Inzagi: Kujdes kundërsulmet e Çelsit!

Lacio është e detyruar të bëjë disa ndryshime në repartin mbrojtës, pasi portieri Anxhelo Peruci dhe mbrojtësit Jap Stam e Masimo Odo do të mungojnë në takimin e sotëm. I dëmtuari Peruci do të zëvendësohet nga Mateo Sereni. Stami ka pësuar një dëmtim muskular, ndërsa Odo është i pezulluar, pasi mori karton të verdhë në takimin e parë ndaj Çelsit. Mbrojtësi portugez Fernando Kouto do të zëvendësojë Stamin, ndërsa Luçiano Zauri do të luajë në vendin e Odos. Lacio, që ka fituar katër pikë në tri ndeshjet e para, po kalon një formë të mirë në sulm, pasi Simone Inzagi dhe Bernardo Korradi e gjetën të dy rrugën e rrjetës në fitoren 2?1 ndaj Udinezes në Serinë A. "Duhet të tregohemi të kujdesshëm ndaj kundërsulmeve të Çelsit, sepse janë shumë të rrezikshme, - tha sulmuesi i Lacios, Simone Inzagi. - Edhe po të barazojmë, nuk do të ishte ndonjë gabim i madh, sepse mund të fitojmë dy ndeshjet e ardhshme." Argjentinasit Huan Sebastian Veron dhe Hernan Krespo shpresojnë të përballen me ish-klubin e tyre, por sulmuesi duhet të tregojë se është në formë, para se të zëvendësojë Xhimi Flojd Haselbainkun. Mesfushori francez Emanuel Pëti mbetet i dëmtuar, ndërsa Çelestin Babajaro dhe Mario Staniç nuk kanë udhëtuar për në Romë. Qendërmbrojtësi Marsel Desai ka pësuar një dëmtim në shpinë dhe është në dyshim.

Sparta me probleme në sulm

Sulmuesi i Beshiktashit, Ilhan Mansiz, duhet të rikthehet në skuadrën e Stambollit, pasi mungoi në humbjen 2?1 ndaj Spartës për shkak pezullimi. Trajneri Mirçea Luçesku shpreson që organizatori Sergen Jalcin dhe mbrojtësi Zago të jenë në dispozicion, pasi munguan në barazimin 0-0 ndaj Gallatasarait për shkak dëmtimesh. Portieri kolumbian Oskar Kordoba ka pësuar një dëmtim të vogël, por është stërvitur rregullisht me pjesën tjetër të skuadrës. Sparta, që renditet e dyta në grupin G, me katër pikë, pësoi një humbje turpëruese ndaj Zlinit në kampionatin çek. Problemet e Spartës qëndrojnë në sulm, pasi Marek Kinçl, Tomas Jun dhe Igor Glusçeviç nuk kanë shënuar asnjë gol në katër javët e fundit. Trajneri Jirzhi Kotrba duhet t'u besojë përsëri skemave të tij, duke luajtur vetëm me një sulmues. Megjithëse sulmuesit nuk janë treguar të saktë në ndeshjet e fundit, mesfusha ka dhënë një ndihmë shumë të madhe në këto ndeshje dhe kapiteni Karel Poborski është golashënuesi më i mirë evropian i skuadrës aktuale. Të dyja këto skuadra kanë pak shanse për t'u kualifikuar, pasi në grupin G ndodhen edhe Çelsi e Lacio. Por lufta është ende e hapur, sepse të katërta skuadrat ndahen vetëm me tri pikë.

