të katërtën herë në pesë sezonet e fundit, çka përbën një përballje gjigantësh, që kanë fituar së bashku 13 herë trofenë e kampionit të Evropës. Real Madrid ka avantazhin se ka fituar ballafaqimin e fundit me shifrat 3:2 në çerekfinalet e sezonit 2001-2002 të Champions League, përpara se të arrinte te fitorja e finales, 2:1 me Bajer Leverkusen. Por Bajern Mynih ka avantazhin se në tetë ndeshjet me Realin e Madridit, duke filluar nga shkurti i vitit 2000, ka fituar gjashtë herë. Spanjollët teknikisht superiorë dhe favoritë, por Bajerni lojtarët e duhur dhe karakterin për të krijuar surprizën. Ka qenë një short i favorshëm për skuadrat italiane të impenjuara në tetëshen e finaleve të Champions League. Kur e imagjinon që skuadrat italiane mund të hasnin dhe në një kondërshtar më të fortë, gjërat duket se janë lehtësuar nga hedhja e djeshme e shortit. Kampioni në fuqi i Evropës, Milani, do të përballet me Sparta të Pragës, ndërsa Juventus finalist i sezonit të kaluar do të ndeshet me Deportivo La Koruna. Këto dy skuadra u ndeshën dhe vjet midis tyre në turin e dytë të Champions League (ndeshjet në grupe), ku në Riazor rezultati ishte i barabartë 2:2, ndërsa në Torino fitoi Juventus 3:2. Dhe Mançester Junajtid ka një test të vështirë me kampionin portugez, Porto. Për herë të fundit, dy skuadrat janë ndeshur në sezonin 1996-1997, në çerekfinale ku Mançester Junajtid ka fituar me rezultatin e përgjithshëm, 4:0. Lideri i ligës së parë angleze, Çelsi, do të luajë me liderin e Bundesligës, Shtutgard. Eshtë e thënë që Monaco e ish-juventinit Deshamp nis këtë tur si favorite përballë Lokomotivës së Moskës që është në delir pas kalimit të turit, duke lënë pas Interin. Ndërkohë që Arsenali nuk është shumë i favorizuar nga ky short, pasi përballë tij do të vihen spanjollët Çelta de Vigo. Ndërsa për ta mbyllur ngelet të flasim për Real Sociedad. Spanjollët do të ndeshen me francezët e Lionit. Kjo do të jetë një ndeshje e cilësuar si një sfidë klasike dhe tepër e ekuilibruar, ku nuk mund të thuash në asnjë moment se cili do të jetë favoriti për të vazhduar më tej.

Milan humb Kupën Ndërkontinentale

“Djall” i mallkuar për skuadrën e Milanit. Këtë herë kanë qenë pikërisht penalltitë ata që e kanë dënuar. Milani ka humbur Kupën Ndërkontinentale vetëm pas penalltive, “llotaria” klasike që në 28 maj u kishte dhuruar kuqezinjtë në finalen e Champions League kundër juventusit. Ka fituar Boka Juniors, skuadra që ndoshta e ka merituar më shumë po të shikojmë zhvillimet gjatë 120 minutave lojë shumë luftarake. Këtë herë Ançeloti është tradhtuar nga penalltitë e Pirlos (ai që nuk ‘gabonte’ kurrë), Seedorf e Costacurta, por edhe trajneri kuqezi ka fajet e tij. Ndoshta hedhja në fushë e një njeriu tjetër që nuk gabon kurrë nga pika e 11-metërshit si Serginho, në minutat e fundit, do të kishte krijuar një situatë më të rehatshme. Nuk ka qenë shkruar të ndodhë kështu dhe është Boka Juniors, skuadra që është ngjitur tashmë në “çatinë” e Botës, duke i hequr kështu Milanit mundësinë për t’u bërë skuadra me më shumë tituj (16 trofe) në botë. Nuk ka qenë një Milan i mrekullueshëm, por përballë kishte dhe një Boka tepër të fortë, taktikisht perfekte dhe me shumë kualitete në fushë, mbi të gjitha kur Bianki ka zbritur në fushë Tevez. Ndërrimet e Ançelotit (Inzaghi për Tomasson dhe Rui Costa për Kakà), nuk kanë prodhuaragjë të mirë. Ndeshjen e kafituar pikërisht Bianki, icili arrin dhe titullin e tij të tretë “Kupa Ndërkontinentale” dhe hakmarrjen e parë përballë futbollit italian, që kur ai kishte qëndruar në pankinën e Romës. Golat u shënuan në minutat 24 (Tomasson) dhe 29 (Donnet). Dhe në funnd të ndeshjes shpërthen edhe polemikat. Ka sulmuar Seedorf: “Disa nga lojtarët e skuadrës sonë kanë refuzuar gjuajtjen e penalltive. Ndërsa unë vetë do të preferoja më mirë të vdisja se sa të mos gjuaja atë 11-metërsh. Ndihesha i lodhur por nuk u tërhoqa”. Ndërsa Ançeloti e komenton kështu deklaratën e Seedorf: Asnjë nuk ka thënë jo, jam unë ai që i përcaktuar lojtarët, në bazë të vlerësimeve të momentit.