"Topi i artë", njihen kandidatët

Revista "France Football" do të publikojë sot listën zyrtare të 50 kandidatëve për fitimin e "Topit të artë" 2003. Skuadra me më shumë përfaqësues është Reali i Madridit, me plot 8 kandidatë, më pas vjen Juventusi me 6 dhe Milani me 5. Italia dhe Franca kanë nga 9 kandidatë, por kjo e fundit ka pak shpresa për të arritur sukses. Favoritët kryesorë për të fituar çmimin prestigjioz janë Zinedin Zidane, Pavel Nedved dhe Paolo Maldini. Pasardhësi i Ronaldos, i cili e fitoi këtë çmim sezonin e shkuar, do të dalë nga këta emra. Për Maldinin, i cili ka një karrierë të shkëlqyer, ky do të jetë shansi i fundit për të fituar "Topin e artë", çmim që u jepet në përgjithësi sulmuesve. Vitet e fundit, vetëm gjermani Matias Samer e ka fituar këtë çmim, duke qenë mbrojtës. Në kandidatura ka dominuar bindshëm Evropa, me 42 lojtarë, më pas vijnë Amerika e Jugut me 6 dhe Afrika me 2.

50 kandidatët për "Topin e artë":

P. Aimar (Valencia)
M. Balak (Bajern M.)
D. Bekham (Real Madrid)
Xh. Bufon (Juventus)
S. Kempbëll (Arsenal)
I. Kasijas (Real Madrid)
A. Shevçenko (Milan)
K. Çivu (Roma)
Deko (Porto)
A. Del Piero (Juventus)
Dida (Milan)
Xh. Elber (Lion)
S. Eto (Majorka)
Luis Figo (Real Madrid)
L. Zhuli (Monako)
T. Hanri (Arsenal)
Z. Ibrahimoviç (Ajaks)
F. Inzagi (Milan)
O. Kahn (Bajern M.)
P. Klaivert (Barcelona)
J. Koler (B. Dortmund)
D. Kovaçeviç (Sociedad)
H. Larson (Sëlltik)
R. Makai (Bajern M.)
K. Makelele (Çelsi)
P. Maldini (Milan)
A. Mutu (Çelsi)
P. Nedved (Juventus)
A. Nesta (Milan)
Nihat K. (Sociedad)
M. Ouen (Liverpul)
P. Pauleta (Paris SG)
R. Pires (Arsenal)
Raul (Real Madrid)
R. Karlos (Real Madrid)
Ronaldinjo (Barcelona)
Ronaldo (Real Madrid)
M. Salgado (Real Madrid)
P. Skols (Man.Utd)
L. Turam (Juventus)
F. Toldo (Inter)
F. Toti (Roma)
H. Trabelsi (Ajaks)
D. Trezege (Juventus)
R. Van Nistelroi (Man.Utd)
P. Viera (Arsenal)
K. Vieri (Inter)
S. Viltord (Arsenal)
Xh. Zambrota (Juventus)
Z. Zidane (Real Madrid)

viva barcelona

__________________
brus lee

Gallatasaraj-Juve, më 12 dhjetor

Ndeshja Gallatasaraj-Juventus, e vlefshme për ndeshjet në grupe të Ligës së Kampioneve, e programuar për t'u luajtur me datë 25 nëntor, është shtyrë më 2 dhjetor. Ndeshja është shtyrë për shkak të sulmeve terroriste të ditëve të fundit të ndodhura në Stamboll. Nëse situata nuk do të përmisohet, atëherë ndeshja do të zhvillohet në një fushë neutrale. Juventus kryeson grupin me 10 pikë, ndërsa Gallatasaraji ka shumë pak shpresa.

per mua jane ronaldinjo nedved bufon

__________________
brus lee

Une mendoj se fiton Paolo Maldini por per mendimin tim me i miri eshte Pavel Nedved .

ronaldinjo (tifoz i barcelones) bufon (ish-tifoz i parmes) nedved per kete vit ka qene me i miri

__________________
brus lee

Viva Roma & Parma !
Njera nga keto e merr kupen Uefa.

Barcelona eshte shume e semure me keto lojtare qe ka dhe deri sa te shese mbeturina dhe te bleje yje as per kupen e Spanjes nuk do pretendoje.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