Milani, në Bryzh për hakmarrje

Bryzhi, që mundi Milanin 1?0 në "San Siro" para dy javësh, ka probleme me formën e portierit Deni Verlinden dhe atë të mesfushorit Filip Klement. Një dëmtim e detyroi Verlindenin të mungonte në humbjen 2?0 ndaj Lokerenit në kampionatin belg dhe Tomislav Butina ose Stijn Stinjen do ta zëvendësojnë, nëse nuk do të jetë gati. Klementi ka pësuar një dëmtim në këmbë dhe duhet të zëvendësohet nga ukrainasi Sergei Serebrenjikov. Milani ka shkuar në Belgjikë për t'u hakmarrë për humbjen e ndeshjes së parë, por do të mungojnë sulmuesi Filipo Inzagi dhe mesfushori Serzhinjo. Sulmuesi danez Jon Dahl Tomason, i cili shënoi në barazimin 1?1 ndaj Juventusit, do të zërë vendin e Inzagit, përkrah Andrei Shevçenkos. Në mesfushë, Xhenaro Gatuzo do të kthehet pas pezullimit, ndërsa braziliani 21?vjeçar Kaka do të luajë pas dy sulmuesve. Kampionët e Evropës kanë besim se do të arrijnë ta mbrojnë titullin dhe janë gati për përballjen me Bryzhin.

Selta: Fitore ose eliminim

Selta Vigo do të mirëpresë në skuadër mbrojtësin Huanfran, i cili e ka lënë pas dëmtimin në gju. Nëse do të jetë gati, ka shumë mundësi që të luajë në mesfushë e jo në mbrojtje, ndërsa Gustavo Lopezi nuk e ka gjetur ende formën më të mirë. Trajneri Miguel Angel Lotina ka probleme të tjera me dëmtimet, pasi Eduardo Berizo ka marrë një goditje në kavilje, ndërsa Hoze Injasio do të mungojë përsëri në mesfushë, pasi është i pezulluar tri ndeshje. Selta ka hasur shumë probleme në kampionatin spanjoll dhe aktualisht renditet në vendin e 16-të. "Eshtë e vërtetë që po kalojmë një moment në vështirë në kampionat, por Liga e Kampioneve është veprimtari tjetër, - tha mbrojtësi spanjoll Serxhio Fernandez. - Ndaj Ajaksit duhet të fitojmë, sepse përndryshe do të skualifikohemi dhe do të marrim një goditje të rëndë." Trajneri i Ajaksit, Ronald Kuman, mendon se tri fitore në tri ndeshjet e fundit do t'i mjaftojnë skuadrës së tij të sigurojë kualifikimin. Holandezët kryesojnë renditjen e grupit H me gjashtë pikë. Kumani ka disa probleme me dëmtimet, pasi Jele van Dam, Stiven Pienar, Xhohn O'Brajen dhe Hatem Trabelsi nuk do të jenë në dispozicion për takimin e sotëm. Kapiteni Rafael van der Vart, i cili është i pezulluar për tri ndeshje në kampionatin holandez, është në dispozicion të trajnerit.

Champions League:

Sot 04.11.2003

Grupi E
Mançester Junajtid - Rejnxhërs
Panathinaikos - Shtutgard
Grupi F
Partizani i Beogradit - Real Madrid
Porto - Olimpik Marsejë
Grupi G
Beshiktash - Sparta Pragë
Lacio - Çelsi
Grupi H
Celta Vigo - Ajaks Amsterdam
Bryzh - Milan

Nesër 05.11.2003

Grupi A
Bajern Mynih - Lion
Sëlltik Gllazgou - Anderleht
Grupi B
Arsenal - Dinamo Kiev
Inter - Lokomotiva Moskë
Grupi C
Monako - Deportivo la Coruna
PSV Eindhoven - AEK Athinë
Grupi D
Olimpiakos - Gallatasaraj
Real Sociedat - Juventus

UEFA CHAMPIONS LEAGUE

Grupi E

Rezultatet

Panathinaikos - Stuttgart 1 - 3
60'Konstantinou
67'Fyssas (o.g.)
75'Kuranyi
77'Hinkel

Man. United - Rangers 3 - 0
6'Forlán
43', 60'Van Nistelrooij

Renditja

Stuttgart 4 Ndeshje 9 Pike
Man. United 4 '' 9 ''
Rangers 4 '' 4 ''
Panathinaikos 4 '' 1 ''

Imazhe te Ngjitura

124098_104x102.jpg (8.5 KB, 44 vezhgime)

UEFA CHAMPIONS LEAGUE

Grupi F

Rezultatet

Partizan - Real Madrid 0 - 0

Porto - Marseille 1 - 0
21'McCarthy

Renditja

Real Madrid 4 Ndeshje 10 Pike
Porto 4 '' 7 ''
Marseille 4 '' 3 ''
Partizan 4 '' 2 ''

Imazhe te Ngjitura

124112_104x102.jpg (8.4 KB, 42 vezhgime)

UEFA CHAMPIONS LEAGUE

Grupi G

Rezultatet

Besiktas - Sparta 1 - 0
82'Ronaldo Guiaro

Lazio - Chelsea 0 - 4
15'Crespo
70'Gudjohnsen
75'Duff
80'Lampard

Renditja

Chelsea 4 Ndeshje 9 Pike
Besiktas 4 '' 6 ''
Sparta 4 '' 4 ''
Lazio 4 '' 4 ''

Imazhe te Ngjitura

124096_104x102.jpg (7.3 KB, 41 vezhgime)

UEFA CHAMPIONS LEAGUE

Grupi H

Rezultatet

Club Brugge - Milan 0 - 1
86'Kaka

Celta - Ajax 3 - 2
25'Luccin (pen)
39'Milosevic
53'Sonck
63'Vagner
82'Van der Vaart

Renditja

Milan 4 Ndeshje 7 Pike
Ajax 4 '' 6 ''
Celta 4 '' 5 ''
Club Brugge 4 '' 4 ''

Imazhe te Ngjitura

124094_104x102.jpg (6.8 KB, 39 vezhgime)

CHAMPIONS LEAGUE

Grupi D

Sociedad - Juventus

Formacionet e mundshme:

Real Sociedad:
25-Vesterveld; 14-Rekarte, 7-Hauregi, 6-Shurrer, 3-Aranzabal; 4-Alonso, 18-Alkiza, 21-De Paula, 10-De Pedro;
9-Kovaçeviç, 15-Kahveçi.
Juventus:
1-Bufon; 15-Birindeli, 23-Legrotalie, 4-Montero, 7-Pesoto; 16-Kamoranezi, 26-Davids, 3-Takinardi, 11-Nedved; 9-Mikoli, 20-Di Vaio.

Juventusi, një hap larg kualifikimit
Juventusi, skuadra kampione në fuqi e Italisë, do të përpiqet të sigurojë një vend në 16-she në takimin e sotëm ndaj Sociedadit.
Dy javë pas humbjeve me rezultatin 4-2 ndaj Juventusit në Ligën e Kampioneve dhe 4-0 ndaj Atletikos së Madridit në kampionatin spanjoll, Sociedadi rifitoi pak nga morali i humbur pas barazimit 3-3 ndaj Bacelonës në fundjavë. Gjasat janë që trajneri Reinald Denua të ketë në dispozicion pjesën më të mirë të skuadrës së tij për ndeshjen e kthimit ndaj Juventusit, edhe pse pjesëmarrja e sulmuesit serb Darko Kovaçeviç është vënë në dyshim për shkak të një gripi. Kovaçeviçi, një ish-lojtar i Juventusit, gjithsesi shpreson të përballet me kampionët e Italisë në këtë takim të rëndësishëm. Trajneri i Juventusit, Marçelo Lipi, mund të mbajë në stol disa prej lojtarëve të tij më të rëndësishëm, ndër të cilët janë Devid Trezege, Lilian Turam dhe Xhanluka Zambrota. Lipi ka përdorur gjatë këtij sezoni sistemin e rotacionit, por zakonisht ka aktivizuar formacionin e tij më të mirë për ndeshjet e nivelit evropian, duke i dhënë mundësi "Juventusit B" të luajë në Serinë A. Në një kohë kur Alesandro Del Piero është ende i dëmtuar, Marko Di Vajo, shënuesi i një goli të shkëlqyer në barazimin 1-1 ndaj Milanit në ndeshjen e së shtunës së kaluar, do të luajë përkrah Fabricio Mikolit në sulm. Alesandro Birindeli, Xhanluka Pesoto, Edgar Davids dhe Antonio Konte janë të gjithë në garë për një vend në formacionin bazë.