UEFA pezullon ndeshjet në Turqi

UEFA ka pezulluar dy ndeshjet për kompeticionet evropiane, midis klubeve, menjëherë pasi sulmeve terroriste, që ndodhën të enjten në Stamboll, ku gjetën vdekjen të paktën 26 vetë. Organizmi drejtuesi i futbollit evropian (UEFA), theksoi se ndeshja për Champions League, grupi D, midis Gallatasarajit dhe Juventusit, programuar për të martën e ardhshme, 25 nëntor, është shtyrë për një javë. Dhe ajo do të luhet, të martën, më 2 dhjetor. Ndeshja e kthimit për turin e dytë të kupës UEFA, midis formacionit izraelit Makabi Haifa dhe Valencias, që ishte programuar për t’u luajtur në Izmir, të enjten e ardhshme, më 27 nëntor, është shtyrë për një datë tjetër, që ende nuk është caktuar. "UEFA vendosi që t’i anullojë këtë ndeshje të programuara për t’u zhvilluar në Turqi, javën e ardhshme, pas incidenteve serioze, që përfshinë Stambollin të enjten në mëngjes dhe situatës konfuze që u krijua në këtë vend",- theksoi dje drejtori i operacioneve të kompeticioneve midis klubeve, Jakob Erel, në një komunikatë të shpërndarë nga UEFA. Ndeshja për kupën e UEFA, ku Makabi Haifa është pritëse, u caktua të luhet në Izmir, për shkak të gjendjes shqetësuese, në Lindjen e Mesme. Makabi Haifa dhe Valencia e mbështetën plotësisht vendimin e marrë nga UEFA për shtyrjen e ndeshjes midis tyre, për turin e dytë të kupës UEFA. Në komunikatën e klubit izraelit thuhej: "Makabi Haifa ndien dhëmbje për pasojat tragjike të këtyre atentateve në Stamboll dhe vendimi i UEFA-s ishte logjik, duke patur parasysh rrethanat e krijuara". Ndërsa presidenti i Valencias, Jaime Orti, pohoi: "Ishte zgjidhja më e mirë për të dy skuadrat. Ishte një zgjidhje logjike, pasi siguria në ndeshje mbetet prioriteti i parë në këtë kompeticion". Megjithatë ka shumë konfuzion lidhur me arritjen e një marrëveshjeje për këtë ndeshje. Makabi Haifa theksoi se dëshiron që të luajë më 4 dhjetor dhe vendi të jetë po Izmiri, ndërsa Valencia preferon 11 dhjetorin dhe si vend zhvillimi, Qipron. Ndërkohë UEFA do të monitorojë zhvillimet në Turqi, për të parë nëse është e nevojshme që të gjenden alternativat e nevojshme dhe për ndeshjen për ligën e kampioneve, që Celsi do të luajë në Stamboll me Beshiktashin, më 9 dhjetor.

Zakeroni: Të luajmë si në "Highbury"

Përgatitjet e Interit për takimin e Ligës së Kampioneve ndaj Arsenalit kanë hasur pengesa nga tensioni midis Kristian Vierit dhe tifozëve të klubit. Sulmuesi italian shënoi golin e fundit në fitoren e Interit 6?0 ndaj Rexhinës, por ai u vërshëllye nga një numër i madh i tifozëve zikaltër. Vieri u përgjigj me duartrokitje ironizuese drejt tribunës dhe, gjatë kohës që po dilte nga fusha, ngriti, gishtat e mëdhenj të duarve. Ndarja e ka fillimin në barazimin 2-2 ndaj Breshias, kur Vieri u bëri një shenjë të pahijshme tifozëve të Interit, të cilët kishin vërshëllyer paraqitjen e dobët të skuadrës. Që prej atij momenti, skuadra ka bërë shumë përmirësime. Nën drejtimin e Alberto Zakeronit, Interi ka fituar 10 pikë në katër ndeshjen e fundit dhe nuk ka pësuar asnjë gol. Ish-trajneri i Milanit ka thënë se nuk është i shqetësuar nga problemet mes tifozëve dhe sulmuesit. "Vieri është një problem për të tjerët dhe jo për ne, - tha 50?vjeçari. - Ai ka shënuar pesë gola në Serinë A dhe është nga ata lojtarët që nuk zëvendësohen asnjëherë.

Sociedadi premton kualifikim dhe gola

Nihat Kahveçi dhe Darko Kovaçeviç kanë paralajmëruar Olimpiakosin se kanë për qëllim t'i japin fund mungesës së golave për ta kualifikuar Real Sociedadin në fazën e dytë të Ligës së Kampioneve. Nënkampionët e Spanjës do të përballen me skuadrën greke në Athinë dhe do të sigurojnë kualifikimin, nëse fitojnë. Barazimi 0-0 ndaj Juventusit në ndeshjen e 4-t në grup e ngjiti skuadrën e Reinald Denuasë në kuotën e 7 pikëve, 3 më pak se kampionët e Italisë, por 4 më tepër se grekët dhe Gallatasarai, që renditet në vendin e fundit në grup. "Duhet të shënojmë gola, sepse kjo është detyra e një sulmuesi,- tha Kovaçeviçi.- Kjo mungesë golash do të përfundojë herët a vonë dhe askush nuk duhet të shqetësohet, sepse golat do të vijnë." Edhe pse një fitore në Athinë do të ishte shumë e rëndësishme për moralin e Sociedadit, Kovaçeviçi tha se nuk ishte e nevojshme që skuadra e tij të luftonte për një fitore, pasi pritet që Juventusi të marrë të paktën një pikë ndaj Gallatasarait në ndeshjen e javës së ardhshme.