CHAMPIONS LEAGUE

Grupi D

Olimpiakos - Gallatasarai

Olimpiakosi, pothuaj i pashpresë në Ligën e Kampioneve, do të përballet sot me Gallatasarain, që shpreson në një fitore të Juventusit ndaj Sociedadit. Skuadra greke do të ketë sot në dispozicion sulmuesin e ri Neri Kastijo, por mund ta humbasë atë në ndeshjet e ardhshme, pasi adoleshenti do të shkojë në Amerikën Latine për të luajtur me skuadrën e tij përfaqësuese, Uruguain. Zëvendësuesi i tij i zakonshëm, Alekos Tacis, ka pësuar një dëmtim të lehtë dhe mund të mos jetë në gjendje të luajë sot. Nëse nuk do të ndodhë gjë përpara takimit të sotëm ndaj Gallatasarait, trajneri i grekëve, Oleg Protasov, nuk do të ketë probleme të tjera me skuadrën e tij. Kundërshtari i tij, Fatih Terim, pritet t'i bëjë pak ndryshime ekipit të tij, që barazoi 0-0 me Beshiktashin të premten në kampionatin turk. "Një fitore është jetike për ne,- tha Terimi.- Ne do të luajmë në një terren ku atmosfera do të jetë shumë armiqësore dhe njëkohësisht do të shpresojmë në një fitore të Juventusit." Sulmuesit rumun të Gallatasarait, Florin Bratus, nuk i lejohet të luajë në Evropë dhe do të zëvendësohet nga Hasan Shash, i cili do të mbështetet nga golashënuesi turk Hakan Shukur, i cili do të luajë, edhe pse ka pësuar një dëmtim të lehtë. Sulmuesi Umit Karan dhe mesfushori Volkan Arslan janë në listën e lojtarëve të dëmtuar.

Kahn: Duhet fitore, jo fjalë

Bajerni ka disa probleme me dëmtimet dhe mesfushori Sebastian Daizler ka shumë pak shanse që të luajë. "Daizleri do të luajë vetëm po të ndodhë një mrekulli," - tha trajneri Otmar Hitcfeld. Mesfushori anglez Ouen Hargrivs do të mungojë përsëri, ndërsa mbrojtësi francez Uilli Sanjol, i cili është operuar në gju gjashtë javë më parë, luajti me skuadrën e amatorëve në fundjavë. Trajneri Hitcfeld ka thënë se Sanjoli nuk ka ndier dhimbje dhe mund të luajë ndaj Lionit. Bajerni po kalon një moment shumë të vështirë, sepse është mundur 2-0 nga Shalke 0-4 në Bundesligë dhe fitoi vetëm me penallti ndaj Nurembergut në Kupën e Gjermanisë. Sipas kapitenit Oliver Kahn, Bajernit nuk i duhen fjalët, por fitorja në takimin e sotëm. "Fjalë ka gjithmonë, por ne nuk jemi shoqëri debatuese, jemi një skuadër futbolli, - tha portieri i Gjermanisë. - Në të shkuarën kemi treguar se kishim dëshirë për të fituar. Duhet ta rigjejmë atë dëshirë." Sulmuesi i Lionit, Sidni Govu, ka pak shanse që të luajë, pasi mori një goditje të rëndë në fitoren e thellë 5-0 ndaj Nisës në kampionatin francez. Mbrojtësi Erik Deflandre dhe sulmuesi Julien Viale janë të dëmtuar, ndërsa mbrojtësi brazilian Klaudi Kakapa është rikthyer në skuadër pas pesë javësh mungese për shkak dëmtimi.