PSV kërkon mrekullinë ndaj Monakos

Monako, që shpartalloi Deportivon me rezultatin e thellë 8-3 në ndeshjen e fundit të Ligës së Kampioneve, nuk ka probleme me lojtarët dhe nuk ka pësuar asnjë humbje që më 9 gusht në kampionatin francez, të cilin e udhëheq me 3 pikë në krye të renditjes. Ludovik Zhuli, një nga lojtarët më të rëndësishëm të skuadrës së Didië Deshampit, mund të luajë në sulm përkrah spanjollit Fernando Morientes, i cili nuk luajti ndaj Deportivos për shkak të një dëmtimi, ndërsa vendin e tij në mesfushë do ta plotësojë Dado Prso. Kroati Prso ka qenë në formë të shkëlqyer, duke pasur parasysh edhe faktin që shënoi 4 gola ndaj skuadrës së Havier Iruretës. Trajneri i PSV Eindhovenit, Gus Hidink, ka probleme në repartin mbrojtës, pasi Andre Oijer, i cili shënoi për Holandën në fitoren 6-0 në play-off ndaj Skocisë, pësoi një dëmtim në ndeshjen e fundit ndaj Nijmegenit në kampionatin holandez.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Deportivo për kualifikim, AEK-u për krenari

Deportivo po pret me padurim të fshijë nga kujtesa humbjen e turpshme 8-3 ndaj Monakos, por trajneri Havier Irureta nuk do ta ketë të lehtë të mbledhë bashkë 11 lojtarë, pasi është në pritje të lajmeve në lidhje shumë lojtarë të dëmtuar. Sulmuesi Diego Tristan dhe mbrojtësi i qendrës Nuredin Najbet pothuaj janë përjashtuar nga ndeshja e sotme, sepse kanë pësuar dëmtime. Në mungesë të Tristanit, sulmin e Deportivos do ta udhëheqë sulmuesi uruguajan i qendrës Valter Pandiani, ndërsa Najbeti do të zëvendësohet nga mbrojtësi i skuadrës përfaqësuese spanjolle, Sezar. Por më shqetësuese për Iruretën është mungesa e mesfushorit frymëzues Mauro Silva, i cili u dëmtua të shtunën ndaj Real Betisit. Nëse braziliani nuk arrin të rikuperohet në kohë, në vend të tij pritet të debutojë Aldo Dusher.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

Lioni, shans për t'u kualifikuar

Sulmuesi kryesor i Anderlehtit, Aruna Dindejn, do të mungojë në përballjen e sotme me Lionin, pasi është i pezulluar për një ndeshje. Trajneri i skuadrës belge, Hugo Bros, është ende i pavendosur për zëvendësuesin e Dindejnit. Brosi, i cili parapëlqen skemën 4?4?2, ka shumë mundësi t'i besojë kroatit Ivica Mornar, i cili nuk ka luajtur në dy ndeshjet e fundit të Anderlehtit. Qendërmbrojtësi 17-vjeçar Vinsent Kompani, i cili nuk luajti në fitoren e së premtes 2?0 ndaj Monsit për shkak të një problemi të vogël muskular, do të jetë në dispozicion për përballjen me francezët. Portieri i Lionit, Gregori Kupe, i cili është zëvendësuesi i Fabien Bartezit te kombëtarja e Francës, është në dyshim, sepse ka pësuar një dëmtim muskular. Ai do të zëvendësohet nga portieri i tretë, Nikolas Pujdebois, pasi Remi Verkutre është i dëmtuar në këmbë.

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.

O'Nill: Ndeshja më e madhe

Trajneri i Sëlltikut, Martin O'Nill, ka thënë dje se takimi i Ligës së Kampioneve ndaj Bajernit të Mynihut është ndeshja më e rëndësishme e aventurës së tij gati katërvjeçare me klubin e Gllasgout. Sëlltiku arriti deri në finalen e Kupës UEFA sezonin e shkuar, por O'Nilli mendon se një fitore ndaj Bajernit do të ishte një arritje më e madhe. Kur u pyet nëse përballja me Bajernin është ndeshja e tij më e madhe me Sëlltikun, O'Nilli u përgjigj: "Përballja me Bajernin na jep një shanse shumë të mira për t'u kualifikuar në fazën e dytë të Ligës së Kampioneve dhe do të thosha se është ndeshja ime më e madhe. Pak vite më parë mundëm Ajaksin dhe u kualifikuam në fazën me grupe të Ligës së Kampioneve, që ishte një arritje e madhe." Lioni e kryeson grupin A me shtatë pikë, ndërsa më pas vijnë Sëlltiku , Bajerni (5) dhe Anderlehti (4).

__________________
Njeriu lind per ta jetuar jeten, pastaj kerkon magjine e saj: dashurine, pasi e gjen... jeta stoliset me miresi... miresise i falesh dhe me engjellin tend keni nje zemer te perbashket. Te dua cmendurisht engjelli im.