Sëlltik - Anderleht

Trajnerit të Sëlltikut, Martin O'Nill, i mungojnë mesfushorët Alan Tompson dhe Pol Lambert, por ai ka mundësi që të hedhë në fushë një formacion të fortë. Mesfushori irlandez Liam Miler, i cili shënoi një gol në fitoren 2-0 ndaj Lionit, është në dispozicion, megjithëse u dëmtua lehtë në fitoren 5-0 ndaj Kilmarnokut në kampionatin skocez. O'Nilli mendon se takimi i sotëm ndaj Anderlehtit do të jetë shumë i rëndësishëm për shanset e skuadrës së tij për t'u kualifikuar. "Duhet të fitojmë, edhe pse barazimi nuk do të ishte tragjik, - tha trajneri i Sëlltikut. - Nëse humbasim, shanset tona për t'u kualifikuar do të jenë shumë të vogla. Duhet të fitojmë, megjithëse grupi është ende i hapur, dhe duhet të luajmë mirë, si në ndeshjen ndaj Lionit. Ne nuk kemi arritur të fitojmë ngaqë kemi luajtur dobët, gjë që skuadrat e mëdha e bëjnë shpesh. Ndaj Anderlehtit humbëm, sepse nuk luajtëm mirë." Anderlehtit, që kryeson me tetë pikë epërsi në renditjen e kampionatit belg, do t'i mungojë mbrojtësi Glen De Buk, i cili është i pezulluar pas kartonit të kuq të marrë në takimin e parë ndaj Sëlltikut. Finlandezi Hanu Tihinen duhet ta fitojë garën me Aleksander Iliçin për një vend në mbrojtje.

Arsenal - Dinamo Kiev

Arsenalit do t'i mungojë kapiteni Patrik Viera për shkak të një problemi muskular, ndërsa mbrojtësi Martin Kiun ka një problem në pulpën e këmbës. Denis Bergkamp, i cili mungoi në ndeshjen e parë, pasi ka frikë nga udhëtimet me aeroplan, do të jetë në duel me Silvain Viltordin për një vend në formacion. Trajneri Arsen Venger ka paralajmëruar skuadrën e tij që të mos bjerë pre e nervave në përballjen me Dinamon e Kievit. Arsenalit i duhet të fitojë në "Highbury" për të mbajtur gjallë shpresat për kualifikim, sepse aktualisht renditet i fundit, me një pikë. Edhe pse vetë Vengeri është i qetë, ai e di mirë trysninë që ushtrohet ndaj skuadrës së tij, që ka fituar vetëm një herë në 12 ndeshjet e fundit të Ligës së Kampioneve. "Eshtë shumë e rëndësishme që të mos biem pre e nervave dhe të mos ndihemi nën trysni, - tha Vengeri. - Duhet të përqendrohemi te cilësia e paraqitjeve tona. Nuk ka rëndësi sesa e rëndësishme është ndeshja e sotme, e rëndësishme është të luajmë mirë." Trajneri francez është i shqetësuar nga forma e skuadrës së tij në Evropës, sepse "topçinjtë" kryesojnë renditjen në Premier Ligë. "Mendoj se kemi qenë të pafatë në shumicën e ndeshjeve të Ligës së Kampioneve, - tha Vengeri. - Na takon neve të jemi të qëndrueshëm dhe të përmbysim gjithçka." Dinamoja shkon në Londër pas pesë fitoresh radhazi. Skuadrës ukrainase do t'i mungojë mbrojtësi Juri Dmitrulin, ndërsa Andrei Nesmaçni është në dispozicion të trajnerit.